Stotra · Kṛṣṇa
अक्रूरकृत-दशावतारस्तुतिः
Akrūrakṛta-daśāvatārastutiḥ
About this stotra
From the Śrīmad Bhāgavatam (Skandha 10, Adhyāya 40). Kaṃsa has sent Akrūra to Vraja to bring Kṛṣṇa and Balarāma to Mathurā. On the way back, Akrūra stops at the Yamunā for his midday bath, and under the water he sees the two boys; looking again, he sees Viṣṇu reclining on Ādiśeṣa, attended by sages and devas. Overwhelmed, he praises the Lord, and in these six verses he salutes Him in each of His avatāras, from Matsya to Kalki.Script
नमः कारणमत्स्याय प्रलयाब्धिचराय च।
हयशीर्ष्णे नमस्तुभ्यं मधुकैटभमृत्यवे॥१॥
अकूपाराय बृहते नमो मन्दरधारिणे।
क्षित्युद्धारविहाराय नमः शूकरमूर्तये॥२॥
नमस्तेऽद्भुतसिंहाय साधुलोकभयापह।
वामनाय नमस्तुभ्यं क्रान्तत्रिभुवनाय च॥३॥
नमो भृगूणां पतये दृप्तक्षत्रवनच्छिदे।
नमस्ते रघुवर्याय रावणान्तकराय च॥४॥
नमस्ते वासुदेवाय नमः सङ्कर्षणाय च।
प्रद्युम्नायानिरुद्धाय सात्वतां पतये नमः॥५॥
नमो बुद्धाय शुद्धाय दैत्यदानवमोहिने।
म्लेच्छप्रायक्षत्रहन्त्रे नमस्ते कल्किरूपिणे॥६॥
॥इति श्रीमद्भागवते महापुराणे दशमस्कन्धे चत्वारिंशेऽध्याये श्री-अक्रूरकृत दशावतारस्तुतिः सम्पूर्णा॥