Purti on Stotra Samhita

क्षमा प्रार्थना

Mon, 01 Jan 0001 00:00:00 +0000

Prarthana

क्षमा प्रार्थना

अपराधसहस्राणि क्रियन्तेऽहर्निशं मया।

तानि सर्वाणि हे देव क्षमस्व पुरुषोत्तम॥

करचरणकृतं वाक्कायजं कर्मजं वा
श्रवणनयनजं वा मानसं वाऽपराधम्।
विहितमविहितं वा सर्वमेतत् क्षमस्व
जय जय करुणाब्धे श्रीमहादेव शम्भो॥

यदक्षरपदभ्रष्टं मात्राहीनं तु यद् भवेत्।

तत् सर्वं क्षम्यतां देव नारायण नमोऽस्तुते॥

विसर्गबिन्दुमात्राश्च पदपादाक्षराणि च।

न्यूनानि चातिरिक्तानि क्षमस्व पुरुषोत्तम॥

यज्ञेशाच्युत गोविन्द माधवानन्त केशव।

कृष्ण विष्णो हृषीकेश वासुदेव नमोऽस्तुते॥

कायेन वाचा मनसेन्द्रियैर्वा
बुद्‌ध्याऽऽत्मना वा प्रकृतेः स्वभावात्।
करोमि यद्यत् सकलं परस्मै
नारायणायेति समर्पयामि॥

सर्वे भवन्तु सुखिनः सर्वे सन्तु निरामयाः।

सर्वे भद्राणि पश्यन्तु मा कश्चिद्दुःखभाग् भवेत्॥

सर्वं श्री-कृष्णार्पणमस्तु॥

वन्दे मातरम्

Mon, 01 Jan 0001 00:00:00 +0000

वन्दे मातरम्

सुजलां सुफलां मलयजशीतलाम्
शस्यश्यामलां मातरम्।
शुभ्र-ज्योत्स्नाम् पुलकित-यामिनीम्
फुल्ल-कुसुमित-द्रुमदलशोभिनीम्।
सुहासिनीं सुमधुरभाषिणीम्
सुखदां वरदां मातरम्॥
सप्तकोटि कण्ठ-कलकल-निनाद-कराले
निसप्तकोटि-भुजैर्धृत-खरकरवाले
के बोले मा तुमी अबले
बहुबलधारिणीं नमामि तारिणीम्
रिपुदलवारिणीं मातरम्॥
तुमि विद्या तुमि धर्म तुमि हृदि तुमि मर्म।
त्वं हि प्राणाः शरीरे बाहु ते तुमि मा शक्ति।
हृदये तुमि मा भक्ति
तोमारै प्रतिमा गडि मन्दिरे मन्दिरे॥
त्वं हि दुर्गा दशप्रहरणधारिणी
कमला कमलदल विहारिणी
वाणी विद्यादायिनी नमामि त्वाम्
नमामि कमलाम् अमलाम् अतुलाम्
सुजलां सुफलां मातरम्॥
श्यामलां सरलां सुस्मितां भूषिताम्
धरणीं भरणीं मातरम्॥

PDF:A5 / print Kindle Kindle Scribe