Stotra · Rāma
रामद्वादशनामस्तोत्रम्
Rāmadvādaśanāmastotram
About this stotra
Twelve names of Śrī Rāma, taught by Śiva, from the Skanda Purāṇa, in the Anuṣṭubh metre.Script
प्रथमं श्रीधरं विद्याद् द्वितीयं रघुनायकम्।
तृतीयं रामचन्द्रं च चतुर्थं रावणान्तकम्॥१॥
पञ्चमं लोकपूज्यं च षष्ठमं जानकीपतिम्।
सप्तमं वासुदेवं च श्रीरामं चाष्टमं तथा॥२॥
नवमं जलदश्यामं दशमं लक्ष्मणाग्रजम्।
एकादशं च गोविन्दं द्वादशं सेतुबन्धनम्॥३॥
द्वादशैतानि नामानि यः पठेछ्रद्धयान्वितः।
अर्धरात्रे तु द्वादश्यां कुष्ठदारिद्र्यनाशनम्॥४॥
अरण्ये चैव सङ्ग्रामे अग्नौ भयनिवारणम्।
ब्रह्महत्या सुरापानं गोहत्यादि निवारणम्॥५॥
सप्तवारं पठेन्नित्यं सर्वारिष्टनिवारणम्।
ग्रहणे च जले स्थित्वा नदीतीरे विशेषतः।
अश्वमेधशतं पुण्यं ब्रह्मलोकं गमिष्यति॥६॥
॥इति श्री-स्कान्दपुराणे उत्तरखण्डे श्री-उमामहेश्वरसंवादे श्री-रामद्वादशनामस्तोत्रं सम्पूर्णम्॥