स्तोत्रसंहिता on StotraSamhita

ब्रह्मपारस्तोत्रम्

Sun, 21 May 2023 00:00:00 +0000

ब्रह्मपारस्तोत्रम्

प्रचेतस ऊचुः

ब्रह्मपारं मुने श्रोतुमिच्छामः परमं स्तवम्।

जपता कण्डुना देवो येनाऽऽराध्यत केशवः॥५४॥

सोम उवाच

पारं परं विष्णुरपारपारः
परः परेभ्यः परमार्थरूपी।
स ब्रह्मपारः परपारभूतः
परः पराणामपि पारपारः॥५५॥

स कारणं कारणतस्ततोऽपि
तस्यापि हेतुः परहेतुहेतुः।
कार्येषु चैवं सह कर्मकर्तृ-
रूपैरशेषैरवतीह सर्वम्॥५६॥

ब्रह्म प्रभुर्ब्रह्म स सर्वभूतो
ब्रह्म प्रजानां पतिरच्युतोऽसौ।
ब्रह्माव्ययं नित्यमजं स विष्णुः
अपक्षयाद्यैरखिलैरसङ्गिः॥५७॥

ब्रह्माक्षरमजं नित्यं यथाऽसौ पुरुषोत्तमः।

तथा रागादयो दोषाः प्रयान्तु प्रशमं मम॥५८॥

एतद् ब्रह्मपराख्यं वै संस्तवं परमं जपन्।

अवाप परमां सिद्धिं समाराध्य स केशवम्॥५९॥

इमं स्तवं यः पठति शृणुयाद् वाऽपि नित्यशः।

स कामदोषैरखिलैर्मुक्तः प्राप्नोति वाञ्छितम्॥

॥इति श्रीविष्णुपुराणे प्रथमेंऽशे पञ्चदशोऽध्याये ब्रह्मपारस्तोत्रं सम्पूर्णम्॥

श्रीकाञ्चीकामकोटिपीठजगद्गुरुपरम्परास्तवः

Sun, 18 Apr 2021 00:00:00 +0000

श्रीकाञ्चीकामकोटिपीठजगद्गुरुपरम्परास्तवः

(पञ्चषष्टितमैः पीठाधिपतिभिः श्रीमत्सुदर्शनमहादेवेन्द्रसरस्वतीश्रीचरणैः प्रणीतः)

नारायणं पद्मभुवं वसिष्ठं
शक्तिं च तत्पुत्रपराशरं च।
व्यासं शुकं गौडपदं महान्तं
गोविन्दयोगीन्द्रमथास्य शिष्यम्॥१॥

श्रीशङ्कराचार्यमथास्य पद्मपादं च हस्तामलकं च शिष्यम्।

तं तोटकं वार्तिककारमन्यान् अस्मद्गुरून् सन्ततमानतोऽस्मि॥२॥

सदाशिवसमारम्भां शङ्कराचार्यमध्यमाम्।

अस्मदाचार्यपर्यन्तां वन्दे गुरुपरम्पराम्॥३॥

सर्वतन्त्रस्वतन्त्राय सदाऽऽत्माद्वैतवेदिने।

श्रीमते शङ्करार्याय वेदान्तगुरवे नमः॥४॥

अविप्लुतब्रह्मचर्यान् अन्वितेन्द्रसरस्वतीन्।

आत्तमिथ्यावारपथान् अद्वैताचार्यसङ्कथान्॥५॥

आसेतुहिमवच्छैलं सदाचारप्रवर्तकान्।

जगद्गुरून् स्तुमः काञ्चीशारदामठसंश्रयान्॥६॥

पवित्रितेतराद्वैतमठपीठीशिरोभुवे।

श्रीकाञ्चीशारदापीठगुरवे भवभीरवे॥७॥

वार्तिकादिब्रह्मविद्याकर्त्रे ब्रह्मावतारिणे।

सुरेश्वराचार्यनाम्ने योगीन्द्राय नमो नमः॥८॥

अपोऽश्नन्नेव जैनान् य आप्राग्ज्योतिषमाच्छिनत्।

शिशुमाचार्यवाग्वेणीरयरोधिमहोबलम्॥९॥

सङ्क्षेपशारीरमुखप्रबन्धविवृताद्वयम्।

ब्रह्मस्वरूपार्यभाष्यशान्त्याचार्यकपण्डितम्॥१०॥

सर्वज्ञचन्द्रनाम्ना च सर्वतो भुवि विश्रुतम्।

सर्वज्ञसद्गुरुं वन्दे सर्वज्ञमिव भूगतम्॥११॥

मेधाविनं सत्यबोधं व्याधूतविमतोच्चयम्।

प्राच्यभाष्यत्रयव्याख्याप्रवीणं प्रभुमाश्रये॥१२॥

ज्ञानानन्दमुनीन्द्रार्यं ज्ञानोत्तमपराभिधम्।

चन्द्रचूडपदासक्तं चन्द्रिकाकृतमाश्रये॥१३॥

शुद्धानन्दमुनीन्द्राणां विद्धार्हतमतत्विषाम्।

आनन्दज्ञानसेव्यानाम् आलम्बे चरणाम्बुजम्॥१४॥

सर्वशाङ्करभाष्यौघभाष्यकर्तारमद्वयम्।

सर्ववार्तिकसद्वृत्तिकृतं श्रीशैलगं भजे॥१५॥

कैवल्यानन्दयोगीन्द्रान् केवलं राजयोगिनः।

कैवल्यमात्रनिरतान् कलयेम जगद्गुरून्॥१६॥

श्रीकृपाशङ्करार्याणां मर्यादातीततेजसाम्।

षण्मताचार्यकजुषाम् अङ्घ्रिद्वन्द्वमहं श्रये॥१७॥

महिष्ठाय नमस्तस्मै महादेवाय योगिने।

सुरेश्वरापराख्याय गुरवे दोषभीरवे॥१८॥

स्तुमः सदा शिवानन्दचिद्घनेन्द्रसरस्वतीन्।

कामाक्षीचन्द्रमौल्यर्चाकलनैकलसन्मतीन्॥१९॥

सार्वभौमाभिधमहाव्रतचर्यापरायणान्।

वन्दे जगद्गुरूंश्चन्द्रशेखरेन्द्रसरस्वतीन्॥२०॥

समाद्वात्रिंशदत्युग्रकाष्ठमौनसमाश्रयान्।

जितमृत्यून् महालिङ्गभूतान् सच्चिद्घनान् नुमः॥२१॥

महाभैरवदुस्तन्त्रदुर्दान्तध्वान्तभास्करान्।

विद्याघनान् नमस्यामि सर्वविद्याविचक्षणान्॥२२॥

आचार्यपदपाथोजपरिचर्यापरायणम्।

गङ्गाधरं नमस्यामः सदा गङ्गाधरार्चकम्॥२३॥

जगज्जयिसुसौराष्ट्रजरदृष्टिमदापहान्।

शकसिल्हकदर्पघ्नान् ईडीमहि महायतीन्॥२४॥

चतुस्समुद्रीक्रोडस्थवर्णाश्रमविचारकान्।

श्रितविप्रव्रजस्कन्धसुवर्णान्दोलिकाचरान्॥२५॥

प्रत्यहं ब्रह्मसाहस्रसन्तर्पणधृतव्रतान्।

सदाशिवसमाह्वानान् स्मरामः सद्गुरून् सदा॥२६॥

मायालोकायतीभूतबृहस्पतिमदापहान्।

वन्दे सुरेन्द्रवन्द्याङ्घ्रीन् श्रीसुरेन्द्रसरस्वतीन्॥२७॥

श्रीविद्याकरुणालब्धब्रह्मविद्याहृतामयान्।

वन्दे वशंवदप्राणान् मुनीन् विद्याघनान् मुहुः॥२८॥

विद्याघनकृपालब्धसर्ववेदान्तविस्तरम्।

कौतस्कुतोत्पातकेतुं निश्शङ्कं नौमि शङ्करम्॥२९॥

चन्द्रचूडपदध्यानप्राप्तानन्दमहोदधीन्।

यतीन्द्रांश्चन्द्रचूडेन्द्रान् स्मरामि मनसा सदा॥३०॥

नमामि परिपूर्णश्रीबोधान् ग्रावाभिलापकान्।

यदीक्षणात् पलायन्त प्राणिनामामयाधयः॥३१॥

सच्चित्सुखान् प्रपद्येऽहं सुखम् आप्तगुहास्थितीन्।

चित्सुखाचार्यमीडेऽहं सत्सुखं कोङ्कणाश्रयम्॥३२॥

भजे श्रीसच्चिदानन्दघनेन्द्रान् रससाधनात्।

लिङ्गात्मना परिणतान् प्रभासे योगसंश्रिते॥३३॥

भगवत्पादपादाब्जासक्तिनिर्णिक्तमानसान्।

प्रज्ञाघनं चिद्विलासं महादेवं च मैथिलम्॥३४॥

पूर्णबोधं च बोधं च भक्तियोगप्रवर्तकम्।

ब्रह्मानन्दघनेन्द्रं च नमामि नियतात्मनः॥३५॥

चिदानन्दघनेन्द्राणां लम्बिकायोगसेविनाम्।

जीर्णपर्णाशिनां पादौ प्रपद्ये मनसा सदा॥३६॥

सच्चिदानन्दनामानं शिवार्चनपरायणम्।

भाषापञ्चदशीप्राज्ञं भावयामि सदा मुदा॥३७॥

भूप्रदक्षिणकर्मैकसक्तं श्रीचन्द्रशेखरम्।

त्रातदावाग्निसन्दग्धकिशोरकमुपास्महे॥३८॥

चित्सुखेन्द्रं सुखेनैव क्रान्तसह्यगुहागृहम्।

कामरूपचरं नानारूपवन्तमुपास्महे॥३९॥

निर्दोषसंयमधरान् चित्सुखानन्दतापसान्।

विद्याघनेन्द्रान् श्रीविद्यावशीकृतजनान् स्तुमः॥४०॥

शङ्करेन्द्रयतीन्द्राणां पादुके ब्रह्मसम्भृते।

नमामि शिरसा याभ्यां त्रीन् लोकान् व्यचरन्मुनिः॥४१॥

सच्चिद्विलासयोगीन्द्रं महादेवेन्द्रमुज्ज्वलम्।

गङ्गाधरेन्द्रमप्येतान् नौमि वादिशिरोमणीन्॥४२॥

ब्रह्मानन्दघनेन्द्राख्यांस्तथाऽऽनन्दघनान् अपि।

पूर्णबोधमहर्षींश्च ज्ञाननिष्ठानुपास्महे॥४३॥

वृत्त्याऽऽजगर्या श्रीशैलगुहागृहकृतस्थितीन्।

श्रीमत्परशिवाभिख्यान् सर्वातीतान् श्रये सदा॥४४॥

अन्योन्यसदृशान्योन्यौ बोधश्रीचन्द्रशेखरौ।

प्रणवोपासनासक्तमानसौ मनसा श्रये॥४५॥

मुक्तिलिङ्गार्चनानन्दविस्मृताशेषवृत्तये।

चिदम्बररहस्यन्तर्लीनदेहाय योगिने॥४६॥

अद्वैतानन्दसाम्राज्यविद्रुताशेषपाप्मने।

अद्वैतानन्दबोधाय नमो ब्रह्म समीयुषे॥४७॥

श्रये महादेवचन्द्रशेखरेन्द्रमहामुनी।

महाव्रतसमारब्धकोटिहोमान्तगामिनौ॥४८॥

विद्यातीर्थसमाह्वानान् श्रीविद्यानाथयोगिनः।

विद्यया शङ्करप्रख्यान् विद्यारण्यगुरून् भजे॥४९॥

सच्चिद्घनेन्द्रान् अद्वैतब्रह्मानन्दमुनीनपि।

सान्द्रानन्दयतीन्द्रांश्च तथाप्यद्वैतशेवधीन्॥५०॥

महादेवशिवाद्वैतसुखानन्दयतीश्वरौ।

मनसा भावये नित्यं महासंयमधारिणौ॥५१॥

वीक्षणात् सर्वभूतानां विषव्याधिनिबर्हणम्।

शिवयोगीश्वरं साक्षाच्चिन्तयामि सदा मुदा॥५२॥

प्रत्यग्ज्योतिःप्रकाशेन्द्रान् प्रत्यग्ज्योतिरुपासिनः।

न्यक्कृताशेषदुस्तर्ककार्कश्यान् सततं स्तुमः॥५३॥

शङ्करानन्दयोगीन्द्रपदपङ्कजयोर्युगम्।

बुक्कभूपशिरोरत्नं स्मरामि सततं हृदा॥५४॥

श्रीपूर्णानन्दमौनीन्द्रं नेपालनृपदेशिकम्।

अव्याहतस्वसञ्चारं संश्रयामि जगद्गुरुम्॥५५॥

महादेवश्च तच्छिष्यश्चन्द्रशेखरयोग्यपि।

स्तां मे हृदि सदा धीरावद्वैतमतदेशिकौ॥५६॥

प्रवीरसेतुभूपालसेविताङ्घ्रिसरोरुहान्।

भजे सदाशिवेन्द्रश्रीबोधेश्वरगुरून् सदा॥५७॥

सदाशिवश्रीब्रह्मेन्द्रधृतस्वपदपादुकान्।

धीरान् परशिवेन्द्रार्यान् ध्यायामि सततं हृदि॥५८॥

आत्मबोधयतीन्द्राणाम् आशीताचलचारिणाम्।

अन्यश्रीशङ्कराचार्यधीकृतामङ्घ्रिमाश्रये॥५९॥

भगवन्नामसाम्राज्यलक्ष्मीसर्वस्वविग्रहान्।

श्रीमद् बोधेन्द्रयोगीन्द्रदेशिकेन्द्रानुपास्महे॥६०॥

अद्वैतात्मप्रकाशाय सर्वशास्त्रार्थवेदिने।

विधूतसर्वभेदाय नमो विश्वातिशायिने॥६१॥

आ सप्तमाज्जीर्णपर्णजलवातारुणांशुभिः।

कृतस्वप्राणयात्राय महादेवाय सन्नतिः॥६२॥

चोलकेरलचेरौड्रपाण्ड्यकर्णाटकोङ्कणान्।

महाराष्ट्रान्ध्रसौराष्ट्रमगधादींश्च भूभुजः॥६३॥

शिष्यान् आसेतुशीताद्रि शासते पुण्यकर्मणे।

श्रीचन्द्रशेखरेन्द्राय जगतो गुरवे नमः॥६४॥

निष्पापवृत्तये नित्यनिर्धूतभवकॢप्तये।

महादेवाय सततं नमोऽस्तु नतरक्षिणे॥६५॥

श्रीविद्योपासनादार्ढ्यवशीकृतचराचरान्।

श्रीचन्द्रशेखरेन्द्रार्यान् शङ्करप्रतिमान् नुमः॥६६॥

श्रीकाञ्चीशारदापीठसंस्थितानाम् इमां क्रमात्।

स्तुतिं जगद्गुरूणां यः पठेत् स सुखभाग् भवेत्॥६७॥

॥परिशिष्टम् - १॥

(अत्र १-४ पद्यानि पोलहग्रामाभिजनैः श्रीरामशास्त्रिभिः प्रकाशितानि। ५ पद्यं नवषष्टितमैः पीठाधिपतिभिः श्रीमज्जयेन्द्रसरस्वतीश्रीपादैः रचितम्। ६-७ पद्ये शिमिलिग्रामाभिजनैः राधाकृष्णशास्त्रिभिः विरचिते।)

गङ्गादशहरास्तोत्रम्

Sat, 29 Jun 2019 00:00:00 +0000

गङ्गादशहरास्तोत्रम्

ब्रह्मोवाच

नमः शिवायै गङ्गायै शिवदायै नमो नमः।

नमस्ते रुद्ररूपिण्यै शाङ्कर्यै ते नमो नमः॥१॥

नमस्ते विश्वरूपिण्यै ब्रह्ममूर्त्यै नमो नमः।

सर्वदेवस्वरूपिण्यै नमो भेषजमूर्तये॥२॥

सर्वस्य सर्वव्याधीनां भिषक्-श्रेष्ठे नमोऽस्तु ते।

स्थाणुजङ्गमसम्भूतविषहन्त्र्यै नमो नमः॥३॥

भोगोपभोगदायिन्यै भोगवत्यै नमो नमः।

मन्दाकिन्यै नमस्तेऽस्तु स्वर्गदायै नमो नमः॥४॥

नमस्त्रैलोक्यभूषायै जगद्धात्र्यै नमो नमः।

नमः त्रिशुक्लसंस्थायै तेजोवत्यै नमो नमः॥५॥

नन्दायै लिङ्गधारिण्यै नारायण्यै नमो नमः।

नमस्ते विश्वमुख्यायै रेवत्यै ते नमो नमः॥६॥

बृहत्यै ते नमस्तेऽस्तु लोकधात्र्यै नमो नमः।

नमस्ते विश्वमित्रायै नन्दिन्यै ते नमो नमः॥७॥

पृथ्व्यै शिवामृतायै च सुवृषायै नमो नमः।

शान्तायै च वरिष्ठायै वरदायै नमो नमः॥८॥

उस्रायै सुखदोग्ध्र्यै च सञ्जीविन्यै नमो नमः।

ब्रह्मिष्ठायै ब्रह्मदायै दुरितघ्न्यै नमो नमः॥९॥

प्रणतार्तिप्रभञ्जिन्यै जगन्मात्रे नमोऽस्तु ते।

सर्वापत्प्रतिपक्षायै मङ्गलायै नमो नमः॥१०॥

शरणागतदीनार्तपरित्राणपरायणे।

सर्वस्यार्तिहरे देवि नारायणि नमोऽस्तुते॥११॥

निर्लेपायै दुर्गहन्त्र्यै दक्षायै ते नमो नमः।

परात्परतरे तुभ्यं नमस्ते मोक्षदे सदा॥१२॥

गङ्गे ममाग्रतो भूया गङ्गे मे देवि पृष्ठतः।

गङ्गे मे पार्श्वयोरेहि त्वयि गङ्गेऽस्तु मे स्थितिः॥१३॥

आदौ त्वमन्ते मध्ये च सर्वं त्वं गां गते शुभे।
त्वमेव मूलप्रकृतिस्त्वं हि नारायणः परः।
गङ्गे त्वं परमात्मा च शिवस्तुभ्यं नमः शिवे॥१४॥

य इदं पठति स्तोत्रं भक्त्या नित्यं नरोऽपि यः।

शृणुयाच्छ्रद्धया युक्तः कायवाक्चित्तसम्भवैः॥१५॥

दशधा संस्थितैर्दोषैः सर्वैरेव प्रमुच्यते।

सर्वान्कामानवाप्नोति प्रेत्य ब्रह्मणि लीयते॥१६॥

ज्येष्ठे मासि सिते पक्षे दशमी हस्तसंयुता।

तस्यां दशम्यामेतच्च स्तोत्रं गङ्गाजले स्थितः॥१७॥

यः पठेद्दशकृत्वस्तु दरिद्रो वाऽपि चाक्षमः।

सोऽपि तत्फलमाप्नोति गङ्गां सम्पूज्य यत्नतः॥१८॥

अदत्तानामुपादानं हिंसा चैवाविधानतः।

परदारोपसेवा च कायिकं त्रिविधं स्मृतम्॥१९॥

पारुष्यमनृतं चैव पैशुन्यं चापि सर्वशः।

असम्बद्धप्रलापश्च वाङ्मयं स्याच्चतुर्विधम्॥२०॥

परद्रव्येष्वभिध्यानं मनसाऽनिष्टचिन्तनम्।

वितथाभिनिवेशश्च मानसं त्रिविधं स्मृतम्॥२१॥

एतानि दश पापानि हर त्वं मम जाह्नवि।

दशपापहरा यस्मात्तस्माद् दशहरा स्मृता॥२२॥

त्रयस्त्रिंशच्छतं पूर्वान् पितॄनथ पितामहान्।

उद्धरत्येव संसारान्मन्त्रेणानेन पूजिता॥२३॥

नमो भगवत्यै दशपापहरायै गङ्गायै नारायण्यै रेवत्यै
शिवायै दक्षायै अमृतायै विश्वरूपिण्यै नन्दिन्यै ते नमो नमः॥

अगस्त्यद्वारा रामस्वरूपकथनम्

Fri, 29 Dec 2017 00:00:00 +0000

अगस्त्यद्वारा रामस्वरूपकथनम्

अगस्त्य उवाच

भवान्नारायणः साक्षाज्जगतामादिकृद्विभुः।

त्वत्स्वरूपमिदं सर्वं जगत् स्थावरजङ्गमम्॥६३॥

त्वन्नाभिकमलोत्पन्नो ब्रह्मा लोकपितामहः।

अग्निस्ते मुखतो जातो वाचा सह रघूत्तम॥६४॥

बाहुभ्यां लोकपालौघाश्चक्षुर्भ्यां चन्द्रभास्करौ।

दिशश्च विदिशश्चैव कर्णाभ्यां ते समुत्थिताः॥६५॥

घ्राणात्प्राणः समुत्पन्नश्चाश्विनौ देवसत्तमौ।

जङ्घाजानूरुजघनाद्भुवर्लोकादयोऽभवन्॥६६॥

कुक्षिदेशात् समुत्पन्नाश्चत्वारः सागरा हरे।

स्तनाभ्यामिन्द्रवरुणौ वालखिल्याश्च रेतसः॥६७॥

मेढ्राद्यमो गुदान्मृत्युर्मन्यो रुद्रस्त्रिलोचनः।

अस्थिभ्यः पर्वता जाताः केशेभ्यो मेघसंहतिः॥६८॥

ओषध्यस्तव रोमेभ्यो नखेभ्यश्च खरादयः।

त्वं विश्वरूपः पुरुषो मायाशक्तिसमन्वितः॥६९॥

नानारूप इवाऽऽभासि गुणव्यतिकरे सति।

त्वामाश्रित्यैव विबुधाः पिबन्त्यमृतमध्वरे॥७०॥

त्वया सृष्टमिदं सर्वं विश्वं स्थावरजङ्गमम्।

त्वामाश्रित्यैव जीवन्ति सर्वे स्थावरजङ्गमाः॥७१॥

त्वद्युक्तमखिलं वस्तु व्यवहारेऽपि राघव।

क्षीरमध्यगतं सर्पिर्यथा व्याप्याखिलं पयः॥७२॥

त्वद्भासा भासतेऽर्कादि न त्वं तेनावभाससे।

सर्वगं नित्यमेकं त्वां ज्ञानचक्षुर्विलोकयेत्॥७३॥

नाज्ञानचक्षुस्त्वां पश्येदन्धदृग् भास्करं यथा।

योगिनस्त्वां विचिन्वन्ति स्वदेहे परमेश्वरम्॥७४॥

अतन्निरसनमुखैर्वेदशीर्षैरहर्निशम्।

त्वत्पादभक्तिलेशेन गृहीता यदि योगिनः॥७५॥

विचिन्वन्तो हि पश्यन्ति चिन्मात्रं त्वां न चान्यथा।
मया प्रलपितं किञ्चित् सर्वज्ञस्य तवाग्रतः।
क्षन्तुमर्हसि देवेश तवानुग्रहभागहम्॥७६॥

दिग्देशकालपरिहीनमनन्यमेकं
चिन्मात्रमक्षरमजं चलनादिहीनम्।
सर्वज्ञमीश्वरमनन्तगुणं व्युदस्त-
मायं भजे रघुपतिं भजतामभिन्नम्॥७७॥

॥इति श्रीमदध्यात्मरामायणे उमामहेश्वरसंवादे उत्तरकाण्डे द्वितीये सर्गे
अगस्त्यद्वारा रामस्वरूपकथनं सम्पूर्णम्॥

अच्युताष्टकम्

Thu, 10 Jul 2014 00:00:00 +0000

Ashtakam

अच्युताष्टकम्

अच्युतं केशवं राम-नारायणं
कृष्ण-दामोदरं वासुदेवं हरिम्।
श्रीधरं माधवं गोपिकावल्लभं
जानकीनायकं रामचन्द्रं भजे॥१॥

अच्युतं केशवं सत्यभामाधवं
माधवं श्रीधरं राधिकाराधितम्।
इन्दिरा मन्दिरं चेतसा सुन्दरं
देवकीनन्दनं नन्दनं सन्दधे॥२॥

विष्णवे जिष्णवे शङ्खिने चक्रिणे
रुक्मिणी-रागिने जानकी-जानये।
वल्लवी-वल्लभायाऽर्चितायात्मने
कंस-विध्वंसिने वंशिने ते नमः॥३॥

कृष्ण गोविन्द हे राम नारायण
श्रीपते वासुदेवार्जित-श्रीनिधे।
अच्युतानन्त हे माधवाधोक्षज
द्वारका-नायक द्रौपदी-रक्षक॥४॥

राक्षसक्षोभितः सीतया शोभितो
दण्डकारण्य-भू-पुण्यता-कारणः।
लक्ष्मणेनान्वितो वानरैः सेवितो-
ऽगस्त्यसम्पूजितो राघवः पातु माम्॥५॥

धेनुकारिष्टकोऽनिष्टकृद् द्वेषिणां
केशिहा कंसहृद् वंशिकावादकः।
पूतनाकोपकः सूरजा-खेलनो
बाल-गोपालकः पातु मां सर्वदा॥६॥

विद्युदाद्योतवान् प्रस्फुरद्वाससं
प्रावृडम्भोदवत् प्रोल्लसद्विग्रहम्।
वन्यया मालया शोभितोरस्थलं
लोहिताङ्घ्रिद्वयं वारिजाक्षं भजे॥७॥

कुञ्चितैः कुन्तलैर्भ्राजिमानाननं
रत्नमौलिं लसत् कुण्डलं गण्डयोः।
हारकेयूरकं कङ्कण-प्रोज्ज्वलं
किङ्किणी-मञ्जुलं श्यामलं तं भजे॥८॥

अच्युतस्याष्टकं यः पठेदिष्टदं
प्रेमतः प्रत्यहं पूरुषः सस्पृहम्।
वृत्ततः सुन्दरं वेद्यविश्वम्बरं
तस्य वश्यो हरिर्जायते सत्वरम्॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-अच्युताष्टकं सम्पूर्णम्॥

अन्नपूर्णास्तोत्रम्

Thu, 10 Jul 2014 00:00:00 +0000

अन्नपूर्णास्तोत्रम्

नित्यानन्दकरी वराभयकरी सौन्दर्यरत्नाकरी
निर्धूताखिलघोरपावनकरी प्रत्यक्षमाहेश्वरी।
प्रालेयाचलवंशपावनकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥१॥

नानारत्नविचित्रभूषणकरी हेमाम्बराडम्बरी
मुक्ताहारविलम्बमानविलसद्-वक्षोजकुम्भान्तरी।
काश्मीरागरुवासिता रुचिकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥२॥

योगानन्दकरी रिपुक्षयकरी धर्मैकनिष्ठाकरी
चन्द्रार्कानलभासमानलहरी त्रैलोक्यरक्षाकरी।
सर्वैश्वर्यकरी तपःफलकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥३॥

कैलासाचलकन्दरालयकरी गौरी उमा शङ्करी
कौमारी निगमार्थगोचरकरी ओङ्कारबीजाक्षरी।
मोक्षद्वारकवाटपाटनकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥४॥

दृश्यादृश्यविभूतिवाहनकरी ब्रह्माण्डभाण्डोदरी
लीलानाटकसूत्रखेलनकरी विज्ञानदीपाङ्कुरी।
श्रीविश्वेशमनःप्रसादनकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥५॥

आदिक्षान्तसमस्तवर्णनकरी शम्भोस्त्रिभावाकरी
काश्मीरा त्रिपुरेश्वरी त्रिनयनी विश्वेश्वरी शर्वरी।
स्वर्गद्वारकवाटपाटनकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥६॥

उर्वी सर्वजनेश्वरी जयकरी माता कृपासागरी
वेणीनीलसमानकुन्तलधरी नित्यान्नदानेश्वरी।
साक्षान्मोक्षकरी सदा शुभकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥७॥

देवी सर्वविचित्ररत्नरचिता दाक्षायणी सुन्दरी
वामे स्वादुपयोधरा प्रियकरी सौभाग्यमाहेश्वरी।
भक्ताभीष्टकरी सदा शुभकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥८॥

चन्द्रार्कानलकोटिकोटिसदृशी चन्द्रांशुबिम्बाधरी
चन्द्रार्काग्निसमानकुण्डलधरी चन्द्रार्कवर्णेश्वरी।
मालापुस्तकपाशसाङ्कुशधरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥९॥

क्षत्रत्राणकरी महाऽभयकरी माता कृपासागरी
सर्वानन्दकरी सदा शिवकरी विश्वेश्वरी श्रीधरी।
दक्षाक्रन्दकरी निरामयकरी काशीपुराधीश्वरी
भिक्षां देहि कृपावलम्बनकरी माताऽन्नपूर्णेश्वरी॥१०॥

अन्नपूर्णे सदापूर्णे शङ्करप्राणवल्लभे।

ज्ञानवैराग्यसिद्‌ध्यर्थं भिक्षां देहि च पार्वति॥

माता च पार्वती देवी पिता देवो महेश्वरः।

बान्धवाः शिवभक्ताश्च स्वदेशो भुवनत्रयम्॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-अन्नपूर्णास्तोत्रं सम्पूर्णम्॥

अर्धनारीश्वर-अष्टकम्

Thu, 10 Jul 2014 00:00:00 +0000

Ashtakam

अर्धनारीश्वर-अष्टकम्

चाम्पेयगौरार्ध-शरीरकायै
कर्पूरगौरार्ध-शरीरकाय।
धम्मिल्लकायै च जटाधराय
नमः शिवायै च नमः शिवाय॥१॥

कस्तूरिकाकुङ्कुमचर्चितायै
चितारजःपुञ्जविचर्चिताय।
कृतस्मरायै विकृतस्मराय
नमः शिवायै च नमः शिवाय॥२॥

झणत्क्वणत्कङ्कण-नूपुरायै
पादाब्जराजत्-फणिनूपुराय।
हेमाङ्गदायै च भुजङ्गदाय
नमः शिवायै च नमः शिवाय॥३॥

विशालनीलोत्पललोचनायै
विकासिपङ्केरुहलोचनाय।
समेक्षणायै विषमेक्षणाय
नमः शिवायै च नमः शिवाय॥४॥

मन्दारमालाकलितालकायै
कपालमालाङ्कितकन्धराय।
दिव्याम्बरायै च दिगम्बराय
नमः शिवायै च नमः शिवाय॥५॥

अम्भोधरश्यामलकुन्तलायै
तटित्प्रभाताम्रजटाधराय।
निरीश्वरायै निखिलेश्वराय
नमः शिवायै च नमः शिवाय॥६॥

प्रपञ्चसृष्ट्युन्मुखलास्यकायै
समस्तसंहारकताण्डवाय।
जगज्जनन्यै जगदेकपित्रे
नमः शिवायै च नमः शिवाय॥७॥

प्रदीप्तरत्नोज्ज्वलकुण्डलायै
स्फुरन्महापन्नगभूषणाय।
शिवान्वितायै च शिवान्विताय
नमः शिवायै च नमः शिवाय॥८॥

एतत्पठेदष्टकमिष्टदं यो
भक्त्या स मान्यो भुवि दीर्घजीवी।
प्राप्नोति सौभाग्यमनन्तकालं
भूयात् सदा तस्य समस्तसिद्धिः॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य श्रीमच्छङ्करभगवतः कृतौ श्री-अर्धनारीश्वराष्टकं सम्पूर्णम्॥

अवैधव्यप्रार्थनास्तोत्रम्

Thu, 10 Jul 2014 00:00:00 +0000

अवैधव्यप्रार्थनास्तोत्रम्

ओङ्कारपूर्विके देवि वीणापुस्तकधारिणि।

वेदमातर्नमस्तुभ्यं अवैधव्यं प्रयच्छ मे॥

पतिव्रते महाभागे भर्तुश्च प्रियवादिनि।
अवैधव्यं च सौभाग्यं देहि त्वं मम सुव्रते।
पुत्रान् पौत्रांश्च सौख्यं च सौमङ्गल्यं च देहि मे॥

‌

❀

PDF:A5 / print Kindle Kindle Scribe

अहल्याकृत-रामस्तोत्रम्

Thu, 10 Jul 2014 00:00:00 +0000

अहल्याकृत-रामस्तोत्रम्

अहल्योवाच

अहो कृतार्थाऽस्मि जगन्निवास ते
पादाब्जसंलग्नरजः कणादहम्।
स्पृशामि यत्पद्मजशङ्करादिभिः
विमृग्यते रन्धितमानसैः सदा॥१॥

अहो विचित्रं तव राम चेष्टितं
मनुष्यभावेन विमोहितं जगत्।
चलस्यजस्रं चरणादिवर्जितः
सम्पूर्ण आनन्दमयोऽतिमायिकः॥२॥

यत्पादपङ्कजपरागपवित्रगात्रा
भागीरथी भवविरिञ्चिमुखान् पुनाति।
साक्षात्स एव मम दृग्विषयो यदाऽऽस्ते
किं वर्ण्यते मम पुराकृतभागधेयम्॥३॥

मर्त्यावतारे मनुजाकृतिं हरिं
रामाभिधेयं रमणीयदेहिनम्।
धनुर्धरं पद्मविशाललोचनं
भजामि नित्यं न परान् भजिष्ये॥४॥

यत्पादपङ्कजरजः श्रुतिभिर्विमृग्यं
यन्नाभिपङ्कजभवः कमलासनश्च।
यन्नामसाररसिको भगवान् पुरारिः
तं रामचन्द्रमनिशं हृदि भावयामि॥५॥

यस्यावतारचरितानि विरिञ्चिलोके
गायन्ति नारदमुखा भवपद्मजाद्याः।
आनन्दजाश्रुपरिषिक्तकुचाग्रसीमा
वागीश्वरी च तमहं शरणं प्रपद्ये॥६॥

सोऽयं परात्मा पुरुषः पुराणः
एकः स्वयं ज्योतिरनन्त आद्यः।
मायातनुं लोकविमोहनीयां
धत्ते परानुग्रह एष रामः॥७॥

अयं हि विश्वोद्भवसंयमानाम्
एकः स्वमायागुणबिम्बितो यः।
विरिञ्चिविष्ण्वीश्वरनामभेदान्
धत्ते स्वतन्त्रः परिपूर्ण आत्मा॥८॥

नमोऽस्तु ते राम तवाङ्घ्रिपङ्कजं
श्रिया धृतं वक्षसि लालितं प्रियात्।
आक्रान्तमेकेन जगत्त्रयं पुरा
ध्येयं मुनीन्द्रैरभिमानवर्जितैः॥९॥

जगतामादिभूतस्त्वं जगत् त्वं जगदाश्रयः।

सर्वभूतेष्वसंयुक्त एको भाति भवान् परः॥१०॥

ओङ्कारवाच्यस्त्वं राम वाचामविषयः पुमान्।

वाच्यवाचकभेदेन भवानेव जगन्मयः॥११॥

कार्यकारणकर्तृत्वफलसाधनभेदतः।

एको विभासि राम त्वं मायया बहुरूपया॥१२॥

त्वन्मायामोहितधियस्त्वां न जानन्ति तत्त्वतः।

मानुषं त्वाऽभिमन्यन्ते मायिनं परमेश्वरम्॥१३॥

आकाशवत् त्वं सर्वत्र बहिरन्तर्गतोऽमलः।

असङ्गो ह्यचलो नित्यः शुद्धो बुद्धः सदव्ययः॥१४॥

योषिन्मूढाऽहमज्ञा ते तत्त्वं जाने कथं विभो।

तस्मात् ते शतशो राम नमस्कुर्यामनन्यधीः॥१५॥

देव मे यत्रकुत्रापि स्थिताया अपि सर्वदा।

त्वत्पादकमले सक्ता भक्तिरेव सदाऽस्तु मे॥१६॥

नमस्ते पुरुषाध्यक्ष नमस्ते भक्तवत्सल।

नमस्तेऽस्तु हृषीकेश नारायण नमोऽस्तु ते॥१७॥

भवभयहरमेकं भानुकोटिप्रकाशं
करधृतशरचापं कालमेघावभासम्।
कनकरुचिरवस्त्रं रत्नवत्कुण्डलाढ्यं
कमलविशदनेत्रं सानुजं राममीडे॥१८॥

स्तुत्वैवं पुरुषं साक्षाद् राघवं पुरतः स्थितम्।

परिक्रम्य प्रणम्याऽऽशु सानुज्ञाता ययौ पतिम्॥१९॥

अहल्यया कृतं स्तोत्रं यः पठेद् भक्तिसंयुतः।

स मुच्यतेऽखिलैः पापैः परं ब्रह्माधिगच्छति॥२०॥

पुत्राद्यर्थे पठेद् भक्त्या रामं हृदि निधाय च।

संवत्सरेण लभते वन्ध्या अपि सुपुत्रकम्॥२१॥

सर्वान् कामानवाप्नोति रामचन्द्रप्रसादतः॥२२॥

ब्रह्मघ्नो गुरुतल्पगोऽपि पुरुषः स्तेयी सुरापोऽपि वा
मातृभ्रातृविहिंसकोऽपि सततं भोगैकबद्धातुरः।
नित्यं स्तोत्रमिदं जपन् रघुपतिं भक्त्या हृदिस्थं स्मरन्
ध्यायन् मुक्तिमुपैति किं पुनरसौ स्वाचारयुक्तो नरः॥२३॥

॥इति श्रीमदध्यात्मरामायणे श्री-अहल्याविरचितं श्री-रामचन्द्रस्तोत्रं सम्पूर्णम्॥

आदित्यहृदयम्

Thu, 10 Jul 2014 00:00:00 +0000

आदित्यहृदयम्

ततो युद्धपरिश्रान्तं समरे चिन्तया स्थितम्।

रावणं चाग्रतो दृष्ट्वा युद्धाय समुपस्थितम्॥१॥

दैवतैश्च समागम्य द्रष्टुमभ्यागतो रणम्।

उपागम्याब्रवीद् रामम् अगस्त्यो भगवान् ऋषिः॥२॥

राम राम महाबाहो शृणु गुह्यं सनातनम्।

येन सर्वानरीन् वत्स समरे विजयिष्यसि॥३॥

आदित्यहृदयं पुण्यं सर्वशत्रुविनाशनम्।

जयावहं जपेन्नित्यम् अक्षय्यं परमं शिवम्॥४॥

सर्वमङ्गलमाङ्गल्यं सर्वपापप्रणाशनम्।

चिन्ताशोकप्रशमनम् आयुर्वर्धनमुत्तमम्॥५॥

रश्मिमन्तं समुद्यन्तं देवासुरनमस्कृतम्।

पूजयस्व विवस्वन्तं भास्करं भुवनेश्वरम्॥६॥

सर्वदेवात्मको ह्येष तेजस्वी रश्मिभावनः।

एष देवासुरगणान् लोकान् पाति गभस्तिभिः॥७॥

एष ब्रह्मा च विष्णुश्च शिवः स्कन्दः प्रजापतिः।

महेन्द्रो धनदः कालो यमः सोमो ह्यपां पतिः॥८॥

पितरो वसवः साध्या ह्यश्विनौ मरुतो मनुः।

वायुर्वह्निः प्रजाप्राण ऋतुकर्ता प्रभाकरः॥९॥

आदित्यः सविता सूर्यः खगः पूषा गभस्तिमान्।

सुवर्णसदृशो भानुर्विश्वरेता दिवाकरः॥१०॥

हरिदश्वः सहस्रार्चिः सप्तसप्तिर्मरीचिमान्।

तिमिरोन्मथनः शम्भुस्त्वष्टा मार्तण्ड अंशुमान्॥११॥

हिरण्यगर्भः शिशिरस्तपनो भास्करो रविः।

अग्निगर्भोऽदितेः पुत्रः शङ्खः शिशिरनाशनः॥१२॥

व्योमनाथस्तमोभेदी ऋग्यजुस्सामपारगः।

घनवृष्टिरपां मित्रो विन्ध्यवीथीप्लवङ्गमः॥१३॥

आतपी मण्डली मृत्युः पिङ्गलः सर्वतापनः।

कविर्विश्वो महातेजा रक्तः सर्वभवोद्भवः॥१४॥

नक्षत्रग्रहताराणाम् अधिपो विश्वभावनः।

तेजसामपि तेजस्वी द्वादशात्मन् नमोऽस्तु ते॥१५॥

नमः पूर्वाय गिरये पश्चिमायाद्रये नमः।

ज्योतिर्गणानां पतये दिनाधिपतये नमः॥१६॥

जयाय जयभद्राय हर्यश्वाय नमो नमः।

नमो नमः सहस्रांशो आदित्याय नमो नमः॥१७॥

नम उग्राय वीराय सारङ्गाय नमो नमः।

नमः पद्मप्रबोधाय मार्तण्डाय नमो नमः॥१८॥

ब्रह्मेशानाच्युतेशाय सूर्यायादित्यवर्चसे।

भास्वते सर्वभक्षाय रौद्राय वपुषे नमः॥१९॥

तमोघ्नाय हिमघ्नाय शत्रुघ्नायामितात्मने।

कृतघ्नघ्नाय देवाय ज्योतिषां पतये नमः॥२०॥

तप्तचामीकराभाय वह्नये विश्वकर्मणे।

नमस्तमोऽभिनिघ्नाय रुचये लोकसाक्षिणे॥२१॥

नाशयत्येष वै भूतं तदेव सृजति प्रभुः।

पायत्येष तपत्येष वर्षत्येष गभस्तिभिः॥२२॥

एष सुप्तेषु जागर्ति भूतेषु परिनिष्ठितः।

एष एवाग्निहोत्रं च फलं चैवाग्निहोत्रिणाम्॥२३॥

वेदाश्च क्रतवश्चैव क्रतूनां फलमेव च।

यानि कृत्यानि लोकेषु सर्व एष रविः प्रभुः॥२४॥

एनमापत्सु कृच्छ्रेषु कान्तारेषु भयेषु च।

कीर्तयन् पुरुषः कश्चिन्नावसीदति राघव॥२५॥

पूजयस्वैनमेकाग्रो देवदेवं जगत्पतिम्।

एतत् त्रिगुणितं जप्त्वा युद्धेषु विजयिष्यसि॥२६॥

अस्मिन् क्षणे महाबाहो रावणं त्वं वधिष्यसि।

एवमुक्त्वा तदाऽगस्त्यो जगाम च यथाऽऽगतम्॥२७॥

एतच्छ्रुत्वा महातेजा नष्टशोकोऽभवत्तदा।

धारयामास सुप्रीतो राघवः प्रयतात्मवान्॥२८॥

आदित्यं प्रेक्ष्य जप्त्वा तु परं हर्षमवाप्तवान्।

त्रिराचम्य शुचिर्भूत्वा धनुरादाय वीर्यवान्॥२९॥

रावणं प्रेक्ष्य हृष्टात्मा युद्धाय समुपागमत्।

सर्वयत्नेन महता वधे तस्य धृतोऽभवत्॥३०॥

अथ रविरवदन्निरीक्ष्य रामं मुदितमनाः परमं प्रहृष्यमाणः।

निशिचरपतिसङ्क्षयं विदित्वा सुरगणमध्यगतो वचस्त्वरेति॥३१॥

॥इत्यार्षे श्रीमद्रामायणे वाल्मीकीये आदिकाव्ये युद्धकाण्डे आदित्यहृदयं नाम सप्तोत्तरशततमः सर्गः॥

आदित्याष्टोत्तरशतनामस्तोत्रम्

Thu, 10 Jul 2014 00:00:00 +0000

Shatanama Stotram

आदित्याष्टोत्तरशतनामस्तोत्रम्

नवग्रहाणां सर्वेषां सूर्यादीनां पृथक् पृथक्।

पीडा च दुःसहा राजन् जायते सततं नृणाम्॥१॥

पीडानाशाय राजेन्द्र नामानि शृणु भास्वतः।

सूर्यादीनां च सर्वेषां पीडा नश्यति शृण्वतः॥२॥

आदित्यः सविता सूर्यः पूषाऽर्कः शीघ्रगो रविः।

भगस्त्वष्टाऽर्यमा हंसो हेलिस्तेजोनिधिर्हरिः॥३॥

दिननाथो दिनकरः सप्तसप्तिः प्रभाकरः।

विभावसुर्वेदकर्ता वेदाङ्गो वेदवाहनः॥४॥

हरिदश्वः कालवक्त्रः कर्मसाक्षी जगत्पतिः।

पद्मिनीबोधको भानुर्भास्करः करुणाकरः॥५॥

द्वादशात्मा विश्वकर्मा लोहिताङ्गस्तमोनुदः।

जगन्नाथोऽरविन्दाक्षः कालात्मा कश्यपात्मजः॥६॥

भूताश्रयो ग्रहपतिः सर्वलोकनमस्कृतः।

जपाकुसुमसङ्काशो भास्वानदितिनन्दनः॥७॥

ध्वान्तेभसिंहः सर्वात्मा लोकनेत्रो विकर्तनः।

मार्तण्डो मिहिरः सूरस्तपनो लोकतापनः॥८॥

जगत्कर्ता जगत्साक्षी शनैश्चरपिता जयः।

सहस्ररश्मिस्तरणिर्भगवान् भक्तवत्सलः॥९॥

विवस्वानादिदेवश्च देवदेवो दिवाकरः।

धन्वन्तरिर्व्याधिहर्ता दद्रुकुष्ठविनाशनः॥१०॥

चराचरात्मा मैत्रेयोऽमितो विष्णुर्विकर्तनः।

लोकशोकापहर्ता च कमलाकर आत्मभूः॥११॥

नारायणो महादेवो रुद्रः पुरुष ईश्वरः।

जीवात्मा परमात्मा च सूक्ष्मात्मा सर्वतोमुखः॥१२॥

इन्द्रोऽनलो यमश्चैव नैरृतो वरुणोऽनिलः।

श्रीद ईशान इन्दुश्च भौमः सौम्यो गुरुः कविः॥१३॥

सौरिर्विधुन्तुदः केतुः कालः कालात्मको विभुः।

सर्वदेवमयो देवः कृष्णः कामप्रदायकः॥१४॥

य एतैर्नामभिर्मर्त्यो भक्त्या स्तौति दिवाकरम्।

सर्वपापविनिर्मुक्तः सर्वरोगविवर्जितः॥१५॥

पुत्रवान् धनवाञ्छ्रीमान् जायते स न संशयः।

रविवारे पठेद्यस्तु नामान्येतानि भास्वतः॥१६॥

पीडाशान्तिर्भवेत्तस्य ग्रहाणां च विशेषतः।

सद्यः सुखमवाप्नोति चाऽऽयुर्दीर्घं च नीरुजम्॥१७॥

॥इति श्री-भविष्यपुराणे आदित्य अष्टोत्तरशतनामस्तोत्रं सम्पूर्णम्॥

आपदुद्धारक-द्वादशमुख-हनुमान्-स्तोत्रम्

Thu, 10 Jul 2014 00:00:00 +0000

आपदुद्धारक-द्वादशमुख-हनुमान्-स्तोत्रम्

ॐ अस्य श्री-आपदुद्धारक-द्वादशमुख-हनुमान् स्तोत्र-महामन्त्रस्य विभीषण ऋषिः। अनुष्टुप् छन्दः।
श्री-द्वादशमुख-प्रचण्ड-हनुमान् देवता।
मारुतात्मज इति बीजम्। अञ्जनासूनुरिति शक्तिः।
वायुपुत्रेति कीलकम्। श्रीहनुमत्प्रसादसिद्धिद्वारा सर्वापन्निवारणार्थे जपे विनियोगः।

ध्यानम्

उष्ट्रारूढ-सुवर्चलासहचरन् सुग्रीवमित्राञ्जना-
सूनो वायुकुमार केसरितनूजाक्षादिदैत्यान्तक।
सीतशोकहराग्निनन्दन सुमित्रासम्भवप्राणद
श्रीभीमाग्रज शम्भुपुत्र हनुमान् सूर्यास्य तुभ्यं नमः॥

खड्गं खेटक-भिन्दिपाल-परशुं पाश-त्रिशूल-द्रुमान्
चक्रं शङ्ख-गदा-फलाङ्कुश-सुधाकुम्भान् हलं पर्वतम्।
टङ्कं पर्वतकार्मुकाहिडमरूनेतानि दिव्यायुधान्
एवं विंशतिबाहुभिश्च दधतं ध्यायेद्धनूमत्प्रभुम्॥

स्तोत्रम्

ॐ नमो भगवते तुभ्यं नमो मारुतसूनवे।

नमः श्रीरामभक्ताय श्यामास्याय च ते नमः॥१॥

नमो वानरवीराय सुग्रीवसख्यकारिणे।

लङ्काविदाहकायाथ हेलासागरतारिणे॥२॥

सीताशोकविनाशाय राममुद्राधराय च।

रावणस्य कुलच्छेदकारिणे ते नमो नमः॥३॥

मेघनादमखध्वंसकारिणे ते नमो नमः।

अशोकवनविध्वंसकारिणे भयहारिणे॥४॥

वायुपुत्राय वीराय आकाशोदरगामिने।

वनपालशिरश्छेत्रे लङ्काप्रासादभञ्जिने॥५॥

ज्वलत्कनकवर्णाय दीर्घलाङ्गूलधारिणे।

सौमित्रिजयदात्रे च रामदूताय ते नमः॥६॥

अक्षस्य वधकर्त्रे च ब्रह्मशक्तिनिवारिणे।

लक्ष्मणाङ्गमहाशक्ति-घात-क्षत-विनाशिने॥७॥

रक्षोघ्नाय रिपुघ्नाय भूतघ्नाय च ते नमः।

ऋक्षवानरवीरौघ-प्राणदायक ते नमः॥८॥

परसैन्यबलघ्नाय शस्त्रास्त्रविघनाय च।

विषघ्नाय द्विषघ्नाय ज्वरघ्नाय च ते नमः॥९॥

महाभयरिपुघ्नाय भक्तत्राणैककारिणे।

परप्रेरितमन्त्राणां यन्त्राणां स्तम्भकारिणे॥१०॥

पयः-पाषाण-तरण-कारणाय नमो नमः।

बालार्कमण्डलग्रासकारिणे भवतारिणे॥११॥

नखायुधाय भीमाय दन्तायुधधराय च।

रिपुमायाविनाशाय रामाज्ञालोकरक्षिणे॥१२॥

प्रतिग्रामस्थितायाथ रक्षोभूतवधार्थिने।

करालशैलशस्त्राय द्रुमशस्त्राय ते नमः॥१३॥

बालैकब्रह्मचर्याय रुद्रमूर्तिधराय च।

विहङ्गमाय शर्वाय वज्रदेहाय ते नमः॥१४॥

कौपीनवाससे तुभ्यं रामभक्तिरताय च।

दक्षिणाशाभास्कराय शतचन्द्रोदयात्मने॥१५॥

कृत्या-क्षत-व्यथघ्नाय सर्वक्लेशहराय च।

स्वाम्याज्ञा-पार्थसङ्ग्राम-सङ्ख्ये सञ्जयधारिणे॥१६॥

भक्तानां दिव्यवादेषु सङ्ग्रामे जयदायिने।

किलकिल्याबूबुरोच्चघोरशब्दकराय च॥१७॥

सर्पाग्निव्याधिसंस्तम्भकारिणे वनचारिणे।
सदा वनफलाहार-सत्तृप्ताय विशेषतः।
महार्णव-शिला-बद्ध-सेतवे ते नमो नमः॥१८॥

वादे विवादे सङ्ग्रामे भये घोरे महावने।

सिंहव्याघ्रादि चौरेभ्यः स्तोत्रपाठाद् भयं न हि॥१९॥

दिव्ये भूतभये व्याधौ गृहे स्थावरजङ्गमे।

राजशस्त्रभये चोग्रबाधा ग्रहभयेषु च॥२०॥

जले सर्वे महावृष्टौ दुर्भिक्षे प्राणसम्प्लवे।
पठेत् स्तोत्रं प्रमुच्येत भयेभ्यः सर्वतो नरः।
तस्य क्वापि भयं नास्ति हनुमत्स्तवपाठतः॥२१॥

सर्वथा वै त्रिकालं च पठनीयमिमं स्तवम्।

सर्वान् कामानवाप्नोति नात्र कार्या विचारणा॥२२॥

विनतायाः स्वमातुश्च दासीत्वस्य निवृत्तये।

सुधार्णं यातुकामाय महापौरुषशालिने॥२३॥

विभीषणकृतं स्तोत्रं तार्क्ष्येण समुदीरितम्।

ये पठन्ति सदा भक्त्या सिद्धयस्तत्करे स्थिताः॥२४॥

॥इति श्री-सुदर्शनसंहितायां श्री-विभीषणगरुडसंवादे श्री-विभीषणकृतम् आपदुद्धारक श्री-द्वादशमुख-हनुमान् स्तोत्रं सम्पूर्णम्॥

कनकधारास्तवः

Thu, 10 Jul 2014 00:00:00 +0000

कनकधारास्तवः

अङ्गं हरेः पुलकभूषणमाश्रयन्ती
भृङ्गाङ्गनेव मुकुलाभरणं तमालम्।
अङ्गीकृताखिलविभूतिरपाङ्गलीला
माङ्गल्यदास्तु मम मङ्गलदेवतायाः॥१॥

मुग्धा मुहुर्विदधती वदने मुरारेः
प्रेमत्रपाप्रणिहितानि गतागतानि।
माला दृशोर्मधुकरीव महोत्पले या
सा मे श्रियं दिशतु सागरसम्भवायाः॥२॥

आमीलिताक्षमधिगम्य मुदा मुकुन्दम्
आनन्दकन्दमनिमेषमनङ्गतन्त्रम्।
आकेकरस्थितकनीनिकपक्ष्मनेत्रं
भूत्यै भवेन्मम भुजङ्गशयाङ्गनायाः॥३॥

बाह्वन्तरे मधुजितः श्रितकौस्तुभे या
हारावलीव हरिनीलमयी विभाति।
कामप्रदा भगवतोऽपि कटाक्षमाला
कल्याणमावहतु मे कमलालयायाः॥४॥

कालाम्बुदालिललितोरसि कैटभारेः
धाराधरे स्फुरति या तडिदङ्गनेव।
मातुः समस्तजगतां महनीयमूर्तिः
भद्राणि मे दिशतु भार्गवनन्दनायाः॥५॥

प्राप्तं पदं प्रथमतः खलु यत्प्रभावात्
माङ्गल्यभाजि मधुमाथिनि मन्मथेन।
मय्यापतेत्तदिह मन्थरमीक्षणार्धं
मन्दालसं च मकरालयकन्यकायाः॥६॥

विश्वामरेन्द्रपदवीभ्रमदानदक्षम्
आनन्दहेतुरधिकं मुरविद्विषोऽपि।
ईषन्निषीदतु मयि क्षणमीक्षणार्द्धम्
इन्दीवरोदरसहोदरमिन्दिरायाः॥७॥

इष्टा विशिष्टमतयोऽपि यया दयार्द्र-
दृष्ट्या त्रिविष्टपपदं सुलभं लभन्ते।
दृष्टिः प्रहृष्टकमलोदरदीप्तिरिष्टां
पुष्टिं कृषीष्ट मम पुष्करविष्टरायाः॥८॥

दद्याद्दयानुपवनो द्रविणाम्बुधाराम्
अस्मिन्नकिञ्चनविहङ्गशिशौ विषण्णे।
दुष्कर्मघर्ममपनीय चिराय दूरं
नारायणप्रणयिनीनयनाम्बुवाहः॥९॥

गीर्देवतेति गरुडध्वजसुन्दरीति
शाकम्भरीति शशिशेखरवल्लभेति।
सृष्टिस्थितिप्रलयकेलिषु संस्थितायै
तस्यै नमस्त्रिभुवनैकगुरोस्तरुण्यै॥१०॥

श्रुत्यै नमोऽस्तु शुभकर्मफलप्रसूत्यै
रत्यै नमोऽस्तु रमणीयगुणार्णवायै।
शक्त्यै नमोऽस्तु शतपत्रनिकेतनायै
पुष्ट्यै नमोऽस्तु पुरुषोत्तमवल्लभायै॥११॥

नमोऽस्तु नालीकनिभाननायै
नमोऽस्तु दुग्धोदधिजन्मभूम्यै।
नमोऽस्तु सोमामृतसोदरायै
नमोऽस्तु नारायणवल्लभायै॥१२॥

नमोऽस्तु हेमाम्बुजपीठिकायै
नमोऽस्तु भूमण्डलनायिकायै।
नमोऽस्तु देवादिदयापरायै
नमोऽस्तु शार्ङ्गायुधवल्लभायै॥१३॥

नमोऽस्तु देव्यै भृगुनन्दनायै
नमोऽस्तु विष्णोरुरसि स्थितायै।
नमोऽस्तु लक्ष्म्यै कमलालयायै
नमोऽस्तु दामोदरवल्लभायै॥१४॥

नमोऽस्तु कान्त्यै कमलेक्षणायै
नमोऽस्तु भूत्यै भुवनप्रसूत्यै।
नमोऽस्तु देवादिभिरर्चितायै
नमोऽस्तु नन्दात्मजवल्लभायै॥१५॥

सम्पत्कराणि सकलेन्द्रियनन्दनानि
साम्राज्यदानविभवानि सरोरुहाक्षि।
त्वद्वन्दनानि दुरिताहरणोद्यतानि
मामेव मातरनिशं कलयन्तु मान्ये॥१६॥

यत्कटाक्षसमुपासनाविधिः
सेवकस्य सकलार्थसम्पदः।
सन्तनोति वचनाङ्गमानसैः
त्वां मुरारिहृदयेश्वरीं भजे॥१७॥

सरसिजनिलये सरोजहस्ते
धवलतमांशुकगन्धमाल्यशोभे।
भगवति हरिवल्लभे मनोज्ञे
त्रिभुवनभूतिकरि प्रसीद मह्यम्॥१८॥

दिग्घस्तिभिः कनककुम्भमुखावसृष्ट-
स्वर्वाहिनी विमलचारुजलाप्लुताङ्गीम्।
प्रातर्नमामि जगतां जननीमशेष-
लोकाधिनाथगृहिणीम् अमृताब्धिपुत्रीम्॥१९॥

कमले कमलाक्षवल्लभे त्वं
करुणापूरतरङ्गितैरपाङ्गैः।
अवलोकय मामकिञ्चनानां
प्रथमं पात्रमकृत्रिमं दयायाः॥२०॥

स्तुवन्ति ये स्तुतिभिरमीभिरन्वहं
त्रयीमयीं त्रिभुवनमातरं रमाम्।
गुणाधिका गुरुतरभाग्यभागिनो
भवन्ति ते भुवि बुधभाविताशयाः॥२१॥

देवि प्रसीद जगदीश्वरि लोकमातः
कल्याणगात्रि कमलेक्षणजीवनाथे।
दारिद्र्यभीतिहृदयं शरणागतं माम्
आलोकय प्रतिदिनं सदयैरपाङ्गैः॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-कनकधारास्तवः सम्पूर्णः॥

क्षमा प्रार्थना

Thu, 10 Jul 2014 00:00:00 +0000

Prarthana

क्षमा प्रार्थना

अपराधसहस्राणि क्रियन्तेऽहर्निशं मया।

तानि सर्वाणि हे देव क्षमस्व पुरुषोत्तम॥

करचरणकृतं वाक्कायजं कर्मजं वा
श्रवणनयनजं वा मानसं वाऽपराधम्।
विहितमविहितं वा सर्वमेतत् क्षमस्व
जय जय करुणाब्धे श्रीमहादेव शम्भो॥

यदक्षरपदभ्रष्टं मात्राहीनं तु यद् भवेत्।

तत् सर्वं क्षम्यतां देव नारायण नमोऽस्तुते॥

विसर्गबिन्दुमात्राश्च पदपादाक्षराणि च।

न्यूनानि चातिरिक्तानि क्षमस्व पुरुषोत्तम॥

यज्ञेशाच्युत गोविन्द माधवानन्त केशव।

कृष्ण विष्णो हृषीकेश वासुदेव नमोऽस्तुते॥

कायेन वाचा मनसेन्द्रियैर्वा
बुद्‌ध्याऽऽत्मना वा प्रकृतेः स्वभावात्।
करोमि यद्यत् सकलं परस्मै
नारायणायेति समर्पयामि॥

सर्वे भवन्तु सुखिनः सर्वे सन्तु निरामयाः।

सर्वे भद्राणि पश्यन्तु मा कश्चिद्दुःखभाग् भवेत्॥

सर्वं श्री-कृष्णार्पणमस्तु॥

गकारादि श्री-गणपति सहस्रनाम-स्तोत्रम्

Thu, 10 Jul 2014 00:00:00 +0000

Sahasranama Stotram

गकारादि श्री-गणपति सहस्रनाम-स्तोत्रम्

अस्य श्रीगणपतिगकारादिसहस्रनाममालामन्त्रस्य।
दुर्वासा ऋषिः। अनुष्टुप् छन्दः। श्री-गणपतिर्देवता।
गं बीजम्। स्वाहा शक्तिः। ग्लौं कीलकम् ।
सकलाभीष्टसिद्ध्यर्थे जपे विनियोगः ॥

करन्यासः

ओं अङ्गुष्ठाभ्यां नमः। श्रीं तर्जनीभ्यां नमः।
ह्रीं मध्यमाभ्यां नमः। क्रीं अनामिकाभ्यां नमः।
ग्लौं कनिष्ठिकाभ्यां नमः। गं करतलकरपृष्ठाभ्यां नमः।
एवं हृदयादिन्यासः।
अथवा षड्दीर्घभाजागमितिबीजेन कराङ्गन्यासः॥

ध्यानम्

ओङ्कार-सन्निभमिभाननमिन्दुभालम्
मुक्ताग्रबिन्दुममलद्युतिमेकदन्तं।
लम्बोदरं कलचतुर्भुजमादिदेवम्
ध्यायेन्महागणपतिं मतिसिद्धिकान्तम्॥

स्तोत्रम्

ओं गणेश्वरो गणाध्यक्षो गणाराध्यो गणप्रियः।

गणनाथो गणस्वामी गणेशो गणनायकः॥१॥

गणमूर्तिर्गणपतिर्गणत्राता गणञ्जयः।

गणपोऽथ गणक्रीडो गणदेवो गणाधिपः॥२॥

गणज्येष्ठो गणश्रेष्ठो गणप्रेष्ठो गणाधिराट्।

गणराड् गणगोप्ताथ गणाङ्गो गणदैवतम्॥३॥

गणबन्धुर्गणसुहृद्गणाधीशो गणप्रथः।

गणप्रियसखः शश्वद्गणप्रियसुहृत् तथा॥४॥

गणप्रियरतो नित्यं गणप्रीतिविवर्धनः।

गणमण्डलमध्यस्थो गणकेलिपरायणः॥५॥

गणाग्रणीर्गणेशानो गणगीतो गणोच्छ्रयः।

गण्यो गणहितो गर्जद्गणसेनो गणोद्धतः॥६॥

गणभीतिप्रमथनो गणभीत्यपहारकः।

गणनार्हो गणप्रौढो गणभर्ता गणप्रभुः॥७॥

गणसेनो गणचरो गणप्रज्ञो गणैकराट्।

गणाग्र्यो गणनामा च गणपालनतत्परः॥८॥

गणजिद्गणगर्भस्थो गणप्रवणमानसः।

गणगर्वपरीहर्ता गणो गणनमस्कृतः॥९॥

गणार्चिताङ्घ्रियुगलो गणरक्षणकृत् सदा।

गणध्यातो गणगुरुर्गणप्रणयतत्परः॥१०॥

गणागणपरित्राता गणाधिहरणोद्धुरः।

गणसेतुर्गणनुतो गणकेतुर्गणाग्रगः॥११॥

गणहेतुर्गणग्राही गणानुग्रहकारकः।

गणागणानुग्रहभूर्गणागणवरप्रदः॥१२॥

गणस्तुतो गणप्राणो गणसर्वस्वदायकः।

गणवल्लभमूर्तिश्च गणभूतिर्गणेष्टदः॥१३॥

गणसौख्यप्रदाता च गणदुःखप्रणाशनः।

गणप्रथितनामा च गणाभीष्टकरः सदा॥१४॥

गणमान्यो गणख्यातो गणवीतो गणोत्कटः।

गणपालो गणवरो गणगौरवदायकः॥१५॥

गणगर्जितसन्तुष्टो गणस्वच्छन्दगः सदा।

गणराजो गणश्रीदो गणाभयकरः क्षणात्॥१६॥

गणमूर्धाभिषिक्तश्च गणसैन्यपुरस्सरः।

गुणातीतो गुणमयो गुणत्रयविभागकृत्॥१७॥

गुणी गुणाकृतिधरो गुणशाली गुणप्रियः।

गुणपूर्णो गुणाम्भोधिर्गुणभाग् गुणदूरगः॥१८॥

गुणागुणवपुर्गौणशरीरो गुणमण्डितः।

गुणस्त्रष्टा गुणेशानो गुणेशोऽथ गुणेश्वरः॥१९॥

गुणसृष्टजगत्सङ्घो गुणसङ्घो गुणैकराट्।

गुणप्रवृष्टो गुणभूर्गुणीकृतचराचरः॥२०॥

गुणप्रवणसन्तुष्टो गुणहीनपराङ्मुखः।

गुणैकभूर्गुणश्रेष्ठो गुणज्येष्ठो गुणप्रभुः॥२१॥

गुणज्ञो गुणसम्पूज्यो गुणैकसदनं सदा।

गुणप्रणयवान् गौणप्रकृतिर्गुणभाजनम्॥२२॥

गुणिप्रणतपादाब्जो गुणिगीतो गुणोज्ज्वलः।

गुणवान् गुणसम्पन्नो गुणानन्दितमानसः॥२३॥

गुणसञ्चारचतुरो गुणसञ्चयसुन्दरः।

गुणगौरो गुणाधारो गुणसंवृतचेतनः॥२४॥

गुणकृद्गुणभृन्नित्यं गुणाग्र्यो गुणपारदृक्।

गुणप्रचारी गुणयुग् गुणागुणविवेककृत्॥२५॥

गुणाकरो गुणकरो गुणप्रवणवर्धनः।

गुणगूढचरो गौणसर्वसंसारचेष्टितः॥२६॥

गुणदक्षिणसौहार्दो गुणलक्षणतत्त्ववित्।

गुणहारी गुणकलो गुणसङ्घसखः सदा॥२७॥

गुणसंस्कृतसंसारो गुणतत्त्वविवेचकः।

गुणगर्वधरो गौणसुखदुःखोदयो गुणः॥२८॥

गुणाधीशो गुणलयो गुणवीक्षणलालसः।

गुणगौरवदाता च गुणदाता गुणप्रदः॥२९॥

गुणकृद्गुणसम्बन्धो गुणभृद्गुणबन्धनः।

गुणहृद्यो गुणस्थायी गुणदायी गुणोत्कटः॥३०॥

गुणचक्रधरो गौणावतारो गुणबान्धवः।

गुणबन्धुर्गुणप्रज्ञो गुणप्राज्ञो गुणालयः॥३१॥

गुणधाता गुणप्राणो गुणगोपो गुणाश्रयः।

गुणयायी गुणाधायी गुणपो गुणपालकः॥३२॥

गुणाहृततनुर्गौणो गीर्वाणो गुणगौरवः।

गुणवत्पूजितपदो गुणवत्प्रीतिदायकः॥३३॥

गुणवद्गीतकीर्तिश्च गुणवद् बद्धसौहृदः।

गुणवद्वरदो नित्यं गुणवत्प्रतिपालकः॥३४॥

गुणवद्गुणसन्तुष्टो गुणवद्रचितस्तवः।

गुणवद्रक्षणपरो गुणवत्प्रणयप्रियः॥३५॥

गुणवच्चक्रसञ्चारो गुणवत्कीर्तिवर्धनः।

गुणवद्गुणचित्तस्थो गुणवद्गुणरक्षकः॥३६॥

गुणवत्पोषणकरो गुणवच्छत्रुसूदनः।

गुणवत्सिद्धिदाता च गुणवद्गौरवप्रदः॥३७॥

गुणवत्प्रवणस्वान्तो गुणवद्गुणभूषणः।

गुणवत्कुलविद्वेषिविनाशकरणक्षमः॥३८॥

गुणिस्तुतगुणो गर्जप्रलयाम्बुदनिःस्वनः।

गजो गजपतिर्गर्जद्गजयुद्धविशारदः॥३९॥

गजास्यो गजकर्णोऽथ गजराजो गजाननः।

गजरूपधरो गर्जद्गजयूथोद्धुरध्वनिः॥४०॥

गजाधीशो गजाधारो गजासुरजयोद्धुरः।

गजदन्तो गजवरो गजकुम्भो गजध्वनिः॥४१॥

गजमायो गजमयो गजश्रीर्गजगर्जितः।

गजामयहरो नित्यं गजपुष्टिप्रदायकः॥४२॥

गजोत्पत्तिर्गजत्राता गजहेतुर्गजाधिपः।

गजमुख्यो गजकुलप्रवरो गजदैत्यहा॥४३॥

गजकेतुर्गजाध्यक्षो गजसेतुर्गजाकृतिः।

गजवन्द्यो गजप्राणो गजसेव्यो गजप्रभुः॥४४॥

गजमत्तो गजेशानो गजेशो गजपुङ्गवः।

गजदन्तधरो गुञ्जन्मधुपो गजवेषभृत्॥४५॥

गजच्छन्नो गजाग्रस्थो गजयायी गजाजयः।

गजराड्गजयूथस्थो गजगञ्जकभञ्जकः॥४६॥

गर्जितोज्ञितदैत्यासुर्गर्जितत्रातविष्टपः।

गानज्ञो गानकुशलो गानतत्त्वविवेचकः॥४७॥

गानश्लाघी गानरसो गानज्ञानपरायणः।

गानागमज्ञो गानाङ्गो गानप्रवणचेतनः॥४८॥

गानकृद्गानचतुरो गानविद्याविशारदः।

गानध्येयो गानगम्यो गानध्यानपरायणः॥४९॥

गानभूर्गानशीलश्च गानशाली गतश्रमः।

गानविज्ञानसम्पन्नो गानश्रवणलालसः॥५०॥

गानयत्तो गानमयो गानप्रणयवान् सदा।

गानध्याता गानबुद्धिर्गानोत्सुकमनाः पुनः॥५१॥

गानोत्सुको गानभूमिर्गानसीमा गुणोज्ज्वलः।

गानङ्गज्ञानवान् गानमानवान् गानपेशलः॥५२॥

गानवत्प्रणयो गानसमुद्रो गानभूषणः।

गानसिन्धुर्गानपरो गानप्राणो गणाश्रयः॥५३॥

गानैकभूर्गानहृष्टो गानचक्षुर्गाणैकदृक्।

गानमत्तो गानरुचिर्गानविद्गानवित्प्रियः॥५४॥

गानान्तरात्मा गानाढ्यो गानभ्राजत्सभः सदा।

गानमयो गानधरो गानविद्याविशोधकः॥५५॥

गानाहितघ्रो गानेन्द्रो गानलीनो गतिप्रियः।

गानाधीशो गानलयो गानाधारो गतीश्वरः॥५६॥

गानवन्मानदो गानभूतिर्गानैकभूतिमान्।

गानतानततो गानतानदानविमोहितः॥५७॥

गुरुर्गुरुदरश्रोणिर्गुरुतत्त्वार्थदर्शनः।

गुरुस्तुतो गुरुगुणो गुरुमायो गुरुप्रियः॥५८॥

गुरुकीर्तिर्गुरुभुजो गुरुवक्षा गुरुप्रभः।

गुरुलक्षणसम्पन्नो गुरुद्रोहपराङ्मुखः॥५९॥

गुरुविद्यो गुरुप्राणो गुरुबाहुबलोच्छ्रयः।

गुरुदैत्यप्राणहरो गुरुदैत्यापहारकः॥६०॥

गुरुगर्वहरो गुह्यप्रवरो गुरुदर्पहा।

गुरुगौरवदायी च गुरुभीत्यपहारकः॥६१॥

गुरुशुण्डो गुरुस्कन्धो गुरुजङ्घो गुरुप्रथः।

गुरुभालो गुरुगलो गुरुश्रीर्गुरुगर्वनुत्॥६२॥

गुरूरुर्गुरुपीनांसो गुरुप्रणयलालसः।

गुरुमुख्यो गुरुकुलस्थायी गुरुगुणः सदा॥६३॥

गुरुसंशयभेत्ता च गुरुमानप्रदायकः।

गुरुधर्मसदाराध्यो गुरुधर्मनिकेतनः॥६४॥

गुरुदैत्यकुलच्छेत्ता गुरुसैन्यो गुरुद्युतिः॥६५॥

गुरुधर्माग्रगण्योऽथ गुरुधर्मधुरन्धरः।

गरिष्ठो गुरुसन्तापशमनो गुरुपूजितः॥६६॥

गुरुधर्मधरो गौरधर्माधारो गदापहः।

गुरुशास्त्रविचारज्ञो गुरुशास्त्रकृतोद्यमः॥६७॥

गुरुशास्त्रार्थनिलयो गुरुशास्त्रालयः सदा।

गुरुमन्त्रो गुरुशेष्ठो गुरुमन्त्रफलप्रदः॥६८॥

गुरुस्त्रीगमनोद्दामप्रायश्चित्तनिवारकः।

गुरुसंसारसुखदो गुरुसंसारदुःखभित्॥६९॥

गुरुश्लाघापरो गौरभानुखण्डावतंसभृत्।

गुरुप्रसन्नमूर्तिश्च गुरुशापविमोचकः॥७०॥

गुरुकान्तिर्गुरुमयो गुरुशासनपालकः।

गुरुतन्त्रो गुरुप्रज्ञो गुरुभो गुरुदैवतम्॥७१॥

गुरुविक्रमसञ्चारो गुरुदृग्गुरुविक्रमः।

गुरुक्रमो गुरुप्रेष्ठो गुरुपाखण्डखण्डकः॥७२॥

गुरुगर्जितसम्पूर्णब्रह्माण्डो गुरुगर्जितः।

गुरुपुत्रप्रियसखो गुरुपुत्रभयापहः॥७३॥

गुरुपुत्रपरित्राता गुरुपुत्रवरप्रदः।

गुरुपुत्रार्तिशमनो गुरुपुत्राधिनाशनः॥७४॥

गुरुपुत्रप्राणदाता गुरुभक्तिपरायणः।

गुरुविज्ञानविभवो गौरभानुवरप्रदः॥७५॥

गौरभानुस्तुतो गौरभानुत्रासापहारकः।

गौरभानुप्रियो गौरभानुर्गौरववर्धनः॥७६॥

गौरभानुपरित्राता गौरभानुसखः सदा।

गौरभानुर्प्रभुर्गौरभानुभीतिप्रणाशनः॥७७॥

गौरीतेजःसमुत्पन्नो गौरीहृदयनन्दनः।

गौरीस्तनन्धयो गौरीमनोवाञ्छितसिद्धिकृत्॥७८॥

गौरो गौरगुणो गौरप्रकाशो गौरभैरवः।

गौरीशनन्दनो गौरीप्रियपुत्रो गदाधरः॥७९॥

गौरीवरप्रदो गौरीप्रणयो गौरसच्छविः।

गौरीगणेश्वरो गौरीप्रवणो गौरभावनः॥८०॥

गौरात्मा गौरकीर्तिश्च गौरभावो गरिष्ठदृक्।

गौतमो गौतमीनाथो गौतमीप्राणवल्लभः॥८१॥

गौतमाभीष्टवरदो गौतमाभयदायकः।

गौतमप्रणयप्रह्वो गौतमाश्रमदुःखहा॥८२॥

गौतमीतीरसञ्चारी गौतमीतीर्थनायकः।

गौतमापत्परिहारो गौतमाधिविनाशनः॥८३॥

गोपतिर्गोधनो गोपो गोपालप्रियदर्शनः।

गोपालो गोगणाधीशो गोकश्मलनिवर्तकः॥८४॥

गोसहस्रो गोपवरो गोपगोपीसुखावहः।

गोवर्धनो गोपगोपो गोपो गोकुलवर्धनः॥८५॥

गोचरो गोचराध्यक्षो गोचरप्रीतिवृद्धिकृत्।

गोमी गोकष्टसन्त्राता गोसन्तापनिवर्तकः॥८६॥

गोष्ठो गोष्ठाश्रयो गोष्ठपतिर्गोधनवर्धनः।

गोष्ठप्रियो गोष्ठमयो गोष्ठामयनिवर्तकः॥८७॥

गोलोको गोलको गोभृद्गोभर्ता गोसुखावहः।

गोधुग्गोधुग्गणप्रेष्ठो गोदोग्धा गोमयप्रियः॥८८॥

गोत्रं गोत्रपतिर्गोत्रप्रभुर्गोत्रभयापहः।

गोत्रवृद्धिकरो गोत्रप्रियो गोत्रार्तिनाशनः॥८९॥

गोत्रोद्धारपरो गोत्रप्रवरो गोत्रदैवतम्।

गोत्रविख्यातनामा च गोत्री गोत्रप्रपालकः॥९०॥

गोत्रसेतुर्गोत्रकेतुर्गोत्रहेतुर्गतक्लमः।

गोत्रत्राणकरो गोत्रपतिर्गोत्रेशपूजितः॥९१॥

गोत्रभिद्गोत्रभित्त्राता गोत्रभिद्वरदायकः।

गोत्रभित्पूजितपदो गोत्रभिच्छत्रुसूदनः॥९२॥

गोत्रभित्प्रीतिदो नित्यं गोत्रभिद्गोत्रपालकः।

गोत्रभिद्गीतचरितो गोत्रभिद्राज्यरक्षकः॥९३॥

गोत्रभिज्जयदायी च गोत्रभित्प्रणयः सदा।

गोत्रभिद्भयसम्भेत्ता गोत्रभिन्मानदायकः॥९४॥

गोत्रभिद्गोपनपरो गोत्रभित् सैन्यनायकः।

गोत्राधिपप्रियो गोत्रपुत्रीपुत्रो गिरिप्रियः॥९५॥

ग्रन्थज्ञो ग्रन्थकृद्ग्रन्थग्रन्थिभिद्ग्रन्थविघ्नहा।

ग्रन्थादिर्ग्रन्थसञ्चारो ग्रन्थश्रवणलोलुपः॥९६॥

ग्रन्थादीनक्रियो ग्रन्थप्रियो ग्रन्थार्थतत्त्ववित्।

ग्रन्थसंशयसञ्छेदी ग्रन्थवक्ता ग्रहाग्रणीः॥९७॥

ग्रन्थगीतगुणो ग्रन्थगीतो ग्रन्थादिपूजितः।

ग्रन्थारम्भस्तुतो ग्रन्थग्राही ग्रन्थार्थपारदृक्॥९८॥

ग्रन्थदृग्ग्रन्थविज्ञानो ग्रन्थसन्दर्भषोधकः।

ग्रन्थकृत्पूजितो ग्रन्थकरो ग्रन्थपरायणः॥९९॥

ग्रन्थपारायणपरो ग्रन्थसन्देहभञ्जकः।

ग्रन्थकृद्वरदाता च ग्रन्थकृद्वन्दितः सदा॥१००॥

ग्रन्थानुरक्तो ग्रन्थज्ञो ग्रन्थानुग्रहदायकः।

ग्रन्थान्तरात्मा ग्रन्थार्थपण्डितो ग्रन्थसौहृदः॥१०१॥

ग्रन्थपारङ्गमो ग्रन्थगुणविद्ग्रन्थविग्रहः।

ग्रन्थसेतुर्ग्रन्थहेतुर्ग्रन्थकेतुर्ग्रहाग्रगः॥१०२॥

ग्रन्थपूज्यो ग्रन्थगेयो ग्रन्थग्रथनलालसः।

ग्रन्थभूमिर्ग्रहश्रेष्ठो ग्रहकेतुर्ग्रहाश्रयः॥१०३॥

ग्रन्थकारो ग्रन्थकारमान्यो ग्रन्थप्रसारकः।

ग्रन्थश्रमज्ञो ग्रन्थाङ्गो ग्रन्थभ्रमनिवारकः॥१०४॥

ग्रन्थप्रवणसर्वाङ्गो ग्रन्थप्रणयतत्परः।

गीतं गीतगुणो गीतकीर्तिर्गीतविशारदः॥१०५॥

गीतस्फीतयशा गीतप्रणयो गीतचञ्चुरः।

गीतप्रसन्नो गीतात्मा गीतलोलो गतस्पृहः॥१०६॥

गीताश्रयो गीतमयो गीततत्त्वार्थकोविदः।

गीतसंशयसञ्छेत्ता गीतसङ्गीतशासनः॥१०७॥

गीतार्थज्ञो गीततत्त्वो गीतातत्त्वं गताश्रयः।

गीतासारोऽथ गीताकृद्गीताकृद्विघ्ननाशनः॥१०८॥

गीताशक्तो गीतलीनो गीताविगतसञ्ज्वरः।

गीतैकदृग्गीतभूतिर्गीतप्रीतो गतालसः॥१०९॥

गीतवाद्यपटुर्गीतप्रभुर्गीतार्थतत्त्ववित्।

गीतागीतविवेकज्ञो गीताप्रवणचेतनः॥११०॥

गतभीर्गतविद्वेषो गतसंसारबन्धनः।

गतमायो गतत्रासो गतदुःखो गतज्वरः॥१११॥

गतासुहृद्गतज्ञानो गतदुष्टाशयो गतः।

गतार्तिर्गतसङ्कल्पो गतदुष्टविचेष्टितः॥११२॥

गताहङ्कारसञ्चारो गतदर्पो गताहितः।

गतविघ्नो गतभयो गतागतनिवारकः॥११३॥

गतव्यथो गतापायो गतदोषो गतेः परः।

गतसर्वविकारोऽथ गतगञ्जितकुञ्जरः॥११४॥

गतकम्पितभूपृष्ठो गतरुग्गतकल्मषः।

गतदैन्यो गतस्तैन्यो गतमानो गतश्रमः॥११५॥

गतक्रोधो गतग्लानिर्गतम्लानो गतभ्रमः।

गताभावो गतभवो गततत्त्वार्थसंशयः॥११६॥

गयासुरशिरश्छेत्ता गयासुरवरप्रदः।

गयावासो गयानाथो गयावासिनमस्कृतः॥११७॥

गयातीर्थफलाध्यक्षो गयायात्राफलप्रदः।

गयामयो गयाक्षेत्रं गयाक्षेत्रनिवासकृत्॥११८॥

गयावासिस्तुतो गयान्मधुव्रतलसत्कटः।

गायको गायकवरो गायकेष्टफलप्रदः॥११९॥

गायकप्रणयी गाता गायकाभयदायकः।

गायकप्रवणस्वान्तो गायकः प्रथमः सदा॥१२०॥

गायकोद्गीतसम्प्रीतो गायकोत्कटविघ्नहा।

गानगेयो गानकेशो गायकान्तरसञ्चरः॥१२१॥

गायकप्रियदः शश्वद्गायकाधीनविग्रहः।

गेयो गेयगुणो गेयचरितो गेयतत्त्ववित्॥१२२॥

गायकत्रासहा ग्रन्थो ग्रन्थतत्त्वविवेचकः।

गाढानुरागो गाढाङ्गो गाढागङ्गाजलोऽन्वहम्॥१२३॥

गाढावगाढजलधिर्गाढप्रज्ञो गतामयः।

गाढप्रत्यर्थिसैन्योऽथ गाढानुग्रहतत्परः॥१२४॥

गाढश्लेषरसाभिज्ञो गाढनिर्वृतिसाधकः।

गङ्गाधरेष्टवरदो गङ्गाधरभयापहः॥१२५॥

गङ्गाधरगुरुर्गङ्गाधरध्यातपदः सदा।

गङ्गाधरस्तुतो गङ्गाधराराध्यो गतस्मयः॥१२६॥

गङ्गाधरप्रियो गङ्गाधरो गङ्गाम्बुसुन्दरः।

गङ्गाजलरसास्वादचतुरो गाङ्गतीरयः॥१२७॥

गङ्गाजलप्रणयवान् गङ्गातीरविहारकृत्।

गङ्गाप्रियो गङ्गाजलावगाहनपरः सदा॥१२८॥

गन्धमादनसंवासो गन्धमादनकेलिकृत्।

गन्धानुलिप्तसर्वाङ्गो गन्धलुब्धमधुव्रतः॥१२९॥

गन्धो गन्धर्वराजोऽथ गन्धर्वप्रियकृत् सदा।

गन्धर्वविद्यातत्त्वज्ञो गन्धर्वप्रीतिवर्धनः॥१३०॥

गकारबीजनिलयो गकारो गर्विगर्वनुत्।

गन्धर्वगणसंसेव्यो गन्धर्ववरदायकः॥१३१॥

गन्धर्वो गन्धमातङ्गो गन्धर्वकुलदैवतम्।

गन्धर्वगर्वसञ्छेत्ता गन्धर्ववरदर्पहा॥१३२॥

गन्धर्वप्रवणस्वान्तो गन्धर्वगणसंस्तुतः।

गन्धर्वार्चितपादाब्जो गन्धर्वभयहारकः॥१३३॥

गन्धर्वाभयदः शश्वद्गन्धर्वप्रतिपालकः।

गन्धर्वगीतचरितो गन्धर्वप्रणयोत्सुकः॥१३४॥

गन्धर्वगानश्रवणप्रणयी गर्वभञ्जनः।

गन्धर्वत्राणसन्नद्धो गन्धर्वसमरक्षमः॥१३५॥

गन्धर्वस्त्रीभिराराध्यो गानं गानपटुः सदा।

गच्छो गच्छपतिर्गच्छनायको गच्छगर्वहा॥१३६॥

गच्छराजोऽथ गच्छेशो गच्छराजनमस्कृतः।

गच्छप्रियो गच्छगुरुर्गच्छत्राणकृतोद्यमः॥१३७॥

गच्छप्रभुर्गच्छचरो गच्छप्रियकृतोद्यमः।

गच्छगीतगुणो गच्छमर्यादाप्रतिपालकः॥१३८॥

गच्छधाता गच्छभर्ता गच्छवन्द्यो गुरोर्गुरुः।

गृत्सो गृत्समदो गृत्समदाभीष्टवरप्रदः॥१३९॥

गीर्वाणगीतचरितो गीर्वाणगणसेवितः।

गीर्वाणवरदाता च गीर्वाणभयनाशकृत्॥१४०॥

गीर्वाणगुणसंवीतो गीर्वाणारातिसूदनः।

गीर्वाणधाम गीर्वाणगोप्ता गीर्वाणगर्वहृत्॥१४१॥

गीर्वाणार्तिहरो नित्यं गीर्वाणवरदायकः।

गीर्वाणशरणं गीतनामा गीर्वाणसुन्दरः॥१४२॥

गीर्वाणप्राणदो गन्ता गीर्वाणानीकरक्षकः।

गुहेहापूरको गन्धमत्तो गीर्वाणपुष्टिदः॥१४३॥

गीर्वाणप्रयुतत्राता गीतगोत्रो गताहितः।

गीर्वाणसेवितपदो गीर्वाणप्रथितो गलत्॥१४४॥

गीर्वाणगोत्रप्रवरो गीर्वाणफलदायकः।

गीर्वाणप्रियकर्ता च गीर्वाणागमसारवित्॥१४५॥

गीर्वाणागमसम्पत्तिर्गीर्वाणव्यसनापहः।

गीर्वाणप्रणयो गीतग्रहणोत्सुकमानसः॥१४६॥

गीर्वाणभ्रमसम्भेत्ता गीर्वाणगुरुपूजितः।

ग्रहो ग्रहपतिर्ग्राहो ग्रहपीडाप्रणाशनः॥१४७॥

ग्रहस्तुतो ग्रहाध्यक्षो ग्रहेशो ग्रहदैवतम्।

ग्रहकृद्ग्रहभर्ता च ग्रहेशानो ग्रहेश्वरः॥१४८॥

ग्रहाराध्यो ग्रहत्राता ग्रहगोप्ता ग्रहोत्कटः।

ग्रहगीतगुणो ग्रन्थप्रणेता ग्रहवन्दितः॥१४९॥

गवी गवीश्वरो गर्वी गर्विष्ठो गर्विगर्वहा।

गवाम्प्रियो गवान्नाथो गवीशानो गवाम्पती॥१५०॥

गव्यप्रियो गवाङ्गोप्ता गविसम्पत्तिसाधकः।

गविरक्षणसन्नद्धो गवाम्भयहरः क्षणात्॥१५१॥

गविगर्वहरो गोदो गोप्रदो गोजयप्रदः।

गजायुतबलो गण्डगुञ्जन्मत्तमधुव्रतः॥१५२॥

गण्डस्थललसद्दानमिलन्मत्तालिमण्डितः।

गुडो गुडप्रियो गुण्डगलद्दानो गुडाशनः॥१५३॥

गुडाकेशो गुडाकेशसहायो गुडलड्डुभुक्।

गुडभुग्गुडभुग्गणयो गुडाकेशवरप्रदः॥१५४॥

गुडाकेशार्चितपदो गुडाकेशसखः सदा।

गदाधरार्चितपदो गदाधरवरप्रदः॥१५५॥

गदायुधो गदापाणिर्गदायुद्धविशारदः।

गदहा गददर्पघ्नो गदगर्वप्रणाशनः॥१५६॥

गदग्रस्तपरित्राता गदाडम्बरखण्डकः।

गुहो गुहाग्रजो गुप्तो गुहाशायी गुहाशयः॥१५७॥

गुहप्रीतिकरो गूढो गूढगुल्फो गुणैकदृक्।

गीर्गीष्पतिर्गिरीशानो गीर्देवीगीतसद्गुणः॥१५८॥

गीर्देवो गीष्प्रियो गीर्भूर्गीरात्मा गीष्प्रियङ्करः।

गीर्भूमिर्गीरसन्नोऽथ गीःप्रसन्नो गिरीश्वरः॥१५९॥

गिरीशजो गिरौशायी गिरिराजसुखावहः।

गिरिराजार्चितपदो गिरिराजनमस्कृतः॥१६०॥

गिरिराजगुहाविष्टो गिरिराजाभयप्रदः।

गिरिराजेष्टवरदो गिरिराजप्रपालकः॥१६१॥

गिरिराजसुतासूनुर्गिरिराजजयप्रदः।

गिरिव्रजवनस्थायी गिरिव्रजचरः सदा॥१६२॥

गर्गो गर्गप्रियो गर्गदेहो गर्गनमस्कृतः।

गर्गभीतिहरो गर्गवरदो गर्गसंस्तुतः॥१६३॥

गर्गगीतप्रसन्नात्मा गर्गानन्दकरः सदा।

गर्गप्रियो गर्गमानप्रदो गर्गारिभञ्जकः॥१६४॥

गर्गवर्गपरित्राता गर्गसिद्धिप्रदायकः।

गर्गग्लानिहरो गर्गभ्रमहृद्गर्गसङ्गतः॥१६५॥

गर्गाचार्यो गर्गमुनिर्गर्गसम्मानभाजनः।

गम्भीरो गणितप्रज्ञो गणितागमसारवित्॥१६६॥

गणको गणकश्लाघ्यो गणकप्रणयोत्सुकः।

गणकप्रवणस्वान्तो गणितो गणितागमः॥१६७॥

गद्यं गद्यमयो गद्यपद्यविद्याविशारदः।

गललग्नमहानागो गलदर्चिर्गलन्मदः॥१६८॥

गलत्कुष्ठिव्यथाहन्ता गलत्कुष्ठिसुखप्रदः।

गम्भीरनाभिर्गम्भीरस्वरो गम्भीरलोचनः॥१६९॥

गम्भीरगुणसम्पन्नो गम्भीरगतिशोभनः।

गर्भप्रदो गर्भरूपो गर्भापद्विनिवारकः॥१७०॥

गर्भागमनसन्नाशो गर्भदो गर्भशोकनुत्।

गर्भत्राता गर्भगोप्ता गर्भपुष्टिकरः सदा॥१७१॥

गर्भाश्रयो गर्भमयो गर्भामयनिवारकः।

गर्भाधारो गर्भधरो गर्भसन्तोषसाधकः॥१७२॥

गर्भगौरवसन्धानसन्धानं गर्भवर्गहृत्।

गरीयान् गर्वनुद्गर्वमर्दी गरदमर्दकः॥१७३॥

गरसन्तापशमनो गुरुराज्यसुखप्रदः।

गणपतिस्तवः

Thu, 10 Jul 2014 00:00:00 +0000

गणपतिस्तवः

गर्ग ऋषिरुवाच

अजं निर्विकल्पं निराकारमेकं
निरानन्दमानन्दमद्वैतपूर्णम्।
परं निर्गुणं निर्विशेषं निरीहं
परब्रह्मरूपं गणेशं भजेम॥१॥

गुणातीतमानं चिदानन्दरूपं
चिदाभासकं सर्वगं ज्ञानगम्यम्।
मुनिध्येयमाकाशरूपं परेशं
परब्रह्मरूपं गणेशं भजेम॥२॥

जगत्कारणं कारणज्ञानरूपं
सुरादिं सुखादिं गुणेशं गणेशम्।
जगद्व्यापिनं विश्ववन्द्यं सुरेशं
परब्रह्मरूपं गणेशं भजेम॥३॥

रजोयोगतो ब्रह्मरूपं श्रुतिज्ञं
सदा कार्यसक्तं हृदाऽचिन्त्यरूपम्।
जगत्कारणं सर्वविद्यानिदानं
परब्रह्मरूपं गणेशं नताः स्मः॥४॥

सदा सत्ययोग्यं मुदा क्रीडमानः
सुरारीन् हरन्तं जगत्पालयन्तम्।
अनेकावतारं निजज्ञानहारं
सदा विश्वरूपं गणेशं नमामः॥५॥

तमोयोगिनं रुद्ररूपं त्रिनेत्रं
जगद्धारकं तारकं ज्ञानहेतुम्।
अनेकागमैः स्वं जनं बोधयन्तं
सदा सर्वरूपं गणेशं नमामः॥६॥

तमः स्तोमहारं जनाज्ञानहारं
त्रयीवेदसारं परब्रह्मसारम्।
मुनिज्ञानकारं विदूरे विकारं
सदा ब्रह्मरूपं गणेशं नमामः॥७॥

निजैरोषधीस्तर्पयन्तं कराद्यैः
सुरौघान्कलाभिः सुधास्राविणीभिः।
दिनेशांशुसन्तापहारं द्विजेशं
शशाङ्कस्वरूपं गणेशं नमामः॥८॥

प्रकाशस्वरूपं नभो वायुरूपं
विकारादिहेतुं कलाधाररूपम्।
अनेकक्रियानेकशक्तिस्वरूपं
सदा शक्तिरूपं गणेशं नमामः॥९॥

प्रधानस्वरूपं महत्तत्त्वरूपं
धराचारिरूपं दिगीशादिरूपम्।
असत्सत्स्वरूपं जगद्धेतुरूपं
सदा विश्वरूपं गणेशं नताः स्मः॥१०॥

त्वदीये मनः स्थापयेदङ्घ्रियुग्मे
जनो विघ्नसङ्घातपीडां लभेत।
लसत्सूर्यबिम्बे विशाले स्थितोऽयं
जनो ध्वान्तपीडां कथं वा लभेत॥११॥

वयं भ्रामिताः सर्वथाऽज्ञानयोगा-
दलब्धास्तवाङ्घ्रिं बहून् वर्षपूगान्।
इदानीमवाप्तास्तवैव प्रसादात्
प्रपन्नान् सदा पाहि विश्वम्भराद्य॥१२॥

एवं स्तुतो गणेशस्तु सन्तुष्टोऽभून्महामुने।

कृपया परयोपेतोऽभिधातुमुपचक्रमे॥

॥इति श्रीमद् गर्गऋषिकृतो श्री-गणपतिस्तवः सम्पूर्णः॥

गुहपञ्चरत्नम्

Thu, 10 Jul 2014 00:00:00 +0000

Pancharatnam

गुहपञ्चरत्नम्

ओङ्कारनगरस्थं तं निगमान्तवनेश्वरम्।

नित्यमेकं शिवं शान्तं वन्दे गुहमुमासुतम्॥१॥

वाचामगोचरं स्कन्दं चिदुद्यानविहारिणम्।

गुरुमूर्तिं महेशानं वन्दे गुहमुमासुतम्॥२॥

सच्चिदनन्दरूपेशं संसारध्वान्तदीपकम्।

सुब्रह्मण्यमनाद्यन्तं वन्दे गुहमुमासुतम्॥३॥

स्वामिनाथं दयासिन्धुं भवाब्धेस्तारकं प्रभुम्।

निष्कलङ्कं गुणातीतं वन्दे गुहमुमासुतम्॥४॥

निराकारं निराधारं निर्विकारं निरामयम्।

निर्द्वन्द्वं च निरालम्बं वन्दे गुहमुमासुतम्॥५॥

॥इति श्री-गुहपञ्चरत्नं सम्पूर्णम्॥

PDF:A5 / print Kindle Kindle Scribe

ध्यान-स्तोत्राणि

Thu, 10 Jul 2014 00:00:00 +0000

ध्यान-स्तोत्राणि

गणेश-ध्यानम्

ओङ्कार-सन्निभमिभाननमिन्दुभालम्
मुक्ताग्रबिन्दुममलद्युतिमेकदन्तं।
लम्बोदरं कलचतुर्भुजमादिदेवम्
ध्यायेन्महागणपतिं मतिसिद्धिकान्तम्॥

विष्णु-ध्यानम्

शान्ताकारं भुजगशयनं पद्मनाभं सुरेशं
विश्वाधारं गगनसदृशं मेघवर्णं शुभाङ्गम्।
लक्ष्मीकान्तं कमलनयनं योगिहृद्‌ध्यानगम्यं
वन्दे विष्णुं भवभयहरं सर्वलोकैकनाथम्॥

लक्ष्मी-ध्यानम्

लक्ष्मीं क्षीरसमुद्रराजतनयां श्रीरङ्गधामेश्वरीं
दासीभूतसमस्तदेववनितां लोकैकदीपाङ्कुराम्।
श्रीमन्मन्दकटाक्षलब्धविभवब्रह्मेन्द्रगङ्गाधरां
त्वां त्रैलोक्यकुटुम्बिनीं सरसिजां वन्दे मुकुन्दप्रियाम्॥

राम-ध्यानम्

वैदेहीसहितं सुरद्रुमतले हैमे महामण्डपे
मध्ये पुष्पकमासने मणिमये वीरासने सुस्थितम्।
अग्रे वाचयति प्रभञ्जनसुते तत्त्वं मुनिभ्यः परं
व्याख्यान्तं भरतादिभिः परिवृतं रामं भजे श्यामलम्॥

वामे भूमिसुता पुरश्च हनुमान् पश्चात् सुमित्रासुतः
शत्रुघ्नो भरतश्च पार्श्वदलयोर्वाय्वादिकोणेषु च।
सुग्रीवश्च विभीषणश्च युवराट् तारासुतो जाम्बवान्
मध्ये नीलसरोजकोमलरुचिं रामं भजे श्यामलम्॥

सीता-ध्यानम्

वामाङ्गे रघुनायकस्य रुचिरे या संस्थिता शोभना
या विप्राधिपयानरम्यनयना या विप्रपालानना।
विद्युत्पुञ्जविराजमानवसना भक्तार्तिसङ्खण्डना
श्रीमद्राघवपादपद्मयुगलन्यस्तेक्षणा साऽवतु॥

हनुमत्-ध्यानम्

उष्ट्रारूढ-सुवर्चलासहचरन् सुग्रीवमित्राञ्जना-
सूनो वायुकुमार केसरितनूजाऽक्षादिदैत्यान्तक।
सीतशोकहराग्निनन्दन सुमित्रासम्भवप्राणद
श्रीभीमाग्रज शम्भुपुत्र हनुमान् सूर्यास्य तुभ्यं नमः॥

खड्गं खेटक-भिण्डिपाल-परशुं पाश-त्रिशूल-द्रुमान्
चक्रं शङ्ख-गदा-फलाङ्कुश-सुधाकुम्भान् हलं पर्वतम्।
टङ्कं पर्वतकार्मुकाहिडमरूनेतानि दिव्यायुधान्
एवं विंशतिबाहुभिश्च दधतं ध्यायेद्धनूमत्प्रभुम्॥

सदाशिव-ध्यानम्

वन्दे शम्भुमुमापतिं सुरगुरुं वन्दे जगत्कारणं
वन्दे पन्नगभूषणं मृगधरं वन्दे पशूनां पतिम्।
वन्दे सूर्यशशाङ्कवह्निनयनं वन्दे मुकुन्दप्रियं
वन्दे भक्तजनाश्रयं च वरदं वन्दे शिवं शङ्करम्॥

सुब्रह्मण्य-ध्यानम्

सिन्दूरारुणमिन्दुकान्तिवदनं केयूरहारादिभिर्-
दिव्यैराभरणैर्विभूषिततनुं स्वर्गादिसौख्यप्रदम्।
अम्भोजाभय-शक्ति-कुक्कुटधरं रक्ताङ्गरागोज्ज्वलं
सुब्रह्मण्यमुपास्महे प्रणमतां भीतिप्रणाशोद्यतम्॥

षड्वक्त्रं शिखिवाहनं त्रिनयनं चित्राम्बरालङ्कृतं
वज्रं शक्तिमसिं त्रिशूलमभयं खेटं धनुश्चक्रकम्।
पाशं कुक्कुटमङ्कुशं च वरदं दोर्भिर्दधानं सदा
ध्यायेदीप्सित-सिद्धिदं शिवसुतं स्कन्दं सुराराधितम्॥

वल्ली-ध्यानम्

श्यामां पङ्कजधारिणीं मणिलसत् ताटङ्ककर्णोज्ज्वलां
दक्षे लम्बकरां किरीटमकुटां तुङ्गस्तनोत्कञ्चुकाम्।
अन्योन्येक्षणसंयुगां शरवणोद्भूतस्य सव्ये स्थितां
गुञ्जामाल्यधराम् प्रवालवसनां वल्लीश्वरीं भावये॥

देवसेना-ध्यानम्

पीतामुत्फलधारिणीं शशिसुतां पीताम्बरालङ्कृतां
वामे लम्बकरां महेन्द्रतनयां मन्दारमालाधराम्।
दैवार्चितपादपद्मयुगलां स्कन्दस्य वामे स्थितां
सेनां दिव्यविभूषितां त्रिनयनां देवीं त्रिभङ्गीं भजे॥

दण्डायुधपाणि-ध्यानम्

कल्पद्रुमं प्रणमतां कमलारुणाभं
स्कन्दं भुजद्वयमनामयमेकवक्त्रम्।
कात्यायनीप्रियसुतं कटिबद्धवामं
कौपीनदण्डधरदक्षिणहस्तमीडे॥

ऋग्वेद-ध्यानम्

ऋग्वेदः श्वेतवर्णः स्याद् द्विभुजो रासभाननः।

अक्षमालायुतः सौम्यः प्रीतश्चाध्ययनोद्यतः॥

यजुर्वेद-ध्यानम्

अजास्यः पीतवर्णः स्याद्यजुर्वेदोऽक्षसूत्रधृक्।

वामे कुलिशपाणिस्तु भूतिदो मङ्गलप्रदः॥

सामवेद-ध्यानम्

नीलोत्पलदलाभासः सामवेदो हयाननः।

अक्षमालान्वितो दक्षे वामे कम्बुधरः स्मृतः॥

अथर्ववेद-ध्यानम्

अथर्वणाभिधो वेदो धवलो मर्कटाननः।

अक्षसूत्रं च खट्वाङ्गं बिभ्राणो यजनप्रियः॥

❀

PDF:A5 / print Kindle Kindle Scribe

श्रीनिवास गद्यम्

Thu, 10 Jul 2014 00:00:00 +0000

Gadyam

श्रीनिवास गद्यम्

श्रीमदखिल-महीमण्डल-मण्डन-धरणिधर-मण्डलाखण्डलस्य'
निखिल-सुरासुर-वन्दित-वराहक्षेत्र-विभूषणस्य' शेषाचल-
गरुडाचल-वृषभाचल-नारायणाचलाञ्जनाचलादि शिखरिमालाकुलस्य' नादमुख-बोधनिधि-वीधिगुण-साभरण-सत्त्वनिधि-तत्त्वनिधि-भक्तिगुणपूर्ण-श्रीशैलपूर्ण-गुणवशंवद-परमपुरुष-कृपापूर-विभ्रमदतुङ्गशृङ्ग-गलद्गगनगङ्गासमालिङ्गितस्य' सीमातिग गुण रामानुजमुनि नामाङ्कित बहु भूमाश्रय सुरधामालय
वनरामायत वनसीमापरिवृत विशङ्कटतट निरन्तर विजृम्भित भक्तिरस
निर्झरानन्तार्याहार्य प्रस्रवणधारापूर विभ्रमद-सलिलभरभरित महातटाक मण्डितस्य' कलिकर्दम मलमर्दन कलितोद्यम विलसद्यम
नियमादिम मुनिगणनिषेव्यमाण प्रत्यक्षीभवन्निजसलिल मज्जन
नमज्जन निखिलपापनाशन पापनाशन तीर्थाध्यासितस्य'
मुरारिसेवक जरादिपीडित निरार्तिजीवन निराश भूसुर वरातिसुन्दर सुराङ्गनारति कराङ्गसौष्ठव कुमारताकृति कुमारतारक समापनोदय तनूनपातक महापदामय विहापनोदित सकलभुवन विदित कुमारधाराभिधान-तीर्थाधिष्ठितस्य' धरणितल गत सकल हतकलिल शुभसलिल गतबहुल विविधमल हति चतुर रुचिरतर विलोकनमात्र विदलित विविधमहापातक स्वामिपुष्करिणी समेतस्य' बहुसङ्कट
नरकावट पतदुत्कट कलिकङ्कट कलुषोद्भट जनपातक विनिपातक
रुचिनाटक करहाटक कलशाहृत कमलारत शुभमज्जन जल सज्जन भरित निजदुरित हतिनिरत जनसतत निरर्गलपेपीयमान सलिल
सम्भृत विशङ्कट कटाहतीर्थ विभूषितस्य' एवमादिम भूरिमञ्जिम
सर्वपातक गर्वहातक सिन्धुडम्बर हारिशम्बर विविधविपुल पुण्यतीर्थनिवहनिवासस्य' श्रीमतो वेङ्कटाचलस्य शिखरशेखर-
महाकल्पशाखी' खर्वीभवदति गर्वीकृत गुरुमेर्वीशगिरि मुखोर्वीधर कुलदर्वीकर दयितोर्वीधर शिखरोर्वी' सतत सदूर्वीकृति चरणघन गर्वचर्वण निपुण तनुकिरणमसृणित गिरिशिखरशेखरतरुनिकर
तिमिरः' वाणीपतिशर्वाणी दयितेन्द्राणीश्वर मुख नाणीयोरसवेणी निभशुभवाणी नुतमहिमाणी' यस्तर कोणी भवदखिलभुवनभवनोदरः' वैमानिकगुरु भूमाधिक गुण रामानुज कृतधामाकर करधामारि दरललामाच्छकनक दामायित निजरामालय' नवकिसलयमय तोरणमालायित वनमालाधरः' कालाम्बुद मालानिभ नीलालक
जालावृत बालाब्ज सलीलामल फालाङ्गसमूलामृत धाराद्वयावधीरण' धीरललिततर विशदतर घन घनसारमयोर्ध्वपुण्ड्ररेखाद्वयरुचिरः' सुविकस्वर दलभास्वर कमलोदर गतमेदुर नवकेसर ततिभासुर परिपिञ्जर कनकाम्बर कलितादर ललितोदर तदालम्ब जम्भरिपु मणिस्तम्भ गम्भीरिमदम्भस्तम्भ समुज्जृम्भमान पीवरोरुयुगल
तदालम्ब पृथुल कदली मुकुल मदहरणजङ्घाल जङ्घायुगलः'
नव्यदल भव्यगल पीतमल शोणिमल सन्मृदुल सत्किसलयाश्रुजल-
कारि बल शोणतल पदकमल निजाश्रय बलबन्दीकृत शरदिन्दुमण्डली विभ्रमदादभ्र शुभ्र पुनर्भवाधिष्ठिताङ्गुलीगाढ निपीडित पद्मापनः' जानुतलावधि लम्बि विडम्बित वारण शुण्डादण्ड विजृम्भित नीलमणिमय कल्पकशाखा विभ्रमदायि मृणाललतायत समुज्ज्वलतर कनकवलय वेल्लितैकतर बाहुदण्डयुगलः' युगपदुदित कोटि खरकर हिमकर मण्डल जाज्वल्यमान सुदर्शन पाञ्चजन्य समुत्तुङ्गित शृङ्गापर बाहु युगलः' अभिनवशाण समुत्तेजित महामहा नीलखण्ड मतखण्डन निपुण नवीन परितप्त कार्तस्वर कवचित महनीय पृथुल सालग्राम परम्परा गुम्भित नाभिमण्डल पर्यन्त लम्बमान प्रालम्बदीप्ति समालम्बित विशाल वक्षःस्थलः' गङ्गाझर तुङ्गाकृति भङ्गावलि भङ्गावह सौधावलि बाधावह धारानिभ हारावलि दूराहत गेहान्तर मोहावह महिम मसृणित महातिमिरः' पिङ्गाकृति भृङ्गारु निभाङ्गार दलाङ्गामल निष्कासित दुष्कार्यघ निष्कावलि दीपप्रभ नीपच्छवि तापप्रद कनकमालिका पिशङ्गित सर्वाङ्गः' नवदलित दलवलित मृदुललित कमलतति मदविहति चतुरतर पृथुलतर सरसतर कनकसरमय रुचिकण्ठिका कमनीयकण्ठः' वाताशनाधिपति शयन कमन परिचरण रतिसमेताखिल फणधरतति मतिकरकनकमय नागाभरण परिवीताखिलाङ्गावगमित शयन भूताहिराज जातातिशयः' रविकोटी परिपाटी धरकोटी रपताटी कितवाटी रसधाटी धर मणिगणकिरण विसरण सततविधुत तिमिरमोह गर्भगेहः' अपरिमित विविधभुवन भरिताखण्ड ब्रह्माण्डमण्डल पिचण्डिलः' आर्यधुर्यानन्तार्य पवित्र खनित्रपात पात्रीकृत निजचुबुक गतव्रणकिण विभूषणवहनसूचित श्रितजनवत्सलतातिशयः' मड्डुडिण्डिम ढमरु झर्झर काहली पटहावली मृदुमर्द्दलाशि मृदङ्ग दुन्दुभि ढक्किकामुक हृद्य वाद्यक मधुरमङ्गल नादमेदुर विसृमर सरस गानरस रुचिर सन्तत सन्तन्यमान नित्योत्सव पक्षोत्सव मासोत्सव संवत्सरोत्सवादि विविधोत्सव कृतानन्दः' श्रीमदानन्दनिलय विमानवासः' सतत पद्मालया पदपद्मरेणु सञ्चितवक्षःस्थल पटवासः' श्रीश्रीनिवासः' सुप्रसन्नो विजयताम्॥१॥
नाटारभि भूपाल बिलहरि मायामालव गौला असावेरी' सावेरी
शुद्धसावेरी देवगान्धारी' धन्यासी बेगड हिन्दुस्थानी कापी तोडी नाटकुरञ्जी' श्रीराग सहन अठाण सारङ्गी दर्बारु पन्तुवराली वराली' कल्याणी पूर्वीकल्याणी यमुनाकल्याणी हुसेनी जञ्झोटी कौमारी'
कन्नड खरहरप्रिया कलहंस नादनामक्रिया मुखारी' तोडी पुन्नागवराली
काम्भोजी भैरवी' यदुकुलकाम्भोजी आनन्दभैरवी शङ्कराभरण मोहन
रेगुप्ती सौराष्ट्री' नीलाम्बरी गुणक्रिया मेघगर्जनी' हंसध्वनि शोकवराली मध्यमावती जेञ्जुरुटी सुरटी' द्विजावन्ती मलयाम्बरी कापि
परशुधनासरी देशिकतोडी' आहिरी वसन्तगौली सन्तु केदारगौला कनकाङ्गी रत्नाङ्गी गानमूर्ति' वनस्पति वाचस्पति दानवती मानरूपी सेनापति' हनुमत्तोडी धेनुका नाटकप्रिया कोकिलप्रिया रूपवती गायकप्रिया' वकुलाभरण चक्रवाक सूर्यकान्त हाटकाम्बरी
झङ्कारध्वनि' नटभैरवी गीर्वाणी हरिकाम्भोजी धीरशङ्कराभरण नागानन्दिनी यागप्रिया' विसृमर सरस गानरसेत्यादि सन्तत
सन्तन्यमान नित्योत्सव पक्षोत्सव मासोत्सव संवत्सरोत्सवादि
विविधोत्सव कृतानन्दः' श्रीमदानन्दनिलयवासः' सतत पद्मालया पदपद्मरेणु सञ्चितवक्षःस्थल पटवासः' श्रीश्रीनिवासः' सुप्रसन्नो विजयताम्॥२॥
श्री-अलर्मेल्मङ्गासमेत श्रीश्रीनिवास स्वामी' सुप्रीतः सुप्रसन्नो वरदो
भूत्वा' पनस पाटली पालाश बिल्व पुन्नाग चूत कदली चन्दन
चम्पक मञ्जुल मन्दार हिन्तुलादि तिलक मातुलुङ्ग नारिकेल
क्रौञ्चाशोक माधूकामलक हिन्दुक नागकेतक पूर्णकुन्द पूर्ण गन्ध रस
कन्द वन वञ्जुल खर्जूर साल कोविदार हिन्ताल पनस विकट
वैकसवरुण तरुधमरण विचुलङ्काश्वत्थ यक्ष वसुध वर्माध मन्त्रिणी'
तिन्त्रिणी बोध न्यग्रोध घटपटल जम्बूमतल्ली वसति वासती जीवनी
पोषणी प्रमुख निखिल सन्दोह तमाल माला महित विराजमान चषक
मयूर हंस भारद्वाज कोकिल चक्रवाक कपोत गरुड नारायण नानाविध पक्षिजाति समूह ब्रह्म-क्षत्रिय-वैश्य-शूद्र-नानाजात्युद्भव देवता
निर्माण' माणिक्य-वज्र-वैडूर्य-गोमेधिक-पुष्यराग-पद्मरागेन्द्र प्रवालमौक्तिक-स्फटिक-हेम-रत्नखचित धगद्धगायमान रथगज
तुरग पदादि सेवा समूह' भेरी-मद्दल-मुरवक-झल्लरी-शङ्ख-काहल नृत्यगीत-तालवाद्य-कुम्भवाद्य-पञ्चमुखवाद्य अहमीमार्गन्नटीवाद्य किटिकुन्तलवाद्य सुरटीचौण्डोवाद्य तिमिलकवितालवाद्य
तक्कराग्रवाद्य घण्टाताडन ब्रह्मताल समताल कोट्टरीताल ढक्करीताल ऎक्काल' धारावाद्य पटह कांस्यवाद्य भरतनाट्यालङ्कार किन्नर किम्पुरुष
रुद्रवीणा मुखवीणा वायुवीणा' तुम्बुरुवीणा गान्धर्ववीणा नारदवीणा' स्वरमण्डल रावणहस्तवीणास्तक्रियालङ्क्रियालङ्कृतानेक-
विधवाद्य वापीकूपतटाकादि गङ्गा यमुना रेवा वरुणा शोणनदी शोभनदी'
सुवर्णमुखी वेगवती वेत्रवती क्षीरनदी बाहुनदी गरुडनदी कावेरी ताम्रपर्णी प्रमुखा महापुण्यनद्यः' सजलतीर्थैः सहोभयकूलङ्गत सदाप्रवाह ऋग्यजुःसामाथर्वण वेदशास्त्रेतिहासपुराण-सकलविद्याघोष भानुकोटिप्रकाश चन्द्रकोटिसमान नित्यकल्याण परम्परोत्तरोत्तराभिवृद्धिर्भूयादिति' भवन्तो महान्तोऽनुगृह्णन्तु।
ब्रह्मण्यो राजा धार्मिकोऽस्तु। देशोऽयं निरुपद्रवोऽस्तु।
सर्वे साधुजनाः सुखिनो विलसन्तु। समस्तसन्मङ्गलानि सन्तु। उत्तरोत्तराभिवृद्धिरस्तु। सकलकल्याणसमृद्धिरस्तु॥३॥
॥हरिः ॐ॥

सरस्वतीस्तोत्रम् अगस्त्यमुनि-प्रोक्तम्

Thu, 10 Jul 2014 00:00:00 +0000

सरस्वतीस्तोत्रम् अगस्त्यमुनि-प्रोक्तम्

या कुन्देन्दुतुषारहारधवला या शुभ्रवस्त्रावृता
या वीणावरदण्डमण्डितकरा या श्वेतपद्मासना।
या ब्रह्माच्युतशङ्करप्रभृतिभिर्देवैः सदा पूजिता
सा मां पातु सरस्वती भगवती निःशेषजाड्यापहा॥१॥

दोर्भिर्युक्ता चतुर्भिः स्फटिकमणिनिभैरक्षमालां दधाना
हस्तेनैकेन पद्मं सितमपि च शुकं पुस्तकं चापरेण।
भासा कुन्देन्दुशङ्खस्फटिकमणिनिभा भासमानाऽसमाना
सा मे वाग्देवतेयं निवसतु वदने सर्वदा सुप्रसन्ना॥२॥

सुरासुरसेवितपादपङ्कजा
करे विराजत्कमनीयपुस्तका।
विरिञ्चिपत्नी कमलासनस्थिता
सरस्वती नृत्यतु वाचि मे सदा॥३॥

सरस्वती सरसिजकेसरप्रभा
तपस्विनी सितकमलासनप्रिया।
घनस्तनी कमलविलोललोचना
मनस्विनी भवतु वरप्रसादिनी॥४॥

सरस्वति नमस्तुभ्यं वरदे कामरूपिणि।

विद्यारम्भं करिष्यामि सिद्धिर्भवतु मे सदा॥५॥

सरस्वति नमस्तुभ्यं सर्वदेवि नमो नमः।

शान्तरूपे शशिधरे सर्वयोगे नमो नमः॥६॥

नित्यानन्दे निराधारे निष्कलायै नमो नमः।

विद्याधरे विशालाक्षि शुद्धज्ञाने नमो नमः॥७॥

शुद्धस्फटिकरूपायै सूक्ष्मरूपे नमो नमः।

शब्दब्रह्मि चतुर्हस्ते सर्वसिद्‌ध्यै नमो नमः॥८॥

मुक्तालङ्कृत-सर्वाङ्ग्यै मूलाधारे नमो नमः।

मूलमन्त्रस्वरूपायै मूलशक्त्यै नमो नमः॥९॥

मनो मणिमहायोगे वागीश्वरि नमो नमः।

वाग्भ्यै वरदहस्तायै वरदायै नमो नमः॥१०॥

वेदायै वेदरूपायै वेदान्तायै नमो नमः।

गुणदोषविवर्जिन्यै गुणदीप्त्यै नमो नमः॥११॥

सर्वज्ञाने सदानन्दे सर्वरूपे नमो नमः।

सम्पन्नायै कुमार्यै च सर्वज्ञे ते नमो नमः॥१२॥

योगानार्य उमादेव्यै योगानन्दे नमो नमः।

दिव्यज्ञान त्रिनेत्रायै दिव्यमूर्त्यै नमो नमः॥१३॥

अर्धचन्द्रजटाधारि चन्द्रबिम्बे नमो नमः।

चन्द्रादित्यजटाधारि चन्द्रबिम्बे नमो नमः॥१४॥

अणुरूपे महारूपे विश्वरूपे नमो नमः।

अणिमाद्यष्टसिद्धायै आनन्दायै नमो नमः॥१५॥

ज्ञान-विज्ञान-रूपायै ज्ञानमूर्ते नमो नमः।

नानाशास्त्र-स्वरूपायै नानारूपे नमो नमः॥१६॥

पद्मदा पद्मवंशा च पद्मरूपे नमो नमः।

परमेष्ठ्यै परामूर्त्यै नमस्ते पापनाशिनि॥१७॥

महादेव्यै महाकाल्यै महालक्ष्म्यै नमो नमः।

ब्रह्मविष्णुशिवायै च ब्रह्मनार्यै नमो नमः॥१८॥

कमलाकरपुष्पा च कामरूपे नमो नमः।

कपालि कर्मदीप्तायै कर्मदायै नमो नमः॥१९॥

सायं प्रातः पठेन्नित्यं षण्मासात् सिद्धिरुच्यते।

चोरव्याघ्रभयं नास्ति पठतां शृण्वतामपि॥२०॥

इत्थं सरस्वतीस्तोत्रम् अगस्त्यमुनिवाचकम्।

सर्वसिद्धिकरं नॄणां सर्वपापप्रणाशनम्॥२१॥

॥इति श्री-अगस्त्यमुनि-प्रोक्तं श्री-सरस्वतीस्तोत्रं सम्पूर्णम्॥

हरिहरात्मजाष्टकम्

Thu, 10 Jul 2014 00:00:00 +0000

Ashtakam

हरिहरात्मजाष्टकम्

हरिवरासनं विश्वमोहनं
हरिदधीश्वरम् आराध्यपादुकम्।
अरिविमर्दनं नित्यनर्तनं
हरिहरात्मजं देवमाश्रये॥१॥

चरणकीर्तनं भक्तमानसं
भरणलोलुपं नर्तनालसम्।
अरुणभासुरं भूतनायकं
हरिहरात्मजं देवमाश्रये॥२॥

प्रणयसत्यकं प्राणनायकं
प्रणतकल्पकं सुप्रभञ्चितम्।
प्रणवमन्दिरं कीर्तनप्रियं
हरिहरात्मजं देवमाश्रये॥३॥

तुरगवाहनं सुन्दराननं
वरगदायुधं वेदवर्णितम्।
गुरुकृपाकरं कीर्तनप्रियं
हरिहरात्मजं देवमाश्रये॥४॥

त्रिभुवनार्चितं देवतात्मकं
त्रिनयनप्रभुं दिव्यदेशिकम्।
त्रिदशपूजितं चिन्तितप्रदं
हरिहरात्मजं देवमाश्रये॥५॥

भवभयापहं भावुकावकं
भुवनमोहनं भूतिभूषणम्।
धवलवाहनं दिव्यवारणं
हरिहरात्मजं देवमाश्रये॥६॥

कलमृदुस्मितं सुन्दराननं
कलभकोमलं गात्रमोहनम्।
कलभकेसरीं वाजिवाहनं
हरिहरात्मजं देवमाश्रये॥७॥

श्रितजनप्रियं चिन्तितप्रदं
श्रुतिविभूषणं साधुजीवनम्।
श्रुतिमनोहरं गीतलालसं
हरिहरात्मजं देवमाश्रये॥८॥

॥इति श्री-हरिहरात्मजाष्टकं सम्पूर्णम्॥

PDF:A5 / print Kindle Kindle Scribe

अथ प्रथमोऽध्यायः

Mon, 01 Jan 0001 00:00:00 +0000

अथ प्रथमोऽध्यायः

नारायणं नमस्कृत्य नरं चैव नरोत्तमम्।

देवीं सरस्वतीं व्यासं ततो जयमुदीरयेत्॥१॥

ऋषय ऊचुः

सूत नः कथितं पुण्यं माहात्म्यमाश्विनस्य च।

भूयोऽन्यच्छ्रोतुमिच्छामः कार्तिकस्य च वैभवम्॥२॥

कलौ कलुषचित्तानां नराणां पापकर्मणाम्।

संसाराब्धौ निमग्नानामनायासेन का गतिः॥३॥

को धर्मः सर्वधर्माणामधिको मोक्षसाधकः।

इहापि मुक्तिदो नॄणामेतत्त्वं कथय प्रभो॥४॥

सूत उवाच

भवद्भिर्यदहं पृष्टस्तदेतत्पृष्टवान्मुनिः।

नारदो ब्रह्मणः पुत्रो ब्रह्माणं तु जगद्गुरुम्॥५॥

तथैव सत्यभामा च श्रीकृष्णं जगदीश्वरम्।

अपृच्छत्कार्तिकस्यैव वैभवं श्रवणोत्सुका॥६॥

वालखिल्यैश्च ऋषिभिर्यदुक्तमृषिसंसदि।

श्रीसूर्यारुणसंवादरूपेणातिमनोहरम्॥७॥

कैलासे शङ्करेणैव कार्तिकस्य च वैभवम्।

वर्णितं षण्मुखस्याग्रे नानाख्यानसमन्वितम्॥८॥

पृथुं प्रति नारदेन कथितं च महात्म्यकम्।

कार्तिकस्य च विप्रेन्द्रा श्रुत्वा ब्रह्ममुखात्पुरा॥९॥

एकदा नारदो योगी सत्यलोकमुपागतः।

पप्रच्छ विनयेनैव सर्वलोकपितामहम्॥१०॥

नारद उवाच

अध्यात्मरामायणमाहात्म्यम्

Mon, 01 Jan 0001 00:00:00 +0000

अध्यात्मरामायणमाहात्म्यम्

रामं विश्वमयं वन्दे रामं वन्दे रघूद्वहम्।

रामं विप्रवरं वन्दे रामं श्यामाग्रजं भजे॥

यस्य वागंशुतश्च्युतं रम्यं रामायणामृतम्।

शैलजासेवितं वन्दे तं शिवं सोमरूपिणम्॥

सच्चिदानन्दसन्दोहं भक्तिभूतिविभूषणम्।

पूर्णानन्दमहं वन्दे सद्गुरुं शङ्करं स्वयम्॥

अज्ञानध्वान्तसंहर्त्री ज्ञानलोकविलासिनी।

चन्द्रचूडवचश्चन्द्रचन्द्रिकेयं विराजते॥

अप्रमेयत्रयातीतनिर्मलज्ञानमूर्तये।

मनोगिरां विदूराय दक्षिणामूर्तये नमः॥१॥

सूत उवाच

कदाचिन्नारदो योगी परानुग्रहवाञ्छया।

पर्यटन् सकलान् लोकान् सत्यलोकमुपागमत्॥२॥

तत्र दृष्ट्वा मूर्तिमद्भिश्छन्दोभिः परिवेष्टितम्।

बालार्कप्रभया सम्यग्भासयन्तं सभागृहम्॥३॥

मार्कण्डेयादिमुनिभिः स्तूयमानं मुहुर्मुहुः।

सर्वार्थगोचरज्ञानं सरस्वत्या समन्वितम्॥४॥

चतुर्मुखं जगन्नाथं भक्ताभीष्टफलप्रदम्।

प्रणम्य दण्डवद्भक्त्या तुष्टाव मुनिपुङ्गवः॥५॥

सन्तुष्टस्तं मुनिं प्राह स्वयम्भूर्वैष्णवोत्तमम्।

किं प्रष्टुकामस्त्वमसि तद्वदिष्यामि ते मुने॥६॥

इत्याकर्ण्य वचस्तस्य मुनिर्ब्रह्माणमब्रवीत्।

त्वत्तः श्रुतं मया सर्वं पूर्वमेव शुभाशुभम्॥७॥

इदानीमेकमेवास्ति श्रोतव्यं सुरसत्तम।

तद्रहस्यमपि ब्रूहि यदि तेऽनुग्रहो मयि॥८॥

प्राप्ते कलियुगे घोरे नराः पुण्यविवर्जिताः।

दुराचाररताः सर्वे सत्यवार्तापराङ्मुखाः॥९॥

परापवादनिरताः परद्रव्याभिलाषिणः।

परस्त्रीसक्तमनसः परहिंसापरायणाः॥१०॥

देहात्मदृष्टयो मूढा नास्तिका पशुबुद्धयः।

मातापितृकृतद्वेषाः स्त्रीदेवाः कामकिङ्कराः॥११॥

विप्रा लोभग्रहग्रस्ता वेदविक्रयजीविनः।

धनार्जनार्थमभ्यस्तविद्या मदविमोहिताः॥१२॥

त्यक्तस्वजातिकर्माणः प्रायशः परवञ्चकाः।

क्षत्रियाश्च तथा वैश्याः स्वधर्मत्यागशीलिनः॥१३॥

तद्वच्छूद्राश्च ये केचिद्ब्राह्मणाचारतत्पराः।

स्त्रियश्च प्रायशो भ्रष्टा भर्त्रवज्ञाननिर्भयाः॥१४॥

श्वशुरद्रोहकारिण्यो भविष्यन्ति न संशयः।

एतेषां नष्टबुद्धीनां परलोकः कथं भवेत्॥१५॥

इति चिन्ताकुलं चित्तं जायते मम सन्ततम्।
लघूपायेन येनैषां परलोकगतिर्भवेत्।
तमुपायमुपाख्याहि सर्वं वेत्ति यतो भवान्॥१६॥

इत्यृषेर्वाक्यमाकर्ण्य प्रत्युवाचाम्बुजासनः।

साधु पृष्टं त्वया साधो वक्ष्ये तच्छृणु सादरम्॥१७॥

पुरा त्रिपुरहन्तारं पार्वती भक्तवत्सला।

श्रीरामतत्त्वं जिज्ञासुः पप्रच्छ विनयान्विता॥१८॥

प्रियायै गिरिशस्तस्यै गूढं व्याख्यातवान् स्वयम्।

पुराणोत्तममध्यात्मरामायणमिति स्मृतम्॥१९॥

तत्पार्वती जगद्धात्री पूजयित्वा दिवानिशम्।

आलोचयन्ती स्वानन्दमग्ना तिष्ठति साम्प्रतम्॥२०॥

प्रचरिष्यति तल्लोके प्राण्यदृष्टवशाद्यदा।

तस्याध्ययनमात्रेण जना यास्यन्ति सद्गतिम्॥२१॥

तावद्विजृम्भते पापं ब्रह्महत्यापुरःसरम्।

यावज्जगति नाध्यात्मरामायणमुदेष्यति॥२२॥

तावत्कलिमहोत्साहो निःशङ्कं सम्प्रवर्तते।

यावज्जगति नाध्यात्मरामायणमुदेष्यति॥२३॥

तावद्यमभटाः शूराः सञ्चरिष्यन्ति निर्भयाः।

यावज्जगति नाध्यात्मरामायणमुदेष्यति॥२४॥

तावत्सर्वाणि शास्त्राणि विवदन्ते परस्परम्॥२५॥

तावत्स्वरूपं रामस्य दुर्बोधं महतामपि।

यावज्जगति नाध्यात्मरामायणमुदेष्यति॥२६॥

अध्यात्मरामायणसङ्कीर्तनश्रवणादिजम्।

फलं वक्तुं न शक्नोमि कार्त्स्न्येन मुनिसत्तम॥२७॥

तथाऽपि तस्य माहात्म्यं वक्ष्ये किञ्चित्तवानघ।

शृणु चित्तं समाधाय शिवेनोक्तं पुरा मम॥२८॥

अध्यात्मरामायणतः श्लोकं श्लोकार्धमेव वा।

यः पठेत् भक्तिसंयुक्तः स पापान्मुच्यते क्षणात्॥२९॥

यस्तु प्रत्यहमध्यात्मरामायणमनन्यधीः।

यथाशक्ति वदेद्भक्त्या स जीवन्मुक्त उच्यते॥३०॥

यो भक्त्यार्चयतेऽध्यात्मरामायणमतन्द्रितः।

दिने दिनेऽश्वमेधस्य फलं तस्य भवेन्मुने॥३१॥

यदृच्छयाऽपि योऽध्यात्मरामायणमनादरात्।

अन्यतः शृणुयान्मर्त्यः सोऽपि मुच्येत पातकात्॥३२॥

नमस्करोति योऽध्यात्मरामायणमदूरतः।

सर्वदेवार्चनफलं स प्राप्नोति न संशयः॥३३॥

लिखित्वा पुस्तकेऽध्यात्मरामायणमशेषतः।

यो दद्याद्रामभक्तेभ्यस्तस्य पुण्यफलं शृणु॥३४॥

अधीतेषु च वेदेषु शास्त्रेषु व्याकृतेषु च।

यत्फलं दुर्लभं लोके तत्फलं तस्य सम्भवेत्॥३५॥

एकादशीदिनेऽध्यात्मरामायणमुपोषितः।

यो रामभक्तः सदसि व्याकरोति नरोत्तमः॥३६॥

तस्य पुण्यफलं वक्ष्ये शृणु वैष्णवसत्तम।

प्रत्यक्षरं तु गायत्रीपुरश्चर्याफलं भवेत्॥३७॥

उपवासव्रतं कृत्वा श्रीरामनवमीदिने।
रात्रौ जागरितोऽध्यात्मरामायणमनन्यधीः।
यः पठेच्छृणुयाद् वाऽपि तस्य पुण्यं वदाम्यहम्॥३८॥

कुरुक्षेत्रादिनिखिलपुण्यतीर्थेष्वनेकशः।

आत्मतुल्यं धनं सूर्यग्रहणे सर्वतोमुखे॥३९॥

विप्रेभ्यो व्यासतुल्येभ्यो दत्त्वा यत्फलमश्नुते।

तत्फलं सम्भवेत्तस्य सत्यं सत्यं न संशयः॥४०॥

यो गायते मुदाऽध्यात्मरामायणमहर्निशम्।

आज्ञां तस्य प्रतीक्षन्ते देवा इन्द्रपुरोगमाः॥४१॥

पठन् प्रत्यहमध्यात्मरामायणमनुव्रतः।

यद्यत्करोति तत्कर्म ततः कोटिगुणं भवेत्॥४२॥

तत्र श्रीरामहृदयं यः पठेत् सुसमाहितः।

स ब्रह्मघ्नोऽपि पूतात्मा त्रिभिरेव दिनैर्भवेत्॥४३॥

श्रीरामहृदयं यस्तु हनूमत्प्रतिमान्तिके।

त्रिः पठेत् प्रत्यहं मौनी स सर्वेप्सितभाग्भवेत्॥४४॥

पठन् श्रीरामहृदयं तुलस्यश्वत्थयोर्यदि।

प्रत्यक्षरं प्रकुर्वीत ब्रह्महत्यानिवर्तनम्॥४५॥

श्रीरामगीतामाहात्म्यं कृत्स्नं जानाति शङ्करः।

तदर्धं गिरिजा वेत्ति तदर्धं वेद्म्यहं मुने॥४६॥

तत्ते किञ्चित्प्रवक्ष्यामि कृत्स्नं वक्तुं न शक्यते।

यज्ज्ञात्वा तत्क्षणाल्लोकश्चित्तशुद्धिमवाप्नुयात्॥४७॥

श्रीरामगीता यत्पापं न नाशयति नारद।
तन्न नश्यति तीर्थादौ लोके क्वापि कदाचन।
तन्न पश्याम्यहं लोके मार्गमाणोऽपि सर्वदा॥४८॥

रामेणोपनिषत्सिन्धुमुन्मत्थ्योत्पादितं मुदा।

लक्ष्मणायार्पितां गीतासुधां पीत्वाऽमरो भवेत्॥४९॥

जमदग्निसुतः पुर्वं कार्तवीर्यवधेच्छया।

धनुर्विद्यामभ्यसितुं महेशस्यान्तिके वसन्॥५०॥

अधीयमानां पार्वत्या रामगीतां प्रयत्नतः।

श्रूत्वा गृहीत्वाऽऽशु पठन्नारायणकलामगात्॥५१॥

ब्रह्महत्यादिपापानां निष्कृतिं यदि वाञ्छति।

रामगीतां मासमात्रं पठित्वा मुच्यते नरः॥५२॥

दुष्प्;रतिग्रहदुर्भोज्यदुरालापादिसम्भवम्।

पापं यत्तत्कीर्तनेन रामगीता विनाशयेत्॥५३॥

शालग्रामशिलाग्रे च तुलस्यश्वत्थसन्निधौ।

यतीनां पुरतस्तद्वत् रामगीतां पठेत्तु यः॥५४॥

स तत्फलमवाप्नोति यद् वाचोऽपि न गोचरम्॥५५॥

रामगीतां पठन् भक्त्या यः श्राद्धे भोजयेद् द्विजान्।

तस्य ते पितरः सर्वे यान्ति विष्णोः परं पदम्॥५६॥

एकादश्यां निराहारो नियतो द्वादशीदिने।
स्थित्वाऽगस्त्यतरोर्मूले रामगीतां पठेत्तु यः।
स एव राघवः साक्षात् सर्वदेवैश्च पूज्यते॥५७॥

विना दानां विना ध्यानं विना तीर्थावगाहनम्।
बहुना किमिहोक्तेन शृणु नारद तत्त्वतः।
रामगीतां नरोऽधीत्य तदनन्तफलं लभेत्॥५८॥

श्रुतिस्मृतिपुराणेतिहासागमशतानि च।

अर्हन्ति नाल्पमध्यात्मरामायणकलामपि॥५९॥

अध्यात्मरामचरितस्य मुनीश्वराय
माहात्म्यमेतदुदितं कमलासनेन।
यः श्रद्धया पठति वा शृणुयात् स मर्त्यः
प्राप्नोति विष्णुपदवीं सुरपूज्यमानः॥६०॥

॥इति श्रीब्रह्माण्डपुराणे उत्तरखण्डे अध्यात्मरामायणमाहात्म्यं सम्पूर्णम्॥

आदिशङ्कराचार्याष्टोत्तरशतनामावलिः

Mon, 01 Jan 0001 00:00:00 +0000

आदिशङ्कराचार्याष्टोत्तरशतनामावलिः

श्रीशङ्कराचार्यवर्याय नमः
ब्रह्मज्ञानप्रदायकाय नमः
अज्ञानतिमिरादित्याय नमः
सुज्ञानाम्बुधिचन्द्रमसे नमः
वर्णाश्रमप्रतिष्ठात्रे नमः
श्रीमते नमः
मुक्तिप्रदायकाय नमः
शिष्योपदेशनिरताय नमः
भक्ताभीष्टप्रदायकाय नमः
सूक्ष्मतत्त्वरहस्यज्ञाय नमः१०
कार्याकार्यप्रबोधकाय नमः
ज्ञानमुद्राञ्चितकराय नमः
शिष्य-हृत्ताप-हारकाय नमः
पारिव्राज्याश्रमोद्धर्त्रे नमः
सर्वतन्त्रस्वतन्त्रधिये नमः
अद्वैतस्थापनाचार्याय नमः
साक्षाच्छङ्कररूपभृते नमः
षण्मतस्थापनाचार्याय नमः
त्रयीमार्गप्रकाशकाय नमः
वेदवेदान्ततत्त्वज्ञाय नमः२०
दुर्वादिमतखण्डनाय नमः
वैराग्यनिरताय नमः
शान्ताय नमः
संसारार्णवतारकाय नमः
प्रसन्नवदनाम्भोजाय नमः
परमार्थप्रकाशकाय नमः
पुराणस्मृतिसारज्ञाय नमः
नित्यतृप्ताय नमः
महते नमः
शुचये नमः३०
नित्यानन्दाय नमः
निरातङ्काय नमः
निःसङ्गाय नमः
निर्मलात्मकाय नमः
निर्ममाय नमः
निरहङ्काराय नमः
विश्ववन्द्यपदाम्बुजाय नमः
सत्त्वप्रधानाय नमः
सद्भावाय नमः
सङ्ख्यातीतगुणोज्ज्वलाय नमः४०
अनघाय नमः
सारहृदयाय नमः
सुधिये नमः
सारस्वतप्रदाय नमः
सत्यात्मने नमः
पुण्यशीलाय नमः
साङ्ख्ययोगविचक्षणाय नमः
तपोराशये नमः
महातेजसे नमः
गुणत्रयविभागविदे नमः५०
कलिघ्नाय नमः
कालधर्मज्ञाय नमः
तमोगुणनिवारकाय नमः
भगवते नमः
भारतीजेत्रे नमः
शारदाह्वानपण्डिताय नमः
धर्माधर्मविभागज्ञाय नमः
लक्ष्यभेदप्रदर्शकाय नमः
नादबिन्दुकलाभिज्ञाय नमः
योगिहृत्पद्मभास्कराय नमः६०
अतीन्द्रिय-ज्ञाननिधये नमः
नित्यानित्यविवेकवते नमः
चिदानन्दाय नमः
चिन्मयात्मने नमः
परकायप्रवेशकृते नमः
अमानुष-चरित्राढ्याय नमः
क्षेमदायिने नमः
क्षमाकराय नमः
भवाय नमः
भद्रप्रदाय नमः७०
भूरिमहिम्ने नमः
विश्वरञ्जकाय नमः
स्वप्रकाशाय नमः
सदाधाराय नमः
विश्वबन्धवे नमः
शुभोदयाय नमः
विशालकीर्तये नमः
वागीशाय नमः
सर्वलोकहितोत्सुकाय नमः
कैलासयात्रा-सम्प्राप्तचन्द्रमौलि-प्रपूजकाय
काञ्च्यां श्रीचक्रराजाख्य-यन्त्रस्थापन-दीक्षिताय नमः
श्रीचक्रात्मक-ताटङ्क-पोषिताम्बा-मनोरथाय नमः
श्रीब्रह्मसूत्रोपनिषद्भाष्यादिग्रन्थकल्पकाय नमः
चतुर्दिक्चतुराम्नायप्रतिष्ठात्रे नमः
महामतये नमः
द्विसप्ततिमतोच्छेत्त्रे नमः
सर्वदिग्विजयप्रभवे नमः
काषायवसनोपेताय नमः
भस्मोद्धूलितविग्रहाय नमः
ज्ञानात्मकैकदण्डाढ्याय नमः९०
कमण्डलुलसत्कराय नमः
व्याससन्दर्शनप्रीताय नमः
भगवत्पादसंज्ञकाय नमः
चतुःषष्टिकलाभिज्ञाय नमः
ब्रह्मराक्षस-मोक्षदाय नमः
सौन्दर्यलहरीमुख्यबहुस्तोत्रविधायकाय नमः
श्रीमन्मण्डनमिश्राख्यस्वयम्भूजयसन्नुताय नमः
तोटकाचार्यसम्पूज्याय नमः
पद्मपादार्चिताङ्घ्रिकाय नमः
हस्तामलकयोगीन्द्रब्रह्मज्ञानप्रदायकाय नमः१००
सुरेश्वरादि-सच्छिष्य-सन्न्यासाश्रम-दायकाय नमः
निर्व्याजकरुणामूर्तये नमः
जगत्पूज्याय नमः
जगद्गुरवे नमः
भेरीपटहवाद्यादिराजलक्षणलक्षिताय नमः
सकृत्स्मरणसन्तुष्टाय नमः
सर्वज्ञाय नमः
ज्ञानदायकाय नमः१०८
श्रीशङ्करभगवत्पादाचार्येभ्यो नमः

गणेश गकार सहस्रनामावलिः

Mon, 01 Jan 0001 00:00:00 +0000

गणेश गकार सहस्रनामावलिः

गणेश्वराय नमः
गणाध्यक्षाय नमः
गणाराध्याय नमः
गणप्रियाय नमः
गणनाथाय नमः
गणस्वामिने नमः
गणेशाय नमः
गणनायकाय नमः
गणमूर्तये नमः
गणपतये नमः१०
गणत्रात्रे नमः
गणञ्जयाय नमः
गणपाय नमः
गणक्रीडाय नमः
गणदेवाय नमः
गणाधिपाय नमः
गणज्येष्ठाय नमः
गणश्रेष्ठाय नमः
गणप्रेष्ठाय नमः
गणाधिराजाय नमः२०
गणराजे नमः
गणगोप्त्रे नमः
गणाङ्गाय नमः
गणदैवताय नमः
गणबन्धवे नमः
गणसुहृदे नमः
गणाधीशाय नमः
गणप्रथाय नमः
गणप्रियसखाय नमः
गणप्रियसुहृदे नमः३०
गणप्रियरताय नमः
गणप्रीतिविवर्धनाय नमः
गणमण्डलमध्यस्थाय नमः
गणकेलिपरायणाय नमः
गणाग्रण्ये नमः
गणेशानाय नमः
गणगीताय नमः
गणोच्छ्रयाय नमः
गण्याय नमः
गणहिताय नमः४०
गर्जद्गणसेनाय नमः
गणोद्धताय नमः
गणभीतिप्रमथनाय नमः
गणभीत्यपहारकाय नमः
गणनार्हाय नमः
गणप्रौढाय नमः
गणभर्त्रे नमः
गणप्रभवे नमः
गणसेनाय नमः
गणचराय नमः५०
गणप्राज्ञाय नमः
गणैकराजे नमः
गणाग्र्याय नमः
गणनाम्ने नमः
गणपालनतत्पराय नमः
गणजिते नमः
गणगर्भस्थाय नमः
गणप्रवणमानसाय नमः
गणगर्वपरीहर्त्रे नमः
गणाय नमः६०
गणनमस्कृताय नमः
गणार्चितान्घ्रियुगलाय नमः
गणरक्षणकृते नमः
गणध्याताय नमः
गणगुरवे नमः
गणप्रणयतत्पराय नमः
गणागणपरित्रात्रे नमः
गणादिहरणोद्धुराय नमः
गणसेतवे नमः
गणनुताय नमः७०
गणकेतवे नमः
गणाग्रगाय नमः
गणहेतवे नमः
गणग्राहिणे नमः
गणानुग्रहकारकाय नमः
गणागणानुग्रहभुवे नमः
गणागणवरप्रदाय नमः
गणस्तुताय नमः
गणप्राणाय नमः
गणसर्वस्वदायकाय नमः८०
गणवल्लभमूर्तये नमः
गणभूतये नमः
गणेष्टदाय नमः
गणसौख्यप्रदात्रे नमः
गणदुःखप्रणाशनाय नमः
गणप्रथितनाम्ने नमः
गणाभीष्टकराय नमः
गणमान्याय नमः
गणख्याताय नमः
गणवीताय नमः९०
गणोत्कटाय नमः
गणपालाय नमः
गणवराय नमः
गणगौरवदायकाय नमः
गणगर्जितसन्तुष्टाय नमः
गणस्वच्छन्दगाय नमः
गणराजाय नमः
गणश्रीदाय नमः
गणाभयकराय नमः
गणमूर्धाभिषिक्ताय नमः१००
गणसैन्यपुरस्सराय नमः
गुणातीताय नमः
गुणमयाय नमः
गुणत्रयविभागकृते नमः
गुणिने नमः
गुणाकृतिधराय नमः
गुणशालिने नमः
गुणप्रियाय नमः
गुणपूर्णाय नमः
गुणाम्भोधये नमः११०
गुण भाजे नमः
गुणदूरगाय नमः
गुणागुणवपुषे नमः
गौणशरीराय नमः
गुणमण्डिताय नमः
गुणस्त्रष्ट्रे नमः
गुणेशानाय नमः
गुणेशाय नमः
गुणेश्वराय नमः
गुणसृष्टजगत्सङ्घाय नमः१२०
गुणसङ्घाय नमः
गुणैकराजे नमः
गुणप्रवृष्टाय नमः
गुणभुवे नमः
गुणीकृतचराचराय नमः
गुणप्रवणसन्तुष्टाय नमः
गुणहीनपराङ्मुखाय नमः
गुणैकभुवे नमः
गुणश्रेष्ठाय नमः
गुणज्येष्ठाय नमः१३०
गुणप्रभवे नमः
गुणज्ञाय नमः
गुणसम्पूज्याय नमः
गुणैकसदनाय नमः
गुणप्रणयवते नमः
गौणप्रकृतये नमः
गुणभाजनाय नमः
गुणिप्रणतपादाब्जाय नमः
गुणिगीताय नमः
गुणोज्ज्वलाय नमः१४०
गुणवते नमः
गुणसम्पन्नाय नमः
गुणानन्दितमानसाय नमः
गुणसञ्चारचतुराय नमः
गुणसञ्चयसुन्दराय नमः
गुणगौराय नमः
गुणाधाराय नमः
गुणसंवृतचेतनाय नमः
गुणकृते नमः
गुणभृते नमः१५०
गुणाग्र्याय नमः
गुणपारदृशे नमः
गुणप्रचारिणे नमः
गुणयुजे नमः
गुणागुणविवेककृते नमः
गुणाकराय नमः
गुणकराय नमः
गुणप्रवणवर्धनाय नमः
गुणगूढचराय नमः
गौणसर्वसंसारचेष्टिताय नमः१६०
गुणदक्षिणसौहार्दाय नमः
गुणलक्षणतत्त्वविदे नमः
गुणहारिणे नमः
गुणकलाय नमः
गुणसङ्घसखाय नमः
गुणसंस्कृतसंसाराय नमः
गुणतत्त्वविवेचकाय नमः
गुणगर्वधराय नमः
गौणसुखदुःखोदयाय नमः
गुणाय नमः१७०
गुणाधीशाय नमः
गुणलयाय नमः
गुणवीक्षणालालसाय नमः
गुणगौरवदात्रे नमः
गुणदात्रे नमः
गुणप्रदाय नमः
गुणकृते नमः
गुणसम्बन्धाय नमः
गुणभृते नमः
गुणबन्धनाय नमः१८०
गुणहृद्याय नमः
गुणस्थायिने नमः
गुणदायिने नमः
गुणोत्कटाय नमः
गुणचक्रधराय नमः
गौणावताराय नमः
गुणबान्धवाय नमः
गुणबन्धवे नमः
गुणप्रज्ञाय नमः
गुणप्राज्ञाय नमः१९०
गुणालयाय नमः
गुणधात्रे नमः
गुणप्राणाय नमः
गुणगोपाय नमः
गुणाश्रयाय नमः
गुणयायिने नमः
गुणाधायिने नमः
गुणपाय नमः
गुणपालकाय नमः
गुणाहृततनवे नमः२००
गौणाय नमः
गीर्वाणाय नमः
गुणगौरवाय नमः
गुणवत्पूजितपदाय नमः
गुणवत्प्रीतिदायकाय नमः
गुणवत्गीतकीर्तये नमः
गुणवद्भद्धसौहृदाय नमः
गुणवद्वरदाय नमः
गुणवत्प्रतिपालकाय नमः
गुणवत्गुणसन्तुष्टाय नमः२१०
गुणवद्रचितस्तवाय नमः
गुणवद्रक्षणपराय नमः
गुणवत्प्रणयप्रियाय नमः
गुणवच्चक्रसञ्चाराय नमः
गुणवत्कीर्तिवर्धनाय नमः
गुणवद्गुणचित्तस्थाय नमः
गुणवद्गुणरक्षणाय नमः
गुणवत्पोषणकराय नमः
गुणवच्छत्रुसूदनाय नमः
गुणवत्सिद्धिदात्रे नमः२२०
गुणवद्गौरवप्रदाय नमः
गुणवत्प्रणवस्वान्ताय नमः
गुणवद्गुणभूषणाय नमः
गुणवत्कुलविद्वेषि विनाशकरण क्षमाय नमः
गुणिस्तुतगुणाय नमः
गर्जत्प्रलयाम्बुदनिःस्वनाय नमः
गजाय नमः
गजपतये नमः
गर्जद्गजयुद्धविशारदाय नमः
गजास्याय नमः२३०
गजकर्णाय नमः
गजराजाय नमः
गजाननाय नमः
गजरूपधराय नमः
गर्जद्गजयूथोद्धुरध्वनये नमः
गजाधीशाय नमः
गजाधाराय नमः
गजासुरजयोद्धुराय नमः
गजदन्ताय नमः
गजवराय नमः२४०
गजकुम्भाय नमः
गजध्वनये नमः
गजमायाय नमः
गजमयाय नमः
गजश्रिये नमः
गजगर्जिताय नमः
गजामयहराय नमः
गजपुष्टिप्रदायकाय नमः
गजोत्पत्तये नमः
गजत्रात्रे नमः२५०
गजहेतवे नमः
गजाधिपाय नमः
गजमुख्याय नमः
गजकुलप्रवराय नमः
गजदैत्यघ्ने नमः
गजकेतवे नमः
गजाध्यक्षाय नमः
गजसेतवे नमः
गजाकृतये नमः
गजवन्द्याय नमः२६०
गजप्राणाय नमः
गजसेव्याय नमः
गजप्रभवे नमः
गजमत्ताय नमः
गजेशानाय नमः
गजेशाय नमः
गजपुङ्गवाय नमः
गजदन्तधराय नमः
गुञ्जन्मधुपाय नमः
गजवेषभृते नमः२७०
गजच्छन्नाय नमः
गजाग्रस्थाय नमः
गजयायिने नमः
गजाजयाय नमः
गजराजे नमः
गजयूथस्थाय नमः
गजगञ्जकभञ्जकाय नमः
गर्जितोज्झितदैत्यासवे नमः
गर्जितत्रातविष्टपाय नमः
गानज्ञाय नमः२८०
गानकुशलाय नमः
गानतत्त्वविवेचकाय नमः
गानश्लाघिने नमः
गानरसाय नमः
गानज्ञानपरायणाय नमः
गानागमज्ञाय नमः
गानाङ्गाय नमः
गानप्रवणचेतनाय नमः
गानकृते नमः
गानचतुराय नमः२९०
गानविद्याविशारदाय नमः
गानध्येयाय नमः
गानगम्याय नमः
गानध्यानपरायणाय नमः
गानभुवे नमः
गानशीलाय नमः
गानशालिने नमः
गतश्रमाय नमः
गानविज्ञानसम्पन्नाय नमः
गानश्रवणलालसाय नमः३००
गानयत्ताय नमः
गानमयाय नमः
गानप्रणयवते नमः
गानध्यात्रे नमः
गानबुद्धये नमः
गानोत्सुकमनसे नमः
गानोत्सुकाय नमः
गानभूमये नमः
गानसीम्ने नमः
गुनोज्ज्वलाय नमः३१०
गानाङ्गज्ञानवते नमः
गानमानवते नमः
गानपेशलाय नमः
गानवत्प्रणयाय नमः
गानसमुद्राय नमः
गानभूषणाय नमः
गानसिन्धवे नमः
गानपराय नमः
गानप्राणाय नमः
गणाश्रयाय नमः३२०
गानैकभुवे नमः
गानहृष्टाय नमः
गानचक्षुषे नमः
गणैकदृशे नमः
गानमत्ताय नमः
गानरुचये नमः
गानविदे नमः
गनवित्प्रियाय नमः
गानान्तरात्मने नमः
गानाढ्याय नमः३३०
गानभ्राजत्सभाय नमः
गानमायाय नमः
गानधराय नमः
गानविद्याविशोधकाय नमः
गानाहितघ्नाय नमः
गानेन्द्राय नमः
गानलीनाय नमः
गतिप्रियाय नमः
गानाधीशाय नमः
गानलयाय नमः३४०
गानाधाराय नमः
गतीश्वराय नमः
गानवन्मानदाय नमः
गानभूतये नमः
गानैकभूतिमते नमः
गानतानतताय नमः
गानतानदानविमोहिताय नमः
गुरवे नमः
गुरूदरश्रोणये नमः
गुरुतत्त्वार्थदर्शनाय नमः३५०
गुरुस्तुताय नमः
गुरुगुणाय नमः
गुरुमायाय नमः
गुरुप्रियाय नमः
गुरुकीर्तये नमः
गुरुभुजाय नमः
गुरुवक्षसे नमः
गुरुप्रभाय नमः
गुरुलक्षणसम्पन्नाय नमः
गुरुद्रोहपराङ्मुखाय नमः३६०
गुरुविद्याय नमः
गुरुप्राणाय नमः
गुरुबाहुबलोच्छ्रयाय नमः
गुरुदैत्यप्राणहराय नमः
गुरुदैत्यापहारकाय नमः
गुरुगर्वहराय नमः
गुह्यप्रवराय नमः
गुरुदर्पघ्ने नमः
गुरुगौरवदायिने नमः
गुरुभीत्यपहारकाय नमः३७०
गुरुशुण्डाय नमः
गुरुस्कन्धाय नमः
गुरुजङ्घाय नमः
गुरुप्रथाय नमः
गुरुभालाय नमः
गुरुगलाय नमः
गुरुश्रिये नमः
गुरुगर्वनुदे नमः
गुरूरवे नमः
गुरुपीनांसाय नमः३८०
गुरुप्रणयलालसाय नमः
गुरुमुख्याय नमः
गुरुकुलस्थायिने नमः
गुणगुणाय नमः
गुरुसंशयभेत्त्रे नमः
गुरुमानप्रदायकाय नमः
गुरुधर्मसदाराध्याय नमः
गुरुधर्मनिकेतनाय नमः
गुरुदैत्यकुलच्छेत्त्रे नमः
गुरुसैन्याय नमः३९०
गुरुद्युतये नमः
गुरुधर्माग्रगण्याय नमः
गुरुधर्मधुरन्धराय नमः
गरिष्ठाय नमः
गुरुसन्तापशमनाय नमः
गुरुपूजिताय नमः
गुरुधर्मधराय नमः
गौरधर्माधाराय नमः
गदापहाय नमः
गुरुशास्त्रविचारज्ञाय नमः४००
गुरुशास्त्रकृतोद्यमाय नमः
गुरुशास्त्रार्थनिलयाय नमः
गुरुशास्त्रालयाय नमः
गुरुमन्त्राय नमः
गुरुश्रेष्ठाय नमः
गुरुमन्त्रफलप्रदाय नमः
गुरुस्त्रीगमनोद्दामप्रायश्चित्तनिवारकाय नमः
गुरुसंसारसुखदाय नमः
गुरुसंसारदुःखभिदे नमः
गुरुश्लाघापराय नमः४१०
गौरभानुखण्डावतंसभृते नमः
गुरुप्रसन्नमूर्तये नमः
गुरुशापविमोचकाय नमः
गुरुकान्तये नमः
गुरुमयाय नमः
गुरुशासनपालकाय नमः
गुरुतन्त्राय नमः
गुरुप्रज्ञाय नमः
गुरुभाय नमः
गुरुदैवताय नमः४२०
गुरुविक्रमसञ्चाराय नमः
गुरुदृशे नमः
गुरुविक्रमाय नमः
गुरुक्रमाय नमः
गुरुप्रेष्ठाय नमः
गुरुपाखण्डखण्डकाय नमः
गुरुगर्जितसम्पूर्णब्रह्माण्डाय नमः
गुरुगर्जिताय नमः
गुरुपुत्रप्रियसखाय नमः
गुरुपुत्रभयापहाय नमः४३०
गुरुपुत्रपरित्रात्रे नमः
गुरुपुत्रवरप्रदाय नमः
गुरुपुत्रार्तिशमनाय नमः
गुरुपुत्राधिनाशनाय नमः
गुरुपुत्रप्राणदात्रे नमः
गुरुभक्तिपरायणाय नमः
गुरुविज्ञानविभवाय नमः
गौरभानुवरप्रदाय नमः
गौरभानुस्तुताय नमः
गौरभानुत्रासापहारकाय नमः४४०
गौरभानुप्रियाय नमः
गौरभानवे नमः
गौरववर्धनाय नमः
गौरभानुपरित्रात्रे नमः
गौरभानुसखाय नमः
गौरभानुप्रभवे नमः
गौरभानुभीतिप्रणाशनाय नमः
गौरीतेजस्समुत्पन्नाय नमः
गौरीहृदयनन्दनाय नमः
गौरीस्तनन्धयाय नमः४५०
गौरीमनोवाञ्छितसिद्धिकृते नमः
गौराय नमः
गौरगुणाय नमः
गौरप्रकाशाय नमः
गौरभैरवाय नमः
गौरीशनन्दनाय नमः
गौरीप्रियपुत्राय नमः
गदाधराय नमः
गौरीवरप्रदाय नमः
गौरीप्रणयाय नमः४६०
गौरसच्छवये नमः
गौरीगणेश्वराय नमः
गौरीप्रवणाय नमः
गौरभावनाय नमः
गौरात्मने नमः
गौरकीर्तये नमः
गौरभावाय नमः
गरिष्ठदृशे नमः
गौतमाय नमः
गौतमीनाथाय नमः४७०
गौतमीप्राणवल्लभाय नमः
गौतमाभीष्टवरदाय नमः
गौतमाभयदायकाय नमः
गौतमप्रणयप्रह्वाय नमः
गौतमाश्रमदुःखघ्ने नमः
गौतमीतीरसञ्चारिणे नमः
गौतमीतीर्थनायकाय नमः
गौतमापत्परिहराय नमः
गौतमाधिविनाशनाय नमः
गोपतये नमः४८०
गोधनाय नमः
गोपाय नमः
गोपालप्रियदर्शनाय नमः
गोपालाय नमः
गोगणाधीशाय नमः
गोकश्मलनिवर्तकाय नमः
गोसहस्राय नमः
गोपवराय नमः
गोपगोपीसुखावहाय नमः
गोवर्धनाय नमः४९०
गोपगोपाय नमः
गोपाय नमः
गोकुलवर्धनाय नमः
गोचराय नमः
गोचराध्यक्षाय नमः
गोचरप्रीतिवृद्धिकृते नमः
गोमिने नमः
गोकष्टसन्त्रात्रे नमः
गोसन्तापनिवर्तकाय नमः
गोष्ठाय नमः५००
गोष्ठाश्रयाय नमः
गोष्ठपतये नमः
गोधनवर्धनाय नमः
गोष्ठप्रियाय नमः
गोष्ठमयाय नमः
गोष्ठामयनिवर्तकाय नमः
गोलोकाय नमः
गोलकाय नमः
गोभृते नमः
गोभर्त्रे नमः५१०
गोसुखावहाय नमः
गोदुहे नमः
गोधुग्गणप्रेष्ठाय नमः
गोदोग्ध्रे नमः
गोमयप्रियाय नमः
गोत्राय नमः
गोत्रपतये नमः
गोत्रप्रभवे नमः
गोत्रभयापहाय नमः
गोत्रवृद्धिकराय नमः५२०
गोत्रप्रियाय नमः
गोत्रार्तिनाशनाय नमः
गोत्रोद्धारपराय नमः
गोत्रप्रवराय नमः
गोत्रदेवतायै नमः
गोत्रविख्यातनाम्ने नमः
गोत्रिणे नमः
गोत्रप्रपालकाय नमः
गोत्रसेतवे नमः
गोत्रकेतवे नमः५३०
गोत्रहेतवे नमः
गतक्लमाय नमः
गोत्रत्राणकराय नमः
गोत्रपतये नमः
गोत्रेशपूजिताय नमः
गोत्रभिदे नमः
गोत्रभित्त्रात्रे नमः
गोत्रभिद्वरदायकाय नमः
गोत्रभित्पूजितपदाय नमः
गोत्रभिच्छत्रुसूदनाय नमः५४०
गोत्रभित्प्रीतिदाय नमः
गोत्रभिदे नमः
गोत्रपालकाय नमः
गोत्रभिद्गीतचरिताय नमः
गोत्रभिद्राज्यरक्षकाय नमः
गोत्रभिज्जयदायिने नमः
गोत्रभित्प्रणयाय नमः
गोत्रभिद्भयसम्भेत्त्रे नमः
गोत्रभिन्मानदायकाय नमः
गोत्रभिद्गोपनपराय नमः५५०
गोत्रभित्सैन्यनायकाय नमः
गोत्राधिपप्रियाय नमः
गोत्रापुत्रप्रीताय नमः
गिरिप्रियाय नमः
ग्रन्थज्ञाय नमः
ग्रन्थकृते नमः
ग्रन्थग्रन्थिभिदे नमः
ग्रन्थविघ्नघ्ने नमः
ग्रन्थादये नमः
ग्रन्थसञ्चाराय नमः५६०
ग्रन्थश्रवणलोलुपाय नमः
ग्रन्ताधीनक्रियाय नमः
ग्रन्थप्रियाय नमः
ग्रन्थार्थतत्त्वविदे नमः
ग्रन्थसंशयसञ्छेदिने नमः
ग्रन्थवक्त्रे नमः
ग्रहाग्रण्ये नमः
ग्रन्थगीतगुणाय नमः
ग्रन्थगीताय नमः
ग्रन्थादिपूजिताय नमः५७०
ग्रन्थारम्भस्तुताय नमः
ग्रन्थग्राहिणे नमः
ग्रन्थार्थपारदृशे नमः
ग्रन्थदृशे नमः
ग्रन्थविज्ञानाय नमः
ग्रन्थसन्दर्भशोधकाय नमः
ग्रन्थकृत्पूजिताय नमः
ग्रन्थकराय नमः
ग्रन्थपरायणाय नमः
ग्रन्थपारायणपराय नमः५८०
ग्रन्थसन्देहभञ्जकाय नमः
ग्रन्थकृद्वरदात्रे नमः
ग्रन्थकृद्वन्दिताय नमः
ग्रन्थानुरक्ताय नमः
ग्रन्थज्ञाय नमः
ग्रन्थानुग्रहदायकाय नमः
ग्रन्थान्तरात्मने नमः
ग्रन्थार्थपण्डिताय नमः
ग्रन्थसौहृदाय नमः
ग्रन्थपारङ्गमाय नमः५९०
ग्रन्थगुणविदे नमः
ग्रन्थविग्रहाय नमः
ग्रन्थसेवते नमः
ग्रन्थहेतवे नमः
ग्रन्थकेतवे नमः
ग्रहाग्रगाय नमः
ग्रन्थपूज्याय नमः
ग्रन्थगेयाय नमः
ग्रन्थग्रन्थनलालसाय नमः
ग्रन्थभूमये नमः६००
ग्रहश्रेष्ठाय नमः
ग्रहकेतवे नमः
ग्रहाश्रयाय नमः
ग्रन्थकाराय नमः
ग्रन्थकारमान्याय नमः
ग्रन्थप्रसारकाय नमः
ग्रन्थश्रमज्ञाय नमः
ग्रन्थाङ्गाय नमः
ग्रन्थभ्रमनिवारकाय नमः
ग्रन्थप्रवणसर्वाङ्गाय नमः६१०
ग्रन्थप्रणयतत्पराय नमः
गीताय नमः
गीतगुणाय नमः
गीतकीर्तये नमः
गीतविशारदाय नमः
गीतस्फीतयशसे नमः
गीतप्रणयाय नमः
गीतचञ्चुराय नमः
गीतप्रसन्नाय नमः
गीतात्मने नमः६२०
गीतलोलाय नमः
गीतस्पृहाय नमः
गीताश्रयाय नमः
गीतमयाय नमः
गीततत्त्वार्थकोविदाय नमः
गीतसंशयसञ्छेत्त्रे नमः
गीतसङ्गीतशासनाय नमः
गीतार्थज्ञाय नमः
गीततत्त्वाय नमः
गीतातत्त्वाय नमः६३०
गताश्रयाय नमः
गीतासाराय नमः
गीताकृते नमः
गीताकृद्विघ्ननाशनाय नमः
गीताशक्ताय नमः
गीतलीनाय नमः
गीताविगतसञ्ज्वराय नमः
गीतैकदृशे नमः
गीतभूतये नमः
गीतप्रीताय नमः६४०
गतालसाय नमः
गीतवाद्यपटवे नमः
गीतप्रभवे नमः
गीतार्थतत्त्वविदे नमः
गीतागीतविवेकज्ञाय नमः
गीताप्रवणचेतनाय नमः
गतभिये नमः
गतविद्वेषाय नमः
गतसंसारबन्धनाय नमः
गतमायाय नमः६५०
गतत्रासाय नमः
गतदुःखाय नमः
गतज्वराय नमः
गतासुहृदे नमः
गताज्ञानाय नमः
गतदुष्टाशयाय नमः
गताय नमः
गतार्तये नमः
गतसङ्कल्पाय नमः
गतदुष्टविचेष्टिताय नमः६६०
गताहङ्कारसञ्चाराय नमः
गतदर्पाय नमः
गताहिताय नमः
गतविघ्नाय नमः
गतभयाय नमः
गतागतनिवारकाय नमः
गतव्यथाय नमः
गतापायाय नमः
गतदोषाय नमः
गतेः पराय नमः६७०
गतसर्वविकाराय नमः
गजगञ्जितकुञ्जराय नमः
गतकम्पितभूपृष्ठाय नमः
गतरुजे नमः
गतकल्मषाय नमः
गतदैन्याय नमः
गतस्तैन्याय नमः
गतमानाय नमः
गतश्रमाय नमः
गतक्रोधाय नमः६८०
गतग्लानये नमः
गतम्लानाय नमः
गतभ्रमाय नमः
गताभावाय नमः
गतभवाय नमः
गततत्त्वार्थसंशयाय नमः
गयासुरशिरश्छेत्त्रे नमः
गयासुरवरप्रदाय नमः
गयावासाय नमः
गयानाथाय नमः६९०
गयावासिनमस्कृतय नमः
गयातीर्थफलाध्यक्षाय नमः
गयायात्राफलप्रदाय नमः
गयामयाय नमः
गयाक्षेत्राय नमः
गयाक्षेत्रनिवासकृते नमः
गयावासिस्तुताय नमः
गायन्मधुव्रतलसत्कटाय नमः
गायकाय नमः
गायकवराय नमः७००
गायकेष्टफलप्रदाय नमः
गायकप्रणयिने नमः
गात्रे नमः
गायकाभयदायकाय नमः
गायकप्रवणस्वान्ताय नमः
गायकायप्रथमाय नमः
गायकोद्गीतसम्प्रीताय नमः
गायकोत्कटविघ्नघ्ने नमः
गानगेयाय नमः
गायकेशाय नमः७१०
गायकान्तरसञ्चाराय नमः
गायकप्रियदाय नमः
गायकाधीनविग्रहाय नमः
गेयाय नमः
गेयगुणाय नमः
गेयचरिताय नमः
गेयतत्त्वविदे नमः
गायकत्रासघ्ने नमः
ग्रन्थाय नमः
ग्रन्थतत्त्वविवेचकाय नमः७२०
गाढानुरागय नमः
गाढाङ्गाय नमः
गाढगङ्गाजलाय नमः
गाढावगाढजलधये नमः
गाढप्रज्ञाय नमः
गतामयाय नमः
गाढप्रत्यर्थिसैन्याय नमः
गाढानुग्रहतत्पराय नमः
गाढश्लेषरसाभिज्ञाय नमः
गाढनिर्वृतिसाधकाय नमः७३०
गङ्गाधरेष्टवरदाय नमः
गङ्गाधरभयापहाय नमः
गङ्गाधरगुरवे नमः
गङ्गाधरध्यातपदाय नमः
गङ्गाधरस्तुताय नमः
गङ्गाधराराध्याय नमः
गतस्मयाय नमः
गङ्गाधरप्रियाय नमः
गङ्गाधराय नमः
गङ्गाम्बुसुन्दराय नमः७४०
गङ्गाजलरसास्वाद चतुराय नमः
गङ्गतीरयाय नमः
गङ्गाजलप्रणयवते नमः
गङ्गातीरविहारकृते नमः
गङ्गाप्रियाय नमः
गङ्गजलावगाहनपराय नमः
गन्धमादनसंवासाय नमः
गन्धमादनकेलिकृते नमः
गन्धानुलिप्तसर्वाङ्गाय नमः
गन्धलुब्धमधुव्रताय नमः७५०
गन्धाय नमः
गन्धर्वराजाय नमः
गन्धर्वप्रियकृते नमः
गन्धर्वविद्यातत्त्वज्ञाय नमः
गन्धर्वप्रीतिवर्धनाय नमः
गकारबीजनिलयाय नमः
गकाराय नमः
गर्विगर्वनुदे नमः
गन्धर्वगणसंसेव्याय नमः
गन्धर्ववरदायकाय नमः७६०
गन्धर्वाय नमः
गन्धमातङ्गाय नमः
गन्धर्वकुलदैवताय नमः
गन्धर्वगर्वसञ्छेत्त्रे नमः
गन्धर्ववरदर्पघ्ने नमः
गन्धर्वप्रवणस्वान्ताय नमः
गन्धर्वगणसंस्तुताय नमः
गन्धर्वार्चितपादाब्जाय नमः
गन्धर्वभयहारकाय नमः
गन्धर्वाभयदाय नमः७७०
गन्धर्वप्रतिपालकाय नमः
गन्धर्वगीतचरिताय नमः
गन्धर्वप्रणयोत्सुकाय नमः
गन्धर्वगानश्रवणप्रणयिने नमः
गर्वभञ्जनाय नमः
गन्धर्वत्राणसन्नद्धाय नमः
गन्धर्वसमरक्षमाय नमः
गन्धर्वस्त्रीभिराराध्याय नमः
गानाय नमः
गानपटवे नमः७८०
गच्छाय नमः
गच्छपतये नमः
गच्छनायकाय नमः
गच्छगर्वघ्ने नमः
गच्छराजाय नमः
गच्छेशाय नमः
गच्छराजनमस्कृताय नमः
गच्छप्रियाय नमः
गच्छगुरवे नमः
गच्छत्राणकृतोद्यमाय नमः७९०
गच्छप्रभवे नमः
गच्छचराय नमः
गच्छप्रियकृतोद्यमाय नमः
गच्छगीतगुणाय नमः
गच्छमर्यादाप्रतिपालकाय नमः
गच्छधात्रे नमः
गच्छभर्त्रे नमः
गच्छवन्द्याय नमः
गुरोर्गुरवे नमः
गृत्साय नमः८००
गृत्समदाय नमः
गृत्समदाभीष्टवरप्रदाय नमः
गीर्वाणगीतचरिताय नमः
गीर्वाणगणसेविताय नमः
गीर्वाणवरदात्रे नमः
गीर्वाणभयनाशकृते नमः
गीर्वाणगुणसंवीताय नमः
गीर्वाणारातिसूदनाय नमः
गीर्वाणधाम्ने नमः
गीर्वाणगोप्त्रे नमः८१०
गीर्वाणगर्वहृदे नमः
गीर्वाणार्तिहराय नमः
गीर्वाणवरदायकाय नमः
गीर्वाणशरणाय नमः
गीतनाम्ने नमः
गीर्वाणसुन्दराय नमः
गीर्वाणप्राणदाय नमः
गन्त्रे नमः
गीर्वाणानीकरक्षकाय नमः
गुहेहापूरकाय नमः८२०
गन्धमत्ताय नमः
गीर्वाणपुष्टिदाय नमः
गीर्वाणप्रयुतत्रात्रे नमः
गीतगोत्राय नमः
गताहिताय नमः
गीर्वाणसेवितपदाय नमः
गीर्वाणप्रथिताय नमः
गलते नमः
गीर्वाणगोत्रप्रवराय नमः
गीर्वाणफलदायकाय नमः८३०
गीर्वाणप्रियकर्त्रे नमः
गीर्वाणागमसारविदे नमः
गीर्वाणागमसम्पत्तये नमः
गीर्वाणव्यसनापहाय नमः
गीर्वाणप्रणयाय नमः
गीतग्रहणोत्सुकमानसाय नमः
गीर्वाणभ्रमसम्भेत्त्रे नमः
गीर्वाणगुरुपूजिताय नमः
ग्रहाय नमः
ग्रहपतये नमः८४०
ग्राहाय नमः
ग्रहपीडाप्रणाशनाय नमः
ग्रहस्तुताय नमः
ग्रहाध्यक्षाय नमः
ग्रहेशाय नमः
ग्रहदैवताय नमः
ग्रहकृते नमः
ग्रहभर्त्रे नमः
ग्रहेशानाय नमः
ग्रहेश्वराय नमः८५०
ग्रहाराध्याय नमः
ग्रहत्रात्रे नमः
ग्रहगोप्त्रे नमः
ग्रहोत्कटाय नमः
ग्रहगीतगुणाय नमः
ग्रन्थप्रणेत्रे नमः
ग्रहवन्दिताय नमः
गविने नमः
गवीश्वराय नमः
गर्विणे नमः८६०
गर्विष्ठाय स्नमः
गर्विगर्वघ्ने नमः
गवाम्प्रियाय नमः
गवान्नाथाय नमः
गवीशानाय नमः
गवाम्पतये नमः
गव्यप्रियाय नमः
गवाम्गोप्त्रे नमः
गविसम्पत्तिसाधकाय नमः
गविरक्षणसन्नद्धाय नमः८७०
गवाम्भयहराय नमः
गविगर्वहराय नमः
गोदाय नमः
गोप्रदाय नमः
गोजयप्रदाय नमः
गजायुतबलाय नमः
गण्डगुञ्जन्मत्तमधुव्रताय नमः
गण्डस्थललसद्दानमिलन्मत्तालिमण्डिताय नमः
गुडाय नमः
गुडप्रियाय नमः८८०
गण्डगलद्दानाय नमः
गुडाशनाय नमः
गुडाकेशाय नमः
गुडाकेशसहायाय नमः
गुडलड्डुभुजे नमः
गुडभुजे नमः
गुडभुग्गण्याय नमः
गुडाकेशवरप्रदाय नमः
गुडाकेशार्चितपदाय नमः
गुडाकेशसखाय नमः८९०
गदाधरार्चितपदाय नमः
गदाधरवरप्रदाय नमः
गदायुधाय नमः
गदापाणये नमः
गदायुद्धविशारदाय नमः
गदघ्ने नमः
गददर्पघ्नाय नमः
गदगर्वप्रणाशनाय नमः
गदग्रस्तपरित्रात्रे नमः
गदाडम्बरखण्डकाय नमः९००
गुहाय नमः
गुहाग्रजाय नमः
गुप्ताय नमः
गुहाशायिने नमः
गुहाशयाय नमः
गुहप्रीतिकराय नमः
गूढाय नमः
गूढगुल्फाय नमः
गुणैकदृशे नमः
गिरे नमः९१०
गीष्पतये नमः
गिरीशानाय नमः
गीर्देवीगीतसद्गुणाय नमः
गीर्देवाय नमः
गीष्प्रियाय नमः
गीर्भुवे नमः
गीरात्मने नमः
गीष्प्रियङ्कराय नमः
ग्
गीरसज्ञाय नमः९२०
गीःप्रसन्नाय नमः
गिरीश्वराय नमः
गिरीशजाय नमः
गिरौशायिने नमः
गिरिराजसुखावहाय नमः
गिरिराजार्चितपदाय नमः
गिरिराजनमस्कृताय नमः
गिरिराजगुहाविष्टाय नमः
गिरिराजाभयप्रदाय नमः
गिरिराजेष्टवरदाय नमः९३०
गिरिराजप्रपालकाय नमः
गिरिराजसुतासूनवे नमः
गिरिराजजयप्रदाय नमः
गिरिव्रजवनस्थायिने नमः
गिरिव्रजचराय नमः
गर्गाय नमः
गर्गप्रियाय नमः
गर्गदेवाय नमः
गर्गनमस्कृताय नमः
गर्गभीतिहराय नमः९४०
गर्गवरदाय नमः
गर्गसंस्तुताय नमः
गर्गगीतप्रसन्नात्मने नमः
गर्गानन्दकराय नमः
गर्गप्रियाय नमः
गर्गमानप्रदाय नमः
गर्गारिभञ्जकाय नमः
गर्गवर्गपरित्रात्रे नमः
गर्गसिद्धिप्रदायकाय नमः
गर्गग्लानिहराय नमः९५०
गर्गभ्रमहृदे नमः
गर्गसङ्गताय नमः
गर्गाचार्याय नमः
गर्गमुनये नमः
गर्गसन्मानभाजनाय नमः
गम्भीराय नमः
गणितप्रज्ञाय नमः
गणितागमसारविदे नमः
गणकाय नमः
गणकश्लाघ्याय नमः९६०
गणकप्रणयोत्सुकाय नमः
गणकप्रवणस्वान्ताय नमः
गणिताय नमः
गणितागमाय नमः
गद्याय नमः
गद्यमयाय नमः
गद्यपद्यविद्याविशारदाय नमः
गललग्नमहानागाय नमः
गलदर्चिषे नमः
गलन्मदाय नमः९७०
गलत्कुष्ठिव्यथाहन्त्रे नमः
गलत्कुष्ठिसुखप्रदाय नमः
गम्भीरनाभये नमः
गम्भीरस्वराय नमः
गम्भीरलोचनाय नमः
गम्भीरगुणसम्पन्नाय नमः
गम्भीरगतिशोभनाय नमः
गर्भप्रदाय नमः
गर्भरूपाय नमः
गर्भापद्विनिवारकाय नमः९८०
गर्भागमनसन्नाशाय नमः
गर्भदाय नमः
गर्भशोकनुदे नमः
गर्भत्रात्रे नमः
गर्भगोप्त्रे नमः
गर्भपुष्टिकराय नमः
गर्भाश्रयाय नमः
गर्भमयाय नमः
गर्भामयनिवारकाय नमः
गर्भाधाराय नमः९९०
गर्भधराय नमः
गर्भसन्तोषसाधकाय नमः
गर्भगौरवसन्धानसाधनाय नमः
गर्भवर्गहृदे नमः
गरीयसे नमः
गर्वनुदे नमः
गर्वमर्दिने नमः
गरदमर्दकाय नमः
गरसन्तापशमनाय नमः
गुरुराज्यसुखप्रदाय नमः१०००

प्रथमः सर्गः

Mon, 01 Jan 0001 00:00:00 +0000

प्रथमः सर्गः

श्री-महादेव उवाच

अथ तत्र दिनं स्थित्वा प्रभाते रघुनन्दनः।

स्नात्वा मुनिं समामन्त्र्य प्रयाणायोपचक्रमे॥१॥

मुने गच्छामहे सर्वे मुनिमण्डलमण्डितम्।

विपिनं दण्डकं यत्र त्वमाज्ञातुमिहार्हसि॥२॥

मार्गप्रदर्शनार्थाय शिष्यानाज्ञप्तुमर्हसि।
श्रुत्वा रामस्य वचनं प्रहस्यात्रिर्महायशाः।
प्राह तत्र रघुश्रेष्ठं राम राम सुराश्रय॥३॥

सर्वस्य मार्गद्रष्टा त्वं तव को मार्गदर्शकः।

तथाऽपि दर्शयिष्यन्ति तव लोकानुसारिणः॥४॥

इति शिष्यान् समादिश्य स्वयं किञ्चित्तमन्वगात्।

रामेण वारितः प्रीत्या अत्रिः स्वभवनं ययौ॥५॥

क्रोशमात्रं ततो गत्वा ददर्श महतीं नदीम्।

अत्रेः शिष्यानुवाचेदं रामो राजीवलोचनः॥६॥

नद्याः सन्तरणे कश्चिदुपायो विद्यते न वा।

ऊचुस्ते विद्यते नौका सुदृढा रघुनन्दन॥७॥

तारयिष्यामहे युष्मान् वयमेव क्षणादिह।

ततो नावि समारोप्य सीतां राघवलक्ष्मणौ॥८॥

क्षणात्सन्तारयामासुर्नदीं मुनिकुमारकाः।

रामाभिनन्दिताः सर्वे जग्मुरत्रेरथाश्रमम्॥९॥

तावेत्य विपिनं घोरं झिल्लीझङ्कारनादितम्।

नानामृगगणाकीर्णं सिंहव्याघ्रादिभीषणम्॥१०॥

राक्षसैर्घोररूपैश्च सेवितं रोमहर्षणम्।

प्रविश्य विपिनं घोरं रामो लक्ष्मणमब्रवीत्॥११॥

इतः परं प्रयत्नेन गन्तव्यं सहितेन मे।

धनुर्गुणेन संयोज्य शरानपि करे दधत्॥१२॥

अग्रे यास्याम्यहं पश्चात्त्वमन्वेहि धनुर्धर।

आवयोर्मध्यगा सीता मायेवाऽऽत्मपरात्मनोः॥१३॥

चक्षुश्चारय सर्वत्र दृष्टं रक्षोभयं महत्।

विद्यते दण्डकारण्ये श्रुतपूर्वमरिन्दम॥१४॥

इत्येवं भाषमाणौ तौ जग्मतुः सार्धयोजनम्।

तत्रैका पुष्करिण्यास्ते कल्हारकुमुदोत्पलैः॥१५॥

अम्बुजैः शीतलोदेन शोभमाना व्यदृश्यत।

तत्समीपमथो गत्वा पीत्वा तत्सलिलं शुभम्॥१६॥

ऊषुस्ते सलिलाभ्याशे क्षणं छायामुपाश्रिताः।

ततो ददृशुरायान्तं महासत्त्वं भयानकम्॥१७॥

करालदंष्ट्रवदनं भीषयन्तं स्वगर्जितैः।

वामांसे न्यस्तशूलाग्रग्रथितानेकमानुषम्॥१८॥

भक्षयन्तं गजव्याघ्रमहिषं वनगोचरम्।

ज्यारोपितं धनुर्धृत्वा रामो लक्ष्मणमब्रवीत्॥१९॥

पश्य भ्रातर्महाकायो राक्षसोऽयमुपागतः।

आयात्यभिमुखं नोऽग्रे भीरूणां भयमावहन्॥२०॥

सज्जीकृतधनुस्तिष्ठ मा भैर्जनकनन्दिनि।

इत्युक्त्वा बाणमादाय स्थितो राम इवाचलः॥२१॥

स तु दृष्ट्वा रमानाथं लक्ष्मणं जानकीं तदा।

अट्टहासं ततः कृत्वा भीषयन्निदमब्रवीत्॥२२॥

कौ युवां बाणतूणीरजटावल्कलधारिणौ।

मुनिवेषधरौ बालौ स्त्रीसहायौ सुदुर्मदौ॥२३॥

सुन्दरौ बत मे वक्त्रप्रविष्टकवलोपमौ।

किमर्थमागतौ घोरं वनं व्यालनिषेवितम्॥२४॥

श्रुत्वा रक्षोवचो रामः स्मयमान उवाच तम्।

अहं रामस्त्वयं भ्राता लक्ष्मणो मम सम्मतः॥२५॥

एषा सीता मम प्राणवल्लभा वयमागताः।

पितृवाक्यं पुरस्कृत्य शिक्षणार्थं भवादृशाम्॥२६॥

शृत्वा तद्रामवचनमट्टहासमथाकरोत्।

व्यादाय वक्त्रं बाहुभ्यां शूलमादाय सत्वरः॥२७॥

मां न जानासि राम त्वं विराधं लोकविश्रुतम्।

मद्भयान्मुनयः सर्वे त्यक्त्वा वनमितो गताः॥२८॥

यदि जीवितुमिच्छास्ति त्यक्त्वा सीतां निरायुधौ।

पलायत न चेच्छीघ्रं भक्षयामि युवामहम्॥२९॥

इत्युक्त्वा राक्षसः सीतामादातुमभिदुद्रुवे।

रामश्चिच्छेद तद्बाहू शरेण प्रहसन्निव॥३०॥

ततः क्रोधपरीतात्मा व्यादाय विकटं मुखम्।

राममभ्यद्रवद्रामश्चिच्छेद परिधावतः॥३१॥

पदद्वयं विराधस्य तदद्भुतमिवाभवत्॥३२॥

ततः सर्प इवास्येन ग्रसितुं राममापतत्।

ततोऽर्धचन्द्राकारेण बाणेनास्य महच्छिरः॥३३॥

चिच्छेद रुधिरौघेण पपात धरणीतले।

ततः सीता समालिङ्ग्य प्रशशंस रघूत्तमम्॥३४॥

ततो दुन्दुभयो नेदुर्दिवि देवगणेरिताः।

ननृतुश्चाप्सरा हृष्टा जगुर्गन्धर्वकिन्नराः॥३५॥

विराधकायादतिसुन्दराकृतिः
विभ्राजमानो विमलाम्बरावृतः।
प्रतप्तचामीकरचारुभूषणो
व्यदृश्यताग्रे गगने रविर्यथा॥३६॥

प्रणम्य रामं प्रणतार्तिहारिणं
भवप्रवाहोपरमं घृणाकरम्।
प्रणम्य भूयः प्रणनाम दण्डवतः
प्रपन्नसर्वार्तिहरं प्रसन्नधीः॥३७॥

विराध उवाच

प्रथमः सर्गः

Mon, 01 Jan 0001 00:00:00 +0000

प्रथमः सर्गः

एकदा सुखमासीनं रामं स्वान्तःपुराजिरे।

सर्वाभरणसम्पन्नं रत्नसिंहासने स्थितम्॥१॥

नीलोत्पलदलश्यामं कौस्तुभामुक्तकन्धरम्।

सीतया रत्नदण्डेन चामरेणाथ वीजितम्॥२॥

विनोदयन्तं ताम्बूलचर्वणादिभिरादरात्।

नारदोऽवतरद्द्रष्टुमम्बराद्यत्र राघवः॥३॥

शुद्धस्फटिकसङ्काशः शरच्चन्द्र इवामलः।

अतर्कितमुपायातो नारदो दिव्यदर्शनः॥४॥

तं दृष्ट्वा सहसोत्थाय रामः प्रीत्या कृताञ्जलिः।

ननाम शिरसा भूमौ सीतया सह भक्तिमान्॥५॥

उवाच नारदं रामः प्रीत्या परमया युतः।
संसारिणां मुनिश्रेष्ठ दुर्लभं तव दर्शनम्।
अस्माकं विषयासक्तचेतसां नितरां मुने॥६॥

अवाप्तं मे पूर्वजन्मकृतपुण्यमहोदयैः।

संसारिणाऽपि हि मुने लभ्यते सत्समागमः॥७॥

अतस्त्वद्दर्शनादेव कृतार्थोऽस्मि मुनीश्वर।

किं कार्यं ते मया कार्यं ब्रूहि तत्करवाणि भोः॥८॥

अथ तं नारदोऽप्याह राघवं भक्तवत्सलम्।

किं मोहयसि मां राम वाक्यैर्लोकानुसारिभिः॥९॥

संसार्यहमिति प्रोक्तं सत्यमेतत् त्वया विभो।

जगतामादिभूता या सा माया गृहिणी तव॥१०॥

त्वत्सन्निकर्षाज्जायन्ते तस्यां ब्रह्मादयः प्रजाः।

त्वदाश्रया सदा भाति माया या त्रिगुणात्मिका॥११॥

सूतेऽजस्रं शुक्लकृष्णलोहिताः सर्वदा प्रजाः।

लोकत्रयमहागेहे गृहस्थस्त्वमुदाहृतः॥१२॥

त्वं विष्णुर्जानकी लक्ष्मीः शिवस्त्वं जानकी शिवा।

ब्रह्मा त्वं जानकी वाणी सूर्यस्त्वं जानकी प्रभा॥१३॥

भवान् शशाङ्कः सीता तु रोहिणी शुभलक्षणा।

शक्रस्त्वमेव पौलोमी सीता स्वाहानलो भवान्॥१४॥

यमस्त्वं कालरूपश्च सीता संयमिनी प्रभो।

निरृतिस्त्वं जगन्नाथ तामसी जानकी शुभा॥१५॥

राम त्वमेव वरुणो भार्गवी जानकी शुभा।

वायुस्त्वं राम सीता तु सदागतिरितीरिता॥१६॥

कुबेरस्त्वं राम सीता सर्वसम्पत्प्रकीर्तिता।

रुद्राणी जानकी प्रोक्ता रुद्रस्त्वं लोकनाशकृत्॥१७॥

लोके स्त्रीवाचकं यावत्तत्सर्वं जानकी शुभा।

पुन्नामवाचकं यावत्तत्सर्वं त्वं हि राघव॥१८॥

तस्माल्लोकत्रये देव युवाभ्यां नास्ति किञ्चन॥१९॥

त्वदाभासोदिताज्ञानमव्याकृतमितीर्यते।

तस्मान्महान्स्ततः सूत्रं लिङ्गं सर्वात्मकं ततः॥२०॥

अहङ्कारश्च बुद्धिश्च पञ्चप्राणेन्द्रियाणि च।

लिङ्गमित्युच्यते प्राज्ञैर्जन्ममृत्युसुखादिमत्॥२१॥

स एव जीवसंज्ञश्च लोके भाति जगन्मयः।

अवाच्यानाद्यविद्यैव कारणोपाधिरुच्यते॥२२॥

स्थूलं सूक्ष्मं कारणाख्यमुपाधित्रितयं चितेः।

एतैर्विशिष्टो जीवः स्याद्वियुक्तः परमेश्वरः॥२३॥

जाग्रत्स्वप्नसुषुप्त्याख्या संसृतिर्या प्रवर्तते।

तस्या विलक्षणः साक्षी चिन्मात्रस्त्वं रघूत्तम॥२४॥

त्वत्त एव जगज्जातं त्वयि सर्वं प्रतिष्ठितम्।

त्वय्येव लीयते कृत्स्नं तस्मात्त्वं सर्वकारणम्॥२५॥

रज्जावहिमिवात्मानं जीवं ज्ञात्वा भयं भवेत्।

परात्माहमिति ज्ञात्वा भयदुःखैर्विमुच्यते॥२६॥

चिन्मात्रज्योतिषा सर्वाः सर्वदेहेषु बुद्धयः।

त्वया यस्मात्प्रकाश्यन्ते सर्वस्यात्मा ततो भवान्॥२७॥

अज्ञानान्न्यस्यते सर्वं त्वयि रज्जौ भुजङ्गवत्॥२८॥

त्वत्पादभक्तियुक्तानां विज्ञानं भवति क्रमात्।

तस्मात्त्वद्भक्तियुक्ता ये मुक्तिभाजस्त एव हि॥२९॥

अहं त्वद्भक्तभक्तानां तद् भक्तानां च किङ्करः।

अतो मामनुगृह्णीष्व मोहयस्व न मां प्रभो॥३०॥

त्वन्नाभिकमलोत्पन्नो ब्रह्मा मे जनकः प्रभो।

अतस्तवाहं पौत्रोऽस्मि भक्तं मां पाहि राघव॥३१॥

इत्युक्त्वा बहुशो नत्वा स्वानन्दाश्रुपरिप्लुतः।

उवाच वचनं राम ब्रह्मणा नोदितोऽस्म्यहम्॥३२॥

रावणस्य वधार्थाय जातोऽसि रघुसत्तम।

इदानीं राज्यरक्षार्थं पिता त्वामभिषेक्ष्यति॥३३॥

यदि राज्याभिसंसक्तो रावणं न हनिष्यसि।

प्रतिज्ञा ते कृता राम भूभारहरणाय वै॥३४॥

तत्सत्यं कुरु राजेन्द्र सत्यसन्धस्त्वमेव हि।

श्रुत्वैतद्गदितं रामो नारदं प्राह सस्मितम्॥३५॥

शृणु नारद मे किञ्चिद् विद्यतेऽविदितं क्वचित्।

प्रतिज्ञातं च यत्पूर्वं करिष्ये तन्न संशयः॥३६॥

किन्तु कालानुरोधेन तत्तत्प्रारब्धसङ्क्षयात्।

हरिष्ये सर्वभूभारं क्रमेणासुरमण्डलम्॥३७॥

रावणस्य विनाशार्थं श्वो गन्ता दण्डकाननम्।

चतुर्दश समास्तत्र ह्युषित्वा मुनिवेषधृक्॥३८॥

सीतामिषेण तं दुष्टं सकुलं नाशयाम्यहम्।

एवं रामे प्रतिज्ञाते नारदः प्रमुमोद ह॥३९॥

प्रदक्षिणत्रयं कृत्वा दण्डवत्प्रणिपत्य तम्।

अनुज्ञातश्च रामेण ययौ देवगतिं मुनिः॥४०॥

संवादं पठति शृणोति संस्मरेद् वा
यो नित्यं मुनिवररामयोः सभक्त्या।
सम्प्राप्नोत्यमरसुदुर्लभं विमोक्षं
कैवल्यं विरतिपुरःसरं क्रमेण॥४१॥

॥इति श्रीमदध्यात्मरामायणे उमामहेश्वरसंवादे अयोध्याकाण्डे प्रथमः सर्गः॥

प्रथमः सर्गः

Mon, 01 Jan 0001 00:00:00 +0000

प्रथमः सर्गः

॥राम हृदयम्॥

यः पृथिवीभरवारणाय दिविजैः सम्प्रार्थितश्चिन्मयः
सञ्जातः पृथिवीतले रविकुले मायामनुष्योऽव्ययः।
निश्चक्रं हतराक्षसः पुनरगाद् ब्रह्मत्वमाद्यं स्थिरां
कीर्तिं पापहरां विधाय जगतां तं जानकीशं भजे॥१॥

विश्वोद्भवस्थितिलयादिषु हेतुमेकं
मायाश्रयं विगतमायमचिन्त्यमूर्तिम्।
आनन्दसान्द्रममलं निजबोधरूपं
सीतापतिं विदिततत्त्वमहं नमामि॥२॥

पठन्ति ये नित्यमनन्यचेतसः
शृण्वन्ति चाध्यात्मिकसंज्ञितं शुभम्।
रामायणं सर्वपुराणसम्मतं
निर्धूतपापा हरिमेव यान्ति ते॥३॥

अध्यात्मरामायणमेव नित्यं
पठेद्यदीच्छेद्भवबन्धमुक्तिम्।
गवां सहस्रायुतकोटिदानात्
फलं लभेद्यः शृणुयात्स नित्यम्॥४॥

पुरारिगिरिसम्भूता श्रीरामार्णवसङ्गता।

अध्यात्मरामगङ्गेयं पुनाति भुवनत्रयम्॥५॥

कैलासाग्रे कदाचिद्रविशतविमले मन्दिरे रत्नपीठे
संविष्टं ध्याननिष्ठं त्रिनयनमभयं सेवितं सिद्धसङ्घैः।
देवी वामाङ्कसंस्था गिरिवरतनया पार्वती भक्तिनम्रा
प्राहेदं देवमीशं सकलमलहरं वाक्यमानन्दकन्दम्॥६॥

पार्वत्युवाच

नमोऽस्तु ते देव जगन्निवास
सर्वात्मदृक् त्वं परमेश्वरोऽसि।
पृच्छामि तत्त्वं पुरुषोत्तमस्य
सनातनं त्वं च सनातनोऽसि॥७॥

गोप्यं यदत्यन्तमनन्यवाच्यं
वदन्ति भक्तेषु महानुभावाः।
तदप्यहोऽहं तव देव भक्ता
प्रियोऽसि मे त्वं वद यत्तु पृष्टम्॥८॥

ज्ञानं सविज्ञानमथानुभक्ति-
वैराग्ययुक्तं च मितं विभास्वत्।
जानाम्यहं योषिदपि त्वदुक्तं
यथा तथा ब्रूहि तरन्ति येन॥९॥

पृच्छामि चान्यच्च परं रहस्यं
तदेव चाग्रे वद वारिजाक्ष।
श्रीरामचन्द्रेऽखिललोकसारे
भक्तिर्दृढा नौर्भवति प्रसिद्धा॥१०॥

भक्तिः प्रसिद्धा भवमोक्षणाय
नान्यत्ततः साधनमस्ति किञ्चित्।
तथाऽपि हृत्संशयबन्धनं मे
विभेत्तुमर्हस्यमलोक्तिभिस्त्वम्॥११॥

वदन्ति रामं परमेकमाद्यं
निरस्तमायागुणसम्प्रवाहम्।
भजन्ति चाहर्निशमप्रमत्ताः
परं पदं यान्ति तथैव सिद्धाः॥१२॥

वदन्ति केचित्परमोऽपि रामः
स्वाविद्यया संवृतमात्मसंज्ञम्।
जानाति नाऽऽत्मानमतः परेण
सम्बोधितो वेद परात्मतत्त्वम्॥१३॥

यदि स्म जानाति कुतो विलापः
सीताकृतेऽनेन कृतः परेण।
जानाति नैवं यदि केन सेव्यः
समो हि सर्वैरपि जीवजातैः॥१४॥

अत्रोत्तरं किं विदितं भवद्भिः।

तद्ब्रूत मे संशयभेदि वाक्यम्॥१५॥

श्री-महादेव उवाच

प्रथमः सर्गः

Mon, 01 Jan 0001 00:00:00 +0000

प्रथमः सर्गः

श्री-महादेव उवाच

ततः सलक्ष्मणो रामः शनैः पम्पासरस्तटम्।

आगत्य सरसां श्रेष्ठां दृष्ट्वा विस्मयमाययौ॥१॥

क्रोशमात्रं सुविस्तीर्णमगाधामलशम्बरम्।

उत्फुल्लाम्बुजकल्हारकुमुदोत्पलमण्डितम्॥२॥

हंसकारण्डवाकीर्णं चक्रवाकादिशोभितम्।

जलकुक्कुटकोयष्टिक्रौञ्चनादोपनादितम्॥३॥

नानापुष्पलताकीर्णं नानाफलसमावृतम्।

सतां मनःस्वच्छजलं पद्मकिञ्जल्कवासितम्॥४॥

तत्रोपस्पृश्य सलिलं पीत्वा श्रमहरं विभुः।

सानुजः सरसस्तीरे शीतलेन पथा ययौ॥५॥

ऋष्यमूकगिरेः पार्श्वे गच्छन्तौ रामलक्ष्मणौ।
धनुर्बाणकरौ दान्तौ जटावल्कलमण्डितौ।
पश्यन्तौ विविधान् वृक्षान् गिरेः शोभां सुविक्रमौ॥६॥

सुग्रीवस्तु गिरेर्मूर्ध्नि चतुर्भिः सह वानरैः।

स्थित्वा ददर्श तौ यान्तावारुरोह गिरेः शिरः॥७॥

भयादाह हनूमन्तं कौ तौ वीरवरौ सखे।

गच्छ जानीहि भद्रं ते वटुर्भूत्वा द्विजाकृतिः॥८॥

वालिना प्रेषितौ किंवा मां हन्तुं समुपागतौ।

ताभ्यां सम्भाषणं कृत्वा जानीहि हृदयं तयोः॥९॥

यदि तौ दुष्टहृदयौ संज्ञां कुरु कराग्रतः।

विनयावनतो भूत्वा एवं जानीहि निश्चयम्॥१०॥

तथेति वटुरूपेण हनुमान् समुपागतः।

विनयावनतो भूत्वा रामं नत्वेदमब्रवीत्॥११॥

कौ युवां पुरुषव्याघ्रौ युवानौ वीरसम्मतौ।

द्योतयन्तौ दिशः सर्वाः प्रभया भास्कराविव॥१२॥

युवां त्रैलोक्यकर्ताराविति भाति मनो मम।

युवां प्रधानपुरुषौ जगद्धेतू जगन्मयौ॥१३॥

मायया मानुषाकारौ चरन्ताविव लीलया।

भूभारहरणार्थाय भक्तानां पालनाय च॥१४॥

अवतीर्णाविह परौ चरन्तौ क्षत्रियाकृती।

जगत्स्थितिलयौ सर्गं लीलया कर्तुमुद्यतौ॥१५॥

स्वतन्त्रौ प्रेरकौ सर्वहृदयस्थाविहेश्वरौ।

नरनारायणौ लोके चरन्ताविति मे मतिः॥१६॥

श्रीरामो लक्ष्मणं प्राह पश्यैनं वटुरूपिणम्।

शब्दशास्त्रमशेषेण श्रुतं नूनमनेकधा॥१७॥

अनेन भाषितं कृत्स्नं न किञ्चिदपशब्दितम्।

ततः प्राह हनूमन्तं राघवो ज्ञानविग्रहः॥१८॥

अहं दाशरथी रामस्त्वयं मे लक्ष्मणोऽनुजः।

सीतया भार्यया सार्धं पितुर्वचनगौरवात्॥१९॥

आगतस्तत्र विपिने स्थितोऽहं दण्डके द्विज।
तत्र भार्या हृता सीता रक्षसा केनचिन्मम।
तामन्वेष्टुमिहायातौ त्वं को वा कस्य वा वद॥२०॥

वटुरुवाच

प्रथमः सर्गः

Mon, 01 Jan 0001 00:00:00 +0000

प्रथमः सर्गः

श्री-महादेव उवाच

शतयोजनविस्तीर्णं समुद्रं मकरालयम्।

लिलङ्घयिषुरानन्दसन्दोहो मारुतात्मजः॥१॥

ध्यात्वा रामं परात्मानमिदं वचनमब्रवीत्।

पश्यन्तु वानराः सर्वे गच्छन्तं मां विहायसा॥२॥

अमोघं रामनिर्मुक्तं महाबाणमिवाखिलाः।

पश्याम्यद्यैव रामस्य पत्नीं जनकनन्दिनीम्॥३॥

कृतार्थोऽहं कृतार्थोऽहं पुनः पश्यामि राघवम्।

प्राणप्रयाणसमये यस्य नाम सकृत्स्मरन्॥४॥

नरस्तीर्त्वा भवाम्भोधिमपारं याति तत्पदम्।

किं पुनस्तस्य दूतोऽहं तदङ्गाङ्गुलिमुद्रिकः॥५॥

तमेव हृदये ध्यात्वा लङ्घयाम्यल्पवारिधिम्।

इत्युक्त्वा हनुमान् बाहू प्रसार्यायतवालधिः॥६॥

ऋजुग्रीवोर्ध्वदृष्टिः सन्नाकुञ्चितपदद्वयः।

दक्षिणाभिमुखस्तूर्णं पुप्लुवेऽनिलविक्रमः॥७॥

आकाशात्त्वरितं देवैर्वीक्ष्यमाणो जगाम सः।

दृष्ट्वाऽनिलसुतं देवा गच्छन्तं वायुवेगतः॥८॥

परीक्षणार्थं सत्त्वस्य वानरस्येदमब्रुवन्।

गच्छत्येष महासत्त्वो वानरो वायुविक्रमः॥९॥

लङ्कां प्रवेष्टुं शक्तो वा न वा जानीमहे बलम्।

एवं विचार्य नागानां मातरं सुरसाभिधाम्॥१०॥

अब्रवीद् देवतावृन्दः कौतूहलसमन्वितः।

गच्छ त्वं वानरेन्द्रस्य किञ्चिद् विघ्नं समाचर॥११॥

ज्ञात्वा तस्य बलं बुद्धिं पुनरेहि त्वरान्विता।

इत्युक्ता सा ययौ शीघ्रं हनुमद्विघ्नकारणात्॥१२॥

आवृत्य मार्गं पुरतः स्थित्वा वानरमब्रवीत्।

एहि मे वदनं शीघ्रं प्रविशस्व महामते॥१३॥

देवैस्त्वं कल्पितो भक्ष्यः क्षुधासम्पीडितात्मनः।

तामाह हनुमान् मातरहं रामस्य शासनात्॥१४॥

गच्छामि जानकीं द्रष्टुं पुनरागम्य सत्वरः।

रामाय कुशलं तस्याः कथयित्वा त्वदाननम्॥१५॥

निवेक्ष्ये देहि मे मार्गं सुरसायै नमोऽस्तु ते।

इत्युक्ता पुनरेवाह सुरसा क्षुधिताऽस्म्यहम्॥१६॥

प्रविश्य गच्छ मे वक्त्रं नो चेत्त्वां भक्षयाम्यहम्।

इत्युक्तो हनुमानाह मुखं शीघ्रं विदारय॥१७॥

प्रविश्य वदनं तेऽद्य गच्छामि त्वरयान्वितः।

इत्युक्त्वा योजनायामदेहो भूत्वा पुरः स्थितः॥१८॥

दृष्ट्वा हनूमतो रूपं सुरसा पञ्चयोजनम्।

मुखं चकार हनुमान् द्विगुणं रूपमादधत्॥१९॥

ततश्चकार सुरसा योजनानां च विंशतिम्।

वक्त्रं चकार हनुमान्स्त्रिंशद्योजनसम्मितम्॥२०॥

ततश्चकार सुरसा पञ्चाशद्योजनायतम्।

वक्त्रं तदा हनूमांस्तु बभूवाङ्गुष्ठसन्निभः॥२१॥

प्रविश्य वदनं तस्याः पुनरेत्य पुरः स्थितः।

प्रविष्टो निर्गतोऽहं ते वदनं देवि ते नमः॥२२॥

एवं वदन्तं दृष्ट्वा सा हनूमन्तमथाब्रवीत्।

गच्छ साधय रामस्य कार्यं बुद्धिमतां वर॥२३॥

देवैः सम्प्रेषिताऽहं ते बलं जिज्ञासुभिः कपे।

दृष्ट्वा सीतां पुनर्गत्वा रामं द्रक्ष्यसि गच्छ भोः॥२४॥

इत्युक्त्वा सा ययौ देवलोकं वायुसुतः पुनः।

जगाम वायुमार्गेण गरुत्मानिव पक्षिराट्॥२५॥

समुद्रोऽप्याह मैनाकं मणिकाञ्चनपर्वतम्।

गच्छत्येष महासत्त्वो हनुमान्मारुतात्मजः॥२६॥

रामस्य कार्यसिद्ध्यर्थं तस्य त्वं सचिवो भव।

सगरैर्वर्द्धितो यस्मात्पुराहं सागरोऽभवम्॥२७॥

तस्यान्वये बभूवासौ रामो दाशरथिः प्रभुः।

तस्य कार्यार्थसिद्ध्यर्थं गच्छत्येष महाकपिः॥२८॥

त्वमुत्तिष्ठ जलात्तूर्णं त्वयि विश्रम्य गच्छतु।

स तथेति प्रादुरभूज्जलमध्यान्महोन्नतः॥२९॥

नानामणिमयैः शृङ्गैस्तस्योपरि नराकृतिः।

प्राह यान्तं हनूमन्तं मैनाकोऽहं महाकपे॥३०॥

समुद्रेण समादिष्टस्त्वद्विश्रामाय मारुते।

आगच्छामृतकल्पानि जग्ध्वा पक्वफलानि मे॥३१॥

विश्रम्यात्र क्षणं पश्चाद्गमिष्यसि यथासुखम्।

एवमुक्तोऽथ तं प्राह हनुमान्मारुतात्मजः॥३२॥

गच्छतो रामकार्यार्थं भक्षणं मे कथं भवेत्।

विश्रामो वा कथं मे स्याद्गन्तव्यं त्वरितं मया॥३३॥

इत्युक्त्वा स्पृष्टशिखरः कराग्रेण ययौ कपिः।

किञ्चिद् दूरं गतस्यास्य छायां छायाग्रहोऽग्रहीत्॥३४॥

सिंहिका नाम सा घोरा जलमध्ये स्थिता सदा।

आकाशगामिनां छायामाक्रम्याऽऽकृष्य भक्षयेत्॥३५॥

तया गृहीतो हनुमान्श्चिन्तयामास वीर्यवान्।

केनेदं मे कृतं वेगरोधनं विघ्नकारिणा॥३६॥

दृश्यते नैव कोऽप्यत्र विस्मयो मे प्रजायते।

एवं विचिन्त्य हनुमानधो दृष्टिं प्रसारयत्॥३७॥

तत्र दृष्ट्वा महाकायां सिंहिकां घोररूपिणीम्।

पपात सलिले तूर्णं पद्भ्यामेवाहनद्रुषा॥३८॥

पुनरुत्प्लुत्य हनुमान् दक्षिणाभिमुखो ययौ।

ततो दक्षिणमासाद्य कूलं नानाफलद्रुमम्॥३९॥

नानापक्षिमृगाकीर्णं नानापुष्पलतावृतम्।

ततो ददर्श नगरं त्रिकूटाचलमूर्धनि॥४०॥

प्राकारैर्बहुभिर्युक्तं परिखाभिश्च सर्वतः।

प्रवेक्ष्यामि कथं लङ्कामिति चिन्तापरोऽभवत्॥४१॥

रात्रौ वेक्ष्यामि सूक्ष्मोऽहं लङ्कां रावणपालिताम्।

एवं विचिन्त्य तत्रैव स्थित्वा लङ्कां जगाम सः॥४२॥

धृत्वा सूक्ष्मं वपुर्द्वारं प्रविवेश प्रतापवान्।

तत्र लङ्कापुरी साक्षाद्राक्षसीवेषधारिणी॥४३॥

प्रविशन्तं हनूमन्तं दृष्ट्वा लङ्का व्यतर्जयत्।

कस्त्वं वानररूपेण मामनादृत्य लङ्किनीम्॥४४॥

प्रविश्य चोरवद्रात्रौ किं भवान् कर्तुमिच्छति।

इत्युक्त्वा रोषताम्राक्षी पादेनाभिजघान तम्॥४५॥

हनुमानपि तां वाममुष्टिनाऽवज्ञयाऽहनत्।

तदैव पतिता भूमौ रक्तमुद्वमती भृशम्॥४६॥

उत्थाय प्राह सा लङ्का हनूमन्तं महाबलम्।

हनूमन् गच्छ भद्रं ते जिता लङ्का त्वयाऽनघ॥४७॥

पुराहं ब्रह्मणा प्रोक्ता ह्यष्टाविंशतिपर्यये।

त्रेतायुगे दाशरथी रामो नारायणोऽव्ययः॥४८॥

जनिष्यते योगमाया सीता जनकवेश्मनि।

भूभारहरणार्थाय प्रार्थितोऽयं मया क्वचित्॥४९॥

सभार्यो राघवो भ्रात्रा गमिष्यति महावनम्।

तत्र सीतां महामायां रावणोऽपहरिष्यति॥५०॥

पश्चाद्रामेण साचिव्यं सुग्रीवस्य भविष्यति।

सुग्रीवो जानकीं द्रष्टुं वानरान् प्रेषयिष्यति॥५१॥

तत्रैको वानरो रात्रावागमिष्यति तेऽन्तिकम्।

त्वया च भर्त्सितः सोऽपि त्वां हनिष्यति मुष्टिना॥५२॥

तेनाहता त्वं व्यथिता भविष्यसि यदाऽनघे।

तदैव रावणस्यान्तो भविष्यति न संशयः॥५३॥

तस्मात् त्वया जिता लङ्का जितं सर्वं त्वयाऽनघ।

रावणान्तःपुरवरे क्रीडाकाननमुत्तमम्॥५४॥

तन्मध्येऽशोकवनिका दिव्यपादपसङ्कुला।

अस्ति तस्यां महावृक्षः शिंशपा नाम मध्यगः॥५५॥

तत्राऽऽस्ते जानकी घोरराक्षसीभिः सुरक्षिता।

दृष्ट्वैव गच्छ त्वरितं राघवाय निवेदय॥५६॥

धन्याऽहमप्यद्य चिराय राघव-
स्मृतिर्ममाऽऽसीद्भवपाशमोचिनी।
तद्भक्तसङ्गोऽप्यतिदुर्लभो मम
प्रसीदतां दाशरथिः सदा हृदि॥५७॥

उल्लङ्घितेऽब्धौ पवनात्मजेन
धरासुतायाश्च दशाननस्य।
पुस्फोर वामाक्षि भुजश्च तीव्रं
रामस्य दक्षाङ्गमतीन्द्रियस्य॥५८॥

॥इति श्रीमदध्यात्मरामायणे उमामहेश्वरसंवादे सुन्दरकाण्डे प्रथमः सर्गः॥

प्रथमः सर्गः

Mon, 01 Jan 0001 00:00:00 +0000

प्रथमः सर्गः

श्री-महादेव उवाच

जयति रघुवंशतिलकः कौसल्याहृदयनन्दनो रामः।

दशवदननिधनकारी दाशरथिः पुण्डरीकाक्षः॥१॥

पार्वत्युवाच

अथ रामः किमकरोत्कौसल्यानन्दवर्धनः।

हत्वा मृधे रावणादीन् राक्षसान् भीमविक्रमः॥२॥

अभिषिक्तस्त्वयोध्यायां सीतया सह राघवः।

मायामानुषतां प्राप्य कति वर्षाणि भूतले॥३॥

स्थितवान् लीलया देवः परमात्मा सनातनः।

अत्यजन्मानुषं लोकं कथमन्ते रघूद्वहः॥४॥

एतदाख्याहि भगवन् श्रद्दधत्या मम प्रभो।
कथापीयुषमास्वाद्य तृष्णा मेऽतीव वर्धते।
रामचन्द्रस्य भगवन् ब्रूहि विस्तरशः कथाम्॥५॥

श्री-महादेव उवाच

राक्षसानां वधं कृत्वा राज्ये राम उपस्थिते।

आययुर्मुनयः सर्वे श्रीराममभिवन्दितुम्॥६॥

विश्वामित्रोऽसितः कण्वो दुर्वासा भृगुरङ्गिराः।

कश्यपो वामदेवोऽत्रिस्तथा सप्तर्षयोऽमलाः॥७॥

अगस्त्यः सह शिष्यैश्च मुनिभिः सहितोऽभ्यगात्।

द्वारमासाद्य रामस्य द्वारपालमथाब्रवीत्॥८॥

ब्रूहि रामाय मुनयः समागत्य बहिःस्थिताः।

अगस्त्यप्रमुखाः सर्वे आशीर्भिरभिनन्दितुम्॥९॥

प्रतीहारस्ततो राममगस्त्यवचनाद् द्रुतम्।

नमस्कृत्याब्रवीद् वाक्यं विनयावनतः प्रभुम्॥१०॥

कृताञ्जलिरुवाचेदमगस्त्यो मुनिभिः सह।

देव त्वद्दर्शनार्थाय प्राप्तो बहिरुपस्थितः॥११॥

तमुवाच द्वारपालं प्रवेशय यथासुखम्।

पूजिता विविशुर्वेश्म नानारत्नविभूषितम्॥१२॥

दृष्ट्वा रामो मुनीन् शीघ्रं प्रत्युत्थाय कृताञ्जलिः।

पाद्यार्घ्यादिभिरापूज्य गां निवेद्य यथाविधि॥१३॥

नत्वा तेभ्यो ददौ दिव्यान्यासनानि यथार्हतः।

उपविष्टा प्रहृष्टाश्च मुनयो रामपूजिताः॥१४॥

सम्पृष्टकुशलाः सर्वे रामं कुशलमब्रुवन्।

कुशलं ते महाबाहो सर्वत्र रघुनन्दन॥१५॥

दिष्ट्येदानीं प्रपश्यामो हतशत्रुमरिन्दम।

न हि भारः स ते राम रावणो राक्षसेश्वरः॥१६॥

सधनुस्त्वं हि लोकांस्त्रीन् विजेतुं शक्त एव हि।

दिष्ट्या त्वया हताः सर्वे राक्षसा रावणादयः॥१७॥

सह्यमेतन्महाबाहो रावणस्य निबर्हणम्।

असह्यमेतत्सम्प्राप्तं रावणेर्यन्निषूदनम्॥१८॥

अन्तकप्रतिमाः सर्वे कुम्भकर्णादयो मृधे।

अन्तकप्रतिमैर्बाणैर्हतास्ते रघुसत्तम॥१९॥

दत्ता चेयं त्वयाऽस्माकं पुरा ह्यभयदक्षिणा।

हत्वा रक्षोगणान् सङ्ख्ये कृतकृत्योऽद्य जीवसि॥२०॥

श्रुत्वा तु भाषितं तेषां मुनीनां भावितात्मनाम्।

विस्मयं परमं गत्वा रामः प्राञ्जलिरब्रवीत्॥२१॥

रावणादीनतिक्रम्य कुम्भकर्णादिराक्षसान्।

त्रिलोकजयिनो हित्वा किं प्रशंसथ रावणिम्॥२२॥

ततस्तद्वचनं श्रुत्वा राघवस्य महात्मनः।

कुम्भयोनिर्महातेजा रामं प्रीत्या वचोऽब्रवीत्॥२३॥

शृणु राम यथा वृत्तं रावणे रावणस्य च।

जन्म कर्म वरादानं सङ्क्षेपाद्वदतो मम॥२४॥

पुरा कृतयुगे राम पुलस्त्यो ब्रह्मणः सुतः।

तपस्तप्तुं गतो विद्वान् मेरोः पार्श्वं महामतिः॥२५॥

तृणबिन्दोराश्रमेऽसौ न्यवसन्मुनिपुङ्गवः।

तपस्तेपे महातेजाः स्वाध्यायनिरतः सदा॥२६॥

तत्राऽऽश्रमे महारम्ये देवगन्धर्वकन्यकाः।

गायन्त्यो ननृतुस्तत्र हसन्त्यो वादयन्ति च॥२७॥

पुलस्त्यस्य तपोविघ्नं चक्रुः सर्वा अनिन्दिताः।

ततः क्रुद्धो महातेजा व्याजहार वचो महत्॥२८॥

या मे दृष्टिपथं गच्छेत् सा गर्भं धारयिष्यति।

ताः सर्वाः शापसंविग्ना न तं देशं प्रचक्रमुः॥२९॥

तृणबिन्दोस्तु राजर्षेः कन्या तन्नाशृणोद्वचः।

विचचार मुनेरग्रे निर्भया तं प्रपश्यती॥३०॥

बभूव पाण्डुरतनुर्व्यञ्जितान्तःशरीरजा।

दृष्ट्वा सा देहवैवर्ण्यं भीता पितरमन्वगात्॥३१॥

तृणबिन्दुश्च तां दृष्ट्वा राजर्षिरमितद्युतिः।

ध्यात्वा मुनिकृतं सर्वमवैद्विज्ञानचक्षुषा॥३२॥

तां कन्यां मुनिवर्याय पुलस्त्याय ददौ पिता।

तां प्रगृह्याब्रवीत्कन्यां बाढमित्येव स द्विजः॥३३॥

शुश्रूषणपरां दृष्ट्वा मुनिः प्रीतोऽब्रवीद् वचः।

दास्यामि पुत्रमेकं ते उभयोर्वंशवर्धनम्॥३४॥

ततः प्रासूत सा पुत्रं पुलस्त्याल्लोकविश्रुतम्।

विश्रवा इति विख्यातः पौलस्त्यो ब्रह्मविन्मुनिः॥३५॥

तस्य शीलादिकं दृष्ट्वा भरद्वाजो महामुनिः।

भार्यार्थं स्वां दुहितरं ददौ विश्रवसे मुदा॥३६॥

तस्यां तु पुत्रः सञ्जज्ञे पौलस्त्याल्लोकसम्मतः।

पितृतुल्यो वैश्रवणो ब्रह्मणा चानुमोदितः॥३७॥

ददौ तत्तपसा तुष्टो ब्रह्मा तस्मै वरं शुभम्।

मनोऽभिलषितं तस्य धनेशत्वमखण्डितम्॥३८॥

ततो लब्धवरः सोऽपि पितरं द्रष्टुमागतः।

पुष्पकेण धनाध्यक्षो ब्रह्मदत्तेन भास्वता॥३९॥

नमस्कृत्याथ पितरं निवेद्य तपसः फलम्।

प्राह मे भगवान् ब्रह्मा दत्त्वा वरमनिन्दितम्॥४०॥

निवासाय न मे स्थानं दत्तवान् परमेश्वरः।

ब्रूहि मे नियतं स्थानं हिंसा यत्र न कस्यचित्॥४१॥

विश्रवा अपि तं प्राह लङ्कानाम पुरी शुभा।

राक्षसानां निवासाय निर्मिता विश्वकर्मणा॥४२॥

त्यक्त्वा विष्णुभयाद्दैत्या विविशुस्ते रसातलम्।

सा पुरी दुष्प्रधर्षान्यैर्मध्येसागरमास्थिता॥४३॥

तत्र वासाय गच्छ त्वं नान्यैः साधिष्ठिता पुरा।

पित्रादिष्टस्त्वसौ गत्वा तां पुरीं धनदोऽविशत्॥४४॥

स तत्र सुचिरं कालमुवास पितृसम्मतः।

कस्यचित्त्वथ कालस्य सुमाली नाम राक्षसः॥४५॥

रसातलान्मर्त्यलोकं चचार पिशिताशनः।

गृहीत्वा तनयां कन्यां साक्षाद् देवीमिव श्रियम्॥४६॥

अपश्यद्धनदं देवं चरन्तं पुष्पकेण सः।

हिताय चिन्तयामास राक्षसानां महामनाः॥४७॥

उवाच तनयां तत्र कैकसीं नाम नामतः।

वत्से विवाहकालस्ते यौवनं चातिवर्तते॥४८॥

प्रत्याख्यानाच्च भीतैस्त्वं न वरैर्गृह्यसे शुभे।

सा त्वं वरय भद्रं ते मुनिं ब्रह्मकुलोद्भवम्॥४९॥

स्वयमेव ततः पुत्रा भविष्यन्ति महाबलाः।

ईदृशाः सर्वशोभाढ्या धनदेन समाः शुभे॥५०॥

तथेति साऽऽश्रमं गत्वा मुनेरग्रे व्यवस्थिता।

लिखन्ती भुवमग्रेण पादेनाधोमुखी स्थिता॥५१॥

तामपृच्छन्मुनिः का त्वं कन्याऽसि वरवर्णिनि।

साऽब्रवीत्प्राञ्जलिर्ब्रह्मन् ध्यानेन ज्ञातुमर्हसि॥५२॥

ततो ध्यात्वा मुनिः सर्वं ज्ञात्वा तां प्रत्यभाषत।

ज्ञातं तवाभिलषितं मत्तः पुत्रानभीप्स्यसि॥५३॥

दारुणायां तु वेलायामागताऽसि सुमध्यमे।

अतस्ते दारुणौ पुत्रौ राक्षसौ सम्भविष्यतः॥५४॥

साऽब्रवीन्मुनिशार्दूल त्वत्तोऽप्येवंविधौ सुतौ।

तामाह पश्चिमो यस्ते भविष्यति महामतिः॥५५॥

महाभागवतः श्रीमान् रामभक्त्येकतत्परः।

इत्युक्ता सा तथा काले सुषुवे दशकन्धरम्॥५६॥

रावणं विंशतिभुजं दशशीर्षं सुदारुणम्।

तद्रक्षोजातमात्रेण चचाल च वसुन्धरा॥५७॥

बभूवुर्नाशहेतूनि निमित्तान्यखिलान्यपि।

कुम्भकर्णस्ततो जातो महापर्वतसन्निभः॥५८॥

ततः शूर्पणखा नाम जाता रावणसोदरी।

ततो विभीषणो जातः शान्तात्मा सौम्यदर्शनः॥५९॥

स्वाध्यायी नियताहारो नित्यकर्मपरायणः।

कुम्भकर्णस्तु दुष्टात्मा द्विजान् सन्तुष्टचेतसः॥६०॥

भक्षयन्नृषिसङ्घांश्च विचचारातिदारुणः।
रावणोऽपि महासत्त्वो लोकानां भयदायकः।
ववृधे लोकनाशाय ह्यामयो देहिनामिव॥६१॥

राम त्वं सकलान्तरस्थमभितो जानासि विज्ञानदृक्
साक्षी सर्वहृदि स्थितो हि परमो नित्योदितो निर्मलः।
त्वं लीलामनुजाकृतिः स्वमहिमन् मायागुणैर्नाज्यसे
लीलार्थं प्रतिचोदितोऽद्य भवता वक्ष्यामि रक्षोद्भवम्॥६२॥

जानामि केवलमनन्तमचिन्त्यशक्तिं
चिन्मात्रमक्षरमजं विदितात्मतत्त्वम्।
त्वां राम गूढनिजरूपमनुप्रवृत्तो
मूढोऽप्यहं भवदनुग्रहतश्चरामि॥६३॥

एवं वदन्तमिनवंशपवित्रकीर्तिः
कुम्भोद्भवं रघुपतिः प्रहसन् बभाषे।
मायाश्रितं सकलमेतदनन्यकत्वात्
मत्कीर्तनं जगति पापहरं निबोध॥६४॥

॥इति श्रीमदध्यात्मरामायणे उमामहेश्वरसंवादे उत्तरकाण्डे प्रथमः सर्गः॥

प्रथमः सर्गः

Mon, 01 Jan 0001 00:00:00 +0000

प्रथमः सर्गः

श्री-महादेव उवाच

यथावद्भाषितं वाक्यं श्रुत्वा रामो हनूमतः।

उवाचानन्तरं वाक्यं हर्षेण महताऽऽवृतः॥१॥

कार्यं कृतं हनुमता देवैरपि सुदुष्करम्।

मनसाऽपि यदन्येन स्मर्तुं शक्यं न भूतले॥२॥

शतयोजनविस्तीर्णं लङ्घयेत्कः पयोनिधिम्।

लङ्कां च राक्षसैर्गुप्तां को वा धर्षयितुं क्षमः॥३॥

भृत्यकार्यं हनुमता कृतं सर्वमशेषतः।

सुग्रीवस्येदृशो लोके न भूतो न भविष्यति॥४॥

अहं च रघुवंशश्च लक्ष्मणश्च कपीश्वरः।

जानक्या दर्शनेनाद्य रक्षिताः स्मो हनूमता॥५॥

सर्वथा सुकृतं कार्यं जानक्याः परिमार्गणम्।

समुद्रं मनसा स्मृत्वा सीदतीव मनो मम॥६॥

कथं नक्रझषाकीर्णं समुद्रं शतयोजनम्।

लङ्घयित्वा रिपुं हन्यां कथं द्रक्ष्यामि जानकीम्॥७॥

श्रुत्वा तु रामवचनं सुग्रीवः प्राह राघवम्।

समुद्रं लङ्घयिष्यामो महानक्रझषाकुलम्॥८॥

लङ्कां च विधमिष्यामो हनिष्यामोऽद्य रावणम्।

चिन्तां त्यज रघुश्रेष्ठ चिन्ता कार्यविनाशिनी॥९॥

एतान् पश्य महासत्त्वान् शूरान् वानरपुङ्गवान्।

त्वत्प्रियार्थं समुद्युक्तान् प्रवेष्टुमपि पावकम्॥१०॥

समुद्रतरणे बुद्धिं कुरुष्व प्रथमं ततः।

दृष्ट्वा लङ्कां दशग्रीवो हत इत्येव मन्महे॥११॥

नहि पश्याम्यहं कञ्चित् त्रिषु लोकेषु राघव।

गृहीतधनुषो यस्ते तिष्ठेदभिमुखो रणे॥१२॥

सर्वथा नो जयो राम भविष्यति न संशयः।

निमित्तानि च पश्यामि तथा भूतानि सर्वशः॥१३॥

सुग्रीववचनं श्रुत्वा भक्तिवीर्यसमन्वितम्।

अङ्गीकृत्याब्रवीद् रामो हनूमन्तं पुरःस्थितम्॥१४॥

येन केन प्रकारेण लङ्घयामो महार्णवम्।

लङ्कास्वरूपं मे ब्रूहि दुःसाध्यं देवदानवैः॥१५॥

ज्ञात्वा तस्य प्रतीकारं करिष्यामि कपीश्वर।

श्रुत्वा रामस्य वचनं हनूमान् विनयान्वितः॥१६॥

उवाच प्राञ्जलिर्देव यथा दृष्टं ब्रवीमि ते।

लङ्का दिव्या पुरी देव त्रिकूटशिखरे स्थिता॥१७॥

स्वर्णप्राकारसहिता स्वर्णाट्टालकसंयुता।

परिखाभिः परिवृता पूर्णाभिर्निर्मलोदकैः॥१८॥

नानोपवनशोभाढ्या दिव्यवापीभिरावृता।

गृहैर्विचित्रशोभाढ्यैर्मणिस्तम्भमयैः शुभैः॥१९॥

पश्चिमद्वारमासाद्य गजवाहाः सहस्रशः।

उत्तरे द्वारि तिष्ठन्ति साश्ववाहाः सपत्तयः॥२०॥

तिष्ठन्त्यर्बुदसङ्ख्याकाः प्राच्यामपि तथैव च।

रक्षिणो राक्षसा वीरा द्वारं दक्षिणमाश्रिताः॥२१॥

मध्यकक्षेऽप्यसङ्ख्याता गजाश्वरथपत्तयः।

रक्षयन्ति सदा लङ्कां नानास्त्रकुशलाः प्रभो॥२२॥

सङ्क्रमैर्विविधैर्लङ्का शतघ्नीभिश्च संयुता।

एवं स्थितेऽपि देवेश शृणु मे तत्र चेष्टितम्॥२३॥

दशाननबलौघस्य चतुर्थांशो मया हतः।

दग्ध्वा लङ्कां पुरीं स्वर्णप्रासादो धर्षितो मया॥२४॥

शतघ्न्यः सङ्क्रमाश्चैव नाशिता मे रघूत्तम।

देव त्वद्दर्शनादेव लङ्का भस्मीकृता भवेत्॥२५॥

प्रस्थानं कुरु देवेश गच्छामो लवणाम्बुधेः।

तीरं सह महावीरैर्वानरौघैः समन्ततः॥२६॥

श्रुत्वा हनूमतो वाक्यमुवाच रघुनन्दनः।

सुग्रीव सैनिकान् सर्वान् प्रस्थानायाभिनोदय॥२७॥

इदानीमेव विजयो मुहूर्तः परिवर्तते।

अस्मिन्मुहूर्ते गत्वाऽहं लङ्कां राक्षससङ्कुलाम्॥२८॥

सप्राकारां सुदुर्धर्षां नाशयामि सरावणाम्।

आनेष्यामि च सीतां मे दक्षिणाक्षि स्फुरत्यधः॥२९॥

प्रयातु वाहिनी सर्वा वानराणां तरस्विनाम्।

रक्षन्तु यूथपाः सेनामग्रे पृष्ठे च पार्श्वयोः॥३०॥

हनूमन्तमथारुह्य गच्छाम्यग्रेऽङ्गदं ततः।

आरुह्य लक्ष्मणो यातु सुग्रीव त्वं मया सह॥३१॥

गजो गवाक्षो गवयो मैन्दो द्विविद एव च।

नलो नीलः सुषेणश्च जाम्बवांश्च तथाऽपरे॥३२॥

सर्वे गच्छन्तु सर्वत्र सेनायाः शत्रुघातिनः।

इत्याज्ञाप्य हरीन् रामः प्रतस्थे सहलक्ष्मणः॥३३॥

सुग्रीवसहितो हर्षात्सेनामध्यगतो विभुः।

वारणेन्द्रनिभाः सर्वे वानराः कामरूपिणः॥३४॥

क्ष्वेलन्तः परिगर्जन्तो जग्मुस्ते दक्षिणां दिशम्।

भक्षयन्तो ययुः सर्वे फलानि च मधूनि च॥३५॥

ब्रुवन्तो राघवस्याग्रे हनिष्यामोऽद्य रावणम्।

एवं ते वानरश्रेष्ठा गच्छन्त्यतुलविक्रमाः॥३६॥

हरिभ्यामुह्यमानौ तौ शुशुभाते रघूत्तमौ।

नक्षत्रैः सेवितौ यद्वच्चन्द्रसूर्याविवाम्बरे॥३७॥

आवृत्य पृथिवीं कृत्स्नां जगाम महती चमूः।

प्रस्फोटयन्तः पुच्छाग्रानुद्वहन्तश्च पादपान्॥३८॥

शैलानारोहयन्तश्च जग्मुर्मारुतवेगतः।

असङ्ख्याताश्च सर्वत्र वानराः परिपूरिताः॥३९॥

हृष्टास्ते जग्मुरत्यर्थं रामेण परिपालिताः।

गता चमूर्दिवारात्रं क्वचिन्नासज्जत क्षणम्॥४०॥

काननानि विचित्राणि पश्यन्मलयसह्ययोः।

ते सह्यं समतिक्रम्य मलयं च तथा गिरिम्॥४१॥

आययुश्चानुपूर्व्येण समुद्रं भीमनिःस्वनम्।

अवतीर्य हनूमन्तं रामः सुग्रीवसंयुतः॥४२॥

सलिलाभ्याशमासाद्य रामो वचनमब्रवीत्।

आगताः स्मो वयं सर्वे समुद्रं मकरालयम्॥४३॥

इतो गन्तुमशक्यं नो निरुपायेन वानराः।

अत्र सेनानिवेशोऽस्तु मन्त्रयामोऽस्य तारणे॥४४॥

श्रुत्वा रामस्य वचनं सुग्रीवः सागरान्तिके।

सेनां न्यवेशयत् क्षिप्रं रक्षितां कपिकुञ्जरैः॥४५॥

ते पश्यन्तो विषेदुस्तं सागरं भीमदर्शनम्।

महोन्नततरङ्गाढ्यं भीमनक्रभयङ्करम्॥४६॥

अगाधं गगनाकारं सागरं वीक्ष्य दुःखिताः।

तरिष्यामः कथं घोरं सागरं वरुणालयम्॥४७॥

हन्तव्योऽस्माभिरद्यैव रावणो राक्षसाधमः।

इति चिन्ताकुलाः सर्वे रामपार्श्वे व्यवस्थिताः॥४८॥

रामः सीतामनुस्मृत्य दुःखेन महताऽऽवृतः।

विलप्य जानकीं सीतां बहुधा कार्यमानुषः॥४९॥

अद्वितीयश्चिदात्मैकः परमात्मा सनातनः।

यस्तु जानाति रामस्य स्वरूपं तत्त्वतो जनः॥५०॥

तं न स्पृशति दुःखादि किमुतानन्दमव्ययम्।

दुःखहर्षभयक्रोधलोभमोहमदादयः॥५१॥

अज्ञानलिङ्गान्येतानि कुतः सन्ति चिदात्मनि।

देहाभिमानिनो दुःखं न देहस्य चिदात्मनः॥५२॥

सम्प्रसादे द्वयाभावात्सुखमात्रं हि दृश्यते।
बुद्ध्याद्यभावात्संशुद्धे दुःखं तत्र न दृश्यते।
अतो दुःखादिकं सर्वं बुद्धेरेव न संशयः॥५३॥

रामः परात्मा पुरुषः पुराणो
नित्योदितो नित्यसुखो निरीहः।
तथाऽपि मायागुणसङ्गतोऽसौ
सुखीव दुःखीव विभाव्यतेऽबुधैः॥५४॥

॥इति श्रीमदध्यात्मरामायणे उमामहेश्वरसंवादे युद्धकाण्डे प्रथमः सर्गः॥

प्रथमोऽध्यायः

Mon, 01 Jan 0001 00:00:00 +0000

प्रथमोऽध्यायः

शौनक उवाच

सूत सूत महाभाग व्यासशिष्य ह्यकल्मष।

त्वदीयवदनाम्भोजान्नानाख्यानानि शृण्वताम्॥१॥

तृप्तिर्न जायते भूयः श्रवणेच्छा प्रवर्धते।

कार्तिकस्य च माहात्म्यं तुलासंस्थे दिवाकरे॥२॥

माघमासस्य माहात्म्यं मकरस्थे विभावसौ।

वैशाखमासमाहात्म्यं तथा मेषगते रवौ॥३॥

तत्र तत्र च ये धर्माः कथिताः सर्वशस्त्वया।

एतेभ्योऽप्यधिकः कश्चिन्मासश्चेत्तव सम्मतः॥४॥

धर्म ईशप्रियो नित्यं तं त्वं कथय साम्प्रतम्।

यच्छ्रुत्वा पुनरन्यत्र श्रोतुमिच्छा न नो भवेत्॥५॥

श्रद्धालोः श्रोतुरग्रे तु वक्ता गोप्यं न कारयेत्॥६॥

सूत उवाच

शृणुध्वं मुनयः सर्वे भवतो वाक्यगौरवात्।

तुष्टोऽहं न च गोप्यं मे भवदग्रे तु किञ्चन॥७॥

अदाम्भिक्यं तथास्तिक्यमशठत्वं सुभक्तिता।

शुश्रूषत्वं विनीतत्वं ब्रह्मण्यत्वं सुशीलता॥८॥

ध्रुवत्वं च शुचित्वं च तपस्वित्वानसूयते।

एते द्वादशसङ्ख्याका गुणाः श्रोतुः प्रकीर्तिताः॥९॥

ते सर्वेऽपि भवत्स्वेव तुष्टस्तत्त्वं ब्रवीम्यतः।

सनत्कुमारो मेधावी धर्मजिज्ञासुरानतः॥१०॥

ईश्वरं परिपप्रच्छ भक्त्या परमया युतः॥११॥

सनत्कुमार उवाच

प्रथमोऽध्यायः---अर्जुनविषादयोगः

Mon, 01 Jan 0001 00:00:00 +0000

प्रथमोऽध्यायः---अर्जुनविषादयोगः

धृतराष्ट्र उवाच

धर्मक्षेत्रे कुरुक्षेत्रे समवेता युयुत्सवः।

मामकाः पाण्डवाश्चैव किमकुर्वत सञ्जय॥१॥

सञ्जय उवाच

दृष्ट्वा तु पाण्डवानीकं व्यूढं दुर्योधनस्तदा।

आचार्यमुपसङ्गम्य राजा वचनमब्रवीत्॥२॥

पश्यैतां पाण्डुपुत्राणामाचार्य महतीं चमूम्।

व्यूढां द्रुपदपुत्रेण तव शिष्येण धीमता॥३॥

अत्र शूरा महेष्वासा भीमार्जुनसमा युधि।

युयुधानो विराटश्च द्रुपदश्च महारथः॥४॥

धृष्टकेतुश्चेकितानः काशिराजश्च वीर्यवान्।

पुरुजित् कुन्तिभोजश्च शैब्यश्च नरपुङ्गवः॥५॥

युधामन्युश्च विक्रान्त उत्तमौजाश्च वीर्यवान्।

सौभद्रो द्रौपदेयाश्च सर्व एव महारथाः॥६॥

अस्माकं तु विशिष्टा ये तान्निबोध द्विजोत्तम।

नायका मम सैन्यस्य संज्ञार्थं तान् ब्रवीमि ते॥७॥

भवान् भीष्मश्च कर्णश्च कृपश्च समितिञ्जयः।

अश्वत्थामा विकर्णश्च सौमदत्तिस्तथैव च॥८॥

अन्ये च बहवः शूरा मदर्थे त्यक्तजीविताः।

नानाशस्त्रप्रहरणाः सर्वे युद्धविशारदाः॥९॥

अपर्याप्तं तदस्माकं बलं भीष्माभिरक्षितम्।

पर्याप्तं त्विदमेतेषां बलं भीमाभिरक्षितम्॥१०॥

अयनेषु च सर्वेषु यथाभागमवस्थिताः।

भीष्ममेवाभिरक्षन्तु भवन्तः सर्व एव हि॥११॥

तस्य सञ्जनयन् हर्षं कुरुवृद्धः पितामहः।

सिंहनादं विनद्योच्चैः शङ्खं दध्मौ प्रतापवान्॥१२॥

ततः शङ्खाश्च भेर्यश्च पणवानकगोमुखाः।

सहसैवाभ्यहन्यन्त स शब्दस्तुमुलोऽभवत्॥१३॥

ततः श्वेतैर्हयैर्युक्ते महति स्यन्दने स्थितौ।

माधवः पाण्डवश्चैव दिव्यौ शङ्खौ प्रदध्मतुः॥१४॥

पाञ्चजन्यं हृषीकेशो देवदत्तं धनञ्जयः।

पौण्ड्रं दध्मौ महाशङ्खं भीमकर्मा वृकोदरः॥१५॥

अनन्तविजयं राजा कुन्तीपुत्रो युधिष्ठिरः।

नकुलः सहदेवश्च सुघोषमणिपुष्पकौ॥१६॥

काश्यश्च परमेष्वासः शिखण्डी च महारथः।

धृष्टद्युम्नो विराटश्च सात्यकिश्चापराजितः॥१७॥

द्रुपदो द्रौपदेयाश्च सर्वशः पृथिवीपते।

सौभद्रश्च महाबाहुः शङ्खान् दध्मुः पृथक् पृथक्॥१८॥

स घोषो धार्तराष्ट्राणां हृदयानि व्यदारयत्।

नभश्च पृथिवीं चैव तुमुलो व्यनुनादयन्॥१९॥

अथ व्यवस्थितान् दृष्ट्वा धार्तराष्ट्रान् कपिध्वजः।

प्रवृत्ते शस्त्रसम्पाते धनुरुद्यम्य पाण्डवः॥२०॥

हृषीकेशं तदा वाक्यमिदमाह महीपते।

अर्जुन उवाच

प्रथमोऽध्यायः॥१॥

Mon, 01 Jan 0001 00:00:00 +0000

प्रथमोऽध्यायः॥१॥

श्रीवेदव्यासाय नमः

नारायणं नमस्कृत्य नरं चैव नरोत्तमम्।

देवीं सरस्वतीं व्यासं ततो जयमुदीरयेत्॥

जनमेजय उवाच

कथं विराटनगरे मम पूर्वपितामहाः।

अज्ञातवासमुषिता दुर्योधनभयार्दिताः॥१॥

पतिव्रता महाभागा सततं सुखभागिनी।

द्रौपदी सा कथं ब्रह्मन्नज्ञाता दुःखिताऽवसत्॥२॥

ते च ब्राह्मणमुख्याश्च सूतपौरोगवैः सह।

अज्ञातवासमुषिताः कथं च परिचारकाः॥३॥

वैशम्पायन उवाच

यथा विराटनगरे तव पूर्वपितामहाः।

अज्ञातवासमुषितास्तावद् वक्ष्यामि तच्छृणु॥४॥

तथा स तान् वराँल्लब्ध्वा धर्मराजो युधिष्ठिरः।

गत्वाऽऽश्रमं ब्राह्मणेभ्य आचख्यौ वृत्तमात्मनः॥५॥

कथयित्वा च तत् सर्वं ब्राह्मणेभ्यो युधिष्ठिरः।

अरणीसहितं भाण्डं ब्राह्मणाय न्यवेदयत्॥६॥

ततो युधिष्ठिरो राजा कुन्तीपुत्रो दृढव्रतः।

समाहूयानुजान् सर्वानिति होवाच भारत॥७॥

द्वादशेमानि वर्षाणि राष्ट्राद् विप्रोषिता वयम्।

छद्मना हृतराज्याश्च निस्स्वाश्च बहुशः कृताः॥८॥

उषिताश्च वने वासं यथा द्वादश वत्सरान्।

अज्ञातचर्यां वत्स्यामश्छन्ना वर्षं त्रयोदशम्॥९॥

वैशम्पायन उवाच

प्रधान-पूजा — एकादशीपूजा

Mon, 01 Jan 0001 00:00:00 +0000

प्रधान-पूजा — एकादशीपूजा

शुक्लाम्बरधरं विष्णुं शशिवर्णं चतुर्भुजम्।

प्रसन्नवदनं ध्यायेत् सर्वविघ्नोपशान्तये॥

प्राणान् आयम्य।

सङ्कल्पः

ममोपात्त-समस्त-दुरित-क्षयद्वारा श्री-परमेश्वर-प्रीत्यर्थं शुभे शोभने मुहूर्ते अद्य ब्रह्मणः द्वितीयपरार्धे श्वेतवराहकल्पे वैवस्वतमन्वन्तरे अष्टाविंशतितमे कलियुगे प्रथमे पादे जम्बूद्वीपे भारतवर्षे भरतखण्डे मेरोः दक्षिणे पार्श्वे शकाब्दे अस्मिन् वर्तमाने व्यावहारिकाणां प्रभवादीनां षष्ट्याः संवत्सराणां मध्ये ( ) नाम संवत्सरे ( ) ( )-ऋतौ ( )-मासे (शुक्ल / कृष्ण)पक्षे (एकादश्यां / द्वादश्यां) शुभतिथौ (इन्दु / भौम / सौम्य / गुरु / भृगु / स्थिर / भानु)-वासरयुक्तायां ( )-नक्षत्र-( )-योग-( )-करण-युक्तायां च एवं गुण-विशेषण-विशिष्टायाम् अस्याम्
(एकादश्यां / द्वादश्यां) शुभतिथौ अस्माकं सहकुटुम्बानां क्षेमस्थैर्य-धैर्य-वीर्य-विजय-आयुरारोग्य-ऐश्वर्याभिवृद्ध्यर्थं धर्मार्थकाममोक्षचतुर्विधफलपुरुषार्थसिद्ध्यर्थं पुत्रपौत्राभिवृद्ध्यर्थम् इष्टकाम्यार्थसिद्ध्यर्थं मम इहजन्मनि पूर्वजन्मनि जन्मान्तरे च सम्पादितानां ज्ञानाज्ञानकृतमहापातकचतुष्टय-व्यतिरिक्तानां रहस्यकृतानां प्रकाशकृतानां सर्वेषां पापानां सद्य अपनोदनद्वारा सकल-पापक्षयार्थं श्री-भूमि-नीला-समेत-श्री-महाविष्णु-प्रीत्यर्थं यथाशक्ति-ध्यान-आवाहनादि-षोडशोपचारैः श्री-भूमि-नीला-समेत-श्री-महाविष्णु-पूजां करिष्ये।
तदङ्गं कलशपूजां च करिष्ये।
श्रीविघ्नेश्वराय नमः यथास्थानं प्रतिष्ठापयामि। शोभनार्थे क्षेमाय पुनरागमनाय च।
(गणपति-प्रसादं शिरसा गृहीत्वा)

प्रधान-पूजा — श्री-सिद्धिविनायक-पूजा

Mon, 01 Jan 0001 00:00:00 +0000

प्रधान-पूजा — श्री-सिद्धिविनायक-पूजा

शुक्लाम्बरधरं विष्णुं शशिवर्णं चतुर्भुजम्।

प्रसन्नवदनं ध्यायेत् सर्वविघ्नोपशान्तये॥

प्राणान् आयम्य। ॐ भूः + भूर्भुवः॒ सुव॒रोम्।

सङ्कल्पः

ममोपात्त-समस्त-दुरित-क्षयद्वारा श्री-परमेश्वर-प्रीत्यर्थं शुभे शोभने मुहूर्ते अद्य ब्रह्मणः
द्वितीयपरार्धे श्वेतवराहकल्पे वैवस्वतमन्वन्तरे अष्टाविंशतितमे कलियुगे प्रथमे पादे
जम्बूद्वीपे भारतवर्षे भरतखण्डे मेरोः दक्षिणे पार्श्वे शकाब्दे अस्मिन् वर्तमाने व्यावहारिकाणां
प्रभवादीनां षष्ट्याः संवत्सराणां मध्ये ( ) नाम संवत्सरे दक्षिणायने
वर्ष-ऋतौ ( )-मासे कृष्णपक्षे चतुर्थ्यां शुभतिथौ ( ) वासरयुक्तायाम्
( ) नक्षत्र ( ) नाम योग
( )-करण युक्तायां च एवं गुण विशेषण विशिष्टायाम्
अस्यां चतुर्थ्यां शुभतिथौ
विद्याधनपुत्रपौत्रप्राप्त्यर्थं समस्तरोगमुक्तिकामः श्री-गणेश-प्रीत्यर्थं
अस्माकं सकुटुम्बानां क्षेमस्थैर्य-धैर्य-वीर्य-विजय-आयुरारोग्य-ऐश्वर्याभिवृद्ध्यर्थम्
धर्मार्थकाममोक्षचतुर्विधफलपुरुषार्थसिद्ध्यर्थं पुत्रपौत्राभिवृद्ध्यर्थम् इष्टकाम्यार्थसिद्ध्यर्थं
मम इहजन्मनि पूर्वजन्मनि जन्मान्तरे च सम्पादितानां ज्ञानाज्ञानकृतमहापातकचतुष्टय-व्यतिरिक्तानां
रहस्यकृतानां प्रकाशकृतानां सर्वेषां पापानां सद्य अपनोदनद्वारा
सकल-पापक्षयार्थं श्री-सिद्धिविनायक-प्रसादसिद्ध्यर्थं
यथाशक्ति-ध्यानावाहनादिषोडशोपचारैः श्री-सिद्धिविनायक-पूजां सङ्कष्टचतुर्थीव्रतमहं करिष्ये।
तदङ्गं कलशपूजां च करिष्ये।
श्रीविघ्नेश्वराय नमः यथास्थानं प्रतिष्ठापयामि। शोभनार्थे क्षेमाय पुनरागमनाय च।
(गणपति-प्रसादं शिरसा गृहीत्वा)

लघु-पञ्चायतन-पूजा

Mon, 01 Jan 0001 00:00:00 +0000

लघु-पञ्चायतन-पूजा

शुक्लाम्बरधरं विष्णुं शशिवर्णं चतुर्भुजम्।

प्रसन्नवदनं ध्यायेत् सर्वविघ्नोपशान्तये॥

प्राणान् आयम्य। ॐ भूः + भूर्भुवस्सुवरोम्।

सङ्कल्पः

ममोपात्त-समस्त-दुरित-क्षयद्वारा श्री-परमेश्वर-प्रीत्यर्थं शुभे शोभने मुहूर्ते अद्य ब्रह्मणः
द्वितीयपरार्धे श्वेतवराहकल्पे वैवस्वतमन्वन्तरे अष्टाविंशतितमे कलियुगे प्रथमे पादे
जम्बूद्वीपे भारतवर्षे भरतखण्डे मेरोः दक्षिणे पार्श्वे शकाब्दे अस्मिन् वर्तमाने व्यावहारिकाणां
प्रभवादीनां षष्टिसंवत्सराणां मध्ये ( ) नाम संवत्सरे उत्तरायणे / दक्षिणायने
(ग्रीष्म / वर्ष / शरद् / हेमन्त / शिशिर / वसन्त) ऋतौ (मेष / वृषभ / मिथुन / कर्कटक / सिंह / कन्या / तुला /
वृश्चिक / धनुर् / मकर / कुम्भ / मीन) मासे (शुक्ल / कृष्ण) पक्षे (एकादश्यां / द्वादश्यां) शुभतिथौ
(इन्दु / भौम / सौम्य / गुरु / भृगु / स्थिर / भानु)-वासरयुक्तायाम्
( ) नक्षत्र ( ) नाम योग ( )-करण-युक्तायां च एवं गुण विशेषण विशिष्टायाम्
अस्यां ( ) शुभतिथौ
अस्माकं सहकुटुम्बानां क्षेमस्थैर्य-धैर्य-वीर्य-विजय-आयुरारोग्य-ऐश्वर्याभिवृद्ध्यर्थम्
धर्मार्थकाममोक्षचतुर्विधफलपुरुषार्थसिद्ध्यर्थं पुत्रपौत्राभिवृद्ध्यर्थम् इष्टकाम्यार्थसिद्ध्यर्थम्
मम इहजन्मनि पूर्वजन्मनि जन्मान्तरे च सम्पादितानां ज्ञानाज्ञानकृतमहापातकचतुष्टय-व्यतिरिक्तानां रहस्यकृतानां प्रकाशकृतानां सर्वेषां पापानां सद्य अपनोदनद्वारा सकल पापक्षयार्थं
श्री-महागणपति-प्रीत्यर्थं श्री-छाया-सुवर्चलाम्बा-समेत-श्री-सूर्यनारायण-प्रीत्यर्थं श्री-लक्ष्मीनारायण-प्रीत्यर्थं
श्री-महालक्ष्मीसमेतं श्री-सन्तानगोपाल-प्रीत्यर्थं श्री-गौरीदेवी-प्रीत्यर्थं श्री-साम्बपरमेश्वर-प्रीत्यर्थं श्री-नन्दिकेश्वर-प्रीत्यर्थं
श्री-वल्लीदेवसेनासमेत-श्री-सुब्रह्मण्य-प्रीत्यर्थं श्री-सीता-लक्ष्मण-भरत-शत्रुघ्न-हनूमत्-समेत-श्री-रामचन्द्र-प्रीत्यर्थं
यावच्छक्ति ध्यानावाहनादि षोडशोपचार-पूजां पञ्चायतनपूजां क्षीराभिषेकं च करिष्ये। तदङ्गं कलशपूजां च करिष्ये।
श्रीविघ्नेश्वराय नमः यथास्थानं प्रतिष्ठापयामि।
(गणपति-प्रसादं शिरसा गृहीत्वा)

ललितात्रिशतीनामावलिः

Mon, 01 Jan 0001 00:00:00 +0000

ललितात्रिशतीनामावलिः

ककाररूपायै नमः
कल्याण्यै नमः
कल्याणगुणशालिन्यै नमः
कल्याणशैलनिलयायै नमः
कमनीयायै नमः
कलावत्यै नमः
कमलाक्ष्यै नमः
कल्मषघ्न्यै नमः
करुणामृतसागरायै नमः
कदम्बकाननावासायै नमः१०
कदम्बकुसुमप्रियायै नमः
कन्दर्पविद्यायै नमः
कन्दर्प-जनकापाङ्ग-वीक्षणायै नमः
कर्पूरवीटि-सौरभ्य-कल्लोलित-ककुप्तटायै नमः
कलिदोषहरायै नमः
कञ्जलोचनायै नमः
कम्रविग्रहायै नमः
कर्मादिसाक्षिण्यै नमः
कारयित्र्यै नमः
कर्मफलप्रदायै नमः२०
एकाररूपायै नमः
एकाक्षर्यै नमः
एकानेकाक्षराकृत्यै नमः
एतत्तदित्यनिर्देश्यायै नमः
एकानन्द-चिदाकृत्यै नमः
एवमित्यागमाबोध्यायै नमः
एकभक्ति-मदर्चितायै नमः
एकाग्रचित्त-निर्ध्यातायै नमः
एषणा-रहितादृतायै नमः
एलासुगन्धिचिकुरायै नमः३०
एनःकूटविनाशिन्यै नमः
एकभोगायै नमः
एकरसायै नमः
एकैश्वर्य-प्रदायिन्यै नमः
एकातपत्र-साम्राज्य-प्रदायै नमः
एकान्तपूजितायै नमः
एधमानप्रभायै नमः
एजदनेकजगदीश्वर्यै नमः
एकवीरादि-संसेव्यायै नमः
एकप्राभव-शालिन्यै नमः४०
ईकाररूपायै नमः
ईशित्र्यै नमः
ईप्सितार्थ-प्रदायिन्यै नमः
ईदृगित्य-विनिर्देश्यायै नमः
ईश्वरत्व-विधायिन्यै नमः
ईशानादि-ब्रह्ममय्यै नमः
ईशित्वाद्यष्टसिद्धिदायै नमः
ईक्षित्र्यै नमः
ईक्षण-सृष्टाण्ड-कोट्यै नमः
ईश्वर-वल्लभायै नमः५०
ईडितायै नमः
ईश्वरार्धाङ्ग-शरीरायै नमः
ईशाधि-देवतायै नमः
ईश्वर-प्रेरणकर्यै नमः
ईशताण्डव-साक्षिण्यै नमः
ईश्वरोत्सङ्ग-निलयायै नमः
ईतिबाधा-विनाशिन्यै नमः
ईहाविरहितायै नमः
ईशशक्त्यै नमः
ईषत्-स्मिताननायै नमः६०
लकाररूपायै नमः
ललितायै नमः
लक्ष्मी-वाणी-निषेवितायै नमः
लाकिन्यै नमः
ललनारूपायै नमः
लसद्दाडिम-पाटलायै नमः
ललन्तिकालसत्फालायै नमः
ललाट-नयनार्चितायै नमः
लक्षणोज्ज्वल-दिव्याङ्ग्यै नमः
लक्षकोट्यण्ड-नायिकायै नमः७०
लक्ष्यार्थायै नमः
लक्षणागम्यायै नमः
लब्धकामायै नमः
लतातनवे नमः
ललामराजदलिकायै नमः
लम्बिमुक्तालताञ्चितायै नमः
लम्बोदर-प्रसुवे नमः
लभ्यायै नमः
लज्जाढ्यायै नमः
लयवर्जितायै नमः८०
ह्रीङ्काररूपायै नमः
ह्रीङ्कारनिलयायै नमः
ह्रीम्पदप्रियायै नमः
ह्रीङ्कारबीजायै नमः
ह्रीङ्कारमन्त्रायै नमः
ह्रीङ्कारलक्षणायै नमः
ह्रीङ्कारजपसुप्रीतायै नमः
ह्रीम्मत्यै नमः
ह्रींविभूषणायै नमः
ह्रींशीलायै नमः९०
ह्रीम्पदाराध्यायै नमः
ह्रीङ्गर्भायै नमः
ह्रीम्पदाभिधायै नमः
ह्रीङ्कारवाच्यायै नमः
ह्रीङ्कारपूज्यायै नमः
ह्रीङ्कारपीठिकायै नमः
ह्रीङ्कारवेद्यायै नमः
ह्रीङ्कारचिन्त्यायै नमः
ह्रीं नमः
ह्रीं-शरीरिण्यै नमः१००
हकाररूपायै नमः
हलधृक्पूजितायै नमः
हरिणेक्षणायै नमः
हरप्रियायै नमः
हराराध्यायै नमः
हरिब्रह्मेन्द्रवन्दितायै नमः
हयारूढा-सेविताङ्घ्र्यै नमः
हयमेध-समर्चितायै नमः
हर्यक्षवाहनायै नमः
हंसवाहनायै नमः११०
हतदानवायै नमः
हत्यादिपापशमन्यै नमः
हरिदश्वादि-सेवितायै नमः
हस्तिकुम्भोत्तुङ्गकुचायै नमः
हस्तिकृत्ति-प्रियाङ्गनायै नमः
हरिद्राकुङ्कुमादिग्धायै नमः
हर्यश्वाद्यमरार्चितायै नमः
हरिकेशसख्यै नमः
हादिविद्यायै नमः
हालामदालसायै नमः१२०
सकाररूपायै नमः
सर्वज्ञायै नमः
सर्वेश्यै नमः
सर्वमङ्गलायै नमः
सर्वकर्त्र्यै नमः
सर्वभर्त्र्यै नमः
सर्वहन्त्र्यै नमः
सनातनायै नमः
सर्वानवद्यायै नमः
सर्वाङ्गसुन्दर्यै नमः१३०
सर्वसाक्षिण्यै नमः
सर्वात्मिकायै नमः
सर्वसौख्यदात्र्यै नमः
सर्वविमोहिन्यै नमः
सर्वाधारायै नमः
सर्वगतायै नमः
सर्वावगुणवर्जितायै नमः
सर्वारुणायै नमः
सर्वमात्रे नमः
सर्वभूषण-भूषितायै नमः१४०
ककारार्थायै नमः
कालहन्त्र्यै नमः
कामेश्यै नमः
कामितार्थदायै नमः
कामसञ्जीवन्यै नमः
कल्यायै नमः
कठिनस्तन-मण्डलायै नमः
करभोरवे नमः
कलानाथ-मुख्यै नमः
कचजिताम्बुदायै नमः१५०
कटाक्षस्यन्दि-करुणायै नमः
कपालि-प्राणनायिकायै नमः
कारुण्य-विग्रहायै नमः
कान्तायै नमः
कान्तिधूत-जपावल्यै नमः
कलालापायै नमः
कम्बुकण्ठ्यै नमः
करनिर्जित-पल्लवायै नमः
कल्पवल्ली-समभुजायै नमः
कस्तूरी-तिलकाञ्चितायै नमः१६०
हकारार्थायै नमः
हंसगत्यै नमः
हाटकाभरणोज्ज्वलायै नमः
हारहारि-कुचाभोगायै नमः
हाकिन्यै नमः
हल्यवर्जितायै नमः
हरित्पति-समाराध्यायै नमः
हठात्कार-हतासुरायै नमः
हर्षप्रदायै नमः
हविर्भोक्त्र्यै नमः१७०
हार्दसन्तमसापहायै नमः
हल्लीसलास्य-सन्तुष्टायै नमः
हंसमन्त्रार्थ-रूपिण्यै नमः
हानोपादान-निर्मुक्तायै नमः
हर्षिण्यै नमः
हरिसोदर्यै नमः
हाहाहूहू-मुख-स्तुत्यायै नमः
हानि-वृद्धि-विवर्जितायै नमः
हय्यङ्गवीन-हृदयायै नमः
हरिगोपारुणांशुकायै नमः१८०
लकाराख्यायै नमः
लतापूज्यायै नमः
लयस्थित्युद्भवेश्वर्यै नमः
लास्य-दर्शन-सन्तुष्टायै नमः
लाभालाभ-विवर्जितायै नमः
लङ्घ्येतराज्ञायै नमः
लावण्य-शालिन्यै नमः
लघु-सिद्धिदायै नमः
लाक्षारस-सवर्णाभायै नमः
लक्ष्मणाग्रज-पूजितायै नमः१९०
लभ्येतरायै नमः
लब्धभक्ति-सुलभायै नमः
लाङ्गलायुधायै नमः
लग्न-चामर-हस्त-श्री-शारदा-परिवीजितायै नमः
लज्जापद-समाराध्यायै नमः
लम्पटायै नमः
लकुलेश्वर्यै नमः
लब्धमानायै नमः
लब्धरसायै नमः
लब्धसम्पत्समुन्नत्यै नमः२००
ह्रीङ्कारिण्यै नमः
ह्रीङ्काराद्यायै नमः
ह्रीम्मध्यायै नमः
ह्रींशिखामण्यै नमः
ह्रीङ्कार-कुण्डाग्नि-शिखायै नमः
ह्रीङ्कार-शशिचन्द्रिकायै नमः
ह्रीङ्कार-भास्कररुच्यै नमः
ह्रीङ्काराम्भोद-चञ्चलायै नमः
ह्रीङ्कार-कन्दाङ्कुरिकायै नमः
ह्रीङ्कारैक-परायणायै नमः२१०
ह्रीङ्कार-दीर्घिकाहंस्यै नमः
ह्रीङ्कारोद्यान-केकिन्यै नमः
ह्रीङ्कारारण्य-हरिण्यै नमः
ह्रीङ्कारावाल-वल्लर्यै नमः
ह्रीङ्कार-पञ्जरशुक्यै नमः
ह्रीङ्काराङ्गण-दीपिकायै नमः
ह्रीङ्कार-कन्दरा-सिंह्यै नमः
ह्रीङ्काराम्भोज-भृङ्गिकायै नमः
ह्रीङ्कार-सुमनो-माध्व्यै नमः
ह्रीङ्कार-तरुमञ्जर्यै नमः२२०
सकाराख्यायै नमः
समरसायै नमः
सकलागम-संस्तुतायै नमः
सर्ववेदान्त-तात्पर्यभूम्यै नमः
सदसदाश्रयायै नमः
सकलायै नमः
सच्चिदानन्दायै नमः
साध्यायै नमः
सद्गतिदायिन्यै नमः
सनकादिमुनिध्येयायै नमः२३०
सदाशिव-कुटुम्बिन्यै नमः
सकलाधिष्ठान-रूपायै नमः
सत्यरूपायै नमः
समाकृत्यै नमः
सर्वप्रपञ्च-निर्मात्र्यै नमः
समानाधिक-वर्जितायै नमः
सर्वोत्तुङ्गायै नमः
सङ्गहीनायै नमः
सगुणायै नमः
सकलेष्टदायै नमः२४०
ककारिण्यै नमः
काव्यलोलायै नमः
कामेश्वरमनोहरायै नमः
कामेश्वर-प्राणनाड्यै नमः
कामेशोत्सङ्गवासिन्यै नमः
कामेश्वरालिङ्गिताङ्ग्यै नमः
कामेश्वर-सुखप्रदायै नमः
कामेश्वर-प्रणयिन्यै नमः
कामेश्वर-विलासिन्यै नमः
कामेश्वर-तपःसिद्ध्यै नमः२५०
कामेश्वर-मनःप्रियायै नमः
कामेश्वर-प्राणनाथायै नमः
कामेश्वर-विमोहिन्यै नमः
कामेश्वर-ब्रह्मविद्यायै नमः
कामेश्वर-गृहेश्वर्यै नमः
कामेश्वराह्लादकर्यै नमः
कामेश्वर-महेश्वर्यै नमः
कामेश्वर्यै नमः
कामकोटिनिलयायै नमः
काङ्क्षितार्थदायै नमः२६०
लकारिण्यै नमः
लब्धरूपायै नमः
लब्धधियै नमः
लब्ध-वाञ्चितायै नमः
लब्धपाप-मनोदूरायै नमः
लब्धाहङ्कार-दुर्गमायै नमः
लब्धशक्त्यै नमः
लब्धदेहायै नमः
लब्धैश्वर्यसमुन्नत्यै नमः
लब्धवृद्ध्यै नमः२७०
लब्धलीलायै नमः
लब्धयौवनशालिन्यै नमः
लब्धातिशय-सर्वाङ्ग-सौन्दर्यायै नमः
लब्धविभ्रमायै नमः
लब्धरागायै नमः
लब्धपत्यै नमः
लब्ध-नानागमस्थित्यै नमः
लब्धभोगायै नमः
लब्धसुखायै नमः
लब्धहर्षाभिपूरितायै नमः२८०
ह्रीङ्कार-मूर्त्यै नमः
ह्रीङ्कार-सौधशृङ्गकपोतिकायै नमः
ह्रीङ्कार-दुग्धाब्धि-सुधायै नमः
ह्रीङ्कार-कमलेन्दिरायै नमः
ह्रीङ्कार-मणिदीपार्च्यै नमः
ह्रीङ्कार-तरुशारिकायै नमः
ह्रीङ्कार-पेटक-मण्यै नमः
ह्रीङ्कारादर्श-बिम्बितायै नमः
ह्रीङ्कार-कोशासिलतायै नमः
ह्रीङ्कारास्थान-नर्तक्यै नमः२९०
ह्रीङ्कार-शुक्तिका-मुक्तामण्यै नमः
ह्रीङ्कार-बोधितायै नमः
ह्रीङ्कारमय-सौवर्णस्तम्भ-विद्रुम-पुत्रिकायै नमः
ह्रीङ्कार-वेदोपनिषदे नमः
ह्रीङ्काराध्वर-दक्षिणायै नमः
ह्रीङ्कार-नन्दनाराम-नवकल्पक-वल्लर्यै नमः
ह्रीङ्कार-हिमवद्गङ्गायै नमः
ह्रीङ्कारार्णव-कौस्तुभायै नमः
ह्रीङ्कार-मन्त्र-सर्वस्वायै नमः
ह्रीङ्कार-परसौख्यदायै नमः३००

व्रत-सङ्कल्पः

Mon, 01 Jan 0001 00:00:00 +0000

व्रत-सङ्कल्पः

हनुमदष्टोत्तरशतनामावलिः

Mon, 01 Jan 0001 00:00:00 +0000

हनुमदष्टोत्तरशतनामावलिः

ॐ हनुमते नमः
ॐ अञ्जनासूनवे नमः
ॐ वायुपुत्राय नमः
ॐ महाबलाय नमः
ॐ कपीन्द्राय नमः
ॐ पिङ्गलाक्षाय नमः
ॐ लङ्काद्वीपभयङ्कराय नमः
ॐ प्रभञ्जनसुताय नमः
ॐ वीराय नमः
ॐ सीताशोकविनाशकाय नमः१०
ॐ अक्षहन्त्रे नमः
ॐ रामसखाय नमः
ॐ रामकार्यदुरन्धराय नमः
ॐ महौषधगिरेर्धारिणे नमः
ॐ वानरप्राणदायकाय नमः
ॐ वारीशतारकाय नमः
ॐ मैनाकगिरिभञ्जनाय नमः
ॐ निरञ्जनाय नमः
ॐ जितक्रोधाय नमः
ॐ कदलीवनसंवृताय नमः२०
ॐ ऊर्ध्वरेतसे नमः
ॐ महासत्त्वाय नमः
ॐ सर्वमन्त्रप्रवर्तकाय नमः
ॐ महालिङ्गप्रतिष्ठात्रे नमः
ॐ बाष्पकृत् जपतान्तराय नमः
ॐ नित्यं शिवध्यानपराय नमः
ॐ शिवपूजापरायणाय नमः२७

॥इति श्री-पराशर संहितान्तर्गतं श्री-सुन्दरहनुमान् महामन्त्रनामस्तोत्रस्य नामावलिरूपं सम्पूर्णम्॥

PDF:A5 / print Kindle Kindle Scribe

व्यासाष्टकम्

Sun, 23 Aug 2026 00:00:00 +0000

व्यासाष्टकम्

नमो ज्ञानानलशिखापुञ्जपिङ्गजटाभृते।

कृष्णायाकृष्णमहसे कृष्णद्वैपायनाय ते॥१॥

नमस्तेजोमयश्मश्रुप्रभाशबलितत्विषे।

वक्त्रवागीश्वरीपद्मरजसेवोदितश्रिये॥२॥

नमः सन्ध्यासमाधाननिष्पीतरवितेजसे।

त्रैलोक्यतिमिरोच्छेददीपप्रतिमचक्षुषे॥३॥

नमः सहस्रशाखाय धर्मोपवनशाखिने।

सत्त्वप्रतिष्ठापुष्पाय निर्वाणफलशालिने॥४॥

नमः कृष्णाजिनजुषे बोधनन्दनवासिने।

व्याप्तायेवालिजालेन पुण्यसौरभलिप्सया॥५॥

नमः शशिकलाकारब्रह्मसूत्रांशुशोभिने।

श्रिताय हंसकान्त्येव सम्पर्कात् कमलौकसः॥६॥

नमो विद्यानदीपूर्णशास्त्राब्धिसकलेन्दवे।

पीयूषरससाराय कविव्यापारवेधसे॥७॥

नमः सत्यनिवासाय स्वविकाशविलासिने।

व्यासाय धाम्ने तपसां संसारायासहारिणे॥८॥

॥इति काश्मीरिकेण क्षेमेन्द्रकविना कृतायां भारतमञ्जर्याम् उपसंहारे पठितं व्यासाष्टकं सम्पूर्णम्॥

PDF:A5 / print Kindle Kindle Scribe

धन्वन्तरि-स्तोत्रम् (मत्स्य पुराणान्तर्गतम्)

Mon, 22 May 2023 00:00:00 +0000

धन्वन्तरि-स्तोत्रम् (मत्स्य पुराणान्तर्गतम्)

क्षीरोदमथनोद्भूतं दिव्य-गन्धानुलेपनम्।

सुधा-कलश-हस्तं तं वन्दे धन्वन्तरिं हरिम्॥

देव-दानवा ऊचुः

नमो लोक-त्र्याध्यक्ष तेजसा जित-भास्कर।

नमो विष्णो नमो जिष्णो नमस्ते कैटभार्दन॥१॥

नमः सर्ग-क्रिया-कर्त्रे जगत् पालयते नमः।

नमः स्मृतार्ति-नाशाय नमः पुष्कर मालिने॥२॥

दिव्यौषधि-स्वरूपाय सुधा-कलश-पाणये।

शङ्ख-चक्र-गदा-पद्म-धारिणे वनमालिने॥३॥

देवेन्द्रादि-सुरेड्याय नमः क्षीराब्धि-जन्मने।

निर्गुणाय विशेषाय हरये ब्रह्म-रूपिणे॥४॥

जगत् प्रतिष्ठितं यत्र जगतां यो न दृश्यते।

नमः सूक्ष्मातिसूक्ष्माय तस्मै देवाय शङ्खिने॥५॥

यं न पश्यन्ति पश्यन्तं जगदप्यखिलं नराः।

अपश्यद्भिर्जगद् यश्च दृश्यते हृदि संस्थितः॥६॥

यस्मिन् वनानि पर्वता नद्यश्चैवाखिलं जगत्।

तस्मै नमोऽस्तु जगताम् आधाराय नमो नमः॥७॥

आद्य-प्रजापतिर्यश्च यः पितॄणां परः पतिः।

पतिः सुराणां यस्तस्मै नमः कृष्णाय वेधसे॥८॥

यः प्रवृत्तौ निवृत्तौ च इज्यते कर्मभिः स्वकैः।

स्वर्गापवर्ग-फल-दो नमस्तस्मै गदा-भृते॥९॥

यश्चिन्त्यमानो मनसा सद्यः पापं व्यपोहति।

नमस्तस्मै विशुद्धाय पराय हरि-मेधसे॥१०॥

यं बुद्ध्वा सर्वभूतानि देव-देवेशमव्ययम्।

न पुनर्जन्म-मरणे प्राप्नुवन्ति नमामि तम्॥११॥

यो यज्ञे यज्ञ-परमैरिज्यते यज्ञ-संज्ञितः।

तं यज्ञ-पुरुषं विष्णुं नमामि प्रभुमीश्वरम्॥१२॥

गीयते सर्व-वेदेषु वेद-विद्भिर्विदां गतिः।

यस्तस्मै वेद-वेद्याय विष्णवे जिष्णवे नमः॥१३॥

यो विश्वं समुत्पन्नं यस्मिंश्च लयमेष्यति।

विश्वोद्भव-प्रतिष्ठाय नमस्तस्मै महात्मने॥१४॥

ब्रह्मादि-स्तम्ब-पर्यन्तं येन विश्वमिदं ततम्।

माया जालं समुत्तर्त्तं तमुपेन्द्रं नमाम्यहम्॥१५॥

विषाद-तोष-रोषाद्यैर्योऽजस्रं सुख-दुःखजम्।

नृत्यत्यखिल-भूत-स्थस्तमुपेन्द्रं नमाम्यहम्॥१६॥

यमाराध्य विशुद्धेन कर्मणा मनसा गिरा।

तरन्त्यविद्याम् अखिलाम् आदि-वैद्यं नमाम्यहम्॥१७॥

यः स्थितो विश्व-रूपेण बिभर्ति ह्यखिलौषधीः।

तं रत्न-कलशोद्भासि-हस्तं धन्वन्तरिं नुमः॥१८॥

विश्वं विश्व-पतिं विष्णुं तं नमामि प्रजापतिम्।

मूर्त्या चासुरमय्या तु तद्विधान् विनिहन्ति यः॥१९॥

रात्रि-रूपं सूर्य-रूपं भजेत्तं सान्ध्य-रूपिणम्।

हन्ति विद्या-प्रदानेन यो वा अज्ञान-जं तमः॥२०॥

यस्तु भेषज-रूपेण जगदाप्याययेत् सदा।
यस्याक्षिणी चन्द्र-सूर्यौ सर्व-लोक-शुभङ्करः।
पश्यतः कर्म सततं तं च धन्वन्तरिं नुमः॥२१॥

यस्मिन् सर्वेश्वरे वश्यं जगत् स्थावर-जङ्गमम्।

आभाति तमजं विष्णुं नमामि प्रभुमव्ययम्॥२२॥

॥इति मत्स्य-पुराणान्तर्गतं धन्वन्तरि-स्तोत्रं सम्पूर्णम्॥

श्री-कैशिकपुराणम्

Mon, 22 May 2023 00:00:00 +0000

श्री-कैशिकपुराणम्

शुक्लाम्बरधरं विष्णुं शशिवर्णं चतुर्भुजम्।

प्रसन्नवदनं ध्यायेत् सर्वविघ्नोपशान्तये॥

वागीशाद्याः सुमनसः सर्वार्थानामुपक्रमे।

यं नत्वा कृतकृत्याः स्युस्तं नमामि गजाननम्॥

श्री-गुरु-प्रार्थना

गुरुर्ब्रह्मा गुरुर्विष्णुर्गुरुर्देवो महेश्वरः।

गुरुः साक्षात् परं ब्रह्म तस्मै श्री-गुरवे नमः॥

सदाशिवसमारम्भां शङ्कराचार्यमध्यमाम्।

अस्मदाचार्यपर्यन्तां वन्दे गुरुपरम्पराम्॥

अखण्डमण्डलाकारं व्याप्तं येन चराचरम्।

तत्पदं दर्शितं येन तस्मै श्री-गुरवे नमः॥

श्री-सरस्वती-प्रार्थना

दोर्भिर्युक्ता चतुर्भिः स्फटिकमणिनिभैरक्षमालां दधाना
हस्तेनैकेन पद्मं सितमपि च शुकं पुस्तकं चापरेण।
भासा कुन्देन्दुशङ्खस्फटिकमणिनिभा भासमानाऽसमाना
सा मे वाग्देवतेयं निवसतु वदने सर्वदा सुप्रसन्ना॥

पुराण मङ्गल-श्लोकाः

नमस्तेऽस्तु वराहाय लीलयोद्धरते महीम्।

खुरमध्यगतो यस्य मेरुः कणकणायते॥

प्रलयोदन्वदुत्तीर्णां प्रपद्येऽहं वसुन्धराम्।

महावराह-दंष्ट्राग्र-मल्लीकोश-मधुव्रताम्॥

श्री-वराह उवाच

गङ्गाकर्षणाष्टकम्

Thu, 23 Dec 2021 00:00:00 +0000

गङ्गाकर्षणाष्टकम्

शम्भो भवन्नामनिरन्तरानुसन्धानभाग्येन भवन्तमेव।

यद्येष सर्वत्र तथाऽन्त्यजेऽद्य पश्यत्यहो कोऽत्र कृतोऽपराधः॥१॥

अस्त्वेष मन्तुः पितृयज्ञनिष्ठे गङ्गाप्लवो यो विहितोऽपचित्यै।

दूरात्तु तन्नामजपेन शुद्धिर्न स्यात् कथं मे स्मृतिरर्थवादः॥२॥

त्वन्नामनिष्ठा न हि तावती मे श्रद्धा यतः कर्मसु न प्रदग्धा।

त्रैशङ्कवं मे पशुपान्तरायो मुच्येय तस्मात्कथमार्तबन्धो॥३॥

यद्यद्य ते श्राद्धविनष्टिरिष्टा कोऽहं ततोऽन्यच्चरितुं समर्थः।

श्राद्धे वृताः पूर्वदिनोपवासा नान्यत्र भुञ्जीयुरिदं तु खिद्ये॥४॥

श्रद्धालवः श्राद्धविघातभीत्या स्वात्मोपरोधं विगणय्य धीराः।

यत्प्रोचुरत्रापचितिं महान्तः तत्रोचितं यद्दयया विधेहि॥५॥

गङ्गाधर त्वद्भजनान्तरायभीत्या गृहे कूपकृतावगाहः।

जाने न तीर्थान्तरमद्य गङ्गामासादयेयं कथमार्तबन्धो॥६॥

नाहं तपस्वी सगरान्ववायो जाने न जह्वश्चरति क्व वेति।

शम्भो जटाजूटमपावृणुष्वेत्यभ्यर्थने नालमयं वराकः॥७॥

गङ्गाधराख्या गतिरत्र नान्या तामाश्रये सङ्कटमोचनाय।

हन्त प्रवाहः कथमत्र कूपे विस्फूर्जतीशः खलु मे प्रसन्नः॥८॥

गङ्गेति गङ्गेति हरेति गृह्णन् आप्लावितोऽहं दयया पुरारेः।

कूपोत्थितोऽयं करुणाप्रवाहः गाङ्गश्चिरायात्र जनान् पुनातु॥९॥

॥इति श्रीमच्छ्रीधरार्यकृतं गङ्गाकर्षणाष्टकं सम्पूर्णम्॥

दुर्गा-स्तुतिः (अर्जुन-कृता)

Sun, 14 Feb 2021 00:00:00 +0000

दुर्गा-स्तुतिः (अर्जुन-कृता)

सञ्जय उवाच

धार्तराष्ट्रबलं दृष्ट्वा युद्धाय समुपस्थितम्।

अर्जुनस्य हितार्थाय कृष्णो वचनमब्रवीत्॥१॥

श्रीभगवानुवाच

शुचिर्भूत्वा महाबाहो सङ्ग्रामाभिमुखे स्थितः।

पराजयाय शत्रूणां दुर्गास्तोत्रमुदीरय॥२॥

सञ्जय उवाच

एवमुक्तोऽर्जुनः सङ्ख्ये वासुदेवेन धीमता।

अवतीर्य रथात्पार्थः स्तोत्रमाह कृताञ्जलिः॥३॥

अर्जुन उवाच

नमस्ते सिद्धसेनानि आर्ये मन्दरवासिनि।

कुमारि कालि कापालि कपिले कृष्णपिङ्गले॥४॥

भद्रकालि नमस्तुभ्यं महाकालि नमोऽस्तु ते।

चण्डि चण्डे नमस्तुभ्यं तारिणि वरवर्णिनि॥५॥

कात्यायनि महाभागे करालि विजये जये।

शिखिपिच्छध्वजधरे नानाभरणभूषिते॥६॥

अट्टशूलप्रहरणे खड्गखेटकधारिणि।

गोपेन्द्रस्यानुजे ज्येष्ठे नन्दगोपकुलोद्भवे॥७॥

महिषासृक्प्रिये नित्यं कौशिकि पीतवासिनि।

अट्टहासे कोकमुखे नमस्तेऽस्तु रणप्रिये॥८॥

उमे शाकम्भरि श्वेते कृष्णे कैटभनाशिनि।

हिरण्याक्षि विरूपाक्षि सुधूम्राक्षि नमोऽस्तु ते॥९॥

वेदश्रुति महापुण्ये ब्रह्मण्ये जातवेदसि।

जम्बूकटकचैत्येषु नित्यं सन्निहितालये॥१०॥

त्वं ब्रह्मविद्या विद्यानां महानिद्रा च देहिनाम्।

स्कन्दमातर्भगवति दुर्गे कान्तारवासिनि॥११॥

स्वाहाकारः स्वधा चैव कला काष्ठा सरस्वती।

सावित्री वेदमाता च तथा वेदान्त उच्यते॥१२॥

स्तुताऽसि त्वं महादेवि विशुद्धेनान्तरात्मना।

जयो भवतु मे नित्यं त्वत्प्रसादाद् रणाजिरे॥१३॥

कान्तारभयदुर्गेषु भक्तानां चाऽऽलयेषु च।

नित्यं वससि पाताले युद्धे जयसि दानवान्॥१४॥

त्वं जम्भनी मोहिनी च माया ह्रीः श्रीस्तथैव च।

सन्ध्या प्रभावती चैव सावित्री जननी तथा॥१५॥

तुष्टिः पुष्टिर्धृतिर्दीप्तिश्चन्द्रादित्यविवर्धिनी।

भूतिर्भूतिमतां सङ्ख्ये वीक्ष्यसे सिद्धचारणैः॥१६॥

सञ्जय उवाच

लक्ष्मीस्तोत्रम् विष्णुपुराणान्तर्गतम्

Mon, 15 Oct 2018 00:00:00 +0000

लक्ष्मीस्तोत्रम् विष्णुपुराणान्तर्गतम्

श्री-पराशर उवाच

सिंहासनगतः शक्रः सम्प्राप्य त्रिदिवं पुनः।

देवराज्ये स्थितो देवीं तुष्टावाब्जकरां ततः॥१॥

इन्द्र उवाच

नमस्ये सर्वलोकानां जननीमब्जसम्भवाम्।

श्रियमुन्निद्रपद्माक्षीं विष्णुवक्षःस्थलस्थिताम्॥२॥

पद्मालयां पद्मकरां पद्मपत्रनिभेक्षणाम्।

वन्दे पद्ममुखीं देवीं पद्मनाभप्रियामहम्॥३॥

त्वं सिद्धिस्त्वं स्वधा स्वाहा सुधा त्वं लोकपावनी।

सन्ध्या रात्रिः प्रभा भूतिर्मेधा श्रद्धा सरस्वती॥४॥

यज्ञविद्या महाविद्या गुह्यविद्या च शोभने।

आत्मविद्या च देवि त्वं विमुक्तिफलदायिनी॥५॥

आन्वीक्षिकी त्रयी वार्ता दण्डनीतिस्त्वमेव च।

सौम्यासौम्यैर्जगद्रूपैस्त्वयैतद् देवि पूरितम्॥६॥

का त्वन्या त्वामृते देवि सर्वयज्ञमयं वपुः।

अध्यास्ते देवदेवस्य योगचिन्त्यं गदाभृतः॥७॥

त्वया देवि परित्यक्तं सकलं भुवनत्रयम्।

विनष्टप्रायमभवत्त्वयेदानीं समेधितम्॥८॥

दाराः पुत्रास्तथाऽऽगारसुहृद्धान्यधनादिकम्।

भवत्येतन्महाभागे नित्यं त्वद्वीक्षणान्नृणाम्॥९॥

शरीरारोग्यमैश्वर्यमरिपक्षक्षयः सुखम्।

देवि त्वद्दृष्टिदृष्टानां पुरुषाणां न दुर्लभम्॥१०॥

त्वं माता सर्वलोकानां देवदेवो हरिः पिता।

त्वयैतद्विष्णुना चाम्ब जगद्व्याप्तं चराचरम्॥११॥

मा नः कोशस्तथा गोष्ठं मा गृहं मा परिच्छदम्।

मा शरीरं कलत्रं च त्यजेथाः सर्वपावनि॥१२॥

मा पुत्रान्मा सुहृद्वर्गं मा पशून्मा विभूषणम्।

त्यजेथा मम देवस्य विष्णोर्वक्षःस्थलालये॥१३॥

सत्त्वेन सत्यशौचाभ्यां तथा शीलादिभिर्गुणैः।

त्यज्यन्ते ते नराः सद्यः सन्त्यक्ता ये त्वयाऽमले॥१४॥

त्वया विलोकिताः सद्यः शीलाद्यैरखिलैर्गुणैः।

कुलैश्वर्यैश्च युज्यन्ते पुरुषा निर्गुणा अपि॥१५॥

स श्लाघ्यः स गुणी धन्यः स कुलीनः स बुद्धिमान्।

स शूरः स च विक्रान्तो यस्त्वया देवि वीक्षितः॥१६॥

सद्यो वैगुण्यमायान्ति शीलाद्याः सकला गुणाः।

पराङ्मुखी जगद्धात्री यस्य त्वं विष्णुवल्लभे॥१७॥

न ते वर्णयितुं शक्ता गुणाञ्जिह्वाऽपि वेधसः।

प्रसीद देवि पद्माक्षि माऽस्मांस्त्याक्षीः कदाचन॥१८॥

श्री-पराशर उवाच

अगस्त्यकृत-रामस्तुतिः

Fri, 29 Dec 2017 00:00:00 +0000

अगस्त्यकृत-रामस्तुतिः

अगस्त्य उवाच

शीघ्रमानय भद्रं ते रामं मम हृदिस्थितम्।

तमेव ध्यायमानोऽहं काङ्क्षमाणोऽत्र संस्थितः॥१०॥

इत्युक्त्वा स्वयमुत्थाय मुनिभिः सहितो द्रुतम्।

अभ्यगात्परया भक्त्या गत्वा राममथाब्रवीत्॥११॥

आगच्छ राम भद्रं ते दिष्ट्या तेऽद्य समागमः।

प्रियातिथिर्मम प्राप्तोऽस्यद्य मे सफलं दिनम्॥१२॥

रामोऽपि मुनिमायान्तं दृष्ट्वा हर्षसमाकुलः।

सीतया लक्ष्मणेनापि दण्डवत्पतितो भुवि॥१३॥

द्रुतमुत्थाप्य मुनिराड् राममालिङ्ग्य भक्तितः।

तद्गात्रस्पर्शजाह्लादस्रवन्नेत्रजलाकुलः॥१४॥

गृहीत्वा करमेकेन करेण रघुनन्दनम्।

जगाम स्वाश्रमं हृष्टो मनसा मुनिपुङ्गवः॥१५॥

सुखोपविष्टं सम्पूज्य पूजया बहुविस्तरम्।

भोजयित्वा यथान्यायं भोज्यैर्वन्यैरनेकधा॥१६॥

सुखोपविष्टमेकान्ते रामं शशिनिभाननम्।

कृताञ्जलिरुवाचेदमगस्त्यो भगवानृषिः॥१७॥

त्वदागमनमेवाहं प्रतीक्षन् समवस्थितः।

यदा क्षीरसमुद्रान्ते ब्रह्मणा प्रार्थितः पुरा॥१८॥

भूमेर्भारापनुत्त्यर्थं रावणस्य वधाय च।
तदादि दर्शनाकाङ्क्षी तव राम तपश्चरन्।
वसामि मुनिभिः सार्धं त्वामेव परिचिन्तयन्॥१९॥

सृष्टेः प्रागेक एवासीर्निर्विकल्पोऽनुपाधिकः।

त्वदाश्रया त्वद्विषया माया ते शक्तिरुच्यते॥२०॥

त्वामेव निर्गुणं शक्तिरावृणोति यदा तदा।

अव्याकृतमिति प्राहुर्वेदान्तपरिनिष्ठिताः॥२१॥

मूलप्रकृतिरित्येके प्राहुर्मायेति केचन।

अविद्या संसृतिर्बन्ध इत्यादि बहुधोच्यते॥२२॥

त्वया सङ्क्षोभ्यमाणा सा महत्तत्त्वं प्रसूयते।

महत्तत्त्वादहङ्कारस्त्वया सञ्चोदितादभूत्॥२३॥

अहङ्कारो महत्तत्त्वसंवृतस्त्रिविधोऽभवत्।

सात्त्विको राजसश्चैव तामसश्चेति भण्यते॥२४॥

तामसात् सूक्ष्मतन्मात्राण्यासन् भूतान्यतः परम्।

स्थूलानि क्रमशो राम क्रमोत्तरगुणानि ह॥२५॥

राजसानीन्द्रियाण्येव सात्त्विका देवता मनः।

तेभ्योऽभवत् सूत्ररूपं लिङ्गं सर्वगतं महत्॥२६॥

ततो विराट् समुत्पन्नः स्थूलाद्भूतकदम्बकात्।

विराजः पुरुषात् सर्वं जगत् स्थावरजङ्गमम्॥२७॥

देवतिर्यङ्मनुष्याश्च कालकर्मक्रमेण तु।

त्वं रजोगुणतो ब्रह्मा जगतः सर्वकारणम्॥२८॥

सत्त्वाद्विष्णुस्त्वमेवास्य पालकः सद्भिरुच्यते।

लये रुद्रस्त्वमेवास्य त्वन्मायागुणभेदतः॥२९॥

जाग्रत्स्वप्नसुषुप्त्याख्या वृत्तयो बुद्धिजैर्गुणैः।

तासां विलक्षणो राम त्वं साक्षी चिन्मयोऽव्ययः॥३०॥

सृष्टिलीलां यदा कर्तुमीहसे रघुनन्दन।

अङ्गीकरोषि मायां त्वं तदा वै गुणवानिव॥३१॥

राम माया द्विधा भाति विद्याऽविद्येति ते सदा।
प्रवृत्तिमार्गनिरता अविद्यावशवर्तिनः।
निवृत्तिमार्गनिरता वेदान्तार्थविचारकाः॥३२॥

त्वद्भक्तिनिरता ये च ते वै विद्यामयाः स्मृताः।
अविद्यावशगा ये तु नित्यं संसारिणश्च ते।
विद्याभ्यासरता ये तु नित्यमुक्तास्त एव हि॥३३॥

लोके त्वद्भक्तिनिरतास्त्वन्मन्त्रोपासकाश्च ये।

विद्या प्रादुर्भवेत्तेषां नेतरेषां कदाचन॥३४॥

अतस्त्वद्भक्तिसम्पन्ना मुक्ता एव न संशयः।

त्वद्भक्त्यमृतहीनानां मोक्षः स्वप्नेऽपि नो भवेत्॥३५॥

किं राम बहुनोक्तेन सारं किञ्चिद् ब्रवीमि ते।

साधुसङ्गतिरेवात्र मोक्षहेतुरुदाहृता॥३६॥

साधवः समचित्ता ये निःस्पृहा विगतैषिणः।

दान्ताः प्रशान्तास्त्वद्भक्ता निवृत्ताखिलकामनाः॥३७॥

इष्टप्राप्तिविपत्त्योश्च समाः सङ्गविवर्जिताः।

सन्न्यस्ताखिलकर्माणः सर्वदा ब्रह्मतत्पराः॥३८॥

यमादिगुणसम्पन्नाः सन्तुष्टा येन केनचित्।

सत्सङ्गमो भवेद्यर्हि त्वत्कथाश्रवणे रतिः॥३९॥

समुदेति ततो भक्तिस्त्वयि राम सनातने।

त्वद्भक्तावुपपन्नायां विज्ञानं विपुलं स्फुटम्॥४०॥

उदेति मुक्तिमार्गोऽयमाद्यश्चतुरसेवितः।

तस्माद् राघव सद्भक्तिस्त्वयि मे प्रेमलक्षणा॥४१॥

सदा भूयाद्धरे सङ्गस्त्वद्भक्तेषु विशेषतः।

अद्य मे सफलं जन्म भवत्सन्दर्शनादभूत्॥४२॥

अद्य मे क्रतवः सर्वे बभूवुः सफलाः प्रभो।
दीर्घकालं मया तप्तमनन्यमतिना तपः।
तस्येह तपसो राम फलं तव यदर्चनम्॥४३॥

सदा मे सीतया सार्धं हृदये वस राघव।

गच्छतस्तिष्ठतो वाऽपि स्मृतिः स्यान्मे सदा त्वयि॥४४॥

इति स्तुत्वा रमानाथमगस्त्यो मुनिसत्तमः।

ददौ चापं महेन्द्रेण रामार्थे स्थापितं पुरा॥४५॥

अक्षय्यौ बाणतूणीरौ खड्गो रत्नविभूषितः।

जहि राघव भूभारभूतं राक्षसमण्डलम्॥४६॥

यदर्थमवतीर्णोऽसि मायया मनुजाकृतिः।

इतो योजनयुग्मे तु पुण्यकाननमण्डितः॥४७॥

अस्ति पञ्चवटीनाम्ना आश्रमो गौतमीतटे।

नेतव्यस्तत्र ते कालः शेषो रघुकुलोद्वह॥४८॥

तत्रैव बहुकार्याणि देवानां कुरु सत्पते॥४९॥

श्रुत्वा तदाऽगस्त्यसुभाषितं वचः
स्तोत्रं च तत्त्वार्थसमन्वितं विभुः।
मुनिं समाभाष्य मुदान्वितो ययौ
प्रदर्शितं मार्गमशेषविद्धरिः॥५०॥

॥इति श्रीमदध्यात्मरामायणे उमामहेश्वरसंवादे अरण्यकाण्डे
तृतीये सर्गे अगस्त्यकृतं श्री-रामस्तुतिः सम्पूर्णा॥

अक्रूरकृत-दशावतारस्तुतिः

Thu, 10 Jul 2014 00:00:00 +0000

अक्रूरकृत-दशावतारस्तुतिः

नमः कारणमत्स्याय प्रलयाब्धिचराय च।

हयशीर्ष्णे नमस्तुभ्यं मधुकैटभमृत्यवे॥१॥

अकूपाराय बृहते नमो मन्दरधारिणे।

क्षित्युद्धारविहाराय नमः शूकरमूर्तये॥२॥

नमस्तेऽद्भुतसिंहाय साधुलोकभयापह।

वामनाय नमस्तुभ्यं क्रान्तत्रिभुवनाय च॥३॥

नमो भृगूणां पतये दृप्तक्षत्रवनच्छिदे।

नमस्ते रघुवर्याय रावणान्तकराय च॥४॥

नमस्ते वासुदेवाय नमः सङ्कर्षणाय च।

प्रद्युम्नायानिरुद्धाय सात्वतां पतये नमः॥५॥

नमो बुद्धाय शुद्धाय दैत्यदानवमोहिने।

म्लेच्छप्रायक्षत्रहन्त्रे नमस्ते कल्किरूपिणे॥६॥

॥इति श्रीमद्भागवते महापुराणे दशमस्कन्धे चत्वारिंशेऽध्याये श्री-अक्रूरकृत दशावतारस्तुतिः सम्पूर्णा॥

PDF:A5 / print Kindle Kindle Scribe

अङ्गारकस्तोत्रम्

Thu, 10 Jul 2014 00:00:00 +0000

Nama Stotram

अङ्गारकस्तोत्रम्

अङ्गारकः शक्तिधरो लोहिताङ्गो धरासुतः।

कुमारो मङ्गलो भौमो महाकायो धनप्रदः॥१॥

ऋणहर्ता दृष्टिकर्ता रोगकृद्रोगनाशनः।

विद्युत्प्रभो व्रणकरः कामदो धनहृत् कुजः॥२॥

सामगानप्रियो रक्तवस्त्रो रक्तायतेक्षणः।

लोहितो रक्तवर्णश्च सर्वकर्मावबोधकः॥३॥

रक्तमाल्यधरो हेमकुण्डली ग्रहनायकः।

नामान्येतानि भौमस्य यः पठेत्सततं नरः॥४॥

ऋणं तस्य च दौर्भाग्यं दारिद्र्यं च विनश्यति।
धनं प्राप्नोति विपुलं स्त्रियं चैव मनोरमाम्।
वंशोद्द्योतकरं पुत्रं लभते नात्र संशयः॥५॥

योऽर्चयेदह्नि भौमस्य मङ्गलं बहुपुष्पकैः।

सर्वा नश्यति पीडा च तस्य ग्रहकृता ध्रुवम्॥६॥

॥इति श्री-स्कान्दपुराणे श्री-अङ्गारकस्तोत्रं सम्पूर्णम्॥

PDF:A5 / print Kindle Kindle Scribe

आञ्जनेयाष्टोत्तरशतनामस्तोत्रम्

Thu, 10 Jul 2014 00:00:00 +0000

Shatanama Stotram

आञ्जनेयाष्टोत्तरशतनामस्तोत्रम्

आञ्जनेयो महावीरो हनुमान् मारुतात्मजः।

तत्त्वज्ञानप्रदः सीतादेवीमुद्राप्रदायकः॥१॥

अशोकवनिकाच्छेत्ता सर्वमायाविभञ्जनः।

सर्वबन्धविमोक्ता च रक्षोविध्वंसकारकः॥२॥

परविद्यापरीहर्ता परशौर्यविनाशकः।

परमन्त्रनिराकर्ता परयन्त्रप्रभेदकः॥३॥

सर्वग्रहविनाशी च भीमसेनसहायकृत्।

सर्वदुःखहरः सर्वलोकचारी मनोजवः॥४॥

पारिजातद्रुमूलस्थः सर्वमन्त्रस्वरूपवान्।

सर्वतन्त्रस्वरूपी च सर्वयन्त्रात्मिकस्तथा॥५॥

कपीश्वरो महाकायः सर्वरोगहरः प्रभुः।

बलसिद्धिकरः सर्वविद्यासम्पत्प्रदायकः॥६॥

कपिसेनानायकश्च भविष्यच्चतुराननः।

कुमारब्रह्मचारी च रत्नकुण्डलदीप्तिमान्॥७॥

चञ्चलद्वालसन्नद्धो लम्बमानशिखोज्ज्वलः।

गन्धर्वविद्यातत्त्वज्ञो महाबलपराक्रमः॥८॥

कारागृहविमोक्ता च शृङ्खलाबन्धमोचकः।

सागरोत्तारकः प्राज्ञो रामदूतः प्रतापवान्॥९॥

वानरः केसरीसूनुः सीताशोकनिवारणः।

अञ्जनागर्भसम्भूतो बालार्कसदृशाननः॥१०॥

विभीषणप्रियकरो दशग्रीवकुलान्तकः।

लक्ष्मणप्राणदाता च वज्रकायो महाद्युतिः॥११॥

चिरञ्जीवी रामभक्तो दैत्यकार्यविघातकः।

अक्षहन्ता काञ्चनाभः पञ्चवक्त्रो महातपाः॥१२॥

लङ्किणीभञ्जनः श्रीमान् सिंहिकाप्राणभञ्जनः।

गन्धमादनशैलस्थो लङ्कापुरविदाहकः॥१३॥

सुग्रीवसचिवो धीरः शूरो दैत्यकुलान्तकः।

सुरार्चितो महातेजो रामचूडामणिप्रदः॥१४॥

कामरूपी पिङ्गलाक्षो वर्धिमैनाकपूजितः।

कबलीकृतमार्तण्डमण्डलो विजितेन्द्रियः॥१५॥

रामसुग्रीवसन्धाता महिरावणमर्दनः।

स्फटिकाभो वागधीशो नवव्याकृतिपण्डितः॥१६॥

चतुर्बाहुर्दीनबन्धुर्महात्मा भक्तवत्सलः।

सञ्जीवननगाहर्ता शुचिर्वाग्मी धृतव्रतः॥१७॥

कालनेमिप्रमथनो हरिमर्कटमर्कटः।

दान्तः शान्तः प्रसन्नात्मा शतकण्ठमदापहः॥१८॥

योगी रामकथालोलः सीतान्वेषणपण्डितः।

वज्रदंष्ट्रो वज्रनखो रुद्रवीर्यसमुद्भवः॥१९॥

इन्द्रजित्प्रहितामोघब्रह्मास्त्रविनिवारकः।

पार्थध्वजाग्रसंवासी शरपञ्जरहेलकः॥२०॥

दशबाहुर्लोकपूज्यो जाम्बवत्प्रीतिवर्धनः।

सीतासमेतश्रीरामपादसेवाधुरन्धरः॥२१॥

॥इति श्री-आञ्जनेयाष्टोत्तरशतनामस्तोत्रं सम्पूर्णम्॥

आपदुद्धारण-स्तोत्रम्

Thu, 10 Jul 2014 00:00:00 +0000

आपदुद्धारण-स्तोत्रम्

ॐ आपदामपहर्तारं दातारं सर्वसम्पदाम्।

लोकाभिरामं श्रीरामं भूयो भूयो नमाम्यहम्॥१॥

आर्तानामार्तिहन्तारं भीतानां भीतिनाशनम्।

द्विषतां कालदण्डं तं रामचन्द्रं नमाम्यहम्॥२॥

नमः कोदण्डहस्ताय सन्धीकृतशराय च।

खण्डिताखिलदैत्याय रामायाऽऽपन्निवारिणे॥३॥

रामाय रामभद्राय रामचन्द्राय वेधसे।

रघुनाथाय नाथाय सीतायाः पतये नमः॥४॥

अग्रतः पृष्ठतश्चैव पार्श्वतश्च महाबलौ।

आकर्णपूर्णधन्वानौ रक्षेतां रामलक्ष्मणौ॥५॥

सन्नद्धः कवची खड्गी चापबाणधरो युवा।

गच्छन् ममाग्रतो नित्यं रामः पातु सलक्ष्मणः॥६॥

अच्युतानन्तगोविन्द नामोच्चारणभेषजात्।

नश्यन्ति सकला रोगाः सत्यं सत्यं वदाम्यहम्॥७॥

सत्यं सत्यं पुनः सत्यमुद्धृत्य भुजमुच्यते।

वेदाच्छास्त्रं परं नास्ति न देवं केशवात्परम्॥८॥

शरीरे जर्जरीभूते व्याधिग्रस्ते कलेवरे।

औषधं जाह्नवीतोयं वैद्यो नारायणो हरिः॥९॥

आलोड्य सर्वशास्त्राणि विचार्य च पुनः पुनः।

इदमेकं सुनिष्पन्नं ध्येयो नारायणो हरिः॥१०॥

PDF:A5 / print Kindle Kindle Scribe

कलिदोषनिवारणस्तोत्रम्

Thu, 10 Jul 2014 00:00:00 +0000

कलिदोषनिवारणस्तोत्रम्

कार्कोटकस्य नागस्य दमयन्त्या नलस्य च।

ऋतुपर्णस्य राजर्षेः कीर्तनं कलिनाशनम्॥

PDF:A5 / print Kindle Kindle Scribe

गणाष्टकम्

Thu, 10 Jul 2014 00:00:00 +0000

Ashtakam

गणाष्टकम्

एकदन्तं महाकायं तप्तकाञ्चनसन्निभम्।

लम्बोदरं विशालाक्षं वन्देऽहं गणनायकम्॥१॥

मौञ्जीकृष्णाजिनधरं नागयज्ञोपवीतिनम्।

बालेन्दुशकलं मौलौ वन्देऽहं गणनायकम्॥२॥

चित्ररत्न-विचित्राङ्ग-चित्रमालाविभूषितम्।

कामरूपधरं देवं वन्देऽहं गणनायकम्॥३॥

मूषकोत्तमम् आरुह्य देवासुरमहाहवे।

योद्धुकामं महावीर्यं वन्देऽहं गणनायकम्॥४॥

गजवक्त्रं सुरश्रेष्ठं कर्णचामरभूषितम्।

पाशाङ्कुशधरं देवं वन्देऽहं गणनायकम्॥५॥

यक्षकिन्नर-गन्धर्व-सिद्ध-विद्याधरैः सदा।

स्तूयमानं महाबाहुं वन्देऽहं गणनायकम्॥६॥

अम्बिकाहृदयानन्दं मातृभिः परिवेष्टितम्।

भक्तप्रियं मदोन्मत्तं वन्देऽहं गणनायकम्॥७॥

सर्वविघ्नकरं देवं सर्वविघ्नविवर्जितम्।

सर्वसिद्धिप्रदातारं वन्देऽहं गणनायकम्॥८॥

गणाष्टकमिदं पुण्यं यः पठेत् सततं नरः।

सिद्‌ध्यन्ति सर्वकार्याणि विद्यावान् धनवान् भवेत्॥

PDF:A5 / print Kindle Kindle Scribe

ध्यानम्

Thu, 10 Jul 2014 00:00:00 +0000

॥ॐ श्री-गणेशाय नमः॥
॥ॐ श्री-गुरुभ्यो नमः॥
॥हरिः ॐ॥

शुक्लाम्बरधरं विष्णुं शशिवर्णं चतुर्भुजम्।

प्रसन्नवदनं ध्यायेत् सर्वविघ्नोपशान्तये॥

अगजानानपद्मार्कं गजाननमहर्निशम्।

अनेकदन्तं भक्तानाम् एकदन्तमुपास्महे॥

नारायणं नमस्कृत्य नरं चैव नरोत्तमम्।

देवीं सरस्वतीं व्यासं ततो जयमुदीरयेत्॥

व्यासं वसिष्ठनप्तारं शक्तेः पौत्रमकल्मषम्।

पराशरात्मजं वन्दे शुकतातं तपोनिधिम्॥

गुरुर्ब्रह्मा गुरुर्विष्णुर्गुरुर्देवो महेश्वरः।

गुरुः साक्षात् परं ब्रह्म तस्मै श्री-गुरवे नमः॥

सदाशिवसमारम्भां शङ्कराचार्यमध्यमाम्।

अस्मदाचार्यपर्यन्तां वन्दे गुरुपरम्पराम्॥

श्रुतिस्मृतिपुराणानाम् आलयं करुणालयम्।

नमामि भगवत्पादशङ्करं लोकशङ्करम्॥

❀

PDF:A5 / print Kindle Kindle Scribe

प्रज्ञाविवर्धन-कार्त्तिकेय-स्तोत्रम्

Thu, 10 Jul 2014 00:00:00 +0000

प्रज्ञाविवर्धन-कार्त्तिकेय-स्तोत्रम्

स्कन्द उवाच

योगीश्वरो महासेनः कार्त्तिकेयोऽग्निनन्दनः।

स्कन्दः कुमारः सेनानीः स्वामी शङ्करसम्भवः॥१॥

गाङ्गेयस्ताम्रचूडश्च ब्रह्मचारी शिखिध्वजः।

तारकारिरुमापुत्रः क्रौञ्चारिश्च षडाननः॥२॥

शब्दब्रह्मसमुद्रश्च सिद्धः सारस्वतो गुहः।

सनत्कुमारो भगवान् भोगमोक्षफलप्रदः॥३॥

शरजन्मा गणाधीशपूर्वजो मुक्तिमार्गकृत्।

सर्वागमप्रणेता च वाञ्छितार्थप्रदायकः॥४॥

अष्टाविंशतिनामानि मदीयानीति यः पठेत्।

प्रत्यूषं श्रद्धया युक्तो मूको वाचस्पतिर्भवेत्॥५॥

महामन्त्रमयानीति मम नामानुकीर्तनम्।

महाप्रज्ञामवाप्नोति नात्र कार्या विचारणा॥६॥

पुष्यनक्षत्रम् आरभ्य दशवारं पठेन्नरः।
पुष्यनक्षत्र-पर्यन्तेऽश्वत्थमूले दिने दिने।
पुरश्चरण-मात्रेण सर्वपापैः प्रमुच्यते॥७॥

॥इति श्री-रुद्रयामलरहस्ये प्रज्ञाविवर्धन-कार्त्तिकेय-स्तोत्रं सम्पूर्णम्॥

PDF:A5 / print Kindle Kindle Scribe

बिल्वाष्टकम्

Thu, 10 Jul 2014 00:00:00 +0000

Ashtakam

बिल्वाष्टकम्

त्रिदलं त्रिगुणाकारं त्रिनेत्रं च त्रियायुधम्।

त्रिजन्मपापसंहारं एकबिल्वं शिवार्पणम्॥१॥

त्रिशाखैः बिल्वपत्रैश्च ह्यच्छिद्रैः कोमलैः शुभैः।

शिवपूजां करिष्यामि ह्येकबिल्वं शिवार्पणम्॥२॥

अखण्डबिल्वपत्रेण पूजिते नन्दिकेश्वरे।

शुद्‌ध्यन्ति सर्वपापेभ्यो ह्येकबिल्वं शिवार्पणम्॥३॥

शालिग्राम-शिलामेकां विप्राणां जातु चार्पयेत्।

सोमयज्ञ-महापुण्यं एकबिल्वं शिवार्पणम्॥४॥

दन्तिकोटि-सहस्राणि वाजपेय-शतानि च।

कोटिकन्या-महादानं एकबिल्वं शिवार्पणम्॥५॥

लक्ष्म्यास्तनुत उत्पन्नं महादेवस्य च प्रियम्।

बिल्ववृक्षं प्रयच्छामि ह्येकबिल्वं शिवार्पणम्॥६॥

दर्शनं बिल्ववृक्षस्य स्पर्शनं पापनाशनम्।

अघोरपापसंहारं एकबिल्वं शिवार्पणम्॥७॥

काशीक्षेत्रनिवासं च कालभैरवदर्शनम्।

प्रयागमाधवं दृष्ट्वा ह्येकबिल्वं शिवार्पणम्॥८॥

मूलतो ब्रह्मरूपाय मध्यतो विष्णुरूपिणे।

अग्रतः शिवरूपाय ह्येकबिल्वं शिवार्पणम्॥९॥

बिल्वाष्टकमिदं पुण्यं यः पठेत् शिवसन्निधौ।

सर्वपापविनिर्मुक्तः शिवलोकमवाप्नुयात्॥

॥इति बिल्वाष्टकं सम्पूर्णम्॥

PDF:A5 / print Kindle Kindle Scribe

वन्दे मातरम्

Thu, 10 Jul 2014 00:00:00 +0000

वन्दे मातरम्

सुजलां सुफलां मलयजशीतलाम्
शस्यश्यामलां मातरम्।
शुभ्र-ज्योत्स्नाम् पुलकित-यामिनीम्
फुल्ल-कुसुमित-द्रुमदलशोभिनीम्।
सुहासिनीं सुमधुरभाषिणीम्
सुखदां वरदां मातरम्॥
सप्तकोटि कण्ठ-कलकल-निनाद-कराले
निसप्तकोटि-भुजैर्धृत-खरकरवाले
के बोले मा तुमी अबले
बहुबलधारिणीं नमामि तारिणीम्
रिपुदलवारिणीं मातरम्॥
तुमि विद्या तुमि धर्म तुमि हृदि तुमि मर्म।
त्वं हि प्राणाः शरीरे बाहु ते तुमि मा शक्ति।
हृदये तुमि मा भक्ति
तोमारै प्रतिमा गडि मन्दिरे मन्दिरे॥
त्वं हि दुर्गा दशप्रहरणधारिणी
कमला कमलदल विहारिणी
वाणी विद्यादायिनी नमामि त्वाम्
नमामि कमलाम् अमलाम् अतुलाम्
सुजलां सुफलां मातरम्॥
श्यामलां सरलां सुस्मितां भूषिताम्
धरणीं भरणीं मातरम्॥

PDF:A5 / print Kindle Kindle Scribe

वेङ्कटेश-अष्टकम्

Thu, 10 Jul 2014 00:00:00 +0000

Ashtakam

वेङ्कटेश-अष्टकम्

वेङ्कटेशो वासुदेवः प्रद्युम्नोऽमितविक्रमः।

सङ्कर्षणोऽनिरुद्धश्च शेषाद्रिपतिरेव च॥१॥

जनार्दनः पद्मनाभो वेङ्कटाचलवासनः।

सृष्टिकर्ता जगन्नाथो माधवो भक्तवत्सलः॥२॥

गोविन्दो गोपतिः कृष्णः केशवो गरुडध्वजः।

वराहो वामनश्चैव नारायण अधोक्षजः॥३॥

श्रीधरः पुण्डरीकाक्षः सर्वदेवस्तुतो हरिः।

श्रीनृसिंहो महासिंहः सूत्राकारः पुरातनः॥४॥

रमानाथो महीभर्ता भूधरः पुरुषोत्तमः।

चोळपुत्रप्रियः शान्तो ब्रह्मादीनां वरप्रदः॥५॥

श्रीनिधिः सर्वभूतानां भयकृद् भयनाशनः।

श्रीरामो रामभद्रश्च भवबन्धैकमोचकः॥६॥

भूतावासो गिरिवासः श्रीनिवासः श्रियः पतिः।

अच्युतानन्त गोविन्दो विष्णुर्वेङ्कटनायकः॥७॥

सर्वदेवैकशरणं सर्वदेवैकदैवतम्।

समस्तदेवकवचं सर्वदेवशिखामणिः॥८॥

इतीदं कीर्तितं यस्य विष्णोरमिततेजसः।

त्रिकाले यः पठेन्नित्यं पापं तस्य न विद्यते॥९॥

राजद्वारे पठेद् घोरे सङ्ग्रामे रिपुसङ्कटे।

भूतसर्पपिशाचादिभयं नास्ति कदाचन॥१०॥

अपुत्रो लभते पुत्रान् निर्धनो धनवान् भवेत्।

रोगार्तो मुच्यते रोगाद् बद्धो मुच्येत बन्धनात्॥११॥

यद्यदिष्टतमं लोके तत् तत् प्राप्नोत्यसंशयः।

ऐश्वर्यं राजसम्मानं भुक्तिमुक्तिफलप्रदम्॥१२॥

विष्णोर्लोकैकसोपानं सर्वदुःखैकनाशनम्।

सर्वैश्वर्यप्रदं नॄणां सर्वमङ्गलकारकम्॥१३॥

मायावी परमानन्दं त्यक्त्वा वैकुण्ठमुत्तमम्।

स्वामिपुष्करिणीतीरे रमया सह मोदते॥१४॥

कल्याणाद्भुतगात्राय कामितार्थप्रदायिने।

श्रीमद्वेङ्कटनाथाय श्रीनिवासाय मङ्गलम्॥१५॥

॥इति श्री-ब्रह्माण्डपुराणे ब्रह्मनारदसंवादे वेङ्कटगिरिमाहात्म्ये श्री-वेङ्कटेश-अष्टकं सम्पूर्णम्॥

शास्तादशकम्

Thu, 10 Jul 2014 00:00:00 +0000

Dashakam

शास्तादशकम्

लोकवीरं महापूज्यं सर्वरक्षकरं विभुम्।

पार्वती-हृदयानन्दं शास्तारं प्रणमाम्यहम्॥१॥

विप्रपूज्यं विश्ववन्द्यं विष्णुशम्भोर्प्रियं सुतम्।

क्षिप्रप्रसादनिरतं शास्तारं प्रणमाम्यहम्॥२॥

मतमातङ्गगमनं कारुण्यामृतपूरितम्।

सर्वविघ्नहरं देवं शास्तारं प्रणमाम्यहम्॥३॥

अस्मद्कुलेश्वरं देवम् अस्मच्छत्रुविनाशकम्।

अस्मदिष्टप्रददरं शास्तारं प्रणमाम्यहम्॥४॥

पाण्ड्येशवंशतिलकं केरळे केलिविग्रहम्।

आर्तत्राणपरं देवं शास्तारं प्रणमाम्यहम्॥५॥

त्र्यम्बकपुरादीशं गणाधिपसमन्वितम्।

गजारूढमहं वन्दे शास्तारं प्रणमाम्यहम्॥६॥

शिववीर्यसमुद्भूतं श्रीनिवासतनूद्भवं।

शिखिवाहानुजं वन्दे शास्तारं प्रणमाम्यहम्॥७॥

यस्य धन्वन्तरिर्माता पिता देवो महेश्वरः।

तं शास्तारमहं वन्दे महारोगनिवारणम्॥८॥

भूतनाथ सदानन्द सर्वभूतदयापर।

रक्ष रक्ष महाबाहो शास्त्रे तुभ्यं नमो नमः॥९॥

आश्यामकोमलविशालतनुं विचित्रं
वसोऽवसान अरुणोत्फलदामहस्तम्।
उत्तुङ्गरत्नमकुटं कुटिलाग्रकेशं
शास्तारमिष्टवरदं शरणं प्रपद्ये॥१०॥

॥इति श्री-शास्तादशकं सम्पूर्णम्॥

PDF:A5 / print Kindle Kindle Scribe

सिद्धसरस्वतीस्तोत्रं श्रीमद्-ब्रह्मविरचितम्

Thu, 10 Jul 2014 00:00:00 +0000

सिद्धसरस्वतीस्तोत्रं श्रीमद्-ब्रह्मविरचितम्

न्यासः

ॐ अस्य श्रीसरस्वतीस्तोत्रमन्त्रस्य।
ब्रह्मा ऋषिः। गायत्री छन्दः। श्रीसरस्वती देवता।
धर्मार्थकाममोक्षार्थे जपे विनियोगः।

ध्यानम्

आरूढा श्वेतहंसे भ्रमति च गगने दक्षिणे चाक्षसूत्रं
वामे हस्ते च दिव्याम्बरकनकमयं पुस्तकं ज्ञानगम्या।
सा वीणां वादयन्ती स्वकरकरजपैः शास्त्रविज्ञानशब्दैः
क्रीडन्ती दिव्यरूपा करकमलधरा भारती सुप्रसन्ना॥१॥

श्वेतपद्मासना देवी श्वेतगन्धानुलेपना।
अर्चिता मुनिभिः सर्वैरृषिभिः स्तूयते सदा।
एवं ध्यात्वा सदा देवीं वाञ्छितं लभते नरः॥२॥

स्तोत्रम्

शुक्लां ब्रह्मविचारसारपरमामाद्यां जगद्व्यापिनीं
वीणापुस्तकधारिणीमभयदां जाड्यान्धकारापहाम्।
हस्ते स्फटिकमालिकां विदधतीं पद्मासने संस्थितां
वन्दे तां परमेश्वरीं भगवतीं बुद्धिप्रदां शारदाम्॥१॥

या कुन्देन्दुतुषारहारधवला या शुभ्रवस्त्रावृता
या वीणावरदण्डमण्डितकरा या श्वेतपद्मासना।
या ब्रह्माच्युतशङ्करप्रभृतिभिर्देवैः सदा वन्दिता
सा मां पातु सरस्वती भगवती निःशेषजाड्यापहा॥२॥

ह्रीं ह्रौं हृद्यैकबीजे शशिरुचिकमले कल्पविस्पष्टशोभे
भव्ये भव्यानुकूले कुमतिवनदवे विश्ववन्द्याङ्घ्रिपद्मे।
पद्मे पद्मोपविष्टे प्रणजनमनोमोदसम्पादयित्रि
प्रोत्फुल्लज्ञानकूटे हरिनिजदयिते देवि संहारसारे॥३॥

ऐं ऐं ऐं दृष्टमन्त्रे कमलभवमुखाम्भोजभूतस्वरूपे
रूपारूपप्रकाशे सकलगुणमये निर्गुणे निर्विकारे।
न स्थूले नैव सूक्ष्मेऽप्यविदितविभवे नापि विज्ञानतत्त्वे
विश्वे विश्वान्तरात्मे सुरवरनमिते निष्कले नित्यशुद्धे॥४॥

ह्रीं ह्रीं ह्रीं जाप्यतुष्टे हिमरुचिमुकुटे वल्लकीव्यग्रहस्ते
मातर्मातर्नमस्ते दह दह जडतां देहि बुद्धिं प्रशस्ताम्।
विद्ये वेदान्तवेद्ये परिणतपठिते मोक्षदे मुक्तिमार्गे
मार्गातीतस्वरूपे भव मम वरदा शारदे शुभ्रहारे॥५॥

धीं धीं धीं धारणाख्ये धृतिमतिनतिभिर्नामभिः कीर्तनीये
नित्येऽनित्ये निमित्ते मुनिगणनमिते नूतने वै पुराणे।
पुण्ये पुण्यप्रवाहे हरिहरनमिते नित्यशुद्धे सुवर्णे
मातर्मात्रार्धतत्त्वे मतिमति मतिदे माधवप्रीतिमोदे॥६॥

हूं हूं हूं स्वरूपे दह दह दुरितं पुस्तकव्यग्रहस्ते
सन्तुष्टाकारचित्ते स्मितमुखि सुभगे जृम्भिणि स्तम्भविद्ये।
मोहे मुग्धप्रवाहे कुरु मम विमतिध्वान्तविध्वंसमीडे
गीर्गौर्वाग्भारति त्वं कविवररसनासिद्धिदे सिद्धिसाध्ये॥७॥

स्तौमि त्वां त्वां च वन्दे मम खलु रसनां नो कदाचित् त्यजेथा
मा मे बुद्धिर्विरुद्धा भवतु न च मनो देवि मे यातु पापम्।
मा मे दुःखं कदाचित् क्वचिदपि विषयेऽप्यस्तु मे नाकुलत्वं
शास्त्रे वादे कवित्वे प्रसरतु मम धीर्माऽस्तु कुण्ठा कदाऽपि॥८॥

फलश्रुतिः

इत्येतैः श्लोकमुख्यैः प्रतिदिनमुषसि स्तौति यो भक्तिनम्रो
वाणी वाचस्पतेरप्यविदितविभवो वाक्पटुर्मृष्टकण्ठः।
स्यादिष्टाद्यर्थलाभैः सुतमिव सततं पातितं सा च देवी
सौभाग्यं तस्य लोके प्रभवति कविता विघ्नमस्तं प्रयाति॥९॥

निर्विघ्नं तस्य विद्या प्रभवति सततं चाश्रुतग्रन्थबोधः
कीर्तिस्रैलोक्यमध्ये निवसति वदने शारदा तस्य साक्षात्।
दीर्घायुर्लोकपूज्यः सकलगुणनिधिः सन्ततं राजमान्यो
वाग्देव्याः सम्प्रसादात् त्रिजगति विजयी जायते सत्सभासु॥१०॥

ब्रह्मचारी व्रती मौनी त्रयोदश्यां निरामिषः।

सारस्वतो जनः पाठात् सकृदिष्टार्थलाभवान्॥११॥

पक्षद्वये त्रयोदश्याम् एकविंशतिसङ्ख्यया।

अविच्छिन्नः पठेद्धीमान् ध्यात्वा देवीं सरस्वतीम्॥१२॥

सर्वपापविनिर्मुक्तः सुभगो लोकविश्रुतः।

वाञ्छितं फलमाप्नोति लोकेऽस्मिन्नात्र संशयः॥१३॥

ब्रह्मणेति स्वयं प्रोक्तं सरस्वत्याः स्तवं शुभम्।

प्रयत्नेन पठेन्नित्यं सोऽमृतत्वाय कल्पते॥१४॥

॥इति श्रीमद् ब्रह्मणा विरचितं श्री-सिद्धसरस्वतीस्तोत्रं सम्पूर्णम्॥

हनुमान् चालीसा

Thu, 10 Jul 2014 00:00:00 +0000

हनुमान् चालीसा

श्रीगुरु चरन सरोज रज
निज मनु मुकुर सुधार।
बरनऊँ रघुवर विमल यश
जो दायकु फल चार॥

बुद्धिहीन तनु जानिके
सुमिरौं पवनकुमार।
बल बुद्धि विद्या देहु मोहिं
हरहु कलेस विकार॥

चौपाई

जय हनुमान ज्ञान गुण सागर।

जय कपीश तिहुँ लोक उजागर॥१॥

राम दूत अतुलित बल धामा।

अञ्जनिपुत्र पवनसुत नामा॥२॥

महावीर विक्रम बजरङ्गी।

कुमति निवार सुमति के सङ्गी॥३॥

कञ्चन बरन विराज सुवेसा।

कानन कुण्डल कुञ्चित केशा॥४॥

हाथ वज्र औ ध्वजा विराजै।

काँधे मूँज जनेऊ साजै॥५॥

सङ्कर सुवन केसरीनन्दन।

तेज प्रताप महा जग वन्दन॥६॥

विद्यावान गुणी अति चातुर।

राम काज करिबे को आतुर॥७॥

प्रभु चरित्र सुनिबे को रसिया।

राम लखन सीता मन बसिया॥८॥

राम लक्ष्मण जानकी।

जय बोलो हनुमान् की॥

सूक्ष्म रूप धरि सियहिं दिखावा।

विकट रूप धरि लङ्क जरावा॥९॥

भीम रूप धरि असुर सँहारे।

रामचन्द्र के काज सँवारे॥१०॥

लाय सजीवन लखन जियाये।

श्रीरघुवीर हरषि उर लाये॥११॥

रघुपति कीन्ही बहुत बडाई।

तुम मम प्रिय भरत सम भाई॥१२॥

सहस वदन तुम्हरो यश गावैं।

अस कहि श्रीपति कण्ठ लगावैं॥१३॥

सनकादिक ब्रह्मादि मुनीशा।

नारद शारद सहित अहीशा॥१४॥

यम कुबेर दिक्पाल जहाँ ते।

कवि कोविद कहि सके कहाँ ते॥१५॥

तुम उपकार सुग्रीवहिं कीन्हा।

राम मिलाय राज पद दीन्हा॥१६॥

राम लक्ष्मण जानकी।

जय बोलो हनुमान् की॥

तुम्हरो मन्त्र विभीषण माना।

लङ्केश्वर भये सब जग जाना॥१७॥

युग सहस्र योजन पर भानू।

लील्यो ताहि मधुर फल जानू॥१८॥

प्रभु मुद्रिका मेलि मुख माहीं।

जलधि लाँघि गये अचरज नाहीं॥१९॥

दुर्गम काज जगत के जेते।

सुगम अनुग्रह तुम्हरे तेते॥२०॥

राम दुआरे तुम रखवारे।

होत न आज्ञा बिन पैसारे॥२१॥

सब सुख लहै तुम्हारी सरना।

तुम रक्षक काहू को डर ना॥२२॥

आपन तेज सम्हारो आपै।

तीनों लोक हाँक तें काँपै॥२३॥

भूत पिशाच निकट नहिं आवै।

महावीर जब नाम सुनावै॥२४॥

राम लक्ष्मण जानकी।

जय बोलो हनुमान् की॥

नाशै रोग हरै सब पीरा।

जपत निरन्तर हनुमत वीरा॥२५॥

सङ्कट से हनुमान छुडावै।

मन क्रम वचन ध्यान जो लावै॥२६॥

सब पर राम तपस्वी राजा।

तिन के काज सकल तुम साजा॥२७॥

और मनोरथ जो कोई लावै।

दासु अमित जीवन फल पावै॥२८॥

चारों युग प्रताप तुम्हारा।

है प्रसिद्ध जगत उजियारा॥२९॥

साधु सन्त के तुम रखवारे।

असुर निकन्दन राम दुलारे॥३०॥

अष्ट सिद्धि नव निधि के दाता।

अस बर दीन जानकी माता॥३१॥

राम रसायन तुम्हरे पासा।

सदा रहो रघुपति के दासा॥३२॥

राम लक्ष्मण जानकी।

जय बोलो हनुमान् की॥

तुम्हरे भजन राम को पावै।

जन्म जन्म के दुख बिसरावै॥३३॥

अन्त काल रघुपति पुर जाई।

जहाँ जन्मि हरिभक्त कहाई॥३४॥

और देवता चित्त न धरई।

हनुमत सेई सर्व सुख करई॥३५॥

सङ्कट कटै मिटै सब पीरा।

जो सुमिरै हनुमत बलवीरा॥३६॥

जै जै जै हनुमान गोसाईं।

कृपा करहु गुरु देव की नाईं॥३७॥

यह शत पार पाठ कर कोई।

छूटहि बंदि महा सुख होई॥३८॥

यो यह पढ़ै हनुमान् चलीसा।

होय सिद्धि साखी गौरीसा॥३९॥

तुलसीदास सदा हरि चेरा।

कीजै नाथ हृदय मँह डेरा॥४०॥

राम लक्ष्मण जानकी।

जय बोलो हनुमान् की॥

PDF:A5 / print Kindle Kindle Scribe

अथ द्वितीयोऽध्यायः

Mon, 01 Jan 0001 00:00:00 +0000

अथ द्वितीयोऽध्यायः

ब्रह्मोवाच

अथ कार्तिकमासस्य धर्मान्वक्ष्यामि नारद।

सम्प्राप्तं कार्तिकं दृष्ट्वा परान्नं यस्तु वर्जयेत्॥१॥

स तु मोक्षमवाप्नोति नात्र कार्या विचारणा।
सर्वेषामेव धर्माणां गुरुपूजा परा मता।
गुरुशुश्रूषया सर्वं प्राप्नोति ऋषिसत्तम॥२॥

गुरौ तुष्टे च तुष्टाः स्युर्देवाः सर्वे सवासवाः।

गुरौ रुष्टे च रुष्टाः स्युर्देवाः सर्वे सवासवाः॥३॥

कार्तिकं मासि सम्प्राप्ते कृत्वा कर्माणि भूरिशः।

अकृत्वा गुरुशुश्रूषां नरकानेव विन्दति॥४॥

यत्किञ्चिद्वा समादिष्टो गुरुणा तत्समाचरेत्॥५॥

आज्ञप्तो गुरुणा विप्र न तद्वाक्यं तु लङ्घयेत्।

यदि दुःखादिकं प्राप्तं गुरुं तु शरणं व्रजेत्॥६॥

मातृत्वे च पितृत्वे च गुरुमेव स्मरेद्बुधः।

गुरौ न प्राप्यते यत्तन्नान्यत्रापि हि लभ्यते॥७॥

गुरुप्रसादात्सर्वं तु प्राप्नोत्येव न संशयः।
मेधावी कपिलश्चैव सुमतिश्च महातपाः।
गौतमस्य गुरोः सम्यक्सेवयाऽमरतां गताः॥८॥

तस्मात् सर्वप्रयत्नेन कार्तिके विष्णुतत्परः।

गुरुसेवां प्रकुर्वीत ततो मोक्षमवाप्नुयात्॥९॥

नरेभ्यो वैष्णवं धर्मं यो ददाति द्विजोत्तमः।

ससागरमहीदाने तत्पुण्यं लभते हि सः॥१०॥

तिलधेनुं हिरण्यं च रजतं भूमिवाससी।

गोप्रदानानि दास्यन्ति सर्वभावेन सुव्रत॥११॥

सर्वेषामेव दानानां कन्यादानं विशिष्यते।

सहस्रमेव धेनूनां शतं चानडुहां समम्॥१२॥

दशानडुत्समं यानं दशयानसमो हयः।

हयदानसहस्रेभ्यो गजदानं विशिष्यते॥१३॥

गजदानसहस्राणां स्वर्णदानं च तत्समम्।

स्वर्णदानसहस्राणां विद्यादानं च तत्समम्॥१४॥

विद्यादानात्कोटिगुणं भूमिदानं विशिष्यते।

भूमिदानसहस्रेण गोप्रदानं विशिष्यते॥१५॥

गोप्रदानसहस्रेभ्यो ह्यन्नदानं विशिष्यते।

अन्नाधारमिदं प्रोक्तं तस्माद्देयं तु कार्तिके॥१६॥

परान्नवर्जनादेव लभेच्चान्द्रायणं फलम्।

दिनेदिनेऽतिकृच्छ्रस्य फलं प्राप्नोति मानवः॥१७॥

कार्तिके वर्जयेन्मांसं सन्धानं च विशेषतः।

राक्षसीं योनिमाप्नोति सकृन्मांसस्य भक्षणात्॥१८॥

प्रवृत्तानां तु भक्ष्याणां कार्तिके नियमे कृते।

अवश्यं विष्णुरूपत्वं प्राप्यते मोक्षदं पदम्॥१९॥

ब्राह्मणेभ्यो महीं दत्त्वा ग्रहणे सूर्यचन्द्रयोः।

यत्फलं लभते वत्स तत्फलं भूमिशायिनः॥२०॥

भोजनं द्विजदम्पत्योः पूजनं च विलेपनैः।

कम्बलानि च रत्नानि वासांसि विविधानि च॥२१॥

तूलिकाश्च प्रदातव्याः प्रच्छादनपटैः सह।

उपानहावातपत्रं कार्तिके देहि सुव्रत॥२२॥

कार्तिके क्षितिशायी च हन्यात्पापं युगार्जितम्।

जागरं कार्तिके मासि यः करोत्यरुणोदये॥२३॥

दामोदराग्रे देवर्षे गोसहस्रफलं लभेत्।

नदीस्नानं कथा विष्णोर्वैष्णवानां च दर्शनम्॥२४॥

न भवेत्कार्तिके यस्य हरेत्पुण्यं दशाब्दिकम्।

पुष्करं यः स्मरेत्प्राज्ञः कर्मणा मनसा गिरा॥२५॥

कार्तिके मुनिशार्दूल लक्षकोटिगुणं भवेत्।

प्रयागो माघमासे तु पुष्करं कार्तिके तथा॥२६॥

अवन्ती माधवे मासि हन्यात्पापं युगार्जितम्।

धन्यास्ते मानवा लोके कलिकाले विशेषतः॥२७॥

ये कुर्वन्ति नरा नित्यं प्रीत्यर्थं हरिपूजनम्।

तारितास्तैश्च पितरो नरकाच्च न संशयः॥२८॥

क्षीरादिस्नपनं विष्णोः क्रियते पितृकारणात्।

कल्पकोटिं दिवं प्राप्य वसन्ति त्रिदिवैः सह॥२९॥

कार्तिके नार्चितो यैस्तु कृष्णस्तु कमलेक्षणः।

जन्मकोटिषु विप्रेन्द्र न तेषां कमला गृहे॥३०॥

अहो मुष्टा विनष्टास्ते पतिताः कलिकन्दरे।

यैर्नार्चितो हरिर्भक्त्या कमलैरसितैः सितैः॥३१॥

पद्मेनैकेन देवेशं योऽर्चयेत्कमलापतिम्।
वर्षायुतसहस्रस्य पापस्य कुरुते क्षयम्।
पुष्करार्चनयोगेन श्वेतो मुक्तिमवाप ह॥३२॥

अपराधसहस्राणि तथा सप्तशतानि च।

पद्मेनैकेन देवेशः क्षमते प्रणतोऽर्चितः॥३३॥

तुलसीपत्रलक्षेण कार्तिके योऽर्चयेद्धरिम्।

पत्रेपत्रे मुनिश्रेष्ठ मौक्तिकं लभते फलम्॥३४॥

मुखे शिरसि देहे तु कृष्णोत्तीर्णां तु यो वहेत्।
तुलसी कृष्णनिर्माल्यैर्यो गात्रं परिमार्जयेत्।
सर्वरोगैस्तथा पापैर्मुक्तो भवति मानवः॥३५॥

शङ्खोदकं हरेर्भक्तिर्निर्माल्यं पादयोर्जलम्।

चन्दनं धूपशेषं च ब्रह्महत्यापहारकम्॥३६॥

कार्तिके मासि विप्रेन्द्र प्रातःस्नानपरायणः।

विप्रेभ्यश्चान्नदानं तु कुर्याच्छक्त्यनुसारतः॥३७॥

सर्वेषामेव दानानामन्नदानं विशिष्यते।

अन्नेन जायते लोको ह्यन्नेनैवाभिवर्धते॥३८॥

अन्नं हि सर्वभूतानां प्राणभूतं परं विदुः।

अन्नदः सर्वदो लोके सर्वयज्ञादिकृद्भवेत्॥३९॥

तीर्थस्नानेन किं तस्य देवयात्रादिनाऽपि किम्।

सर्वं सम्पाद्यते ब्रह्मन्नन्नदानान्न संशयः॥४०॥

सत्यकेतुर्द्विजः पूर्वं चान्नदानेन केवलम्।

सर्वपुण्यफलं प्राप्य मोक्षं प्राप सुदुर्लभम्॥४१॥

कार्तिकव्रतनिष्ठस्तु कुर्याद्गोदानमुत्तमम्।

व्रतं सम्पूर्णतां याति गोदानेन न संशयः॥४२॥

गोदानात्परमं दानं संसारार्णवतारकम्।

नास्ति नारद लोकेऽस्मिन्सुशर्मा ब्राह्मणो यथा॥४३॥

कार्तिके मासि विप्रेन्द्र दत्त्वा दानान्यनेकशः।

हरिस्मृतिविहीनश्चेन्न पुनन्ति कदाचन॥४४॥

नामस्मरणमाहात्म्यं मया वक्तुं न शक्यते।

पुष्करेण यथा पूर्वं नारकीयाश्च मोचिताः॥४५॥

गोविन्द गोविन्द हरे मुरारे
गोविन्द गोविन्द मुकुन्द कृष्ण।
गोविन्द गोविन्द रथाङ्गपाणे
गोविन्द दामोदर माधवेति॥४६॥

श्लोकार्धं श्लोकपादं वा नित्यं भागवतोद्भवम्।

कार्तिके यः पठन्मर्त्यः श्रद्धाभक्तिसमन्वितः॥४७॥

यैर्न श्रुतं भागवतं पुराणं
नाऽऽराधितो वै पुरुषः पुराणः।
हुतं मुखे नैव धरामराणां
तेषां वृथा जन्म गतं नराणाम्॥४८॥

कार्तिके मासि विप्रेन्द्र यस्तु गीतां पठेन्नरः।

तस्य पुण्यफलं वक्तुं मम शक्तिर्न विद्यते॥४९॥

गीतायास्तु समं शास्त्रं न भूतं न भविष्यति।

सर्वपापहरा नित्यं गीतैका मोक्षदायिनी॥५०॥

एकेनाध्यायपाठेन सर्वपापकृतोऽपि च।

मुच्यन्ते नरकाद् घोराज्जडो वै ब्राह्मणो यथा॥५१॥

शालिग्रामशिलादानं यः कुर्यात्कार्तिके मुने।

तस्य पुण्यस्य विश्रान्तिर्विष्णुना न निरूपिता॥५२॥

शालिग्रामं समभ्यर्च्य श्रोत्रियाय महामुने।

दानं यः कुरुते विप्र तस्य पुण्यफलं शृणु॥५३॥

सप्तसागरपर्यन्तं भूदानाद्यत्फलं भवेत्।

शालिग्रामशिलादानात्तत्फलं समवाप्नुयात्॥५४॥

शालिग्रामशिलादानात्कार्तिके ब्राह्मणी यथा।

विधवा सधवा जाता विवाहे पञ्चमेऽहनि॥५५॥

तस्मात् तु कार्तिके मासि स्नानदानपुरःसरम्।

शालिग्रामशिलादानं कर्तव्यं नात्र संशयः॥५६॥

आदितः श्लोकाः — १११
॥इति श्रीस्कान्दे महापुराण एकाशीतिसाहस्र्यां संहितायां
द्वितीये वैष्णवखण्डे कार्तिकमासमाहात्म्ये
कार्तिकव्रतधर्मनिरूपणं
नाम द्वितीयोऽध्यायः॥२॥

गीतार्थसङ्ग्रहः

Mon, 01 Jan 0001 00:00:00 +0000

गीतार्थसङ्ग्रहः

यत्पदाम्भोरुहध्यानविध्वस्ताशेषकल्मषः।

वस्तुतामुपयातोऽहं यामुनेयं नमामि तम्॥

स्वधर्मज्ञानवैरग्यसाध्यभक्त्येकगोचरः।

नारायणः परं ब्रह्म गीताशास्त्रे समीरितः॥१॥

ज्ञानकर्मात्मिके नेष्टे योगलक्ष्ये सुसंस्कृते।

आत्मानुभोतिसिद्‌ध्यर्थे पूर्वषट्केन चोदिते॥२॥

मध्यमे भगवत्तत्त्वयाथात्म्यावाप्तिसिद्धये।

ज्ञानकर्माभिनिर्वर्त्यो भक्तियोगः प्रकीर्तितः॥३॥

प्रधानपुरुषव्यक्तसर्वेश्वरविवेचनम्।

कर्मधीर्भक्तिरित्यादि पूर्वशेषोऽन्तिमोदितः॥४॥

अस्थानस्नेहकार्पण्यधर्माधर्मधियाऽऽकुलम्।

पार्थं प्रपन्नमुद्दिश्य शास्त्रावतरणं कृतम्॥५॥

नित्यात्मासङ्गकर्मेहागोचरा साङ्ख्ययोगधीः।

द्वितीये स्थितधीलक्षा प्रोक्ता तन्मोहशान्तये॥६॥

असक्त्या लोकरक्षायै गुणेष्वारोप्य कर्तृताम्।

सर्वेश्वरे वा न्यस्योक्ता तृतीये कर्मकार्यता॥७॥

प्रसङ्गात् स्वस्वभावोक्तिः कर्मणोऽकर्मताऽस्य च।

भेदा ज्ञानस्य माहत्म्यं चतुर्थाध्याय उच्यते॥८॥

कर्मयोगस्य सौकर्यं शैघ्र्यं काश्चन तद्विधाः।

ब्रह्मज्ञानप्रकारश्च पञ्चमाध्याय उच्यते॥९॥

योगाभ्यासविधिर्योगी चतुर्धा योगसाधनम्।

योगसिद्धिः स्वयोगस्य पारम्यं षष्ट उच्यते॥१०॥

स्वयाथात्म्यं प्रकृत्यास्य तिरोधिः शरणागतिः।

भक्तभेदः प्रबुद्धस्य श्रैष्ठ्यं सप्तम उच्यते॥११॥

ऐश्वर्याक्षरयाथात्म्यभगवच्चरणार्थिनाम्।

वेद्योपादेयभावानामष्टमे भेद उच्यते॥१२॥

स्वमाहात्म्यं मनुष्यत्वे परत्वं च महात्मनाम्।

विशेषो नवमे योगो भक्तिरूपः प्रकीर्तितः॥१३॥

स्वकल्याणगुणानन्त्यकृत्स्नस्वाधीनतामतिः।

भक्त्युत्पत्तिविवृद्‌ध्यर्था विस्तीर्णा दशमोदिता॥१४॥

एकादशे स्वयाथात्म्यसाक्षात्कारावलोकनम्।

दत्तमुक्तं विदिप्राप्त्योर्भक्त्येकोपायता तथा॥१५॥

भक्तेः श्रैष्ठ्यमुपायोक्तिरशक्तस्याऽऽत्मनिष्ठता।

तत्प्रकारस्त्वतिप्रीतिः भक्तेर्द्वादश उच्यते॥१६॥

देहस्वरूपमात्माप्तिहेतुरात्मविशोधनम्।

बन्धहेतुर्विवेकश्च त्रयोदश उदीर्यते॥१७॥

गुणबन्धविधा तेषां कर्तृत्वं तन्निवर्तनम्।

गतित्रयस्वमूलत्वं चतुर्दश उदीर्यते॥१८॥

अचिन्मिश्राद्विशुद्धाच्च चेतनात् पुरुषोत्तमः।

व्यापनाद्भरणात् स्वाम्यादन्यः पञ्चदशोदितः॥१९॥

देवासुरविभागोक्तिपूर्विका शास्त्रवश्यता।

तत्त्वानुष्ठानविज्ञानस्थेम्ने षोडश उच्यते॥२०॥

अशास्त्रमासुरं कृत्स्नं शास्त्रीयं गुणतः पृथक्।

लक्षणं शास्त्रसिद्धस्य त्रिधा सप्तदशोदितम्॥२१॥

ईश्वरे कर्तृताबुद्धिः सत्त्वोपादेयताऽन्तिमे।

स्वकर्मपरिणामश्च शास्त्रसारार्थ उच्यते॥२२॥

कर्मयोगस्तपस्तीर्थदानयज्ञादिसेवनम्।

ज्ञानयोगो जितस्वान्तैः परिशुद्धात्मनि स्थितिः॥२३॥

भक्तियोगः परैकान्तप्रीत्या ध्यानादिषु स्थितिः।

त्रयाणामपि योगानां त्रिभिरन्योन्यसङ्गमः॥२४॥

नित्यनैमित्तिकानां च पराराधनरूपिणाम्।

आत्मदृष्टेस्रयोऽप्येते योगद्वारेण साधकाः॥२५॥

निरस्तनिखिलाज्ञानो दृष्ट्वाऽऽत्मानं परानुगम्।

प्रतिलभ्य परां भक्तिं तयैवाऽऽप्नोति तत्पदम्॥२६॥

भक्तियोगस्तदर्थी चेत् समग्रैश्वर्यसाधकः।

आत्मार्थी चेत् त्रयोऽप्येते तत्कैवल्यस्य साधकाः॥२७॥

एकान्त्यं भगवत्येषां समानमधिकारिणाम्।

यावत्प्राप्ति परार्थी चेत् तदेवात्यन्तमश्नुते॥२८॥

ज्ञानी तु परमैकन्ती तदायत्तत्मजीवनः।

तत्संश्लेषवियोगैकसुखदुःखस्तदेकधीः॥२९॥

भगवद्ध्यानयोगोक्तिवन्दनस्तुतिकीर्तनैः।

लब्धात्मा तद्गतप्राणमनोबुद्धीन्द्रियक्रियः॥३०॥

निजकर्मादि भक्त्यन्तं कुर्यात् प्रीत्यैव कारितः।

उपायतां परित्यज्य न्यस्येद् देवे तु तामभीः॥३१॥

एकान्तात्यन्तदास्यैकरतिस्तत्पदमाप्नुयात्।

तत्प्रधानमिदं शास्त्रमिति गीतार्थसङ्ग्रहः॥३२॥

॥इति श्री-यामुनाचार्यविरचितं गीतर्थसङ्ग्रहः सम्पूर्णः॥

द्वितीयः सर्गः

Mon, 01 Jan 0001 00:00:00 +0000

द्वितीयः सर्गः

श्री-महादेव उवाच

विराधे स्वर्गते रामो लक्ष्मणेन च सीतया।

जगाम शरभङ्गस्य वनं सर्वसुखावहम्॥१॥

शरभङ्गस्ततो दृष्ट्वा रामं सौमित्रिणा सह।

आयान्तं सीतया सार्धं सम्भ्रमादुत्थितः सुधीः॥२॥

अभिगम्य सुसम्पूज्य विष्टरेषूपवेशयत्।

आतिथ्यमकरोत्तेषां कन्दमूलफलादिभिः॥३॥

प्रीत्याऽऽह शरभङ्गोऽपि रामं भक्तिपरायणम्।

बहुकालमिहैवाऽऽसं तपसे कृतनिश्चयः॥४॥

अद्य मत्तपसा सिद्धं यत्पुण्यं बहु विद्यते।

तत्सर्वं तव दास्यामि ततो मुक्तिं व्रजाम्यहम्॥५॥

समर्प्य रामस्य महत्सुपुण्यफलं
विरक्तः शरभङ्गयोगी।
चितिं समारोहयदप्रमेयं
रामं ससीतं सहसा प्रणम्य॥६॥

ध्यायन्श्चिरं राममशेषहृत्स्थं
दूर्वादलश्यामलमम्बुजाक्षम्।
चीराम्बरं स्निग्धजटाकलापं
सीतासहायं सहलक्ष्मणं तम्॥७॥

को वा दयालुः स्मृतकामधेनुरन्यो
जगत्यां रघुनायकादहो।
स्मृतो मया नित्यमनन्यभाजा
ज्ञात्वा स्मृतिं मे स्वयमेव यातः॥८॥

पश्यत्विदानीं देवेशो रामो दाशरथिः प्रभुः।

दग्ध्वा स्वदेहं गच्छामि ब्रह्मलोकमकल्मषः॥९॥

अयोध्याधिपतिर्मेऽस्तु हृदये राघवः सदा।

यद् वामाङ्के स्थिता सीता मेघस्येव तटिल्लता॥१०॥

इति रामं चिरं ध्यात्वा दृष्ट्वा च पुरतः स्थितम्।

प्रज्वाल्य सहसा वह्निं दग्ध्वा पञ्चात्मकं वपुः॥११॥

दिव्यदेहधरः साक्षाद्ययौ लोकपतेः पदम्।
ततो मुनिगणाः सर्वे दण्डकारण्यवासिनः।
आजग्मू राघवं द्रष्टुं शरभङ्गनिवेशनम्॥१२॥

दृष्ट्वा मुनिसमूहं तं जानकीरामलक्ष्मणाः।

प्रणेमुः सहसा भूमौ॥१३॥

आशीर्भिरभिनन्द्याथ रामं सर्वहृदि स्थितम्।

ऊचुः प्राञ्जलयः सर्वे धनुर्बाणधरं हरिम्॥१४॥

भूमेर्भारावताराय जातोऽसि ब्रह्मणार्थितः।

जानीमस्त्वां हरिं लक्ष्मीं जानकीं लक्ष्मणं तथा॥१५॥

शेषांशं शङ्खचक्रे द्वे भरतं सानुजं तथा।

अतश्चादौ ऋषीणां त्वं दुःखं मोक्तुमिहार्हसि॥१६॥

आगच्छ यामो मुनिसेवितानि
वनानि सर्वाणि रघूत्तम क्रमात्।
द्रष्टुं सुमित्रासुतजानकीभ्यां
तदा दयाऽस्मासु दृढा भविष्यति॥१७॥

इति विज्ञापितो रामः कृताञ्जलिपुटैर्विभुः।

जगाम मुनिभिः सार्धं द्रष्टुं मुनिवनानि सः॥१८॥

ददर्श तत्र पतितान्यनेकानि शिरांसि सः।

अस्थिभूतानि सर्वत्र रामो वचनमब्रवीत्॥१९॥

अस्थीनि केषामेतानि किमर्थं पतितानि वै।

तमूचुर्मुनयो राम ऋषीणां मस्तकानि हि॥२०॥

राक्षसैर्भक्षितानीश प्रमत्तानां समाधितः।

अन्तरायं मुनीनां ते पश्यन्तोऽनुचरन्ति हि॥२१॥

श्रुत्वा वाक्यं मुनीनां स भयदैन्यसमन्वितम्।

प्रतिज्ञामकरोद्रामो वधायाशेषरक्षसाम्॥२२॥

पूज्यमानः सदा तत्र मुनिभिर्वनवासिभिः।

जानक्या सहितो रामो लक्ष्मणेन समन्वितः॥२३॥

उवास कतिचित् तत्र वर्षाणि रघुनन्दनः।

एवं क्रमेण सम्पश्यन्नृषीणामाश्रमान् विभुः॥२४॥

सुतीक्ष्णस्याश्रमं प्रागात्प्रख्यातमृषिसङ्कुलम्।

सर्वर्तुगुणसम्पन्नं सर्वकालसुखावहम्॥२५॥

राममागतमाकर्ण्य सुतीक्ष्णः स्वयमागतः।
अगस्त्यशिष्यो रामस्य मन्त्रोपासनतत्परः।
विधिवत्पूजयामास भक्त्युत्कण्ठितलोचनः॥२६॥

सुतीक्ष्ण उवाच

द्वितीयः सर्गः

Mon, 01 Jan 0001 00:00:00 +0000

द्वितीयः सर्गः

अथ राजा दशरथः कदाचिद्रहसि स्थितः।

वसिष्ठं स्वकुलाचार्यमाहूयेदमभाषत॥१॥

भगवन् राममखिलाः प्रशंसन्ति मुहुर्मुहुः।

पौराश्च निगमा वृद्धा मन्त्रिणश्च विशेषतः॥२॥

ततः सर्वगुणोपेतं रामं राजीवलोचनम्।

ज्येष्ठं राज्येऽभिषेक्ष्यामि वृद्धोऽहं मुनिपुङ्गव॥३॥

भरतो मातुलं द्रष्टुं गतः शत्रुघ्नसंयुतः।

अभिषेक्ष्ये श्व एवाशु भवान्स्तच्चानुमोदताम्॥४॥

सम्भाराः सम्भ्रियन्तां च गच्छ मन्त्रय राघवम्।

उच्छ्रीयन्तां पताकाश्च नानावर्णाः समन्ततः॥५॥

तोरणानि विचित्राणि स्वर्णमुक्तामयानि वै।

आहूय मन्त्रिणं राजा सुमन्त्रम्॥६॥

आज्ञापयति यद्यत्त्वां मुनिस्तत्तत्समानय।

यौवराज्येऽभिषेक्ष्यामि श्वोभूते रघुनन्दनम्॥७॥

तथेति हर्षात्स मुनिं किं करोमीत्यभाषत।

तमुवाच महातेजा वसिष्ठो ज्ञानिनां वरः॥८॥

श्वः प्रभाते मध्यकक्षे कन्यकाः स्वर्णभूषिताः।

तिष्ठन्तु षोडश गजाः स्वर्णरत्नादि भूषिताः॥९॥

चतुर्दन्तः समायातु ऐरावतकुलोद्भवः।

नानातीर्थोदकैः पूर्णाः स्वर्णकुम्भाः सहस्रशः॥१०॥

स्थाप्यन्तां नववैयाघ्रचर्माणि त्रीणि चानय।

श्वेतच्छत्रं रत्नदण्डं मुक्तामणिविराजितम्॥११॥

दिव्यमाल्यानि वस्त्राणि दिव्यान्याभरणानि च।

मुनयः सत्कृतास्तत्र तिष्ठन्तु कुशपाणयः॥१२॥

नर्तक्यो वारमुख्याश्च गायका वेणुकास्तथा।

नानावादित्रकुशला वादयन्तु नृपाङ्गणे॥१३॥

हस्त्यश्वरथपादाता बहिस्तिष्ठन्तु सायुधाः।

नगरे यानि तिष्ठन्ति देवतायतनानि च॥१४॥

तेषु प्रवर्ततां पूजा नानाबलिभिरावृता।

राजानः शीघ्रमायान्तु नानोपायनपाणयः॥१५॥

इत्यादिश्य मुनिः श्रीमान् सुमन्त्रं नृपमन्त्रिणम्।

स्वयं जगाम भवनं राघवस्यातिशोभनम्॥१६॥

रथमारुह्य भगवान् वसिष्ठो मुनिसत्तमः।

त्रीणि कक्षाण्यतिक्रम्य रथात्क्षितिमवातरत्॥१७॥

अन्तः प्रविश्य भवनं स्वाचार्यत्वादवारितः।

गुरुमागतमाज्ञाय रामस्तूर्णः कृताञ्जलिः॥१८॥

प्रत्युद्गम्य नमस्कृत्य दण्डवद्भक्तिसंयुतः।

स्वर्णपात्रेण पानीयमानिनायाऽऽशु जानकी॥१९॥

रत्नासने समावेश्य पादौ प्रक्षाल्य भक्तितः।

तदपः शिरसा धृत्वा सीताया सह राघवः॥२०॥

धन्योऽस्मीत्यब्रवीद् रामस्तव पादाम्बुधारणात्।

श्रीरामेणैवमुक्तस्तु प्रहसन् मुनिरब्रवीत्॥२१॥

त्वत्पादसलिलं धृत्वा धन्योऽभूद्गिरिजापतिः।

ब्रह्माऽपि मत्पिता ते हि पादतीर्थहताशुभः॥२२॥

इदानीं भाषसे यत्त्वं लोकानामुपदेशकृत्।

जानामि त्वां परात्मानं लक्ष्म्या सञ्जातमीश्वरम्॥२३॥

देवकार्यार्थसिद्ध्यर्थं भक्तानां भक्तिसिद्धये।

रावणस्य वधार्थाय जातं जानामि राघव॥२४॥

तथाऽपि देवकार्यार्थं गुह्यं नोद्घाटयाम्यहम्।

तथा त्वं मायया सर्वं करोषि रघुनन्दन॥२५॥

तथैवानुविधास्येऽहं शिष्यस्त्वं गुरुरप्यहम्।

गुरुर्गुरूणां त्वं देव पितॄणां त्वं पितामहः॥२६॥

अन्तर्यामी जगद्यात्रावाहकस्त्वमगोचरः।

शुद्धसत्त्वमयं देहं धृत्वा स्वाधीनसम्भवम्॥२७॥

मनुष्य इव लोकेऽस्मिन् भासि त्वं योगमायया।

पौरोहित्यमहं जाने विगर्ह्यं दूष्यजीवनम्॥२८॥

इक्ष्वाकूणां कुले रामः परमात्मा जनिष्यते।

इति ज्ञातं मया पूर्वं ब्रह्मणा कथितं पुरा॥२९॥

ततोऽहमाशया राम तव सम्बन्धकाङ्क्षया।

अकार्षं गर्हितमपि तवाचार्यत्वसिद्धये॥३०॥

ततो मनोरथो मेऽद्य फलितो रघुनन्दन।

त्वदधीना महामाया सर्वलोकैकमोहिनी॥३१॥

मां यथा मोहयेन्नैव तथा कुरु रघूद्वह।

गुरुनिष्कृतिकामस्त्वं यदि देह्येतदेव मे॥३२॥

प्रसङ्गात्सर्वमप्युक्तं न वाच्यं कुत्रचिन्मया।

राज्ञा दशरथेनाहं प्रेषितोऽस्मि रघूद्वह॥३३॥

त्वामामन्त्रयितुं राज्ये श्वोऽभिषेक्ष्यति राघव।

अद्य त्वं सीतया सार्धमुपवासं यथाविधि॥३४॥

कृत्वा शुचिर्भूमिशायी भव राम जितेन्द्रियः।

गच्छामि राजसान्निध्यं त्वं तु प्रातर्गमिष्यसि॥३५॥

इत्युक्त्वा रथमारुह्य ययौ राजगुरुर्द्रुतम्।

रामोऽपि लक्ष्मणं दृष्ट्वा प्रहसन्निदमब्रवीत्॥३६॥

सौमित्रे यौवराज्ये मे श्वोऽभिषेको भविष्यति।

निमित्तमात्रमेवाहं कर्ता भोक्ता त्वमेव हि॥३७॥

मम त्वं हि बहिःप्राणो नात्र कार्या विचारणा।

ततो वसिष्ठेन यथा भाषितं तत्तथाऽकरोत्॥३८॥

वसिष्ठोऽपि नृपं गत्वा कृतं सर्वं न्यवेदयत्।

वसिष्ठस्य पुरो राज्ञा ह्युक्तं रामाभिषेचनम्॥३९॥

यदा तदैव नगरे श्रुत्वा कश्चित्पुमान् जगौ।

कौसल्यायै राममात्रे सुमित्रायै तथैव च॥४०॥

श्रुत्वा ते हर्षसम्पूर्णे ददतुर्हारमुत्तमम्।

तस्मै ततः प्रीतमनाः कौसल्या पुत्रवत्सला॥४१॥

लक्ष्मीं पर्यचरद् देवीं रामस्यार्थप्रसिद्धये।

सत्यवादी दशरथः करोत्येव प्रतिश्रुतम्॥४२॥

कैकेयीवशगः किन्तु कामुकः किं करिष्यति।

इति व्याकुलचित्ता सा दुर्गां देवीमपूजयत्॥४३॥

एतस्मिन्नन्तरे देवा देवीं वाणीमचोदयन्।

गच्छ देवि भुवो लोकमयोध्यायां प्रयत्नतः॥४४॥

रामाभिषेकविघ्नार्थं यतस्व ब्रह्मवाक्यतः।

मन्थरां प्रविशस्वादौ कैकेयीं च ततः परम्॥४५॥

ततो विघ्ने समुत्पन्ने पुनरेहि दिवं शुभे।

तथेत्युक्त्वा तथा चक्रे प्रविवेशाथ मन्थराम्॥४६॥

साऽपि कुब्जा त्रिवक्रा तु प्रासादाग्रमथारुहत्।

नगरं परितो दृष्ट्वा सर्वतः समलङ्कृतम्॥४७॥

नानातोरणसम्बाधं पताकाभिरलङ्कृतम्।

दानोत्सवसमायुक्ता कौसल्या चातिहर्षिता॥४८॥

धात्रीं पप्रच्छ मातः किं नगरं समलङ्कृतम्।

दानोत्सवसमायुक्ता कौसल्या चातिहर्षिता॥४९॥

ददाति विप्रमुख्येभ्यो वस्त्राणि विविधानि च।

तामुवाच तदा धात्री रामचन्द्राभिषेचनम्॥५०॥

श्वो भविष्यति तेनाद्य सर्वतोऽलङ्कृतं पुरम्।

तच्छ्रुत्वा त्वरितं गत्वा कैकेयीं वाक्यमब्रवीत्॥५१॥

पर्यङ्कस्थां विशालाक्षीमेकान्ते पर्यवस्थिताम्।

किं शेषे दुर्भगे मूढे महद्भयमुपस्थितम्॥५२॥

न जानीषेऽतिसौन्दर्यमानिनी मत्तगामिनी॥५३॥

रामस्यानुग्रहाद्राज्ञः श्वोऽभिषेको भविष्यति।

तच्छ्रुत्वा सहसोत्थाय कैकेयी प्रियवादिनी॥५४॥

तस्यै दिव्यं ददौ स्वर्णनूपुरं रत्नभूषितम्।

हर्षस्थाने किमिति मे कथ्यते भयमागतम्॥५५॥

भरतादधिको रामः प्रियकृन्मे प्रियंवदः।

कौसल्यां मां समं पश्यन् सदा शुश्रूषते हि माम्॥५६॥

रामाद्भयं किमापन्नं तव मूढे वदस्व मे।

तच्छ्रुत्वा विषसादाथ कुब्जाऽकारणवैरिणी॥५७॥

शृणु मद्वचनं देवि यथार्थं ते महद्भयम्।

त्वां तोषयन् सदा राजा प्रियवाक्यानि भाषते॥५८॥

कामुकोऽतथ्यवादी च त्वां वाचा परितोषयन्।

कार्यं करोति तस्या वै राममातुः सुपुष्कलम्॥५९॥

मनस्येतन्निधायैव प्रेषयामास ते सुतम्।

भरतं मातुलकुले प्रेषयामास सानुजम्॥६०॥

सुमित्रायाः समीचीनं भविष्यति न संशयः।

लक्ष्मणो राममन्वेति राज्यं सोऽनुभविष्यति॥६१॥

भरतो राघवस्याग्रे किङ्करो वा भविष्यति।

विवास्यते वा नगरात्प्राणैर्वा हायतेऽचिरात्॥६२॥

त्वं तु दासीव कौसल्यां नित्यं परिचरिष्यसि।

ततोऽपि मरणं श्रेयो यत्सपत्न्याः पराभवः॥६३॥

अतः शीघ्रं यतस्वाद्य भरतस्याभिषेचने।

रामस्य वनवासार्थं वर्षाणि नव पञ्च च॥६४॥

ततो रूढोऽभये पुत्रस्तव राज्ञि भविष्यति।

उपायं ते प्रवक्ष्यामि पूर्वमेव सुनिश्चितम्॥६५॥

पुरा देवासुरे युद्धे राजा दशरथः स्वयम्।

इन्द्रेण याचितो धन्वी सहायार्थं महारथः॥६६॥

जगाम सेनया सार्धं त्वया सह शुभानने।

युद्धं प्रकुर्वतस्तस्य राक्षसैः सह धन्विनः॥६७॥

तदाऽक्षकीलो न्यपतच्छिन्नस्तस्य न वेद सः।

त्वं तु हस्तं समावेश्य कीलरन्ध्रेऽतिधैर्यतः॥६८॥

स्थितवत्यसितापाङ्गि पतिप्राणपरीप्सया।

ततो हत्वाऽसुरान् सर्वान् ददर्श त्वामरिन्दमः॥६९॥

आश्चर्यं परमं लेभे त्वामालिङ्ग्य मुदान्वितः।

वृणीष्व यत्ते मनसि वाञ्छितं वरदोऽस्म्यहम्॥७०॥

वरद्वयं वृणीष्व त्वमेवं राजावदत्स्वयम्।

त्वयोक्तो वरदो राजन् यदि दत्तं वरद्वयम्॥७१॥

त्वय्येव तिष्ठतु चिरं न्यासभूतं ममानघ।

यदा मेऽवसरो भूयात्तदा देहि वरद्वयम्॥७२॥

तथेत्युक्त्वा स्वयं राजा मन्दिरं व्रज सुव्रते।

त्वत्तः श्रुतं मया पूर्वमिदानीं स्मृतिमागतम्॥७३॥

अतः शीघ्रं प्रविश्याद्य क्रोधागारं रुषान्विता।

विमुच्य सर्वाभरणं सर्वतो विनिकीर्य च॥७४॥

भूमावेव शयाना त्वं तूष्णीमातिष्ठ भामिनि।

यावत्सत्यं प्रतिज्ञाय राजाभीष्टं करोति ते॥७५॥

श्रुत्वा त्रिवक्रयोक्तं तत्तदा केकयनन्दिनी।

तथ्यमेवाखिलं मेने दुःसङ्गाहितविभ्रमा॥७६॥

तामाह कैकेयी दुष्टा कुतस्ते बुद्धिरीदृशी।

एवं त्वां बुद्धिसम्पन्नां न जाने वक्रसुन्दरि॥७७॥

भरतो यदि राजा मे भविष्यति सुतः प्रियः।

ग्रामान् शतं प्रदास्यामि मम त्वं प्राणवल्लभा॥७८॥

इत्युक्त्वा कोपभवनं प्रविश्य सहसा रुषा।

विमुच्य सर्वाभरणं परिकीर्य समन्ततः॥७९॥

भूमौ शयाना मलिना मलिनाम्बरधारिणी।

प्रोवाच शृणु मे कुब्जे यावद्रामो वनं व्रजेत्॥८०॥

प्राणान्स्त्यक्ष्येऽथ वा वक्रे शयिष्ये तावदेव हि।

निश्चयं कुरु कल्याणि कल्याणं ते भविष्यति॥८१॥

इत्युक्त्वा प्रययौ कुब्जा गृहं साऽपि तथाऽकरोत्॥८२॥

धीरोऽत्यन्तदयान्वितोऽपि सगुणाचारान्वितो वाथवा
नीतिज्ञो विधिवाददेशिकपरो विद्याविवेकोऽथवा।
दुष्टानामतिपापभावितधियां सङ्गं सदा चेद्भजेत्
तद्बुद्ध्या परिभावितो व्रजति तत्साम्यं क्रमेण॥८३॥

अतः सङ्गः परित्याज्यो दुष्टानां सर्वदैव हि।

दुःसङ्गी च्यवते स्वार्थाद्यथेयं राजकन्यका॥८४॥

॥इति श्रीमदध्यात्मरामायणे उमामहेश्वरसंवादे अयोध्याकाण्डे द्वितीयः सर्गः॥

द्वितीयः सर्गः

Mon, 01 Jan 0001 00:00:00 +0000

द्वितीयः सर्गः

पार्वत्युवाच

धन्यास्म्यनुगृहीतास्मि कृतार्थास्मि जगत्प्रभो।

विच्छिन्नो मेऽतिसन्देहग्रन्थिर्भवदनुग्रहात्॥१॥

त्वन्मुखाद्गलितं रामतत्त्वामृतरसायनम्।

पिबन्त्या मे मनो देव न तृप्यति भवापहम्॥२॥

श्रीरामस्य कथा त्वत्तः श्रुता सङ्क्षेपतो मया।

इदानीं श्रोतुमिच्छामि विस्तरेण स्फुटाक्षरम्॥३॥

श्री-महादेव उवाच

शृणु देवि प्रवक्ष्यामि गुह्याद्गुह्यतरं महत्।

अध्यात्मरामचरितं रामेणोक्तं पुरा मम॥४॥

तदद्य कथयिष्यामि शृणु तापत्रयापहम्।
यच्छ्रुत्वा मुच्यते जन्तुरज्ञानोत्थमहाभयात्।
प्राप्नोति परमामृद्धिम् दीर्घायुः पुत्रसन्ततिम्॥५॥

भूमिर्भारेण मग्ना दशवदनमुखाशेषरक्षोगणानां
धृत्वा गोरूपमादौ दिविजमुनिजनैः साकमब्जासनस्य।
गत्वा लोकं रुदन्ती व्यसनमुपगतं ब्रह्मणे प्राह सर्वं
ब्रह्मा ध्यात्वा मुहूर्तं सकलमपि हृदावेदशेषात्मकत्वात्॥६॥

तस्मात्क्षीरसमुद्रतीरमगमद् ब्रह्माथ देवैर्वृतो
देव्या चाखिललोकहृत्स्थमजरं सर्वज्ञमीशं हरिम्।
अस्तौषीच्छ्रुतिसिद्धनिर्मलपदैः स्तोत्रैः पुराणोद्भवैः
भक्त्या गद्गदया गिरातिविमलैरानन्दबाष्पैर्वृतः॥७॥

ततः स्फुरत्सहस्रांशुसहस्रसदृशप्रभः।

आविरासीद्धरिः प्राच्यां दिशां व्यपनयन्स्तमः॥८॥

कथञ्चिद्दृष्टवान् ब्रह्मा दुर्दर्शमकृतात्मनाम्।

इन्द्रनीलप्रतीकाशं स्मितास्यं पद्मलोचनम्॥९॥

किरीटहारकेयूरकुण्डलैः कटकादिभिः।

विभ्राजमानं श्रीवत्सकौस्तुभप्रभयान्वितम्॥१०॥

स्तुवद्भिः सनकाद्यैश्च पार्षदैः परिवेष्टितम्।

शङ्खचक्रगदापद्मवनमालाविराजितम्॥११॥

स्वर्णयज्ञोपवीतेन स्वर्णवर्णाम्बरेण च।

श्रिया भूम्या च सहितं गरुडोपरि संस्थितम्॥१२॥

हर्षगद्गदया वाचा स्तोतुं समुपचक्रमे॥१३॥

ब्रह्मोवाच

द्वितीयः सर्गः

Mon, 01 Jan 0001 00:00:00 +0000

द्वितीयः सर्गः

इत्थं स्वात्मपरिष्वङ्गनिर्धूताशेषकल्मषम्।

रामः सुग्रीवमालोक्य सस्मितं वाक्यमब्रवीत्॥१॥

मायां मोहकरीं तस्मिन् वितन्वन् कार्यसिद्धये।

सखे त्वदुक्तं यत्तन्मां सत्यमेव न संशयः॥२॥

किन्तु लोका वदिष्यन्ति मामेवं रघुनन्दनः।

कृतवान् किं कपीन्द्राय सख्यं कृत्वाऽग्निसाक्षिकम्॥३॥

इति लोकापवादो मे भविष्यति न संशयः।

तस्मादाह्वय भद्रं ते गत्वा युद्धाय वालिनम्॥४॥

बाणेनैकेन तं हत्वा राज्ये त्वामभिषेचये।

तथेति गत्वा सुग्रीवः किष्किन्धोपवनं द्रुतम्॥५॥

कृत्वा शब्दं महानादं तमाह्वयत वालिनम्।

तच्छ्रुत्वा भ्रातृनिनदं रोषताम्रविलोचनः॥६॥

निर्जगाम गृहाच्छीघ्रं सुग्रीवो यत्र वानरः।

तमापतन्तं सुग्रीवः शीघ्रं वक्षस्यताडयत्॥७॥

सुग्रीवमपि मुष्टिभ्यां जघान क्रोधमूर्छितः।

वाली तमपि सुग्रीव एवं क्रुद्धौ परस्परम्॥८॥

अयुद्ध्येतामेकरूपौ दृष्ट्वा रामोऽतिविस्मितः।

न मुमोच तदा बाणं सुग्रीववधशङ्कया॥९॥

ततो दुद्राव सुग्रीवो वमन् रक्तं भयाकुलः।

वाली स्वभवनं यातः सुग्रीवो राममब्रवीत्॥१०॥

किं मां घातयसे राम शत्रुणा भ्रातृरूपिणा।

यदि मद्धनने वाञ्छा त्वमेव जहि मां विभो॥११॥

एवं मे प्रत्ययं कृत्वा सत्यवादिन् रघूत्तम।

उपेक्षसे किमर्थं मां शरणागतवत्सल॥१२॥

श्रुत्वा सुग्रीववचनं रामः साश्रुविलोचनः।

आलिङ्ग्य मा स्म भैषीस्त्वं दृष्ट्वा वामेकरूपिणौ॥१३॥

मित्रघातित्वमाशङ्क्य मुक्तवान् सायकं न हि।

इदानीमेव ते चिह्नं करिष्ये भ्रमशान्तये॥१४॥

गत्वाऽऽह्वय पुनः शत्रुं हतं द्रक्ष्यसि वालिनम्।

रामोऽहं त्वां शपे भ्रातर्हनिष्यामि रिपुं क्षणात्॥१५॥

इत्याश्वास्य स सुग्रीवं रामो लक्ष्मणमब्रवीत्।

सुग्रीवस्य गले पुष्पमालामामुच्य पुष्पिताम्॥१६॥

प्रेषयस्व महाभाग सुग्रीवं वालिनं प्रति।

लक्ष्मणस्तु तदा बद्ध्वा गच्छ गच्छेति सादरम्॥१७॥

प्रेषयामास सुग्रीवं सोऽपि गत्वा तथाऽकरोत्।

पुनरप्यद्भुतं शब्दं कृत्वा वालिनमाह्वयत्॥१८॥

तच्छ्रुत्वा विस्मितो वाली क्रोधेन महताऽऽवृतः।

बद्ध्वा परिकरं सम्यग्गमनायोपचक्रमे॥१९॥

गच्छन्तं वालिनं तारा गृहीत्वा निषिषेध तम्।

न गन्तव्यं त्वयेदानीं शङ्का मेऽतीव जायते॥२०॥

इदानीमेव ते भग्नः पुनरायाति सत्वरः।

सहायो बलवांस्तस्य कश्चिन्नूनं समागतः॥२१॥

वाली तामाह हे सुभ्रु शङ्का ते व्येतु तद्गता।

प्रिये करं परित्यज्य गच्छ गच्छामि तं रिपुम्॥२२॥

हत्वा शीघ्रं समायास्ये सहायस्तस्य को भवेत्।

सहायो यदि सुग्रीवस्ततो हत्वोभयं क्षणात्॥२३॥

आयास्ये मा शुचः शूरः कथं तिष्ठेद् गृहे रिपुम्।

ज्ञात्वाऽप्याह्वयमानं हि हत्वाऽऽयास्यामि सुन्दरि॥२४॥

तारोवाच

द्वितीयः सर्गः

Mon, 01 Jan 0001 00:00:00 +0000

द्वितीयः सर्गः

श्री-महादेव उवाच

ततो जगाम हनुमान् लङ्कां परमशोभनाम्।

रात्रौ सूक्ष्मतनुर्भूत्वा बभ्राम परितः पुरीम्॥१॥

सीतान्वेषणकार्यार्थी प्रविवेश नृपालयम्।

तत्र सर्वप्रदेशेषु विविच्य हनुमान् कपिः॥२॥

नापश्यज्जानकीं स्मृत्वा ततो लङ्काभिभाषितम्।

जगाम हनुमान् शीघ्रमशोकवनिकां शुभाम्॥३॥

सुरपादपसम्बाधां रत्नसोपानवापिकाम्।

नानापक्षिमृगाकीर्णां स्वर्णप्रासादशोभिताम्॥४॥

फलैरानम्रशाखाग्रपादपैः परिवारिताम्।

विचिन्वन् जानकीं तत्र प्रतिवृक्षं मरुत्सुतः॥५॥

ददर्शाभ्रंलिहं तत्र चैत्यप्रासादमुत्तमम्।

दृष्ट्वा विस्मयमापन्नो मणिस्तम्भशतान्वितम्॥६॥

समतीत्य पुनर्गत्वा किञ्चिद् दूरं स मारुतिः।

ददर्श शिंशपावृक्षमत्यन्तनिबिडच्छदम्॥७॥

अदृष्टातपमाकीर्णं स्वर्णवर्णविहङ्गमम्।

तन्मूले राक्षसीमध्ये स्थितां जनकनन्दिनीम्॥८॥

ददर्श हनुमान् वीरो देवतामिव भूतले।

एकवेणीं कृशां दीनां मलिनाम्बरधारिणीम्॥९॥

भूमौ शयानां शोचन्तीं रामरामेति भाषिणीम्।

त्रातारं नाधिगच्छन्तीमुपवासकृशां शुभाम्॥१०॥

शाखान्तच्छदमध्यस्थो ददर्श कपिकुञ्जरः।

कृतार्थोऽहं कृतार्थोऽहं दृष्ट्वा जनकनन्दिनीम्॥११॥

मयैव साधितं कार्यं रामस्य परमात्मनः।

ततः किलकिलाशब्दो बभूवान्तःपुराद्बहिः॥१२॥

किमेतदिति सँल्लीनो वृक्षपत्रेषु मारुतिः।

आयान्तं रावणं तत्र स्त्रीजनैः परिवारितम्॥१३॥

दशास्यं विंशतिभुजं नीलाञ्जनचयोपमम्।

दृष्ट्वा विस्मयमापन्नः पत्रखण्डेष्वलीयत॥१४॥

रावणो राघवेणाशु मरणं मे कथं भवेत्।

सीतार्थमपि नाऽऽयाति रामः किं कारणं भवेत्॥१५॥

इत्येवं चिन्तयन्नित्यं राममेव सदा हृदि।

तस्मिन् दिनेऽपररात्रौ रावणो राक्षसाधिपः॥१६॥

स्वप्ने रामेण सन्दिष्टः कश्चिदागत्य वानरः।

कामरूपधरः सूक्ष्मो वृक्षग्रस्थोऽनुपश्यति॥१७॥

इति दृष्ट्वाऽद्भुतं स्वप्नं स्वात्मन्येवानुचिन्त्य सः।

स्वप्नः कदाचित्सत्यः स्यादेवं तत्र करोम्यहम्॥१८॥

जानकीं वाक्शरैर्विद्ध्वा दुःखितां नितरामहम्।

करोमि दृष्ट्वा रामाय निवेदयतु वानरः॥१९॥

इत्येवं चिन्तयन् सीतासमीपमगमद्द्रुतम्।

नूपुराणां किङ्किणीनां श्रुत्वा शिञ्जितमङ्गना॥२०॥

सीता भीता लीयमाना स्वात्मन्येव सुमध्यमा।

अधोमुख्यश्रुनयना स्थिता रामार्पितान्तरा॥२१॥

रावणोऽपि तदा सीतामालोक्याऽऽह सुमध्यमे।

मां दृष्ट्वा किं वृथा सुभ्रु स्वात्मन्येव विलीयसे॥२२॥

रामो वनचराणां हि मध्ये तिष्ठति सानुजः।

कदाचिद्दृश्यते कैश्चित्कदाचिन्नैव दृश्यते॥२३॥

मया तु बहुधा लोकाः प्रेषितास्तस्य दर्शने।

न पश्यन्ति प्रयत्नेन वीक्षमाणाः समन्ततः॥२४॥

किं करिष्यसि रामेण निःस्पृहेण सदा त्वयि।

त्वया सदाऽऽलिङ्गितोऽपि समीपस्थोऽपि सर्वदा॥२५॥

हृदयेऽस्य न च स्नेहस्त्वयि रामस्य जायते।

त्वत्कृतान् सर्वभोगांश्च त्वद्गुणानपि राघवः॥२६॥

भुञ्जानोऽपि न जानाति कृतघ्नो निर्गुणोऽधमः।

त्वमानीता मया साध्वी दुःखशोकसमाकुला॥२७॥

इदानीमपि नाऽऽयाति भक्तिहीनः कथं व्रजेत्।

निःसत्त्वो निर्ममो मानी मूढः पण्डितमानवान्॥२८॥

नराधमं त्वद्विमुखं किं करिष्यसि भामिनि।

त्वय्यतीव समासक्तं मां भजस्वासुरोत्तमम्॥२९॥

देवगन्धर्वनागानां यक्षकिन्नरयोषिताम्।

भविष्यसि नियोक्त्री त्वं यदि मां प्रतिपद्यसे॥३०॥

रावणस्य वचः श्रुत्वा सीताऽमर्षसमन्विता।

उवाचाधोमुखी भूत्वा निधाय तृणमन्तरे॥३१॥

राघवाद्बिभ्यता नूनं भिक्षुरूपं त्वया धृतम्।

रहिते राघवाभ्यां त्वं शुनीव हविरध्वरे॥३२॥

हृतवानसि मां नीच तत्फलं प्राप्स्यसेऽचिरात्।

यदा रामशराघातविदारितवपुर्भवान्॥३३॥

ज्ञास्यसेऽमानुषं रामं गमिष्यसि यमान्तिकम्।

समुद्रं शोषयित्वा वा शरैर्बद्ध्वाऽथ वारिधिम्॥३४॥

हन्तुं त्वां समरे रामो लक्ष्मणेन समन्वितः।

आगमिष्यत्यसन्देहो द्रक्ष्यसे राक्षसाधम॥३५॥

त्वां सपुत्रं सहबलं हत्वा नेष्यति मां पुरम्।

श्रुत्वा रक्षःपतिः क्रुद्धो जानक्याः परुषाक्षरम्॥३६॥

वाक्यं क्रोधसमाविष्टः खड्गमुद्यम्य सत्वरः।

हन्तुं जनकराजस्य तनयां ताम्रलोचनः॥३७॥

मन्दोदरी निवार्याह पतिं पतिहिते रता।

त्यजैनां मानुषीं दीनां दुःखितां कृपणां कृशाम्॥३८॥

देवगन्धर्वनागानां बह्व्यः सन्ति वराङ्गनाः।

त्वामेव वरयन्त्युच्चैर्मदमत्तविलोचनाः॥३९॥

ततोऽब्रवीद् दशग्रीवो राक्षसीर्विकृताननाः।
यथा मे वशगा सीता भविष्यति सकामना।
तथा यतध्वं त्वरितं तर्जनादरणादिभिः॥४०॥

द्विमासाभ्यन्तरे सीता यदि मे वशगा भवेत्।

तदा सर्वसुखोपेता राज्यं भोक्ष्यति सा मया॥४१॥

यदि मासद्वयादूर्ध्वं मच्छय्यां नाभिनन्दति।

तदा मे प्रातराशाय हत्वा कुरुत मानुषीम्॥४२॥

इत्युक्त्वा प्रययौ स्त्रीभी रावणोऽन्तःपुरालयम्।

राक्षस्यो जानकीमेत्य भीषयन्त्यः स्वतर्जनैः॥४३॥

तत्रैका जानकीमाह यौवनं ते वृथा गतम्।

रावणेन समासाद्य सफलं तु भविष्यति॥४४॥

अपरा चाह कोपेन किं विलम्बेन जानकि।

इदानीं छेद्यतामङ्गं विभज्य च पृथक् पृथक्॥४५॥

अन्या तु खड्गमुद्यम्य जानकीं हन्तुमुद्यता।

अन्या करालवदना विदार्यास्यमभीषयत्॥४६॥

एवं तां भीषयन्तीस्ता राक्षसीर्विकृताननाः।

निवार्य त्रिजटा वृद्धा राक्षसी वाक्यमब्रवीत्॥४७॥

शृणुध्वं दुष्टराक्षस्यो मद्वाक्यं वो हितं भवेत्॥४८॥

न भीषयध्वं रुदतीं नमस्कुरुत जानकीम्।

इदानीमेव मे स्वप्ने रामः कमललोचनः॥४९॥

आरुह्यैरावतं शुभ्रं लक्ष्मणेन समागतः।

दग्ध्वा लङ्कापुरीं सर्वां हत्वा रावणमाहवे॥५०॥

आरोप्य जानकीं स्वाङ्के स्थितो दृष्टोऽगमूर्धनि।

रावणो गोमयह्रदे तैलाभ्यक्तो दिगम्बरः॥५१॥

अगाहत्पुत्रपौत्रैश्च कृत्वा वदनमालिकाम्।

विभीषणस्तु रामस्य सन्निधौ हृष्टमानसः॥५२॥

सेवां करोति रामस्य पादयोर्भक्तिसंयुतः।

सर्वथा रावणं रामो हत्वा सकुलमञ्जसा॥५३॥

विभीषणायाधिपत्यं दत्त्वा सीतां शुभाननाम्।

अङ्के निधाय स्वपुरीं गमिष्यति न संशयः॥५४॥

त्रिजटाया वचः श्रुत्वा भीतास्ता राक्षसस्त्रियः।

तूष्णीमासंस्तत्र तत्र निद्रावशमुपागताः॥५५॥

तर्जिता राक्षसीभिः सा सीता भीतातिविह्वला।

त्रातारं नाधिगच्छन्ती दुःखेन परिमूर्च्छिता॥५६॥

अश्रुभिः पूर्णनयना चिन्तयन्तीदमब्रवीत्।
प्रभाते भक्षयिष्यन्ति राक्षस्यो मां न संशयः।
इदानीमेव मरणं केनोपायेन मे भवेत्॥५७॥

एवं सुदुःखेन परिप्लुता सा
विमुक्तकण्ठं रुदती चिराय।
आलम्ब्य शाखां कृतनिश्चया मृतौ
न जानती कश्चिदुपायमङ्गना॥५८॥

॥इति श्रीमदध्यात्मरामायणे उमामहेश्वरसंवादे सुन्दरकाण्डे द्वितीयः सर्गः॥

द्वितीयः सर्गः

Mon, 01 Jan 0001 00:00:00 +0000

द्वितीयः सर्गः

श्री-महादेव उवाच

श्रीरामवचनं श्रुत्वा परमानन्दनिर्भरः।

मुनिः प्रोवाच सदसि सर्वेषां तत्र शृण्वताम्॥१॥

अथ वित्तेश्वरो देवस्तत्र कालेन केनचित्।

आययौ पुष्पकारूढः पितरं द्रष्टुमञ्जसा॥२॥

दृष्ट्वा तं कैकसी तत्र भ्राजमानं महौजसम्।

राक्षसी पुत्रसामीप्यं गत्वा रावणमब्रवीत्॥३॥

पुत्र पश्य धनाध्यक्षं ज्वलन्तं स्वेन तेजसा।

त्वमप्येवं यथा भूयास्तथा यत्नं कुरु प्रभो॥४॥

तच्छ्रुत्वा रावणो रोषात् प्रतिज्ञामकरोद्द्रुतम्।

धनदेन समो वाऽपि ह्यधिको वाऽचिरेण तु॥५॥

भविष्याम्यम्ब मां पश्य सन्तापं त्यज सुव्रते।

इत्युक्त्वा दुष्करं कर्तुं तपः स दशकन्धरः॥६॥

अगमत्फलसिद्ध्यर्थं गोकर्णं तु सहानुजः।

स्वं स्वं नियममास्थाय भ्रातरस्ते तपो महत्॥७॥

आस्थिता दुष्करं घोरं सर्वलोकैकतापनम्।

दशवर्षसहस्राणि कुम्भकर्णोऽकरोत्तपः॥८॥

विभीषणोऽपि धर्मात्मा सत्यधर्मपरायणः।

पञ्चवर्षसहस्राणि पादेनैकेन तस्थिवान्॥९॥

दिव्यवर्षसहस्रं तु निराहारो दशाननः।
पूर्णे वर्षसहस्रे तु शीर्षमग्नौ जुहाव सः।
एवं वर्षसहस्राणि नव तस्यातिचक्रमुः॥१०॥

अथ वर्षसहस्रं तु दशमे दशमं शिरः।
छेत्तुकामस्य धर्मात्मा प्राप्तश्चाथ प्रजापतिः।
वत्स वत्स दशग्रीव प्रीतोऽस्मीत्यभ्यभाषत॥११॥

वरं वरय दास्यामि यत्ते मनसि काङ्क्षितम्।

दशग्रीवोऽपि तच्छ्रुत्वा प्रहृष्टेनान्तरात्मना॥१२॥

अमरत्वं वृणोमीश वरदो यदि मे भवान्।
सुपर्णनागयक्षाणां देवतानां तथाऽसुरैः।
अवध्यत्वं तु मे देहि तृणभूता हि मानुषाः॥१३॥

तथाऽस्त्विति प्रजाध्यक्षः पुनराह दशाननम्।

अग्नौ हुतानि शीर्षाणि यानि तेऽसुरपुङ्गव॥१४॥

भविष्यन्ति यथापूर्वमक्षयाणि च सत्तम॥१५॥

एवमुक्त्वा ततो राम दशग्रीवं प्रजापतिः।

विभीषणमुवाचेदं प्रणतं भक्तवत्सलः॥१६॥

विभीषण त्वया वत्स कृतं धर्मार्थमुत्तमम्।

तपस्ततो वरं वत्स वृणीष्वाभिमतं हितम्॥१७॥

विभीषणोऽपि तं नत्वा प्राञ्जलिर्वाक्यमब्रवीत्।
देव मे सर्वदा बुद्धिर्धर्मे तिष्ठतु शाश्वती।
मा रोचयत्वधर्मं मे बुद्धिः सर्वत्र सर्वदा॥१८॥

ततः प्रजापतिः प्रीतो विभीषणमथाब्रवीत्।

वत्स त्वं धर्मशीलोऽसि तथैव च भविष्यसि॥१९॥

अयाचितोऽपि ते दास्ये ह्यमरत्वं विभीषण।

कुम्भकर्णमथोवाच वरं वरय सुव्रत॥२०॥

वाण्या व्याप्तोऽथ तं प्राह कुम्भकर्णः पितामहम्।

स्वप्स्यामि देव षण्मासान् दिनमेकं तु भोजनम्॥२१॥

एवमस्त्विति तं प्राह ब्रह्मा दृष्ट्वा दिवौकसः।

सरस्वती च तद्वक्त्रान्निर्गता प्रययौ दिवम्॥२२॥

कुम्भकर्णस्तु दुष्टात्मा चिन्तयामास दुःखितः।

अनभिप्रेतमेवास्यात्किं निर्गतमहो विधिः॥२३॥

सुमाली वरलब्धांस्तान् ज्ञात्वा पौत्रान् निशाचरान्।

पातालान्निर्भयः प्रायात् प्रहस्तादिभिरन्वितः॥२४॥

दशग्रीवं परिष्वज्य वचनं चेदमब्रवीत्।

दिष्ट्या ते पुत्र संवृत्तो वाञ्छितो मे मनोरथः॥२५॥

यद्भयाच्च वयं लङ्कां त्यक्त्वा याता रसातलम्।

तद्गतं नो महाबाहो महद्विष्णुकृतं भयम्॥२६॥

अस्माभिः पूर्वमुषिता लङ्केयं धनदेन ते।

भ्रात्राक्रान्तामिदानीं त्वं प्रत्यानेतुमिहार्हसि॥२७॥

साम्ना वाऽथ बलेनापि राज्ञां बन्धुः कुतः सुहृत्।

इत्युक्तो रावणः प्राह नार्हस्येवं प्रभाषितुम्॥२८॥

वित्तेशो गुरुरस्माकमेवं श्रुत्वा तमब्रवीत्।

प्रहस्तः प्रश्रितं वाक्यं रावणं दशकन्धरम्॥२९॥

शृणु रावण यत्नेन नैवं त्वं वक्तुमर्हसि।

नाधीता राजधर्मास्ते नीतिशास्त्रं तथैव च॥३०॥

शूराणां न हि सौभ्रात्रं शृणु मे वदतः प्रभो।

कश्यपस्य सुता देवा राक्षसाश्च महाबलाः॥३१॥

परस्परमयुध्यन्त त्यक्त्वा सौहृदमायुधैः।

नैवेदानीन्तनं राजन् वैरं देवैरनुष्ठितम्॥३२॥

प्रहस्तस्य वचः श्रुत्वा दशग्रीवो दुरात्मनः।

तथेति क्रोधताम्राक्षस्त्रिकूटाचलमन्वगात्॥३३॥

दूतं प्रहस्तं सम्प्रेष्य निष्कास्य धनदेश्वरम्।

लङ्कामाक्रम्य सचिवै राक्षसैः सुखमास्थितः॥३४॥

धनदः पितृवाक्येन त्यक्त्वा लङ्कां महायशाः।

गत्वा कैलासशिखरं तपसाऽतोषयच्छिवम्॥३५॥

तेन सख्यमनुप्राप्य तेनैव परिपालितः।

अलकां नगरीं तत्र निर्ममे विश्वकर्मणा॥३६॥

दिक्पालत्वं चकारात्र शिवेन परिपालितः।

रावणो राक्षसैः सार्धमभिषिक्तः सहानुजैः॥३७॥

राज्यं चकारासुराणां त्रिलोकीं बाधयन् खलः।

भगिनीं कालखञ्जाय ददौ विकटरूपिणीम्॥३८॥

विद्युज्जिह्वाय नाम्नासौ महामायी निशाचरः।

ततो मयो विश्वकर्मा राक्षसानां दितेः सुतः॥३९॥

सुतां मन्दोदरीं नाम्ना ददौ लोकैकसुन्दरीम्।

रावणाय पुनः शक्तिममोघां प्रीतमानसः॥४०॥

वैरोचनस्य दौहित्रीं वृत्रज्वालेति विश्रुताम्।

स्वयं दत्तामुदवहत्कुम्भकर्णाय रावणः॥४१॥

गन्धर्वराजस्य सुतां शैलूषस्य महात्मनः।

विभीषणस्य भार्यार्थे धर्मज्ञां समुदावहत्॥४२॥

सरमां नाम सुभगां सर्वलक्षणसंयुताम्।

ततो मन्दोदरी पुत्रं मेघनादमजीजनत्॥४३॥

जातमात्रस्तु यो नादं मेघवत्प्रमुमोच ह।

ततः सर्वेऽब्रुवन्मेघनादोऽयमिति चासकृत्॥४४॥

कुम्भकर्णस्ततः प्राह निद्रा मां बाधते प्रभो।

ततश्च कारयामास गुहां दीर्घां सुविस्तराम्॥४५॥

तत्र सुष्वाप मूढात्मा कुम्भकर्णो विघूर्णितः।

निद्रिते कुम्भकर्णे तु रावणो लोकरावणः॥४६॥

ब्राह्मणान् ऋषिमुख्यांश्च देवदानवकिन्नरान्।

देवश्रियो मनुष्यांश्च निजघ्ने समहोरगान्॥४७॥

धनदोऽपि ततः श्रुत्वा रावणस्याक्रमं प्रभुः।

अधर्मं मा कुरुष्वेति दूतवाक्यैर्न्यवारयत्॥४८॥

ततः क्रुद्धो दशग्रीवो जगाम धनदालयम्।

विनिर्जित्य धनाध्यक्षं जहारोत्तमपुष्पकम्॥४९॥

ततो यमं च वरुणं निर्जित्य समरेऽसुरः।

स्वर्गलोकमगात्तूर्णं देवराजजिघांसया॥५०॥

ततोऽभवन्महद्युद्धमिन्द्रेण सह दैवतैः।

ततो रावणमभ्येत्य बबन्ध त्रिदशेश्वरः॥५१॥

तच्छ्रुत्वा सहसाऽऽगत्य मेघनादः प्रतापवन्।

कृत्वा घोरं महद्युद्धं जित्वा त्रिदशपुङ्गवान्॥५२॥

इन्द्रं गृहीत्वा बध्वाऽसौ मेघनादो महाबलः।

मोचयित्वा तु पितरं गृहीत्वेन्द्रं ययौ पुरम्॥५३॥

ब्रह्मा तु मोचयामास देवेन्द्रं मेघनादतः।

दत्त्वा वरान् बहूंस्तस्मै ब्रह्मा स्वभवनं ययौ॥५४॥

रावणो विजयी लोकान् सर्वान् जित्वा क्रमेण तु।

कैलासं तोलयामास बाहुभिः परिघोपमैः॥५५॥

तत्र नन्दीश्वरेणैवं शप्तोऽयं राक्षसेश्वरः।

वानरैर्मानुषैश्चैव नाशं गच्छेति कोपिना॥५६॥

शप्तोऽप्यगणयन् वाक्यं ययौ हैहयपत्तनम्।

तेन बद्धो दशग्रीवः पुलस्त्येन विमोचितः॥५७॥

ततोऽतिबलमासाद्य जिघांसुर्हरिपुङ्गवम्।

धृतस्तेनैव कक्षेण वालिना दशकन्धरः॥५८॥

भ्रामयित्वा तु चतुरः समुद्रान् रावणं हरिः।

विसर्जयामास ततस्तेन सख्यं चकार सः॥५९॥

रावणः परमप्रीत एवं लोकान् महाबलः।

चकार स्ववशे राम बुभुजे स्वयमेव तान्॥६०॥

एवं प्रभावो राजेन्द्र दशग्रीवः सहेन्द्रजित्।

त्वया विनिहतः सङ्ख्ये रावणो लोकरावणः॥६१॥

मेघनादश्च निहतो लक्ष्मणेन महात्मना।

कुम्भकर्णश्च निहतस्त्वया पर्वतसन्निभः॥६२॥

भवान्नारायणः साक्षाज्जगतामादिकृद्विभुः।

त्वत्स्वरूपमिदं सर्वं जगत्स्थावरजङ्गमम्॥६३॥

त्वन्नाभिकमलोत्पन्नो ब्रह्मा लोकपितामहः।

अग्निस्ते मुखतो जातो वाचा सह रघूत्तम॥६४॥

बाहुभ्यां लोकपालौघाश्चक्षुर्भ्यां चन्द्रभास्करौ।

दिशश्च विदिशश्चैव कर्णाभ्यां ते समुत्थिताः॥६५॥

घ्राणात्प्राणः समुत्पन्नश्चाश्विनौ देवसत्तमौ।

जङ्घाजानूरुजघनाद्भुवर्लोकादयोऽभवन्॥६६॥

कुक्षिदेशात्समुत्पन्नाश्चत्वारः सागरा हरे।

स्तनाभ्यामिन्द्रवरुणौ वालखिल्याश्च रेतसः॥६७॥

मेढ्राद्यमो गुदान्मृत्युर्मन्यो रुद्रस्त्रिलोचनः।

अस्थिभ्यः पर्वता जाताः केशेभ्यो मेघसंहतिः॥६८॥

ओषध्यस्तव रोमेभ्यो नखेभ्यश्च खरादयः।

त्वं विश्वरूपः पुरुषो मायाशक्तिसमन्वितः॥६९॥

नानारूप इवाऽऽभासि गुणव्यतिकरे सति।

त्वामाश्रित्यैव विबुधाः पिबन्त्यमृतमध्वरे॥७०॥

त्वया सृष्टमिदं सर्वं विश्वं स्थावरजङ्गमम्।

त्वामाश्रित्यैव जीवन्ति सर्वे स्थावरजङ्गमाः॥७१॥

त्वद्युक्तमखिलं वस्तु व्यवहारेऽपि राघव।

क्षीरमध्यगतं सर्पिर्यथा व्याप्याखिलं पयः॥७२॥

त्वद्भासा भासतेऽर्कादि न त्वं तेनावभाससे।

सर्वगं नित्यमेकं त्वां ज्ञानचक्षुर्विलोकयेत्॥७३॥

नाज्ञानचक्षुस्त्वां पश्येदन्धदृग् भास्करं यथा।

योगिनस्त्वां विचिन्वन्ति स्वदेहे परमेश्वरम्॥७४॥

अतन्निरसनमुखैर्वेदशीर्षैरहर्निशम्।

त्वत्पादभक्तिलेशेन गृहीता यदि योगिनः॥७५॥

विचिन्वन्तो हि पश्यन्ति चिन्मात्रं त्वां न चान्यथा।
मया प्रलपितं किञ्चित्सर्वज्ञस्य तवाग्रतः।
क्षन्तुमर्हसि देवेश तवानुग्रहभागहम्॥७६॥

दिग्देशकालपरिहीनमनन्यमेकं
चिन्मात्रमक्षरमजं चलनादिहीनम्।
सर्वज्ञमीश्वरमनन्तगुणं व्युदस्त-
मायं भजे रघुपतिं भजतामभिन्नम्॥७७॥

॥इति श्रीमदध्यात्मरामायणे उमामहेश्वरसंवादे उत्तरकाण्डे द्वितीयः सर्गः॥

द्वितीयः सर्गः

Mon, 01 Jan 0001 00:00:00 +0000

द्वितीयः सर्गः

श्री-महादेव उवाच

लङ्कायां रावणो दृष्ट्वा कृतं कर्म हनूमता।

दुष्करं दैवतैर्वाऽपि ह्रिया किञ्चिदवाङ्मुखः॥१॥

आहूय मन्त्रिणः सर्वानिदं वचनमब्रवीत्।

हनूमता कृतं कर्म भवद्भिर्दृष्टमेव तत्॥२॥

प्रविश्य लङ्कां दुर्धर्षां दृष्ट्वा सीतां दुरासदाम्।

हत्वा च राक्षसान् वीरानक्षं मन्दोदरीसुतम्॥३॥

दग्ध्वा लङ्कामशेषेण लङ्घयित्वा च सागरम्।

युष्मान् सर्वानतिक्रम्य स्वस्थोऽगात्पुनरेव सः॥४॥

किं कर्तव्यमितोऽस्माभिर्यूयं मन्त्रविशारदाः।

मन्त्रयध्वं प्रयत्नेन यत्कृतं मे हितं भवेत्॥५॥

रावणस्य वचः श्रुत्वा राक्षसास्तमथाब्रुवन्।

देव शङ्का कुतो रामात् तव लोकजितो रणे॥६॥

इन्द्रस्तु बद्ध्वा निक्षिप्तः पुत्रेण तव पत्तने।

जित्वा कुबेरमानीय पुष्पकं भुज्यते त्वया॥७॥

यमो जितः कालदण्डाद्भयं नाभूत् तव प्रभो।

वरुणो हुङ्कृतेनैव जितः सर्वेऽपि राक्षसाः॥८॥

मयो महासुरो भीत्या कन्यां दत्त्वा स्वयं तव।

त्वद्वशे वर्ततेऽद्यापि किमुतान्ये महासुराः॥९॥

हनूमद्धर्षणं यत्तु तदवज्ञाकृतं च नः।

वानरोऽयं किमस्माकमस्मिन् पौरुषदर्शने॥१०॥

इत्युपेक्षितमस्माभिर्धर्षणं तेन किं भवेत्।

वयं प्रमत्ताः किं तेन वञ्चिताः स्मो हनूमता॥११॥

जानीमो यदि तं सर्वे कथं जीवन् गमिष्यति।

आज्ञापय जगत्कृत्स्नमवानरममानुषम्॥१२॥

कृत्वाऽऽयास्यामहे सर्वे प्रत्येकं वा नियोजय।

कुम्भकर्णस्तदा प्राह रावणं राक्षसेश्वरम्॥१३॥

आरब्धं यत् त्वया कर्म स्वात्मनाशाय केवलम्।

न दृष्टोऽसि तदा भाग्यात्त्वं रामेण महात्मना॥१४॥

यदि पश्यति रामस्त्वां जीवन्नायासि रावण।

रामो न मानुषो देवः साक्षान्नारायणोऽव्ययः॥१५॥

सीता भगवती लक्ष्मी रामपत्नी यशस्विनी।

राक्षसानां विनाशाय त्वयाऽऽनीता सुमध्यमा॥१६॥

विषपिण्डमिवागीर्य महामीनो यथा तथा।

आनीता जानकी पश्चात् त्वया किं वा भविष्यति॥१७॥

यद्यप्यनुचितं कर्म त्वया कृतमजानता।

सर्वं समं करिष्यामि स्वस्थचित्तो भव प्रभो॥१८॥

कुम्भकर्णवचः श्रुत्वा वाक्यमिन्द्रजिदब्रवीत्।
देहि देव ममानुज्ञां हत्वा रामं सलक्ष्मणम्।
सुग्रीवं वानरांश्चैव पुनर्यास्यामि तेऽन्तिकम्॥१९॥

तत्राऽऽगतो भागवतप्रधानो
विभीषणो बुद्धिमतां वरिष्ठः।
श्रीरामपादद्वय एकतानः
प्रणम्य देवारिमुपोपविष्टः॥२०॥

विलोक्य कुम्भश्रवणादिदैत्यान्
मत्तप्रमत्तानतिविस्मयेन।
विलोक्य कामातुरमप्रमत्तो
दशाननं प्राह विशुद्धबुद्धिः॥२१॥

न कुम्भकर्णेन्द्रजितौ च राजन्
तथा महापार्श्वमहोदरौ तौ।
निकुम्भकुम्भौ च तथाऽतिकायः
स्थातुं न शक्ता युधि राघवस्य॥२२॥

सीताभिधानेन महाग्रहेण
ग्रस्तोऽसि राजन् न च ते विमोक्षः।
तामेव सत्कृत्य महाधनेन
दत्त्वाऽभिरामाय सुखी भव त्वम्॥२३॥

यावन्न रामस्य शिताः शिलीमुखा
लङ्कामभिव्याप्य शिरांसि रक्षसाम्।
छिन्दन्ति तावद् रघुनायकस्य भो-
स्तां जानकीं त्वं प्रतिदातुमर्हसि॥२४॥

यावन्नगाभाः कपयो महाबला
हरीन्द्रतुल्या नखदंष्ट्रयोधिनः।
लङ्कां समाक्रम्य विनाशयन्ति ते
तावद्द्रुतं देहि रघूत्तमाय ताम्॥२५॥

जीवन्न रामेण विमोक्ष्यसे त्वं
गुप्तः सुरेन्द्रैरपि शङ्करेण।
न देवराजाङ्कगतो न मृत्योः
पाताललोकानपि सम्प्रविष्टः॥२६॥

शुभं हितं पवित्रं च विभीषणवचः खलः।

प्रतिजग्राह नैवासौ म्रियमाण इवौषधम्॥२७॥

कालेन नोदितो दैत्यो विभीषणमथाब्रवीत्।

मद्दत्तभोगैः पुष्टाङ्गो मत्समीपे वसन्नपि॥२८॥

प्रतीपमाचरत्येष ममैव हितकारिणः।

मित्रभावेन शत्रुर्मे जातो नास्त्यत्र संशयः॥२९॥

अनार्येण कृतघ्नेन सङ्गतिर्मे न युज्यते।

विनाशमभिकाङ्क्षन्ति ज्ञातीनां ज्ञातयः सदा॥३०॥

योऽन्यस्त्वेवंविधं ब्रूयाद् वाक्यमेकं निशाचरः।

हन्मि तस्मिन् क्षणे एव धिक् त्वां रक्षःकुलाधमम्॥३१॥

रावणेनैवमुक्तः सन् परुषं स विभीषणः।

उत्पपात सभामध्याद्गदापाणिर्महाबलः॥३२॥

चतुर्भिर्मन्त्रिभिः सार्धं गगनस्थोऽब्रवीद् वचः।
क्रोधेन महताऽऽविष्टो रावणं दशकन्धरम्।
मा विनाशमुपैहि त्वं प्रियवादिनमेव माम्॥३३॥

धिक्करोषि तथाऽपि त्वं ज्येष्ठो भ्राता पितुः समः।

कालो राघवरूपेण जातो दशरथालये॥३४॥

काली सीताभिधानेन जाता जनकनन्दिनी।

तावुभावागतावत्र भूर्मेभारापनुत्तये॥३५॥

तेनैव प्रेरितस्त्वं तु न शृणोषि हितं मम।

श्रीरामः प्रकृतेः साक्षात्परस्तात्सर्वदा स्थितः॥३६॥

बहिरन्तश्च भूतानां समः सर्वत्र संस्थितः।

नामरूपादिभेदेन तत्तन्मय इवामलः॥३७॥

यथा नानाप्रकारेषु वृक्षेष्वेको महानलः।

तत्तदाकृतिभेदेन भिद्यतेऽज्ञानचक्षुषाम्॥३८॥

पञ्चकोशादिभेदेन तत्तन्मय इवाबभौ।

नीलपीतादियोगेन निर्मलः स्फटिको यथा॥३९॥

स एव नित्यमुक्तोऽपि स्वमायागुणबिम्बितः।

कालः प्रधानं पुरुषोऽव्यक्तं चेति चतुर्विधः॥४०॥

प्रधानपुरुषाभ्यां स जगत्कृत्स्नं सृजत्यजः।

कालरूपेण कलनां जगतः कुरुतेऽव्ययः॥४१॥

कालरूपी स भगवान् रामरूपेण मायया

द्वितीयोऽध्यायः

Mon, 01 Jan 0001 00:00:00 +0000

द्वितीयोऽध्यायः

ईश्वर उवाच

साधु साधु महाभाग विनीतोऽसि विरिञ्चिज।

श्रोता गुणयुतो यस्माच्छ्रद्धालुर्भक्तिभूषितः॥१॥

श्रावणे मासि विनयाद्यत्पृष्टं भवतानघ।

अपृष्टमपि ते वक्ष्ये प्रेम्णा परमया मुदा॥२॥

प्रियो भवति चाद्वेष्टा नम्रस्त्वं च तथाविधः।

पञ्चमो मस्तकश्छिन्नः प्रोद्धतस्य पितुस्तव॥३॥

त्वं च तं मत्सरं त्यक्त्वा मां यतः शरणं गतः।

अतो वक्ष्यामि ते तात भूत्वा चैकमनाः शृणु॥४॥

कुर्यान्नक्तव्रतं योगिन् श्रावणे नियतो नरः।

रुद्राभिषेकं कुर्वीत मासमात्रं दिने दिने॥५॥

स्वप्रीतिविषयस्थापि कस्यचित्त्यागमाचरेत्।

पुष्पैः फलैश्च धान्यैश्च तुलसीमञ्जरीदलैः॥६॥

बिल्वपत्रैर्लक्षपूजां शङ्करस्य समाचरेत्।

कोटिलिङ्गादि कर्तव्यं ब्राह्मणांश्चैव भोजयेत्॥७॥

धारणापारणे कुर्यादुपोषणमथापि च।

पञ्चामृताभिषेकं च मम प्रीतिकरं परम्॥८॥

अस्मिन्मासे कृतं यद्यत्तदानन्त्याय कल्पते।

भूमिशायी ब्रह्मचारी सत्यवाक्यो भवेन्मुने॥९॥

न नयेन्मासमेनं तु व्रतवन्ध्यं कदाचन।

अनोदनं समश्नीयाद्धविष्यान्नमथापि वा॥१०॥

पत्रे चैव समश्नीयाच्छाकमात्रं त्यजेद् व्रती।

किञ्चिद्व्रती सर्वथा स्याद्भक्तिमान्मुनिसत्तम॥११॥

सदाचारो भूमिशायी प्रातः स्नायी जितेन्द्रियः।

मत्पूजां प्रत्यहं कुर्यादेकाग्रकृतमानसः॥१२॥

पुरश्चरणमप्यत्र मन्त्राणां सिद्धिदं परम्।

शिवषड्वर्णमन्त्रस्य गायत्र्याश्च जपं चरेत्॥१३॥

प्रदक्षिणा नमस्कारान् वेदपारायणं तथा।

जपः पुरुषसूक्तस्य अधिकं फलदो भवेत्॥१४॥

ग्रहयज्ञः कोटिहोमो लक्षहोमोऽयुतस्तथा।

कृतः फलति सद्योऽत्र वाञ्छितार्थफलप्रदः॥१५॥

अस्मिन्मासे चैकदिनं यो वन्ध्यं व्रततो नयेत्।

स याति नरकं घोरं यावदाभूतसम्प्लवम्॥१६॥

यथायं मे प्रियो मासस्तथा किञ्चिन्न मे प्रियम्।

कामिनः फलदश्चायं निष्कामस्य तु मोक्षदः॥१७॥

तत्र व्रतानि ये धर्मास्तान्मत्तः शृणु सत्तम।

रवौ रविव्रतं सोमे मत्पूजा नक्तभोजनम्॥१८॥

प्रथमं सोममारभ्य व्रतं स्याद्रोटकाभिधम्।

सार्धमासत्रयं तत्स्यात्सर्वकामार्थसिद्धिदम्॥१९॥

भौमे मङ्गलगौर्याश्च तदह्नोर्बुधजीवयोः।

शुक्रे जीवन्तिकायाश्च आञ्जनेयनृसिंहयोः॥२०॥

शनौ व्रतं समादिष्टं तिथिष्वथ मुने शृणु।

नभः शुक्लद्वितीयायां व्रतमौदुम्बराभिधम्॥२१॥

गौरीवतं तृतीयायां श्रावणे शुक्लपक्षके।

तथा शुक्लचतुर्थ्यां तु दूर्वागणपतिव्रतम्॥२२॥

विनायकीति तस्याश्च संज्ञा स्यादपरा मुने।

नागानां पूजने शस्ता पञ्चमी शुक्लपक्षके॥२३॥

इमां रौरवकल्यादि जानीहि मुनिसत्तम।

सूपौदनव्रतं षष्ठ्यां सप्तम्यां शीतलाव्रतम्॥२४॥

पवित्रारोपणं देव्या वसौ भूते यथा भवेत्।

शुक्लकृष्णनवम्योस्तु नक्तव्रतविधिः स्मृतः॥२५॥

दशम्यां शुक्लपक्षे तु आशासंज्ञं व्रतं भवेत्।

पक्षद्वये विशेषोऽस्मिन्नेकादश्योस्तु कश्चन॥२६॥

पवित्रारोपणं शुक्लद्वादश्यां तु हरेः स्मृतम्।

द्वादश्यां श्रीधरं पूज्य परां गतिमवाप्नुयात्॥२७॥

उत्सर्जनमुपाकर्म सभादीपस्तथैव च।

उपाकर्म सभायां तु रक्षाबन्धस्ततः परम्॥२८॥

श्रवणाकर्म तत्रैव तथा सर्पबलिः तथा सर्पबलिः स्मृतः।

हयग्रीवस्यावतारः पूर्णिमायां तु सप्तकम्॥२९॥

नभःकृष्णे तु सङ्कष्टचतुर्थीव्रतमुच्यते।

ज्ञेया मानवकल्पादिः श्रावणे कृष्णपञ्चमी॥३०॥

पूर्णावतारः कृष्णस्य कृष्णाष्टम्यां द्विजोत्तम।

अवतारः समभवद् व्रतं तत्र महोत्सवम्॥३१॥

इयं मन्वादिरपि च ज्ञातव्या मुनिपुङ्गव।

अमायां श्रावणे मासि पिठोराव्रतमुच्यते॥३२॥

कुशानां ग्रहणं चैव वृषभाणां च पूजनम्।

शुक्लाद्यतिथिमारभ्य तत्तत्तिथिषु देवताः॥३३॥

वह्निर्देवः प्रतिपदि द्वितीया ब्रह्मदेवता।

तृतीयायास्तथा गौरी चतुर्थ्यां गणनायकः॥३४॥

सर्पाधिपा पञ्चमी स्यात्षष्ठी स्यात्स्कन्ददेवता।

सप्तम्यां भास्करो देवः शिवदेवाष्टमी तिथिः॥३५॥

दुर्गाधिपा तु नवमी दशम्यन्तकदेवता।

एकादश्यधिपाश्चैव विश्वेदेवाः प्रकीर्तिताः॥३६॥

द्वादश्याश्च तु हरिः कामस्त्रयोदश्यधिपो मतः।

चतुर्दश्यां शिवश्चैव पौर्णमास्याः शशी पतिः॥३७॥

अमायाः पितरो देवा एते तिथ्यधिपाः स्मृताः।

स देवस्तत्र पूज्यः स्याद्यस्य देवस्य या तिथिः॥३८॥

अगस्त्यस्योदयो मासे प्रायेणात्रैव जायते।

कथयामि च तं कालं शृणुष्वैकमना मुने॥३९॥

सिंहसङ्क्रान्तिदिवसाद्यदा द्वादश यान्ति च।

चत्वारिंशच्च घटिकास्तदागस्योदयो भवेत्॥४०॥

सप्ताहानि ततः पूर्वमगस्त्यार्घ्यं समाचरेत्।

द्वादशेष्वपि मासेषु आदित्यो भिन्नसंज्ञया॥४१॥

तपते श्रावणे तत्र गभस्तिरितिसंज्ञितः।

तत्पूजनं च कर्तव्यं मासेऽस्मिन्भक्तितत्परैः॥४२॥

चतुर्षु यानि मासेषु वर्ज्यानि शृणु सत्तम।

श्रावणे च त्यजेच्छाकं दधि भाद्रपदे तथा॥४३॥

दुग्धमाश्वयुजे मासि कार्तिके द्विदलं त्यजेत्।

इत्यादीनि समस्तानि तानि कर्तुमशक्नुवन्॥४४॥

एकस्मिन् श्रावणे मासि कुर्वंस्तत्फलभाग्भवेत्।

उद्देशोऽयं मया प्रोक्तः सङ्क्षेपात्तव मानद॥४५॥

अत्रत्यानां व्रतानां तु धर्माणां मुनिसत्तम।

केनापि विस्तरो वक्तुं नालं वर्षशतैरपि॥४६॥

मम प्रीत्यै हरेर्वापि कुर्याद् व्रतमशेषतः।

आवयोर्नहि भेदोऽस्ति परमार्थविचारतः॥४७॥

कल्पयन्त्यत्र ये भेदं ते वै निरयगामिनः।

सनत्कुमार तस्मात्त्वं श्रावणे धर्ममाचर॥४८॥

॥इति श्रीस्कन्दपुराणे ईश्वरसनत्कुमारसंवादे श्रावणमासमाहात्म्ये श्रावणव्रतोद्देशकथनं नाम द्वितीयोऽध्यायः॥२॥

द्वितीयोऽध्यायः---साङ्ख्ययोगः

Mon, 01 Jan 0001 00:00:00 +0000

द्वितीयोऽध्यायः---साङ्ख्ययोगः

सञ्जय उवाच

तं तथा कृपयाऽऽविष्टम् अश्रुपूर्णाकुलेक्षणम्।

विषीदन्तमिदं वाक्यमुवाच मधुसूदनः॥१॥

श्रीभगवानुवाच

कुतस्त्वा कश्मलमिदं विषमे समुपस्थितम्।

अनार्यजुष्टमस्वर्ग्यमकीर्तिकरमर्जुन॥२॥

क्लैब्यं मा स्म गमः पार्थ नैतत् त्वय्युपपद्यते।

क्षुद्रं हृदयदौर्बल्यं त्यक्त्वोत्तिष्ठ परन्तप॥३॥

अर्जुन उवाच

कथं भीष्ममहं सङ्ख्ये द्रोणं च मधुसूदन।

इषुभिः प्रतियोत्स्यामि पूजार्हावरिसूदन॥४॥

गुरूनहत्वा हि महानुभावान्
श्रेयो भोक्तुं भैक्ष्यमपीह लोके।
हत्वाऽर्थकामांस्तु गुरूनिहैव
भुञ्जीय भोगान् रुधिरप्रदिग्धान्॥५॥

न चैतद् विद्मः कतरन्नो गरीयो
यद् वा जयेम यदि वा नो जयेयुः।
यानेव हत्वा न जिजीविषामः
तेऽवस्थिताः प्रमुखे धार्तराष्ट्राः॥६॥

कार्पण्यदोषोपहतस्वभावः
पृच्छामि त्वां धर्मसम्मूढचेताः।
यच्छ्रेयः स्यान्निश्चितं ब्रूहि तन्मे
शिष्यस्तेऽहं शाधि मां त्वां प्रपन्नम्॥७॥

न हि प्रपश्यामि ममापनुद्याद्
यच्छोकमुच्छोषणमिन्द्रियाणाम्।
अवाप्य भूमावसपत्नमृद्धं
राज्यं सुराणामपि चाऽऽधिपत्यम्॥८॥

सञ्जय उवाच

द्वितीयोऽध्यायः॥२॥

Mon, 01 Jan 0001 00:00:00 +0000

द्वितीयोऽध्यायः॥२॥

वैशम्पायन उवाच

निवृत्तवनवासास्ते सत्यसन्धा मनस्विनः।

अकुर्वत पुनर्मन्त्रं सह धौम्येन पाण्डवाः॥१॥

अथाब्रवीद् धर्मराजः कुन्तीपुत्रो युधिष्ठिरः।

भ्रातॄन् कृष्णां च सम्प्रेक्ष्य धौम्यं च कुरुनन्दनः॥२॥

द्वादशेमानि वर्षाणि राज्याद् विप्रोषिता वयम्।
त्रयोदशोऽयं सम्प्राप्तः कृच्छ्रात् परमदुर्वसः।
स साधु कौन्तेय इतो वासमर्जुन रोचय॥३॥

त्रयोदशमिदं प्राप्तं क्व नु वत्स्यामहेऽर्जुन।

अबुद्धा धार्तराष्ट्रैश्च समग्राः सह कृष्णया॥४॥

अर्जुन उवाच

तस्यैव वरदानेन धर्मस्य मनुजाधिप।

अज्ञाता विचरिष्यामो नराणां भरतर्षभ॥५॥

यानि राष्ट्राणि वासाय कीर्तयिष्यामि कानिचित्।

रमणीयानि गुप्तानि तेषां किञ्चित् तु रोचय॥६॥

रम्या जनपदाः सन्ति बहवस्त्वभितः कुरून्।
पाञ्चालाश्चैव मत्स्याश्च साल्ववैदेहबाह्लिकाः।
दशार्णाः शूरसेनाश्च कलिङ्गा मागधा अपि॥७॥

विराटनगरं चापि श्रूयते शत्रुसूदन।

रमणीयं जनाकीर्णं सुभिक्षं स्फीतमेव च॥८॥

नानाराष्ट्राणि चान्यानि श्रूयन्ते सुबहूनि च।

यत्र ते रोचते राजंस्तत्र गच्छामहे वयम्॥९॥

कतमस्मिञ्जनपदे महाराज निवत्स्यसि।

मा विषादे मनः कार्यं राज्यभ्रंश इति क्वचित्॥१०॥

युधिष्ठिर उवाच

प्रधान-पूजा — साम्ब-परमेश्वर-पूजा (प्रथम-यामः)

Mon, 01 Jan 0001 00:00:00 +0000

प्रधान-पूजा — साम्ब-परमेश्वर-पूजा (प्रथम-यामः)

शुक्लाम्बरधरं विष्णुं शशिवर्णं चतुर्भुजम्।

प्रसन्नवदनं ध्यायेत् सर्वविघ्नोपशान्तये॥

प्राणान् आयम्य। ॐ भूः + भूर्भुवः॒ सुव॒रोम्।
ममोपात्त-समस्त-दुरित-क्षयद्वारा श्री-परमेश्वर-प्रीत्यर्थं शुभे शोभने मुहूर्ते अद्य ब्रह्मणः
द्वितीयपरार्धे श्वेतवराहकल्पे वैवस्वतमन्वन्तरे अष्टाविंशतितमे कलियुगे प्रथमे पादे
जम्बूद्वीपे भारतवर्षे भरतखण्डे मेरोः दक्षिणे पार्श्वे शकाब्दे अस्मिन् वर्तमाने व्यावहारिकणां
प्रभवादि षष्ट्याः संवत्सराणां मध्ये ( ) नाम संवत्सरे उत्तरायणे
शिशिर-ऋतौ कुम्भ-मासे कृष्ण-पक्षे त्र्योदश्यां/चतुर्दश्यां शुभतिथौ
(इन्दु / भौम / बुध / गुरु / भृगु / स्थिर / भानु)-वासरयुक्तायाम्
( ) नक्षत्र ( )-योग ( )-करण-युक्तायां च एवं गुण विशेषण विशिष्टायाम्
अस्याम् (त्र्योदश्यां/चतुर्दश्यां) शुभतिथौ
अस्माकं सहकुटुम्बानां क्षेमस्थैर्य-धैर्य-वीर्य-विजय-आयुरारोग्य-ऐश्वर्याभिवृद्ध्यर्थम्
धर्मार्थकाममोक्षचतुर्विधफलपुरुषार्थसिद्ध्यर्थं पुत्रपौत्राभिवृद्ध्यर्थम् इष्टकाम्यार्थसिद्ध्यर्थम्
मम इहजन्मनि पूर्वजन्मनि जन्मान्तरे च सम्पादितानां ज्ञानाज्ञानकृतमहापातकचतुष्टय-व्यतिरिक्तानां रहस्यकृतानां प्रकाशकृतानां सर्वेषां पापानां सद्य अपनोदनद्वारा सकल-पापक्षयार्थं शिवरात्रौ श्री-साम्ब-परमेश्वर-प्रीत्यर्थं प्रथम-यामपूजां करिष्ये।
श्रीविघ्नेश्वराय नमः यथास्थानं प्रतिष्ठापयामि।
(गणपति-प्रसादं शिरसा गृहीत्वा)

रामसहस्रनामावलिः

Mon, 01 Jan 0001 00:00:00 +0000

रामसहस्रनामावलिः

राजीवलोचनाय नमः
श्रीमते नमः
श्रीरामाय नमः
रघुपुङ्गवाय नमः
रामभद्राय नमः
सदाचाराय नमः
राजेन्द्राय नमः
जानकीपतये नमः
अग्रगण्याय नमः
वरेण्याय नमः१०
वरदाय नमः
परमेश्वराय नमः
जनार्दनाय नमः
जितामित्राय नमः
परार्थैकप्रयोजनाय नमः
विश्वामित्रप्रियाय नमः
दान्ताय नमः
शत्रुजिते नमः
शत्रुतापनाय नमः
सर्वज्ञाय नमः२०
सर्वदेवादये नमः
शरण्याय नमः
वालिमर्दनाय नमः
ज्ञानभव्याय नमः
अपरिच्छेद्याय नमः
वाग्मिने नमः
सत्यव्रताय नमः
शुचये नमः
ज्ञानगम्याय नमः
दृढप्रज्ञाय नमः३०
खरध्वंसिने नमः
प्रतापवते नमः
द्युतिमते नमः
आत्मवते नमः
वीराय नमः
जितक्रोधाय नमः
अरिमर्दनाय नमः
विश्वरूपाय नमः
विशालाक्षाय नमः
प्रभवे नमः४०
परिवृढाय नमः
दृढाय नमः
ईशाय नमः
खड्गधराय नमः
श्रीमते नमः
कौसलेयाय नमः
अनसूयकाय नमः
विपुलांसाय नमः
महोरस्काय नमः
परमेष्ठिने नमः५०
परायणाय नमः
सत्यव्रताय नमः
सत्यसन्धाय नमः
गुरवे नमः
परमधार्मिकाय नमः
लोकज्ञाय नमः
लोकवन्द्याय नमः
लोकात्मने नमः
लोककृते नमः
परस्मै नमः६०
अनादये नमः
भगवते नमः
सेव्याय नमः
जितमायाय नमः
रघूद्वहाय नमः
रामाय नमः
दयाकराय नमः
दक्षाय नमः
सर्वज्ञाय नमः
सर्वपावनाय नमः७०
ब्रह्मण्याय नमः
नीतिमते नमः
गोप्त्रे नमः
सर्वदेवमयाय नमः
हरये नमः
सुन्दराय नमः
पीतवाससे नमः
सूत्रकाराय नमः
पुरातनाय नमः
सौम्याय नमः८०
महर्षये नमः
कोदण्डिने नमः
सर्वज्ञाय नमः
सर्वकोविदाय नमः
कवये नमः
सुग्रीववरदाय नमः
सर्वपुण्याधिकप्रदाय नमः
भव्याय नमः
जितारिषड्वर्गाय नमः
महोदराय नमः९०
अघनाशनाय नमः
सुकीर्तये नमः
आदिपुरुषाय नमः
कान्ताय नमः
पुण्यकृतागमाय नमः
अकल्मषाय नमः
चतुर्बाहवे नमः
सर्वावासाय नमः
दुरासदाय नमः
स्मितभाषिणे नमः१००
निवृत्तात्मने नमः
स्मृतिमते नमः
वीर्यवते नमः
प्रभवे नमः
धीराय नमः
दान्ताय नमः
घनश्यामाय नमः
सर्वायुधविशारदाय नमः
अध्यात्मयोगनिलयाय नमः
सुमनसे नमः११०
लक्ष्मणाग्रजाय नमः
सर्वतीर्थमयाय नमः
शूराय नमः
सर्वयज्ञफलप्रदाय नमः
यज्ञस्वरूपिणे नमः
यज्ञेशाय नमः
जरामरणवर्जिताय नमः
वर्णाश्रमकराय नमः
वर्णिने नमः
शत्रुजिते नमः१२०
पुरुषोत्तमाय नमः
विभीषणप्रतिष्ठात्रे नमः
परमात्मने नमः
परात्पराय नमः
प्रमाणभूताय नमः
दुर्ज्ञेयाय नमः
पूर्णाय नमः
परपुरञ्जयाय नमः
अनन्तदृष्टये नमः
आनन्दाय नमः१३०
धनुर्वेदाय नमः
धनुर्धराय नमः
गुणाकाराय नमः
गुणश्रेष्ठाय नमः
सच्चिदानन्दविग्रहाय नमः
अभिवन्द्याय नमः
महाकायाय नमः
विश्वकर्मणे नमः
विशारदाय नमः
विनीतात्मने नमः१४०
वीतरागाय नमः
तपस्वीशाय नमः
जनेश्वराय नमः
कल्याणप्रकृतये नमः
कल्पाय नमः
सर्वेशाय नमः
सर्वकामदाय नमः
अक्षयाय नमः
पुरुषाय नमः
साक्षिणे नमः१५०
केशवाय नमः
पुरुषोत्तमाय नमः
लोकाध्यक्षाय नमः
महामायाय नमः
विभीषणवरप्रदाय नमः
आनन्दविग्रहाय नमः
ज्योतिषे नमः
हनुमत्प्रभवे नमः
अव्ययाय नमः
भ्राजिष्णवे नमः१६०
सहनाय नमः
भोक्त्रे नमः
सत्यवादिने नमः
बहुश्रुताय नमः
सुखदाय नमः
कारणाय नमः
कर्त्रे नमः
भवबन्धविमोचनाय नमः
देवचूडामणये नमः
नेत्रे नमः१७०
ब्रह्मण्याय नमः
ब्रह्मवर्धनाय नमः
संसारतारकाय नमः
रामाय नमः
सर्वदुःखविमोक्षकृते नमः
विद्वत्तमाय नमः
विश्वकर्त्रे नमः
विश्वहर्त्रे नमः
विश्वकृते नमः
नित्याय नमः१८०
नित्यकल्याणाय नमः
सीताशोकविनाशकृते नमः
काकुत्स्थाय नमः
पुण्डरीकाक्षाय नमः
विश्वामित्रभयापहाय नमः
मारीचमथनाय नमः
रामाय नमः
विराधवधपण्डिताय नमः
दुःस्वप्ननाशनाय नमः
रम्याय नमः१९०
किरीटिने नमः
त्रिदशाधिपाय नमः
महाधनुषे नमः
महाकायाय नमः
भीमाय नमः
भीमपराक्रमाय नमः
तत्त्वस्वरूपिणे नमः
तत्त्वज्ञाय नमः
तत्त्ववादिने नमः
सुविक्रमाय नमः२००
भूतात्मने नमः
भूतकृते नमः
स्वामिने नमः
कालज्ञानिने नमः
महापटवे नमः
अनिर्विण्णाय नमः
गुणग्राहिणे नमः
निष्कलङ्काय नमः
कलङ्कघ्ने नमः
स्वभावभद्राय नमः२१०
शत्रुघ्नाय नमः
केशवाय नमः
स्थाणवे नमः
ईश्वराय नमः
भूतादये नमः
शम्भवे नमः
आदित्याय नमः
स्थविष्ठाय नमः
शाश्वताय नमः
ध्रुवाय नमः२२०
कवचिने नमः
कुण्डलिने नमः
चक्रिणे नमः
खड्गिने नमः
भक्तजनप्रियाय नमः
अमृत्यवे नमः
जन्मरहिताय नमः
सर्वजिते नमः
सर्वगोचराय नमः
अनुत्तमाय नमः२३०
अप्रमेयात्मने नमः
सर्वादये नमः
गुणसागराय नमः
समाय नमः
समात्मने नमः
समगाय नमः
जटामुकुटमण्डिताय नमः
अजेयाय नमः
सर्वभूतात्मने नमः
विष्वक्सेनाय नमः२४०
महातपसे नमः
लोकाध्यक्षाय नमः
महाबाहवे नमः
अमृताय नमः
वेदवित्तमाय नमः
सहिष्णवे नमः
सद्गतये नमः
शास्त्रे नमः
विश्वयोनये नमः
महाद्युतये नमः२५०
अतीन्द्राय नमः
ऊर्जिताय नमः
प्रांशवे नमः
उपेन्द्राय नमः
वामनाय नमः
बलिने नमः
धनुर्वेदाय नमः
विधात्रे नमः
ब्रह्मणे नमः
विष्णवे नमः२६०
शङ्कराय नमः
हंसाय नमः
मरीचये नमः
गोविन्दाय नमः
रत्नगर्भाय नमः
महामतये नमः
व्यासाय नमः
वाचस्पतये नमः
सर्वदर्पितासुरमर्दनाय नमः
जानकीवल्लभाय नमः२७०
पूज्याय नमः
प्रकटाय नमः
प्रीतिवर्धनाय नमः
सम्भवाय नमः
अतीन्द्रियाय नमः
वेद्याय नमः
अनिर्देशाय नमः
जाम्बवत्प्रभवे नमः
मदनाय नमः
मथनाय नमः२८०
व्यापिने नमः
विश्वरूपिणे नमः
निरञ्जनाय नमः
नारायणाय नमः
अग्रण्ये नमः
साधवे नमः
जटायुप्रीतिवर्धनाय नमः
नैकरूपाय नमः
जगन्नाथाय नमः
सुरकार्यहिताय नमः२९०
स्वभुवे नमः
जितक्रोधाय नमः
जितारातये नमः
प्लवगाधिपराज्यदाय नमः
वसुदाय नमः
सुभुजाय नमः
नैकमायाय नमः
भव्यप्रमोदनाय नमः
चण्डांशवे नमः
सिद्धिदाय नमः३००
कल्पाय नमः
शरणागतवत्सलाय नमः
अगदाय नमः
रोगहर्त्रे नमः
मन्त्रज्ञाय नमः
मन्त्रभावनाय नमः
सौमित्रिवत्सलाय नमः
धुर्याय नमः
व्यक्ताव्यक्तस्वरूपधृते नमः
वसिष्ठाय नमः३१०
ग्रामण्ये नमः
श्रीमते नमः
अनुकूलाय नमः
प्रियंवदाय नमः
अतुलाय नमः
सात्त्विकाय नमः
धीराय नमः
शरासनविशारदाय नमः
ज्येष्ठाय नमः
सर्वगुणोपेताय नमः३२०
शक्तिमते नमः
ताटकान्तकाय नमः
वैकुण्ठाय नमः
प्राणिनां प्राणाय नमः
कमठाय नमः
कमलापतये नमः
गोवर्धनधराय नमः
मत्स्यरूपाय नमः
कारुण्यसागराय नमः
कुम्भकर्णप्रभेत्त्रे नमः३३०
गोपिगोपालसंवृताय नमः
मायाविने नमः
व्यापकाय नमः
व्यापिने नमः
रैणुकेयबलापहाय नमः
पिनाकमथनाय नमः
वन्द्याय नमः
समर्थाय नमः
गरुडध्वजाय नमः
लोकत्रयाश्रयाय नमः३४०
लोकचरिताय नमः
भरताग्रजाय नमः
श्रीधराय नमः
सद्गतये नमः
लोकसाक्षिणे नमः
नारायणाय नमः
बुधाय नमः
मनोवेगिने नमः
मनोरूपिणे नमः
पूर्णाय नमः३५०
पुरुषपुङ्गवाय नमः
यदुश्रेष्ठाय नमः
यदुपतये नमः
भूतावासाय नमः
सुविक्रमाय नमः
तेजोधराय नमः
धराधाराय नमः
चतुर्मूर्तये नमः
महानिधये नमः
चाणूरमर्दनाय नमः३६०
दिव्याय नमः
शान्ताय नमः
भरतवन्दिताय नमः
शब्दातिगाय नमः
गभीरात्मने नमः
कोमलाङ्गाय नमः
प्रजागराय नमः
लोकगर्भाय नमः
शेषशायिने नमः
क्षीराब्धिनिलयाय नमः३७०
अमलाय नमः
आत्मयोनये नमः
अदीनात्मने नमः
सहस्राक्षाय नमः
सहस्रपदे नमः
अमृतांशवे नमः
महागर्भाय नमः
निवृत्तविषयस्पृहाय नमः
त्रिकालज्ञाय नमः
मुनये नमः३८०
साक्षिणे नमः
विहायसगतये नमः
कृतिने नमः
पर्जन्याय नमः
कुमुदाय नमः
भूतावासाय नमः
कमललोचनाय नमः
श्रीवत्सवक्षसे नमः
श्रीवासाय नमः
वीरघ्ने नमः३९०
लक्ष्मणाग्रजाय नमः
लोकाभिरामाय नमः
लोकारिमर्दनाय नमः
सेवकप्रियाय नमः
सनातनतमाय नमः
मेघश्यामलाय नमः
राक्षसान्तकृते नमः
दिव्यायुधधराय नमः
श्रीमते नमः
अप्रमेयाय नमः४००
जितेन्द्रियाय नमः
भूदेववन्द्याय नमः
जनकप्रियकृते नमः
प्रपितामहाय नमः
उत्तमाय नमः
सात्त्विकाय नमः
सत्याय नमः
सत्यसन्धाय नमः
त्रिविक्रमाय नमः
सुव्रताय नमः४१०
सुलभाय नमः
सूक्ष्माय नमः
सुघोषाय नमः
सुखदाय नमः
सुधिये नमः
दामोदराय नमः
अच्युताय नमः
शार्ङ्गिणे नमः
वामनाय नमः
मधुराधिपाय नमः४२०
देवकीनन्दनाय नमः
शौरये नमः
शूराय नमः
कैटभमर्दनाय नमः
सप्ततालप्रभेत्त्रे नमः
मित्रवंशप्रवर्धनाय नमः
कालस्वरूपिणे नमः
कालात्मने नमः
कालाय नमः
कल्याणदाय नमः४३०
कवये नमः
संवत्सराय नमः
ऋतवे नमः
पक्षाय नमः
अयनाय नमः
दिवसाय नमः
युगाय नमः
स्तव्याय नमः
विविक्ताय नमः
निर्लेपाय नमः४४०
सर्वव्यापिने नमः
निराकुलाय नमः
अनादिनिधनाय नमः
सर्वलोकपूज्याय नमः
निरामयाय नमः
रसाय नमः
रसज्ञाय नमः
सारज्ञाय नमः
लोकसाराय नमः
रसात्मकाय नमः४५०
सर्वदुःखातिगाय नमः
विद्याराशये नमः
परमगोचराय नमः
शेषाय नमः
विशेषाय नमः
विगतकल्मषाय नमः
रघुनायकाय नमः
वर्णश्रेष्ठाय नमः
वर्णवाह्याय नमः
वर्ण्याय नमः४६०
वर्ण्यगुणोज्ज्वलाय नमः
कर्मसाक्षिणे नमः
अमरश्रेष्ठाय नमः
देवदेवाय नमः
सुखप्रदाय नमः
देवाधिदेवाय नमः
देवर्षये नमः
देवासुरनमस्कृताय नमः
सर्वदेवमयाय नमः
चक्रिणे नमः४७०
शार्ङ्गपाणये नमः
रघूत्तमाय नमः
मनसे नमः
बुद्ध्यै नमः
अहङ्काराय नमः
प्रकृत्यै नमः
पुरुषाय नमः
अव्ययाय नमः
अहल्यापावनाय नमः
स्वामिने नमः४८०
पितृभक्ताय नमः
वरप्रदाय नमः
न्यायाय नमः
न्यायिने नमः
नयिने नमः
श्रीमते नमः
नयाय नमः
नगधराय नमः
ध्रुवाय नमः
लक्ष्मीविश्वम्भराभर्त्रे नमः४९०
देवेन्द्राय नमः
बलिमर्दनाय नमः
वाणारिमर्दनाय नमः
यज्वने नमः
अनुत्तमाय नमः
मुनिसेविताय नमः
देवाग्रणये नमः
शिवध्यानतत्पराय नमः
परमाय नमः
परस्मै नमः५००
सामगेयाय नमः
प्रियाय नमः
अक्रूराय नमः
पुण्यकीर्तये नमः
सुलोचनाय नमः
पुण्याय नमः
पुण्याधिकाय नमः
पूर्वस्मै नमः
पूर्णाय नमः
पूरयित्रे नमः५१०
रवये नमः
जटिलाय नमः
कल्मषध्वान्तप्रभञ्जनविभावसवे नमः
अव्यक्तलक्षणाय नमः
अव्यक्ताय नमः
दशास्यद्विपकेसरिणे नमः
कलानिधये नमः
कलानाथाय नमः
कमलानन्दवर्धनाय नमः
जयिने नमः५२०
जितारये नमः
सर्वादये नमः
शमनाय नमः
भवभञ्जनाय नमः
अलङ्करिष्णवे नमः
अचलाय नमः
रोचिष्णवे नमः
विक्रमोत्तमाय नमः
आशवे नमः
शब्दपतये नमः५३०
शब्दागोचराय नमः
रञ्जनाय नमः
रघवे नमः
निःशब्दाय नमः
प्रणवाय नमः
मालिने नमः
स्थूलाय नमः
सूक्ष्माय नमः
विलक्षणाय नमः
आत्मयोनये नमः५४०
अयोनये नमः
सप्तजिह्वाय नमः
सहस्रपदे नमः
सनातनतमाय नमः
स्रग्विणे नमः
पेशलाय नमः
जविनां वराय नमः
शक्तिमते नमः
शङ्खभृते नमः
नाथाय नमः५५०
गदापद्मरथाङ्गभृते नमः
निरीहाय नमः
निर्विकल्पाय नमः
चिद्रूपाय नमः
वीतसाध्वसाय नमः
शताननाय नमः
सहस्राक्षाय नमः
शतमूर्तये नमः
घनप्रभाय नमः
हृत्पुण्डरीकशयनाय नमः५६०
कठिनाय नमः
द्रवाय नमः
उग्राय नमः
ग्रहपतये नमः
श्रीमते नमः
समर्थाय नमः
अनर्थनाशनाय नमः
अधर्मशत्रवे नमः
रक्षोघ्नाय नमः
पुरुहूताय नमः५७०
पुरुष्टुताय नमः
ब्रह्मगर्भाय नमः
बृहद्गर्भाय नमः
धर्मधेनवे नमः
धनागमाय नमः
हिरण्यगर्भाय नमः
ज्योतिष्मते नमः
सुललाटाय नमः
सुविक्रमाय नमः
शिवपूजारताय नमः५८०
श्रीमते नमः
भवानीप्रियकृते नमः
वशिने नमः
नराय नमः
नारायणाय नमः
श्यामाय नमः
कपर्दिने नमः
नीललोहिताय नमः
रुद्राय नमः
पशुपतये नमः५९०
स्थाणवे नमः
विश्वामित्राय नमः
द्विजेश्वराय नमः
मातामहाय नमः
मातरिश्वने नमः
विरिञ्चाय नमः
विष्टरश्रवसे नमः
सर्वभूतानाम् अक्षोभ्याय नमः
चण्डाय नमः
सत्यपराक्रमाय नमः६००
वालखिल्याय नमः
महाकल्पाय नमः
कल्पवृक्षाय नमः
कलाधराय नमः
निदाघाय नमः
तपनाय नमः
अमोघाय नमः
श्लक्ष्णाय नमः
परबलापहृते नमः
कबन्धमथनाय नमः६१०
दिव्याय नमः
कम्बुग्रीवशिवप्रियाय नमः
शङ्खाय नमः
अनिलाय नमः
सुनिष्पन्नाय नमः
सुलभाय नमः
शिशिरात्मकाय नमः
असंसृष्टाय नमः
अतिथये नमः
शूराय नमः६२०
प्रमाथिने नमः
पापनाशकृते नमः
वसुश्रवसे नमः
कव्यवाहाय नमः
प्रतप्ताय नमः
विश्वभोजनाय नमः
रामाय नमः
नीलोत्पलश्यामाय नमः
ज्ञानस्कन्धाय नमः
महाद्युतये नमः६३०
पवित्रपादाय नमः
पापारये नमः
मणिपूराय नमः
नभोगतये नमः
उत्तारणाय नमः
दुष्कृतिघ्ने नमः
दुर्धर्षाय नमः
दुःसहाय नमः
अभयाय नमः
अमृतेशाय नमः६४०
अमृतवपुषे नमः
धर्मिणे नमः
धर्माय नमः
कृपाकराय नमः
भर्गाय नमः
विवस्वते नमः
आदित्याय नमः
योगाचार्याय नमः
दिवस्पतये नमः
उदारकीर्तये नमः६५०
उद्योगिने नमः
वाङ्मयाय नमः
सदसन्मयाय नमः
नक्षत्रमालिने नमः
नाकेशाय नमः
स्वाधिष्ठानाय नमः
षडाश्रयाय नमः
चतुर्वर्गफलाय नमः
वर्णिने नमः
शक्तित्रयफलाय नमः६६०
निधये नमः
निधानगर्भाय नमः
निर्व्याजाय नमः
गिरीशाय नमः
व्यालमर्दनाय नमः
श्रीवल्लभाय नमः
शिवारम्भाय नमः
शान्तये नमः
भद्राय नमः
समञ्जसाय नमः६७०
भूशयाय नमः
भूतिकृते नमः
भूत्यै नमः
भूषणाय नमः
भूतवाहनाय नमः
अकायाय नमः
भक्तकायस्थाय नमः
कालज्ञानिने नमः
महावटवे नमः
परार्थवृत्तये नमः६८०
अचलाय नमः
विविक्ताय नमः
श्रुतिसागराय नमः
स्वभावभद्राय नमः
मध्यस्थाय नमः
संसारभयनाशनाय नमः
वेद्याय नमः
वैद्याय नमः
वियद्गोप्त्रे नमः
सर्वामरमुनीश्वराय नमः६९०
सुरेन्द्राय नमः
करणाय नमः
कर्मणे नमः
कर्मकृते नमः
कर्मिणे नमः
अधोक्षजाय नमः
ध्येयाय नमः
धुर्याय नमः
धराधीशाय नमः
सङ्कल्पाय नमः७००
शर्वरीपतये नमः
परमार्थगुरवे नमः
वृद्धाय नमः
शुचये नमः
आश्रितवत्सलाय नमः
विष्णवे नमः
जिष्णवे नमः
विभवे नमः
वन्द्याय नमः
यज्ञेशाय नमः७१०
यज्ञपालकाय नमः
प्रभविष्णवे नमः
ग्रसिष्णवे नमः
लोकात्मने नमः
लोकभावनाय नमः
केशवाय नमः
केशिघ्ने नमः
काव्याय नमः
कवये नमः
कारणकारणाय नमः७२०
कालकर्त्रे नमः
कालशेषाय नमः
वासुदेवाय नमः
पुरुष्टुताय नमः
आदिकर्त्रे नमः
वराहाय नमः
माधवाय नमः
मधुसूदनाय नमः
नारायणाय नमः
नराय नमः७३०
हंसाय नमः
विष्वक्सेनाय नमः
जनार्दनाय नमः
विश्वकर्त्रे नमः
महायज्ञाय नमः
ज्योतिष्मते नमः
पुरुषोत्तमाय नमः
वैकुण्ठाय नमः
पुण्डरीकाक्षाय नमः
कृष्णाय नमः७४०
सूर्याय नमः
सुरार्चिताय नमः
नारसिंहाय नमः
महाभीमाय नमः
वक्रदंष्ट्राय नमः
नखायुधाय नमः
आदिदेवाय नमः
जगत्कर्त्रे नमः
योगीशाय नमः
गरुडध्वजाय नमः७५०
गोविन्दाय नमः
गोपतये नमः
गोप्त्रे नमः
भूपतये नमः
भुवनेश्वराय नमः
पद्मनाभाय नमः
हृषीकेशाय नमः
धात्रे नमः
दामोदराय नमः
प्रभवे नमः७६०
त्रिविक्रमाय नमः
त्रिलोकेशाय नमः
ब्रह्मेशाय नमः
प्रीतिवर्धनाय नमः
वामनाय नमः
दुष्टदमनाय नमः
गोविन्दाय नमः
गोपवल्लभाय नमः
भक्तप्रियाय नमः
अच्युताय नमः७७०
सत्याय नमः
सत्यकीर्तये नमः
धृत्यै नमः
स्मृत्यै नमः
कारुण्याय नमः
करुणाय नमः
व्यासाय नमः
पापघ्ने नमः
शान्तिवर्धनाय नमः
सन्न्यासिने नमः७८०
शास्त्रतत्त्वज्ञाय नमः
मन्दराद्रिनिकेतनाय नमः
बदरीनिलयाय नमः
शान्ताय नमः
तपस्विने नमः
वैद्युतप्रभाय नमः
भूतावासाय नमः
गुहावासाय नमः
श्रीनिवासाय नमः
श्रियः पतये नमः७९०
तपोवासाय नमः
मुदावासाय नमः
सत्यवासाय नमः
सनातनाय नमः
पुरुषाय नमः
पुष्कराय नमः
पुण्याय नमः
पुष्कराक्षाय नमः
महेश्वराय नमः
पूर्णमूर्तये नमः८००
पुराणज्ञाय नमः
पुण्यदाय नमः
प्रीतिवर्धनाय नमः
शङ्खिने नमः
चक्रिणे नमः
गदिने नमः
शार्ङ्गिणे नमः
लाङ्गलिने नमः
मुसलिने नमः
हलिने नमः८१०
किरीटिने नमः
कुण्डलिने नमः
हारिणे नमः
मेखलिने नमः
कवचिने नमः
ध्वजिने नमः
योद्ध्रे नमः
जेत्रे नमः
महावीर्याय नमः
शत्रुजिते नमः८२०
शत्रुतापनाय नमः
शास्त्रे नमः
शास्त्रकराय नमः
शास्त्राय नमः
शङ्कराय नमः
शङ्करस्तुताय नमः
सारथये नमः
सात्त्विकाय नमः
स्वामिने नमः
सामवेदप्रियाय नमः८३०
समाय नमः
पवनाय नमः
संहताय नमः
शक्तये नमः
सम्पूर्णाङ्गाय नमः
समृद्धिमते नमः
स्वर्गदाय नमः
कामदाय नमः
श्रीदाय नमः
कीर्तिदाय नमः८४०
अकीर्तिनाशनाय नमः
मोक्षदाय नमः
पुण्डरीकाक्षाय नमः
क्षीराब्धिकृतकेतनाय नमः
सर्वात्मने नमः
सर्वलोकेशाय नमः
प्रेरकाय नमः
पापनाशनाय नमः
सर्वव्यापिने नमः
जगन्नाथाय नमः८५०
सर्वलोकमहेश्वराय नमः
सर्गस्थित्यन्तकृते नमः
देवाय नमः
सर्वलोकसुखावहाय नमः
अक्षय्याय नमः
शाश्वताय नमः
अनन्ताय नमः
क्षयवृद्धिविवर्जिताय नमः
निर्लेपाय नमः
निर्गुणाय नमः८६०
सूक्ष्माय नमः
निर्विकाराय नमः
निरञ्जनाय नमः
सर्वोपाधिविनिर्मुक्ताय नमः
सत्तामात्रव्यवस्थिताय नमः
अधिकारिणे नमः
विभवे नमः
नित्याय नमः
परमात्मने नमः
सनातनाय नमः८७०
अचलाय नमः
निर्मलाय नमः
व्यापिने नमः
नित्यतृप्ताय नमः
निराश्रयाय नमः
श्यामाय नमः
यूने नमः
लोहिताक्षाय नमः
दीप्तास्याय नमः
मितभाषणाय नमः८८०
आजानुबाहवे नमः
सुमुखाय नमः
सिंहस्कन्धाय नमः
महाभुजाय नमः
सत्यवते नमः
गुणसम्पन्नाय नमः
स्वयन्तेजसे नमः
सुदीप्तिमते नमः
कालात्मने नमः
भगवते नमः८९०
कालाय नमः
कालचक्रप्रवर्तकाय नमः
नारायणाय नमः
परस्मै ज्योतिषे नमः
परमात्मने नमः
सनातनाय नमः
विश्वसृजे नमः
विश्वगोप्त्रे नमः
विश्वभोक्त्रे नमः
शाश्वताय नमः९००
विश्वेश्वराय नमः
विश्वमूर्तये नमः
विश्वात्मने नमः
विश्वभावनाय नमः
सर्वभूतसुहृदे नमः
शान्ताय नमः
सर्वभूतानुकम्पनाय नमः
सर्वेश्वरेश्वराय नमः
सर्वस्मै नमः
श्रीमते नमः९१०
आश्रितवत्सलाय नमः
सर्वगाय नमः
सर्वभूतेशाय नमः
सर्वभूताशयस्थिताय नमः
अभ्यन्तरस्थाय नमः
तमसश्छेत्त्रे नमः
नारायणाय नमः
परस्मै नमः
अनादिनिधनाय नमः
स्रष्ट्रे नमः९२०
प्रजापतिपतये नमः
हरये नमः
नरसिंहाय नमः
हृषीकेशाय नमः
सर्वात्मने नमः
सर्वदृशे नमः
वशिने नमः
जगतस्तस्थुषाय नमः
प्रभवे नमः
नेत्रे नमः९३०
सनातनाय नमः
कर्त्रे नमः
धात्रे नमः
विधात्रे नमः
सर्वेषां प्रभवे नमः
ईश्वराय नमः
सहस्रमूर्तये नमः
विश्वात्मने नमः
विष्णवे नमः
विश्वदृशे नमः९४०
अव्ययाय नमः
पुराणपुरुषाय नमः
स्रष्ट्रे नमः
सहस्राक्षाय नमः
सहस्रपदे नमः
तत्त्वाय नमः
नारायणाय नमः
विष्णवे नमः
वासुदेवाय नमः
सनातनाय नमः९५०
परमात्मने नमः
परस्मै ब्रह्मणे नमः
सच्चिदानन्दविग्रहाय नमः
परस्मै ज्योतिषे नमः
परस्मै धाम्ने नमः
पराकाशाय नमः
परात्पराय नमः
अच्युताय नमः
पुरुषाय नमः
कृष्णाय नमः९६०
शाश्वताय नमः
शिवाय नमः
ईश्वराय नमः
नित्याय नमः
सर्वगताय नमः
स्थाणवे नमः
उग्राय नमः
साक्षिणे नमः
प्रजापतये नमः
हिरण्यगर्भाय नमः९७०
सवित्रे नमः
लोककृते नमः
लोकभृते नमः
विभवे नमः
रामाय नमः
श्रीमते नमः
महाविष्णवे नमः
जिष्णवे नमः
देवहितावहाय नमः
तत्त्वात्मने नमः९८०
तारकाय नमः
ब्रह्मणे नमः
शाश्वताय नमः
सर्वसिद्धिदाय नमः
अकारवाच्याय नमः
भगवते नमः
श्रिये नमः
भूलीलापतये नमः
पुंसे नमः
सर्वलोकेश्वराय नमः९९०
श्रीमते नमः
सर्वज्ञाय नमः
सर्वतोमुखाय नमः
स्वामिने नमः
सुशीलाय नमः
सुलभाय नमः
सर्वज्ञाय नमः
सर्वशक्तिमते नमः
नित्याय नमः
सम्पूर्णकामाय नमः१०००
नैसर्गिकसुहृदे नमः
सुखिने नमः
कृपापीयूषजलधये नमः
सर्वदेहिनां शरण्याय नमः
श्रीमते नमः
नारायणाय नमः
स्वामिने नमः
जगतां पतये नमः
ईश्वराय नमः
श्रीशाय नमः१०१०
भूतानां शरण्याय नमः
संश्रिताभीष्टदायकाय नमः
अनन्ताय नमः
श्रीपतये नमः
रामाय नमः
गुणभृते नमः
निर्गुणाय नमः
महते नमः

श्रीरुद्रनाम त्रिशती

Mon, 01 Jan 0001 00:00:00 +0000

श्रीरुद्रनाम त्रिशती

नमो॒ हिर॑ण्यबाहवे॒ नमः॑।
से॒ना॒न्ये॑ नमः॑।
दि॒शां च॒ पत॑ये॒ नमः॑।
नमो॑ वृ॒क्षेभ्यो॒ नमः॑।
हरि॑केशेभ्यो॒ नमः॑।
प॒शू॒नां पत॑ये॒ नमः॑।
नमः॑ स॒स्पिञ्ज॑राय॒ नमः॑।
त्विषी॑मते॒ नमः॑।
प॒थी॒नां पत॑ये॒ नमः॑।
नमो॑ बभ्लु॒शाय॒ नमः॑।१०
वि॒व्या॒धिने॒ नमः॑।
अन्ना॑नां॒ पत॑ये॒ नमः॑।
नमो॒ हरि॑केशाय॒ नमः॑।
उ॒प॒वी॒तिने॒ नमः॑।
पु॒ष्टानां॒ पत॑ये॒ नमः॑।
नमो॑ भ॒वस्य॑ हे॒त्यै नमः॑।
जग॑तां॒ पत॑ये॒ नमः॑।
नमो॑ रु॒द्राय॒ नमः॑।
आ॒त॒ता॒विने॒ नमः॑।
क्षेत्रा॑णां॒ पत॑ये॒ नमः॑।२०
नमः॑ सू॒ताय॒ नमः॑।
अह॑न्त्याय॒ नमः॑।
वना॑नां॒ पत॑ये॒ नमः॑।
नमो॒ रोहि॑ताय॒ नमः॑।
स्थ॒पत॑ये नमः॑।
वृ॒क्षाणां॒ पत॑ये॒ नमः॑।
नमो॑ म॒न्त्रिणे॒ नमः॑।
वा॒णि॒जाय॒ नमः॑।
कक्षा॑णां॒ पत॑ये॒ नमः॑।
नमो॑ भुव॒न्तये॒ नमः॑।३०
वा॒रि॒व॒स्कृ॒ताय॒ नमः॑।
ओष॑धीनां॒ पत॑ये॒ नमः॑।
नम॑ उ॒च्चैर्घो॑षाय॒ नमः॑।
आ॒क्र॒न्दय॑ते॒ नमः॑।
प॒त्ती॒नां पत॑ये॒ नमः॑।
नमः॑ कृत्स्नवी॒ताय॒ नमः॑।
धाव॑ते॒ नमः॑।
सत्त्व॑नां॒ पत॑ये॒ नमः॑॥
नमः॒ सह॑मानाय॒ नमः॑।
नि॒व्या॒धिने॒ नमः॑।४०
आ॒व्या॒धिनी॑नां॒ पत॑ये॒ नमः॑।
नमः॑ ककु॒भाय॒ नमः॑।
नि॒ष॒ङ्गिणे॒ नमः॑।
स्ते॒नानां॒ पत॑ये॒ नमः॑।
नमो॑ निष॒ङ्गिणे॒ नमः॑।
इ॒षु॒धि॒मते॒ नमः॑।
तस्क॑राणां॒ पत॑ये॒ नमः॑।
नमो॒ वञ्च॑ते॒ नमः॑।
प॒रि॒वञ्च॑ते॒ नमः॑।
स्ता॒यू॒नां पत॑ये॒ नमः॑।५०
नमो॑ निचे॒रवे॒ नमः॑।
प॒रि॒च॒राय॒ नमः॑।
अर॑ण्यानां॒ पत॑ये॒ नमः॑।
नमः॑ सृका॒विभ्यो॒ नमः॑।
जिघासद्भ्यो॒ नमः॑।
मु॒ष्ण॒तां पत॑ये॒ नमः॑।
नमो॑ऽसि॒मद्भ्यो॒ नमः॑।
नक्तं॒ चर॑द्भ्यो॒ नमः॑।
प्र॒कृ॒न्तानां॒ पत॑ये॒ नमः॑।
नम॑ उष्णी॒षिने॒ नमः॑।६०
गि॒रि॒च॒राय॒ नमः॑।
कु॒लु॒ञ्चानां॒ पत॑ये॒ नमः॑।
नम॒ इषु॑मद्भ्यो॒ नमः॑।
ध॒न्वा॒विभ्य॑श्च॒ नमः॑।
वो॒ नमः॑।
नम॑ आतन्वा॒नेभ्यो॒ नमः॑।
प्र॒ति॒दधा॑नेभ्यश्च॒ नमः॑।
वो॒ नमः॑।
नम॑ आ॒यच्छ॑द्भ्यो॒ नमः॑।
वि॒सृ॒जद्भ्य॑श्च॒ नमः॑।७०
वो॒ नमः॑।
नमोऽस्य॑द्भ्यो॒ नमः॑।
विध्य॑द्भ्यश्च॒ नमः॑।
वो॒ नमः॑।
नम॒ आसी॑नेभ्यो॒ नमः॑।
शया॑नेभ्यश्च॒ नमः॑।
वो॒ नमः॑।
नमः॑ स्व॒पद्भ्यो॒ नमः॑।
जाग्र॑द्भ्यश्च॒ नमः॑।
वो॒ नमः॑।८०
नम॒स्तिष्ठ॑द्भ्यो॒ नमः॑।
धाव॑द्भ्यश्च॒ नमः॑।
वो॒ नमः॑।
नमः॑ स॒भाभ्यो॒ नमः॑।
स॒भाप॑तिभ्यश्च॒ नमः॑।
वो॒ नमः॑।
नमो॒ अश्वे᳚भ्यो॒ नमः॑।
अश्व॑पतिभ्यश्च॒ नमः॑।
वो॒ नमः॑॥
नम॑ आव्या॒धिनी᳚भ्यो॒ नमः॑।९०
वि॒विध्य॑न्तीभ्यश्च॒ नमः॑।
वो॒ नमः॑।
नम॒ उग॑णाभ्यो॒ नमः॑।
तृ॒ꣳ॒ह॒तीभ्य॑श्च॒ नमः॑।
वो॒ नमः॑।
नमो॑ गृ॒त्सेभ्यो॒ नमः॑।
गृ॒त्सप॑तिभ्यश्च॒ नमः॑।
वो॒ नमः॑।
नमो॒ व्राते᳚भ्यो॒ नमः॑।
व्रात॑पतिभ्यश्च॒ नमः॑।१००
वो॒ नमः॑।
नमो॑ ग॒णेभ्यो॒ नमः॑।
ग॒णप॑तिभ्यश्च॒ नमः॑।
वो॒ नमः॑।
नमो॒ विरू॑पेभ्यो॒ नमः॑।
वि॒श्वरू॑पेभ्यश्च॒ नमः॑।
वो॒ नमः॑।
नमो॑ म॒हद्भ्यो॒ नमः॑।
क्षु॒ल्ल॒केभ्य॑श्च॒ नमः॑।
वो॒ नमः॑।११०
नमो॑ र॒थिभ्यो॒ नमः॑।
अ॒र॒थेभ्य॑श्च॒ नमः॑।
वो॒ नमः॑।
नमो॒ रथे᳚भ्यो॒ नमः॑।
रथ॑पतिभ्यश्च॒ नमः॑।
वो॒ नमः॑।
नमः॒ सेना᳚भ्यो॒ नमः॑।
से॒ना॒निभ्य॑श्च॒ नमः॑।
वो॒ नमः॑।
नमः॑ क्ष॒त्तृभ्यो॒ नमः॑।१२०
स॒ङ्ग्र॒ही॒तृभ्य॑श्च॒ नमः॑।
वो॒ नमः॑।
नम॒स्तक्ष॑भ्यो॒ नमः॑।
र॒थ॒का॒रेभ्य॑श्च॒ नमः॑।
वो॒ नमः॑।
नमः॒ कुला॑लेभ्यो॒ नमः॑।
क॒र्मारे᳚भ्यश्च॒ नमः॑।
वो॒ नमः॑।
नमः॑ पु॒ञ्जिष्टे᳚भ्यो॒ नमः॑।
नि॒षा॒देभ्य॑श्च॒ नमः॑।१३०
वो॒ नमः॑।
नम॑ इषु॒कृद्भ्यो॒ नमः॑।
ध॒न्व॒कृद्भ्य॑श्च॒ नमः॑।
वो॒ नमः॑।
नमो॑ मृग॒युभ्यो॒ नमः॑।
श्व॒निभ्य॑श्च॒ नमः॑।
वो॒ नमः॑।
नमः॒ श्वभ्यो॒ नमः॑।
श्वप॑तिभ्यश्च॒ नमः॑।
वो॒ नमः॑॥१४०
नमो॑ भ॒वाय॑ च॒ नमः॑।
रु॒द्राय॑ च॒ नमः॑।
नमः॑ श॒र्वाय॑ च॒ नमः॑।
प॒शु॒पत॑ये च॒ नमः॑।
नमो॒ नील॑ग्रीवाय च॒ नमः॑।
शि॒ति॒कण्ठा॑य च॒ नमः॑।
नमः॑ कप॒र्दिने॑ च॒ नमः॑।
व्यु॑प्तकेशाय च॒ नमः॑।
नमः॑ सहस्रा॒क्षाय॑ च॒ नमः॑।
श॒तध॑न्वने च॒ नमः॑।१५०
नमो॑ गिरि॒शाय॑ च॒ नमः॑।
शि॒पि॒वि॒ष्टाय॑ च॒ नमः॑।
नमो॑ मी॒ढुष्ट॑माय च॒ नमः॑।
इषु॑मते च॒ नमः॑।
नमो᳚ ह्र॒स्वाय॑ च॒ नमः॑।
वा॒म॒नाय॑ च॒ नमः॑।
नमो॑ बृह॒ते च॒ नमः॑।
वर्षी॑यसे च॒ नमः॑।
नमो॑ वृ॒द्धाय॑ च॒ नमः॑।
सं॒वृध्व॑ने च॒ नमः॑।१६०
नमो॒ अग्रि॑याय च॒ नमः॑।
प्र॒थ॒माय॑ च॒ नमः॑।
नम॑ आ॒शवे॑ च॒ नमः॑।
अ॒जि॒राय॑ च॒ नमः॑।
नमः॒ शीघ्रि॑याय च॒ नमः॑।
शीभ्या॑य च॒ नमः॑।
नम॑ ऊ॒र्म्या॑य च॒ नमः॑।
अ॒व॒स्व॒न्या॑य च॒ नमः॑।
नमः॑ स्त्रोत॒स्या॑य च॒ नमः॑।
द्वीप्या॑य च॒ नमः॑॥१७०
नमो᳚ ज्ये॒ष्ठाय॑ च॒ नमः॑।
क॒नि॒ष्ठाय॑ च॒ नमः॑।
नमः॑ पूर्व॒जाय॑ च॒ नमः॑।
अ॒प॒र॒जाय॑ च॒ नमः॑।
नमो॑ मध्य॒माय॑ च॒ नमः॑।
अ॒प॒ग॒ल्भाय॑ च॒ नमः॑।
नमो॑ जघ॒न्या॑य च॒ नमः॑।
बुध्नि॑याय च॒ नमः॑।
नमः॑ सो॒भ्या॑य च॒ नमः॑।
प्र॒ति॒स॒र्या॑य च॒ नमः॑।१८०
नमो॒ याम्या॑य च॒ नमः॑।
क्षेम्या॑य च॒ नमः॑।
नम॑ उर्व॒र्या॑य च॒ नमः॑।
खल्या॑य च॒ नमः॑।
नमः॒ श्लोक्या॑य च॒ नमः॑।
अ॒व॒सा॒न्या॑य च॒ नमः॑।
नमो॒ वन्या॑य च॒ नमः॑।
कक्ष्या॑य च॒ नमः॑।
नमः॑ श्र॒वाय॑ च॒ नमः॑।
प्र॒ति॒श्र॒वाय॑ च॒ नमः॑।१९०
नम॑ आ॒शुषे॑णाय च॒ नमः॑।
आ॒शुर॑थाय च॒ नमः॑।
नमः॒ शूरा॑य च॒ नमः॑।
अ॒व॒भि॒न्द॒ते च॒ नमः॑।
नमो॑ व॒र्मिणे॑ च॒ नमः॑।
व॒रू॒थिने॑ च॒ नमः॑।
नमो॑ बि॒ल्मिने॑ च॒ नमः॑।
क॒व॒चिने॑ च॒ नमः॑।
नमः॑ श्रु॒ताय॑ च॒ नमः॑।
श्रु॒त॒से॒नाय॑ च॒ नमः॑॥२००
नमो॑ दुन्दु॒भ्या॑य च॒ नमः॑।
आ॒ह॒न॒न्या॑य च॒ नमः॑।
नमो॑ धृ॒ष्णवे॑ च॒ नमः॑।
प्र॒मृ॒शाय॑ च॒ नमः॑।
नमो॑ दू॒ताय॑ च॒ नमः॑।
प्रहि॑ताय च॒ नमः॑।
नमो॑ निष॒ङ्गिणे॑ च॒ नमः॑।
इ॒षु॒धि॒मते॑ च॒ नमः॑।
नम॑स्ती॒क्ष्णेष॑वे च॒ नमः॑।
आ॒यु॒धिने॑ च॒ नमः॑।२१०
नमः॑ स्वायु॒धाय॑ च॒ नमः॑।
सु॒धन्व॑ने च॒ नमः॑।
नमः॒ स्रुत्या॑य च॒ नमः॑।
पथ्या॑य च॒ नमः॑।
नमः॑ का॒ट्या॑य च॒ नमः॑।
नी॒प्या॑य च॒ नमः॑।
नमः॒ सूद्या॑य च॒ नमः॑।
स॒र॒स्या॑य च॒ नमः॑।
नमो॑ ना॒द्याय॑ च॒ नमः॑।
वै॒श॒न्ताय॑ च॒ नमः॑।२२०
नमः॒ कूप्या॑य च॒ नमः॑।
अ॒व॒ट्या॑य च॒ नमः॑।
नमो॒ वर्ष्या॑य च॒ नमः॑।
अ॒व॒र्ष्याय॑ च॒ नमः॑।
नमो॑ मे॒घ्या॑य च॒ नमः॑।
वि॒द्यु॒त्या॑य च॒ नमः॑।
नम॑ ई॒ध्रिया॑य च॒ नमः॑।
आ॒त॒प्या॑य च॒ नमः॑।
नमो॒ वात्या॑य च॒ नमः॑।
रेष्मि॑याय च॒ नमः॑।२३०
नमो॑ वास्त॒व्या॑य च॒ नमः॑।
वा॒स्तु॒पाय॑ च॒ नमः॑॥
नमः॒ सोमा॑य च॒ नमः॑।
रु॒द्राय॑ च॒ नमः॑।
नम॑स्ता॒म्राय॑ च॒ नमः॑।
अ॒रु॒णाय॑ च॒ नमः॑।
नमः॑ श॒ङ्गाय॑ च॒ नमः॑।
प॒शु॒पत॑ये च॒ नमः॑।
नम॑ उ॒ग्राय॑ च॒ नमः॑।
भी॒माय॑ च॒ नमः॑।२४०
नमो॑ अग्रेव॒धाय॑ च॒ नमः॑।
दू॒रे॒व॒धाय॑ च॒ नमः॑।
नमो॑ ह॒न्त्रे च॒ नमः॑।
हनी॑यसे च॒ नमः॑।
नमो॑ वृ॒क्षेभ्यो॒ नमः॑।
हरि॑केशेभ्यो॒ नमः॑।
नम॑स्ता॒राय॒ नमः॑।
नमः॑ श॒म्भवे॑ च॒ नमः॑।
म॒यो॒भवे॑ च॒ नमः॑।
नमः॑ शङ्क॒राय॑ च॒ नमः॑।२५०
म॒य॒स्क॒राय॑ च॒ नमः॑।
नमः॑ शि॒वाय॑ च॒ नमः॑।
शि॒वत॑राय च॒ नमः॑।
नम॒स्तीर्थ्या॑य च॒ नमः॑।
कूल्या॑य च॒ नमः॑।
नमः॑ पा॒र्या॑य च॒ नमः॑।
अ॒वा॒र्या॑य च॒ नमः॑।
नमः॑ प्र॒तर॑णाय च॒ नमः॑।
उ॒त्तर॑णाय च॒ नमः॑।
नम॑ आता॒र्या॑य च॒ नमः॑।२६०
आ॒ला॒द्या॑य च॒ नमः॑।
नमः॒ शष्प्या॑य च॒ नमः॑।
फेन्या॑य च॒ नमः॑।
नमः॑ सिक॒त्या॑य च॒ नमः॑।
प्र॒वा॒ह्या॑य च॒ नमः॑॥
नम॑ इरि॒ण्या॑य च॒ नमः॑।
प्र॒प॒थ्या॑य च॒ नमः॑।
नमः॑ किꣳशि॒लाय॑ च॒ नमः॑।
क्षय॑णाय च॒ नमः॑।
नमः॑ कप॒र्दिने॑ च॒ नमः॑।२७०
पु॒ल॒स्तये॑ च॒ नमः॑।
नमो॒ गोष्ठ्या॑य च॒ नमः॑।
गृह्या॑य च॒ नमः॑।
नम॒स्तल्प्या॑य च॒ नमः॑।
गेह्या॑य च॒ नमः॑।
नमः॑ का॒ट्या॑य च॒ नमः॑।
ग॒ह्व॒रे॒ष्ठाय॑ च॒ नमः॑।
नमो᳚ ह्रद॒य्या॑य च॒ नमः॑।
नि॒वे॒ष्प्या॑य च॒ नमः॑।
नमः॑ पाꣳस॒व्या॑य च॒ नमः॑।२८०
र॒ज॒स्या॑य च॒ नमः॑।
नमः॒ शुष्क्या॑य च॒ नमः॑।
ह॒रि॒त्या॑य च॒ नमः॑।
नमो॒ लोप्या॑य च॒ नमः॑।
उ॒ल॒प्या॑य च॒ नमः॑।
नम॑ ऊ॒र्व्या॑य च॒ नमः॑।
सू॒र्म्या॑य च॒ नमः॑।
नमः॑ प॒र्ण्या॑य च॒ नमः॑।
प॒र्ण॒श॒द्या॑य च॒ नमः॑।
नमो॑ऽपगु॒रमा॑णाय च॒ नमः॑।२९०
अ॒भि॒घ्न॒ते च॒ नमः॑।
नम॑ आख्खिद॒ते च॒ नमः॑।
प्र॒ख्खि॒द॒ते च॒ नमः॑।
नमो॑ वो॒ नमः॑।
कि॒रि॒केभ्यो॒ नमः॑।
दे॒वाना॒ꣳ॒ हृद॑येभ्यो॒ नमः॑।
नमो॑ विक्षीण॒केभ्यो॒ नमः॑।
नमो॑ विचिन्व॒त्केभ्यो॒ नमः॑।
नम॑ आनिर्‌ह॒तेभ्यो॒ नमः॑।
नम॑ आमीव॒त्केभ्यो॒ नमः॑।३००

षोडशोपचार-पूजा

Mon, 01 Jan 0001 00:00:00 +0000

षोडशोपचार-पूजा

ध्यायेच्चतुर्भुजं देवं शङ्खचक्रगदाधरम्।
पीताम्बरयुगोपेतं लक्ष्मीयुक्तं विभूषितम्।
लसत्कौस्तुभशोभाढ्यं मेघश्यामं सुलोचनम्॥

अस्मिन् बिम्बे श्री-भूमि-नीला-समेतं महाविष्णुं ध्यायामि।

स॒हस्र॑शीर्‌षा॒ पुरु॑षः। स॒ह॒स्रा॒क्षः स॒हस्र॑पात्।

स भूमिं॑ वि॒श्वतो॑ वृ॒त्वा। अत्य॑तिष्ठद्दशाङ्गु॒लम्॥

अस्मिन् बिम्बे श्री-भूमि-नीला-समेतं महाविष्णुम् आवाहयामि।

पुरु॑ष ए॒वेदꣳ सर्वम्᳚। यद्भू॒तं यच्च॒ भव्यम्᳚।

उ॒तामृ॑त॒त्वस्येशा॑नः। यदन्ने॑नाति॒रोह॑ति॥

श्री-भूमि-नीला-समेत-महा-विष्णवे नमः, आसनं समर्पयामि।

ए॒तावा॑नस्य महि॒मा। अतो॒ ज्यायाꣴ॑श्च॒ पूरु॑षः।

पादो᳚ऽस्य॒ विश्वा॑ भू॒तानि॑। त्रि॒पाद॑स्या॒मृतं॑ दि॒वि॥

श्री-भूमि-नीला-समेत-महा-विष्णवे नमः, पाद्यं समर्पयामि।

त्रि॒पादू॒र्ध्व उदै॒त्पुरु॑षः। पादो᳚ऽस्ये॒हाऽऽभ॑वा॒त्पुनः॑।

ततो॒ विश्व॒ङ्व्य॑क्रामत्। सा॒श॒ना॒न॒श॒ने अ॒भि॥

श्री-भूमि-नीला-समेत-महा-विष्णवे नमः, अर्घ्यं समर्पयामि।

तस्मा᳚द्वि॒राड॑जायत। वि॒राजो॒ अधि॒ पूरु॑षः।

स जा॒तो अत्य॑रिच्यत। प॒श्चाद्भूमि॒मथो॑ पु॒रः॥

श्री-भूमि-नीला-समेत-महा-विष्णवे नमः, आचमनीयं समर्पयामि।

यत्पुरु॑षेण ह॒विषा᳚। दे॒वा य॒ज्ञमत॑न्वत।

व॒स॒न्तो अ॑स्याऽऽसी॒दाज्यम्᳚। ग्री॒ष्म इ॒ध्मः श॒रद्ध॒विः॥

श्री-भूमि-नीला-समेत-महा-विष्णवे नमः, मधुपर्कं समर्पयामि।

षोडशोपचार-पूजा

Mon, 01 Jan 0001 00:00:00 +0000

षोडशोपचार-पूजा

सौवर्णरौप्यताम्रमृन्मयाद्यन्यतमां गणपतिमूर्तिं कृत्वा जलपूर्णं पूर्णपात्रं वस्त्रयुतकुम्भोपरि स्थापयित्वा
षोडशोपचारैः पूजयेत्।

लम्बोदरं चतुर्बाहुं त्रिनेत्रं रक्तवर्णकम्।

नानारत्नैः सुवेषाढ्यं प्रसन्नास्यं विचिन्तयेत्॥

ध्यायेद्गजाननं देवं तप्तकाञ्चनसुप्रभम्।

चतुर्बाहुं महाकायं सूर्यकोटिसमप्रभम्॥

अस्मिन् बिम्बे/प्रतिमायां/चित्रपटे श्री-सिद्धिविनायकं ध्यायामि।

आगच्छ त्वं जगन्नाथ सुरासुरनमस्कृत।

अनाथनाथ सर्वज्ञ विघ्नराज कृपां कुरु॥

स॒हस्र॑शीर्‌षा॒ पुरु॑षः। स॒ह॒स्रा॒क्षः स॒हस्र॑पात्।

स भूमिं॑ वि॒श्वतो॑ वृ॒त्वा। अत्य॑तिष्ठद्दशाङ्गु॒लम्॥

गजास्याय नमः, अस्मिन् बिम्बे/प्रतिमायां/चित्रपटे गजास्यमावाहयामि।

गोप्ता त्वं सर्वलोकानामिन्द्रादीनां विशेषतः।

भक्तदारिद्र्यविच्छेत्ता एकदन्त नमोऽस्तु ते॥

पुरु॑ष ए॒वेदꣳ सर्वम्᳚। यद्भू॒तं यच्च॒ भव्यम्᳚।

उ॒तामृ॑त॒त्वस्येशा॑नः। यदन्ने॑नाति॒रोह॑ति॥

विघ्नराजाय नमः, आसनं समर्पयामि।

मोदकान्धारयन्हस्ते भक्तानां वरदायक।

देवदेव नमस्तेऽस्तु भक्तानां फलदो भव॥

ए॒तावा॑नस्य महि॒मा। अतो॒ ज्यायाꣴ॑श्च॒ पूरु॑षः।

पादो᳚ऽस्य॒ विश्वा॑ भू॒तानि॑। त्रि॒पाद॑स्या॒मृतं॑ दि॒वि॥

लम्बोदराय नमः, पाद्यं समर्पयामि।

सूर्य-अर्घ्य-प्रदानम्

Mon, 01 Jan 0001 00:00:00 +0000

सूर्य-अर्घ्य-प्रदानम्

स्त्रीणां सूर्यार्घ्यप्रदान-विधिः
Method of women offering Arghya to Sūrya
After bathing, wearing clean clothes, applying tilakam etc., and taking clean water in a tīrtha pātram, this must be offered with devotion.
This must be offered thrice every day. It must be done facing east in the morning, and facing west in the evening. At noon, face east until midday has elapsed, and west thereafter.
Pray to Sūrya with the first shloka. Then, chanting the second shloka three times, offer Arghyam for each repetition. Arghya means joining the two hands together, cupped with palms facing up, taking water in them, and offering it with devotion.
करणीयानि, अकरणीयानि च
Do-s and don't-s
Arghya must be offered in a waterbody such as a river, or in a clean place. If that is not possible, it may be offered in a plate or vessel and then poured away in another clean place.
The water offered as Arghya should not get mixed with dirty water; it should not be touched by feet. If it spills where feet might touch it, wipe it away.
Not only for this, but for any anushthanam, the vessels used must be made of traditional metals such as copper, brass etc. Stainless steel should not be used.
If one incurs an āśaucham, one may mentally pray to Sūrya, but perform this only after the āśaucham has elapsed and śuddhi is acquired.

हनुमदष्टोत्तरशतनामावलिः

Mon, 01 Jan 0001 00:00:00 +0000

हनुमदष्टोत्तरशतनामावलिः

हनुमते नमः
अञ्जना-सूनवे नमः
धीमते नमः
केसरि-नन्दनाय नमः
वातात्मजाय नमः
वर-गुणाय नमः
वानरेन्द्राय नमः
विरोचनाय नमः
सुग्रीव-सचिवाय नमः
श्रीमते नमः १०
सूर्य-शिष्याय नमः
सुख-प्रदाय नमः
ब्रह्म-दत्त-वराय नमः
ब्रह्म-भूताय नमः
ब्रह्मर्षि-सन्नुताय नमः
जितेन्द्रियाय नमः
जितारातये नमः
राम-दूताय नमः
रणोत्कटाय नमः
सञ्जीवनी-समाहर्त्रे नमः २०
सर्व-सैन्य-प्रहर्षकाय नमः
रावणाकम्प्य-सौमित्रि-नयन-स्फुट-भक्तिमते नमः
अशोक-वनिका-च्छेदिने नमः
सीता-वात्सल्य-भाजनाय नमः
विषीदद्-भूमि-तनयार्पित-रामाङ्गुलीयकाय नमः
चूडामणि-समानेत्रे नमः
राम-दुःखापहारकाय नमः
अक्ष-हन्त्रे नमः
विक्षतारये नमः
तृणीकृत-दशाननाय नमः ३०
कुल्या-कल्प-महाम्भोधये नमः
सिंहिका-प्राण-नाशनाय नमः
सुरसा-विजयोपाय-वेत्त्रे नमः
सुर-वरार्चिताय नमः
जाम्बवन्नुत-माहात्म्याय नमः
जीविताहत-लक्ष्मणाय नमः
जम्बुमालि-रिपवे नमः
जम्भ-वैरि-साध्वस-नाशनाय नमः
अस्त्रावध्याय नमः
राक्षसारये नमः ४०
सेनापति-विनाशनाय नमः
लङ्कापुर-प्रदग्ध्रे नमः
वालानल-सुशीतलाय नमः
वानर-प्राण-सन्दात्रे नमः
वालि-सूनु-प्रियङ्कराय नमः
महारूप-धराय नमः
मान्याय नमः
भीमाय नमः
भीम-पराक्रमाय नमः
भीम-दर्प-हराय नमः ५०
भक्त-वत्सलाय नमः
भर्त्सिताशराय नमः
रघु-वंश-प्रिय-कराय नमः
रण-धीराय नमः
रयाकराय नमः
भरतार्पित-सन्देशाय नमः
भगवच्छ्लिष्ट-विग्रहाय नमः
अर्जुन-ध्वज-वासिने नमः
तर्जिताशर-नायकाय नमः
महते नमः ६०
महा-मधुर-वाचे नमः
महात्मने नमः
मातरिश्व-जाय नमः
मरुन्नुताय नमः
महोदार-गुणाय नमः
मधु-वन-प्रियाय नमः
महा-धैर्याय नमः
महा-वीर्याय नमः
मिहिराधिक-कान्तिमते नमः
अन्नदाय नमः ७०
वसुदाय नमः
वाग्मिने नमः
ज्ञान-दाय नमः
वत्सलाय नमः
वशिने नमः
वशीकृताखिल-जगते नमः
वरदाय नमः
वानराकृतये नमः
भिक्षु-रूप-प्रतिच्छन्नाय नमः
अभीति-दाय नमः ८०
भीति-वर्जिताय नमः
भूमी-धर-हराय नमः
भूति-दायकाय नमः
भूत-सन्नुताय नमः
भुक्ति-मुक्ति-प्रदाय नमः
भूम्ने नमः
भुज-निर्जित-राक्षसाय नमः
वाल्मीकि-स्तुत-माहात्म्याय नमः
विभीषण-सुहृदे नमः
विभवे नमः ९०
अनुकम्पा-निधये नमः
पम्पा-तीर-चारिणे नमः
प्रतापवते नमः
ब्रह्मास्त्र-हत-रामादि-जीवनाय नमः
ब्रह्म-वत्सलाय नमः
जय-वार्ताहराय नमः
जेत्रे नमः
जानकी-शोक-नाशनाय नमः
जानकी-राम-साहित्य-कारिणे नमः
जन-सुख-प्रदाय नमः १००
बहु-योजन-गन्त्रे नमः
बल-वीर्य-गुणाधिकाय नमः
रावणालय-मर्दिने नमः
राम-पादाब्ज-वाहकाय नमः
राम-नाम-लसद्-वक्त्राय नमः
रामायण-कथादृताय नमः
राम-स्वरूप-विलसन्मानसाय नमः
राम-वल्लभाय नमः १०८

ब्रह्मकृतरामस्तवः

Sun, 06 Oct 2024 00:00:00 +0000

ब्रह्मकृतरामस्तवः

ततो हि दुर्मना रामः श्रुत्वैवं वदतां गिरः।

दध्यौ मुहूर्तं धर्मात्मा बाष्पव्याकुललोचनः॥१॥

ततो वैश्रवणो राजा यमश्च पितृभिः सह।

सहस्राक्षश्च देवेशो वरुणश्च जलेश्वरः॥२॥

षडर्धनयनः श्रीमान्महादेवो वृषध्वजः।

कर्ता सर्वस्य लोकस्य ब्रह्मा ब्रह्मविदां वरः॥३॥

एते सर्वे समागम्य विमानैः सूर्यसन्निभैः।

आगम्य नगरीं लङ्काम् अभिजग्मुश्च राघवम्॥४॥

ततः सहस्ताभरणान् प्रगृह्य विपुलान् भुजान्।

अब्रुवंस्त्रिदशश्रेष्ठाः प्राञ्जलिं राघवं स्थितम्॥५॥

कर्ता सर्वस्य लोकस्य श्रेष्ठो ज्ञानविदां विभुः।

उपेक्षसे कथं सीतां पतन्तीं हव्यवाहने॥६॥

कथं देवगणश्रेष्ठम् आत्मानं नावबुध्यसे।

ऋतधामा वसुः पूर्वं वसूनां त्वं प्रजापतिः॥७॥

त्रयाणां त्वं हि लोकानाम् आदिकर्ता स्वयम्प्रभुः।

रुद्राणामष्टमो रुद्रः साध्यानामसि पञ्चमः॥८॥

अश्विनौ चापि ते कर्णौ चन्द्रसूर्यौ च चक्षुषी।

अन्ते चादौ च लोकानाम् दृश्यसे त्वं परन्तप॥९॥

उपेक्षसे च वैदेहीं मानुषः प्राकृतो यथा।

इत्युक्तो लोकपालैस्तैः स्वामी लोकस्य राघवः॥१०॥

अब्रवीत् त्रिदशश्रेष्ठान् रामो धर्मभृतां वरः।

आत्मानं मानुषं मन्ये रामं दशरथात्मजम्॥११॥

योऽहं यस्य यतश्चाहं भगवांस्तद् ब्रवीतु मे।

इति ब्रुवन्तं काकुत्स्थं ब्रह्मा ब्रह्मविदां वरः॥१२॥

अब्रवीच्छृणु मे राम सत्यं सत्यपराक्रम।

भवान् नारायणो देवः श्रीमांश्चक्रायुधः प्रभुः॥१३॥

एकशृङ्गो वराहस्त्वं भूतभव्यसपत्नजित्।

अक्षरं ब्रह्म सत्यं च मध्ये चान्ते च राघव॥१४॥

लोकानां त्वं परो धर्मो विष्वक्सेनश्चतुर्भुजः।

शार्ङ्गधन्वा हृषीकेशः पुरुषः पुरुषोत्तमः॥१५॥

अजितः खड्गधृद् विष्णुः कृष्णश्चैव सनातनः।

सेनानीर्ग्रामणीश्च त्वं बुद्धिः सत्त्वं क्षमा दमः॥१६॥

प्रभवश्चाप्ययश्च त्वम् उपेन्द्रो मधुसूदनः।

इन्द्रकर्मा महेन्द्रस्त्वं पद्मनाभो रणान्तकृत्॥१७॥

शरण्यं शरणं च त्वाम् आहुर्दिव्या महर्षयः।

सहस्रशृङ्गो वेदात्मा शतशीर्षो महर्षभः॥१८॥

त्वं त्रयाणां हि लोकानाम् आदिकर्ता स्वयम्प्रभुः।

सिद्धानामपि साध्यानाम् आश्रयश्चासि पूर्वजः॥१९॥

त्वं यज्ञस्त्वं वषट्कारस्त्वमोङ्कारः परात्परः।

प्रभवं निधनं वा ते नो विदुः को भवानिति॥२०॥

दृश्यसे सर्वभूतेषु ब्राह्मणेषु च गोषु च।

दिक्षु सर्वासु गगने पर्वतेषु वनेषु च॥२१॥

सहस्रचरणः श्रीमान् शतशीर्षः सहस्रदृक्।

त्वं धारयसि भूतानि पृथिवीं च सपर्वताम्॥२२॥

अन्ते पृथिव्याः सलिले दृश्यसे त्वं महोरगः।

त्रीन् लोकान् धारयन् राम देवगन्धर्वदानवान्॥२३॥

अहं ते हृदयं राम जिह्वा देवी सरस्वती।

देवा गात्रेषु रोमाणि ब्रह्मणा निर्मिताः प्रभो॥२४॥

निमेषस्ते भवेद् रात्रिरुन्मेषस्ते भवेद् दिवा।

संस्कारास्तेऽभवन् वेदा न तदस्ति त्वया विना॥२५॥

जगत् सर्वं शरीरं ते स्थैर्यं ते वसुधातलम्।

अग्निः कोपः प्रसादस्ते सोमः श्रीवत्सलक्षणः॥२६॥

त्वया लोकास्त्रयः क्रान्ताः पुरा स्वैर्विक्रमैस्त्रिभिः।

महेन्द्रश्च कृतो राजा बलिं बद्ध्वा महासुरम्॥२७॥

सीता लक्ष्मीर्भवान् विष्णुः देवः कृष्णः प्रजापतिः।

वधार्थं रावणस्येह प्रविष्टो मानुषीं तनुम्॥२८॥

तदिदं नः कृतं कार्यं त्वया धर्मभृतां वर।

निहतो रावणो राम प्रहृष्टो दिवमाक्रम॥२९॥

अमोघं बलवीर्यं ते अमोघस्ते पराक्रमः।

अमोघं दर्शनं राम अमोघस्तव संस्तवः॥३०॥

अमोघास्ते भविष्यन्ति भक्तिमन्तो नरा भुवि।

ये त्वां देवं ध्रुवं भक्ताः पुराणं पुरुषोत्तमम्॥३१॥

प्राप्नुवन्ति सदा कामान् इह लोके परत्र च।
इममार्षं स्तवं नित्यम् इतिहासं पुरातनम्।
ये नराः कीर्तयिष्यन्ति तेषां नास्ति पराभवः॥३२॥

॥इत्यार्षे श्रीमद्रामायणे वाल्मीकीये आदिकाव्ये चतुर्विंशतिसहस्रिकायां संहितायां युद्धकाण्डे ब्रह्मकृतरामस्तवो नाम विंशत्यधिकशततमः सर्गः॥

दुर्गाचन्द्रकलास्तुतिः

Sat, 20 Jun 2020 00:00:00 +0000

दुर्गाचन्द्रकलास्तुतिः

वेधोहरीश्वरस्तुत्यां विहर्त्रीं विन्ध्यभूधरे।

हरप्राणेश्वरीं वन्दे हन्त्रीं विबुधविद्विषाम्॥१॥

अभ्यर्थनेन सरसीरुहसम्भवस्य
त्यक्त्वोदिता भगवदक्षिपिधानलीलाम्।
विश्वेश्वरी विपदपाकरणे पुरस्तात्
माता ममास्तु मधुकैटभयोर्निहन्त्री॥२॥

प्राङ्निर्जरेषु निहितैर्निजशक्तिलेशैः
एकीभवद्भिरुदिताऽखिललोकगुप्त्यै।
सम्पन्नशस्त्रनिकरा च तदायुधस्थैः
माता ममास्तु महिषान्तकरी पुरस्तात्॥३॥

प्रालेयशैलतनयातनुकान्तिसम्पत्-
कोशोदिता कुवलयच्छविचारुदेहा।
नारायणी नमदभीप्सितकल्पवल्ली
सुप्रीतिमावहतु शुम्भनिशुम्भहन्त्री॥४॥

विश्वेश्वरीति महिषान्तकरीति यस्याः
नारायणीत्यपि च नामभिरङ्कितानि।
सूक्तानि पङ्कजभुवा च सुरर्षिभिश्च
दृष्टानि पावकमुखैश्च शिवां भजे ताम्॥५॥

उत्पत्तिदैत्यहननस्तवनात्मकानि
संरक्षकाण्यखिलभूतहिताय यस्याः।
सूक्तान्यशेषनिगमान्तविदः पठन्ति
तां विश्वमातरमजस्रमभिष्टवीमि॥६॥

ये वैप्रचित्तपुनरुत्थितशुम्भमुख्यैः
दुर्भिक्षघोरसमयेन च कारितासु।
आविष्कृतास्त्रिजगदार्तिषु रूपभेदाः
तैरम्बिका समभिरक्षतु मां विपद्भ्यः॥७॥

सूक्तं यदीयमरविन्दभवादिदृष्टम्
आवर्त्य देव्यनुपदं सुरथः समाधिः।
द्वावप्यवापतुरभीष्टमनन्यलभ्यं
तामादिदेवतरुणीं प्रणमामि मूर्ध्ना॥८॥

माहिष्मतीतनुभवं च रुरुं च हन्तुम्
आविष्कृतैर्निजरसादवतारभेदैः।
अष्टादशाहतनवाहतकोटिसङ्ख्यैः
अम्बा सदा समभिरक्षतु मां विपद्भ्यः॥९॥

एतच्चरित्रमखिलं लिखितं हि यस्याः
सम्पूजितं सदन एव निवेशितं वा।
दुर्गं च तारयति दुस्तरमप्यशेषं
श्रेयः प्रयच्छति च सर्वमुमां भजे ताम्॥१०॥

यत्पूजनस्तुतिनमस्कृतिभिर्भवन्ति
प्रीताः पितामहरमेशहरास्त्रयोऽपि।
तेषामपि स्वकगुणैर्ददती वपूंषि
तामीश्वरस्य तरुणीं शरणं प्रपद्ये॥११॥

कान्तारमध्यदृढलग्नतयाऽवसन्नाः
मग्नाश्च वारिधिजले रिपुभिश्च रुद्धाः।
यस्याः प्रपद्य चरणौ विपदस्तरन्ति
सा मे सदाऽस्तु हृदि सर्वजगत्सवित्री॥१२॥

बन्धे वधे महति मृत्युभये प्रसक्ते
वित्तक्षये च विविधे य महोपतापे।
यत्पादपूजनमिह प्रतिकारमाहुः
सा मे समस्तजननी शरणं भवानी॥१३॥

बाणासुरप्रहितपन्नगबन्धमोक्षः
तद् बाहुदर्पदलनादुषया च योगः।
प्राद्युम्निना द्रुतमलभ्यत यत्प्रसादात्
सा मे शिवा सकलमप्यशुभं क्षिणोतु॥१४॥

पापः पुलस्त्यतनयः पुनरुत्थितो माम्
अद्यापि हर्तुमयमागत इत्युदीतम्।
यत्सेवनेन भयमिन्दिरयाऽवधूतं
तामादिदेवतरुणीं शरणं गतोऽस्मि॥१५॥

यद् ध्यानजं सुखमवाप्यमनन्तपुण्यैः
साक्षात् तमच्युतपरिग्रहमाश्ववापुः।
गोपाङ्गनाः किल यदर्चनपुण्यमात्राः
सा मे सदा भगवती भवतु प्रसन्ना॥१६॥

रात्रिं प्रपद्य इति मन्त्रविदः प्रपन्नान्
उद्बोध्य मृत्यवधिमन्यफलैः प्रलोभ्य।
बुद्ध्वा च तद्विमुखतां प्रतनं नयन्तीम्
आकाशमादिजननीं जगतां भजे ताम्॥१७॥

देशकालेषु दुष्टेषु दुर्गाचन्द्रकलास्तुतिः।

सन्ध्ययोरनुसन्धेया सर्वापद्विनिवृत्तये॥१८॥

॥इति श्रीमदप्पय्यदीक्षितविरचिता श्रीदुर्गाचन्द्रकलास्तुतिः सम्पूर्णा॥

लक्ष्मी-नृसिंह-करुणारस-स्तोत्रम्

Sat, 20 Jun 2020 00:00:00 +0000

लक्ष्मी-नृसिंह-करुणारस-स्तोत्रम्

श्रीमत्-पयोनिधि-निकेतन चक्रपाणे
भोगीन्द्र-भोग-मणि-राजित-पुण्य-मूर्ते।
योगीश शाश्वत शरण्य भवाब्धि-पोत
लक्ष्मी-नृसिंह मम देहि करावलम्बम्॥१॥

ब्रह्मेन्द्र-रुद्र-मरुदर्क-किरीट-कोटि-
सङ्घट्टिताङ्घ्रि-कमलामल-कान्ति-कान्त।
लक्ष्मी-लसत्-कुच-सरोरुह-राजहंस
लक्ष्मी-नृसिंह मम देहि करावलम्बम्॥२॥

संसार-दाव-दहनाकर-भी-करोरु-
ज्वालावलीभिरतिदग्ध-तनूरुहस्य।
त्वत्-पाद-पद्म-सरसी-शरणागतस्य
लक्ष्मी-नृसिंह मम देहि करावलम्बम्॥३॥

संसार-जाल-पतितस्य जगन्निवास
सर्वेन्द्रियार्थ-बडिशाग्र-झषोपमस्य।
प्रोत्कम्पित-प्रचुर-तालुक-मस्तकस्य
लक्ष्मी-नृसिंह मम देहि करावलम्बम्॥४॥

संसार-कूपमतिघोरमगाध-मूलं
सम्प्राप्य दुःख-शत-सर्प-समाकुलस्य।
दीनस्य देव कृपया पदमागतस्य
लक्ष्मी-नृसिंह मम देहि करावलम्बम्॥५॥

संसार-भीकर-करीन्द्र-कराभिघात-
निष्पीड्यमान-वपुषः सकलार्ति-नाश।
प्राण-प्रयाण-भव-भीति-समाकुलस्य
लक्ष्मी-नृसिंह मम देहि करावलम्बम्॥६॥

संसार-सर्प-विष-दिग्ध-महोग्र-तीव्र-
दंष्ट्राग्र-कोटि-परिदष्ट-विनष्ट-मूर्तेः।
नागारि-वाहन सुधाब्धि-निवास शौरे
लक्ष्मी-नृसिंह मम देहि करावलम्बम्॥७॥

संसार-वृक्षमघ-बीजमनन्त-कर्म-
शाखा-युतं करण-पत्रमनङ्ग-पुष्पम्।
आरुह्य दुःख-फलितं पततं दयालो
लक्ष्मी-नृसिंह मम देहि करावलम्बम्॥८॥

संसार-सागर-विशाल-कराल-काल-
नक्र-ग्रह-ग्रसित-निग्रह-विग्रहस्य।
व्यग्रस्य राग-निचयोर्मि-निपीडितस्य
लक्ष्मी-नृसिंह मम देहि करावलम्बम्॥९॥

संसार-सागर-निमज्जनमुह्यमानं
दीनं विलोकय विभो करुणा-निधे माम्।
प्रह्लाद-खेद-परिहार-परावतार
लक्ष्मी-नृसिंह मम देहि करावलम्बम्॥१०॥

संसार-घोर-गहने चरतो मुरारे
मारोग्र-भीकर-मृग-प्रचुरार्दितस्य।
आर्तस्य मत्सर-निदाघ-सुदुःखितस्य
लक्ष्मी-नृसिंह मम देहि करावलम्बम्॥११॥

बद्ध्वा गले यम-भटा बहु तर्जयन्तः
कर्षन्ति यत्र भव-पाश-शतैर्युतं माम्।
एकाकिनं परवशं चकितं दयालो
लक्ष्मी-नृसिंह मम देहि करावलम्बम्॥१२॥

लक्ष्मीपते कमलनाभ सुरेश विष्णो
यज्ञेश यज्ञ मधुसूदन विश्वरूप।
ब्रह्मण्य केशव जनार्दन वासुदेव
लक्ष्मी-नृसिंह मम देहि करावलम्बम्॥१३॥

एकेन चक्रमपरेण करेण शङ्खम्
अन्येन सिन्धु-तनयाम् अवलम्ब्य तिष्ठन्।
वामेतरेण वरदाभय-पद्म-चिह्नं
लक्ष्मी-नृसिंह मम देहि करावलम्बम्॥१४॥

अन्धस्य मे हृत-विवेक-महाधनस्य
चोरैर्-महाबलिभिरिन्द्रिय-नामधेयैः।
मोहान्धकार-कुहरे विनिपातितस्य
लक्ष्मी-नृसिंह मम देहि करावलम्बम्॥१५॥

प्रह्लाद-नारद-पराशर-पुण्डरीक-
व्यासादि-भागवत-पुङ्गव-हृन्निवास।
भक्तानुरक्त-परिपालन-पारिजात
लक्ष्मी-नृसिंह मम देहि करावलम्बम्॥१६॥

लक्ष्मी-नृसिंह-चरणाब्ज-मधुव्रतेन
स्तोत्रं कृतं शुभकरं भुवि शङ्करेण।
ये तत् पठन्ति मनुजा हरि-भक्ति-युक्ताः
ते यान्ति तत्-पद-सरोजमखण्ड-रूपम्॥१७॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-लक्ष्मी-नृसिंह-करुणारस-स्तोत्रं सम्पूर्णम्‌॥

गङ्गाष्टकम्

Sat, 30 Mar 2019 00:00:00 +0000

गङ्गाष्टकम्

भगवति भवलीलामौलिमाले तवाम्भः
कणमणुपरिमाणं प्राणिनो ये स्पृशन्ति।
अमरनगरनारीचामरमरग्राहिणीनां
विगतकलिकलङ्कातङ्कमङ्के लुठन्ति॥१॥

ब्रह्माण्डं खण्डयन्ती हरशिरसि जटावल्लिमुल्लासयन्ती
स्वर्लोकादापतन्ती कनकगिरिगुहागण्डशैलात् स्खलन्ती।
क्षोणी पृष्ठे लुठन्ती दुरितचयचमूं निर्भरं भर्त्सयन्ती
पाथोधिं पूरयन्ती सुरनगरसरित् पावनी नः पुनातु॥२॥

मज्जनमातङ्गकुम्भच्युतमदमदिरामोदमत्तालिजालं
स्नानैः सिद्धाङ्गनानां कुचयुगविगलत् कुङ्कुमासङ्गपिङ्गम्।
सायं प्रातर्मुनीनां कुशकुसुमचयैश्छिन्नतीरस्थनीरं
पायान्नो गाङ्गमम्भः करिकलभकराक्रान्तरं हस्तरङ्गम्॥३॥

आदावादिपितामहस्य नियमव्यापारपात्रे जलं
पश्चात् पन्नगशायिनो भगवतः पादोदकं पावनम्।
भूयः शम्भुजटाविभूषणमणिर्जह्नोर्महर्षेरियं
कन्या कल्मषनाशिनी भगवती भागीरथी पातु माम्॥४॥

शैलेन्द्रादवतारिणी निजजल-मज्जज्जनोत्तारिणी
पारावारविहारिणी भवभयश्रेणी-समुत्सारिणी।
शेषाहेरनुकारिणी हरशिरोवल्लीदलाकारिणी
काशीप्रान्तविहारिणी विजयते गङ्गा मनोहारिणी॥५॥

कुतो वीची वीचिस्तव यदि गता लोचनपथं
त्वमापीता पीताम्बरपुग्निवासं वितरसि।
त्वदुत्सङ्गे गङ्गे पतति यदि कायस्तनुभृतां
तदा मातः शान्तक्रतवपदलाभोऽप्यतिलघुः॥६॥

भगवति तव तीरे नीरमात्राशनोऽहं
विगतविषयतृष्णः कृष्णमाराधयामि।
सकलकलुषभङ्गे स्वर्गसोपानगङ्गे
तरलतरतरङ्गे देवि गङ्गे प्रसीद॥७॥

मातर्जाह्नवी शम्भुसङ्गवलिते मौलौ निधायाञ्जलिं
त्वत्तीरे वपुषोऽवसानसमये नारायणाङ्घ्रिद्वयम्।
सानन्दं स्मरतो भविष्यति मम प्राणप्रयाणोत्सवे
भूयाद् भक्तिरविच्युता हरिहराद्वैतात्मिका शाश्वती॥८॥

गङ्गाष्टकमिदं पुण्यं यः पठेत् प्रयतो नरः।

सर्वपापविनिर्भुक्तो विष्णुलोकं स गच्छति॥९॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-गङ्गाष्टकं सम्पूर्णम्॥

महालक्ष्मीस्तुतिः (अगस्त्यकृता)

Mon, 15 Oct 2018 00:00:00 +0000

महालक्ष्मीस्तुतिः (अगस्त्यकृता)

अगस्तिरुवाच

मातर्नमामि कमले कमलायताक्षि
श्रीविष्णुहृत्कमलवासिनि विश्वमातः।
क्षीरोदजे कमलकोमलगर्भगौरि
लक्ष्मि प्रसीद सततं नमतां शरण्ये॥१॥

त्वं श्रीरुपेन्द्रसदने मदनैकमातर्-
ज्योत्स्नाऽसि चन्द्रमसि चन्द्रमनोहरास्ये।
सूर्ये प्रभाऽसि च जगत्त्रितये प्रभाऽसि
लक्ष्मि प्रसीद सततं नमतां शरण्ये॥२॥

त्वं जातवेदसि सदा दहनात्मशक्तिर्-
वेधास्त्वया जगदिदं विविधं विदध्यात्।
विश्वम्भरोऽपि बिभृयादखिलं भवत्या
लक्ष्मि प्रसीद सततं नमतां शरण्ये॥३॥

त्वत्त्यक्तमेतदमले हरते हरोऽपि
त्वं पासि हंसि विदधासि परावरासि।
ईड्यो बभूव हरिरप्यमले त्वदाप्त्या
लक्ष्मि प्रसीद सततं नमतां शरण्ये॥४॥

शूरः स एव स गुणी स बुधः स धन्यो
मान्यः स एव कुलशीलकलाकलापैः।
एकः शुचिः स हि पुमान् सकलेऽपि लोके
यत्रापतेत् तव शुभे करुणाकटाक्षः॥५॥

यस्मिन्वसेः क्षणमहो पुरुषे गजेऽश्वे
स्त्रैणे तृणे सरसि देवकुले गृहेऽन्ने।
रत्ने पतत्त्रिणि पशौ शयने धरायां
सश्रीकमेव सकले तदिहास्ति नान्यत्॥६॥

त्वत्स्पृष्टमेव सकलं शुचितां लभेत
त्वत्त्यक्तमेव सकलं त्वशुचीह लक्ष्मि।
त्वन्नाम यत्र च सुमङ्गलमेव तत्र
श्रीविष्णुपत्नि कमले कमलालयेऽपि॥७॥

लक्ष्मीं श्रियं च कमलां कमलालयां च
पद्मां रमां नलिनयुग्मकरां च मां च।
क्षीरोदजाममृतकुम्भकरामिरां च
विष्णुप्रियामिति सदा जपतां क्व दुःखम्॥८॥

ये पठिष्यन्ति च स्तोत्रं त्वद्भक्त्या मत्कृतं सदा।

तेषां कदाचित् सन्तापो माऽस्तु माऽस्तु दरिद्रता॥९॥

माऽस्तु चेष्टवियोगश्च माऽस्तु सम्पत्तिसङ्क्षयः।

सर्वत्र विजयश्चाऽस्तु विच्छदो माऽस्तु सन्ततेः॥१०॥

श्रीरुवाच

गुरुपरम्परा-स्तुतिः

Tue, 01 May 2018 00:00:00 +0000

गुरुपरम्परा-स्तुतिः

॥ॐ श्री-गणेशाय नमः॥
॥ॐ श्री-गुरुभ्यो नमः॥
॥हरिः ॐ॥

नारायणं पद्मभुवं वसिष्ठं शक्तिं च तत्पुत्रपराशरं च
व्यासं शुकं गौडपदं महान्तं गोविन्दयोगीन्द्रमथास्य शिष्यम्।
श्री-शङ्कराचार्यमथास्य पद्मपादं च हस्तामलकं च शिष्यं
तं तोटकं वार्तिककारमन्यानस्मद्गुरून् सन्ततमानतोऽस्मि॥

श्रुतिस्मृतिपुराणानाम् आलयं करुणालयम्।

नमामि भगवत्पादशङ्करं लोकशङ्करम्॥

अपारकरुणासिन्धुं ज्ञानदं शान्तरूपिणम्।

श्रीचन्द्रशेखरगुरुं प्रणमामि मुदाऽन्वहम्॥

देवे देहे च देशे च भक्त्यारोग्य-सुख-प्रदम्।

बुध-पामर-सेव्यं तं श्री-जयेन्द्रं नमाम्यहम्॥

नमामः शङ्करान्वाख्य-विजयेन्द्रसरस्वतीम्।

श्रीगुरुं शिष्टमार्गानुनेतारं सन्मतिप्रदम्॥

सत्यनारायणक्षेत्रात् सत्यव्रतमुपागतम्।

आश्रये कामकोटीशं सत्यश्रीचन्द्रशेखरम्॥

सदाशिवसमारम्भां शङ्कराचार्यमध्यमाम्।

अस्मदाचार्यपर्यन्तां वन्दे गुरुपरम्पराम्॥

ऐङ्कार-ह्रीङ्कार-रहस्ययुक्त-
श्रीङ्कार-गूढार्थ-महाविभूत्या।
ओङ्कार-मर्म-प्रतिपादिनीभ्यां
नमो नमः श्रीगुरुपादुकाभ्याम्॥

अचिन्त्याव्यक्तरूपाय निर्गुणाय गुणात्मने।

समस्तजगदाधारमूर्तये ब्रह्मणे नमः॥

PDF:A5 / print Kindle Kindle Scribe

अहल्याकृत-रामस्तोत्रम्

Fri, 29 Dec 2017 00:00:00 +0000

अहल्याकृत-रामस्तोत्रम्

अहल्योवाच

अहो कृतार्थाऽस्मि जगन्निवास ते
पादाब्जसंलग्नरजः कणादहम्।
स्पृशामि यत्पद्मजशङ्करादिभिः
विमृग्यते रन्धितमानसैः सदा॥४३॥

अहो विचित्रं तव राम चेष्टितं
मनुष्यभावेन विमोहितं जगत्।
चलस्यजस्रं चरणादिवर्जितः
सम्पूर्ण आनन्दमयोऽतिमायिकः॥४४॥

यत्पादपङ्कजपरागपवित्रगात्रा
भागीरथी भवविरिञ्चिमुखान् पुनाति।
साक्षात् स एव मम दृग्विषयो यदाऽऽस्ते
किं वर्ण्यते मम पुराकृतभागधेयम्॥४५॥

मर्त्यावतारे मनुजाकृतिं हरिं
रामाभिधेयं रमणीयदेहिनम्।
धनुर्धरं पद्मविशाललोचनं
भजामि नित्यं न परान् भजिष्ये॥४६॥

यत्पादपङ्कजरजः श्रुतिभिर्विमृग्यं
यन्नाभिपङ्कजभवः कमलासनश्च।
यन्नामसाररसिको भगवान् पुरारिः
तं रामचन्द्रमनिशं हृदि भावयामि॥४७॥

यस्यावतारचरितानि विरिञ्चिलोके
गायन्ति नारदमुखा भवपद्मजाद्याः।
आनन्दजाश्रुपरिषिक्तकुचाग्रसीमा
वागीश्वरी च तमहं शरणं प्रपद्ये॥४८॥

सोऽयं परात्मा पुरुषः पुराणः
एकः स्वयं ज्योतिरनन्त आद्यः।
मायातनुं लोकविमोहनीयां
धत्ते परानुग्रह एष रामः॥४९॥

अयं हि विश्वोद्भवसंयमानाम्
एकः स्वमायागुणबिम्बितो यः।
विरिञ्चिविष्ण्वीश्वरनामभेदान्
धत्ते स्वतन्त्रः परिपूर्ण आत्मा॥५०॥

नमोऽस्तु ते राम तवाङ्घ्रिपङ्कजं
श्रिया धृतं वक्षसि लालितं प्रियात्।
आक्रान्तमेकेन जगत्त्रयं पुरा
ध्येयं मुनीन्द्रैरभिमानवर्जितैः॥५१॥

जगतामादिभूतस्त्वं जगत् त्वं जगदाश्रयः।

सर्वभूतेष्वसंयुक्त एको भाति भवान् परः॥५२॥

ओङ्कारवाच्यस्त्वं राम वाचामविषयः पुमान्।

वाच्यवाचकभेदेन भवानेव जगन्मयः॥५३॥

कार्यकारणकर्तृत्वफलसाधनभेदतः।

एको विभासि राम त्वं मायया बहुरूपया॥५४॥

त्वन्मायामोहितधियस्त्वां न जानन्ति तत्त्वतः।

मानुषं त्वाऽभिमन्यन्ते मायिनं परमेश्वरम्॥५५॥

आकाशवत् त्वं सर्वत्र बहिरन्तर्गतोऽमलः।

असङ्गो ह्यचलो नित्यः शुद्धो बुद्धः सदव्ययः॥५६॥

योषिन्मूढाऽहमज्ञा ते तत्त्वं जाने कथं विभो।

तस्मात् ते शतशो राम नमस्कुर्यामनन्यधीः॥५७॥

देव मे यत्रकुत्रापि स्थिताया अपि सर्वदा।

त्वत्पादकमले सक्ता भक्तिरेव सदाऽस्तु मे॥५८॥

नमस्ते पुरुषाध्यक्ष नमस्ते भक्तवत्सल।

नमस्तेऽस्तु हृषीकेश नारायण नमोऽस्तु ते॥५९॥

भवभयहरमेकं भानुकोटिप्रकाशं
करधृतशरचापं कालमेघावभासम्।
कनकरुचिरवस्त्रं रत्नवत्कुण्डलाढ्यं
कमलविशदनेत्रं सानुजं राममीडे॥६०॥

स्तुत्वैवं पुरुषं साक्षाद् राघवं पुरतः स्थितम्।

परिक्रम्य प्रणम्याऽऽशु सानुज्ञाता ययौ पतिम्॥६१॥

अहल्यया कृतं स्तोत्रं यः पठेद् भक्तिसंयुतः।

स मुच्यतेऽखिलैः पापैः परं ब्रह्माधिगच्छति॥६२॥

पुत्राद्यर्थे पठेद्भक्त्या रामं हृदि निधाय च।

संवत्सरेण लभते वन्ध्या अपि सुपुत्रकम्॥६३॥

सर्वान् कामानवाप्नोति रामचन्द्रप्रसादतः॥६४॥

ब्रह्मघ्नो गुरुतल्पगोऽपि पुरुषः स्तेयी सुरापोऽपि वा
मातृभ्रातृविहिंसकोऽपि सततं भोगैकबद्धातुरः।
नित्यं स्तोत्रमिदं जपन् रघुपतिं भक्त्या हृदिस्थं स्मरन्
ध्यायन् मुक्तिमुपैति किं पुनरसौ स्वाचारयुक्तो नरः॥६५॥

॥इति श्रीमदध्यात्मरामायणे उमामहेश्वरसंवादे बालकाण्डे
पञ्चमे सर्गे श्री-अहल्याविरचितं श्री-रामचन्द्रस्तोत्रं सम्पूर्णम्॥

கந்தர்ஷஷ்டி கவசம்

Wed, 15 Jun 2016 00:00:00 +0000

கந்தர்ஷஷ்டி கவசம்

துதிப்போர்க்கு வல்வினைபோம் துன்பம்போம்
நெஞ்சிற் பதிப்போர்க்குச் செல்வம் பலித்துக்
கதித்தோங்கும் நிஷ்டையுங் கைகூடும்
நிமலரருள் கந்த சஷ்டி கவசந்தனை
குறள் வெண்பா
அமரரிடர் தீர வமரம் புரிந்த
குமரனடி நெஞ்சே குறி
சஷ்டியை நோக்கச் சரவண பவனார்
சிஷ்டருக் குதவுஞ் செங்கதிர் வேலோன்
பாத மிரண்டில் பன்மணிச் சதங்கை
கீதம்பாடக் கிண்கிணியாட
மையல் நடனஞ் செய்யும் மயில்வா கனனார்
கையில் வேலாலெனைக் காக்கவென் றுவந்து
வரவர வேலா யுதனார் வருக
வருக வருக மயிலோன் வருக
இந்திரன் முதலா வெண்டிசை போற்ற
மந்திர வடிவேல் வருக வருக
வாசவன் மருக வருக வருக
நேசக் குறமகள் நினைவோன் வருக
ஆறுமுகம் படைத்த ஐயா வருக
நீறிடும் வேலவன் நித்தம் வருக
சிரகிரி வேலவன் சீக்கிரம் வருக
சரஹண பவனார் சடுதியில் வருக
ரஹண பவச ரரரர ரரர
ரிஹண பவச ரிரிரிரி ரிரிரி
விணபவ சரஹண வீரா நமோநம
நிபவ சரஹண நிறநிற நிறென
வசர ஹணப வருக வருக
அசுரர் குடிகெடுத்த ஐயா வருக
என்னை யாளும் இளையோன் கையில்
பன்னிரண்டாயுதம் பாசாங் குசமும்
பரந்த விழிகள் பன்னிரண்டிலங்க
விரைந்தென்னைக் காக்க வேலோன் வருக
ஐயும் கிலியும் அடைவுடன் சௌவும்
உய்யொளி சௌவும் உயிரையுங் கிலியும்
கிலியும் சௌவும் கிளரொளியையும்
நிலைபெற் றென்முன் நித்தமு மொளிரும்
சண்முகன் தீயும் தனியொளி யொவ்வும்
குண்டலி யாஞ்சிவ குகன்தினம் வருக
ஆறுமுகமும் அணிமுடி யாறும்
நீறிடும் நெற்றியும் நீண்ட புருவமும்
பன்னிரு கண்ணும் பவளச் செவ்வாயும்
நன்னெறி நெற்றியும் நவமணிச் சுட்டியும்
ஈராறு செவியில் இலகு குண்டலமும்
ஆறிரு திண்புயத் தழுகிய மார்பில்
பல்பூ ஷணமும் பதக்கமும் தரித்து
நண்மணி பூண்ட நவரத்தின மாலையும்
முப்புரி நூலும் முத்தணி மார்பும்
செப்பழகுடைய திருவயி றுந்தியும்
துவண்ட மருங்கில் சுடரொளிப் பட்டும்
நவரத்தினம் பதித்த நற்சீ ராவும்
இருதொடை யழகும் இணைமுழந் தாளும்
திருவடி யதனில் சிலம்பொலி முழங்க
செகண செககண செககண செகண
மொகமொக மொகமொக மொகமொக மொகென
நகநக நகநக நகநக நகென
டிகுகுண டிகுடிகு டிகுகுண டிகுண
ரரரர ரரரர ரரரர ரரர
ரிரிரிரி ரிரிரிரி ரிரிரிரி ரிரிரி
டுடுடுடு டுடுடு டுடுடுடு டுடுடு
டகுடகு டிகுடிகு டங்கு டிங்குகு
விந்து விந்து மயிலோன் விந்து
முந்து முந்து முருகவேள் முந்து
என்றனை யாளும் ஏரகச் செல்வ
மைந்தன் வேண்டும் வரமகிழ்ந் துதவும்
லாலா லாலா லாலா வேசமும்
லீலா லீலா லீலா விநோதனென்
றுண்டிரு வடியை உறுதியென் றென்னும்
என்றனை வைத்துன் இணையடி காக்க
என்னுயிர்க் குயிராம் இறைவன் காக்க
பன்னிரு விழியால் பாலனைக் காக்க
அடியேன் வதனம் அழகுவேல் காக்க
பொடிபுனை நெற்றியைப் புனிதவேல் காக்க
கதிர்வேலிரண்டும் கண்ணினை காக்க
விழிசெவி யிரண்டும் வேலவர் காக்க
நாசிக ளிரண்டும் நல்வேல் காக்க
பேசிய வாய்தனை பெருவேல் காக்க
முப்பத் திருபல் முனைவேல் காக்க
செப்பிய நாவைச் செவ்வேல் காக்க
கன்ன மிரண்டும் கதிர்வேல் காக்க
என்னிளங் கழுத்தை இனியவேல் காக்க
மார்பை யிரத்தின வடிவேல் காக்க
சேரிள முலைமார் திருவேல் காக்க
வடிவே லிருதோள் வளம்பெறக் காக்க
பிடரிக ளிரண்டும் பெருவேல் காக்க
அழகுடன் முதுகை அருள்வேல் காக்க
பழுபதி னாறும் பருவேல் காக்க
வெற்றிவேல் வயிற்றை விளங்கவே காக்க
சிற்றிடை யழகுறச் செவ்வேல் காக்க
நாணாங் கயிற்றை நல்வேல் காக்க
ஆண் குறியிரண்டும் அயில்வேல் காக்க
பிட்டமிரண்டும் பெருவேல் காக்க
வட்டக் குதத்தை வடிவேல் காக்க
பனைத்தொடை யிரண்டும் பருவேல் காக்க
கணைக்கால் முழந்தாள் கதிர்வேல் காக்க
ஐவிர லடியிணை அருள்வேல் காக்க
கைக ளிரண்டும் கருணைவேல் காக்க
முன்கை யிரண்டும் முரண்வேல் காக்க
பின்கை யிரண்டும் பின்னவ ளிருக்க
நாவிற் சரஸ்வதி நற்றுணை யாக
நாபிக் கமலம் நல்வேல் காக்க
முப்பா நாடியை முனைவேல் காக்க
எப்பொழுதும் யெனை எதிர்வேல் காக்க
அடியேன் வசனம் அசைவுள நேரம்
கடுகவே வந்து கனகவேல் காக்க
வரும்பக றன்னில் வச்சிரவேல் காக்க
அரையிரு டன்னில் அனையவேல் காக்க
ஏமத்திற் சாமத்தில் எதிர்வேல் காக்க
தாமதம் நீக்கிச் சதுர்வேல் காக்க
காக்க காக்க கனகவேல் காக்க
நோக்க நோக்க நொடியி நோக்க
தாக்க தாக்க தடையறத் தாக்க
பார்க்க பார்க்க பாவம் பொடிபட
பில்லி சூனியம் பெரும்பகை யகல
வல்லபூதம் வலாஷ்டிகப் பேய்கள்
அல்லல் படுத்தும் அடங்கா முனியும்
பிள்ளைக டின்னும் புழக்கட முனியும்
கொள்ளிவாய் பேய்களும் குறளைப் பேய்களும்
பெண்களைத் தொடரும் பிரமரா க்ஷதரும்
அடியனைக் கண்டால் அலறிக் கலங்கிட
இரிசி காட்டேரி இத்துன்ப சேனையும்
எல்லிலு மிருட்டிலும் எதிர்படு மன்னரும்
கனபூசை கொள்ளும் காளியோடனைவரும்
விட்டாங் காரரும் மிகுபல பேய்களும்
தண்டியக் காரரும் சண்டா ளர்களும்
என்பெயர் சொல்லவும் இடிவிழுந் தோடிட
ஆனை யடியினில் அரும்பாவைகளும்
பூனை மயிரும் பிள்ளைக ளென்பும்
நகமும் மயிரும் நீண்முடி மண்டையும்
பாவைக ளுடனே பலகல சத்துடன்
மனையிற் புதைத்த வஞ்சனை தனையும்
ஒட்டியச் செருக்கும் ஒட்டிய பாவையும்
காசும் பணமும் காவுடன் சோரும்
ஓதுமஞ் சணமும் ஒருவழிப் போக்கும்
அடியனைக் கண்டால் அலைந்து குலைந்திட
மாற்றார் வஞ்சகர் வந்து வணங்கிட
காலதூ தாளெனைக் கண்டாற் கலங்கிட
அஞ்சி நடுங்கிட அரண்டு புரண்டிட
வாய்விட்டலறி மதிகெட்டோடப்
படியினில் முட்டப் பாசக் கயிற்றால்
கட்டுட னங்கம் கதறிடக் கட்டு
கட்டி யுருட்டு கைகால் முறியக்
கட்டுக் கட்டுக் கதறிடக் கட்டு
முட்டு முட்டு முழிகள் பிதுங்கிட
செக்கு செக்கு செதிற் செதிலாக
சொக்கு சொக்கு சூர்பகைச் சொக்கு
குத்து குத்து கூர்வடி வேலால்
பற்று பற்று பகலவன் தணலெரி
தணலெரி தணலெரி தணலது வாக
விடுவிடு வேலை வெகுண்டது வோடப்
புலியும் நரியும் புன்னரி நாயும்
எலியும் கரடியும் இனித்தொடர்ந்தோட
தேளும் பாம்பும் செய்யான் பூரான்
கடிவிட விஷங்கள் கடுத்துய ரங்கம்
ஏறிய விஷங்கள் எளிதுட னிறங்க
ஒளிப்புஞ் சுளுக்கும் ஒருதலை நோயும்
வாதஞ் சயித்தியம் வலிப்புப் பித்தம்
சூலைஷயங் குன்மம் சொக்கச் சிரங்கு
குடைச்சல் சிலந்தி குடல்விப் பிரிதி
பக்கப் பிளவை படர் தொடை வாழை
கடுவன் படுவன் கைத்தாள் சிலந்தி
பற்குத் தரணை பருவரை யாப்பும்
எல்லாப் பிணியும் என்றனைக் கண்டால்
நில்லா தோட நீயெனக் கருள்வாய்
ஈரே ழலகமும் எனக்குற வாக
ஆணும் பெண்ணும் அனைவரு மெனக்கா
மண்ணா ளரசரும் மகிழ்ந்துற வாகவும்
உன்னைத் துதிக்க உன்றிரு நாமம்
சரஹண பவனே சையொளி பவனே
திரிபுர பவனே திகழொளி பவனே
பரிபுர பவனே பவமொழி பவனே
அரிதிரு மருக அமரா பதியைக்
காத்துத் தேவர்கள் கடுஞ்சிறை விடுத்தாய்
கந்தா குகனே கதிர்வேலவனே
கார்த்திகை மைந்தா கடம்பா கடம்பனை
இடும்பனை யழித்த இனியவேல் முருகா
தணிகா சலனே சங்கரன் புதல்வா
கதிர்கா மத்துறை கதிர்வேல் முருகா
பழநிப் பதிவாழ் பால குமரா
ஆவினன் குடிவாழ் அழகிய வேலா
செந்தின்மா மலையுறும் செங்கல்வ ராயா
சமரா புரிவாழ் சண்முகத் தரசே
காரார் குழலாள் கலைமகள் நன்றாய்
என்னாவிருக்க யானுனைப் பாட
எனைத்தொடர்ந்திருக்கும் எந்தை முருகனைப்
பாடினே னாடினேன் பரவசமாக
ஆடினே னாடினேன், ஆவினன் பூதியை
நேசமுடன் யான் நெற்றி யிலணியப்
பாச வினைகள் பற்றது நீங்கி
உன் பதம் பெறவே உன்னரு ளாக
அன்புட னிரஷி அன்னமும சொன்னமும்
மெத்தமெத் தாக வேலா யுதனார்
சித்திபெற் றடியேன் சிறப்புடன் வாழ்க
வாழ்க வாழ்க மயிலோன் வாழ்க
வாழ்க வாழ்க வடிவேல் வாழ்க
வாழ்க வாழ்க மலைக்குரு வாழ்க
வாழ்க வாழ்க மலைகுற மகளுடன்
வாழ்க வாழ்க வாரணத்துவசம்
வாழ்க வாழ்கவென் வறுமைக நீங்க
எத்தனை குறைகள் எத்தனை பிழைகள்
எத்தனை யடியேன் எத்தனை செய்யினும்
பெற்றவ நீகுரு பொறுப்ப துன்கடன்
பெற்றவள் குறமகள் பெற்றவ ளாமே
பிள்ளையென் றன்பாய் பிரிய மளித்து
மைந்தனென் மீதுன் மனமகிழ்ந் தருளித்
தஞ்சமென் றடியார் தழைத்திட வருள்செய்
கந்தர் சஷ்டி கவசம் விரும்பிய
பாலன் தேவ ராயன் பகர்ந்ததை
காலையில் மாலையில் கருத்துட னாளும்
ஆசா ரத்துடனே அங்கந் துலக்கி
நேச முடனொரு நினைவது வாகி
கந்தர் சஷ்டி கவச மிதனைச்
சிந்தை கலங்காது தியானிப் பவர்கள்
ஒருநாள் முப்பத் தாறுருக் கொண்டு
ஓதியே nஐபித்து உகந்து நீறணிய
அஷ்டதிக் குள்ளொர் அடங்கலும் வசமாய்த்
திசைமன்ன ரெண்மர் சேர்ந்தங் கருளுவர்
மாற்றல ரெல்லாம் வந்து வணங்குவர்
நவகோள் மகிழ்ந்து நன்மை யளித்திடும்
நவமத னெனவும் நல்லெழில் பெறுவர்
எந்த நாளும் ஈரெட்டா வாழ்வர்
கந்தர்கை வேலாம் கவசத் தடியை
வழியாய்க் காண மெய்யாய் விளங்கும்
விழியாற் காண வெருண்டிடும் பேய்கள்
பொல்லாதவரைப் பொடிப்பொடி யாக்கும்
நல்லோர் நினைவில் நடனம் புரியும்
சர்வ சத்துரு சங்கா ரத்தடி
அறிந்தென துள்ளம் அஷ்டலட்சுமிகளில்
வீரலட் சுமிக்கு விருந்துண வாகச்
சூரபத் மாவைத் துணிந்தகை யதனால்
இருபத் தேழ்வர்க் குவந்தமு தளித்த
குருபரன் பழநிக் குன்றினி லிருக்கும்
சின்னக் குழந்தை சேவடி போற்றி
எனைத்தடுத் தாட்கொள்ள என்றன துள்ளம்
மேவிய வடிவுறும் வேலவா போற்றி
தேவர்கள் சேனா பதியே போற்றி
குறமகள் மனமகிழ் கோவே போற்றி
திறமிகு திவ்விய தேகா போற்றி
இடும்பா யுதனே இடும்பா போற்றி
கடம்பா போற்றி கந்தா போற்றி
வெற்றி புனையும் வேலே போற்றி
உயர்கிரி கனக சபைக்கோ ரரசே
மயில்நட மிடுவாய் மலரடி சரணம்
சரணம் சரணம் சரஹண பவஓம்
சரணம் சரணம் சண்முகா சரணம்.

चरणशृङ्गरहित-नटराज-स्तोत्रम्

Tue, 12 Jan 2016 00:00:00 +0000

Stotram

चरणशृङ्गरहित-नटराज-स्तोत्रम्

सदञ्चित-मुदञ्चित-निकुञ्चित-पदं झलझलञ्चलित-मञ्जु-कटकं
पतञ्जलि-दृगञ्जन-मनञ्जन-मचञ्चलपदं जनन-भञ्जन-करम्।
कदम्बरुचिमम्बरवसं परममम्बुद-कदम्बक-विडम्बक-गलं
चिदम्बुधि-मणिं बुध-हृदम्बुज-रविं-पर-चिदम्बर-नटं हृदि भज॥१॥

हरं त्रिपुर-भञ्जनम् अनन्तकृतकङ्कणम् अखण्डदय-मन्तरहितं
विरिञ्चिसुरसंहतिपुरन्धर-विचिन्तितपदं तरुणचन्द्रमकुटम्।
परं पद-विखण्डितयमं भसित-मण्डिततनुं मदनवञ्चन-परं
चिरन्तनममुं प्रणवसञ्चितनिधिं पर-चिदम्बर-नटं हृदि भज॥२॥

अनन्तमखिलं जगदभङ्ग-गुणतुङ्गममतं धृतविधुं सुरसरित्
तरङ्ग-निकुरम्ब-धृति-लम्पट-जटं शमनदम्बसुहरं भवहरम्।
शिवं दशदिगन्तर-विजृम्भितकरं करलसन्मृगशिशुं पशुपतिं
हरं शशिधनञ्जयपतङ्गनयनं पर-चिदम्बर-नटं हृदि भज॥३॥

अनन्तनवरत्नविलसत्कटककिङ्किणिझलं झलझलं झलरवं
मुकुन्दविधि-हस्तगतमद्दल-लयध्वनिधिमिद्धिमित-नर्तन-पदम्।
शकुन्तरथ-बर्हिरथ-नन्दिमुख-शृङ्गिरिटि-भृङ्गिगण-सङ्घनिकटं
सनन्दसनक-प्रमुख-वन्दित-पदं पर-चिदम्बर-नटं हृदि भज॥४॥

अनन्तमहसं त्रिदशवन्द्य-चरणं मुनि-हृदन्तर-वसन्तममलं
कबन्ध-वियदिन्द्ववनि-गन्धवह-वह्निमख-बन्धुरविमञ्जु-वपुषम्।
अनन्तविभवं त्रिजगदन्तर-मणिं त्रिनयनं त्रिपुर-खण्डन-परं
सनन्द-मुनि-वन्दित-पदं सकरुणं पर-चिदम्बर-नटं हृदि भज॥५॥

अचिन्त्यमलिवृन्द-रुचि-बन्धुरगलं कुरित-कुन्द-निकुरम्ब-धवलं
मुकुन्द-सुरवृन्द-बलहन्तृ-कृतवन्दन-लसन्तम्-अहिकुण्डल-धरम्।
अकम्पमनुकम्पित-रतिं सुजन-मङ्गलनिधिं गजहरं पशुपतिं
धनञ्जयनुतं प्रणत-रञ्जनपरं पर-चिदम्बर-नटं हृदि भज॥६॥

परं सुरवरं पुरहरं पशुपतिं जनित-दन्तिमुख-षण्मुखममुं
मृडं कनक-पिङ्गल-जटं सनकपङ्कज-रविं सुमनसं हिमरुचिम्।
असङ्घमनसं जलधि-जन्मकरलं कवलयन्त-मतुलं गुणनिधिं
सनन्द-वरदं शमितमिन्दु-वदनं पर-चिदम्बर-नटं हृदि भज॥७॥

अजं क्षितिरथं भुजगपुङ्गवगुणं कनक-शृङ्गि-धनुषं करलसत्
कुरङ्ग-पृथु-टङ्क-परशुं रुचिर-कुङ्कुम-रुचिं डमरुकं च दधतम्।
मुकुन्द-विशिखं नमदवन्ध्य-फलदं निगम-वृन्द-तुरगं निरुपमं
सचण्डिकममुं झटिति संहृतपुरं पर-चिदम्बर-नटं हृदि भज॥८॥

अनङ्गपरिपन्थिनमजं क्षिति-धुरन्धरमलं करुणयन्तमखिलं
ज्वलन्तमनलं दधतमन्तकरिपुं सततमिन्द्रमुख-वन्दितपदम्।
उदञ्चदरविन्दकुल-बन्धुशत-बिम्बरुचि-संहति-सुगन्धि-वपुषं
पतञ्जलिनुतं प्रणवपञ्जर-शुकं पर-चिदम्बर-नटं हृदि भज॥९॥

इति स्तवममुं भुजगपुङ्गव-कृतं प्रतिदिनं पठति यः कृतमुखः
सदः प्रभुपद-द्वितयदर्शनपदं सुललितं चरण-शृङ्ग-रहितम्।
सरःप्रभव-सम्भव-हरित्पति-हरिप्रमुख-दिव्यनुत-शङ्करपदं
स गच्छति परं न तु जनुर्जलनिधिं परमदुःखजनकं दुरितदम्॥१०॥

॥इति श्रीपतञ्जलिमुनिप्रणीतं चरणशृङ्गरहित-नटराजस्तोत्रं सम्पूर्णम्॥

अन्नपूर्णाष्टोत्तरशतनामस्तोत्रम्

Thu, 10 Jul 2014 00:00:00 +0000

Shatanama Stotram

अन्नपूर्णाष्टोत्तरशतनामस्तोत्रम्

ध्यानम्

सिन्दूराभां त्रिनेत्राममृतशशिकलां खेचरीं रत्नवस्त्रां
पीनोत्तुङ्गस्तनाढ्यामभिनवविलसद्यौवनारम्भरम्याम्।
नानालङ्कारयुक्तां सरसिजनयनामिन्दुसङ्क्रान्तमूर्तिं
देवीं पाशाङ्कुशाढ्यामभयवरकरामन्नपूर्णां नमामि॥

स्तोत्रम्

अन्नपूर्णा शिवा देवी भीमा पुष्टिः सरस्वती।

सर्वज्ञा पार्वती दुर्गा शर्वाणी शिववल्लभा॥१॥

वेदविद्या महाविद्या विद्यादात्री विशारदा।

कुमारी त्रिपुरा बाला लक्ष्मीः श्रीर्भयहारिणी॥२॥

भवानी विष्णुजननी ब्रह्मादिजननी तथा।

गणेशजननी शक्तिः कुमारजननी शुभा॥३॥

भोगप्रदा भगवती भक्ताभीष्टप्रदायिनी।

भवरोगहरा भव्या शुभ्रा परममङ्गला॥४॥

भवानी चञ्चला गौरी चारुचन्द्रकलाधरा।

विशालाक्षी विश्वमाता विश्ववन्द्या विलासिनी॥५॥

आर्या कल्याणनिलया रुद्राणी कमलासना।

शुभप्रदा शुभावर्ता वृत्तपीनपयोधरा॥६॥

अम्बा संहारमथनी मृडानी सर्वमङ्गला।

विष्णुसंसेविता सिद्धा ब्रह्माणी सुरसेविता॥७॥

परमानन्ददा शान्तिः परमानन्दरूपिणी।

परमानन्दजननी परानन्दप्रदायिनी॥८॥

परोपकारनिरता परमा भक्तवत्सला।

पूर्णचन्द्राभवदना पूर्णचन्द्रनिभांशुका॥९॥

शुभलक्षणसम्पन्ना शुभानन्दगुणार्णवा।

शुभसौभाग्यनिलया शुभदा च रतिप्रिया॥१०॥

चण्डिका चण्डमथनी चण्डदर्पनिवारिणी।

मार्तण्डनयना साध्वी चन्द्राग्निनयना सती॥११॥

पुण्डरीकहरा पूर्णा पुण्यदा पुण्यरूपिणी।

मायातीता श्रेष्ठमाया श्रेष्ठधर्मात्मवन्दिता॥१२॥

असृष्टिः सङ्गरहिता सृष्टिहेतुः कपर्दिनी।

वृषारूढा शूलहस्ता स्थितिसंहारकारिणी॥१३॥

मन्दस्मिता स्कन्दमाता शुद्धचित्ता मुनिस्तुता।

महाभगवती दक्षा दक्षाध्वरविनाशिनी॥१४॥

सर्वार्थदात्री सावित्री सदाशिवकुटुम्बिनी।

नित्यसुन्दरसर्वाङ्गी सच्चिदानन्दलक्षणा॥१५॥

नाम्नामष्टोत्तरशतमम्बायाः पुण्यकारणम्।

सर्वसौभाग्यसिद्ध्यर्थं जपनीयं प्रयत्नतः॥१६॥

एतानि दिव्यनामानि श्रुत्वा ध्यात्वा निरन्तरम्।

स्तुत्वा देवीं च सततं सर्वान् कामानवाप्नुयात्॥१७॥

॥इति श्रीशिवरहस्ये श्री-अन्नपूर्णाष्टोत्तरशतनामस्तोत्रं सम्पूर्णम्॥

कार्तवीर्यार्जुन-द्वादशनामस्तोत्रम्

Thu, 10 Jul 2014 00:00:00 +0000

कार्तवीर्यार्जुन-द्वादशनामस्तोत्रम्

ॐ श्रीं क्रों कार्तवीर्यार्जुनाय नमः।

कार्तवीर्यार्जुनो नाम राजा बाहुसहस्रवान्।

तस्य स्मरणमात्रेण गतं नष्टं च लभ्यते॥१॥

कार्तवीर्यः खलद्वेषी कृतवीर्यसुतो बली।

सहस्रबाहुः शत्रुघ्नो रक्तवासा धनुर्धरः॥२॥

रक्तगन्धो रक्तमाल्यो राजा स्मर्तुरभीष्टदः।

द्वादशैतानि नामानि कार्तवीर्यस्य यः पठेत्॥३॥

सम्पदस्तत्र जायन्ते जनस्तत्र वशं गतः।

आनयत्याशु दूरस्थं क्षेमलाभयुतं प्रियम्॥४॥

सहस्रबाहुसशरं महितं सचापं
रक्ताम्बरं रक्तकिरीटकुण्डलम्।
चोरादि-दुष्टभय-नाशम् इष्टदं तं
ध्यायेन्महाबल-विजृम्भित-कार्तवीर्यम्॥५॥

यस्य स्मरणमात्रेण सर्वदुःखक्षयो भवेत्।

यन्नामानि महावीर्यश्चार्जुनः कृतवीर्यवान्॥६॥

हैहयाधिपतेः स्तोत्रं सहस्रावृत्तिकारितम्।

वाञ्चितार्थप्रदं नृणां स्वराज्यं सुकृतं यदि॥७॥

॥इति श्री-कार्तवीर्यार्जुन-द्वादशनाम-स्तोत्रम्॥

PDF:A5 / print Kindle Kindle Scribe

गणेशभुजङ्गम्

Thu, 10 Jul 2014 00:00:00 +0000

Ashtakam

गणेशभुजङ्गम्

रणत् क्षुद्रघण्टानिनादाभिरामं
चलत् ताण्डवोद् दण्डवत्पद्मतालम्।
लसत् तुन्दिलाङ्गोपरिव्यालहारं
गणाधीशमीशानसूनुं तमीडे॥१॥

ध्वनिध्वंसवीणालयोल्लासिवक्त्रं
स्फुरच्छुण्डदण्डोल्लसद्‌बीजपूरम्।
गलद्दर्पसौगन्ध्यलोलालिमालं
गणाधीशमीशानसूनुं तमीडे॥२॥

प्रकाशज्जपारक्तरत्नप्रसून-
प्रवालप्रभातारुणज्योतिरेकम्।
प्रलम्बोदरं वक्रतुण्डैकदन्तं
गणाधीशमीशानसूनुं तमीडे॥३॥

विचित्रस्फुरद्रत्नमालाकिरीटं
किरीटोल्लसच्चन्द्ररेखाविभूषम्।
विभूषैकभूषं भवध्वंसहेतुं
गणाधीशमीशानसूनुं तमीडे॥४॥

उदञ्चद्भुजावल्लरीदृश्यमूलोच्-
चलद्‌-भ्रूलता-विभ्रमभ्राजदक्षम्।
मरुत् सुन्दरीचामरैः सेव्यमानं
गणाधीशमीशानसूनुं तमीडे॥५॥

स्फुरन्निष्ठुरालोलपिङ्गाक्षितारं
कृपाकोमलोदारलीलावतारम्।
कलाबिन्दुगं गीयते योगिवर्यैर्-
गणाधीशमीशानसूनुं तमीडे॥६॥

यमेकाक्षरं निर्मलं निर्विकल्पं
गुणातीतमानन्दमाकारशून्यम्।
परं पारमोङ्कारमाम्नायगर्भं
वदन्ति प्रगल्भं पुराणं तमीडे॥७॥

चिदानन्दसान्द्राय शान्ताय तुभ्यं
नमो विश्वकर्त्रे च हर्त्रे च तुभ्यम्।
नमोऽनन्तलीलाय कैवल्यभासे
नमो विश्वबीज प्रसीदेशसूनो॥८॥

इमं सुस्तवं प्रातरुत्थाय भक्त्या
पठेद्यस्तु मर्त्यो लभेत्सर्वकामान्।
गणेशप्रसादेन सिद्ध्यन्ति वाचो
गणेशे विभौ दुर्लभं किं प्रसन्ने॥९॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-गणेशभुजङ्गं सम्पूर्णम्॥

PDF:A5 / print Kindle Kindle Scribe

बालमुकुन्दाष्टकम्

Thu, 10 Jul 2014 00:00:00 +0000

Ashtakam

बालमुकुन्दाष्टकम्

करारविन्देन पदारविन्दं मुखारविन्दे विनिवेशयन्तम्।

वटस्य पत्रस्य पुटे शयानं बालं मुकुन्दं मनसा स्मरामि॥१॥

संहृत्य लोकान् वटपत्रमध्ये शयानमाद्यन्तविहीनरूपम्।

सर्वेश्वरं सर्वहितावतारं बालं मुकुन्दं मनसा स्मरामि॥२॥

इन्दीवरश्यामलकोमलाङ्गम् इन्द्रादिदेवार्चितपादपद्मम्।

सन्तानकल्पद्रुममाश्रितानां बालं मुकुन्दं मनसा स्मरामि॥३॥

लम्बालकं लम्बितहारयष्टिं शृङ्गारलीलाङ्कितदन्तपङ्क्तिम्।

बिम्बाधरं चारुविशालनेत्रं बालं मुकुन्दं मनसा स्मरामि॥४॥

शिक्ये निधायाद्यपयोदधीनि बहिर्गतायां व्रजनायिकायाम्।

भुक्त्वा यथेष्टं कपटेन सुप्तं बालं मुकुन्दं मनसा स्मरामि॥५॥

कलिन्दजान्तस्थितकालियस्य फणाग्ररङ्गे नटनप्रियन्तम्।

तत्पुच्छहस्तं शरदिन्दुवक्त्रं बालं मुकुन्दं मनसा स्मरामि॥६॥

उलूखले बद्धमुदारशौर्यम् उत्तुङ्गयुग्मार्जुन-भङ्गलीलम्।

उत्फुल्लपद्मायत-चारुनेत्रं बालं मुकुन्दं मनसा स्मरामि॥७॥

आलोक्य मातुर्मुखमादरेण स्तन्यं पिबन्तं सरसीरुहाक्षम्।

सच्चिन्मयं देवमनन्तरूपं बालं मुकुन्दं मनसा स्मरामि॥८॥

॥इति श्री-बालमुकुन्दाष्टकं सम्पूर्णम्‌॥

बृहस्पतिस्तोत्रम्

Thu, 10 Jul 2014 00:00:00 +0000

Nama Stotram

बृहस्पतिस्तोत्रम्

गुरुर्बृहस्पतिर्जीवः सुराचार्यो विदां वरः।

वागीशो धिषणो दीर्घश्मश्रुः पीताम्बरो युवा॥१॥

सुधादृष्टिर्ग्रहाधीशो ग्रहपीडापहारकः।

दयाकरः सौम्यमूर्तिः सुरार्च्यः कुङ्मलद्युतिः॥२॥

लोकपूज्यो लोकगुरुर्नीतिज्ञो नीतिकारकः।

तारापतिश्चाङ्गिरसो वेदवेद्यः पितामहः॥३॥

भक्त्या बृहस्पतिं स्मृत्वा नामान्येतानि यः पठेत्।

अरोगी बलवान् श्रीमान् पुत्रवान् स भवेन्नरः॥४॥

जीवेद् वर्षशतं मर्त्यः पापं नश्यति नश्यति।

यः पूजयेद्गुरुदिने पीतगन्धाक्षताम्बरैः॥५॥

पुष्पदीपोपहारैश्च पूजयित्वा बृहस्पतिम्।

ब्राह्मणान्भोजयित्वा च पीडाशान्तिर्भवेद्गुरोः॥६॥

॥इति श्रीस्कान्दपुराणे श्री-बृहस्पतिस्तोत्रं सम्पूर्णम्॥

PDF:A5 / print Kindle Kindle Scribe

ललितात्रिशतीस्तोत्रम्

Thu, 10 Jul 2014 00:00:00 +0000

ललितात्रिशतीस्तोत्रम्

न्यासः

अस्य श्रीललितात्रिशतीस्तोत्रमहामत्रस्य।भगवान् हयग्रीव ऋषिः।
अनुष्टुप् छन्दः। श्रीललितात्रिपुरसुन्दरी देवता।
ऐं बीजम्। क्लीं शक्तिः। सौः कीलकम्।
सकल-चिन्तितफलावाप्त्यर्थे जपे विनियोगः॥

ध्यानम्

अतिमधुरचापहस्ताम् अपरिमितामोदबाण-सौभाग्याम्।

अरुणाम् अतिशयकरुणाम् अभिनवकुलसुन्दरीं वन्दे॥

स्तोत्रम्

हयग्रीव उवाच

ककाररूपा कल्याणी कल्याणगुणशालिनी।

कल्याणशैलनिलया कमनीया कलावती॥१॥

कमलाक्षी कल्मषघ्नी करुणामृतसागरा।

कदम्बकाननावासा कदम्बकुसुमप्रिया॥२॥

कन्दर्पविद्या कन्दर्प-जनकापाङ्ग-वीक्षणा।

कर्पूरवीटि-सौरभ्य-कल्लोलित-ककुप्तटा॥३॥

कलिदोषहरा कञ्जलोचना कम्रविग्रहा।

कर्मादिसाक्षिणी कारयित्री कर्मफलप्रदा॥४॥

एकाररूपा चैकाक्षर्येकानेकाक्षराकृतिः।

एतत्तदित्यनिर्देश्या चैकानन्द-चिदाकृतिः॥५॥

एवमित्यागमाबोध्या चैकभक्ति-मदर्चिता।

एकाग्रचित्त-निर्ध्याता चैषणा-रहितादृता॥६॥

एलासुगन्धिचिकुरा चैनःकूटविनाशिनी।

एकभोगा चैकरसा चैकैश्वर्य-प्रदायिनी॥७॥

एकातपत्र-साम्राज्य-प्रदा चैकान्तपूजिता।

एधमानप्रभा चैजदनेकजगदीश्वरी॥८॥

एकवीरादि-संसेव्या चैकप्राभव-शालिनी।

ईकाररूपा चेशित्री चेप्सितार्थ-प्रदायिनी॥९॥

ईदृगित्य-विनिर्देश्या चेश्वरत्व-विधायिनी।

ईशानादि-ब्रह्ममयी चेशित्वाद्यष्टसिद्धिदा॥१०॥

ईक्षित्रीक्षण-सृष्टाण्ड-कोटिरीश्वर-वल्लभा।

ईडिता चेश्वरार्धाङ्ग-शरीरेशाधि-देवता॥११॥

ईश्वर-प्रेरणकरी चेशताण्डव-साक्षिणी।

ईश्वरोत्सङ्ग-निलया चेतिबाधा-विनाशिनी॥१२॥

ईहाविरहिता चेशशक्ति-रीषत्‌-स्मितानना।

लकाररूपा ललिता लक्ष्मी-वाणी-निषेविता॥१३॥

लाकिनी ललनारूपा लसद्दाडिम-पाटला।

ललन्तिकालसत्फाला ललाट-नयनार्चिता॥१४॥

लक्षणोज्ज्वल-दिव्याङ्गी लक्षकोट्यण्ड-नायिका।

लक्ष्यार्था लक्षणागम्या लब्धकामा लतातनुः॥१५॥

ललामराजदलिका लम्बिमुक्तालताञ्चिता।

लम्बोदर-प्रसूर्लभ्या लज्जाढ्या लयवर्जिता॥१६॥

ह्रीङ्काररूपा ह्रीङ्कारनिलया ह्रीम्पदप्रिया।

ह्रीङ्कारबीजा ह्रीङ्कारमन्त्रा ह्रीङ्कारलक्षणा॥१७॥

ह्रीङ्कारजपसुप्रीता ह्रीम्मती ह्रींविभूषणा।

ह्रींशीला ह्रीम्पदाराध्या ह्रीङ्गर्भा ह्रीम्पदाभिधा॥१८॥

ह्रीङ्कारवाच्या ह्रीङ्कारपूज्या ह्रीङ्कारपीठिका।

ह्रीङ्कारवेद्या ह्रीङ्कारचिन्त्या ह्रीं ह्रीं-शरीरिणी॥१९॥

हकाररूपा हलधृक्पूजिता हरिणेक्षणा।

हरप्रिया हराराध्या हरिब्रह्मेन्द्रवन्दिता॥२०॥

हयारूढा-सेविताङ्घ्रिर्हयमेध-समर्चिता।

हर्यक्षवाहना हंसवाहना हतदानवा॥२१॥

हत्यादिपापशमनी हरिदश्वादि-सेविता।

हस्तिकुम्भोत्तुङ्गकुचा हस्तिकृत्ति-प्रियाङ्गना॥२२॥

हरिद्राकुङ्कुमादिग्धा हर्यश्वाद्यमरार्चिता।

हरिकेशसखी हादिविद्या हालामदालसा॥२३॥

सकाररूपा सर्वज्ञा सर्वेशी सर्वमङ्गला।

सर्वकर्त्री सर्वभर्त्री सर्वहन्त्री सनातना॥२४॥

सर्वानवद्या सर्वाङ्गसुन्दरी सर्वसाक्षिणी।

सर्वात्मिका सर्वसौख्यदात्री सर्वविमोहिनी॥२५॥

सर्वाधारा सर्वगता सर्वावगुणवर्जिता।

सर्वारुणा सर्वमाता सर्वभूषण-भूषिता॥२६॥

ककारार्था कालहन्त्री कामेशी कामितार्थदा।

कामसञ्जीवनी कल्या कठिनस्तन-मण्डला॥२७॥

करभोरूः कलानाथ-मुखी कचजिताम्बुदा।

कटाक्षस्यन्दि-करुणा कपालि-प्राणनायिका॥२८॥

कारुण्य-विग्रहा कान्ता कान्तिधूत-जपावलिः।

कलालापा कम्बुकण्ठी करनिर्जित-पल्लवा॥२९॥

कल्पवल्ली-समभुजा कस्तूरी-तिलकाञ्चिता।

हकारार्था हंसगतिर्हाटकाभरणोज्ज्वला॥३०॥

हारहारि-कुचाभोगा हाकिनी हल्यवर्जिता।

हरित्पति-समाराध्या हठात्कार-हतासुरा॥३१॥

हर्षप्रदा हविर्भोक्त्री हार्दसन्तमसापहा।

हल्लीसलास्य-सन्तुष्टा हंसमन्त्रार्थ-रूपिणी॥३२॥

हानोपादान-निर्मुक्ता हर्षिणी हरिसोदरी।

हाहाहूहू-मुख-स्तुत्या हानि-वृद्धि-विवर्जिता॥३३॥

हय्यङ्गवीन-हृदया हरिगोपारुणांशुका।

लकाराख्या लतापूज्या लयस्थित्युद्भवेश्वरी॥३४॥

लास्य-दर्शन-सन्तुष्टा लाभालाभ-विवर्जिता।

लङ्घ्येतराज्ञा लावण्य-शालिनी लघु-सिद्धिदा॥३५॥

लाक्षारस-सवर्णाभा लक्ष्मणाग्रज-पूजिता।

लभ्येतरा लब्धभक्ति-सुलभा लाङ्गलायुधा॥३६॥

लग्न-चामर-हस्त-श्री-शारदा-परिवीजिता।

लज्जापद-समाराध्या लम्पटा लकुलेश्वरी॥३७॥

लब्धमाना लब्धरसा लब्धसम्पत्समुन्नतिः।

ह्रीङ्कारिणी ह्रीङ्काराद्या ह्रीम्मध्या ह्रींशिखामणिः॥३८॥

ह्रीङ्कार-कुण्डाग्नि-शिखा ह्रीङ्कार-शशिचन्द्रिका।

ह्रीङ्कार-भास्कररुचिर्ह्रीङ्काराम्भोद-चञ्चला॥३९॥

ह्रीङ्कार-कन्दाङ्कुरिका ह्रीङ्कारैक-परायणा।

ह्रीङ्कार-दीर्घिकाहंसी ह्रीङ्कारोद्यान-केकिनी॥४०॥

ह्रीङ्कारारण्य-हरिणी ह्रीङ्कारावाल-वल्लरी।

ह्रीङ्कार-पञ्जरशुकी ह्रीङ्काराङ्गण-दीपिका॥४१॥

ह्रीङ्कार-कन्दरा-सिंही ह्रीङ्काराम्भोज-भृङ्गिका।

ह्रीङ्कार-सुमनो-माध्वी ह्रीङ्कार-तरुमञ्जरी॥४२॥

सकाराख्या समरसा सकलागम-संस्तुता।

सर्ववेदान्त-तात्पर्यभूमिः सदसदाश्रया॥४३॥

सकला सच्चिदानन्दा साध्या सद्गतिदायिनी।

सनकादिमुनिध्येया सदाशिव-कुटुम्बिनी॥४४॥

सकलाधिष्ठान-रूपा सत्यरूपा समाकृतिः।

सर्वप्रपञ्च-निर्मात्री समानाधिक-वर्जिता॥४५॥

सर्वोत्तुङ्गा सङ्गहीना सगुणा सकलेष्टदा।

ककारिणी काव्यलोला कामेश्वरमनोहरा॥४६॥

कामेश्वर-प्राणनाडी कामेशोत्सङ्गवासिनी।

कामेश्वरालिङ्गिताङ्गी कामेश्वर-सुखप्रदा॥४७॥

कामेश्वर-प्रणयिनी कामेश्वर-विलासिनी।

कामेश्वर-तपःसिद्धिः कामेश्वर-मनःप्रिया॥४८॥

कामेश्वर-प्राणनाथा कामेश्वर-विमोहिनी।

कामेश्वर-ब्रह्मविद्या कामेश्वर-गृहेश्वरी॥४९॥

कामेश्वराह्लादकरी कामेश्वर-महेश्वरी।

कामेश्वरी कामकोटिनिलया काङ्क्षितार्थदा॥५०॥

लकारिणी लब्धरूपा लब्धधीर्लब्ध-वाञ्छिता।

लब्धपाप-मनोदूरा लब्धाहङ्कार-दुर्गमा॥५१॥

लब्धशक्तिर्लब्धदेहा लब्धैश्वर्यसमुन्नतिः।

लब्धवृद्धिर्लब्धलीला लब्धयौवनशालिनी॥५२॥

लब्धातिशय-सर्वाङ्ग-सौन्दर्या लब्धविभ्रमा।

लब्धरागा लब्धपतिर्लब्ध-नानागमस्थितिः॥५३॥

लब्धभोगा लब्धसुखा लब्धहर्षाभिपूरिता।

ह्रीङ्कार-मूर्तिर्ह्रीङ्कार-सौधशृङ्गकपोतिका॥५४॥

ह्रीङ्कार-दुग्धाब्धि-सुधा ह्रीङ्कार-कमलेन्दिरा।

ह्रीङ्कार-मणिदीपार्चिर्ह्रीङ्कार-तरुशारिका॥५५॥

ह्रीङ्कार-पेटक-मणिर्ह्रीङ्कारादर्श-बिम्बिता।

ह्रीङ्कार-कोशासिलता ह्रीङ्कारास्थान-नर्तकी॥५६॥

ह्रीङ्कार-शुक्तिका-मुक्तामणिर्ह्रीङ्कार-बोधिता।

ह्रीङ्कारमय-सौवर्णस्तम्भ-विद्रुम-पुत्रिका॥५७॥

ह्रीङ्कार-वेदोपनिषध्रीङ्काराध्वर-दक्षिणा।

ह्रीङ्कार-नन्दनाराम-नवकल्पक-वल्लरी॥५८॥

ह्रीङ्कार-हिमवद्गङ्गा ह्रीङ्कारार्णव-कौस्तुभा।

ह्रीङ्कार-मन्त्र-सर्वस्वा ह्रीङ्कार-परसौख्यदा॥५९॥

॥इति श्री-ब्रह्माण्डपुराणे उत्तराखण्डे श्री-हयग्रीवागस्त्यसंवादे
श्री-ललितात्रिशती स्तोत्रकथनं सम्पूर्णम्॥

वेङ्कटेशद्वादशनामस्तोत्रम्

Thu, 10 Jul 2014 00:00:00 +0000

Nama Stotram

वेङ्कटेशद्वादशनामस्तोत्रम्

वेङ्कटेशो वासुदेवो वारिजासनवन्दितः।

स्वामिपुष्करिणीवासः शङ्खचक्रगदाधरः॥१॥

पीताम्बरधरो देवो गरुडारूढशोभितः।

विश्वात्मा विश्वलोकेशो विजयो वेङ्कटेश्वरः॥२॥

एतद् द्वादशनामानि त्रिसन्ध्यं यः पठेन्नरः।

सर्वपापविनिर्मुक्तो विष्णोः सायुज्यमाप्नुयात्॥३॥

॥इति श्री-वेङ्कटेशद्वादशनामस्तोत्रं सम्पूर्णम्॥

PDF:A5 / print Kindle Kindle Scribe

सरस्वतीस्तोत्रं बृहस्पतिविरचितम्

Thu, 10 Jul 2014 00:00:00 +0000

सरस्वतीस्तोत्रं बृहस्पतिविरचितम्

बृहस्पतिरुवाच

सरस्वति नमस्यामि चेतनां हृदि संस्थिताम्।

कण्ठस्थां पद्मयोनिं त्वां ह्रीङ्कारां सुप्रियां सदा॥१॥

मतिदां वरदां चैव सर्वकामफलप्रदाम्।

केशवस्य प्रियां देवीं वीणाहस्तां वरप्रदाम्॥२॥

मन्त्रप्रियां सदा हृद्यां कुमतिध्वंसकारिणीम्।

स्वप्रकाशां निरालम्बामज्ञानतिमिरापहाम्॥३॥

मोक्षप्रियां शुभां नित्यां सुभगां शोभनप्रियाम्।

पद्मोपविष्टां कुण्डलिनीं शुक्लवस्त्रां मनोहराम्॥४॥

आदित्यमण्डले लीनां प्रणमामि जनप्रियाम्।

ज्ञानाकारां जगद्द्वीपां भक्तविघ्नविनाशिनीम्॥५॥

इति सत्यं स्तुता देवी वागीशेन महात्मना।

आत्मानं दर्शयामास शरदिन्दुसमप्रभाम्॥६॥

श्रीसरस्वत्युवाच

वरं वृणीष्व भद्रं त्वं यत्ते मनसि वर्तते।

बृहस्पतिरुवाच

प्रसन्ना यदि मे देवि परं ज्ञानं प्रयच्छ मे॥७॥

श्रीसरस्वत्युवाच

दत्तं ते निर्मलं ज्ञानं कुमतिध्वंसकारकम्।

स्तोत्रेणानेन मां भक्त्या ये स्तुवन्ति सदा नराः॥८॥

लभन्ते परमं ज्ञानं मम तुल्यपराक्रमाः।

कवित्वं मत्प्रसादेन प्राप्नुवन्ति मनोगतम्॥९॥

त्रिसन्ध्यं प्रयतो भूत्वा यस्त्विमं पठते नरः।

तस्य कण्ठे सदा वासं करिष्यामि न संशयः॥१०॥

॥इति श्री-रुद्रयामले श्री-बृहस्पतिविरचितं श्री-सरस्वतीस्तोत्रं सम्पूर्णम्॥

हनुमत्-पञ्चरत्नम्

Thu, 10 Jul 2014 00:00:00 +0000

Pancharatnam

हनुमत्-पञ्चरत्नम्

वीताखिल-विषयेच्छं जातानन्दाश्रु-पुलकमत्यच्छम्।

सीतापति-दूताद्यं वातात्मजमद्य भावये हृद्यम्॥१॥

तरुणारुण-मुख-कमलं करुणा-रसपूर-पूरितापाङ्गम्।

सञ्जीवनमाशासे मञ्जुल-महिमानमञ्जना-भाग्यम्॥२॥

शम्बरवैरि-शरातिगमम्बुजदल-विपुल-लोचनोदारम्।

कम्बुगलमनिलदिष्टं बिम्ब-ज्वलितोष्ठमेकमवलम्बे॥३॥

दूरीकृत-सीतार्तिः प्रकटीकृत-रामवैभव-स्फूर्तिः।

दारित-दशमुख-कीर्तिः पुरतो मम भातु हनुमतो मूर्तिः॥४॥

वानर-निकराध्यक्षं दानव-कुल-कुमुद-रविकर-सदृशम्।

दीन-जनावन-दीक्षं पवनतपः पाकपुञ्जमद्राक्षम्॥५॥

एतत् पवनसुतस्य स्तोत्रं यः पठति पञ्चरत्नाख्यम्।

चिरमिह निखिलान् भोगान् भुक्त्वा श्रीराम-भक्तिभाग् भवति॥६॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-हनुमत्-पञ्चरत्नं सम्पूर्णम्॥

यत्र यत्र रघुनाथकीर्तनं तत्र तत्र कृत-मस्तकाञ्जलिम्।

बाष्पवारिपरिपूर्ण-लोचनं मारुतिं नमत राक्षसान्तकम्॥

उल्लङ्घ्य सिन्धोः सलिलं सलीलं
यः शोकवह्निं जनकात्मजायाः।
आदाय तेनैव ददाह लङ्कां
नमामि तं प्राञ्जलिराञ्जनेयम्॥

बुद्धिर्बलं यशो धैर्यं निर्भयत्वम् अरोगता।

अजाड्यं वाक्पटुत्वं च हनुमत्स्मरणाद्भवेत्॥

असाध्यसाधक स्वामिन् असाध्यं तव किं वद।

रामदूत कृपसिन्धो मत्कार्यं साधय प्रभो॥

PDF:A5 / print Kindle Kindle Scribe

अथ तृतीयोऽध्यायः

Mon, 01 Jan 0001 00:00:00 +0000

अथ तृतीयोऽध्यायः

ब्रह्मोवाच

भूयः शृणुष्व विप्रेन्द्र कार्तिकस्य च वैभवम्।

दशमीदिनमारभ्य दशम्यां तु समापयेत्॥१॥

पौर्णमासीं समारभ्य पौर्णमास्यां समापयेत्।

आश्विनस्य हरिदिनीं समारभ्य तु भक्तिमान्॥२॥

दामोदरं नमस्कृत्य कुर्यात्सङ्कल्पमादितः।

दामोदर नमस्तेऽस्तु सर्वपापविनाशन॥३॥

कार्तिकस्य व्रतं कर्तुमनुज्ञां दातुमर्हसि।

निर्विघ्नं कुरु देवेश आमासं पुरुषोत्तम॥४॥

इति सम्प्रार्थ्य विधिना कार्तिकव्रतमाचरेत्।
अनूरुं वदता प्रोक्तं भास्करेण श्रुतं मया।
कलौ च स्वर्गगमनकारणं श्रूयतां हि तत्॥५॥

सूर्य उवाच

द्वादशानां तु मासानां मार्गशीर्षोऽतिपुण्यदः॥६॥

तस्मात् पुण्यफलः प्रोक्तो वैशाखो नर्मदातटे।

ततो लक्षगुणः प्रोक्तः प्रयागे माघमासकः॥७॥

तस्मान्महाफलः प्रोक्तः कार्तिको जलमात्रके।

एकतः सर्वदानानि व्रतानि नियमास्तथा॥८॥

एकतः कार्तिकस्नानं ब्रह्मणा तुलया धृतम्।

सन्ततिश्चैव सम्पत्तिः कलौ येषां प्रजायते॥९॥

अवश्यं तैः कृतं विद्धि कार्तिकस्नानमादरात्।

स्नानं च दीपदानं च तुलसीवनपालनम्॥१०॥

भूमिशय्या ब्रह्मचर्यं तथा द्विदलवर्जनम्।

विष्णुसङ्कीर्तनं सत्यं पुराणश्रवणं तथा॥११॥

कार्तिके मासि कुर्वन्ति जीवन्मुक्तास्त एव हि।

न कार्तिकसमं धर्म्यमर्थ्यं नो कार्तिकात्परम्॥१२॥

न कार्तिकसमं काम्यं मोक्षदानं न कार्तिकात्।

युधिष्ठिरेण धर्मार्थमर्थार्थं च ध्रुवेण च॥१३॥

श्रीकृष्णेन तु कामार्थं मोक्षार्थं नारदेन च।

कृतमेतद्व्रतं तस्माच्छ्रेष्ठं कृष्णप्रियं च हि॥१४॥

अरुण उवाच

गणपत्यष्टोत्तरशतनामावलिः

Mon, 01 Jan 0001 00:00:00 +0000

गणपत्यष्टोत्तरशतनामावलिः

गणेश्वराय नमः
गणक्रीडाय नमः
महागणपतये नमः
विश्वकर्त्रे नमः
विश्वमुखाय नमः
दुर्जयाय नमः
धूर्जयाय नमः
जयाय नमः
सुरूपाय नमः
सर्वनेत्राधिवासाय नमः१०
वीरासनाश्रयाय नमः
योगाधिपाय नमः
तारकस्थाय नमः
पुरुषाय नमः
गजकर्णकाय नमः
चित्राङ्गाय नमः
श्यामदशनाय नमः
भालचन्द्राय नमः
चतुर्भुजाय नमः
शम्भुतेजसे नमः२०
यज्ञकायाय नमः
सर्वात्मने नमः
सामबृंहिताय नमः
कुलाचलांसाय नमः
व्योमनाभये नमः
कल्पद्रुमवनालयाय नमः
निम्ननाभये नमः
स्थूलकुक्षये नमः
पीनवक्षसे नमः
बृहद्भुजाय नमः३०
पीनस्कन्धाय नमः
कम्बुकण्ठाय नमः
लम्बोष्ठाय नमः
लम्बनासिकाय नमः
सर्वावयवसम्पूर्णाय नमः
सर्वलक्षणलक्षिताय नमः
इक्षुचापधराय नमः
शूलिने नमः
कान्तिकन्दलिताश्रयाय नमः
अक्षमालाधराय नमः४०
ज्ञानमुद्रावते नमः
विजयावहाय नमः
कामिनी-कामना-काम-मालिनी-केलि-लालिताय नमः
अमोघसिद्धये नमः
आधाराय नमः
आधाराधेयवर्जिताय नमः
इन्दीवरदलश्यामाय नमः
इन्दुमण्डलनिर्मलाय नमः
कर्मसाक्षिणे नमः
कर्मकर्त्रे नमः५०
कर्माकर्मफलप्रदाय नमः
कमण्डलुधराय नमः
कल्पाय नमः
कपर्दिने नमः
कटिसूत्रभृते नमः
कारुण्यदेहाय नमः
कपिलाय नमः
गुह्यागमनिरूपिताय नमः
गुहाशयाय नमः
गुहाब्धिस्थाय नमः६०
घटकुम्भाय नमः
घटोदराय नमः
पूर्णानन्दाय नमः
परानन्दाय नमः
धनदाय नमः
धरणीधराय नमः
बृहत्तमाय नमः
ब्रह्मपराय नमः
ब्रह्मण्याय नमः
ब्रह्मवित्प्रियाय नमः७०
भव्याय नमः
भूतालयाय नमः
भोगदात्रे नमः
महामनसे नमः
वरेण्याय नमः
वामदेवाय नमः
वन्द्याय नमः
वज्रनिवारणाय नमः
विश्वकर्त्रे नमः
विश्वचक्षुषे नमः८०
हवनाय नमः
हव्यकव्यभुजे नमः
स्वतन्त्राय नमः
सत्यसङ्कल्पाय नमः
सौभाग्यवर्धनाय नमः
कीर्तिदाय नमः
शोकहारिणे नमः
त्रिवर्गफलदायकाय नमः
चतुर्बाहवे नमः
चतुर्दन्ताय नमः९०
चतुर्थी-तिथि-सम्भवाय नमः
सहस्रशीर्ष्णे पुरुषाय नमः
सहस्राक्षाय नमः
सहस्रपदे नमः
कामरूपाय नमः
कामगतये नमः
द्विरदाय नमः
द्वीपरक्षकाय नमः
क्षेत्राधिपाय नमः
क्षमाभर्त्रे नमः१००
लयस्थाय नमः
लड्डुकप्रियाय नमः
प्रतिवादिमुखस्तम्भाय नमः
दुष्टचित्तप्रसादनाय नमः
भगवते नमः
भक्तिसुलभाय नमः
याज्ञिकाय नमः
याजकप्रियाय नमः

गीता-माहात्म्यम्

Mon, 01 Jan 0001 00:00:00 +0000

माहात्म्यम्

गीताशास्त्रमिदं पुण्यं यः पठेत् प्रयतः पुमान्।

विष्णोः पदमवाप्नोति भय-शोकादि-वर्जितः॥१॥

गीताध्ययन-शीलस्य प्राणायाम-परस्य च।

नैव सन्ति हि पापानि पूर्व-जन्म-कृतानि च॥२॥

मल-निर्मोचनं पुंसां जल-स्नानं दिने दिने।

सकृद् गीताम्भसि स्नानं संसार-मल-नाशनम्॥३॥

गीता सुगीता कर्तव्या किमन्यैः शास्त्र-विस्तरैः।

या स्वयं पद्मनाभस्य मुख-पद्माद् विनिःसृता॥४॥

भारतामृत-सर्वस्वं विष्णोर्वक्त्राद् विनिःसृतम्।

गीता-गङ्गोदकं पीत्वा पुनर्जन्म न विद्यते॥५॥

सर्वोपनिषदो गावो दोग्धा गोपाल-नन्दनः।

पार्थो वत्सः सुधीर्भोक्ता दुग्धं गीतामृतं महत्॥६॥

एकं शास्त्रं देवकी-पुत्र-गीतम्
एको देवो देवकी-पुत्र एव।
एको मन्त्रस्तस्य नामानि यानि
कर्माप्येकं तस्य देवस्य सेवा॥७॥

❀ ❀ ❀

तृतीयः सर्गः

Mon, 01 Jan 0001 00:00:00 +0000

तृतीयः सर्गः

अथ रामः सुतीक्ष्णेन जानक्या लक्ष्मणेन च।

अगस्त्यस्यानुजस्थानं मध्याह्ने समपद्यत॥१॥

तेन सम्पूजितः सम्यग्भुक्त्वा मूलफलादिकम्।

परेद्युः प्रातरुत्थाय जग्मुस्तेऽगस्त्यमण्डलम्॥२॥

सर्वर्तुफलपुष्पाढ्यं नानामृगगणैर्युतम्।

पक्षिसङ्घैश्च विविधैर्नादितं नन्दनोपमम्॥३॥

ब्रह्मर्षिभिर्देवर्षिभिः सेवितं मुनिमन्दिरैः।

सर्वतोऽलङ्कृतं साक्षाद् ब्रह्मलोकमिवापरम्॥४॥

बहिरेवाश्रमस्याथ स्थित्वा रामोऽब्रवीन्मुनिम्।

सुतीक्ष्ण गच्छ त्वं शीघ्रमागतं मां निवेदय॥५॥

अगस्त्यमुनिवर्याय सीतया लक्ष्मणेन च।

महाप्रसाद इत्युक्त्वा सुतीक्ष्णः प्रययौ गुरोः॥६॥

आश्रमं त्वरया तत्र ऋषिसङ्घसमावृतम्।

उपविष्टं रामभक्तैर्विशेषेण समायुतम्॥७॥

व्याख्यातराममन्त्रार्थं शिष्येभ्यश्चातिभक्तितः।

दृष्ट्वाऽगस्त्यं मुनिश्रेष्ठं सुतीक्ष्णः प्रययौ मुनेः॥८॥

दण्डवत्प्रणिपत्याह विनयावनतः सुधीः।
रामो दाशरथिर्ब्रह्मन् सीतया लक्ष्मणेन च।
आगतो दर्शनार्थं ते बहिस्तिष्ठति साञ्जलिः॥९॥

अगस्त्य उवाच

शीघ्रमानय भद्रं ते रामं मम हृदिस्थितम्।

तमेव ध्यायमानोऽहं काङ्क्षमाणोऽत्र संस्थितः॥१०॥

इत्युक्त्वा स्वयमुत्थाय मुनिभिः सहितो द्रुतम्।

अभ्यगात्परया भक्त्या गत्वा राममथाब्रवीत्॥११॥

आगच्छ राम भद्रं ते दिष्ट्या तेऽद्य समागमः।

प्रियातिथिर्मम प्राप्तोऽस्यद्य मे सफलं दिनम्॥१२॥

रामोऽपि मुनिमायान्तं दृष्ट्वा हर्षसमाकुलः।

सीतया लक्ष्मणेनापि दण्डवत्पतितो भुवि॥१३॥

द्रुतमुत्थाप्य मुनिराड् राममालिङ्ग्य भक्तितः।

तद्गात्रस्पर्शजाह्लादस्रवन्नेत्रजलाकुलः॥१४॥

गृहीत्वा करमेकेन करेण रघुनन्दनम्।

जगाम स्वाश्रमं हृष्टो मनसा मुनिपुङ्गवः॥१५॥

सुखोपविष्टं सम्पूज्य पूजया बहुविस्तरम्।

भोजयित्वा यथान्यायं भोज्यैर्वन्यैरनेकधा॥१६॥

सुखोपविष्टमेकान्ते रामं शशिनिभाननम्।

कृताञ्जलिरुवाचेदमगस्त्यो भगवानृषिः॥१७॥

त्वदागमनमेवाहं प्रतीक्षन् समवस्थितः।

यदा क्षीरसमुद्रान्ते ब्रह्मणा प्रार्थितः पुरा॥१८॥

भूमेर्भारापनुत्त्यर्थं रावणस्य वधाय च।
तदादि दर्शनाकाङ्क्षी तव राम तपश्चरन्।
वसामि मुनिभिः सार्धं त्वामेव परिचिन्तयन्॥१९॥

सृष्टेः प्रागेक एवासीर्निर्विकल्पोऽनुपाधिकः।

त्वदाश्रया त्वद्विषया माया ते शक्तिरुच्यते॥२०॥

त्वामेव निर्गुणं शक्तिरावृणोति यदा तदा।

अव्याकृतमिति प्राहुर्वेदान्तपरिनिष्ठिताः॥२१॥

मूलप्रकृतिरित्येके प्राहुर्मायेति केचन।

अविद्या संसृतिर्बन्ध इत्यादि बहुधोच्यते॥२२॥

त्वया सङ्क्षोभ्यमाणा सा महत्तत्त्वं प्रसूयते।

महत्तत्त्वादहङ्कारस्त्वया सञ्चोदितादभूत्॥२३॥

अहङ्कारो महत्तत्त्वसंवृतस्त्रिविधोऽभवत्।

सात्त्विको राजसश्चैव तामसश्चेति भण्यते॥२४॥

तामसात्सूक्ष्मतन्मात्राण्यासन् भूतान्यतः परम्।

स्थूलानि क्रमशो राम क्रमोत्तरगुणानि ह॥२५॥

राजसानीन्द्रियाण्येव सात्त्विका देवता मनः।

तेभ्योऽभवत्सूत्ररूपं लिङ्गं सर्वगतं महत्॥२६॥

ततो विराट् समुत्पन्नः स्थूलाद्भूतकदम्बकात्।

विराजः पुरुषात्सर्वं जगत्स्थावरजङ्गमम्॥२७॥

देवतिर्यङ्मनुष्याश्च कालकर्मक्रमेण तु।

त्वं रजोगुणतो ब्रह्मा जगतः सर्वकारणम्॥२८॥

सत्त्वाद्विष्णुस्त्वमेवास्य पालकः सद्भिरुच्यते।

लये रुद्रस्त्वमेवास्य त्वन्मायागुणभेदतः॥२९॥

जाग्रत्स्वप्नसुषुप्त्याख्या वृत्तयो बुद्धिजैर्गुणैः।

तासां विलक्षणो राम त्वं साक्षी चिन्मयोऽव्ययः॥३०॥

सृष्टिलीलां यदा कर्तुमीहसे रघुनन्दन।

अङ्गीकरोषि मायां त्वं तदा वै गुणवानिव॥३१॥

राम माया द्विधा भाति विद्याऽविद्येति ते सदा।
प्रवृत्तिमार्गनिरता अविद्यावशवर्तिनः।
निवृत्तिमार्गनिरता वेदान्तार्थविचारकाः॥३२॥

त्वद्भक्तिनिरता ये च ते वै विद्यामयाः स्मृताः।
अविद्यावशगा ये तु नित्यं संसारिणश्च ते।
विद्याभ्यासरता ये तु नित्यमुक्तास्त एव हि॥३३॥

लोके त्वद्भक्तिनिरतास्त्वन्मन्त्रोपासकाश्च ये।

विद्या प्रादुर्भवेत्तेषां नेतरेषां कदाचन॥३४॥

अतस्त्वद्भक्तिसम्पन्ना मुक्ता एव न संशयः।

त्वद्भक्त्यमृतहीनानां मोक्षः स्वप्नेऽपि नो भवेत्॥३५॥

किं राम बहुनोक्तेन सारं किञ्चिद् ब्रवीमि ते।

साधुसङ्गतिरेवात्र मोक्षहेतुरुदाहृता॥३६॥

साधवः समचित्ता ये निःस्पृहा विगतैषिणः।

दान्ताः प्रशान्तास्त्वद्भक्ता निवृत्ताखिलकामनाः॥३७॥

इष्टप्राप्तिविपत्त्योश्च समाः सङ्गविवर्जिताः।

सन्न्यस्ताखिलकर्माणः सर्वदा ब्रह्मतत्पराः॥३८॥

यमादिगुणसम्पन्नाः सन्तुष्टा येन केनचित्।

सत्सङ्गमो भवेद्यर्हि त्वत्कथाश्रवणे रतिः॥३९॥

समुदेति ततो भक्तिस्त्वयि राम सनातने।

त्वद्भक्तावुपपन्नायां विज्ञानं विपुलं स्फुटम्॥४०॥

उदेति मुक्तिमार्गोऽयमाद्यश्चतुरसेवितः।

तस्माद्राघव सद्भक्तिस्त्वयि मे प्रेमलक्षणा॥४१॥

सदा भूयाद्धरे सङ्गस्त्वद्भक्तेषु विशेषतः।

अद्य मे सफलं जन्म भवत्सन्दर्शनादभूत्॥४२॥

अद्य मे क्रतवः सर्वे बभूवुः सफलाः प्रभो।
दीर्घकालं मया तप्तमनन्यमतिना तपः।
तस्येह तपसो राम फलं तव यदर्चनम्॥४३॥

सदा मे सीतया सार्धं हृदये वस राघव।

गच्छतस्तिष्ठतो वाऽपि स्मृतिः स्यान्मे सदा त्वयि॥४४॥

इति स्तुत्वा रमानाथमगस्त्यो मुनिसत्तमः।

ददौ चापं महेन्द्रेण रामार्थे स्थापितं पुरा॥४५॥

अक्षय्यौ बाणतूणीरौ खड्गो रत्नविभूषितः।

जहि राघव भूभारभूतं राक्षसमण्डलम्॥४६॥

यदर्थमवतीर्णोऽसि मायया मनुजाकृतिः।

इतो योजनयुग्मे तु पुण्यकाननमण्डितः॥४७॥

अस्ति पञ्चवटीनाम्ना आश्रमो गौतमीतटे।

नेतव्यस्तत्र ते कालः शेषो रघुकुलोद्वह॥४८॥

तत्रैव बहुकार्याणि देवानां कुरु सत्पते॥४९॥

श्रुत्वा तदाऽगस्त्यसुभाषितं वचः
स्तोत्रं च तत्त्वार्थसमन्वितं विभुः।
मुनिं समाभाष्य मुदान्वितो ययौ
प्रदर्शितं मार्गमशेषविद्धरिः॥५०॥

॥इति श्रीमदध्यात्मरामायणे उमामहेश्वरसंवादे अरण्यकाण्डे तृतीयः सर्गः॥

तृतीयः सर्गः

Mon, 01 Jan 0001 00:00:00 +0000

तृतीयः सर्गः

ततो दशरथो राजा रामाभ्युदयकारणात्।

आदिश्य मन्त्रिप्रकृतीः सानन्दो गृहमाविशत्॥१॥

तत्रादृष्ट्वा प्रियां राजा किमेतदिति विह्वलः।

या पुरा मन्दिरं तस्याः प्रविष्टे मयि शोभना॥२॥

हसन्ती मामुपायाति सा किं नैवाद्य दृश्यते।

इत्यात्मन्येव सञ्चिन्त्य मनसातिविदूयता॥३॥

पप्रच्छ दासीनिकरं कुतो वः स्वामिनी शुभा।

नायाति मां यथापूर्वं मत्प्रिया प्रियदर्शना॥४॥

ता ऊचुः क्रोधभवनं प्रविष्टा नैव विद्महे।

कारणं तत्र देव त्वं गच्छ निश्चेतुमर्हसि॥५॥

इत्युक्तो भयसन्त्रस्तो राजा तस्याः समीपगः।

उपविश्य शनैर्देहं स्पृशन्वै पाणिनाब्रवीत्॥६॥

किं शेषे वसुधापृष्ठे पर्यङ्कादीन् विहाय च।

मां त्वं खेदयसे भीरु यतो मां नावभाषसे॥७॥

अलङ्कारं परित्यज्य भूमौ मलिनवाससा।

किमर्थं ब्रूहि सकलं विधास्ये तव वाञ्छितम्॥८॥

को वा तवाहितं कर्ता नारी वा पुरुषोऽपि वा।

स मे दण्ड्यश्च वध्यश्च भविष्यति न संशयः॥९॥

ब्रूहि देवि यथा प्रीतिस्तदवश्यं ममाग्रतः।

तदिदानीं साधयिष्ये सुदुर्लभमपि क्षणात्॥१०॥

जानासि त्वं मम स्वान्तं प्रियं मां स्ववशे स्थितम्।

तथाऽपि मां खेदयसे वृथा तव परिश्रमः॥११॥

ब्रूहि किं धनिनं कुर्यां दरिद्रं ते प्रियङ्करम्।

धनिनं क्षणमात्रेण निर्धनं च तवाहितम्॥१२॥

ब्रूहि कं वा वधिष्यामि वधार्हो वा विमोक्ष्यते।

किमत्र बहुनोक्तेन प्राणान् दास्यामि ते प्रिये॥१३॥

मम प्राणात्प्रियतरो रामो राजीवलोचनः।

तस्योपरि शपे ब्रूहि त्वद्धितं तत्करोम्यहम्॥१४॥

इति ब्रुवाणं राजानं शपन्तं राघवोपरि।

शनैर्विमृज्य नेत्रे सा राजानं प्रत्यभाषत॥१५॥

यदि सत्यप्रतिज्ञोऽसि शपथं कुरुषे यदि।

याच्ञां मे सफलां कर्तुं शीघ्रमेव त्वमर्हसि॥१६॥

पूर्वं देवासुरे युद्धे मया त्वं परिरक्षितः।

तदा वरद्वयं दत्तं त्वया मे तुष्टचेतसा॥१७॥

तद्द्वयं न्यासभूतं मे स्थापितं त्वयि सुव्रत।

तत्रैकेन वरेणाशु भरतं मे प्रियं सुतम्॥१८॥

एभिः सम्भृतसम्भारैर्यौवराज्येऽभिषेचय।

अपरेण वरेणाशु रामो गच्छतु दण्डकान्॥१९॥

मुनिवेषधरः श्रीमान् जटावल्कलभूषणः।

चतुर्दश समास्तत्र कन्दमूलफलाशनः॥२०॥

पुनरायातु तस्यान्ते वने वा तिष्ठतु स्वयम्।

प्रभाते गच्छतु वनं रामो राजीवलोचनः॥२१॥

यदि किञ्चिद् विलम्बेत प्राणान्स्त्यक्ष्ये तवाग्रतः।

भव सत्यप्रतिज्ञस्त्वमेतदेव मम प्रियम्॥२२॥

श्रुत्वैतद्दारुणं वाक्यं कैकेय्या रोमहर्षणम्।

निपपात महीपालो वज्राहत इवाचलः॥२३॥

शनैरुन्मील्य नयने विमृज्य परया भिया।

दुःस्वप्नो वा मया दृष्टो ह्यथवा चित्तविभ्रमः॥२४॥

इत्यालोक्य पुरः पत्नीं व्याघ्रीमिव पुरः स्थिताम्।

किमिदं भाषसे भद्रे मम प्राणहरं वचः॥२५॥

रामः कमपराधं ते कृतवान् कमलेक्षणः।

ममाग्रे राघवगुणान् वर्णयस्यनिशं शुभान्॥२६॥

कौसल्यां मां समं पश्यन् शुश्रूषा कुरुते सदा।

इति ब्रुवन्ती त्वं पूर्वमिदानीं भाषसेऽन्यथा॥२७॥

राज्यं गृहाण पुत्राय रामस्तिष्ठतु मन्दिरे।

अनुगृह्णीष्व मां वामे रामान्नास्ति भयं तव॥२८॥

इत्युक्त्वाऽश्रुपरीताक्षः पादयोर्निपपात ह।

कैकेयी प्रत्युवाचेदं साऽपि रक्तान्तलोचना॥२९॥

राजेन्द्र किं त्वं भ्रान्तोऽसि उक्तं तद् भाषसेऽन्यथा।

मिथ्या करोषि चेत्स्वीयं भाषितं नरको भवेत्॥३०॥

वनं न गच्छेद्यदि रामचन्द्रः
प्रभातकालेऽजिनचीरयुक्तः।
उद्बन्धनं वा विषभक्षणं वा
कृत्वा मरिष्ये पुरतस्तवाहम्॥३१॥

सत्यप्रतिज्ञोऽहमितीह लोके
विडम्बसे सर्वसभान्तरेषु।
रामोपरि त्वं शपथं च कृत्वा
मिथ्याप्रतिज्ञो नरकं प्रयाहि॥३२॥

इत्युक्तः प्रियया दीनो मग्नो दुःखार्णवे नृपः।

मूर्च्छितः पतितो भूमौ विसंज्ञो मृतको यथा॥३३॥

एवं रात्रिर्गता तस्य दुःखात्संवत्सरोपमा।

अरुणोदयकाले तु वन्दिनो गायका जगुः॥३४॥

निवारयित्वा तान् सर्वान् कैकेयी रोषमास्थिता।

ततः प्रभातसमये मध्यकक्षमुपस्थिताः॥३५॥

ब्राह्मणाः क्षत्रिया वैश्या ऋषयः कन्यकास्तथा।

छत्रं च चामरं दिव्यं गजो वाजी तथैव च॥३६॥

अन्याश्च वारमुख्या याः पौरजानपदास्तथा।

वसिष्ठेन यथाज्ञप्तं तत्सर्वं तत्र संस्थितम्॥३७॥

स्त्रियो बालाश्च वृद्धाश्च रात्रौ निद्रां न लेभिरे।

कदा द्रक्ष्यामहे रामं पीतकौशेयवाससम्॥३८॥

सर्वाभरणसम्पन्नं किरीटकटकोज्ज्वलम्।

कौस्तुभाभरणं श्यामं कन्दर्पशतसुन्दरम्॥३९॥

अभिषिक्तं समायातं गजारूढं स्मिताननम्।

श्वेतच्छत्रधरं तत्र लक्ष्मणं लक्षणान्वितम्॥४०॥

रामं कदा वा द्रक्ष्यामः प्रभातं वा कदा भवेत्।

इत्युत्सुकधियः सर्वे बभूवुः पुरवासिनः॥४१॥

नेदानीमुत्थितो राजा किमर्थं चेति चिन्तयन्।

सुमन्त्रः शनकैः प्रायाद्यत्र राजाऽवतिष्ठते॥४२॥

वर्धयन् जयशब्देन प्रणमन् शिरसा नृपम्।

अतिखिन्नं नृपं दृष्ट्वा कैकेयीं समपृच्छत॥४३॥

देवि कैकेयि वर्धस्व किं राजा दृश्यतेऽन्यथा।

तमाह कैकेयी राजा रात्रौ निद्रां न लब्धवान्॥४४॥

राम रामेति रामेति राममेवानुचिन्तयन्।
प्रजागरेण वै राजा ह्यस्वस्थ इव लक्ष्यते।
राममानय शीघ्रं त्वं राजा द्रष्टुमिहेच्छति॥४५॥

अश्रुत्वा राजवचनं कथं गच्छामि भामिनि।

तच्छ्रुत्वा मन्त्रिणो वाक्यं राजा मन्त्रिणमब्रवीत्॥४६॥

सुमन्त्र रामं द्रक्ष्यामि शीघ्रमानय सुन्दरम्।

इत्युक्तस्त्वरितं गत्वा सुमन्त्रो राममन्दिरम्॥४७॥

अवारितः प्रविष्टोऽयं त्वरितं राममब्रवीत्।

शीघ्रमागच्छ भद्रं ते राम राजीवलोचन॥४८॥

पितुर्गेहं मया सार्धं राजा त्वां द्रष्टुमिच्छति।

इत्युक्तो रथमारुह्य सम्भ्रमात्त्वरितो ययौ॥४९॥

रामः सारथिना सार्धं लक्ष्मणेन समन्वितः।

मध्यकक्षे वसिष्ठादीन् पश्यन्नेव त्वरान्वितः॥५०॥

पितुः समीपं सङ्गम्य ननाम चरणौ पितुः।

राममालिङ्गितुं राजा समुत्थाय ससम्भ्रमः॥५१॥

बाहू प्रसार्य रामेति दुःखान्मध्ये पपात ह।

हा हेति रामस्तं शीघ्रमालिङ्ग्याङ्के न्यवेशयत्॥५२॥

राजानं मूर्च्छितं दृष्ट्वा चुक्रुशुः सर्वयोषितः।

किमर्थं रोदनमिति वसिष्ठोऽपि समाविशत्॥५३॥

रामः पप्रच्छ किमिदं राज्ञो दुःखस्य कारणम्।

एवं पृच्छति रामे सा कैकेयी राममब्रवीत्॥५४॥

त्वमेव कारणं ह्यत्र राज्ञो दुःखोपशान्तये।

किञ्चित्कार्यं त्वया राम कर्तव्यं नृपतेर्हितम्॥५५॥

कुरु सत्यप्रतिज्ञस्त्वं राजानं सत्यवादिनम्।

राज्ञा वरद्वयं दत्तं मम सन्तुष्टचेतसा॥५६॥

त्वदधीनं तु तत्सर्वं वक्तुं त्वां लज्जते नृपः।

सत्यपाशेन सम्बद्धं पितरं त्रातुमर्हसि॥५७॥

पुत्रशब्देन चैतद्धि नरकात्त्रायते पिता।

रामस्तयोदितं श्रुत्वा शूलेनाभिहतो यथा॥५८॥

व्यथितः कैकेयीं प्राह किं मामेवं प्रभाषसे।

पित्रर्थे जीवितं दास्ये पिबेयं विषमुल्बणम्॥५९॥

सीतां त्यक्ष्येऽथ कौसल्यां राज्यं चापि त्यजाम्यहम्।

अनाज्ञप्तोऽपि कुरुते पितुः कार्यं स उत्तमः॥६०॥

उक्तः करोति यः पुत्रः स मध्यम उदाहृतः।

उक्तोऽपि कुरुते नैव स पुत्रो मल उच्यते॥६१॥

अतः करोमि तत्सर्वं यन्मामाह पिता मम।

सत्यं सत्यं करोम्येव रामो द्विर्नाभिभाषते॥६२॥

इति रामप्रतिज्ञां सा श्रुत्वा वक्तुं प्रचक्रमे।

राम त्वदभिषेकार्थं सम्भाराः सम्भृताश्च ये॥६३॥

तैरेव भरतोऽवश्यमभिषेच्यः प्रियो मम।

अपरेण वरेणाशु चीरवासा जटाधरः॥६४॥

वनं प्रयाहि शीघ्रं त्वमद्यैव पितुराज्ञया।

चतुर्दश समास्तत्र वस मुन्यन्नभोजनः॥६५॥

एतदेव पितुस्तेऽद्य कार्यं त्वं कर्तुमर्हसि।

राजा तु लज्जते वक्तुं त्वामेवं रघुनन्दन॥६६॥

श्रीराम उवाच

तृतीयः सर्गः

Mon, 01 Jan 0001 00:00:00 +0000

तृतीयः सर्गः

श्री-महादेव उवाच

अथ राजा दशरथः श्रीमान् सत्यपरायणः।

अयोध्याधिपतिर्वीरः सर्वलोकेषु विश्रुतः॥१॥

सोऽनपत्यत्वदुःखेन पीडितो गुरुमेकदा।

वसिष्ठं स्वकुलाचार्यमभिवाद्येदमब्रवीत्॥२॥

स्वामिन् पुत्राः कथं मे स्युः सर्वलक्षणलक्षिताः।

पुत्रहीनस्य मे राज्यं सर्वं दुःखाय कल्पते॥३॥

ततोऽब्रवीद् वसिष्ठस्तं भविष्यन्ति सुतास्तव।

चत्वारः सत्त्वसम्पन्ना लोकपाला इवापराः॥४॥

शान्ताभर्तारमानीय ऋष्यशृङ्गं तपोधनम्।

अस्माभिः सहितः पुत्रकामेष्टिं शीघ्रमाचर॥५॥

तथेति मुनिमानीय मन्त्रिभिः सहितः शुचिः।

यज्ञकर्म समारेभे मुनिभिर्वीतकल्मषैः॥६॥

श्रद्धया हूयमानेऽग्नौ तप्तजाम्बूनदप्रभः।

पायसं स्वर्णपात्रस्थं गृहीत्वोवाच हव्यवाट्॥७॥

गृहाण पायसं दिव्यं पुत्रीयं देवनिर्मितम्।

लप्स्यसे परमात्मानं पुत्रत्वेन न संशयः॥८॥

इत्युक्त्वा पायसं दत्त्वा राज्ञे सोऽन्तर्दधेऽनलः।

ववन्दे मुनिशार्दूलौ राजा लब्धमनोरथः॥९॥

वसिष्ठऋष्यशृङ्गाभ्यामनुज्ञातो ददौ हविः।

कौसल्यायै सकैकेय्यै अर्धमर्धं प्रयत्नतः॥१०॥

ततः सुमित्रा सम्प्राप्ता जगृध्नुः पौत्रिकं चरुम्।

कौसल्या तु स्वभागार्धं ददौ तस्यै मुदान्विता॥११॥

कैकेयी च स्वभागार्धं ददौ प्रीतिसमन्विता।

उपभुज्य चरुं सर्वाः स्त्रियो गर्भसमन्विताः॥१२॥

देवता इव रेजुस्ताः स्वभासा राजमन्दिरे।

दशमे मासि कौसल्या सुषुवे पुत्रमद्भुतम्॥१३॥

मधुमासे सिते पक्षे नवम्यां कर्कटे शुभे।

पुनर्वस्वृक्षसहिते उच्चस्थे ग्रहपञ्चके॥१४॥

मेषं पूषणि सम्प्राप्ते पुष्पवृष्टिसमाकुले।

आविरासीज्जगन्नाथः परमात्मा सनातनः॥१५॥

नीलोत्पलदलश्यामः पीतवासाश्चतुर्भुजः।

जलजारुणनेत्रान्तः स्फुरत्कुण्डलमण्डितः॥१६॥

सहस्रार्कप्रतीकाशः किरीटी कुञ्चितालकः।

शङ्खचक्रगदापद्मवनमालाविराजितः॥१७॥

अनुग्रहाख्यहृत्स्थेन्दुसूचकस्मितचन्द्रिकः।
करुणारससम्पूर्णविशालोत्पललोचनः।
श्रीवत्सहारकेयूरनूपुरादिविभूषणः॥१८॥

दृष्ट्वा तं परमात्मानं कौसल्या विस्मयाकुला।

हर्षाश्रुपूर्णनयना नत्वा प्राञ्जलिरब्रवीत्॥१९॥

कौसल्योवाच

तृतीयः सर्गः

Mon, 01 Jan 0001 00:00:00 +0000

तृतीयः सर्गः

निहते वालिनि रणे रामेण परमात्मना।

दुद्रुवुर्वानराः सर्वे किष्किन्धां भयविह्वलाः॥१॥

तारामूचुर्महाभागे हतो वाली रणाजिरे।

अङ्गदं परिरक्षाद्य मन्त्रिणः परिनोदय॥२॥

चतुर्द्वारकपाटादीन् बद्ध्वा रक्षामहे पुरीम्।

वानराणां तु राजानमङ्गदं कुरु भामिनि॥३॥

निहतं वालिनं श्रुत्वा तारा शोकविमूर्छिता।

अताडयत्स्वपाणिभ्यां शिरो वक्षश्च भूरिशः॥४॥

किमङ्गदेन राज्येन नगरेण धनेन वा।

इदानीमेव निधनं यास्यामि पतिना सह॥५॥

इत्युक्त्वा त्वरिता तत्र रुदती मुक्तमूर्धजा।

ययौ ताराऽतिशोकार्ता यत्र भर्तृकलेवरम्॥६॥

पतितं वालिनं दृष्ट्वा रक्तैः पांसुभिरावृतम्।

रुदती नाथनाथेति पतिता तस्य पादयोः॥७॥

करुणं विलपन्ती सा ददर्श रघुनन्दनम्।

राम मां जहि बाणेन येन वाली हतस्त्वया॥८॥

गच्छामि पतिसालोक्यं पतिर्मामभिकाङ्क्षते।

स्वर्गेऽपि न सुखं तस्य मां विना रघुनन्दन॥९॥

पत्नीवियोगजं दुःखमनुभूतं त्वयाऽनघ।

वालिने मां प्रयच्छाशु पत्नीदानफलं भवेत्॥१०॥

सुग्रीव त्वं सुखं राज्यं दापितं वालिघातिना।

रामेण रुमया सार्धं भुङ्क्ष्व सापत्नवर्जितम्॥११॥

इत्येवं विलपन्तीं तां तारां रामो महामनाः।

सान्त्वयामास दयया तत्त्वज्ञानोपदेशतः॥१२॥

किं भीरु शोचसि व्यर्थं शोकस्याविषयं पतिम्।

पतिस्तवायं देहो वा जीवो वा वद तत्त्वतः॥१३॥

पञ्चात्मको जडो देहस्त्वङ्मांसरुधिरास्थिमान्।

कालकर्मगुणोत्पन्नः सोऽप्यास्तेऽद्यापि ते पुरः॥१४॥

मन्यसे जीवमात्मानं जीवस्तर्हि निरामयः।

न जायते न म्रियते न तिष्ठति न गच्छति॥१५॥

न स्त्री पुमान्वा षण्ढो वा जीवः सर्वगतोऽव्ययः।
एक एवाद्वितीयोऽयमाकाशवदलेपकः।
नित्यो ज्ञानमयः शुद्धः स कथं शोकमर्हति॥१६॥

तारोवाच

तृतीयः सर्गः

Mon, 01 Jan 0001 00:00:00 +0000

तृतीयः सर्गः

श्री-महादेव उवाच

उद्बन्धनेन वा मोक्ष्ये शरीरं राघवं विना।

जीवितेन फलं किं स्यान्मम रक्षोऽधिमध्यतः॥१॥

दीर्घा वेणी ममात्यर्थमुद्बन्धाय भविष्यति।

एवं निश्चितबुद्धिं तां मरणायाथ जानकीम्॥२॥

विलोक्य हनुमान् किञ्चिद् विचार्यैतदभाषत।

शनैः शनैः सूक्ष्मरूपो जानक्याः श्रोत्रगं वचः॥३॥

इक्ष्वाकुवंशसम्भूतो राजा दशरथो महान्।

अयोध्याधिपतिस्तस्य चत्वारो लोकविश्रुताः॥४॥

पुत्रा देवसमाः सर्वे लक्षणैरुपलक्षिताः।

रामश्च लक्ष्मणश्चैव भरतश्चैव शत्रुहा॥५॥

ज्येष्ठो रामः पितुर्वाक्याद् दण्डकारण्यमागतः।

लक्ष्मणेन सह भ्रात्रा सीतया भार्यया सह॥६॥

उवास गौतमीतीरे पञ्चवट्यां महामनाः।

तत्र नीता महाभागा सीता जनकनन्दिनी॥७॥

रहिते रामचन्द्रेण रावणेन दुरात्मना।

ततो रामोऽतिदुःखार्तो मार्गमाणोऽथ जानकीम्॥८॥

जटायुषं पक्षिराजमपश्यत् पतितं भुवि।

तस्मै दत्त्वा दिवं शीघ्रमृष्यमूकमुपागमत्॥९॥

सुग्रीवेण कृता मैत्री रामस्य विदितात्मनः।

तद्भार्याहारिणं हत्वा वालिनं रघुनन्दनः॥१०॥

राज्येऽभिषिच्य सुग्रीवं मित्रकार्यं चकार सः।

सुग्रीवस्तु समानाय्य वानरान् वानरप्रभुः॥११॥

प्रेषयामास परितो वानरान् परिमार्गणे।

सीतायास्तत्र चैकोऽहं सुग्रीवसचिवो हरिः॥१२॥

सम्पातिवचनाच्छीघ्रमुल्लङ्घ्य शतयोजनम्।

समुद्रं नगरीं लङ्कां विचिन्वन् जानकीं शुभाम्॥१३॥

शनैरशोकवनिकां विचिन्वन् शिंशपातरुम्।

अद्राक्षं जानकीमत्र शोचन्तीं दुःखसम्प्लुताम्॥१४॥

रामस्य महिषीं देवीं कृतकृत्योऽहमागतः।

इत्युक्त्वोपररामाथ मारुतिर्बुद्धिमत्तरः॥१५॥

सीता क्रमेण तत्सर्वं श्रुत्वा विस्मयमाययौ।

किमिदं मे श्रुतं व्योम्नि वायुना समुदीरितम्॥१६॥

स्वप्नो वा मे मनोभ्रान्तिर्यदि वा सत्यमेव तत्।

निद्रा मे नास्ति दुःखेन जानाम्येतत्कुतो भ्रमः॥१७॥

येन मे कर्णपीयुषं वचनं समुदीरितम्।

स दृश्यतां महाभागः प्रियवादी ममाग्रतः॥१८॥

श्रुत्वा तज्जानकीवाक्यं हनुमान् पत्रखण्डतः।

अवतीर्य शनैः सीतापुरतः समवस्थितः॥१९॥

कलविङ्कप्रमाणाङ्गो रक्तास्यः पीतवानरः।

ननाम शनकैः सीतां प्राञ्जलिः पुरतः स्थितः॥२०॥

दृष्ट्वा तं जानकी भीता रावणोऽयमुपागतः।

मां मोहयितुमायातो मायया वानराकृतिः॥२१॥

इत्येवं चिन्तयित्वा सा तूष्णीमासीदधोमुखी।

पुनरप्याह तां सीतां देवि यत्त्वं विशङ्कसे॥२२॥

नाहं तथाविधो मातस्त्यज शङ्कां मयि स्थिताम्।

दासोऽहं कोसलेन्द्रस्य रामस्य परमात्मनः॥२३॥

सचिवोऽहं हरीन्द्रस्य सुग्रीवस्य शुभप्रदे।

वायोः पुत्रोऽहमखिलप्राणभूतस्य शोभने॥२४॥

तच्छ्रुत्वा जानकी प्राह हनूमन्तं कृताञ्जलिम्।

वानराणां मनुष्याणां सङ्गतिर्घटते कथम्॥२५॥

यथा त्वं रामचन्द्रस्य दासोऽहमिति भाषसे।

तामाह मारुतिः प्रीतो जानकीं पुरतः स्थितः॥२६॥

ऋष्यमूकमगाद्रामः शबर्या नोदितः सुधीः।

सुग्रीवो ऋष्यमूकस्थो दृष्टवान् रामलक्ष्मणौ॥२७॥

भीतो मां प्रेषयामास ज्ञातुं रामस्य हृद्गतम्।

ब्रह्मचारिवपुर्धृत्वा गतोऽहं रामसन्निधिम्॥२८॥

ज्ञात्वा रामस्य सद्भावं स्कन्धोपरि निधाय तौ।

नीत्वा सुग्रीवसामीप्यं सख्यं चाकरवं तयोः॥२९॥

सुग्रीवस्य हृता भार्या वालिना तं रघूत्तमः।

जघानैकेन बाणेन ततो राज्येऽभ्यषेचयत्॥३०॥

सुग्रीवं वानराणां स प्रेषयामास वानरान्।

दिग्भ्यो महाबलान् वीरान् भवत्याः परिमार्गणे॥३१॥

गच्छन्तं राघवो दृष्ट्वा मामभाषत सादरम्॥३२॥

त्वयि कार्यमशेषं मे स्थितं मारुतनन्दन।

ब्रूहि मे कुशलं सर्वं सीतायै लक्ष्मणस्य च॥३३॥

अङ्गुलीयकमेतन्मे परिज्ञानार्थमुत्तमम्।

सीतायै दीयतां साधु मन्नामाक्षरमुद्रितम्॥३४॥

इत्युक्त्वा प्रददौ मह्यं कराग्रादङ्गुलीयकम्।

प्रयत्नेन मयाऽऽनीतं देवि पश्याङ्गुलीयकम्॥३५॥

इत्युक्त्वा प्रददौ देव्यै मुद्रिकां मारुतात्मजः।

नमस्कृत्य स्थितो दूराद्बद्धाञ्जलिपुटो हरिः॥३६॥

दृष्ट्वा सीता प्रमुदिता रामनामाङ्कितां तदा।

मुद्रिकां शिरसा धृत्वा स्रवदानन्दनेत्रजा॥३७॥

कपे मे प्राणदाता त्वं बुद्धिमानसि राघवे।

भक्तोऽसि प्रियकारी त्वं विश्वासोऽस्ति तवैव हि॥३८॥

नो चेन्मत्सन्निधिं चान्यं पुरुषं प्रेषयेत्कथम्।

हनूमन् दृष्टमखिलं मम दुःखादिकं त्वया॥३९॥

सर्वं कथय रामाय यथा मे जायते दया।

मासद्वयावधि प्राणाः स्थास्यन्ति मम सत्तम॥४०॥

नाऽऽगमिष्यति चेद्रामो भक्षयिष्यति मां खलः।

अतः शीघ्रं कपीन्द्रेण सुग्रीवेण समन्वितः॥४१॥

वानरानीकपैः सार्धं हत्वा रावणमाहवे।

सपुत्रं सबलं रामो यदि मां मोचयेत्प्रभुः॥४२॥

तत्तस्य सदृशं वीर्यं वीर वर्णय वर्णितम्।

यथा मां तारयेद्रामो हत्वा शीघ्रं दशाननम्॥४३॥

तथा यतस्व हनुमन् वाचा धर्ममवाप्नुहि।

हनुमानपि तामाह देवि दृष्टो यथा मया॥४४॥

रामः सलक्ष्मणः शीघ्रमागमिष्यति सायुधः।

सुग्रीवेण ससैन्येन हत्वा दशमुखं बलात्॥४५॥

समानेष्यति देवि त्वामयोध्यां नात्र संशयः।

तमाह जानकी रामः कथं वारिधिमाततम्॥४६॥

तीर्त्वाऽऽयास्यत्यमेयात्मा वानरानीकपैः सह।

हनुमानाह मे स्कन्धावारुह्य पुरुषर्षभौ॥४७॥

आयास्यतः ससैन्यश्च सुग्रीवो वानरेश्वरः।

विहायसा क्षणेनैव तीर्त्वा वारिधिमाततम्॥४८॥

निर्दहिष्यति रक्षौघांस्त्वत्कृते नात्र संशयः।

अनुज्ञां देहि मे देवि गच्छामि त्वरयान्वितः॥४९॥

द्रष्टुं रामं सह भ्रात्रा त्वरयामि तवान्तिकम्।

देवि किञ्चिदभिज्ञानं देहि मे येन राघवः॥५०॥

विश्वसेन्मां प्रयत्नेन ततो गन्ता समुत्सुकः।

ततः किञ्चिद् विचार्याथ सीता कमललोचना॥५१॥

विमुच्य केशपाशान्ते स्थितं चूडामणिं ददौ।

अनेन विश्वसेद्रामस्त्वां कपीन्द्र सलक्ष्मणः॥५२॥

अभिज्ञानार्थमन्यच्च वदामि तव सुव्रत।
चित्रकूटगिरौ पूर्वमेकदा रहसि स्थितः।
मदङ्के शिर आधाय निद्राति रघुनन्दनः॥५३॥

ऐन्द्रः काकस्तदाऽऽगत्य नखैस्तुण्डेन चासकृत्।

मत्पादाङ्गुष्ठमारक्तं विददारामिषाशया॥५४॥

ततो रामः प्रबुद्ध्याथ दृष्ट्वा पादं कृतव्रणम्।

केन भद्रे कृतं चैतद्विप्रियं मे दुरात्मना॥५५॥

इत्युक्त्वा पुरतोऽपश्यद् वायसं मां पुनः पुनः।

अभिद्रवन्तं रक्ताक्तनखतुण्डं चुकोप ह॥५६॥

तृणमेकमुपादाय दिव्यास्त्रेणाभियोज्य तत्।

चिक्षेप लीलया रामो वायसोपरि तज्ज्वलन्॥५७॥

अभ्यद्रवद् वायसश्च भीतो लोकान् भ्रमन् पुनः।

इन्द्रब्रह्मादिभिश्चापि न शक्यो रक्षितुं तदा॥५८॥

रामस्य पादयोरग्रेऽपतद् भीत्या दयानिधेः।

शरणागतमालोक्य रामस्तमिदमब्रवीत्॥५९॥

अमोघमेतदस्त्रं मे दत्वैकाक्षिमितो व्रज।

सव्यं दत्त्वा गतः काक एवं पौरुषवानपि॥६०॥

उपेक्षते किमर्थं मामिदानीं सोऽपि राघवः।

हनुमानपि तामाह श्रुत्वा सीतानुभाषितम्॥६१॥

देवि त्वां यदि जानाति स्थितामत्र रघूत्तमः।

करिष्यति क्षणाद्भस्म लङ्कां राक्षसमण्डिताम्॥६२॥

जानकी प्राह तं वत्स कथं त्वं योत्स्यसेऽसुरैः।

अतिसूक्ष्मवपुः सर्वे वानराश्च भवादृशाः॥६३॥

श्रुत्वा तद्वचनं देव्यै पूर्वरूपमदर्शयत्।

मेरुमन्दरसङ्काशं रक्षोगणविभीषणम्॥६४॥

दृष्ट्वा सीता हनूमन्तं महापर्वतसन्निभम्।

हर्षेण महताऽऽविष्टा प्राह तं कपिकुञ्जरम्॥६५॥

समर्थोऽसि महासत्त्व द्रक्ष्यन्ति त्वां महाबलम्।

राक्षस्यस्ते शुभः पन्था गच्छ रामान्तिकं द्रुतम्॥६६॥

बुभुक्षितः कपिः प्राह दर्शनात्पारणं मम।

भविष्यति फलैः सर्वैस्तव दृष्टौ स्थितैर्हि मे॥६७॥

तथेत्युक्तः स जानक्या भक्षयित्वा फलं कपिः।
ततः प्रस्थापितोऽगच्छज्जानकीं प्रणिपत्य सः।
किञ्चिद् दूरमथो गत्वा स्वात्मन्येवान्वचिन्तयत्॥६८॥

कार्यार्थमागतो दूतः स्वामिकार्याविरोधतः।

अन्यत्किञ्चिदसम्पाद्य गच्छत्यधम एव सः॥६९॥

अतोऽहं किञ्चिदन्यच्च कृत्वा दृष्ट्वाऽथ रावणम्।

सम्भाष्य च ततो रामदर्शनार्थं व्रजाम्यहम्॥७०॥

इति निश्चित्य मनसा वृक्षखण्डान् महाबलः।

उत्पाट्याशोकवनिकां निर्वृक्षामकरोत्क्षणात्॥७१॥

सीताऽऽश्रयनगं त्यक्त्वा वनं शून्यं चकार सः।

उत्पाटयन्तं विपिनं दृष्ट्वा राक्षसयोषितः॥७२॥

अपृच्छन् जानकीं कोऽसौ वानराकृतिरुद्भटः॥७३॥

जानक्युवाच

तृतीयः सर्गः

Mon, 01 Jan 0001 00:00:00 +0000

तृतीयः सर्गः

श्रीराम उवाच

वालिसुग्रीवयोर्जन्म श्रोतुमिच्छामि तत्त्वतः।

रवीन्द्रौ वानराकारौ जज्ञाताविति नः श्रुतम्॥१॥

अगस्त्य उवाच

मेरोः स्वर्णमयस्याद्रेर्मध्यशृङ्गे मणिप्रभे।

तस्मिन् सभाऽऽस्ते विस्तीर्णा ब्रह्मणः शतयोजना॥२॥

तस्यां चतुर्मुखः साक्षात्कदाचिद्योगमास्थितः।

नेत्राभ्यां पतितं दिव्यमानन्दसलिलं बहु॥३॥

तद्गृहीत्वा करे ब्रह्मा ध्यात्वा किञ्चित्तदत्यजत्।

भूमौ पतितमात्रेण तस्माज्जातो महाकपिः॥४॥

तमाह द्रुहिणो वत्स किञ्चित्कालं वसात्र मे।

समीपे सर्वशोभाढ्ये ततः श्रेयो भविष्यति॥५॥

इत्युक्तो न्यवसत् तत्र ब्रह्मणा वानरोत्तमः।

एवं बहुतिथे काले गते ऋक्षाधिपः सुधीः॥६॥

कदाचित्पर्यटन्नद्रौ फलमूलार्थमुद्यतः।

अपश्यद्दिव्यसलिलां वापीं मणिशिलान्विताम्॥७॥

पानीयं पातुमागच्छत् तत्र छायामयं कपिम्।

दृष्ट्वा प्रतिकपिं मत्वा निपपात जलान्तरे॥८॥

तत्रादृष्ट्वा हरिं शीघ्रं पुनरुत्प्लुत्य वानरः।

अपश्यत्सुन्दरीं रामामात्मानं विस्मयं गतः॥९॥

ततः सुरेशो देवेशं पूजयित्वा चतुर्मुखम्।

गच्छन् मध्याह्नसमये दृष्ट्वा नारीं मनोरमाम्॥१०॥

कन्दर्पशरविद्धाङ्गस्त्यक्तवान् वीर्यमुत्तमम्।

तामप्राप्यैव तद्बीजं वालदेशेऽपतद् भुवि॥११॥

वाली समभवत् तत्र शक्रतुल्यपराक्रमः।

तस्य दत्त्वा सुरेशानः स्वर्णमालां दिवं गतः॥१२॥

भानुरप्यागतस्तत्र तदानीमेव भामिनीम्।

दृष्ट्वा कामवशो भूत्वा ग्रीवादेशेऽसृजन्महत्॥१३॥

बीजं तस्यास्ततः सद्यो महाकायोऽभवद्धरिः।

तस्य दत्त्वा हनूमन्तं सहायार्थं गतो रविः॥१४॥

पुत्रद्वयं समादाय गत्वा सा निद्रिता क्वचित्।

प्रभातेऽपश्यदात्मानं पूर्ववद् वानराकृतिम्॥१५॥

फलमूलादिभिः सार्धं पुत्राभ्यां सहितः कपिः।

नत्वा चतुर्मुखस्याग्रे ऋक्षराजः स्थितः सुधीः॥१६॥

ततोऽब्रवीत्समाश्वास्य बहुशः कपिकुञ्जरम्।

तत्रैकं देवतादूतमाहूयामरसन्निभम्॥१७॥

गच्छ दूत मयाऽऽदिष्टो गृहीत्वा वानरोत्तमम्।

किष्किन्धां दिव्यनगरीं निर्मितां विश्वकर्मणा॥१८॥

सर्वसौभाग्यवलितां देवैरपि दुरासदाम्।

तस्यां सिंहासने वीरं राजानमभिषेचय॥१९॥

सप्तद्वीपगता ये ये वानराः सन्ति दुर्जयाः।

सर्वे ते ऋक्षराजस्य भविष्यन्ति वशेऽनुगाः॥२०॥

यदा नारायणः साक्षाद्रामो भूत्वा सनातनः।

भूभारासुरनाशाय सम्भविष्यति भूतले॥२१॥

तदा सर्वे सहायार्थे तस्य गच्छन्तु वानराः।

इत्युक्तो ब्रह्मणा दूतो देवानां स महामतिः॥२२॥

यथाऽऽज्ञप्तस्तथा चक्रे ब्रह्मणा तं हरीश्वरम्।

देवदूतस्ततो गत्वा ब्रह्मणे तन्न्यवेदयत्॥२३॥

तदादि वानराणां सा किष्किन्धाऽभून्नृपाश्रयः॥२४॥

सर्वेश्वरस्त्वमेवासीरिदानीं ब्रह्मणार्थितः।
भूमेर्भारो हृतः कृत्स्नस्त्वया लीलानृदेहिना।
सर्वभूतान्तरस्थस्य नित्यमुक्तचिदात्मनः॥२५॥

अखण्डानन्तरूपस्य कियानेष पराक्रमः।

तथाऽपि वर्ण्यते सद्भिर्लीलामानुषरूपिणः॥२६॥

यशस्ते सर्वलोकानां पापहत्यै सुखाय च।

य इदं कीर्तयेन् मर्त्यो वालिसुग्रीवयोर्महत्॥२७॥

जन्म त्वदाश्रयत्वात्स मुच्यते सर्वपातकैः॥२८॥

अथान्यां सम्प्रवक्ष्यामि कथां राम त्वदाश्रयाम्।

सीता हृता यदर्थं सा रावणेन दुरात्मना॥२९॥

पुरा कृतयुगे राम प्रजापतिसुतं विभुम्।
सनत्कुमारमेकान्ते समासीनं दशाननः।
विनयावनतो भूत्वा ह्यभिवाद्येदमब्रवीत्॥३०॥

को न्वस्मिन् प्रवरो लोके देवानां बलवत्तरः।

देवाश्च यं समाश्रित्य युद्धे शत्रुं जयन्ति हि॥३१॥

कं यजन्ति द्विजा नित्यं कं ध्यायन्ति च योगिनः।

एतन्मे शंस भगवन् प्रश्नं प्रश्नविदां वर॥३२॥

ज्ञात्वा तस्य हृदिस्थं यत्तदशेषेण योगदृक्।

दशाननमुवाचेदं शृणु वक्ष्यामि पुत्रक॥३३॥

भर्ता यो जगतां नित्यं यस्य जन्मादिकं न हि।

सुरासुरैर्नुतो नित्यं हरिर्नारायणोऽव्ययः॥३४॥

यन्नाभिपङ्कजाज्जातो ब्रह्मा विश्वसृजां पतिः।

सृष्टं येनैव सकलं जगत्स्थावरजङ्गमम्॥३५॥

तं समाश्रित्य विबुधा जयन्ति समरे रिपून्।

योगिनो ध्यानयोगेन तमेवानुजपन्ति हि॥३६॥

महर्षेर्वचनं श्रुत्वा प्रत्युवाच दशाननः।

दैत्यदानवरक्षांसि विष्णुना निहतानि च॥३७॥

कां वा गतिं प्रपद्यन्ते प्रेत्य ते मुनिपुङ्गव।

तमुवाच मुनिश्रेष्ठो रावणं राक्षसाधिपम्॥३८॥

दैवतैर्निहता नित्यं गत्वा स्वर्गमनुत्तमम्।

भोगक्षये पुनस्तस्माद्भ्रष्टा भूमौ भवन्ति ते॥३९॥

पूर्वार्जितैः पुण्यपापैर्म्रियन्ते चोद्भवन्ति च।

विष्णुना ये हतास्ते तु प्राप्नुवन्ति हरेर्गतिम्॥४०॥

श्रुत्वा मुनिमुखात्सर्वं रावणो हृष्टमानसः।

योत्स्येऽहं हरिणा सार्धमिति चिन्तापरोऽभवत्॥४१॥

मनःस्थितं परिज्ञाय रावणस्य महामुनिः।

उवाच वत्स तेऽभीष्टं भविष्यति न संशयः॥४२॥

कञ्चित्कालं प्रतीक्षस्व सुखी भव दशानन।

एवमुक्त्वा महाबाहो मुनिः पुनरुवाच तम्॥४३॥

तस्य स्वरूपं वक्ष्यामि ह्यरूपस्यापि मायिनः।

स्थावरेषु च सर्वेषु नदेषु च नदीषु च॥४४॥

ओङ्कारश्चैव सत्यं च सावित्री पृथिवी च सः।

समस्तजगदाधारः शेषरूपधरो हि सः॥४५॥

सर्वे देवाः समुद्राश्च कालः सूर्यश्च चन्द्रमाः।

सूर्योदयो दिवारात्री यमश्चैव तथाऽनिलः॥४६॥

अग्निरिन्द्रस्तथा मृत्युः पर्जन्यो वसवस्तथा।

ब्रह्मा रुद्रादयश्चैव ये चान्ये देवदानवाः॥४७॥

विद्योतते ज्वलत्येष पाति चात्तीति विश्वकृत्।

क्रीडां करोत्यव्ययात्मा सोऽयं विष्णुः सनातनः॥४८॥

तेन सर्वमिदं व्याप्तं त्रैलोक्यं सचराचरम्।

नीलोत्पलदलश्यामो विद्युद्वर्णाम्बरावृतः॥४९॥

शुद्धजाम्बूनदप्रख्यां श्रियं वामाङ्कसंस्थिताम्।

सदानपायिनीं देवीं पश्यन्नालिङ्ग्य तिष्ठति॥५०॥

द्रष्टुं न शक्यते कैश्चिद् देवदानवपन्नगैः।

यस्य प्रसादं कुरुते स चैनं द्रष्टुमर्हति॥५१॥

न च यज्ञतपोभिर्वा न दानाध्ययनादिभिः।

शक्यते भगवान् द्रष्टुमुपायैरितरैरपि॥५२॥

तद् भक्तैस्तद्गतप्राणैस्तच्चित्तैर्धूतकल्मषैः।

शक्यते भगवान् विष्णुर्वेदान्तामलदृष्टिभिः॥५३॥

अथवा द्रष्टुमिच्छा ते शृणु त्वं परमेश्वरम्।

त्रेतायुगे स देवेशो भविता नृपविग्रहः॥५४॥

हितार्थं देवमर्त्यानामिक्ष्वाकूणां कुले हरिः।

रामो दाशरथिर्भूत्वा महासत्त्वपराक्रमः॥५५॥

पितुर्नियोगात्स भ्रात्रा भार्यया दण्डके वने।

विचरिष्यति धर्मात्मा जगन्मात्रा स्वमायया॥५६॥

एवं ते सर्वमाख्यातं मया रावण विस्तरात्।

भजस्व भक्तिभावेन सदा रामं श्रिया युतम्॥५७॥

अगस्त्य उवाच

तृतीयः सर्गः

Mon, 01 Jan 0001 00:00:00 +0000

तृतीयः सर्गः

श्री-महादेव उवाच

विभीषणो महाभागश्चतुर्भिर्मन्त्रिभिः सह।

आगत्य गगने रामसम्मुखे समवस्थितः॥१॥

उच्चैरुवाच भोः स्वामिन् राम राजीवलोचन।

रावणस्यानुजोऽहं ते दारहर्तुर्विभीषणः॥२॥

नाम्ना भ्रात्रा निरस्तोऽहं त्वामेव शरणं गतः।

हितमुक्तं मया देव तस्य चाविदितात्मनः॥३॥

सीतां रामाय वैदेहीं प्रेषयेति पुनः पुनः।

उक्तोऽपि न शृणोत्येव कालपाशवशं गतः॥४॥

हन्तुं मां खड्गमादाय प्राद्रवद्राक्षसाधमः।

ततोऽचिरेण सचिवैश्चतुर्भिः सहितो भयात्॥५॥

त्वामेव भवमोक्षाय मुमुक्षुः शरणं गतः।

विभीषणवचः श्रुत्वा सुग्रीवो वाक्यमब्रवीत्॥६॥

विश्वासार्हो न ते राम मायावी राक्षसाधमः।

सीताहर्तुर्विशेषेण रावणस्यानुजो बली॥७॥

मन्त्रिभिः सायुधैरस्मान् विवरे निहनिष्यति।

तदाज्ञापय मे देव वानरैर्हन्यतामयम्॥८॥

ममैवं भाति मे राम बुद्ध्या किं निश्चितं वद।

श्रुत्वा सुग्रीववचनं रामः सस्मितमब्रवीत्॥९॥

यदीच्छामि कपिश्रेष्ठ लोकान् सर्वान् सहेश्वरान्।

निमिषार्धेन संहन्यां सृजामि निमिषार्धतः॥१०॥

अतो मयाऽभयं दत्तं शीघ्रमानय राक्षसम्॥११॥

सकृदेव प्रपन्नाय तवास्मीति च याचते।

अभयं सर्वभूतेभ्यो ददाम्येतद्व्रतं मम॥१२॥

रामस्य वचनं श्रुत्वा सुग्रीवो हृष्टमानसः।

विभीषणमथानाय्य दर्शयामास राघवम्॥१३॥

विभीषणस्तु साष्टाङ्गं प्रणिपत्य रघूत्तमम्।

हर्षगद्गदया वाचा भक्त्या च परयान्वितः॥१४॥

रामं श्यामं विशालाक्षं प्रसन्नमुखपङ्कजम्।

धनुर्बाणधरं शान्तं लक्ष्मणेन समन्वितम्॥१५॥

कृताञ्जलिपुटो भूत्वा स्तोतुं समुपचक्रमे॥१६॥

विभीषण उवाच

तृतीयोऽध्यायः

Mon, 01 Jan 0001 00:00:00 +0000

तृतीयोऽध्यायः

सनत्कुमार उवाच

भगवन् व्रतसङ्घस्य उद्देशः कथितस्त्वया।

तृप्तिर्न जायते स्वामिन् विस्तराद्वक्तुमर्हसि॥१॥

यच्छ्रुत्वा कृतकृत्योऽहं भविष्यामि सुरेश्वर॥२॥

ईश्वर उवाच

नक्तव्रतेन योगीश श्रावणं यो नयेत्सुधीः।

द्वादशस्वपि मासेषु स नक्तफलभाग्भवेत्॥३॥

दिनावसानपूर्व तु नक्तं स्याद्रात्रिभोजनम्।

तत्राद्यास्त्रिघटीस्त्यक्त्वा कालः स्यान्नक्तभोजने॥४॥

ततः सन्ध्या त्रिघटिका अस्तादुपरि भास्वतः।

चत्वारीमानि कर्माणि सन्ध्यायां परिवर्जयेत्॥५॥

आहारं मैथुनं निद्रां स्वाध्यायं च चतुर्थकम्।

गृहस्थयतिभेदेन तद्व्यवस्थां च मे शृणु॥६॥

आत्मनो द्विगुणी छाया मन्दीभवति भास्करे।

यतेर्नक्तं तु तत्प्रोक्तं न नक्तं निशि भोजनम्॥७॥

नक्षत्रदर्शनान्नक्तं गृहस्थस्य बुधैः स्मृतम्।

यतेर्दिनाष्टमे भागे रात्रौ तस्य निषिध्यते॥८॥

नक्तं निशायां कुर्वीत गृहस्थो विधिसंयुतः।

यतिश्च विधवा चैव विधुरश्च ससूर्यकम्॥९॥

विधुरश्चेत्पुत्रवान् स्यात्स तु रात्रौ समाचरेत्।

अनाश्रमोऽप्याश्रमी स्यादपत्नीकोऽपि पुत्रवान्॥१०॥

एवं यथाधिकारं तु कुर्यान्नक्तव्रतं सुधीः।

अत्र नक्तव्रती मासे परां गतिमवाप्नुयात्॥११॥

प्रातःस्नानं करिष्यामि ब्रह्मचर्यव्रते स्थितः।

भोक्ष्यामि नक्तं भूशय्यां करिष्ये प्राणिनां दयाम्॥१२॥

प्रारब्धेऽस्मिन्वते देव यद्यपूर्णे म्रिये ह्यहम्।

तदा सम्पूर्णतां यातु प्रसादात्ते जगत्पते॥१३॥

इति सङ्कल्प्य मेधावी मासे नक्तव्रतं चरेत्।

एवं नक्तव्रतं कुर्वन्मम प्रियतमो भवेत्॥१४॥

विप्रद्वारातिरुद्रेण महारुद्रेण वा स्वयम्।

अभिषेकं मासमात्रं रुद्रेण प्रत्यहं चरेत्॥१५॥

तस्य प्रीणाम्यहं वत्स जलधाराप्रियो यतः।

कुर्याद्रुद्रेण वा होमं मम प्रीतिकरं परम्॥१६॥

स्वस्य यद्रोचतेऽत्यन्तं भोज्यं वा भोग्यमेव वा।

सङ्कल्प्य द्विजवर्याय दत्त्वा मासे स्वयं त्यजेत्॥१७॥

अतः परं शृणु मुने लक्षपूजाविधिं परम्।

श्रीकामो बिल्वपत्रैश्च दूर्वाभिः शान्तिकामुकः॥१८॥

आयुष्कामेन कर्तव्यं चम्पकैः पूजनं हरेः।

विद्याकामेन कर्तव्यं मल्लिकाजातिभिस्तथा॥१९॥

शिवविष्ण्वोः प्रसन्नत्वं तुलसीभिः प्रसिध्यति।

पुत्रकामेन कर्तव्यं बार्हतैः पूजनं शुभम्॥२०॥

दुःस्वप्नप्रशमार्थाय शस्तं धान्यप्रपूजनम्।

रङ्गवल्ल्यादिभिर्देवं देवस्याग्रे विनिर्मितैः॥२१॥

पद्मादिभिः स्वस्तिकाद्यैश्चक्राद्यैः पूजयेद्विभुम्।

एवं हि सर्वपुष्यैश्च सर्वकामार्थसिद्धये॥२२॥

लक्षपूजां प्रकुर्याच्चेत्सुप्रसन्नो हरो भवेत्।

उद्यापनं ततः कार्यं मण्डपं चैव साधयेत्॥२३॥

वेदिका च प्रकर्तव्या मण्डपस्य त्रिभागतः।

पुण्याहवाचनं कृत्वा आचार्यं वरयेत्ततः॥२४॥

गीतवादित्रनिर्घोषैर्ब्रह्मघोषेण भूयसा।

प्रविश्य मण्डपे तस्मिन् रात्रौ जागरणं चरेत्॥२५॥

वेदिकायां प्रकर्तव्यं लिङ्गतोभद्रमुत्तमम्।

तन्मध्ये तण्डुलैः कुर्यात्कैलासं च सुशोभनम्॥२६॥

कलशं स्थापयेत्तत्र ताम्र चैव महाप्रभम्।

पञ्चपल्लवसंयुक्तं न्यसेद् वस्त्रं सुसूक्ष्मकम्॥२७॥

सौवर्णी प्रतिमां तत्र स्थापयेत्पार्वतीपतेः।

पूजां तत्र प्रकुर्वीत पञ्चामृतपुरःसरैः॥२८॥

सनैवेद्यैर्गीतवादित्रनृत्यकैः।

वेदशास्त्रपुराणैश्च रात्रौ जागरणं चरेत्॥२९॥

प्रभातसमये सुस्नातः सुशुचिर्भवेत्।

स्थण्डिलं कारयेत्तत्र स्वशाखोक्तविधानतः॥३०॥

होमं च सतिलाज्येन पायसेन च कारयेत्।

मूलमन्त्रेण गायत्र्या शिवनाम्नां सहस्रकैः॥३१॥

येन मन्त्रेण पूजा तु कृता तेनैव होमयेत्।

शर्कराघृतमिश्रेण चरुणा जुहुयात्ततः॥३२॥

ततः स्विष्टकृतं हुत्वा पूर्णाहुतिमनन्तरम्।

आचार्यं पूजयेत्सम्यग्वस्त्रालङ्कारभूषणैः॥३३॥

ब्राह्मणान्पूजयेत्पश्चात्तेभ्यो दद्याच्च दक्षिणाम्।

येन येन प्रकुर्याच्च लक्षपूजामुमापतेः॥३४॥

तत्तद्दद्यात्सुवर्णेन कृत्वा शम्भुं प्रपूजयेत्।

यदि दीपः कृतस्तेन तद्दानं चैव कारयेत्॥३५॥

सुवर्णवर्तिकां कृत्वा दीपमात्रं च रौप्यकम्।

गोघृतेन समायुक्तं सर्वकामार्थसिद्धये॥३६॥

क्षमापयेत्ततो देवं ब्राह्मणान्भोजयेच्छतम्।

एवं यः कुरुते पूजां तस्य प्रीणाम्यहं मुने॥३७॥

तत्रापि श्रावणे कुर्यात्तदानन्त्याय कल्पते।

स्वप्रीतिविषयः कश्चित्पदार्थस्त्यज्यते यदि॥३८॥

मदर्पणधिया चात्र मासि तस्य फलं शृणु।

इहामुत्र च तत्प्राप्तिर्भवेल्लक्षगुणाधिका॥३९॥

सकामत्वे तु चैवं स्यान्निष्कामत्वे परा गतिः।

रुद्राभिषेकं कुर्वाणस्तत्रत्याक्षरसङ्ख्यया॥४०॥

प्रत्यक्षरं कोटिवर्ष रुद्रलोके महीयते।

पञ्चामृतस्याभिषेकादमृतत्वं समश्नुते॥४१॥

तस्मिन्मासे भूमिशायी फलं तस्यापि मे शृणु।

प्रवालनिर्मितां श्रेष्ठां गजदन्तभवामपि॥४२॥

पाटीरनिर्मितां चापि खचितां नवरत्नकैः।

निःसीममृदुपक्षीन्द्रविशेषां द्विजसत्तम॥४३॥

वरवस्त्रेण सञ्छन्नां तूलिकां चात्र शोभनाम्।

दशोपबर्हणैर्युक्तां शय्यां स लभते शुभाम्॥४४॥

रम्याङ्गनासमायुक्तां रत्नदीपविभूषिताम्।

ब्रह्मचर्येण चाप्यत्र वीर्यपुष्टिर्भवेद् दृढा॥४५॥

ओजो बलं देहदार्ढ्यं यद्धर्मस्योपकारकम्।

प्रत्यक्षैव भवेत्तस्य ब्रह्मप्राप्तिर्न संशयः॥४६॥

निष्कामस्य सकामस्य स्वर्गं देवाङ्गना शुभा।

अत्र मौनव्रतधरो महान्वक्ता प्रजायते॥४७॥

अहोरात्रं दिने वापि भुक्तिकालेऽथवा पुनः।

घण्टायाः पुस्तकस्यापि व्रतान्ते दानमाचरेत्॥४८॥

सर्वशास्त्रप्रवीणः स्याद्वेदवेदाङ्गपारगः।

वाचस्पतिसमो बुद्धौ मौनमाहात्म्यतो भवेत्॥४९॥

मौनिनः कलहो नास्ति तस्मान्मौनव्रतं परम्॥५०॥

॥इति श्रीस्कन्दपुराणे ईश्वरसनत्कुमारसंवादे श्रावणमासमाहात्म्ये नक्तव्रतलक्षपूजा-भूमिशयनमौनादिव्रतकथनं नाम तृतीयोऽध्यायः॥३॥

तृतीयोऽध्यायः---कर्मयोगः

Mon, 01 Jan 0001 00:00:00 +0000

तृतीयोऽध्यायः---कर्मयोगः

अर्जुन उवाच

ज्यायसी चेत् कर्मणस्ते मता बुद्धिर्जनार्दन।

तत् किं कर्मणि घोरे मां नियोजयसि केशव॥१॥

व्यामिश्रेणेव वाक्येन बुद्धिं मोहयसीव मे।

तदेकं वद निश्चित्य येन श्रेयोऽहमाप्नुयाम्॥२॥

श्रीभगवानुवाच

लोकेऽस्मिन् द्विविधा निष्ठा पुरा प्रोक्ता मयाऽनघ।

ज्ञानयोगेन साङ्ख्यानां कर्मयोगेन योगिनाम्॥३॥

न कर्मणामनारम्भान्नैष्कर्म्यं पुरुषोऽश्नुते।

न च सन्न्यसनादेव सिद्धिं समधिगच्छति॥४॥

न हि कश्चित् क्षणमपि जातु तिष्ठत्यकर्मकृत्।

कार्यते ह्यवशः कर्म सर्वः प्रकृतिजैर्गुणैः॥५॥

कर्मेन्द्रियाणि संयम्य य आस्ते मनसा स्मरन्।

इन्द्रियार्थान् विमूढात्मा मिथ्याचारः स उच्यते॥६॥

यस्त्विन्द्रियाणि मनसा नियम्याऽऽरभतेऽर्जुन।

कर्मेन्द्रियैः कर्मयोगमसक्तः स विशिष्यते॥७॥

नियतं कुरु कर्म त्वं कर्म ज्यायो ह्यकर्मणः।

शरीरयात्राऽपि च ते न प्रसिद्‌ध्येदकर्मणः॥८॥

यज्ञार्थात् कर्मणोऽन्यत्र लोकोऽयं कर्मबन्धनः।

तदर्थं कर्म कौन्तेय मुक्तसङ्गः समाचर॥९॥

सहयज्ञाः प्रजाः सृष्ट्वा पुरोवाच प्रजापतिः।

अनेन प्रसविष्यध्वमेष वोऽस्त्विष्टकामधुक्॥१०॥

देवान् भावयतानेन ते देवा भावयन्तु वः।

परस्परं भावयन्तः श्रेयः परमवाप्स्यथ॥११॥

इष्टान् भोगान् हि वो देवा दास्यन्ते यज्ञभाविताः।

तैर्दत्तानप्रदायैभ्यो यो भुङ्क्ते स्तेन एव सः॥१२॥

यज्ञशिष्टाशिनः सन्तो मुच्यन्ते सर्वकिल्बिषैः।

भुञ्जते ते त्वघं पापा ये पचन्त्यात्मकारणात्॥१३॥

अन्नाद् भवन्ति भूतानि पर्जन्यादन्नसम्भवः।

यज्ञाद् भवति पर्जन्यो यज्ञः कर्मसमुद्भवः॥१४॥

कर्म ब्रह्मोद्भवं विद्धि ब्रह्माक्षरसमुद्भवम्।

तस्मात् सर्वगतं ब्रह्म नित्यं यज्ञे प्रतिष्ठितम्॥१५॥

एवं प्रवर्तितं चक्रं नानुवर्तयतीह यः।

अघायुरिन्द्रियारामो मोघं पार्थ स जीवति॥१६॥

यस्त्वात्मरतिरेव स्यादात्मतृप्तश्च मानवः।

आत्मन्येव च सन्तुष्टस्तस्य कार्यं न विद्यते॥१७॥

नैव तस्य कृतेनार्थो नाकृतेनेह कश्चन।

न चास्य सर्वभूतेषु कश्चिदर्थव्यपाश्रयः॥१८॥

तस्मादसक्तः सततं कार्यं कर्म समाचर।

असक्तो ह्याचरन् कर्म परमाप्नोति पूरुषः॥१९॥

कर्मणैव हि संसिद्धिम् आस्थिता जनकादयः।

लोकसङ्ग्रहमेवापि सम्पश्यन् कर्तुमर्हसि॥२०॥

यद् यदाचरति श्रेष्ठस्तत् तदेवेतरो जनः।

स यत् प्रमाणं कुरुते लोकस्तदनुवर्तते॥२१॥

न मे पार्थास्ति कर्तव्यं त्रिषु लोकेषु किञ्चन।

नानवाप्तमवाप्तव्यं वर्त एव च कर्मणि॥२२॥

यदि ह्यहं न वर्तेयं जातु कर्मण्यतन्द्रितः।

मम वर्त्मानुवर्तन्ते मनुष्याः पार्थ सर्वशः॥२३॥

उत्सीदेयुरिमे लोका न कुर्यां कर्म चेदहम्।

सङ्करस्य च कर्ता स्यामुपहन्यामिमाः प्रजाः॥२४॥

सक्ताः कर्मण्यविद्वांसो यथा कुर्वन्ति भारत।

कुर्याद् विद्वांस्तथाऽसक्तश्चिकीर्षुर्लोकसङ्ग्रहम्॥२५॥

न बुद्धिभेदं जनयेदज्ञानां कर्मसङ्गिनाम्।

जोषयेत् सर्वकर्माणि विद्वान् युक्तः समाचरन्॥२६॥

प्रकृतेः क्रियमाणानि गुणैः कर्माणि सर्वशः।

अहङ्कारविमूढात्मा कर्ताऽहमिति मन्यते॥२७॥

तत्त्ववित् तु महाबाहो गुणकर्मविभागयोः।

गुणा गुणेषु वर्तन्त इति मत्वा न सज्जते॥२८॥

प्रकृतेर्गुणसम्मूढाः सज्जन्ते गुणकर्मसु।

तानकृत्स्नविदो मन्दान् कृत्स्नविन्न विचालयेत्॥२९॥

मयि सर्वाणि कर्माणि सन्न्यस्याध्यात्मचेतसा।

निराशीर्निर्ममो भूत्वा युध्यस्व विगतज्वरः॥३०॥

ये मे मतमिदं नित्यम् अनुतिष्ठन्ति मानवाः।

श्रद्धावन्तोऽनसूयन्तो मुच्यन्ते तेऽपि कर्मभिः॥३१॥

ये त्वेतदभ्यसूयन्तो नानुतिष्ठन्ति मे मतम्।

सर्वज्ञानविमूढांस्तान् विद्धि नष्टानचेतसः॥३२॥

सदृशं चेष्टते स्वस्याः प्रकृतेर्ज्ञानवानपि।

प्रकृतिं यान्ति भूतानि निग्रहः किं करिष्यति॥३३॥

इन्द्रियस्येन्द्रियस्यार्थे रागद्वेषौ व्यवस्थितौ।

तयोर्न वशमागच्छेत् तौ ह्यस्य परिपन्थिनौ॥३४॥

श्रेयान् स्वधर्मो विगुणः परधर्मात् स्वनुष्ठितात्।

स्वधर्मे निधनं श्रेयः परधर्मो भयावहः॥३५॥

अर्जुन उवाच

तृतीयोऽध्यायः॥३॥

Mon, 01 Jan 0001 00:00:00 +0000

तृतीयोऽध्यायः॥३॥

वैशम्पायन उवाच

एवं निर्दिश्य चाऽऽत्मानं निश्वसन्नुष्णमार्तिजम्।

विमुञ्चन्नश्रु नेत्राभ्यां भीमसेनमुवाच ह॥१॥

भीमसेन कथं कर्म मात्स्यराष्ट्रे करिष्यसि।

हत्वा क्रोधवशांस्तत्र पर्वते गन्धमादने॥२॥

यक्षान् क्रोधाभिताम्राक्षान् राक्षसांश्चापि पौरुषात्।

प्रादाः पाञ्चालकन्यायै पद्मानि सुबहून्यपि॥३॥

बकं राक्षसराजानं भीषणं पुरुषादकम्।
जघ्निवानसि कौन्तेय ब्राह्मणार्थमरिन्दम।
क्षेमा चाभयसंवीता सैकचक्रा त्वया कृता॥४॥

हिडिम्बं च महावीर्यं किर्मीरं चैव राक्षसम्।

त्वया हत्वा महाबाहो वनं निष्कण्टकं कृतम्॥५॥

आपदं चापि सम्प्राप्ता द्रौपदी चारुहासिनी।

जटासुरवधं कृत्वा वयं च परिमोक्षिताः॥६॥

मत्स्यराजान्तिके तात वीर्यपूर्णोऽत्यमर्षणः।
वृकोदर विराटस्य बलीयान् दुर्बलीयसः।
समीपे नगरे तस्य वत्स्यसे केन कर्मणा॥७॥

भीम उवाच

सूदोऽहं वललो नाम्ना सूपकारो नराधिप।

उपस्थास्यामि राजानं विराटमिति रोचये॥८॥

रसान् नानाविधांश्चापि स्वादूंश्च मधुरांस्तथा।

सूपांश्चापि करिष्यामि कुशलोऽस्मि महानसे॥९॥

कृतपूर्वाणि यान्यस्य व्यञ्जनानि सुशिक्षितैः।

तान्यप्यभिभविष्यामि प्रीतिं सञ्जनयन्नहम्॥१०॥

पूर्वमप्राशितांस्तेन कर्ता रसगुणान्वितान्।

स्वादु व्यञ्जनमास्वाद्य मात्स्यः प्रीतो भविष्यति॥११॥

आहरिष्यामि दारूणां पाटितानां शतंशतम्।

राजा कर्माणि मे दृष्ट्वा न मां परिभविष्यति॥१२॥

ये च तस्य महामल्लाः समरेष्वपराजिताः।

कृतप्रतापा बहुशो राज्ञः प्रत्यायिता बले॥१३॥

रङ्गोपजीविनः सर्वे परेषां च भयावहाः।

तानहं निहनिष्यामि रतिं राज्ञः प्रवर्तयन्॥१४॥

न च तान् युध्यमानोऽहं नयिष्ये यमसादनम्।

तथा तान् निहनिष्यामि जीविष्यन्ति यथाऽऽतुराः॥१५॥

वृषो वा महिषो वाऽपि नागो वा षाष्टिहायनः।

सिंहो व्याघ्रो ग्रहीतव्यो भविष्यति न संशयः॥१६॥

तान् सर्वान् दुर्ग्रहानन्यैराशीविषविषोपमान्।

बलादहं ग्रहीष्यामि मत्स्यराजस्य पश्यतः॥१७॥

आरालिका वा सूदा वा येऽस्य युक्ता महानसे।

तानहं प्रीणयिष्यामि मनुष्यान्स्तेन कर्मणा॥१८॥

आरालिको गोविकर्ता सूपकर्ता नियोधकः।

आसं युधिष्ठिरस्याहमिति वक्ष्यामि मानवान्॥१९॥

आत्मानमात्मना रक्षंश्चरिष्यामि विशाम्पते।
इत्येवं च प्रतिज्ञातं विचरिष्याम्यहं यथा।
विराटनगरे च्छन्नो विराटस्य समीपतः॥२०॥

युधिष्ठिर उवाच

विष्णुसहस्रनामावलिः

Mon, 01 Jan 0001 00:00:00 +0000

विष्णुसहस्रनामावलिः

विश्वस्मै नमः
विष्णवे नमः
वषट्काराय नमः
भूतभव्यभवत्प्रभवे नमः
भूतकृते नमः
भूतभृते नमः
भावाय नमः
भूतात्मने नमः
भूतभावनाय नमः
पूतात्मने नमः१०
परमात्मने नमः
मुक्तानां परमायै गतये नमः
अव्ययाय नमः
पुरुषाय नमः
साक्षिणे नमः
क्षेत्रज्ञाय नमः
अक्षराय नमः
योगाय नमः
योगविदां नेत्रे नमः
प्रधानपुरुषेश्वराय नमः२०
नारसिंहवपुषे नमः
श्रीमते नमः
केशवाय नमः
पुरुषोत्तमाय नमः
सर्वस्मै नमः
शर्वाय नमः
शिवाय नमः
स्थाणवे नमः
भूतादये नमः
निधयेऽव्ययाय नमः३०
सम्भवाय नमः
भावनाय नमः
भर्त्रे नमः
प्रभवाय नमः
प्रभवे नमः
ईश्वराय नमः
स्वयम्भुवे नमः
शम्भवे नमः
आदित्याय नमः
पुष्कराक्षाय नमः४०
महास्वनाय नमः
अनादिनिधनाय नमः
धात्रे नमः
विधात्रे नमः
धातव उत्तमाय नमः
अप्रमेयाय नमः
हृषीकेशाय नमः
पद्मनाभाय नमः
अमरप्रभवे नमः
विश्वकर्मणे नमः५०
मनवे नमः
त्वष्ट्रे नमः
स्थविष्ठाय नमः
स्थविराय ध्रुवाय नमः
अग्राह्याय नमः
शाश्वताय नमः
कृष्णाय नमः
लोहिताक्षाय नमः
प्रतर्दनाय नमः
प्रभूताय नमः६०
त्रिककुब्धाम्ने नमः
पवित्राय नमः
मङ्गलाय परस्मै नमः
ईशानाय नमः
प्राणदाय नमः
प्राणाय नमः
ज्येष्ठाय नमः
श्रेष्ठाय नमः
प्रजापतये नमः
हिरण्यगर्भाय नमः७०
भूगर्भाय नमः
माधवाय नमः
मधुसूदनाय नमः
ईश्वराय नमः
विक्रमिणे नमः
धन्विने नमः
मेधाविने नमः
विक्रमाय नमः
क्रमाय नमः
अनुत्तमाय नमः८०
दुराधर्षाय नमः
कृतज्ञाय नमः
कृतये नमः
आत्मवते नमः
सुरेशाय नमः
शरणाय नमः
शर्मणे नमः
विश्वरेतसे नमः
प्रजाभवाय नमः
अह्ने नमः९०
संवत्सराय नमः
व्यालाय नमः
प्रत्ययाय नमः
सर्वदर्शनाय नमः
अजाय नमः
सर्वेश्वराय नमः
सिद्धाय नमः
सिद्धये नमः
सर्वादये नमः
अच्युताय नमः१००
वृषाकपये नमः
अमेयात्मने नमः
सर्वयोगविनिस्सृताय नमः
वसवे नमः
वसुमनसे नमः
सत्याय नमः
समात्मने नमः
असम्मिताय नमः
समाय नमः
अमोघाय नमः११०
पुण्डरीकाक्षाय नमः
वृषकर्मणे नमः
वृषाकृतये नमः
रुद्राय नमः
बहुशिरसे नमः
बभ्रवे नमः
विश्वयोनये नमः
शुचिश्रवसे नमः
अमृताय नमः
शाश्वतस्स्थाणवे नमः१२०
वरारोहाय नमः
महातपसे नमः
सर्वगाय नमः
सर्वविद्भानवे नमः
विष्वक्सेनाय नमः
जनार्दनाय नमः
वेदाय नमः
वेदविदे नमः
अव्यङ्गाय नमः
वेदाङ्गाय नमः१३०
वेदविदे नमः
कवये नमः
लोकाध्यक्षाय नमः
सुराध्यक्षाय नमः
धर्माध्यक्षाय नमः
कृताकृताय नमः
चतुरात्मने नमः
चतुर्व्यूहाय नमः
चतुर्दंष्ट्राय नमः
चतुर्भुजाय नमः१४०
भ्राजिष्णवे नमः
भोजनाय नमः
भोक्त्रे नमः
सहिष्णवे नमः
जगदादिजाय नमः
अनघाय नमः
विजयाय नमः
जेत्रे नमः
विश्वयोनये नमः
पुनर्वसवे नमः१५०
उपेन्द्राय नमः
वामनाय नमः
प्रांशवे नमः
अमोघाय नमः
शुचये नमः
ऊर्जिताय नमः
अतीन्द्राय नमः
सङ्ग्रहाय नमः
सर्गाय नमः
धृतात्मने नमः१६०
नियमाय नमः
यमाय नमः
वेद्याय नमः
वैद्याय नमः
सदायोगिने नमः
वीरघ्ने नमः
माधवाय नमः
मधवे नमः
अतीन्द्रियाय नमः
महामायाय नमः१७०
महोत्साहाय नमः
महाबलाय नमः
महाबुद्धये नमः
महावीर्याय नमः
महाशक्तये नमः
महाद्युतये नमः
अनिर्देश्यवपुषे नमः
श्रीमते नमः
अमेयात्मने नमः
महाद्रिधृषे नमः१८०
महेष्वासाय नमः
महीभर्त्रे नमः
श्रीनिवासाय नमः
सतां गतये नमः
अनिरुद्धाय नमः
सुरानन्दाय नमः
गोविन्दाय नमः
गोविदां पतये नमः
मरीचये नमः
दमनाय नमः१९०
हंसाय नमः
सुपर्णाय नमः
भुजगोत्तमाय नमः
हिरण्यनाभाय नमः
सुतपसे नमः
पद्मनाभाय नमः
प्रजापतये नमः
अमृत्यवे नमः
सर्वदृशे नमः
सिंहाय नमः२००
सन्धात्रे नमः
सन्धिमते नमः
स्थिराय नमः
अजाय नमः
दुर्मर्षणाय नमः
शास्त्रे नमः
विश्रुतात्मने नमः
सुरारिघ्ने नमः
गुरवे नमः
गुरुतमाय नमः२१०
धाम्ने नमः
सत्याय नमः
सत्यपराक्रमाय नमः
निमिषाय नमः
अनिमिषाय नमः
स्रग्विणे नमः
वाचस्पतये उदारधिये नमः
अग्रण्ये नमः
ग्रामण्ये नमः
श्रीमते नमः२२०
न्यायाय नमः
नेत्रे नमः
समीरणाय नमः
सहस्रमूर्ध्ने नमः
विश्वात्मने नमः
सहस्राक्षाय नमः
सहस्रपदे नमः
आवर्तनाय नमः
निवृत्तात्मने नमः
संवृताय नमः२३०
सम्प्रमर्दनाय नमः
अहःसंवर्तकाय नमः
वह्नये नमः
अनिलाय नमः
धरणीधराय नमः
सुप्रसादाय नमः
प्रसन्नात्मने नमः
विश्वधृषे नमः
विश्वभुजे नमः
विभवे नमः२४०
सत्कर्त्रे नमः
सत्कृताय नमः
साधवे नमः
जह्नवे नमः
नारायणाय नमः
नराय नमः
असङ्ख्येयाय नमः
अप्रमेयात्मने नमः
विशिष्टाय नमः
शिष्टकृते नमः२५०
शुचये नमः
सिद्धार्थाय नमः
सिद्धसङ्कल्पाय नमः
सिद्धिदाय नमः
सिद्धिसाधनाय नमः
वृषाहिणे नमः
वृषभाय नमः
विष्णवे नमः
वृषपर्वणे नमः
वृषोदराय नमः२६०
वर्धनाय नमः
वर्धमानाय नमः
विविक्ताय नमः
श्रुतिसागराय नमः
सुभुजाय नमः
दुर्धराय नमः
वाग्मिने नमः
महेन्द्राय नमः
वसुदाय नमः
वसवे नमः२७०
नैकरूपाय नमः
बृहद्रूपाय नमः
शिपिविष्टाय नमः
प्रकाशनाय नमः
ओजस्तेजोद्युतिधराय नमः
प्रकाशात्मने नमः
प्रतापनाय नमः
ऋद्धाय नमः
स्पष्टाक्षराय नमः
मन्त्राय नमः२८०
चन्द्रांशवे नमः
भास्करद्युतये नमः
अमृतांशूद्भवाय नमः
भानवे नमः
शशबिन्दवे नमः
सुरेश्वराय नमः
औषधाय नमः
जगतस्सेतवे नमः
सत्यधर्मपराक्रमाय नमः
भूतभव्यभवन्नाथाय नमः२९०
पवनाय नमः
पावनाय नमः
अनलाय नमः
कामघ्ने नमः
कामकृते नमः
कान्ताय नमः
कामाय नमः
कामप्रदाय नमः
प्रभवे नमः
युगादिकृते नमः३००
युगावर्ताय नमः
नैकमायाय नमः
महाशनाय नमः
अदृश्याय नमः
व्यक्तरूपाय नमः
सहस्रजिते नमः
अनन्तजिते नमः
इष्टाय नमः
अविशिष्टाय नमः
शिष्टेष्टाय नमः३१०
शिखण्डिने नमः
नहुषाय नमः
वृषाय नमः
क्रोधघ्ने नमः
क्रोधकृत्कर्त्रे नमः
विश्वबाहवे नमः
महीधराय नमः
अच्युताय नमः
प्रथिताय नमः
प्राणाय नमः३२०
प्राणदाय नमः
वासवानुजाय नमः
अपान्निधये नमः
अधिष्ठानाय नमः
अप्रमत्ताय नमः
प्रतिष्ठिताय नमः
स्कन्दाय नमः
स्कन्दधराय नमः
धुर्याय नमः
वरदाय नमः३३०
वायुवाहनाय नमः
वासुदेवाय नमः
बृहद्भानवे नमः
आदिदेवाय नमः
पुरन्दराय नमः
अशोकाय नमः
तारणाय नमः
ताराय नमः
शूराय नमः
शौरये नमः३४०
जनेश्वराय नमः
अनुकूलाय नमः
शतावर्ताय नमः
पद्मिने नमः
पद्मनिभेक्षणाय नमः
पद्मनाभाय नमः
अरविन्दाक्षाय नमः
पद्मगर्भाय नमः
शरीरभृते नमः
महर्द्धये नमः३५०
ऋद्धाय नमः
वृद्धात्मने नमः
महाक्षाय नमः
गरुडध्वजाय नमः
अतुलाय नमः
शरभाय नमः
भीमाय नमः
समयज्ञाय नमः
हविर्हरये नमः
सर्वलक्षणलक्षण्याय नमः३६०
लक्ष्मीवते नमः
समितिञ्जयाय नमः
विक्षराय नमः
रोहिताय नमः
मार्गाय नमः
हेतवे नमः
दामोदराय नमः
सहाय नमः
महीधराय नमः
महाभागाय नमः३७०
वेगवते नमः
अमिताशनाय नमः
उद्भवाय नमः
क्षोभणाय नमः
देवाय नमः
श्रीगर्भाय नमः
परमेश्वराय नमः
करणाय नमः
कारणाय नमः
कर्त्रे नमः३८०
विकर्त्रे नमः
गहनाय नमः
गुहाय नमः
व्यवसायाय नमः
व्यवस्थानाय नमः
संस्थानाय नमः
स्थानदाय नमः
ध्रुवाय नमः
परर्द्धये नमः
परमस्पष्टाय नमः३९०
तुष्टाय नमः
पुष्टाय नमः
शुभेक्षणाय नमः
रामाय नमः
विरामाय नमः
विरताय नमः
मार्गाय नमः
नेयाय नमः
नयाय नमः
अनयाय नमः४००
वीराय नमः
शक्तिमतां श्रेष्ठाय नमः
धर्माय नमः
धर्मविदुत्तमाय नमः
वैकुण्ठाय नमः
पुरुषाय नमः
प्राणाय नमः
प्राणदाय नमः
प्रणवाय नमः
पृथवे नमः४१०
हिरण्यगर्भाय नमः
शत्रुघ्नाय नमः
व्याप्ताय नमः
वायवे नमः
अधोक्षजाय नमः
ऋतवे नमः
सुदर्शनाय नमः
कालाय नमः
परमेष्ठिने नमः
परिग्रहाय नमः४२०
उग्राय नमः
संवत्सराय नमः
दक्षाय नमः
विश्रामाय नमः
विश्वदक्षिणाय नमः
विस्ताराय नमः
स्थावरस्थाणवे नमः
प्रमाणाय नमः
बीजायाव्ययाय नमः
अर्थाय नमः४३०
अनर्थाय नमः
महाकोशाय नमः
महाभोगाय नमः
महाधनाय नमः
अनिर्विण्णाय नमः
स्थविष्ठाय नमः
अभुवे नमः
धर्मयूपाय नमः
महामखाय नमः
नक्षत्रनेमये नमः४४०
नक्षत्रिणे नमः
क्षमाय नमः
क्षामाय नमः
समीहनाय नमः
यज्ञाय नमः
इज्याय नमः
महेज्याय नमः
क्रतवे नमः
सत्राय नमः
सताङ्गतये नमः४५०
सर्वदर्शिने नमः
विमुक्तात्मने नमः
सर्वज्ञाय नमः
ज्ञानाय उत्तमाय नमः
सुव्रताय नमः
सुमुखाय नमः
सूक्ष्माय नमः
सुघोषाय नमः
सुखदाय नमः
सुहृदे नमः४६०
मनोहराय नमः
जितक्रोधाय नमः
वीरबाहवे नमः
विदारणाय नमः
स्वापनाय नमः
स्ववशाय नमः
व्यापिने नमः
नैकात्मने नमः
नैककर्मकृते नमः
वत्सराय नमः४७०
वत्सलाय नमः
वत्सिने नमः
रत्नगर्भाय नमः
धनेश्वराय नमः
धर्मगुपे नमः
धर्मकृते नमः
धर्मिणे नमः
सते नमः
असते नमः
क्षराय नमः४८०
अक्षराय नमः
अविज्ञात्रे नमः
सहस्रांशवे नमः
विधात्रे नमः
कृतलक्षणाय नमः
गभस्तिनेमये नमः
सत्त्वस्थाय नमः
सिंहाय नमः
भूतमहेश्वराय नमः
आदिदेवाय नमः४९०
महादेवाय नमः
देवेशाय नमः
देवभृद्गुरवे नमः
उत्तराय नमः
गोपतये नमः
गोप्त्रे नमः
ज्ञानगम्याय नमः
पुरातनाय नमः
शरीरभूतभृते नमः
भोक्त्रे नमः५००
कपीन्द्राय नमः
भूरिदक्षिणाय नमः
सोमपाय नमः
अमृतपाय नमः
सोमाय नमः
पुरुजिते नमः
पुरुसत्तमाय नमः
विनयाय नमः
जयाय नमः
सत्यसन्धाय नमः५१०
दाशार्हाय नमः
सात्त्वतां पतये नमः
जीवाय नमः
विनयितासाक्षिणे नमः
मुकुन्दाय नमः
अमितविक्रमाय नमः
अम्भोनिधये नमः
अनन्तात्मने नमः
महोदधिशयाय नमः
अन्तकाय नमः५२०
अजाय नमः
महार्हाय नमः
स्वाभाव्याय नमः
जितामित्राय नमः
प्रमोदनाय नमः
आनन्दाय नमः
नन्दनाय नमः
नन्दाय नमः
सत्यधर्मणे नमः
त्रिविक्रमाय नमः५३०
महर्षये कपिलाचार्याय नमः
कृतज्ञाय नमः
मेदिनीपतये नमः
त्रिपदाय नमः
त्रिदशाध्यक्षाय नमः
महाशृङ्गाय नमः
कृतान्तकृते नमः
महावराहाय नमः
गोविन्दाय नमः
सुषेणाय नमः५४०
कनकाङ्गदिने नमः
गुह्याय नमः
गभीराय नमः
गहनाय नमः
गुप्ताय नमः
चक्रगदाधराय नमः
वेधसे नमः
स्वाङ्गाय नमः
अजिताय नमः
कृष्णाय नमः५५०
दृढाय नमः
सङ्कर्षणायाच्युताय नमः
वरुणाय नमः
वारुणाय नमः
वृक्षाय नमः
पुष्कराक्षाय नमः
महामनसे नमः
भगवते नमः
भगघ्ने नमः
आनन्दिने नमः५६०
वनमालिने नमः
हलायुधाय नमः
आदित्याय नमः
ज्योतिरादित्याय नमः
सहिष्णवे नमः
गतिसत्तमाय नमः
सुधन्वने नमः
खण्डपरशवे नमः
दारुणाय नमः
द्रविणप्रदाय नमः५७०
दिवस्पृशे नमः
सर्वदृग्व्यासाय नमः
वाचस्पतयेऽयोनिजाय नमः
त्रिसाम्ने नमः
सामगाय नमः
साम्ने नमः
निर्वाणाय नमः
भेषजाय नमः
भिषजे नमः
सन्न्यासकृते नमः५८०
शमाय नमः
शान्ताय नमः
निष्टायै नमः
शान्त्यै नमः
परायणाय नमः
शुभाङ्गाय नमः
शान्तिदाय नमः
स्रष्ट्रे नमः
कुमुदाय नमः
कुवलेशयाय नमः५९०
गोहिताय नमः
गोपतये नमः
गोप्त्रे नमः
वृषभाक्षाय नमः
वृषप्रियाय नमः
अनिवर्तिने नमः
निवृत्तात्मने नमः
सङ्क्षेप्त्रे नमः
क्षेमकृते नमः
शिवाय नमः६००
श्रीवत्सवक्षसे नमः
श्रीवासाय नमः
श्रीपतये नमः
श्रीमतां वराय नमः
श्रीदाय नमः
श्रीशाय नमः
श्रीनिवासाय नमः
श्रीनिधये नमः
श्रीविभावनाय नमः
श्रीधराय नमः६१०
श्रीकराय नमः
श्रेयसे नमः
श्रीमते नमः
लोकत्रयाश्रयाय नमः
स्वक्षाय नमः
स्वङ्गाय नमः
शतानन्दाय नमः
नन्दये नमः
ज्योतिर्गणेश्वराय नमः
विजितात्मने नमः६२०
अविधेयात्मने नमः
सत्कीर्तये नमः
छिन्नसंशयाय नमः
उदीर्णाय नमः
सर्वतश्चक्षुषे नमः
अनीशाय नमः
शाश्वतस्स्थिराय नमः
भूशयाय नमः
भूषणाय नमः
भूतये नमः६३०
विशोकाय नमः
शोकनाशनाय नमः
अर्चिष्मते नमः
अर्चिताय नमः
कुम्भाय नमः
विशुद्धात्मने नमः
विशोधनाय नमः
अनिरुद्धाय नमः
अप्रतिरथाय नमः
प्रद्युम्नाय नमः६४०
अमितविक्रमाय नमः
कालनेमिनिघ्ने नमः
वीराय नमः
शौरये नमः
शूरजनेश्वराय नमः
त्रिलोकात्मने नमः
त्रिलोकेशाय नमः
केशवाय नमः
केशिघ्ने नमः
हरये नमः६५०
कामदेवाय नमः
कामपालाय नमः
कामिने नमः
कान्ताय नमः
कृतागमाय नमः
अनिर्देश्यवपुषे नमः
विष्णवे नमः
वीराय नमः
अनन्ताय नमः
धनञ्जयाय नमः६६०
ब्रह्मण्याय नमः
ब्रह्मकृते नमः
ब्रह्मणे नमः
ब्रह्मणे नमः
ब्रह्मविवर्धनाय नमः
ब्रह्मविदे नमः
ब्राह्मणाय नमः
ब्रह्मिणे नमः
ब्रह्मज्ञाय नमः
ब्राह्मणप्रियाय नमः६७०
महाक्रमाय नमः
महाकर्मणे नमः
महातेजसे नमः
महोरगाय नमः
महाक्रतवे नमः
महायज्वने नमः
महायज्ञाय नमः
महाहविषे नमः
स्तव्याय नमः
स्तवप्रियाय नमः६८०
स्तोत्राय नमः
स्तुतये नमः
स्तोत्रे नमः
रणप्रियाय नमः
पूर्णाय नमः
पूरयित्रे नमः
पुण्याय नमः
पुण्यकीर्तये नमः
अनामयाय नमः
मनोजवाय नमः६९०
तीर्थकराय नमः
वसुरेतसे नमः
वसुप्रदाय नमः
वसुप्रदाय नमः
वासुदेवाय नमः
वसुवे नमः
वसुमनसे नमः
हविषे नमः
सद्गतये नमः
सत्कृतये नमः७००
सत्तायै नमः
सद्भूतये नमः
सत्परायणाय नमः
शूरसेनाय नमः
यदुश्रेष्ठाय नमः
सन्निवासाय नमः
सुयामुनाय नमः
भूतावासाय नमः
वासुदेवाय नमः
सर्वासुनिलयाय नमः७१०
अनलाय नमः
दर्पघ्ने नमः
दर्पदाय नमः
दृप्ताय नमः
दुर्धराय नमः
अपराजिताय नमः
विश्वमूर्तये नमः
महामूर्तये नमः
दीप्तमूर्तये नमः
अमूर्तिमते नमः७२०
अनेकमूर्तये नमः
अव्यक्ताय नमः
शतमूर्तये नमः
शताननाय नमः
एकस्मै नमः
नैकस्मै नमः
सवाय नमः
काय नमः
कस्मै नमः
यस्मै नमः७३०
तस्मै नमः
पदायानुत्तमाय नमः
लोकबन्धवे नमः
लोकनाथाय नमः
माधवाय नमः
भक्तवत्सलाय नमः
सुवर्णवर्णाय नमः
हेमाङ्गाय नमः
वराङ्गाय नमः
चन्दनाङ्गदिने नमः७४०
वीरघ्ने नमः
विषमाय नमः
शून्याय नमः
घृताशिषे नमः
अचलाय नमः
चलाय नमः
अमानिने नमः
मानदाय नमः
मान्याय नमः
लोकस्वामिने नमः७५०
त्रिलोकधृषे नमः
सुमेधसे नमः
मेधजाय नमः
धन्याय नमः
सत्यमेधसे नमः
धराधराय नमः
तेजोवृषाय नमः
द्युतिधराय नमः
सर्वशस्त्रभृतां वराय नमः
प्रग्रहाय नमः७६०
निग्रहाय नमः
व्यग्राय नमः
नैकशृङ्गाय नमः
गदाग्रजाय नमः
चतुर्मूर्तये नमः
चतुर्बाहवे नमः
चतुर्व्यूहाय नमः
चतुर्गतये नमः
चतुरात्मने नमः
चतुर्भावाय नमः७७०
चतुर्वेदविदे नमः
एकपदे नमः
समावर्ताय नमः
अनिवृत्तात्मने नमः
दुर्जयाय नमः
दुरतिक्रमाय नमः
दुर्लभाय नमः
दुर्गमाय नमः
दुर्गाय नमः
दुरावासाय नमः७८०
दुरारिघ्ने नमः
शुभाङ्गाय नमः
लोकसारङ्गाय नमः
सुतन्तवे नमः
तन्तुवर्धनाय नमः
इन्द्रकर्मणे नमः
महाकर्मणे नमः
कृतकर्मणे नमः
कृतागमाय नमः
उद्भवाय नमः७९०
सुन्दराय नमः
सुन्दाय नमः
रत्ननाभाय नमः
सुलोचनाय नमः
अर्काय नमः
वाजसनाय नमः
शृङ्गिणे नमः
जयन्ताय नमः
सर्वविज्जयिने नमः
सुवर्णबिन्दवे नमः८००
अक्षोभ्याय नमः
सर्ववागीश्वरेश्वराय नमः
महाह्रदाय नमः
महागर्ताय नमः
महाभूताय नमः
महानिधये नमः
कुमुदाय नमः
कुन्दराय नमः
कुन्दाय नमः
पर्जन्याय नमः८१०
पावनाय नमः
अनिलाय नमः
अमृताशाय नमः
अमृतवपुषे नमः
सर्वज्ञाय नमः
सर्वतोमुखाय नमः
सुलभाय नमः
सुव्रताय नमः
सिद्धाय नमः
शत्रुजिते नमः८२०
शत्रुतापनाय नमः
न्यग्रोधाय नमः
उदुम्बराय नमः
अश्वत्थाय नमः
चाणूरान्ध्रनिषूदनाय नमः
सहस्रार्चिषे नमः
सप्तजिह्वाय नमः
सप्तैधसे नमः
सप्तवाहनाय नमः
अमूर्तये नमः८३०
अनघाय नमः
अचिन्त्याय नमः
भयकृते नमः
भयनाशनाय नमः
अणवे नमः
बृहते नमः
कृशाय नमः
स्थूलाय नमः
गुणभृते नमः
निर्गुणाय नमः८४०
महते नमः
अधृताय नमः
स्वधृताय नमः
स्वास्याय नमः
प्राग्वंशाय नमः
वंशवर्धनाय नमः
भारभृते नमः
कथिताय नमः
योगिने नमः
योगीशाय नमः८५०
सर्वकामदाय नमः
आश्रमाय नमः
श्रमणाय नमः
क्षामाय नमः
सुपर्णाय नमः
वायुवाहनाय नमः
धनुर्धराय नमः
धनुर्वेदाय नमः
दण्डाय नमः
दमयित्रे नमः८६०
दमाय नमः
अपराजिताय नमः
सर्वसहाय नमः
नियन्त्रे नमः
अनियमाय नमः
अयमाय नमः
सत्त्ववते नमः
सात्त्विकाय नमः
सत्याय नमः
सत्यधर्मपरायणाय नमः८७०
अभिप्रायाय नमः
प्रियार्हाय नमः
अर्हाय नमः
प्रियकृते नमः
प्रीतिवर्धनाय नमः
विहायसगतये नमः
ज्योतिषे नमः
सुरुचये नमः
हुतभुजे नमः
विभवे नमः८८०
रवये नमः
विरोचनाय नमः
सूर्याय नमः
सवित्रे नमः
रविलोचनाय नमः
अनन्ताय नमः
हुतभुजे नमः
भोक्त्रे नमः
सुखदाय नमः
नैकजाय नमः८९०
अग्रजाय नमः
अनिर्विण्णाय नमः
सदामर्षिणे नमः
लोकाधिष्ठानाय नमः
अद्भुताय नमः
सनाते नमः
सनातनतमाय नमः
कपिलाय नमः
कपये नमः
अव्ययाय नमः९००
स्वस्तिदाय नमः
स्वस्तिकृते नमः
स्वस्तये नमः
स्वस्तिभुजे नमः
स्वस्तिदक्षिणाय नमः
अरौद्राय नमः
कुण्डलिने नमः
चक्रिणे नमः
विक्रमिणे नमः
ऊर्जितशासनाय नमः९१०
शब्दातिगाय नमः
शब्दसहाय नमः
शिशिराय नमः
शर्वरीकराय नमः
अक्रूराय नमः
पेशलाय नमः
दक्षाय नमः
दक्षिणाय नमः
क्षमिणां वराय नमः
विद्वत्तमाय नमः९२०
वीतभयाय नमः
पुण्यश्रवणकीर्तनाय नमः
उत्तारणाय नमः
दुष्कृतिघ्ने नमः
पुण्याय नमः
दुस्स्वप्ननाशनाय नमः
वीरघ्ने नमः
रक्षणाय नमः
सद्भ्यो नमः
जीवनाय नमः९३०
पर्यवस्थिताय नमः
अनन्तरूपाय नमः
अनन्तश्रिये नमः
जितमन्यवे नमः
भयापहाय नमः
चतुरश्राय नमः
गभीरात्मने नमः
विदिशाय नमः
व्यादिशाय नमः
दिशाय नमः९४०
अनादये नमः
भुवो भुवे नमः
लक्ष्म्यै नमः
सुवीराय नमः
रुचिराङ्गदाय नमः
जननाय नमः
जनजन्मादये नमः
भीमाय नमः
भीमपराक्रमाय नमः
आधारनिलयाय नमः९५०
अधात्रे नमः
पुष्पहासाय नमः
प्रजागराय नमः
ऊर्ध्वगाय नमः
सत्पथाचाराय नमः
प्राणदाय नमः
प्रणवाय नमः
पणाय नमः
प्रमाणाय नमः
प्राणनिलयाय नमः९६०
प्राणभृते नमः
प्राणजीवनाय नमः
तत्त्वाय नमः
तत्त्वविदे नमः
एकात्मने नमः
जन्ममृत्युजरातिगाय नमः
भूर्भुवस्स्वस्तरवे नमः
ताराय नमः
सवित्रे नमः
प्रपितामहाय नमः९७०
यज्ञाय नमः
यज्ञपतये नमः
यज्वने नमः
यज्ञाङ्गाय नमः
यज्ञवाहनाय नमः
यज्ञभृते नमः
यज्ञकृते नमः
यज्ञिने नमः
यज्ञभुजे नमः
यज्ञसाधनाय नमः९८०
यज्ञान्तकृते नमः
यज्ञगुह्याय नमः
अन्नाय नमः
अन्नादाय नमः
आत्मयोनये नमः
स्वयञ्जाताय नमः
वैखानाय नमः
सामगायनाय नमः
देवकीनन्दनाय नमः
स्रष्ट्रे नमः९९०
क्षितीशाय नमः
पापनाशनाय नमः
शङ्खभृते नमः
नन्दकिने नमः
चक्रिणे नमः
शार्ङ्गधन्वने नमः
गदाधराय नमः
रथाङ्गपाणये नमः
अक्षोभ्याय नमः
सर्वप्रहरणायुधाय नमः१०००

श्रीरुद्रनाम त्रिशती

Mon, 01 Jan 0001 00:00:00 +0000

श्रीरुद्रनाम त्रिशती

नमो॒ हिर॑ण्यबाहवे॒ नमः॑। से॒ना॒न्ये॑ नमः॑।
दि॒शां च॒ पत॑ये॒ नमः॑। नमो॑ वृ॒क्षेभ्यो॒ नमः॑।
हरि॑केशेभ्यो॒ नमः॑। प॒शू॒नां पत॑ये॒ नमः॑।
नमः॑ स॒स्पिञ्ज॑राय॒ नमः॑। त्विषी॑मते॒ नमः॑।
प॒थी॒नां पत॑ये॒ नमः॑। नमो॑ बभ्लु॒शाय॒ नमः॑।
वि॒व्या॒धिने॒ नमः॑। अन्ना॑नां॒ पत॑ये॒ नमः॑।
नमो॒ हरि॑केशाय॒ नमः॑। उ॒प॒वी॒तिने॒ नमः॑।
पु॒ष्टानां॒ पत॑ये॒ नमः॑। नमो॑ भ॒वस्य॑ हे॒त्यै नमः॑।
जग॑तां॒ पत॑ये॒ नमः॑। नमो॑ रु॒द्राय॒ नमः॑।
आ॒त॒ता॒विने॒ नमः॑। क्षेत्रा॑णां॒ पत॑ये॒ नमः॑।
नमः॑ सू॒ताय॒ नमः॑। अह॑न्त्याय॒ नमः॑।
वना॑नां॒ पत॑ये॒ नमः॑। नमो॒ रोहि॑ताय॒ नमः॑।
स्थ॒पत॑ये नमः॑। वृ॒क्षाणां॒ पत॑ये॒ नमः॑।
नमो॑ म॒न्त्रिणे॒ नमः॑। वा॒णि॒जाय॒ नमः॑।
कक्षा॑णां॒ पत॑ये॒ नमः॑। नमो॑ भुव॒न्तये॒ नमः॑।
वा॒रि॒व॒स्कृ॒ताय॒ नमः॑। ओष॑धीनां॒ पत॑ये॒ नमः॑।
नम॑ उ॒च्चैर्घो॑षाय॒ नमः॑। आ॒क्र॒न्दय॑ते॒ नमः॑।
प॒त्ती॒नां पत॑ये॒ नमः॑। नमः॑ कृथ्स्नवी॒ताय॒ नमः॑।
धाव॑ते॒ नमः॑। सत्त्व॑नां॒ पत॑ये॒ नमः॑॥
नमः॒ सह॑मानाय॒ नमः॑। नि॒व्या॒धिने॒ नमः॑।
आ॒व्या॒धिनी॑नां॒ पत॑ये॒ नमः॑। नमः॑ ककु॒भाय॒ नमः॑।
नि॒ष॒ङ्गिणे॒ नमः॑। स्ते॒नानां॒ पत॑ये॒ नमः॑।
नमो॑ निष॒ङ्गिणे॒ नमः॑। इ॒षु॒धि॒मते॒ नमः॑।
तस्क॑राणां॒ पत॑ये॒ नमः॑। नमो॒ वञ्च॑ते॒ नमः॑।
प॒रि॒वञ्च॑ते॒ नमः॑। स्ता॒यू॒नां पत॑ये॒ नमः॑।
नमो॑ निचे॒रवे॒ नमः॑। प॒रि॒च॒राय॒ नमः॑।
अर॑ण्यानां॒ पत॑ये॒ नमः॑। नमः॑ सृका॒विभ्यो॒ नमः॑।
जिघाꣳ॑सद्भ्यो॒ नमः॑। मु॒ष्ण॒तां पत॑ये॒ नमः॑।
नमो॑ऽसि॒मद्भ्यो॒ नमः॑। नक्तं॒ चर॑द्भ्यो॒ नमः॑।
प्र॒कृ॒न्तानां॒ पत॑ये॒ नमः॑। नम॑ उष्णी॒षिने॒ नमः॑।
गि॒रि॒च॒राय॒ नमः॑। कु॒लु॒ञ्चानां॒ पत॑ये॒ नमः॑।
नम॒ इषु॑मद्भ्यो॒ नमः॑। ध॒न्वा॒विभ्य॑श्च॒ नमः॑। वो॒ नमः॑।
नम॑ आतन्वा॒नेभ्यो॒ नमः॑। प्र॒ति॒दधा॑नेभ्यश्च॒ नमः॑। वो॒ नमः॑।
नम॑ आ॒यच्छ॑द्भ्यो॒ नमः॑। वि॒सृ॒जद्भ्य॑श्च॒ नमः॑। वो॒ नमः॑।
नमोऽस्य॑द्भ्यो॒ नमः॑। विध्य॑द्भ्यश्च॒ नमः॑। वो॒ नमः॑।
नम॒ आसी॑नेभ्यो॒ नमः॑। शया॑नेभ्यश्च॒ नमः॑। वो॒ नमः॑।
नमः॑ स्व॒पद्भ्यो॒ नमः॑। जाग्र॑द्भ्यश्च॒ नमः॑। वो॒ नमः॑।
नम॒स्तिष्ठ॑द्भ्यो॒ नमः॑। धाव॑द्भ्यश्च॒ नमः॑। वो॒ नमः॑।
नमः॑ स॒भाभ्यो॒ नमः॑। स॒भाप॑तिभ्यश्च॒ नमः॑। वो॒ नमः॑।
नमो॒ अश्वे᳚भ्यो॒ नमः॑। अश्व॑पतिभ्यश्च॒ नमः॑। वो॒ नमः॑॥
नम॑ आव्या॒धिनी᳚भ्यो॒ नमः॑। वि॒विध्य॑न्तीभ्यश्च॒ नमः॑। वो॒ नमः॑।
नम॒ उग॑णाभ्यो॒ नमः॑। तृ॒ꣳ॒ह॒तीभ्य॑श्च॒ नमः॑। वो॒ नमः॑।
नमो॑ गृ॒थ्सेभ्यो॒ नमः॑। गृ॒थ्सप॑तिभ्यश्च॒ नमः॑। वो॒ नमः॑।
नमो॒ व्राते᳚भ्यो॒ नमः॑। व्रात॑पतिभ्यश्च॒ नमः॑। वो॒ नमः॑।
नमो॑ ग॒णेभ्यो॒ नमः॑। ग॒णप॑तिभ्यश्च॒ नमः॑। वो॒ नमः॑।
नमो॒ विरू॑पेभ्यो॒ नमः॑। वि॒श्वरू॑पेभ्यश्च॒ नमः॑। वो॒ नमः॑।
नमो॑ म॒हद्भ्यो॒ नमः॑। क्षु॒ल्ल॒केभ्य॑श्च॒ नमः॑। वो॒ नमः॑।
नमो॑ र॒थिभ्यो॒ नमः॑। अ॒र॒थेभ्य॑श्च॒ नमः॑। वो॒ नमः॑।
नमो॒ रथे᳚भ्यो॒ नमः॑। रथ॑पतिभ्यश्च॒ नमः॑। वो॒ नमः॑।
नमः॒ सेना᳚भ्यो॒ नमः॑। से॒ना॒निभ्य॑श्च॒ नमः॑। वो॒ नमः॑।
नमः॑ क्ष॒त्तृभ्यो॒ नमः॑। स॒ङ्ग्र॒ही॒तृभ्य॑श्च॒ नमः॑। वो॒ नमः॑।
नम॒स्तक्ष॑भ्यो॒ नमः॑। र॒थ॒का॒रेभ्य॑श्च॒ नमः॑। वो॒ नमः॑।
नमः॒ कुला॑लेभ्यो॒ नमः॑। क॒र्मारे᳚भ्यश्च॒ नमः॑। वो॒ नमः॑।
नमः॑ पु॒ञ्जिष्टे᳚भ्यो॒ नमः॑। नि॒षा॒देभ्य॑श्च॒ नमः॑। वो॒ नमः॑।
नम॑ इषु॒कृद्भ्यो॒ नमः॑। ध॒न्व॒कृद्भ्य॑श्च॒ नमः॑। वो॒ नमः॑।
नमो॑ मृग॒युभ्यो॒ नमः॑। श्व॒निभ्य॑श्च॒ नमः॑। वो॒ नमः॑।
नमः॒ श्वभ्यो॒ नमः॑। श्वप॑तिभ्यश्च॒ नमः॑। वो॒ नमः॑॥
नमो॑ भ॒वाय॑ च॒ नमः॑। रु॒द्राय॑ च॒ नमः॑।
नमः॑ श॒र्वाय॑ च॒ नमः॑। प॒शु॒पत॑ये च॒ नमः॑।
नमो॒ नील॑ग्रीवाय च॒ नमः॑। शि॒ति॒कण्ठा॑य च॒ नमः॑।
नमः॑ कप॒र्दिने॑ च॒ नमः॑। व्यु॑प्तकेशाय च॒ नमः॑।
नमः॑ सहस्रा॒क्षाय॑ च॒ नमः॑। श॒तध॑न्वने च॒ नमः॑।
नमो॑ गिरि॒शाय॑ च॒ नमः॑। शि॒पि॒वि॒ष्टाय॑ च॒ नमः॑।
नमो॑ मी॒ढुष्ट॑माय च॒ नमः॑। इषु॑मते च॒ नमः॑।
नमो᳚ ह्र॒स्वाय॑ च॒ नमः॑। वा॒म॒नाय॑ च॒ नमः॑।
नमो॑ बृह॒ते च॒ नमः॑। वर्षी॑यसे च॒ नमः॑।
नमो॑ वृ॒द्धाय॑ च॒ नमः॑। सं॒वृध्व॑ने च॒ नमः॑।
नमो॒ अग्रि॑याय च॒ नमः॑। प्र॒थ॒माय॑ च॒ नमः॑।
नम॑ आ॒शवे॑ च॒ नमः॑। अ॒जि॒राय॑ च॒ नमः॑।
नमः॒ शीघ्रि॑याय च॒ नमः॑। शीभ्या॑य च॒ नमः॑।
नम॑ ऊ॒र्म्या॑य च॒ नमः॑। अ॒व॒स्व॒न्या॑य च॒ नमः॑।
नमः॑ स्त्रोत॒स्या॑य च॒ नमः॑। द्वीप्या॑य च॒ नमः॑॥
नमो᳚ ज्ये॒ष्ठाय॑ च॒ नमः॑। क॒नि॒ष्ठाय॑ च॒ नमः॑।
नमः॑ पूर्व॒जाय॑ च॒ नमः॑। अ॒प॒र॒जाय॑ च॒ नमः॑।
नमो॑ मध्य॒माय॑ च॒ नमः॑। अ॒प॒ग॒ल्भाय॑ च॒ नमः॑।
नमो॑ जघ॒न्या॑य च॒ नमः॑। बुध्नि॑याय च॒ नमः॑।
नमः॑ सो॒भ्या॑य च॒ नमः॑। प्र॒ति॒स॒र्या॑य च॒ नमः॑।
नमो॒ याम्या॑य च॒ नमः॑। क्षेम्या॑य च॒ नमः॑।
नम॑ उर्व॒र्या॑य च॒ नमः॑। खल्या॑य च॒ नमः॑।
नमः॒ श्लोक्या॑य च॒ नमः॑। अ॒व॒सा॒न्या॑य च॒ नमः॑।
नमो॒ वन्या॑य च॒ नमः॑। कक्ष्या॑य च॒ नमः॑।
नमः॑ श्र॒वाय॑ च॒ नमः॑। प्र॒ति॒श्र॒वाय॑ च॒ नमः॑।
नम॑ आ॒शुषे॑णाय च॒ नमः॑। आ॒शुर॑थाय च॒ नमः॑।
नमः॒ शूरा॑य च॒ नमः॑। अ॒व॒भि॒न्द॒ते च॒ नमः॑।
नमो॑ व॒र्मिणे॑ च॒ नमः॑। व॒रू॒थिने॑ च॒ नमः॑।
नमो॑ बि॒ल्मिने॑ च॒ नमः॑। क॒व॒चिने॑ च॒ नमः॑।
नमः॑ श्रु॒ताय॑ च॒ नमः॑। श्रु॒त॒से॒नाय॑ च॒ नमः॑॥
नमो॑ दुन्दु॒भ्या॑य च॒ नमः॑। आ॒ह॒न॒न्या॑य च॒ नमः॑।
नमो॑ धृ॒ष्णवे॑ च॒ नमः॑। प्र॒मृ॒शाय॑ च॒ नमः॑।
नमो॑ दू॒ताय॑ च॒ नमः॑। प्रहि॑ताय च॒ नमः॑।
नमो॑ निष॒ङ्गिणे॑ च॒ नमः॑। इ॒षु॒धि॒मते॑ च॒ नमः॑।
नम॑स्ती॒क्ष्णेष॑वे च॒ नमः॑। आ॒यु॒धिने॑ च॒ नमः॑।
नमः॑ स्वायु॒धाय॑ च॒ नमः॑। सु॒धन्व॑ने च॒ नमः॑।
नमः॒ स्रुत्या॑य च॒ नमः॑। पथ्या॑य च॒ नमः॑।
नमः॑ का॒ट्या॑य च॒ नमः॑। नी॒प्या॑य च॒ नमः॑।
नमः॒ सूद्या॑य च॒ नमः॑। स॒र॒स्या॑य च॒ नमः॑।
नमो॑ ना॒द्याय॑ च॒ नमः॑। वै॒श॒न्ताय॑ च॒ नमः॑।
नमः॒ कूप्या॑य च॒ नमः॑। अ॒व॒ट्या॑य च॒ नमः॑।
नमो॒ वर्ष्या॑य च॒ नमः॑। अ॒व॒र्ष्याय॑ च॒ नमः॑।
नमो॑ मे॒घ्या॑य च॒ नमः॑। वि॒द्यु॒त्या॑य च॒ नमः॑।
नम॑ ई॒ध्रिया॑य च॒ नमः॑। आ॒त॒प्या॑य च॒ नमः॑।
नमो॒ वात्या॑य च॒ नमः॑। रेष्मि॑याय च॒ नमः॑।
नमो॑ वास्त॒व्या॑य च॒ नमः॑। वा॒स्तु॒पाय॑ च॒ नमः॑॥
नमः॒ सोमा॑य च॒ नमः॑। रु॒द्राय॑ च॒ नमः॑।
नम॑स्ता॒म्राय॑ च॒ नमः॑। अ॒रु॒णाय॑ च॒ नमः॑।
नमः॑ श॒ङ्गाय॑ च॒ नमः॑। प॒शु॒पत॑ये च॒ नमः॑।
नम॑ उ॒ग्राय॑ च॒ नमः॑। भी॒माय॑ च॒ नमः॑।
नमो॑ अग्रेव॒धाय॑ च॒ नमः॑। दू॒रे॒व॒धाय॑ च॒ नमः॑।
नमो॑ ह॒न्त्रे च॒ नमः॑। हनी॑यसे च॒ नमः॑।
नमो॑ वृ॒क्षेभ्यो॒ नमः॑। हरि॑केशेभ्यो॒ नमः॑।
नम॑स्ता॒राय॒ नमः॑। नमः॑ श॒म्भवे॑ च॒ नमः॑।
म॒यो॒भवे॑ च॒ नमः॑। नमः॑ शङ्क॒राय॑ च॒ नमः॑।
म॒य॒स्क॒राय॑ च॒ नमः॑। नमः॑ शि॒वाय॑ च॒ नमः॑।
शि॒वत॑राय च॒ नमः॑। नम॒स्तीर्थ्या॑य च॒ नमः॑।
कूल्या॑य च॒ नमः॑। नमः॑ पा॒र्या॑य च॒ नमः॑।
अ॒वा॒र्या॑य च॒ नमः॑। नमः॑ प्र॒तर॑णाय च॒ नमः॑।
उ॒त्तर॑णाय च॒ नमः॑। नम॑ आता॒र्या॑य च॒ नमः॑।
आ॒ला॒द्या॑य च॒ नमः॑। नमः॒ शष्प्या॑य च॒ नमः॑।
फेन्या॑य च॒ नमः॑। नमः॑ सिक॒त्या॑य च॒ नमः॑।
प्र॒वा॒ह्या॑य च॒ नमः॑॥
नम॑ इरि॒ण्या॑य च॒ नमः॑। प्र॒प॒थ्या॑य च॒ नमः॑।
नमः॑ किꣳशि॒लाय॑ च॒ नमः॑। क्षय॑णाय च॒ नमः॑।
नमः॑ कप॒र्दिने॑ च॒ नमः॑। पु॒ल॒स्तये॑ च॒ नमः॑।
नमो॒ गोष्ठ्या॑य च॒ नमः॑। गृह्या॑य च॒ नमः॑।
नम॒स्तल्प्या॑य च॒ नमः॑। गेह्या॑य च॒ नमः॑।
नमः॑ का॒ट्या॑य च॒ नमः॑। ग॒ह्व॒रे॒ष्ठाय॑ च॒ नमः॑।
नमो᳚ ह्रद॒य्या॑य च॒ नमः॑। नि॒वे॒ष्प्या॑य च॒ नमः॑।
नमः॑ पाꣳस॒व्या॑य च॒ नमः॑। र॒ज॒स्या॑य च॒ नमः॑।
नमः॒ शुष्क्या॑य च॒ नमः॑। ह॒रि॒त्या॑य च॒ नमः॑।
नमो॒ लोप्या॑य च॒ नमः॑। उ॒ल॒प्या॑य च॒ नमः॑।
नम॑ ऊ॒र्व्या॑य च॒ नमः॑। सू॒र्म्या॑य च॒ नमः॑।
नमः॑ प॒र्ण्या॑य च॒ नमः॑। प॒र्ण॒श॒द्या॑य च॒ नमः॑।
नमो॑ऽपगु॒रमा॑णाय च॒ नमः॑। अ॒भि॒घ्न॒ते च॒ नमः॑।
नम॑ आख्खिद॒ते च॒ नमः॑। प्र॒ख्खि॒द॒ते च॒ नमः॑। नमो॑ वो॒ नमः॑।
कि॒रि॒केभ्यो॒ नमः॑। दे॒वाना॒ꣳ॒ हृद॑येभ्यो॒ नमः॑।
नमो॑ विक्षीण॒केभ्यो॒ नमः॑। नमो॑ विचिन्व॒त्केभ्यो॒ नमः॑।
नम॑ आनिर्‌ह॒तेभ्यो॒ नमः॑। नम॑ आमीव॒त्केभ्यो॒ नमः॑।

षोडशोपचार-पूजा

Mon, 01 Jan 0001 00:00:00 +0000

षोडशोपचार-पूजा

ध्यायेन्नित्यं महेशं रजतगिरिनिभं चारुचन्द्रावतंसं
रत्नाकल्पोज्ज्वलाङ्गं परशुमृगवराभीतिहस्तं प्रसन्नम्।
पद्मासीनं समन्तात् स्तुतममरगणैर्व्याघ्रकृत्तिं वसानं
विश्वाद्यं विश्वबीजं निखिलभयहरं पञ्चवक्त्रं त्रिनेत्रम्॥

अस्मिन् बिम्बे श्री-साम्ब-परमेश्वरं ध्यायामि।
नम॑स्ते रुद्र म॒न्यव॑ उ॒तो त॒ इष॑वे॒ नमः॑। नम॑स्ते अस्तु॒ धन्व॑ने बा॒हुभ्या॑मु॒त ते॒ नमः॑॥ ॐ ह्रीं न॒मः शि॒वाय॑। स॒द्योजा॒तं प्र॑पद्यामि। आवाहयामि॥१॥
या त॒ इषुः॑ शि॒वत॑मा शि॒वं ब॒भूव॑ ते॒ धनुः॑। शि॒वा श॑र॒व्या॑ या तव॒ तया॑ नो रुद्र मृडय॥ ॐ ह्रीं न॒मः शि॒वाय॑। स॒द्योजा॒ताय॒ वै नमो॒ नमः॑। आसनं समर्पयामि॥२॥
या ते॑ रुद्र शि॒वा त॒नूरघो॒राऽपा॑पकाशिनी। तया॑ नस्त॒नुवा॒ शन्त॑मया॒ गिरि॑शन्ता॒भिचा॑कशीहि॥ ॐ ह्रीं न॒मः शि॒वाय॑। भ॒वे भ॑वे॒ नाति॑ भवे भवस्व॒ माम्। पादयोः पाद्यं समर्पयामि॥३॥
यामिषुं॑ गिरिशन्त॒ हस्ते॒ बिभ॒र्ष्यस्त॑वे। शि॒वां गि॑रित्र॒ तां कु॑रु॒ मा हिꣳ॑सीः॒ पुरु॑षं॒ जग॑त्॥ ॐ ह्रीं न॒मः शि॒वाय॑। भ॒वोद्भ॑वाय॒ नमः॑॥ अर्घ्यं समर्पयामि॥४॥
शि॒वेन॒ वच॑सा त्वा॒ गिरि॒शाच्छा॑वदामसि। यथा॑ नः॒ सर्व॒मिज्जग॑दय॒क्ष्मꣳ सु॒मना॒ अस॑त्॥ ॐ ह्रीं न॒मः शि॒वाय॑। वा॒म॒दे॒वाय॒ नमः॑। आचमनीयं समर्पयामि॥५॥
अध्य॑वोचदधिव॒क्ता प्र॑थ॒मो दैव्यो॑ भि॒षक्। अहीꣴ॑श्च॒ सर्वा᳚ञ्ज॒म्भय॒-न्थ्सर्वा᳚श्च यातुधा॒न्यः॑॥ ॐ ह्रीं न॒मः शि॒वाय॑। ज्ये॒ष्ठाय॒ नमः॑। मधुपर्कं समर्पयामि॥६॥
अ॒सौ यस्ता॒म्रो अ॑रु॒ण उ॒त ब॒भ्रुः सु॑म॒ङ्गलः॑। ये चे॒माꣳ रु॒द्रा अ॒भितो॑ दि॒क्षु श्रि॒ताः स॑हस्र॒शोऽवै॑षा॒ꣳ॒ हेड॑ ईमहे॥ ॐ ह्रीं न॒मः शि॒वाय॑। श्रे॒ष्ठाय॒ नमः॑। स्नानं समर्पयामि।
रुद्रम्। चमकम्। पुरुषसूक्तम्॥
स्नानानन्तरम् आचमनीयं समर्पयामि॥७॥
साक्षतजलेन तर्पणं कार्यम्॥
ॐ भवं देवं तर्पयामि। ॐ शर्वं देवं तर्पयामि। ॐ ईशानं देवं तर्पयामि। ॐ पशुपतिं देवं तर्पयामि। ॐ रुद्रं देवं तर्पयामि। ॐ उग्रं देवं तर्पयामि। ॐ भीमं देवं तर्पयामि। ॐ महान्तं देवं तर्पयामि॥
ॐ भवस्य देवस्य पत्नीं तर्पयामि। ॐ शर्वस्य देवस्य पत्नीं तर्पयामि। ॐ ईशानस्य देवस्य पत्नीं तर्पयामि। ॐ पशुपतेर्देवस्य पत्नीं तर्पयामि। ॐ रुद्रस्य देवस्य पत्नीं तर्पयामि। ॐ उग्रस्य देवस्य पत्नीं तर्पयामि। ॐ भीमस्य देवस्य पत्नीं तर्पयामि। ॐ महतो देवस्य पत्नीं तर्पयामि॥
अ॒सौ यो॑ऽव॒सर्प॑ति॒ नील॑ग्रीवो॒ विलो॑हितः। उ॒तैनं॑ गो॒पा अ॑दृश॒न्न॒दृ॑शन्नुदहा॒र्यः॑। उ॒तैनं॒ विश्वा॑ भू॒तानि॒ स दृ॒ष्टो मृ॑डयाति नः॥ ॐ ह्रीं न॒मः शि॒वाय॑। रु॒द्राय॒ नमः॑। वस्त्रोत्तरीयं समर्पयामि॥८॥
नमो॑ अस्तु॒ नील॑ग्रीवाय सहस्रा॒क्षाय॑ मी॒ढुषे᳚। अथो॒ ये अ॑स्य॒ सत्वा॑नो॒ऽहं तेभ्यो॑ऽकरं॒ नमः॑॥ ॐ ह्रीं न॒मः शि॒वाय॑। काला॑य॒ नमः॑। यज्ञोपवीताभरणानि समर्पयामि॥९॥
प्र मु॑ञ्च॒ धन्व॑न॒स्त्वमु॒भयो॒रार्त्नि॑यो॒र्ज्याम्। याश्च॑ ते॒ हस्त॒ इष॑वः॒ परा॒ ता भ॑गवो वप॥ ॐ ह्रीं न॒मः शि॒वाय॑। कल॑विकरणाय॒ नमः॑। दिव्यपरिमलगन्धान् धारयामि। गन्धस्योपरि अक्षतान् समर्पयामि॥१०॥
अ॒व॒तत्य॒ धनु॒स्त्वꣳ सह॑स्राक्ष॒ शते॑षुधे। नि॒शीर्य॑ श॒ल्यानां॒ मुखा॑ शि॒वो नः॑ सु॒मना॑ भव॥ ॐ ह्रीं न॒मः शि॒वाय॑। बल॑विकरणाय॒ नमः॑। पुष्पैः पूजयामि॥११॥
ॐ भवाय देवाय नमः। ॐ शर्वाय देवाय नमः।
ॐ ईशानाय देवाय नमः। ॐ पशुपतये देवाय नमः।
ॐ रुद्राय देवाय नमः। ॐ उग्राय देवाय नमः।
ॐ भीमाय देवाय नमः। ॐ महते देवाय नमः॥
ॐ भवस्य देवस्य पत्न्यै नमः। ॐ शर्वस्य देवस्य पत्न्यै नमः।
ॐ ईशानस्य देवस्य पत्न्यै नमः। ॐ पशुपतेर्देवस्य पत्न्यै नमः।
ॐ रुद्रस्य देवस्य पत्न्यै नमः। ॐ उग्रस्य देवस्य पत्न्यै नमः।
ॐ भीमस्य देवस्य पत्न्यै नमः। ॐ महतो देवस्य पत्न्यै नमः॥

सरस्वतीसहस्रनामावलिः

Mon, 01 Jan 0001 00:00:00 +0000

सरस्वतीसहस्रनामावलिः

वाचे नमः
वाण्यै नमः
वरदायै नमः
वन्द्यायै नमः
वरारोहायै नमः
वरप्रदायै नमः
वृत्त्यै नमः
वागीश्वर्यै नमः
वार्तायै नमः
वरायै नमः१०
वागीशवल्लभायै नमः
विश्वेश्वर्यै नमः
विश्ववन्द्यायै नमः
विश्वेशप्रियकारिण्यै नमः
वाग्वादिन्यै नमः
वाग्देव्यै नमः
वृद्धिदायै नमः
वृद्धिकारिण्यै नमः
वृद्ध्यै नमः
वृद्धायै नमः२०
विषघ्न्यै नमः
वृष्ट्यै नमः
वृष्टिप्रदायिन्यै नमः
विश्वाराध्यायै नमः
विश्वमात्रे नमः
विश्वधात्र्यै नमः
विनायकायै नमः
विश्वशक्त्यै नमः
विश्वसारायै नमः
विश्वायै नमः३०
विश्वविभावर्यै नमः
वेदान्तवेदिन्यै नमः
वेद्यायै नमः
वित्तायै नमः
वेदत्रयात्मिकायै नमः
वेदज्ञायै नमः
वेदजनन्यै नमः
विश्वायै नमः
विश्वविभावर्यै नमः
वरेण्यायै नमः४०
वाङ्मय्यै नमः
वृद्धायै नमः
विशिष्टप्रियकारिण्यै नमः
विश्वतोवदनायै नमः
व्याप्तायै नमः
व्यापिन्यै नमः
व्यापकात्मिकायै नमः
व्यालघ्न्यै नमः
व्यालभूषाङ्ग्यै नमः
विरजायै नमः५०
वेदनायिकायै नमः
वेदवेदान्तसंवेद्यायै नमः
वेदान्तज्ञानरूपिण्यै नमः
विभावर्यै नमः
विक्रान्तायै नमः
विश्वामित्रायै नमः
विधिप्रियायै नमः
वरिष्ठायै नमः
विप्रकृष्टायै नमः
विप्रवर्यप्रपूजितायै नमः६०
वेदरूपायै नमः
वेदमय्यै नमः
वेदमूर्त्यै नमः
वल्लभायै नमः
गौर्यै नमः
गुणवत्यै नमः
गोप्यायै नमः
गन्धर्वनगरप्रियायै नमः
गुणमात्रे नमः
गुहान्तस्थायै नमः७०
गुरुरूपायै नमः
गुरुप्रियायै नमः
गिरिविद्यायै नमः
गानतुष्टायै नमः
गायकप्रियकारिण्यै नमः
गायत्र्यै नमः
गिरिशाराध्यायै नमः
गिरे नमः
गिरीशप्रियङ्कर्यै नमः
गिरिज्ञायै नमः८०
ज्ञानविद्यायै नमः
गिरिरूपायै नमः
गिरीश्वर्यै नमः
गीर्मात्रे नमः
गणसंस्तुत्यायै नमः
गणनीयगुणान्वितायै नमः
गूढरूपायै नमः
गुहायै नमः
गोप्यायै नमः
गोरूपायै नमः९०
गवे नमः
गुणात्मिकायै नमः
गुर्व्यै नमः
गुर्वम्बिकायै नमः
गुह्यायै नमः
गेयजायै नमः
ग्रहनाशिन्यै नमः
गृहिण्यै नमः
गृहदोषघ्न्यै नमः
गवघ्न्यै नमः१००
गुरुवत्सलायै नमः
गृहात्मिकायै नमः
गृहाराध्यायै नमः
गृहबाधाविनाशिन्यै नमः
गङ्गायै नमः
गिरिसुतायै नमः
गम्यायै नमः
गजयानायै नमः
गुहस्तुतायै नमः
गरुडासनसंसेव्यायै नमः११०
गोमत्यै नमः
गुणशालिन्यै नमः
शारदायै नमः
शाश्वत्यै नमः
शैव्यै नमः
शाङ्कर्यै नमः
शङ्करात्मिकायै नमः
श्रियै नमः
शर्वाण्यै नमः
शतघ्न्यै नमः१२०
शरच्चन्द्रनिभाननायै नमः
शर्मिष्ठायै नमः
शमनघ्न्यै नमः
शतसाहस्ररूपिण्यै नमः
शिवायै नमः
शम्भुप्रियायै नमः
श्रद्धायै नमः
श्रुतिरूपायै नमः
श्रुतिप्रियायै नमः
शुचिष्मत्यै नमः१३०
शर्मकर्यै नमः
शुद्धिदायै नमः
शुद्धिरूपिण्यै नमः
शिवायै नमः
शिवङ्कर्यै नमः
शुद्धायै नमः
शिवाराध्यायै नमः
शिवात्मिकायै नमः
श्रीमत्यै नमः
श्रीमय्यै नमः१४०
श्राव्यायै नमः
श्रुत्यै नमः
श्रवणगोचरायै नमः
शान्त्यै नमः
शान्तिकर्यै नमः
शान्तायै नमः
शान्ताचारप्रियङ्कर्यै नमः
शीललभ्यायै नमः
शीलवत्यै नमः
श्रीमात्रे नमः१५०
शुभकारिण्यै नमः
शुभवाण्यै नमः
शुद्धविद्यायै नमः
शुद्धचित्तप्रपूजितायै नमः
श्रीकर्यै नमः
श्रुतपापघ्न्यै नमः
शुभाक्ष्यै नमः
शुचिवल्लभायै नमः
शिवेतरघ्न्यै नमः
शबर्यै नमः१६०
श्रवणीयगुणान्वितायै नमः
शार्यै नमः
शिरीषपुष्पाभायै नमः
शमनिष्ठायै नमः
शमात्मिकायै नमः
शमान्वितायै नमः
शमाराध्यायै नमः
शितिकण्ठप्रपूजितायै नमः
शुद्ध्यै नमः
शुद्धिकर्यै नमः१७०
श्रेष्ठायै नमः
श्रुतानन्तायै नमः
शुभावहायै नमः
सरस्वत्यै नमः
सर्वज्ञायै नमः
सर्वसिद्धिप्रदायिन्यै नमः
सरस्वत्यै नमः
सावित्र्यै नमः
सन्ध्यायै नमः
सर्वेप्सितप्रदायै नमः१८०
सर्वार्तिघ्न्यै नमः
सर्वमय्यै नमः
सर्वविद्याप्रदायिन्यै नमः
सर्वेश्वर्यै नमः
सर्वपुण्यायै नमः
सर्गस्थित्यन्तकारिण्यै नमः
सर्वाराध्यायै नमः
सर्वमात्रे नमः
सर्वदेवनिषेवितायै नमः
सर्वैश्वर्यप्रदायै नमः१९०
सत्यायै नमः
सत्यै नमः
सत्वगुणाश्रयायै नमः
स्वरक्रमपदाकारायै नमः
सर्वदोषनिषूदिन्यै नमः
सहस्राक्ष्यै नमः
सहस्रास्यायै नमः
सहस्रपदसंयुतायै नमः
सहस्रहस्तायै नमः
साहस्रगुणालङ्कृतविग्रहायै नमः२००
सहस्रशीर्षायै नमः
सद्रूपायै नमः
स्वधायै नमः
स्वाहायै नमः
सुधामय्यै नमः
षड्ग्रन्थिभेदिन्यै नमः
सेव्यायै नमः
सर्वलोकैकपूजितायै नमः
स्तुत्यायै नमः
स्तुतिमय्यै नमः२१०
साध्यायै नमः
सवितृप्रियकारिण्यै नमः
संशयच्छेदिन्यै नमः
साङ्ख्यवेद्यायै नमः
सङ्ख्यायै नमः
सदीश्वर्यै नमः
सिद्धिदायै नमः
सिद्धसम्पूज्यायै नमः
सर्वसिद्धिप्रदायिन्यै नमः
सर्वज्ञायै नमः२२०
सर्वशक्त्यै नमः
सर्वसम्पत्प्रदायिन्यै नमः
सर्वाशुभघ्न्यै नमः
सुखदायै नमः
सुखायै नमः
संवित्स्वरूपिण्यै नमः
सर्वसम्भीषण्यै नमः
सर्वजगत्सम्मोहिन्यै नमः
सर्वप्रियङ्कर्यै नमः
सर्वशुभदायै नमः२३०
सर्वमङ्गलायै नमः
सर्वमन्त्रमय्यै नमः
सर्वतीर्थपुण्यफलप्रदायै नमः
सर्वपुण्यमय्यै नमः
सर्वव्याधिघ्न्यै नमः
सर्वकामदायै नमः
सर्वविघ्नहर्यै नमः
सर्ववन्दितायै नमः
सर्वमङ्गलायै नमः
सर्वमन्त्रकर्यै नमः२४०
सर्वलक्ष्म्यै नमः
सर्वगुणान्वितायै नमः
सर्वानन्दमय्यै नमः
सर्वज्ञानदायै नमः
सत्यनायिकायै नमः
सर्वज्ञानमय्यै नमः
सर्वराज्यदायै नमः
सर्वमुक्तिदायै नमः
सुप्रभायै नमः
सर्वदायै नमः२५०
सर्वायै नमः
सर्वलोकवशङ्कर्यै नमः
सुभगायै नमः
सुन्दर्यै नमः
सिद्धायै नमः
सिद्धाम्बायै नमः
सिद्धमातृकायै नमः
सिद्धमात्रे नमः
सिद्धविद्यायै नमः
सिद्धेश्यै नमः२६०
सिद्धरूपिण्यै नमः
सुरूपिण्यै नमः
सुखमय्यै नमः
सेवकप्रियकारिण्यै नमः
स्वामिन्यै नमः
सर्वदायै नमः
सेव्यायै नमः
स्थूलसूक्ष्मापराम्बिकायै नमः
साररूपायै नमः
सरोरूपायै नमः२७०
सत्यभूतायै नमः
समाश्रयायै नमः
सितासितायै नमः
सरोजाक्ष्यै नमः
सरोजासनवल्लभायै नमः
सरोरुहाभायै नमः
सर्वाङ्ग्यै नमः
सुरेन्द्रादिप्रपूजितायै नमः
महादेव्यै नमः
महेशान्यै नमः२८०
महासारस्वतप्रदायै नमः
महासरस्वत्यै नमः
मुक्तायै नमः
मुक्तिदायै नमः
मलनाशिन्यै नमः
महेश्वर्यै नमः
महानन्दायै नमः
महामन्त्रमय्यै नमः
मह्यै नमः
महालक्ष्म्यै नमः२९०
महाविद्यायै नमः
मात्रे नमः
मन्दरवासिन्यै नमः
मन्त्रगम्यायै नमः
मन्त्रमात्रे नमः
महामन्त्रफलप्रदायै नमः
महामुक्त्यै नमः
महानित्यायै नमः
महासिद्धिप्रदायिन्यै नमः
महासिद्धायै नमः३००
महामात्रे नमः
महदाकारसंयुतायै नमः
महायै नमः
महेश्वर्यै नमः
मूर्त्यै नमः
मोक्षदायै नमः
मणिभूषणायै नमः
मेनकायै नमः
मानिन्यै नमः
मान्यायै नमः३१०
मृत्युघ्न्यै नमः
मेरुरूपिण्यै नमः
मदिराक्ष्यै नमः
मदावासायै नमः
मखरूपायै नमः
मखेश्वर्यै नमः
महामोहायै नमः
महामायायै नमः
मातॄणां मूर्ध्निसंस्थितायै नमः
महापुण्यायै नमः३२०
मुदावासायै नमः
महासम्पत्प्रदायिन्यै नमः
मणिपूरैकनिलयायै नमः
मधुरूपायै नमः
महोत्कटायै नमः
महासूक्ष्मायै नमः
महाशान्तायै नमः
महाशान्तिप्रदायिन्यै नमः
मुनिस्तुतायै नमः
मोहहन्त्र्यै नमः३३०
माधव्यै नमः
माधवप्रियायै नमः
मायै नमः
महादेवसंस्तुत्यायै नमः
महिषीगणपूजितायै नमः
मृष्टान्नदायै नमः
माहेन्द्र्यै नमः
महेन्द्रपददायिन्यै नमः
मत्यै नमः
मतिप्रदायै नमः३४०
मेधायै नमः
मर्त्यलोकनिवासिन्यै नमः
मुख्यायै नमः
महानिवासायै नमः
महाभाग्यजनाश्रितायै नमः
महिलायै नमः
महिमायै नमः
मृत्युहार्यै नमः
मेधाप्रदायिन्यै नमः
मेध्यायै नमः३५०
महावेगवत्यै नमः
महामोक्षफलप्रदायै नमः
महाप्रभाभायै नमः
महत्यै नमः
महादेवप्रियङ्कर्यै नमः
महापोषायै नमः
महर्द्ध्यै नमः
मुक्ताहारविभूषणायै नमः
माणिक्यभूषणायै नमः
मन्त्रायै नमः३६०
मुख्यचन्द्रार्धशेखरायै नमः
मनोरूपायै नमः
मनःशुद्ध्यै नमः
मनःशुद्धिप्रदायिन्यै नमः
महाकारुण्यसम्पूर्णायै नमः
मनोनमनवन्दितायै नमः
महापातकजालघ्न्यै नमः
मुक्तिदायै नमः
मुक्तभूषणायै नमः
मनोन्मन्यै नमः३७०
महास्थूलायै नमः
महाक्रतुफलप्रदायै नमः
महापुण्यफलप्राप्यायै नमः
मायात्रिपुरनाशिन्यै नमः
महानसायै नमः
महामेधायै नमः
महामोदायै नमः
महेश्वर्यै नमः
मालाधर्यै नमः
महोपायायै नमः३८०
महातीर्थफलप्रदायै नमः
महामङ्गलसम्पूर्णायै नमः
महादारिद्र्यनाशिन्यै नमः
महामखायै नमः
महामेघायै नमः
महाकाल्यै नमः
महाप्रियायै नमः
महाभूषायै नमः
महादेहायै नमः
महाराज्ञ्यै नमः३९०
मुदालयायै नमः
भूरिदायै नमः
भाग्यदायै नमः
भोग्यायै नमः
भोग्यदायै नमः
भोगदायिन्यै नमः
भवान्यै नमः
भूतिदायै नमः
भूत्यै नमः
भूम्यै नमः४००
भूमिसुनायिकायै नमः
भूतधात्र्यै नमः
भयहर्यै नमः
भक्तसारस्वतप्रदायै नमः
भुक्त्यै नमः
भुक्तिप्रदायै नमः
भेक्यै नमः
भक्त्यै नमः
भक्तिप्रदायिन्यै नमः
भक्तसायुज्यदायै नमः४१०
भक्तस्वर्गदायै नमः
भक्तराज्यदायै नमः
भागीरथ्यै नमः
भवाराध्यायै नमः
भाग्यासज्जनपूजितायै नमः
भवस्तुत्यायै नमः
भानुमत्यै नमः
भवसागरतारण्यै नमः
भूत्यै नमः
भूषायै नमः४२०
भूतेश्यै नमः
भाललोचनपूजितायै नमः
भूतायै नमः
भव्यायै नमः
भविष्यायै नमः
भवविद्यायै नमः
भवात्मिकायै नमः
बाधापहारिण्यै नमः
बन्धुरूपायै नमः
भुवनपूजितायै नमः४३०
भवघ्न्यै नमः
भक्तिलभ्यायै नमः
भक्तरक्षणतत्परायै नमः
भक्तार्तिशमन्यै नमः
भाग्यायै नमः
भोगदानकृतोद्यमायै नमः
भुजङ्गभूषणायै नमः
भीमायै नमः
भीमाक्ष्यै नमः
भीमरूपिण्यै नमः४४०
भाविन्यै नमः
भ्रातृरूपायै नमः
भारत्यै नमः
भवनायिकायै नमः
भाषायै नमः
भाषावत्यै नमः
भीष्मायै नमः
भैरव्यै नमः
भैरवप्रियायै नमः
भूत्यै नमः४५०
भासितसर्वाङ्ग्यै नमः
भूतिदायै नमः
भूतिनायिकायै नमः
भास्वत्यै नमः
भगमालायै नमः
भिक्षादानकृतोद्यमायै नमः
भिक्षुरूपायै नमः
भक्तिकर्यै नमः
भक्तलक्ष्मीप्रदायिन्यै नमः
भ्रान्तिघ्नायै नमः४६०
भ्रान्तिरूपायै नमः
भूतिदायै नमः
भूतिकारिण्यै नमः
भिक्षणीयायै नमः
भिक्षुमात्रे नमः
भाग्यवद्दृष्टिगोचरायै नमः
भोगवत्यै नमः
भोगरूपायै नमः
भोगमोक्षफलप्रदायै नमः
भोगश्रान्तायै नमः४७०
भाग्यवत्यै नमः
भक्ताघौघविनाशिन्यै नमः
ब्राह्म्यै नमः
ब्रह्मस्वरूपायै नमः
बृहत्यै नमः
ब्रह्मवल्लभायै नमः
ब्रह्मदायै नमः
ब्रह्ममात्रे नमः
ब्रह्माण्यै नमः
ब्रह्मदायिन्यै नमः४८०
ब्रह्मेश्यै नमः
ब्रह्मसंस्तुत्यायै नमः
ब्रह्मवेद्यायै नमः
बुधप्रियायै नमः
बालेन्दुशेखरायै नमः
बालायै नमः
बलिपूजाकरप्रियायै नमः
बलदायै नमः
बिन्दुरूपायै नमः
बालसूर्यसमप्रभायै नमः४९०
ब्रह्मरूपायै नमः
ब्रह्ममय्यै नमः
ब्रध्नमण्डलमध्यगायै नमः
ब्रह्माण्यै नमः
बुद्धिदायै नमः
बुद्ध्यै नमः
बुद्धिरूपायै नमः
बुधेश्वर्यै नमः
बन्धक्षयकर्यै नमः
बाधनाशन्यै नमः५००
बन्धुरूपिण्यै नमः
बिन्द्वालयायै नमः
बिन्दुभूषायै नमः
बिन्दुनादसमन्वितायै नमः
बीजरूपायै नमः
बीजमात्रे नमः
ब्रह्मण्यायै नमः
ब्रह्मकारिण्यै नमः
बहुरूपायै नमः
बलवत्यै नमः५१०
ब्रह्मजायै नमः
ब्रह्मचारिण्यै नमः
ब्रह्मस्तुत्यायै नमः
ब्रह्मविद्यायै नमः
ब्रह्माण्डाधिपवल्लभायै नमः
ब्रह्मेशविष्णुरूपायै नमः
ब्रह्मविष्ण्वीशसंस्थितायै नमः
बुद्धिरूपायै नमः
बुधेशान्यै नमः
बन्ध्यै नमः५२०
बन्धविमोचन्यै नमः
अक्षमालायै नमः
अक्षराकारायै नमः
अक्षरायै नमः
अक्षरफलप्रदायै नमः
अनन्तायै नमः
आनन्दसुखदायै नमः
अनन्तचन्द्रनिभाननायै नमः
अनन्तमहिमायै नमः
अघोरायै नमः५३०
अनन्तगम्भीरसम्मितायै नमः
अदृष्टायै नमः
अदृष्टदायै नमः
अनन्तायै नमः
अदृष्टभाग्यफलप्रदायै नमः
अरुन्धत्यै नमः
अव्ययीनाथायै नमः
अनेकसद्गुणसंयुतायै नमः
अनेकभूषणायै नमः
अदृश्यायै नमः५४०
अनेकलेखनिषेवितायै नमः
अनन्तायै नमः
अनन्तसुखदायै नमः
अघोरायै नमः
अघोरस्वरूपिण्यै नमः
अशेषदेवतारूपायै नमः
अमृतरूपायै नमः
अमृतेश्वर्यै नमः
अनवद्यायै नमः
अनेकहस्तायै नमः५५०
अनेकमाणिक्यभूषणायै नमः
अनेकविघ्नसंहर्त्र्यै नमः
अनेकाभरणान्वितायै नमः
अविद्यायै नमः
अज्ञानसंहर्त्र्यै नमः
अविद्याजालनाशिन्यै नमः
अभिरूपायै नमः
अनवद्याङ्ग्यै नमः
अप्रतर्क्यगतिप्रदायै नमः
अकलङ्कारूपिण्यै नमः५६०
अनुग्रहपरायणायै नमः
अम्बरस्थायै नमः
अम्बरमयायै नमः
अम्बरमालायै नमः
अम्बुजेक्षणायै नमः
अम्बिकायै नमः
अब्जकरायै नमः
अब्जस्थायै नमः
अशुमत्यै नमः
अंशुशतान्वितायै नमः५७०
अम्बुजायै नमः
अनवरायै नमः
अखण्डायै नमः
अम्बुजासनमहाप्रियायै नमः
अजरामरसंसेव्यायै नमः
अजरसेवितपद्युगायै नमः
अतुलार्थप्रदायै नमः
अर्थैक्यायै नमः
अत्युदारायै नमः
अभयान्वितायै नमः५८०
अनाथवत्सलायै नमः
अनन्तप्रियायै नमः
अनन्तेप्सितप्रदायै नमः
अम्बुजाक्ष्यै नमः
अम्बुरूपायै नमः
अम्बुजातोद्भवमहाप्रियायै नमः
अखण्डायै नमः
अमरस्तुत्यायै नमः
अमरनायकपूजितायै नमः
अजेयायै नमः५९०
अजसङ्काशायै नमः
अज्ञाननाशिन्यै नमः
अभीष्टदायै नमः
अक्तायै नमः
अघनेनायै नमः
अस्त्रेश्यै नमः
अलक्ष्मीनाशिन्यै नमः
अनन्तसारायै नमः
अनन्तश्रियै नमः
अनन्तविधिपूजितायै नमः६००
अभीष्टायै नमः
अमर्त्यसम्पूज्यायै नमः
अस्तोदयविवर्जितायै नमः
आस्तिकस्वान्तनिलयायै नमः
अस्त्ररूपायै नमः
अस्त्रवत्यै नमः
अस्खलत्यै नमः
अस्खलद्रूपायै नमः
अस्खलद्विद्याप्रदायिन्यै नमः
अस्खलत्सिद्धिदायै नमः६१०
आनन्दायै नमः
अम्बुजातायै नमः
अमरनायिकायै नमः
अमेयायै नमः
अशेषपापघ्न्यै नमः
अक्षयसारस्वतप्रदायै नमः
जयायै नमः
जयन्त्यै नमः
जयदायै नमः
जन्मकर्मविवर्जितायै नमः६२०
जगत्प्रियायै नमः
जगन्मात्रे नमः
जगदीश्वरवल्लभायै नमः
जात्यै नमः
जयायै नमः
जितामित्रायै नमः
जप्यायै नमः
जपनकारिण्यै नमः
जीवन्यै नमः
जीवनिलयायै नमः६३०
जीवाख्यायै नमः
जीवधारिण्यै नमः
जाह्नव्यै नमः
ज्यायै नमः
जपवत्यै नमः
जातिरूपायै नमः
जयप्रदायै नमः
जनार्दनप्रियकर्यै नमः
जोषनीयायै नमः
जगत्स्थितायै नमः६४०
जगज्ज्येष्ठायै नमः
जगन्मायायै नमः
जीवनत्राणकारिण्यै नमः
जीवातुलतिकायै नमः
जीवजन्म्यै नमः
जन्मनिबर्हण्यै नमः
जाड्यविध्वंसनकर्यै नमः
जगद्योनये नमः
जयात्मिकायै नमः
जगदानन्दजनन्यै नमः६५०
जम्ब्यै नमः
जलजेक्षणायै नमः
जयन्त्यै नमः
जङ्गपूगघ्न्यै नमः
जनितज्ञानविग्रहायै नमः
जटायै नमः
जटावत्यै नमः
जप्यायै नमः
जपकर्तृप्रियङ्कर्यै नमः
जपकृत्पापसंहर्त्र्यै नमः६६०
जपकृत्फलदायिन्यै नमः
जपापुष्पसमप्रख्यायै नमः
जपाकुसुमधारिण्यै नमः
जनन्यै नमः
जन्मरहितायै नमः
ज्योतिर्वृत्यभिदायिन्यै नमः
जटाजूटनचन्द्रार्धायै नमः
जगत्सृष्टिकर्यै नमः
जगत्त्राणकर्यै नमः
जाड्यध्वंसकर्त्र्यै नमः६७०
जयेश्वर्यै नमः
जगद्बीजायै नमः
जयावासायै नमः
जन्मभुवे नमः
जन्मनाशिन्यै नमः
जन्मान्त्यरहितायै नमः
जैत्र्यै नमः
जगद्योनये नमः
जपात्मिकायै नमः
जयलक्षणसम्पूर्णायै नमः६८०
जयदानकृतोद्यमायै नमः
जम्भराद्यादिसंस्तुत्यायै नमः
जम्भारिफलदायिन्यै नमः
जगत्त्रयहितायै नमः
ज्येष्ठायै नमः
जगत्त्रयवशङ्कर्यै नमः
जगत्त्रयाम्बायै नमः
जगत्यै नमः
ज्वालायै नमः
ज्वालितलोचनायै नमः६९०
ज्वालिन्यै नमः
ज्वलनाभासायै नमः
ज्वलन्त्यै नमः
ज्वलनात्मिकायै नमः
जितारातिसुरस्तुत्यायै नमः
जितक्रोधायै नमः
जितेन्द्रियायै नमः
जरामरणशून्यायै नमः
जनित्र्यै नमः
जन्मनाशिन्यै नमः७००
जलजाभायै नमः
जलमय्यै नमः
जलजासनवल्लभायै नमः
जलजस्थायै नमः
जपाराध्यायै नमः
जनमङ्गलकारिण्यै नमः
कामिन्यै नमः
कामरूपायै नमः
काम्यायै नमः
कामप्रदायिन्यै नमः७१०
कमाल्यै नमः
कामदायै नमः
कर्त्र्यै नमः
क्रतुकर्मफलप्रदायै नमः
कृतघ्नघ्न्यै नमः
क्रियारूपायै नमः
कार्यकारणरूपिण्यै नमः
कञ्जाक्ष्यै नमः
करुणारूपायै नमः
केवलामरसेवितायै नमः७२०
कल्याणकारिण्यै नमः
कान्तायै नमः
कान्तिदायै नमः
कान्तिरूपिण्यै नमः
कमलायै नमः
कमलावासायै नमः
कमलोत्पलमालिन्यै नमः
कुमुद्वत्यै नमः
कल्याण्यै नमः
कान्त्यै नमः७३०
कामेशवल्लभायै नमः
कामेश्वर्यै नमः
कमलिन्यै नमः
कामदायै नमः
कामबन्धिन्यै नमः
कामधेनवे नमः
काञ्चनाक्ष्यै नमः
काञ्चनाभायै नमः
कलानिधये नमः
क्रियायै नमः७४०
कीर्तिकर्यै नमः
कीर्त्यै नमः
क्रतुश्रेष्ठायै नमः
कृतेश्वर्यै नमः
क्रतुसर्वक्रियास्तुत्यायै नमः
क्रतुकृत्प्रियकारिण्यै नमः
क्लेशनाशकर्यै नमः
कर्त्र्यै नमः
कर्मदायै नमः
कर्मबन्धिन्यै नमः७५०
कर्मबन्धहर्यै नमः
कृष्टायै नमः
क्लमघ्न्यै नमः
कञ्जलोचनायै नमः
कन्दर्पजनन्यै नमः
कान्तायै नमः
करुणायै नमः
करुणावत्यै नमः
क्लीङ्कारिण्यै नमः
कृपाकारायै नमः७६०
कृपासिन्धवे नमः
कृपावत्यै नमः
करुणार्द्रायै नमः
कीर्तिकर्यै नमः
कल्मषघ्न्यै नमः
क्रियाकर्यै नमः
क्रियाशक्त्यै नमः
कामरूपायै नमः
कमलोत्पलगन्धिन्यै नमः
कलायै नमः७७०
कलावत्यै नमः
कूर्म्यै नमः
कूटस्थायै नमः
कञ्जसंस्थितायै नमः
कालिकायै नमः
कल्मषघ्न्यै नमः
कमनीयजटान्वितायै नमः
करपद्मायै नमः
कराभीष्टप्रदायै नमः
क्रतुफलप्रदायै नमः७८०
कौशिक्यै नमः
कोशदायै नमः
काव्यायै नमः
कर्त्र्यै नमः
कोशेश्वर्यै नमः
कृशायै नमः
कूर्मयानायै नमः
कल्पलतायै नमः
कालकूटविनाशिन्यै नमः
कल्पोद्यानवत्यै नमः७९०
कल्पवनस्थायै नमः
कल्पकारिण्यै नमः
कदम्बकुसुमाभासायै नमः
कदम्बकुसुमप्रियायै नमः
कदम्बोद्यानमध्यस्थायै नमः
कीर्तिदायै नमः
कीर्तिभूषणायै नमः
कुलमात्रे नमः
कुलावासायै नमः
कुलाचारप्रियङ्कर्यै नमः८००
कुलानाथायै नमः
कामकलायै नमः
कलानाथायै नमः
कलेश्वर्यै नमः
कुन्दमन्दारपुष्पाभायै नमः
कपर्दस्थितचन्द्रिकायै नमः
कवित्वदायै नमः
काव्यमात्रे नमः
कविमात्रे नमः
कलाप्रदायै नमः८१०
तरुण्यै नमः
तरुणीतातायै नमः
ताराधिपसमाननायै नमः
तृप्तये नमः
तृप्तिप्रदायै नमः
तर्क्यायै नमः
तपन्यै नमः
तापिन्यै नमः
तर्पण्यै नमः
तीर्थरूपायै नमः८२०
त्रिदशायै नमः
त्रिदशेश्वर्यै नमः
त्रिदिवेश्यै नमः
त्रिजनन्यै नमः
त्रिमात्रे नमः
त्र्यम्बकेश्वर्यै नमः
त्रिपुरायै नमः
त्रिपुरेशान्यै नमः
त्र्यम्बकायै नमः
त्रिपुराम्बिकायै नमः८३०
त्रिपुरश्रियै नमः
त्रयीरूपायै नमः
त्रयीवेद्यायै नमः
त्रयीश्वर्यै नमः
त्रय्यन्तवेदिन्यै नमः
ताम्रायै नमः
तापत्रितयहारिण्यै नमः
तमालसदृश्यै नमः
त्रात्रे नमः
तरुणादित्यसन्निभायै नमः८४०
त्रैलोक्यव्यापिन्यै नमः
तृप्तायै नमः
तृप्तिकृते नमः
तत्त्वरूपिण्यै नमः
तुर्यायै नमः
त्रैलोक्यसंस्तुत्यायै नमः
त्रिगुणायै नमः
त्रिगुणेश्वर्यै नमः
त्रिपुरघ्न्यै नमः
त्रिमात्रे नमः८५०
त्र्यम्बकायै नमः
त्रिगुणान्वितायै नमः
तृष्णाच्छेदकर्यै नमः
तृप्तायै नमः
तीक्ष्णायै नमः
तीक्ष्णस्वरूपिण्यै नमः
तुलायै नमः
तुलादिरहितायै नमः
तत्तद्ब्रह्मस्वरूपिण्यै नमः
त्राणकर्त्र्यै नमः८६०
त्रिपापघ्न्यै नमः
त्रिपदायै नमः
त्रिदशान्वितायै नमः
तथ्यायै नमः
त्रिशक्तये नमः
त्रिपदायै नमः
तुर्यायै नमः
त्रैलोक्यसुन्दर्यै नमः
तेजस्कर्यै नमः
त्रिमूर्त्याद्यायै नमः८७०
तेजोरूपायै नमः
त्रिधामतायै नमः
त्रिचक्रकर्त्र्यै नमः
त्रिभगायै नमः
तुर्यातीतफलप्रदायै नमः
तेजस्विन्यै नमः
तापहार्यै नमः
तापोपप्लवनाशिन्यै नमः
तेजोगर्भायै नमः
तपःसारायै नमः८८०
त्रिपुरारिप्रियङ्कर्यै नमः
तन्व्यै नमः
तापससन्तुष्टायै नमः
तपताङ्गजभीतिनुदे नमः
त्रिलोचनायै नमः
त्रिमार्गायै नमः
तृतीयायै नमः
त्रिदशस्तुतायै नमः
त्रिसुन्दर्यै नमः
त्रिपथगायै नमः८९०
तुरीयपददायिन्यै नमः
शुभायै नमः
शुभावत्यै नमः
शान्तायै नमः
शान्तिदायै नमः
शुभदायिन्यै नमः
शीतलायै नमः
शूलिन्यै नमः
शीतायै नमः
श्रीमत्यै नमः९००
शुभान्वितायै नमः
योगसिद्धिप्रदायै नमः
योग्यायै नमः
यज्ञेनपरिपूरितायै नमः
यज्यायै नमः
यज्ञमय्यै नमः
यक्ष्यै नमः
यक्षिण्यै नमः
यक्षिवल्लभायै नमः
यज्ञप्रियायै नमः९१०
यज्ञपूज्यायै नमः
यज्ञतुष्टायै नमः
यमस्तुतायै नमः
यामिनीयप्रभायै नमः
याम्यायै नमः
यजनीयायै नमः
यशस्कर्यै नमः
यज्ञकर्त्र्यै नमः
यज्ञरूपायै नमः
यशोदायै नमः९२०
यज्ञसंस्तुतायै नमः
यज्ञेश्यै नमः
यज्ञफलदायै नमः
योगयोनये नमः
यजुस्तुतायै नमः
यमिसेव्यायै नमः
यमाराध्यायै नमः
यमिपूज्यायै नमः
यमीश्वर्यै नमः
योगिन्यै नमः९३०
योगरूपायै नमः
योगकर्तृप्रियङ्कर्यै नमः
योगयुक्तायै नमः
योगमय्यै नमः
योगयोगीश्वराम्बिकायै नमः
योगज्ञानमय्यै नमः
योनये नमः
यमाद्यष्टाङ्गयोगतायै नमः
यन्त्रिताघौघसंहारायै नमः
यमलोकनिवारिण्यै नमः९४०
यष्टिव्यष्टीशसंस्तुत्यायै नमः
यमाद्यष्टाङ्गयोगयुजे नमः
योगीश्वर्यै नमः
योगमात्रे नमः
योगसिद्धायै नमः
योगदायै नमः
योगारूढायै नमः
योगमय्यै नमः
योगरूपायै नमः
यवीयस्यै नमः९५०
यन्त्ररूपायै नमः
यन्त्रस्थायै नमः
यन्त्रपूज्यायै नमः
यन्त्रितायै नमः
युगकर्त्र्यै नमः
युगमय्यै नमः
युगधर्मविवर्जितायै नमः
यमुनायै नमः
यमिन्यै नमः
याम्यायै नमः९६०
यमुनाजलमध्यगायै नमः
यातायातप्रशमन्यै नमः
यातनानान्निकृन्तन्यै नमः
योगावासायै नमः
योगिवन्द्यायै नमः
यत्तच्छब्दस्वरूपिण्यै नमः
योगक्षेममय्यै नमः
यन्त्रायै नमः
यावदक्षरमातृकायै नमः
यावत्पदमय्यै नमः९७०
यावच्छब्दरूपायै नमः
यथेश्वर्यै नमः
यत्तदीयायै नमः
यक्षवन्द्यायै नमः
यद्विद्यायै नमः
यतिसंस्तुतायै नमः
यावद्विद्यामय्यै नमः
यावद्विद्याबृन्दसुवन्दितायै नमः
योगिहृत्पद्मनिलयायै नमः
योगिवर्यप्रियङ्कर्यै नमः९८०
योगिवन्द्यायै नमः
योगिमात्रे नमः
योगीशफलदायिन्यै नमः
यक्षवन्द्यायै नमः
यक्षपूज्यायै नमः
यक्षराजसुपूजितायै नमः
यज्ञरूपायै नमः
यज्ञतुष्टायै नमः
यायजूकस्वरूपिण्यै नमः
यन्त्राराध्यायै नमः९९०
यन्त्रमध्यायै नमः
यन्त्रकर्तृप्रियङ्कर्यै नमः
यन्त्रारूढायै नमः
यन्त्रपूज्यायै नमः
योगिध्यानपरायणायै नमः
यजनीयायै नमः
यमस्तुत्यायै नमः
योगयुक्तायै नमः
यशस्कर्यै नमः
योगबद्धायै नमः१०००
यतिस्तुत्यायै नमः
योगज्ञायै नमः
योगनायक्यै नमः
योगिज्ञानप्रदायै नमः
यक्ष्यै नमः
यमबाधाविनाशिन्यै नमः
योगिकाम्यप्रदात्र्यै नमः
योगिमोक्षप्रदायिन्यै नमः

हनुमदष्टोत्तरशतनामावलिः

Mon, 01 Jan 0001 00:00:00 +0000

हनुमदष्टोत्तरशतनामावलिः

आञ्जनेयाय नमः
महावीराय नमः
हनूमते नमः
मारुतात्मजाय नमः
तत्त्वज्ञानप्रदाय नमः
सीतादेवीमुद्राप्रदायकाय नमः
अशोकवनिकाच्छेत्रे नमः
सर्वमायाविभञ्जनाय नमः
सर्वबन्धविमोक्त्रे नमः
रक्षोविध्वंसकारकाय नमः१०
परविद्यापरीहर्त्रे नमः
परशौर्यविनाशनाय नमः
परमन्त्रनिराकर्त्रे नमः
परयन्त्रप्रभेदकाय नमः
सर्वग्रहविनाशिने नमः
भीमसेनसहायकृते नमः
सर्वदुःखहराय नमः
सर्वलोकचारिणे नमः
मनोजवाय नमः
पारिजातद्रुमूलस्थाय नमः२०
सर्वमन्त्रस्वरूपवते नमः
सर्वतन्त्रस्वरूपिणे नमः
सर्वयन्त्रात्मकाय नमः
कपीश्वराय नमः
महाकायाय नमः
सर्वरोगहराय नमः
प्रभवे नमः
बलसिद्धिकराय नमः
सर्वविद्यासम्पत्प्रदायकाय नमः
कपिसेनानायकाय नमः३०
भविष्यच्चतुराननाय नमः
कुमारब्रह्मचारिणे नमः
रत्नकुण्डलदीप्तिमते नमः
चञ्चलद्बालसन्नद्धलम्बमानशिखोज्ज्वलाय नमः
गन्धर्वविद्यातत्त्वज्ञाय नमः
महाबलपराक्रमाय नमः
कारागृहविमोक्त्रे नमः
शृङ्खलाबन्धमोचकाय नमः
सागरोत्तारकाय नमः
प्राज्ञाय नमः४०
रामदूताय नमः
प्रतापवते नमः
वानराय नमः
केसरीसुताय नमः
सीताशोकनिवारणाय नमः
अञ्जनागर्भसम्भूताय नमः
बालार्कसदृशाननाय नमः
विभीषणप्रियकराय नमः
दशग्रीवकुलान्तकाय नमः
लक्ष्मणप्राणदात्रे नमः५०
वज्रकायाय नमः
महाद्युतये नमः
चिरञ्जीविने नमः
रामभक्ताय नमः
दैत्यकार्यविघातकाय नमः
अक्षहन्त्रे नमः
काञ्चनाभाय नमः
पञ्चवक्त्राय नमः
महातपसे नमः
लङ्किणीभञ्जनाय नमः६०
श्रीमते नमः
सिंहिकाप्राणभञ्जनाय नमः
गन्धमादनशैलस्थाय नमः
लङ्कापुरविदाहकाय नमः
सुग्रीवसचिवाय नमः
धीराय नमः
शूराय नमः
दैत्यकुलान्तकाय नमः
सुरार्चिताय नमः
महातेजसे नमः७०
रामचूडामणिप्रदाय नमः
कामरूपिणे नमः
पिङ्गलाक्षाय नमः
वर्धिमैनाकपूजिताय नमः
कबलीकृतमार्तण्डमण्डलाय नमः
विजितेन्द्रियाय नमः
रामसुग्रीवसन्धात्रे नमः
महिरावणमर्दनाय नमः
स्फटिकाभाय नमः
वागधीशाय नमः८०
नवव्याकृतिपण्डिताय नमः
चतुर्बाहवे नमः
दीनबन्धवे नमः
महात्मने नमः
भक्तवत्सलाय नमः
सञ्जीवननगाहर्त्रे नमः
शुचये नमः
वाग्मिने नमः
दृढव्रताय नमः
कालनेमिप्रमथनाय नमः९०
हरिमर्कटमर्कटाय नमः
दान्ताय नमः
शान्ताय नमः
प्रसन्नात्मने नमः
शतकण्ठमदापहृते नमः
योगिने नमः
रामकथालोलाय नमः
सीतान्वेषणपण्डिताय नमः
वज्रदंष्ट्राय नमः
वज्रनखाय नमः१००
रुद्रवीर्यसमुद्भवाय नमः
इन्द्रजित्प्रहितामोघब्रह्मास्त्रविनिवारकाय नमः
पार्थध्वजाग्रसंवासिने नमः
शरपञ्जरहेलकाय नमः
दशबाहवे नमः
लोकपूज्याय नमः
जाम्बवत्प्रीतिवर्धनाय नमः
सीतासमेतश्रीरामपादसेवाधुरन्धराय नमः

देवैः कृतं राम-स्तोत्रम्

Sun, 06 Oct 2024 00:00:00 +0000

देवैः कृतं राम-स्तोत्रम्

शेष उवाच

अथाभिषिक्तं रामं तु तुष्टुवुः प्रणताः सुराः।

रावणाभिधदैत्येन्द्र वधहर्षितमानसाः॥१॥

देवा ऊचुः

जय दाशरथे सुरार्तिहञ्जय जय दानववंशदाहक।

जय देववराङ्गनागणग्रहणव्यग्रकरारिदारक॥२॥

तवयद्दनुजेन्द्रनाशनं कवयो वर्णयितुं समुत्सुकाः।

प्रलये जगतान्ततीः पुनर्ग्रससे त्वं भुवनेशलीलया॥३॥

जय जन्मजरादिदुःखकैः परिमुक्तप्रबलोद्धरोद्धर।

जय धर्मकरान्वयाम्बुधौ कृतजन्मन्नजरामराच्युत॥४॥

तव देववरस्य नामभिर्बहुपापा अपि ते पवित्रिताः।

किमु साधुद्विजवर्यपूर्वकाः सुतनुं मानुषतामुपागताः॥५॥

हरविरिञ्चिनुतं तव पादयोर्युगलमीप्सितकामसमृद्धिदम्।

हृदि पवित्रयवादिकचिह्नितैः सुरचितं मनसा स्पृहयामहे॥६॥

यदि भवान्न दधात्यभयं भुवो मदनमूर्ति तिरस्करकान्तिभृत्।

सुरगणा हि कथं सुखिनः पुनर्ननु भवन्ति घृणामय पावन॥७॥

यदा यदास्मान्दनुजाहि दुःखदास्तदा तदा त्वं भुवि जन्मभाग्भवेः।

अजोऽव्ययोऽपीशवरोऽपि सन्विभो स्वभावमास्थाय निजं निजार्चितः॥८॥

मृतसुधासदृशैरघनाशनैः सुचरितैरवकीर्य महीतलम्।

अमनुजैर्गुणशंसिभिरीडितः प्रविश चाशु पुनर्हि स्वकं पदम्॥९॥

अनादिराद्योजररूपधारी हारी किरीटी मकरध्वजाभः।

जयं करोतु प्रसभं हतारिः स्मरारि संसेवितपादपद्मः॥१०॥

इत्युक्त्वा ते सुराः सर्वे ब्रह्मेन्द्रप्रमुखा मुहुः।

प्रणेमुररिनाशेन प्रीणिता रघुनायकम्॥११॥

इति स्तुत्यातिसंहृष्टो रघुनाथो महायशाः।

प्रोवाच तान्सुरान्वीक्ष्य प्रणतान्नतकन्धरान्॥१२॥

श्रीराम उवाच

मातृभूतशतकम्

Fri, 16 Aug 2024 00:00:00 +0000

मातृभूतशतकम्

श्रेयांसि यं सकृदनुस्मरतां जनाना-
माविर्भवन्ति सुमहान्त्यनपायवन्ति।
तं त्वामनन्यशरणश्शरणं भजामि
श्रीमातृभूत शिव पालय मां नमस्ते॥१॥

आनन्द सच्चिदमलात्मनि शङ्करे त्वय्-
यन्तर्निषीदति भवन्तमहो विहाय।
भ्राम्यामि मोहविवशो भवशोकखिन्नः
श्रीमातृभूत शिव पालय मां नमस्ते॥२॥

मद्दाससूनुरयमित्यनुकम्पनीये
मय्यर्भके समधिरोप्य वृथाऽपराधान्।
युक्तं किमेवमधिगन्तुमुदासिकां ते
श्रीमातृभूत शिव पालय मां नमस्ते॥३॥

सौशील्यघस्मरधनस्मयनष्टसंज्ञान्
अज्ञो विषीदति यदेष वृथानुधावन्।
तत्पश्यतस्तव दया न कथं दयालो
श्रीमातृभूत शिव पालय मां नमस्ते॥४॥

भक्तिं त्वयि श्रितवतां वद कः प्रहीणः
सा वा तवाहमिति किं न सकृत्प्रपत्तिः।
किं तद्वतामनवितासि कुतोऽस्म्युपेक्ष्यः
श्रीमातृभूत शिव पालय मां नमस्ते॥५॥

दासस्तवाहमिति यः सकृदप्युपैति
रक्ष्यः स एष इति ते विधृतव्रतस्य।
रक्षोऽहमस्म्यथ कियानफलो विलम्बः
श्रीमातृभूत शिव पालय मां नमस्ते॥६॥

आज्ञापयेः कथमये तव गर्भवासं
दुःखापवर्गिणि गिरीश समाश्रयेयम्।
आस्तां सहस्रमपि नानुगुणं त्विदं ते
श्रीमातृभूत शिव पालय मां नमस्ते॥७॥

सर्वज्ञ शङ्करमहेशदयालु शब्दाः
किं पारिभाषिकतयोपगता भवन्तम्।
विज्ञापिते विलपितेऽपि किमित्युदास्से
श्रीमातृभूत शिव पालय मां नमस्ते॥८॥

हीनैः सदाधिकृतिकैरपि धृष्यमाणे
सावज्ञमेवमपदे मयि दृश्यमाने।
नेदं क्षणं क्षणमुपेक्षणमाश्रयेथाः
श्रीमातृभूत शिव पालय मां नमस्ते॥९॥

आलस्यदुर्विषयसक्त्यपलापनिद्रा-
पद्मामदाधिगदनीचसमागमादीन्।
विघ्नान् धुनीहि घटय त्वयि मेऽभिलाषं
श्रीमातृभूत शिव पालय मां नमस्ते॥१०॥

क्वासावनन्यसुलभा भवदीयता मे
भूयिष्ठनिष्ठुर विपद्विषमा क्व वृत्तिः।
एतन्न किं तव यशोभरभङ्गभीतं
श्रीमातृभूत शिव पालय मां नमस्ते॥११॥

सम्फुल्लचम्पकलसन्नवमल्लिकादि-
हृद्योपचार रुचिरं भवदर्चनं मे।
पाण्योस्तरङ्गय निरन्तरमन्तरात्मन्
श्रीमातृभूत शिव पालय मां नमस्ते॥१२॥

दारैः सुतैश्शुभतमैर्द्रविणैः प्रशान्तैः
स्वर्गापवर्गफलसिद्धिभिरभ्युपेताः।
नन्दन्ति ते करुणया किमसाध्यमस्याः
श्रीमातृभूत शिव पालय मां नमस्ते॥१३॥

कालं कियन्तमघदन्तुरमन्तरङ्गं
त्वच्चिन्तनं तनितुमक्षममीक्षसे त्वम्।
त्वद्भक्तये स्पृहयतश्शिव मे दयस्व
श्रीमातृभूत शिव पालय मां नमस्ते॥१४॥

वित्तस्मयान्ध गृहकानन सम्प्रचार
धौरेयभावमवधूय कदा मदङ्घ्री।
स्तां त्वत्प्रदक्षिणविधौ करुणावशात्ते
श्रीमातृभूत शिव पालय मां नमस्ते॥१५॥

स्यात्त्वत्पदं विदलदम्बुजसौरभश्री-
विश्रामसीमभिरुदञ्चितवाक्प्रपञ्चैः।
स्तोत्रैर्विभो मम कदा नु सदानुबन्धि
श्रीमातृभूत शिव पालय मां नमस्ते॥१६॥

पादौ प्रदक्षिणविधौ भवदर्चनेषु
पाणी स्तवेषु फणितीरपि मेऽन्तरात्मन्।
ध्याने मनश्च विनियुङ्क्ष्व दयस्व मङ्क्षु
श्रीमातृभूत शिव पालय मां नमस्ते॥१७॥

मूढोऽपटुर्भवदुपश्रयणक्रमेषु
रूढोपतापविततिर्विपदां कदम्बैः।
सीमा तृषामहमतोऽस्मि तवानुकम्प्यः
श्रीमातृभूत शिव पालय मां नमस्ते॥१८॥

अम्बेयमप्रतिहतप्रतिपत्तिशक्तिः
सर्वज्ञता च भवतो भुवने निरूढा।
भूतिश्च वां निरवधिस्तनयस्तु सोऽहं
श्रीमातृभूत शिव पालय मां नमस्ते॥१९॥

पुत्रादयो न सुखयन्ति हि भावभेदात्
सोपाधिकप्रणयसम्भ्रमिभिः किमेतैः।
माता पिता च निरुपाधिकृपानिधिस्त्वं
श्रीमातृभूत शिव पालय मां नमस्ते॥२०॥

उद्गद्गदस्वनगलं गलदम्बुनेत्रं
रोमाञ्चकञ्चुकितमञ्चितघर्मबिन्दु।
त्वन्नामनि श्रवणगामिनि कल्पयाङ्गं
श्रीमातृभूत शिव पालय मां नमस्ते॥२१॥

दुर्लभ्यदुर्विपरिणत्यसुखानुबन्धि-
विप्लावितेषु विषयेषु वृथा निपात्य।
मां खेदयन्न कथमुद्वहसेऽनुकम्पां
श्रीमातृभूत शिव पालय मां नमस्ते॥२२॥

कन्दर्पकोटिशतसुन्दरमिन्दुरेखा-
चूडं दरस्मितपरिस्फुरदाननेन्दुम्।
कान्तं नगेन्द्रसुतया कलये भवन्तं
श्रीमातृभूत शिव पालय मां नमस्ते॥२३॥

सृष्टौ स्थितावपि लयेऽस्ति तव प्रभुत्वं
दुःखे तु मे द्वितयगोचरमेव दृश्यम्।
व्यङ्क्तुं तदन्तविषयं तव को विलम्बः
श्रीमातृभूत शिव पालय मां नमस्ते॥२४॥

मन्दस्मितैर्दिशि दिशि स्फुरदिन्दुचूडैः
गौरीसखैः स्फटिकगौर मनोहराङ्गैः।
त्वद्विग्रहैः कबलयाविरतं मनो मे
श्रीमातृभूत शिव पालय मां नमस्ते॥२५॥

प्रेमातिरेकशिशिरां त्वदपाङ्गधाराम्
आनन्दसिन्धुवलमानतरङ्गरेखाम्।
सञ्चारयन्मयि सहाम्बिकया दयेथाः
श्रीमातृभूत शिव पालय मां नमस्ते॥२६॥

भ्रूकिङ्करास्तव विरिञ्चपुरन्दराद्याः
कस्त्वां विरोत्स्यति निरोत्स्यति किं ममैनः।
दैन्यं ततो न बलवत् किमु दीनबन्धो
श्रीमातृभूत शिव पालय मां नमस्ते॥२७॥

अन्वेति शङ्कर न यं करुणाङ्कुरस्ते
कस्तं विलोकयतु जल्पतु को धिनोतु।
केयं विभो विमुखता मयि किङ्करेऽस्मिन्
श्रीमातृभूत शिव पालय मां नमस्ते॥२८॥

भान्तं भवन्तमनघं मणिभूषणौघैः
भान्त्योमया विमलविद्रुमपाटलाङ्ग्या।
श‍ृङ्गारिताङ्कमुपयामि शशाङ्कगौरं
श्रीमातृभूत शिव पालय मां नमस्ते॥२९॥

मन्दस्मितैः करुणया शिशिरैः कटाक्षैः
प्रेमातिरेकमधुरैरपि चाभिलापैः।
आनन्दयिष्यसि कदा नु सहाम्बया त्वं
श्रीमातृभूत शिव पालय मां नमस्ते॥३०॥

गोपायितेति कुलदैवतमित्यजस्रं
विस्रम्भतोऽर्पितभरं त्वयि दीनबन्धो।
मामीक्षसे न कृपया यदि किं करोमि
श्रीमातृभूत शिव पालय मां नमस्ते॥३१॥

एकं सकृद्यदलसो न पुराऽभजं त्वां
नानादुरीशसतताश्रयदुर्विपाकः।
तस्यै न सोऽयमधुनाऽतिधुनाति चेतः
श्रीमातृभूत शिव पालय मां नमस्ते॥३२॥

एषा सुगन्धिचिकुरा जननी पिता त्वं
का ते सुते मयि विभो करुणा प्रहाणिः।
किञ्चापि सा न खलु सार्द्रहृदो जनन्याः
श्रीमातृभूत शिव पालय मां नमस्ते॥३३॥

त्वत्संविदा तरति शोकमिति श्रुतीनां
भावो भवोन्नतिविधायि तवाभिधानम्।
शोकापहं तदहमीश समाश्रयामि
श्रीमातृभूत शिव पालय मां नमस्ते॥३४॥

त्वन्नामकीर्तनमघापहमाशयेन
शंसन् पुराणनिकरो न किलार्थवादः।
तत्संश्रयोऽहमकृपास्पदमस्मि किं ते
श्रीमातृभूत शिव पालय मां नमस्ते॥३५॥

कर्मानुरोधि फलमित्यवगम्यमाने
ह्येनोहृतौ शुभविधौ च पटीयसस्ते।
कर्मेति कं प्रति तु वञ्चनचातुरीयं
श्रीमातृभूत शिव पालय मां नमस्ते॥३६॥

उत्सङ्गसीमनि सुगन्धिकचां निषण्णाम्
उल्लासयन् कुचतटीनखरावमर्शैः।
आभासि शङ्कर निरन्तरमन्तरङ्गे
श्रीमातृभूत शिव पालय मां नमस्ते॥३७॥

मन्देतरैरखिलमान्तरमन्धकारं
माणिक्यभूषणमहोर्मिभिरंशुजालैः।
धुन्वन्वपुस्तव विभासय मानसे मे
श्रीमातृभूत शिव पालय मां नमस्ते॥३८॥

अन्तर्वसद्भवदुदारपदारविन्द
सन्दर्शनाय मम तत्प्रतिरोधकं द्राक्।
अंहः कवाटपटलं विघटय्य देव
श्रीमातृभूत शिव पालय मां नमस्ते॥३९॥

चेतो मम त्वदनुचिन्तनबद्धतृष्णं
मुष्णन्ति तच्च विषया मुहुरेधितार्थाः।
विघ्नान् जहि त्वयि विजृम्भय भक्तियोगं
श्रीमातृभूत शिव पालय मां नमस्ते॥४०॥

दृक्कूणितेन जगतः खलु सृष्टिरेषा
तेनैव तेऽवनलयौ भुवने निरूढौ।
तेनैव संहर ममाघततिं दयालो
श्रीमातृभूत शिव पालय मां नमस्ते॥४१॥

अङ्गं शिरीषमृदुलं परुषैर्ममाश्म-
प्रायैर्वचोभिरभिपीडितमीडनार्थे।
यत्तावकं तमपराधमिमं सहस्व
श्रीमातृभूत शिव पालय मां नमस्ते॥४२॥

मन्दस्मितैर्भ्रुकुटिभिर्मधुरैः कटाक्षैः
वामभ्रुवां नवनवैश्च वपुर्विलासैः।
त्वां नोऽभजं तरलितस्तदिदं सहस्व
श्रीमातृभूत शिव पालय मां नमस्ते॥४३॥

मन्दस्मितं मदनसुन्दरमिन्दुचूडम्
उत्सङ्गविस्फुरदुमोरसिजस्पृशं त्वाम्।
ध्यायन्वसानि दिवसानि नयन् कदा वा
श्रीमातृभूत शिव पालय मां नमस्ते॥४४॥

पाटीरसारलहरीं तुहिनांशुधारां
सौधाकरीमपि झरीमवमन्यमानः।
त्वच्चिन्तनप्रभवनिर्वृतिभिः कदा स्यां
श्रीमातृभूत शिव पालय मां नमस्ते॥४५॥

त्वामस्म्यसावजमुपासितुमक्षमोऽहं
मोहान्धया बत धिया न यदेतदेनः।
हार्या त्वयैव कृपया मम दुर्दशेयं
श्रीमातृभूत शिव पालय मां नमस्ते॥४६॥

वित्तार्जनस्य सकलः किमसावनेहा
नेह स्थितेः फलमहो भवतो धनेहा।
इत्थं दुरीश्वरगिरां पदमस्मि दीनः
श्रीमातृभूत शिव पालय मां नमस्ते॥४७॥

सांसारिकानवधिखेदपरम्परासू-
न्मज्जन्निमज्जदिव सीदति मानसं मे।
आश्वासयाशु कृपया न किमीक्षसे त्वं
श्रीमातृभूत शिव पालय मां नमस्ते॥४८॥

लक्ष्मीपतिस्तव पदाभरणे स शेते
भिक्षाटनेन वद कं प्रतिविप्रलम्भः।
जानाम्यहं न किमशेषजगत्पतिं त्वां
श्रीमातृभूत शिव पालय मां नमस्ते॥४९॥

संसृत्युदन्वति वितन्वति दुःखमोह-
ग्राहैर्व्यथामहह मे दृढमज्जनेन।
त्वं क्रीडसीति सदृशं तव किं दयालो
श्रीमातृभूत शिव पालय मां नमस्ते॥५०॥

मात्रा सुगन्धिकचया भवता च पित्रा
युक्तः प्रसूजनकहीन इवावसीदन्।
अस्मीति वां जगदधीश्वरयोरयुक्तं
श्रीमातृभूत शिव पालय मां नमस्ते॥५१॥

मौढ्यादपाटवभरादपि पूजनं ते
नाहं तनोमि तदहं व्यथितो भवामि।
विघ्नानपास्य वितर त्वदुपासनां मे
श्रीमातृभूत शिव पालय मां नमस्ते॥५२॥

त्वद्वन्दनं ननु जगत्त्रयवन्द्यतायै
त्वत्पूजनं तु भुवनत्रयपूज्यतायै।
पुण्योच्चयेन तदिदं भवदीयता मे
श्रीमातृभूत शिव पालय मां नमस्ते॥५३॥

अल्पं महच्च सकलं फलमर्पणीयं
देव त्वयैव खलु तत्किमपीहमानः।
त्वामाश्रयाम्यगतिको वद किं तवागः
श्रीमातृभूत शिव पालय मां नमस्ते॥५४॥

कन्दर्पदर्पहरसुन्दररूपधेये
मन्दस्मिते भुवनमङ्गलनामधेये।
खेदापहे भवति खेलय मानसं मे
श्रीमातृभूत शिव पालय मां नमस्ते॥५५॥

सूर्योदये तिमिरजालमिवार्तिजालं
धावन्न किं मम विभो यदि दृक्पथे स्याः।
किं मे तथा न दयसेऽनुचितो विलम्बः
श्रीमातृभूत शिव पालय मां नमस्ते॥५६॥

त्वं त्रायसे यदि निवारयितुं क्षमः को
लभ्यं किमस्ति तव मय्यवसीदतीत्थम्।
किं हीयते मदवने तव किं विलम्बैः
श्रीमातृभूत शिव पालय मां नमस्ते॥५७॥

चन्द्रोपलामलभवत्कमनीयमूर्ति-
सम्पूजनं सुदृढभक्त्यनघोपचारैः।
ईहे सदा रचयितुं घटयाशु तन्मे
श्रीमातृभूत शिव पालय मां नमस्ते॥५८॥

संसारसिन्धुसमुदित्वरखेदमोद-
वीचीपरिभ्रमपरिश्रमनोदनं मे।
आकल्पय त्वदभिराधनहर्षभूतं
श्रीमातृभूत शिव पालय मां नमस्ते॥५९॥

भक्तिस्पृशो भवति तस्य न शर्म तेन
त्राणव्रताश्रुतिषु वा न सकृत् प्रपन्नः।
कस्मात् करोषि करुणां न मयि प्रपन्ने
श्रीमातृभूत शिव पालय मां नमस्ते॥६०॥

यन्मां न पालयसि तत्त्वदपाटवाद्वा
यद्वा मदीयदुरिताद्वद नाथ नाद्यः।
सर्वेश्वरो ननु भवानत एव नान्त्यः
श्रीमातृभूत शिव पालय मां नमस्ते॥६१॥

विश्वाधिनेतरि विपन्नजनावनस्थे
नाथे सति त्वयि न यन्मम खेदभङ्गः।
तत्ते यशोहरमतो विनिवेदयामि
श्रीमातृभूत शिव पालय मां नमस्ते॥६२॥

अस्योद्यतः समुपरोद्धुमनात्मनीनं
सत्यं भवानघफलार्त्यनुभावनासु।
नेशस्तु सोढुमियदस्म्यहमार्तबन्धौ
श्रीमातृभूत शिव पालय मां नमस्ते॥६३॥

आमज्जतः प्रतिपदं विपदम्बुराशौ
दृप्तं मम श्वसितुमप्यनधीश्वरस्य।
किं पश्यतस्तव दया न कियान् विलम्बः
श्रीमातृभूत शिव पालय मां नमस्ते॥६४॥

स्वर्धेनवो न कति नो कति कल्पवृक्षाः
भ्रूवश्यतां न कति यान्त्यपरेऽप्युदाराः।
भक्तिस्पृशां त्वयि भजे तमहं भवन्तं
श्रीमातृभूत शिव पालय मां नमस्ते॥६५॥

एनामुपप्लवभरैर्जटिलामवस्थां
प्राप्तं हि मां परिहसन्ति नितान्तमन्ये।
त्वञ्चेन्न पश्यसि दयार्द्रदृशा गतिः का
श्रीमातृभूत शिव पालय मां नमस्ते॥६६॥

श्रीशश्शरः कनकभूमिशरश्शरासो
वासस्तु रूप्यशिखरी धनदः सखा ते।
त्वामाश्रितस्य मम किन्न धुनोषि दैन्यं
श्रीमातृभूत शिव पालय मां नमस्ते॥६७॥

अत्यङ्कुरार्णमुखखेदमहार्णवेऽस्मिन्
मग्नस्य शङ्कर ममोत्तरणं प्रकल्प्य।
त्वद्पूजनं घटय सङ्क्षपितान्तरायं
श्रीमातृभूत शिव पालय मां नमस्ते॥६८॥

लोकेऽतिवर्तितुमलं तव शासनं कः
पद्मासनो भवतु पद्मविलोचनो वा।
तद्दुर्लिपिं विधिकृतामपि मे विलुम्प
श्रीमातृभूत शिव पालय मां नमस्ते॥६९॥

निःसारतामपि विदन्विषयेष्वमीषु
निःसीमसक्तिरहमेषु हि गाढमूढः।
रक्ष्यस्त्वयैव करुणानिधिना प्रसह्य
श्रीमातृभूत शिव पालय मां नमस्ते॥७०॥

मञ्चे तरङ्गितमणित्विषि पुष्पकऌप्ते
मन्दस्मितं सह कदाऽम्बिकया भवन्तम्।
पश्यामि पश्चिमतनूपहितोपबर्हं
श्रीमातृभूत शिव पालय मां नमस्ते॥७१॥

मय्यात्मनीनविमुखे मलिनस्वभावे
निर्वेदसागरनिमज्जनविप्लवेऽस्मिन्।
कस्माद् भवस्यकरुणः करुणानिधे त्वं
श्रीमातृभूत शिव पालय मां नमस्ते॥७२॥

रुद्राक्षभृद्भसितभूषणधन्यमूर्तिः
भावं वहन् प्रमुदितं भवदेकतानम्।
कालं क्षिपेयमिति साधय कामनां मे
श्रीमातृभूत शिव पालय मां नमस्ते॥७३॥

त्वं चिद्घनोऽस्यहमसौ जडिमैकसीमा
दुःखाकरः पुनरहं सुखशेवधिस्त्वम्।
युक्ता न ते स्थितिरियं तव गर्भवासे
श्रीमातृभूत शिव पालय मां नमस्ते॥७४॥

खेदं हरिष्यसि कदा शिशिरैः कटाक्षैः
मोदं करिष्यसि कदा मृदुभिर्वचोभिः।
इत्युत्सुकोऽस्मि करुणां कुरु किङ्करेऽस्मिन्
श्रीमातृभूत शिव पालय मां नमस्ते॥७५॥

पाति प्रसह्य न किमर्भकमात्मनीनं
संयोजकैर्गुरुजनः स्मर तं क्रमं त्वम्।
भक्तिं बलाद्भवति कल्पय मे दयालो
श्रीमातृभूत शिव पालय मां नमस्ते॥७६॥

सोऽहं न किञ्चिदपि साधु करोमि पापः
तुङ्गं पदं त्वभिलषामि तदप्यलज्जः।
त्वद्दातृतासदयतागरिमावमर्शी
श्रीमातृभूत शिव पालय मां नमस्ते॥७७॥

शक्तो न कश्चिदपि शासनमन्तरा ते
कः सेव्यतां त्वदितरः किमितः फलं वा।
स्वामिन्नुपैमि शरणं करणैस्त्रिभिस्त्वां
श्रीमातृभूत शिव पालय मां नमस्ते॥७८॥

मृत्युञ्जयोऽसि कमलापतिवल्लभोऽसि
तन्मृत्युदैन्यविपदोरपदं त्वदीयम्।
त्वामाश्रितस्य मम किं सदृशी दशेयं
श्रीमातृभूत शिव पालय मां नमस्ते॥७९॥

किं जामिता न भवतो मम दुःखधारा-
निर्मातुरस्मृतिपदं किमुपांशुयाजः।
कस्मात्प्रभो किमपि शर्म न किं विधत्से
श्रीमातृभूत शिव पालय मां नमस्ते॥८०॥

क्वाहं क्व चोन्नतपदस्पृहयालुतेय-
मात्मैव मामपहसत्यधुना तथाऽपि।
त्वत्संश्रये सति किमस्ति दुरापमीश
श्रीमातृभूत शिव पालय मां नमस्ते॥८१॥

कस्याग्रतः प्रकटयानिरदानकाण्डे
कं हर्षयाणि नुतिभिः कमुपाश्रयाणि।
मोघः श्रमेषु निपतेयमतो दयेथाः
श्रीमातृभूत शिव पालय मां नमस्ते॥८२॥

किं विद्यया किमु धनेन किमात्मजैर्वा
किं जायया किमितरैस्त्वयि चेन्न चेतः।
आनन्दशेवधिमतस्त्वयि देहि भक्तिं
श्रीमातृभूत शिव पालय मां नमस्ते॥८३॥

दासोऽस्मि दैन्यविवशस्त्वयि सर्वलोक-
साम्राज्यसम्पदमकम्पितमश्नुवाने।
यत्तन्न ते समुचितं विमृश प्रसीद
श्रीमातृभूत शिव पालय मां नमस्ते॥८४॥

त्वामाश्रितस्त्वदितराश्रयदैन्यभङ्गम्
अङ्गीकरोमि जगदीश कथं कथं वा।
त्वां नायशः स्पृशतु तत्त्यज मय्युपेक्षां
श्रीमातृभूत शिव पालय मां नमस्ते॥८५॥

श्रान्तं वपुर्दुरधिपाश्रयधावनान्मे
श्रान्तं वचो दुरधिपस्तुतिधोरणीभिः।
क्रान्तं मनो दुरधिपाश्रयचिन्तयैव
श्रीमातृभूत शिव पालय मां नमस्ते॥८६॥

हेमस्फुरत्तनुतरङ्गितकान्तिधारा-
सम्प्लाव्यमानमणिभूषणदिव्यभासम्।
मन्ये भवन्तमुमया मणिहेमपीठे
श्रीमातृभूत शिव पालय मां नमस्ते॥८७॥

स्वानन्दबिन्दुलव सम्प्लवमानसर्व-
ब्रह्माण्डमण्डलमखण्डितवैभवं त्वाम्।
कस्तोषयेत्तदपि तुष्य परिभ्रमैर्मे
श्रीमातृभूत शिव पालय मां नमस्ते॥८८॥

कारुण्यनिर्भरसुधारसशीतलाभिः
काले कदा तव कटाक्षपरम्पराभिः।
कष्टां दशामुपजहानि दृढोपगूढः
श्रीमातृभूत शिव पालय मां नमस्ते॥८९॥

भक्ताभिभूत्यसहनो भवसि प्रतीतो
भक्तोऽस्म्यहं त्वदभिधाग्रहणप्रसक्तः।
तस्यास्य ते मयि कृपा न कथं विषण्णे
श्रीमातृभूत शिव पालय मां नमस्ते॥९०॥

दृक्केलयस्तव कृपारसशीकराङ्काः
यास्तासु तत्तदवनप्रवणासु चेत् स्यात्।
एका पुनर्मदवनप्रवणा क्षतिः का
श्रीमातृभूत शिव पालय मां नमस्ते॥९१॥

श्रेयो रुणद्धि यदि पापगणस्तदा त्वां
त्वन्नामकीर्तनमघक्षपणक्षमं मे।
किन्नास्ति किं न दयसे मयि हन्त खिन्ने
श्रीमातृभूत शिव पालय मां नमस्ते॥९२॥

तातप्रसूतनयदार सुहृद्भिरेवम्
अर्थोपपत्तिविरहादहहावसीदन्।
नेतुं क्षणं न निपुणोऽस्मि ततः प्रसीद
श्रीमातृभूत शिव पालय मां नमस्ते॥९३॥

श्रीशैलराजसुतया शिशिरैः कटाक्षैः
मां वीक्ष्यमाणमसकृन्मधुरस्मितेन।
सम्भावयन्मयि कदा नु दयिष्यसे त्वं
श्रीमातृभूत शिव पालय मां नमस्ते॥९४॥

पारे भवाख्यजलधेर्भगवन् कृपाकू-
पारे भवत्यवतरिष्यति मे कदा वा।
प्रेम्णा तृणीकृतपदं सकलं वितन्वन्
श्रीमातृभूत शिव पालय मां नमस्ते॥९५॥

निर्धूतदुस्तिमिरमस्तसमस्ततत्तद्-
दुर्वासनं हृदयमेतदये वितन्वन्।
अस्मिन् भविष्यसि कदा नु सुखं निषण्णः
श्रीमातृभूत शिव पालय मां नमस्ते॥९६॥

मद्वर्णनैस्तव कदाऽस्तु मनः प्रसादो
मद्दृक्पथेऽस्तु च कदा तव दिव्यमूर्तिः।
मत्कर्णगं तव वचोऽस्तु कदेति साशं
श्रीमातृभूत शिव पालय मां नमस्ते॥९७॥

कालेऽर्कनन्दन लुलायकटुस्वनोद्य-
त्कर्णज्वरापनयनैर्भवदुक्षजैर्मे।
ध्वानामृतैः किमपि शर्म विनिर्मिमाणः
श्रीमातृभूत शिव पालय मां नमस्ते॥९८॥

यं ते दया स्पृशति तन्नयनान्तदासाः
ब्रह्मादयो जगति दीनजनास्पदा सा।
दीनाग्रणीरहमतः पुनरुक्तिरेषा
श्रीमातृभूत शिव पालय मां नमस्ते॥९९॥

अन्यन्न मेऽभिमतमीश तदर्प्यतां वा
मा वेप्सितं तु तदिदं भवताऽर्पणीयम्।
यत् सर्वदा निभृतवृत्त्यभिधानमित्थं
श्रीमातृभूत शिव पालय मां नमस्ते॥१००॥

हे शङ्कर स्मरहर प्रमथाधिनाथ
मन्नाथ साम्ब शशिचूड शिव त्रिशूलिन्।
श्रीचित्सभेश करुणाकर फालनेत्र
श्रीमातृभूत शिव पालय मां नमस्ते॥१०१॥

एवं स्तवं प्रपठतां उपश‍ृण्वताञ्चा-
रोग्यायुरच्छशिवभक्ति धनर्द्धि विद्याः।
दद्याः सुतानपि यशश्च विमुक्तिमन्ते
श्रीमातृभूत शिव पालय मां नमस्ते॥१०२॥

श्रीमातृभूत शिव चन्दनसान्द्रलिप्तां
सङ्क्ऌप्तहेमतिलकां श्रितपुष्पमाल्याम्।
अक्ष्णाऽमुना तव तनुं पिबतोऽक्ष्युदन्या
स्यान्मे यथाशु फलिनीश तथा दयेथाः॥१०३॥

मनो मे विक्रीतं तव चरणसेवां कलयितुं
कृपामूल्यं लब्धं सुरभिचिकुरे सम्प्रति मया।
न जाने तद् दुष्टं निवसति च वा धावति च वा
कृतं भूयो भूयः करतलयुगास्फालनमुमे॥१०४॥

॥इति श्रीश्रीधरवेङ्कटेशार्यविरचितं मातृभूतशतकं सम्पूर्णम्।

श्री-लक्ष्मी-नृसिंह-पञ्चरत्न-स्तोत्रम्

Fri, 16 Aug 2024 00:00:00 +0000

श्री-लक्ष्मी-नृसिंह-पञ्चरत्न-स्तोत्रम्

त्वत्-प्रभु-जीव-प्रियमिच्छसि चेन्नरहरि-पूजां कुरु सततं
प्रतिबिम्बालङ्कृति-धृति-कुशलो बिम्बालङ्कृतिमातनुते।
चेतो-भृङ्ग भ्रमसि वृथा भव-मरु-भूमौ विरसायां
भज भज लक्ष्मी-नरसिंहानघ-पद-सरसिज-मकरन्दम्॥१॥

शुक्तौ रजत-प्रतिभा जाता कटकाद्यर्थ-समर्था चेद्
दुःखमयी ते संसृतिरेषा निर्वृति-दाने निपुणा स्यात्।
चेतो-भृङ्ग भ्रमसि वृथा भव-मरु-भूमौ विरसायां
भज भज लक्ष्मी-नरसिंहानघ-पद-सरसिज-मकरन्दम्॥२॥

आकृति-साम्याच्छाल्मलि-कुसुमे स्थल-नलिनत्व-भ्रममकरोः
गन्ध-रसाविह किमु विद्येते विफलं भ्राम्यसि भृश-विरसेऽस्मिन्।
चेतो-भृङ्ग भ्रमसि वृथा भव-मरु-भूमौ विरसायां
भज भज लक्ष्मी-नरसिंहानघ-पद-सरसिज-मकरन्दम्॥३॥

स्रक्-चन्दन-वनितादीन् विषयान् सुखदान् मत्वा तत्र विहरसे
गन्ध-फली-सदृशा ननु तेऽमी भोगानन्तर-दुःख-कृतः स्युः।
चेतो-भृङ्ग भ्रमसि वृथा भव-मरु-भूमौ विरसायां
भज भज लक्ष्मी-नरसिंहानघ-पद-सरसिज-मकरन्दम्॥४॥

तव हितमेकं वचनं वक्ष्ये श‍ृणु सुख-कामो यदि सततं
स्वप्ने दृष्टं सकलं हि मृषा जाग्रति च स्मर तद्वदिति।
चेतो-भृङ्ग भ्रमसि वृथा भव-मरु-भूमौ विरसायां
भज भज लक्ष्मी-नरसिंहानघ-पद-सरसिज-मकरन्दम्॥५॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-लक्ष्मी-नृसिंह-पञ्चरत्न-स्तोत्रं सम्पूर्णम्॥

श्रीसुब्रह्मण्याष्टकम्

Fri, 16 Aug 2024 00:00:00 +0000

श्रीसुब्रह्मण्याष्टकम्

हे स्वामिनाथ करुणाकर दीनबन्धो
श्रीपार्वतीशमुखपङ्कजपद्मबन्धो।
श्रीशादिदेवगणपूजितपादपद्म
वल्लीशनाथ मम देहि करावलम्बम्॥१॥

देवाधिदेवसुत देवगणाधिनाथ
देवेन्द्रवन्द्यमृदुपङ्कजमञ्जुपाद।
देवर्षिनारदमुनीन्द्रसुगीतकीर्ते
वल्लीशनाथ मम देहि करावलम्बम्॥२॥

नित्यान्नदाननिरताखिलरोगहारिन्
भाग्यप्रदानपरिपूरितभक्तकाम।
श‍ृत्यागमप्रणववाच्यनिजस्वरूप
वल्लीशनाथ मम देहि करावलम्बम्॥३॥

क्रौञ्चासुरेन्द्रपरिखण्डन शक्तिशूल-
चापादिशस्त्रपरिमण्डितदिव्यपाणे।
श्रीकुण्डलीशधरतुण्डशिखीन्द्रवाह
वल्लीशनाथ मम देहि करावलम्बम्॥४॥

देवाधिदेवरथमण्डलमध्यवेऽद्य
देवेन्द्रपीठनकरं दृढचापहस्तम्।
शूरं निहत्य सुरकोटिभिरीड्यमान
वल्लीशनाथ मम देहि करावलम्बम्॥५॥

हारादिरत्नमणियुक्तकिरीटहार
केयूरकुण्डललसत्कवचाभिरामम्।
हे वीर तारकजयामरवृन्दवन्द्य
वल्लीशनाथ मम देहि करावलम्बम्॥६॥

पञ्चाक्षरादिमनुमन्त्रितगाङ्गतोयैः
पञ्चामृतैः प्रमुदितेन्द्रमुखैर्मुनीन्द्रैः।
पट्टाभिषिक्तहरियुक्त परासनाथ
वल्लीशनाथ मम देहि करावलम्बम्॥७॥

श्रीकार्तिकेय करुणामृतपूर्णदृष्ट्या
कामादिरोगकलुषीकृतदुष्टचित्तम्।
सिक्त्वा तु मामव कलाधरकान्तिकान्त्या
वल्लीशनाथ मम देहि करावलम्बम्॥८॥

सुब्रह्मण्याष्टकं पुण्यं ये पठन्ति द्विजोत्तमाः।

ते सर्वे मुक्तिमायान्ति सुब्रह्मण्यप्रसादतः॥

सुब्रह्मण्याष्टकमिदं प्रातरुत्थाय यः पठेत्।

कोटिजन्मकृतं पापं तत्क्षणादेव नश्यति॥

॥इति श्रीसुब्रह्मण्याष्टकं सम्पूर्णम्॥

रोगनिवारणश्लोकाः

Fri, 10 Apr 2020 00:00:00 +0000

रोगनिवारणश्लोकाः

ममोपात्त- + श्री-परमेश्वर-प्रीत्यर्थं ज्वर-औपसर्गिकादि-नानाविध-साङ्क्रामिक-रोगाणाम् उन्मूलनार्थम् आरोग्य-प्राप्त्यर्थम् अस्मद्देशीयानां विदेशीयानां चापि सर्वेषां व्याधि-भय-निवृत्त्यर्थं सर्वलोकक्षेमार्थं रोगनिवारक-भगवन्नाम-स्तोत्र-पारायणं करिष्ये ।

अच्युतानन्तगोविन्द-नामोच्चारणभेषजात्।

नश्यन्ति सकला रोगाः सत्यं सत्यं वदाम्यहम्॥

शरीरे जर्जरीभूते व्याधिग्रस्ते कलेवरे।

औषधं जाह्नवीतोयं वैद्यो नारायणो हरिः॥

सुमीनाक्षिपते शम्भो सोमसुन्दरनायक।

इमाम् आपदमुत्पन्नां मदीयां नाशय प्रभो॥

आर्ता विषण्णाः शिथिलाश्च भीताः
घोरेषु च व्याधिषु वर्तमानाः।
सङ्कीर्त्य नारायणशब्दमात्रं
विमुक्तदुःखाः सुखिनो भवन्ति॥

बालाम्बिकेश वैद्येश भवरोगहरेति च।

जपेन्नामत्रयं नित्यं महारोगनिवारणम्॥

पञ्चापगेश जप्येश प्रणतार्तिहरेति च।

जपेन्नामत्रयं नित्यं पुनर्जन्म न विद्यते॥

अपस्मारकुष्ठक्षयार्शः-प्रमेह-
ज्वरोन्मादगुल्मादिरोगा महान्तः।
पिशाचाश्च सर्वे भवत्पत्रभूतिं
विलोक्य क्षणात् तारकारे द्रवन्ते॥

किरन्तीमङ्गेभ्यः किरणनिकुरुम्बामृतरसं
हृदि त्वामाधत्ते हिमकरशिलामूर्तिमिव यः।
स सर्पाणां दर्पं शमयति शकुन्ताधिप इव
ज्वरप्लुष्टान् दृष्ट्या सुखयति सुधाधारसिरया॥

मृगाः पक्षिणो दंशका ये च दुष्टाः
तथा व्याधयो बाधका ये मदङ्गे।
भवच्छक्तितीक्ष्णाग्रभिन्नाः सुदूरे
विनश्यन्तु ते चूर्णितक्रौञ्चशैल॥

क्रिमि-नाशन-मन्त्राः

(तैत्तिरीयारण्यकम्/प्रपाठकः – ४/अनुवाकाः ३६--४०)
अत्रि॑णा त्वा क्रिमे हन्मि।
कण्वे॑न ज॒मद॑ग्निना।
वि॒श्वाव॑सो॒र्ब्रह्म॑णा ह॒तः।
क्रिमी॑णा॒ꣳ॒ राजा᳚।
अप्ये॑षाꣴ स्थ॒पति॑र्ह॒तः।
अथो॑ मा॒ताऽथो॑ पि॒ता।
अथो᳚ स्थू॒रा अथो᳚ क्षु॒द्राः।
अथो॑ कृ॒ष्णा अथो᳚ श्वे॒ताः।
अथो॑ आ॒शाति॑का ह॒ताः।
श्वे॒ताभिः॑ स॒ह सर्वे॑ ह॒ताः॥७७॥
आह॒राव॑द्य।
शृ॒तस्य॑ ह॒विषो॒ यथा᳚।
तथ्स॒त्यम्।
यद॒मुं य॒मस्य॒ जम्भ॑योः।
आद॑धामि॒ तथा॒ हि तत्।
खण्फण्म्रसि॑॥७८॥
ब्रह्म॑णा त्वा शपामि।
ब्रह्म॑णस्त्वा श॒पथे॑न शपामि।
घो॒रेण॑ त्वा॒ भृगू॑णां॒ चक्षु॑षा॒ प्रेक्षे᳚।
रौ॒द्रेण॒ त्वाङ्गि॑रसां॒ मन॑सा ध्यायामि।
अ॒घस्य॑ त्वा॒ धार॑या विद्ध्यामि।
अध॑रो॒ मत्प॑द्यस्वासौ॥७९॥
उत्तु॑द शिमिजावरि।
तल्पे॑जे॒ तल्प॒ उत्तु॑द।
गि॒रीꣳ रनु॒ प्रवे॑शय।
मरी॑ची॒रुप॒ सन्नु॑द।
याव॑दि॒तः पु॒रस्ता॑दु॒दया॑ति॒ सूर्यः॑।
ताव॑दि॒तो॑ऽमुं ना॑शय।
यो᳚ऽस्मान्द्वेष्टि॑।
यं च॑ व॒यं द्वि॒ष्मः॥८०॥
भूर्भुवः॒ सुवो॒ भूर्भुवः॒ सुवो॒ भूर्भुवः॒ सुवः॑।
भुवो᳚ऽद्धायि॒ भुवो᳚ऽद्धायि॒ भुवो᳚ऽद्धायि।
नृ॒म्णायि नृ॒म्णं नृ॒म्णायि नृ॒म्णं नृ॒म्णायि नृ॒म्णम्।
नि॒धाय्यो॑ वायि नि॒धाय्यो॑ वायि नि॒धाय्यो॑ वायि।
ए अ॒स्मे अ॒स्मे।
सुव॒र्न ज्योतीः᳚॥८१॥

श्री-कामाक्षी चूर्णिका

Sun, 09 Feb 2020 00:00:00 +0000

॥श्री-चन्द्रमौलीश्वराय नमः॥
॥श्री-कामाक्षी देव्यै नमः॥
॥श्री-कामाक्षी चूर्णिका॥
१. जय जय श्री-कामगिरीन्द्र-निलये।
२. जय जय श्री-कामकोटि-पीठस्थिते।
३. जय जय श्री-त्रिचत्वारिंशत्कोण-श्रीचक्रान्तराल-बिन्दु-पीठोपरि-लसत्पञ्च-ब्रह्ममय-मञ्चमध्यस्थ श्री-शिवकामेश-वामाङ्क-निलये।
४. जय जय श्रीविधिहरिहर-सुरगण-वन्दित-चरणारविन्दयुगले।
५. जय जय श्रीमद्रमा-वाणीन्द्राणी-प्रमुख-रमणी-करकमल-समर्पित चरणकमले।
६. जय जय श्री-निखिल-निगमागम-सकल-संवेद्यमान-विविध-वस्त्रालङ्कृत-हेम-निर्मितानर्घभूषण-भूषित-दिव्य-मूर्ते।
७. जय जय श्री-अनवरताभिषेक धूपदीप नैवेद्यादि नानाविधोपचारैः परिशोभिते।
८. जय जय श्री-श्री-काञ्चीनगर्यां द्वात्रिंशद् धर्मप्रतिपादनार्थं स्थापित हेमध्वजालङ्कृते।
९. जय जय श्री-सकल-मन्त्र-तन्त्र-यन्त्रमय-पराबिलाकाश स्वरूपे।
१०. जय जय श्री-काञ्ची नगर्यां कामाक्षी इति प्रख्यात-नामाङ्किते।
११. जय जय श्री-महात्रिपुरसुन्दरी बहु पराक्।

PDF:A5 / print Kindle Kindle Scribe

कावेरी प्रार्थना

Sat, 29 Jun 2019 00:00:00 +0000

कावेरी प्रार्थना

मरुद्वृधे महाभागे महादेवि मनोहरे।

सर्वाभीष्टप्रदे देवि स्नास्थितां पुण्यवर्धिनि॥१॥

सर्वपापक्षयकरे मम पापं विनाशय।

कवेरकन्ये कावेरि समुद्रमहिषिप्रिये॥२॥

देहि मे भक्तिमुक्ति त्वं सर्वतीर्थस्वरूपिणि।

सिन्धुवर्ये दयासिन्धो मामुद्धर दयाम्बुधे॥३॥

स्त्रियं देहि सुतं देहि श्रियं देहि ततः स्वगा।

आयुष्यं देहि चाऽऽरोग्यं ऋणान्मुक्तं कुरुष्व माम्॥४॥

तासां च सरितां मध्ये सह्यकन्याऽघनाशिनि।

कावेरि लोकविख्याता जनतापनिवारिणि॥५॥

॥इति श्री-ब्रह्माण्ड पुराणे कावरी प्रार्थना सम्पूर्णा॥

PDF:A5 / print Kindle Kindle Scribe

अर्धनारीश्वराष्टोत्तरशतनामस्तोत्रम्

Sun, 26 Aug 2018 00:00:00 +0000

अर्धनारीश्वराष्टोत्तरशतनामस्तोत्रम्

चामुण्डिकाम्बा श्रीकण्ठः पार्वती परमेश्वरः।

महाराज्ञी महादेवः सदाराध्या सदाशिवः॥१॥

शिवार्धाङ्गी शिवार्धाङ्गो भैरवी कालभैरवः।

शक्तित्रितयरूपाढ्या मूर्तित्रितयरूपवान्॥२॥

कामकोटि-सुपीठस्था काशीक्षेत्रसमाश्रयः।

दाक्षायणी दक्षवैरिः शूलिनी शूलधारकः॥३॥

ह्रीङ्कारपञ्जरशुकी हरिशङ्कररूपवान्।

श्रीमद्गणेशजननी षडानन-सुजन्मभूः॥४॥

पञ्चप्रेतासनारूढा पञ्चब्रह्मस्वरूपभृत्।

चण्डमुण्डशिरश्छेत्री जलन्धरशिरोहरः॥५॥

सिंहवाहा वृषारूढः श्यामाभा स्फटिकप्रभः।

महिषासुरसंहर्त्री गजासुरविमर्दनः॥६॥

महाबलाचलावासा महाकैलासवासभूः।

भद्रकाली वीरभद्रो मीनाक्षी सुन्दरेश्वरः॥७॥

भण्डासुरादिसंहर्त्री दुष्टान्धकविमर्दनः।

मधुकैटभसंहर्त्री मधुरापुरनायकः॥८॥

कालत्रयस्वरूपाढ्या कार्यत्रयविधायकः।

गिरिजाता गिरीशश्च वैष्णवी विष्णुवल्लभः॥९॥

विशालाक्षी विश्वनाथः पुष्पास्त्रा विष्णुमार्गणः।

कौसुम्भवसनोपेता व्याघ्रचर्माम्बरावृतः॥१०॥

मूलप्रकृतिरूपाढ्या परब्रह्मस्वरूपवान्।

रुण्डमालाविभूषाढ्या लसद्रुद्राक्षमालिकः॥११॥

मनोरूपेक्षुकोदण्डा महामेरुधनुर्धरः।

चन्द्रचूडा चन्द्रमौलिर्महामाया महेश्वरः॥१२॥

महाकाली महाकालो दिव्यरूपा दिगम्बरः।

बिन्दुपीठसुखासीना श्रीमदोङ्कारपीठगः॥१३॥

हरिद्राकुङ्कुमालिप्ता भस्मोद्धूलितविग्रहः।

महापद्माटवीलोला महाबिल्वाटवीप्रियः॥१४॥

सुधामयी विषधरो मातङ्गी मकुटेश्वरः।

वेदवेद्या वेदवाजी चक्रेशी विष्णुचक्रदः॥१५॥

जगन्मयी जगद्रूपो मृडानी मृत्युनाशनः।

रामार्चितपदाम्भोजा कृष्णपुत्रवरप्रदः॥१६॥

रमावाणीसुसंसेव्या विष्णुब्रह्मसुसेवितः।

सूर्यचन्द्राग्निनयना तेजस्त्रयविलोचनः॥१७॥

चिदग्निकुण्डसम्भूता महालिङ्गसमुद्भवः।

कम्बुकण्ठी कालकण्ठो वज्रेशी वज्रिपूजितः॥१८॥

त्रिकण्टकी त्रिभङ्गीशो भस्मरक्षा स्मरान्तकः।

हयग्रीववरोद्धात्री मार्कण्डेयवरप्रदः॥१९॥

चिन्तामणिगृहावासा मन्दराचलमन्दिरः।

विन्ध्याचलकृतावासा विन्ध्यशैलार्यपूजितः॥२०॥

मनोन्मनी लिङ्गरूपो जगदम्बा जगत्पिता।

योगनिद्रा योगगम्यो भवानी भवमूर्तिमान्॥२१॥

श्रीचक्रात्मरथारूढा धरणीधरसंस्थितः।

श्रीविद्यावेद्यमहिमा निगमागमसंश्रयः॥२२॥

दशशीर्षसमायुक्ता पञ्चविंशतिशीर्षवान्।

अष्टादशभुजायुक्ता पञ्चाशत्करमण्डितः॥२३॥

ब्राह्म्यादिमातृकारूपा शताष्टेकादशात्मवान्।

स्थिरा स्थाणुस्तथा बाला सद्योजात उमा मृडः॥२४॥

शिवा शिवश्च रुद्राणी रुद्रश्चैवेश्वरीश्वरः।

कदम्बकाननावासा दारुकारण्यलोलुपः॥२५॥

नवाक्षरीमनुस्तुत्या पञ्चाक्षरमनुप्रियः।

नवावरणसम्पूज्या पञ्चायतनपूजितः॥२६॥

देहस्थषट्चक्रदेवी दहराकाशमध्यगः।

योगिनीगणसंसेव्या भृग्वादिप्रमथावृतः॥२७॥

उग्रताराघोररूपः शर्वाणी शर्वमूर्तिमान्।

नागवेणी नागभूषो मन्त्रिणी मन्त्रदैवतः॥२८॥

ज्वलज्जिह्वा ज्वलन्नेत्रो दण्डनाथा दृगायुधः।

पार्थाञ्जनास्त्रसन्दात्री पार्थपाशुपतास्त्रदः॥२९॥

पुष्पवच्चक्रताटङ्का फणिराजसुकुण्डलः।

बाणपुत्रीवरोद्धात्री बाणासुरवरप्रदः॥३०॥

व्यालकञ्चुकसंवीता व्यालयज्ञोपवीतवान्।

नवलावण्यरूपाढ्या नवयौवनविग्रहः॥३१॥

नाट्यप्रिया नाट्यमूर्तिस्त्रिसन्ध्या त्रिपुरान्तकः।

तन्त्रोपचारसुप्रीता तन्त्रादिमविधायकः॥३२॥

नववल्लीष्टवरदा नववीरसुजन्मभूः।

भ्रमरज्या वासुकिज्यो भेरुण्डा भीमपूजितः॥३३॥

निशुम्भशुम्भदमनी नीचापस्मारमर्दनः।

सहस्राराम्बुजारूढा सहस्रकमलार्चितः॥३४॥

गङ्गासहोदरी गङ्गाधरो गौरी त्रियम्बकः।

श्रीशैलभ्रमराम्बाख्या मल्लिकार्जुनपूजितः॥३५॥

भवतापप्रशमनी भवरोगनिवारकः।

चन्द्रमण्डलमध्यस्था मुनिमानसहंसकः॥३६॥

प्रत्यङ्गिरा प्रसन्नात्मा कामेशी कामरूपवान्।

स्वयम्प्रभा स्वप्रकाशः कालरात्री कृतान्तहृत्॥३७॥

सदान्नपूर्णा भिक्षाटो वनदुर्गा वसुप्रदः।

सर्वचैतन्यरूपाढ्या सच्चिदानन्दविग्रहः॥३८॥

सर्वमङ्गलरूपाढ्या सर्वकल्याणदायकः।

राजराजेश्वरी श्रीमद्राजराजप्रियङ्करः॥३९॥

अर्धनारीश्वरस्येदं नाम्नामष्टोत्तरं शतम्।

पठन्नर्चन् सदा भक्त्या सर्वसाम्राज्यमाप्नुयात्॥४०॥

॥इति श्रीस्कान्दपुराणे श्री-अर्धनारीश्वराष्टोत्तरशतनामस्तोत्रं सम्पूर्णम्॥

भरद्वाजकृत-रामस्तुतिः

Fri, 29 Dec 2017 00:00:00 +0000

भरद्वाजकृत-रामस्तुतिः

श्री-महादेव उवाच

त्वं ब्रह्म परमं साक्षादादिमध्यान्तवर्जितः।

त्वमग्रे सलिलं सृष्ट्वा तत्र सुप्तोऽसि भूतकृत्॥१०॥

नारायणोऽसि विश्वात्मन्नराणामन्तरात्मकः।

त्वन्नाभिकमलोत्पन्नो ब्रह्मा लोकपितामहः॥११॥

अतस्त्वं जगतामीशः सर्वलोकनमस्कृतः।

त्वं विष्णुर्जानकी लक्ष्मीः शेषोऽयं लक्ष्मणाभिधः॥१२॥

आत्मना सृजसीदं त्वमात्मन्येवाऽऽत्ममायया।

न सज्जसे नभोवत् त्वं चिच्छक्त्या सर्वसाक्षिकः॥१३॥

बहिरन्तश्च भूतानां त्वमेव रघुनन्दन।

पूर्णोऽपि मूढदृष्टीनां विच्छिन्न इव लक्ष्यसे॥१४॥

जगत् त्वं जगदाधारस्त्वमेव परिपालकः।

त्वमेव सर्वभूतानां भोक्ता भोज्यं जगत्पते॥१५॥

दृश्यते श्रूयते यद्यत् स्मर्यते वा रघूत्तम।

त्वमेव सर्वमखिलं त्वद्विनाऽन्यन्न किञ्चन॥१६॥

माया सृजति लोकांश्च स्वगुणैरहमादिभिः।

त्वच्छक्तिप्रेरिता राम तस्मात् त्वय्युपचर्यते॥१७॥

यथा चुम्बकसान्निध्याच्चलन्त्येवायसादयः।

जडास्तथा त्वया दृष्टा माया सृजति वै जगत्॥१८॥

देहद्वयमदेहस्य तव विश्वं रिरक्षिषोः।

विराट् स्थूलं शरीरं ते सूत्रं सूक्ष्ममुदाहृतम्॥१९॥

विराजः सम्भवन्त्येते अवताराः सहस्रशः।

कार्यान्ते प्रविशन्त्येव विराजं रघुनन्दन॥२०॥

अवतारकथां लोके ये गायन्ति गृणन्ति च।

अनन्यमनसो मुक्तिस्तेषामेव रघूत्तम॥२१॥

त्वं ब्रह्मणा पुरा भूमेर्भारहाराय राघव।

प्रार्थितस्तपसा तुष्टस्त्वं जातोऽसि रघोः कुले॥२२॥

देवकार्यमशेषेण कृतं ते राम दुष्करम्।

बहुवर्षसहस्राणि मानुषं देहमाश्रितः॥२३॥

कुर्वन् दुष्करकर्माणि लोकद्वयहिताय च।

पापहारीणि भुवनं यशसा पूरयिष्यसि॥२४॥

प्रार्थयामि जगन्नाथ पवित्रं कुरु मे गृहम्।

स्थित्वाऽद्य भुक्त्वा सबलः श्वो गमिष्यसि पत्तनम्॥२५॥

॥इति श्रीमदध्यात्मरामायणे उमामहेश्वरसंवादे युद्धकाण्डे चतुर्दशे सर्गे
भरद्वाजकृत-रामस्तुतिः सम्पूर्णा॥

सुन्दरहनुमान् महामन्त्रनामस्तोत्रम्

Sun, 27 Nov 2016 00:00:00 +0000

सुन्दरहनुमान् महामन्त्रनामस्तोत्रम्

हनुमान् अञ्जनासूनुर्वायुपुत्रो महाबलः।

कपीन्द्रः पिङ्गलाक्षश्च लङ्काद्वीपभयङ्करः॥१॥

प्रभञ्जनसुतो वीरः सीताशोकविनाशकः।

अक्षहन्ता रामसखो रामकार्यधुरन्धरः॥२॥

महौषधगिरेर्धारी वानरप्राणदायकः।

वारीशतारकश्चैव मैनाकगिरिभञ्जनः॥३॥

निरञ्जनो जितक्रोधः कदलीवनसंवृतः।

ऊर्ध्वरेता महासत्त्वः सर्वमन्त्रप्रवर्तकः॥४॥

महालिङ्गप्रतिष्ठाता बाष्पकृज्जपतान्तरः।

शिवध्यानपरो नित्यं शिवपूजापरायणः॥५॥

॥इति श्री-पराशरसंहितान्तर्गतं श्री-सुन्दरहनुमान् महामन्त्रनामस्तोत्रं सम्पूर्णम्॥

PDF:A5 / print Kindle Kindle Scribe

बालरक्षा

Mon, 26 Jan 2015 00:00:00 +0000

बालरक्षा

नमोऽस्तु ते व्यास विशालबुद्धे फुल्लारविन्दायतपत्रनेत्र।

येन त्वया भारततैलपूर्णः प्रज्वालितो ज्ञानमयः प्रदीपः॥

कस्तूरीतिलकं ललाटपटले वक्षःस्थले कौस्तुभं
नासाग्रे वरमौक्तिकं करतले वेणुः करे कङ्कणम्।
सर्वाङ्गे हरिचन्दनं सुललितं कण्ठे च मुक्तावली
गोपस्त्रीपरिवेष्टितो विजयते गोपालचूडामणिः॥

अस्ति स्वस्तरुणीकराग्रविगलत् कल्पप्रसूनाप्लुतं
वस्तुप्रस्तुतवेणुनादलहरी निर्वाणनिर्व्याकुलम्।
स्रस्तस्रस्तनिबद्धनीविविलसत् गोपीसहस्रावृतं
हस्तन्यस्तनतापवर्गमखिलोदारं किशोराकृति॥

गोप्य ऊचुः

अव्यादजोऽङ्घ्रि मणिमांस्तव जान्वथोरू
यज्ञोऽच्युतः कटितटं जठरं हयास्यः।
हृत्केशवस्त्वदुर ईश इनस्तु कण्ठं
विष्णुर्भुजं मुखमुरुक्रम ईश्वरः कम्॥१॥

चक्र्यग्रतः सहगदो हरिरस्तु पश्चात्
त्वत्पार्श्वयोर्धनुरसी मधुहाऽजनश्च।
कोणेषु शङ्ख उरुगाय उपर्युपेन्द्रः
तार्क्ष्यः क्षितौ हलधरः पुरुषः समन्तात्॥२॥

इन्द्रियाणि हृषीकेशः प्राणान्नारायणोऽवतु।

श्वेतद्वीपपतिश्चित्तं मनो योगेश्वरोऽवतु॥३॥

पृश्निगर्भस्तु ते बुद्धिमात्मानं भगवान् परः।

क्रीडन्तं पातु गोविन्दः शयानं पातु माधवः॥४॥

व्रजन्तमव्याद् वैकुण्ठ आसीनं त्वां श्रियः पतिः।

भुञ्जानं यज्ञभुक् पातु सर्वग्रहभयङ्करः॥५॥

डाकिन्यो यातुधान्यश्च कूष्माण्डा येऽर्भकग्रहाः।

भूतप्रेतपिशाचाश्च यक्षरक्षोविनायकाः॥६॥

कोटरा रेवती ज्येष्ठा पूतना मातृकादयः।

उन्मादा ये ह्यपस्मारा देहप्राणेन्द्रियद्रुहः॥७॥

स्वप्नदृष्टा महोत्पाता वृद्धबालग्रहाश्च ये।

सर्वे नश्यन्तु ते विष्णोर्नामग्रहणभीरवः॥८॥

॥इति श्रीमद्भागवते महापुराणे पारमहंस्यां संहितायां दशमस्कन्धे षष्ठमेऽध्याये गोपीकृतबालरक्षा सम्पूर्णा॥

दक्षिणामूर्तिस्तोत्रम्

Thu, 10 Jul 2014 00:00:00 +0000

दक्षिणामूर्तिस्तोत्रम्

उपासकानां यदुपासनीयम्
उपात्तवासं वटशाखिमूले।
तद्धाम दाक्षिण्यजुषा स्वमूर्त्या
जागर्तु चित्ते मम बोधरूपम्॥१॥

अद्राक्षमक्षीणदयानिधानम्
आचार्यमाद्यं वटमूलभागे।
मौनेन मन्दस्मितभूषितेन
महर्षि लोकस्य तमो नुदन्तम्॥२॥

विद्राविताशेष-तमोगुणेन
मुद्राविशेषेण मुहुर्मुनीनाम्।
निरस्य मायां दयया विधत्ते
देवो महांस्तत्त्वमसीति बोधम्॥३॥

अपारकारुण्यसुधातरङ्गैः
अपाङ्गपातैरवलोकयन्तम्।
कठोरसंसारनिदाघतप्तान्
मुनीनहं नौमि गुरुं गुरूणाम्॥४॥

ममाद्यदेवो वटमूलवासी
कृपाविशेषात् कृतसन्निधानः।
ओङ्काररूपामुपदिश्य विद्याम्
आविद्यकध्वान्तमपाकरोतु॥५॥

कलाभिरिन्दोरिव कल्पिताङ्गं
मुक्ताकलापैरिव बद्धमूर्तिम्।
आलोकये देशिकमप्रमेयम्
अनाद्यविद्यातिमिरप्रभातम्॥६॥

स्वदक्षजानुस्थितवामपादं
पादोदरालङ्कृतयोगपट्टम्।
अपस्मृतेराहितपादमङ्गे
प्रणौमि देवं प्रणिधानवन्तम्॥७॥

तत्त्वार्थमन्तेवसतामृषीणां
युवाऽपि यः सन्नुपदेष्टुमीष्टे।
प्रणौमि तं प्राक्तनपुण्यजालैः
आचार्यमाश्चर्यगुणाधिवासम्॥८॥

एकेन मुद्रां परशुं करेण
करेण चान्येन मृगं दधानः।
स्वजानुविन्यस्तकरः पुरस्तात्
आचार्यचूडामणिराविरस्तु॥९॥

आलेपवन्तं मदनाङ्गभूत्या
शार्दूलकृत्त्या परिधानवन्तम्।
आलोकये कञ्चनदेशिकेन्द्रम्
अज्ञानवाराकरबाडवाग्निम्॥१०॥

चारुस्मितं सोमकलावतंसं
वीणाधरं व्यक्तजटाकलापम्।
उपासते केचन योगिनस्त्वाम्
उपात्तनादानुभवप्रमोदम्॥११॥

उपासते यं मुनयः शुकाद्याः
निराशिषो निर्ममताधिवासाः।
तं दक्षिणामूर्तितनुं महेशम्
उपास्महे मोहमहार्तिशान्त्यै॥१२॥

कान्त्या निन्दितकुन्दकन्दलवपुर्न्यग्रोधमूले वसन्
कारुण्यामृतवारिभिर्मुनिजनं सम्भावयन् वीक्षितैः।
मोहध्वान्तविभेदनं विरचयन् बोधेन तत्तादृशा
देवस्तत्त्वमसीति बोधयतु मां मुद्रावता पाणिना॥१३॥

अगौरगात्रैरललाटनेत्रैः
अशान्तवेषैरभुजङ्गभूषैः।
अबोधमुद्रैरनपास्तनिद्रैः
अपूर्णकामैरमरैरलं नः॥१४॥

दैवतानि कति सन्ति चावनौ
नैव तानि मनसो मतानि मे।
दीक्षितं जडधियामनुग्रहे
दक्षिणाभिमुखमेव दैवतम्॥१५॥

मुदिताय मुग्धशशिनावतंसिने
भसितावलेपरमणीयमूर्तये।
जगदीन्द्रजालरचनापटीयसे
महसे नमोऽस्तु वटमूलवासिने॥१६॥

व्यालम्बिनीभिः परितो जटाभिः
कलावशेषेण कलाधरेण।
पश्यल्ललाटेन मुखेन्दुना च
प्रकाशसे चेतसि निर्मलानाम्॥१७॥

उपासकानां त्वमुमासहायः
पूर्णेन्दुभावं प्रकटीकरोषि।
यदद्य ते दर्शनमात्रतो मे
द्रवत्यहो मानसचन्द्रकान्तः॥१८॥

यस्ते प्रसन्नामनुसन्दधानो
मूर्तिं मुदा मुग्धशशाङ्कमौलेः।
ऐश्वर्यमायुर्लभते च विद्याम्
अन्ते च वेदान्तमहारहस्यम्॥१९॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-दक्षिणामूर्तिस्तोत्रं सम्पूर्णम्॥

दुर्गापञ्चरत्नम्

Thu, 10 Jul 2014 00:00:00 +0000

Pancharatnam

दुर्गापञ्चरत्नम्

ते ध्यान-योगानुगता अपश्यन्
त्वामेव देवीं स्वगुणैर्निगूढाम्।
त्वमेव शक्तिः परमेश्वरस्य
मां पाहि सर्वेश्वरि मोक्षदात्रि॥१॥

देवात्मशक्तिः श्रुतिवाक्यगीता
महर्षि लोकस्य पुरः प्रसन्ना।
गुहा परं व्योम सतः प्रतिष्ठा
मां पाहि सर्वेश्वरि मोक्षदात्रि॥२॥

परास्य शक्तिर्विविधैव श्रूयसे
श्वेताश्व-वाक्योदित-देवि दुर्गे।
स्वाभाविकी ज्ञानबलक्रिया ते
मां पाहि सर्वेश्वरि मोक्षदात्रि॥३॥

देवात्मशब्देन शिवात्मभूता
यत्कूर्मवायव्यवचो विवृत्या।
त्वं पाशविच्छेदकरी प्रसिद्धा
मां पाहि सर्वेश्वरि मोक्षदात्रि॥४॥

त्वं ब्रह्मपुच्छा विविधा मयूरी
ब्रह्म-प्रतिष्ठाऽस्युपदिष्ट-गीता।
ज्ञानस्वरूपात्मतयाऽखिलानां
मां पाहि सर्वेश्वरि मोक्षदात्रि॥५॥

॥इति श्री-काञ्चीजगद्गुरु-श्री-चन्द्रशेखरेन्द्रसरस्वती-श्रीचरणैः विरचितं श्री-दुर्गापञ्चरत्नं सम्पूर्णम्॥

PDF:A5 / print Kindle Kindle Scribe

बुधपञ्चविंशतिनामस्तोत्रम्

Thu, 10 Jul 2014 00:00:00 +0000

Nama Stotram

बुधपञ्चविंशतिनामस्तोत्रम्

बुधो बुद्धिमतां श्रेष्ठो बुद्धिदाता धनप्रदः।

प्रियङ्गुकलिकाश्यामः कञ्जनेत्रो मनोहरः॥१॥

ग्रहोपमो रौहिणेयो नक्षत्रेशो दयाकरः।

विरुद्धकार्यहन्ता च सौम्यो बुद्धिविवर्धनः॥२॥

चन्द्रात्मजो विष्णुरूपी ज्ञानिज्ञो ज्ञानिनायकः।

ग्रहपीडाहरो दारपुत्रधान्यपशुप्रदः॥३॥

लोकप्रियः सौम्यमूर्तिर्गुणदो गुणिवत्सलः।

पञ्चविंशतिनामानि बुधस्यैतानि यः पठेत्॥४॥

स्मृत्वा बुधं सदा तस्य पीडा सर्वा विनश्यति।

तद्दिने वा पठेद्यस्तु लभते स मनोगतम्॥५॥

॥इति श्री-पद्मपुराणे श्री-बुधपञ्चविंशतिनामस्तोत्रं सम्पूर्णम्॥

PDF:A5 / print Kindle Kindle Scribe

महागणेशपञ्चरत्नम्

Thu, 10 Jul 2014 00:00:00 +0000

Pancharatnam

महागणेशपञ्चरत्नम्

मुदाकरात्तमोदकं सदाविमुक्तिसाधकं
कलाधरावतंसकं विलासिलोकरक्षकम्।
अनायकैकनायकं विनाशितेभदैत्यकं
नताशुभाशुनाशकं नमामि तं विनायकम्॥१॥

नतेतरातिभीकरं नवोदितार्कभास्वरं
नमत्सुरारिनिर्जरं नताधिकापदुद्धरम्।
सुरेश्वरं निधीश्वरं गजेश्वरं गणेश्वरं
महेश्वरं तमाश्रये परात्परं निरन्तरम्॥२॥

समस्तलोकशङ्करं निरस्तदैत्यकुञ्जरं
दरेतरोदरं वरं वरेभवक्त्रमक्षरम्।
कृपाकरं क्षमाकरं मुदाकरं यशस्करं
मनस्करं नमस्कृतां नमस्करोमि भास्वरम्॥३॥

अकिञ्चनार्तिमार्जनं चिरन्तनोक्तिभाजनं
पुरारिपूर्वनन्दनं सुरारिगर्वचर्वणम्।
प्रपञ्चनाशभीषणं धनञ्जयादिभूषणं
कपोलदानवारणं भजे पुराणवारणम्॥४॥

नितान्तकान्तदन्तकान्तिमन्तकान्तकात्मजम्
अचिन्त्यरूपमन्तहीनमन्तरायकृन्तनम्।
हृदन्तरे निरन्तरं वसन्तमेव योगिनां
तमेकदन्तमेव तं विचिन्तयामि सन्ततम्॥५॥

महागणेशपञ्चरत्नमादरेण योऽन्वहं
प्रजल्पति प्रभातके हृदि स्मरन् गणेश्वरम्।
अरोगतामदोषतां सुसाहितीं सुपुत्रतां
समाहितायुरष्टभूतिमभ्युपैति सोऽचिरात्॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-महागणेशपञ्चरत्नं सम्पूर्णम्॥

PDF:A5 / print Kindle Kindle Scribe

महालक्ष्म्यष्टकम्

Thu, 10 Jul 2014 00:00:00 +0000

Ashtakam

महालक्ष्म्यष्टकम्

इन्द्र उवाच

नमस्तेऽस्तु महामाये श्रीपीठे सुरपूजिते।

शङ्खचक्रगदाहस्ते महालक्ष्मि नमोऽस्तु ते॥१॥

नमस्ते गरुडारूढे कोलासुरभयङ्करि।

सर्वपापहरे देवि महालक्ष्मि नमोऽस्तु ते॥२॥

सर्वज्ञे सर्ववरदे सर्वदुष्टभयङ्करि।

सर्वदुःखहरे देवि महालक्ष्मि नमोऽस्तु ते॥३॥

सिद्धिबुद्धिप्रदे देवि भुक्तिमुक्तिप्रदायिनि।

मन्त्रमूर्ते सदा देवि महालक्ष्मि नमोऽस्तु ते॥४॥

आद्यन्तरहिते देवि आद्यशक्तिमहेश्वरि।

योगजे योगसम्भूते महालक्ष्मि नमोऽस्तु ते॥५॥

स्थूलसूक्ष्ममहारौद्रे महाशक्ति महोदरे।

महापापहरे देवि महालक्ष्मि नमोऽस्तु ते॥६॥

पद्मासनस्थिते देवि परब्रह्मस्वरूपिणि।

परमेशि जगन्मातर्महालक्ष्मि नमोऽस्तु ते॥७॥

श्वेताम्बरधरे देवि नानालङ्कारभूषिते।

जगत्स्थिते जगन्मातर्महालक्ष्मि नमोऽस्तु ते॥८॥

महालक्ष्म्यष्टकं स्तोत्रं यः पठेद् भक्तिमान्नरः।

सर्वसिद्धिमवाप्नोति राज्यं प्राप्नोति सर्वदा॥

एककाले पठेन्नित्यं महापापविनाशनम्।

द्विकालं यः पठेन्नित्यं धनधान्यसमन्वितः॥

त्रिकालं यः पठेन्नित्यं महाशत्रुविनाशनम्।

महालक्ष्मीर्भवेन्नित्यं प्रसन्ना वरदा शुभा॥

॥इति श्रीमद्पद्मपुराणे श्री-महालक्ष्म्यष्टकं सम्पूर्णम्॥

वेङ्कटेश करावलम्बस्तोत्रम्

Thu, 10 Jul 2014 00:00:00 +0000

वेङ्कटेश करावलम्बस्तोत्रम्

श्रीशेषशैल-सुनिकेतन दिव्यमूर्ते
नारायणाच्युत हरे नलिनायताक्ष।
लीलाकटाक्ष-परिरक्षित-सर्वलोक
श्रीवेङ्कटेश मम देहि करावलम्बम्॥१॥

ब्रह्मादिवन्दितपदाम्बुज शङ्खपाणे
श्रीमत्सुदर्शन-सुशोभित-दिव्यहस्त।
कारुण्यसागर शरण्य सुपुण्यमूर्ते
श्रीवेङ्कटेश मम देहि करावलम्बम्॥२॥

वेदान्त-वेद्य भवसागर-कर्णधार
श्रीपद्मनाभ कमलार्चितपादपद्म।
लोकैक-पावन परात्पर पापहारिन्
श्रीवेङ्कटेश मम देहि करावलम्बम्॥३॥

लक्ष्मीपते निगमलक्ष्य निजस्वरूप
कामादिदोष-परिहारक बोधदायिन्।
दैत्यादिमर्दन जनार्दन वासुदेव
श्रीवेङ्कटेश मम देहि करावलम्बम्॥४॥

तापत्रयं हर विभो रभसा मुरारे
संरक्ष मां करुणया सरसीरुहाक्ष।
मच्छिष्य इत्यनुदिनं परिरक्ष विष्णो
श्रीवेङ्कटेश मम देहि करावलम्बम्॥५॥

श्री-जातरूपनवरत्न-लसत्किरीट
कस्तूरिकातिलकशोभिललाटदेश।
राकेन्दुबिम्ब-वदनाम्बुज-वारिजाक्ष
श्रीवेङ्कटेश मम देहि करावलम्बम्॥६॥

वन्दारुलोक-वरदान-वचोविलास
रत्नाढ्यहार-परिशोभित-कम्बुकण्ठ।
केयूररत्न-सुविभासि-दिगन्तराल
श्रीवेङ्कटेश मम देहि करावलम्बम्॥७॥

दिव्याङ्गदाञ्चित-भुजद्वय मङ्गलात्मन्
केयूरभूषण-सुशोभित-दीर्घबाहो।
नागेन्द्र-कङ्कण-करद्वय कामदायिन्
श्रीवेङ्कटेश मम देहि करावलम्बम्॥८॥

स्वामिन् जगद्धरणवारिधिमध्यमग्नं
मामुद्धराद्य कृपया करुणापयोधे।
लक्ष्मीं च देहि मम धर्म-समृद्धिहेतुं
श्रीवेङ्कटेश मम देहि करावलम्बम्॥९॥

दिव्याङ्गराग-परिचर्चित-कोमलाङ्ग
पीताम्बरावृत-तनो तरुणार्क-दीप्ते।
सत्काञ्चनाभ-परिधान-सुपट्टबन्ध
श्रीवेङ्कटेश मम देहि करावलम्बम्॥१०॥

रत्नाढ्यदाम-सुनिबद्ध-कटि-प्रदेश
माणिक्य-दर्पण-सुसन्निभ-जानुदेश।
जङ्घाद्वयेन-परिमोहित-सर्वलोक
श्रीवेङ्कटेश मम देहि करावलम्बम्॥११॥

लोकैकपावन-सरित्परिशोभिताङ्घ्रे
त्वत्पाददर्शन दिने च ममाघमीश।
हार्दं तमश्च सकलं लयमाप भूमन्
श्रीवेङ्कटेश मम देहि करावलम्बम्॥१२॥

कामादि-वैरि-निवहोऽच्युत मे प्रयातः
दारिद्र्यमप्यपगतं सकलं दयालो।
दीनं च मां समवलोक्य दयार्द्र-दृष्ट्या
श्रीवेङ्कटेश मम देहि करावलम्बम्॥१३॥

श्रीवेङ्कटेश-पदपङ्कज-षट्पदेन
श्रीमन्नृसिंहयतिना रचितं जगत्याम्।
ये तत्पठन्ति मनुजाः पुरुषोत्तमस्य
ते प्राप्नुवन्ति परमां पदवीं मुरारेः॥१४॥

॥इति श्री-शृङ्गेरि-जगद्गुरुणा श्री-नृसिंहभारती-स्वामिना रचितं श्री-वेङ्कटेश-करावलम्बस्तोत्रं सम्पूर्णम्॥

शारदाभुजङ्गप्रयाताष्टकम्

Thu, 10 Jul 2014 00:00:00 +0000

Ashtakam

शारदाभुजङ्गप्रयाताष्टकम्

सुवक्षोजकुम्भां सुधापूर्णकुम्भां
प्रसादावलम्बां प्रपुण्यावलम्बाम्।
सदास्येन्दुबिम्बां सदानोष्ठबिम्बां
भजे शारदाम्बामजस्रं मदम्बाम्॥१॥

कटाक्षे दयार्द्रो करे ज्ञानमुद्रां
कलाभिर्विनिद्रां कलापैः सुभद्राम्।
पुरस्त्रीं विनिद्रां पुरस्तुङ्गभद्रां
भजे शारदाम्बामजस्रं मदम्बाम्॥२॥

ललामाङ्कफालां लसद्गानलोलां
स्वभक्तैकपालां यशःश्रीकपोलाम्।
करे त्वक्षमालां कनत्प्रत्नलोलां
भजे शारदाम्बामजस्रं मदम्बाम्॥३॥

सुसीमन्तवेणीं दृशा निर्जितैणीं
रमत्कीरवाणीं नमद्वज्रपाणीम्।
सुधामन्थरास्यां मुदा चिन्त्यवेणीं
भजे शारदाम्बामजस्रं मदम्बाम्॥४॥

सुशान्तां सुदेहां दृगन्ते कचान्तां
लसत्सल्लताङ्गीमनन्तामचिन्त्याम्।
स्मरेत्तापसैः सङ्गपूर्वस्थितां तां
भजे शारदाम्बामजस्रं मदम्बाम्॥५॥

कुरङ्गे तुरङ्गे मृगेन्द्रे खगेन्द्रे
मराले मदेभे महोक्षेऽधिरूढाम्।
महत्यां नवम्यां सदा सामरूपां
भजे शारदाम्बामजस्रं मदम्बाम्॥६॥

ज्वलत्कान्तिवह्निं जगन्मोहनाङ्गीं
भजे मानसाम्भोजसुभ्रान्तभृङ्गीम्।
निजस्तोत्रसङ्गीतनृत्यप्रभाङ्गीं
भजे शारदाम्बामजस्रं मदम्बाम्॥७॥

भवाम्भोजनेत्राजसम्पूज्यमानां
लसन्मन्दहासप्रभावक्त्रचिह्नाम्।
चलच्चञ्चलाचारुताटङ्ककर्णो
भजे शारदाम्बामजस्रं मदम्बाम्॥८॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-शारदाभुजङ्गप्रयाताष्टकं सम्पूर्णम्॥

अथ चतुर्थोऽध्यायः

Mon, 01 Jan 0001 00:00:00 +0000

अथ चतुर्थोऽध्यायः

ब्रह्मोवाच

नाडीद्वयावशिष्टायां रात्र्यां गच्छेज्जलाशयम्।

तुलसीमृत्तिकायुक्तः सवस्त्रकलशो मुने॥१॥

आगत्य तोयनिकटे तीरे संस्थाप्य पात्रकम्।

पादप्रक्षालनं कृत्वा देशकालादि चोच्चरेत्॥२॥

स्मरेद्गङ्गादिका नद्यो विष्णुशर्वादिदेवताः।

नाभिमात्रे जले स्थित्वा मन्त्रमेतमुदीरयेत्॥३॥

कार्तिकेऽहं करिष्यामि प्रातःस्नानं जनार्दन।

प्रीत्यर्थं तव देवेश दामोदर मया सह॥४॥

नित्ये नैमित्तिके कृत्वा कार्तिके पापनाशन।

स्नानं चार्घं प्रदास्यामि निर्विघ्नं कुरु केशव॥५॥

तीर्थादिदेवताभ्यश्च क्रमादर्घ्यादि दापयेत्।

गृहाणार्घ्यं मया दत्तं राधया सहितो हरे॥६॥

नमः कमलनाभाय नमस्ते जलशायिने।

नमस्तेऽस्तु हृषीकेश गृहाणार्घ्यं नमोऽस्तु ते॥७॥

व्रतिनः कार्तिके मासि स्नातस्य विधिवन्मम।

गृहाणार्घ्यं मया दत्तं दनुजेन्द्रनिषूदन॥८॥

किरणा धूतपापा च पुण्यतोया सरस्वती।

गङ्गा च यमुना चैव पञ्चनद्यः पुनन्तु माम्॥९॥

अन्यासां च नदीनां च दद्यादर्घ्यं यथाविधि।

जाह्नवीस्मरणं कुर्यात्सर्वतीर्थेषु मानवः॥१०॥

नान्यत्तीर्थं तु जाह्नव्यां स्मरणीयं कदाचन।

एतान्मन्त्रान्समुच्चार्य मलस्नानं समाचरेत्॥११॥

मृत्स्नानं च पितृस्नानं गुरुस्नानं ततः परम्।

ततस्तु पावमानीभिरभिषिञ्चेत्स्वमस्तकम्॥१२॥

अघमर्षणकं कृत्वा स्नानाङ्गं तर्पणं तथा।

ततः पुरुषसूक्तेन जलं शिरसि सिञ्चयेत्॥१३॥

ततस्तु बहिरागत्य तीर्थं शिरसि निक्षिपेत्।

तीर्थं पीत्वा त्रिवारं तु तुलसीं गृह्य पाणिना॥१४॥

ततो जलाद्विनिष्क्रम्य चाञ्चलं पीडयेद्बहिः।

यन्मया दूषितं तोयं शारीरमलसञ्चयैः॥१५॥

तद्दोषपरिहारार्थं यक्ष्मणं तर्पयाम्यहम्।

वस्त्रनिष्पीडनं कृत्वा कुर्याच्च तिलकादिकम्॥१६॥

सूत उवाच

अन्नपूर्णाष्टोत्तरशतनामावलिः

Mon, 01 Jan 0001 00:00:00 +0000

अन्नपूर्णाष्टोत्तरशतनामावलिः

अन्नपूर्णायै नमः
शिवायै नमः
देव्यै नमः
भीमायै नमः
पुष्ट्यै नमः
सरस्वत्यै नमः
सर्वज्ञायै नमः
पार्वत्यै नमः
दुर्गायै नमः
शर्वाण्यै नमः१०
शिववल्लभायै नमः
वेदविद्यायै नमः
महाविद्यायै नमः
विद्यादात्र्यै नमः
विशारदायै नमः
कुमार्यै नमः
त्रिपुरायै नमः
बालायै नमः
लक्ष्म्यै नमः
श्रियै नमः२०
भयहारिणै नमः
भवान्यै नमः
विष्णुजनन्यै नमः
ब्रह्मादिजनन्यै नमः
गणेशजनन्यै नमः
शक्त्यै नमः
कुमारजनन्यै नमः
शुभायै नमः
भोगप्रदायै नमः
भगवत्यै नमः३०
भक्ताभीष्टप्रदायिन्यै नमः
भवरोगहरायै नमः
भव्यायै नमः
शुभ्रायै नमः
परममङ्गलायै नमः
भवान्यै नमः
चञ्चलायै नमः
गौर्यै नमः
चारुचन्द्रकलाधरायै नमः
विशालाक्ष्यै नमः४०
विश्वमात्रे नमः
विश्ववन्द्यायै नमः
विलासिन्यै नमः
आर्यायै नमः
कल्याणनिलयायै नमः
रुद्राण्यै नमः
कमलासनायै नमः
शुभप्रदायै नमः
शुभावर्तायै नमः
वृत्तपीनपयोधरायै नमः५०
अम्बायै नमः
संहारमथन्यै नमः
मृडान्यै नमः
सर्वमङ्गलायै नमः
विष्णुसंसेवितायै नमः
सिद्धायै नमः
ब्रह्माण्यै नमः
सुरसेवितायै नमः
परमानन्ददायै नमः
शान्त्यै नमः६०
परमानन्दरूपिण्यै नमः
परमानन्दजनन्यै नमः
परानन्दप्रदायिन्यै नमः
परोपकारनिरतायै नमः
परमायै नमः
भक्तवत्सलायै नमः
पूर्णचन्द्राभवदनायै नमः
पूर्णचन्द्रनिभांशुकायै नमः
शुभलक्षणसम्पन्नायै नमः
शुभानन्दगुणार्णवायै नमः७०
शुभसौभाग्यनिलयायै नमः
शुभदायै नमः
रतिप्रियायै नमः
चण्डिकायै नमः
चण्डमथन्यै नमः
चण्डदर्पनिवारिण्यै नमः
मार्ताण्डनयनायै नमः
साध्व्यै नमः
चन्द्राग्निनयनायै नमः
सत्यै नमः८०
पुण्डरीकहरायै नमः
पूर्णायै नमः
पुण्यदायै नमः
पुण्यरूपिण्यै नमः
मायातीतायै नमः
श्रेष्ठमायायै नमः
श्रेष्ठधर्मायै नमः
आत्मवन्दितायै नमः
असृष्ट्यै नमः
सङ्गरहितायै नमः९०
सृष्टिहेतवे नमः
कपर्दिन्यै नमः
वृषारूढायै नमः
शूलहस्तायै नमः
स्थितिकारिण्यै नमः
संहारकारिण्यै नमः
मन्दस्मितायै नमः
स्कन्दमात्रे नमः
शुद्धचित्तायै नमः
मुनिस्तुतायै नमः१००
महाभगवत्यै नमः
दक्षायै नमः
दक्षाध्वरविनाशिन्यै नमः
सर्वार्थदात्र्यै नमः
सावित्र्यै नमः
सदाशिवकुटुम्बिन्यै नमः
नित्यसुन्दरसर्वाङ्ग्यै नमः
सच्चिदानन्दलक्षणायै नमः

कृष्णाष्टोत्तरशतनामावलिः

Mon, 01 Jan 0001 00:00:00 +0000

कृष्णाष्टोत्तरशतनामावलिः

श्रीकृष्णाय नमः
कमलानाथाय नमः
वासुदेवाय नमः
सनातनाय नमः
वसुदेवात्मजाय नमः
पुण्याय नमः
लीलामानुषविग्रहाय नमः
श्रीवत्सकौस्तुभधराय नमः
यशोदावत्सलाय नमः
हरये नमः१०
चतुर्भुजात्तचक्रासिगदाशङ्खाम्बुजायुधाय नमः
देवकीनन्दनाय नमः
श्रीशाय नमः
नन्दगोपप्रियात्मजाय नमः
यमुनावेगसंहारिणे नमः
बलभद्रप्रियानुजाय नमः
पूतनाजीवितहराय नमः
शकटासुरभञ्जनाय नमः
नन्दव्रजजनानन्दिने नमः
सच्चिदानन्दविग्रहाय नमः२०
नवनीतविलिप्ताङ्गाय नमः
नवनीतनटाय नमः
अनघाय नमः
नवनीतनवाहाराय नमः
मुचुकुन्दप्रसादकाय नमः
षोडशस्त्रीसहस्रेशाय नमः
त्रिभङ्गीमधुराकृतये नमः
शुकवागमृताब्धीन्दवे नमः
गोविन्दाय नमः
योगिनां पतये नमः३०
वत्सवाटचराय नमः
अनन्ताय नमः
धेनुकासुरमर्दनाय नमः
तृणीकृततृणावर्ताय नमः
यमलार्जुनभञ्जनाय नमः
उत्तालतालभेत्रे नमः
तमालश्यामलाकृतये नमः
गोपगोपीश्वराय नमः
योगिने नमः
कोटिसूर्यसमप्रभाय नमः४०
इलापतये नमः
परस्मै ज्योतिषे नमः
यादवेन्द्राय नमः
यदूद्वहाय नमः
वनमालिने नमः
पीतवाससे नमः
पारिजातापहारकाय नमः
गोवर्धनाचलोद्धर्त्रे नमः
गोपालाय नमः
सर्वपालकाय नमः५०
अजाय नमः
निरञ्जनाय नमः
कामजनकाय नमः
कञ्जलोचनाय नमः
मधुघ्ने नमः
मथुरानाथाय नमः
द्वारकानायकाय नमः
बलिने नमः
बृन्दावनान्तसञ्चारिणे नमः
तुलसीदामभूषणाय नमः६०
स्यमन्तकमणेर्हर्त्रे नमः
नरनारायणात्मकाय नमः
कुब्जाकृष्णाम्बरधराय नमः
मायिने नमः
परमपूरुषाय नमः
मुष्टिकासुरचाणूरमल्लयुद्धविशारदाय नमः
संसारवैरिणे नमः
कंसारये नमः
मुरारये नमः
नरकान्तकाय नमः७०
अनादिब्रह्मचारिणे नमः
कृष्णाव्यसनकर्षकाय नमः
शिशुपालशिरश्छेत्रे नमः
दुर्योधनकुलान्तकाय नमः
विदुराक्रूरवरदाय नमः
विश्वरूपप्रदर्शकाय नमः
सत्यवाचे नमः
सत्यसङ्कल्पाय नमः
सत्यभामारताय नमः
जयिने नमः८०
सुभद्रापूर्वजाय नमः
विष्णवे नमः
भीष्ममुक्तिप्रदायकाय नमः
जगद्गुरवे नमः
जगन्नाथाय नमः
वेणुनादविशारदाय नमः
वृषभासुरविध्वंसिने नमः
बाणासुरकरान्तकाय नमः
युधिष्ठिरप्रतिष्ठात्रे नमः
बर्हिबर्हावतंसकाय नमः९०
पार्थसारथये नमः
अव्यक्ताय नमः
गीतामृतमहोदधये नमः
कालीयफणिमाणिक्यरञ्जितश्रीपदाम्बुजाय नमः
दामोदराय नमः
यज्ञभोक्त्रे नमः
दानवेन्द्रविनाशकाय नमः
नारायणाय नमः
परब्रह्मणे नमः
पन्नगाशनवाहनाय नमः१००
जलक्रीडासमासक्तगोपीवस्त्रापहारकाय नमः
पुण्यश्लोकाय नमः
तीर्थपादाय नमः
वेदवेद्याय नमः
दयानिधये नमः
सर्वतीर्थात्मकाय नमः
सर्वग्रहरूपिणे नमः
परात्पराय नमः

गीतामाहात्म्यम्

Mon, 01 Jan 0001 00:00:00 +0000

गीतामाहात्म्यम्

ध्यान-श्लोकाः

नमस्तस्मै वराहाय लीलयोद्धरते महीम्।

खुरमध्यगतो यस्य मेरुः खणखणायते॥१॥

दंष्ट्राग्रेणोद्धृता गौरुदधिपरिवृता पर्वतैर्निम्नगाभिः
साकं मृत्पिण्डवत् प्राग्बृहदुरुवपुषाऽनन्तरूपेण येन।
सोऽयं कंसासुरारिर्मुरनरकदशास्यान्तकृत्सर्वसंस्थः
कृष्णो विष्णुः सुरेशो नुदतु मम रिपूनादिदेवो वराहः॥२॥

यः संसारार्णवे नौरिव मरणजराव्याधिनक्रोर्मिभीमे
भक्तानां भीतिहर्ता मुरनरकदशास्यान्तकृत् कोलरूपी।
विष्णुः सर्वेश्वरोऽयं यमिह कृतधियो लीलया प्राप्नुवन्ति
मुक्तात्मानो न पापं प्रभवमनुदिनारातिपक्षः क्षितीशः॥३॥

❀

नारायणं नमस्कृत्य नरं चैव नरोत्तमम्।

देवीं सरस्वतीं व्यासं ततो जयमुदीरयेत्॥

धरोवाच

भगवन् परमेशान भक्तिरव्यभिचारिणी।

प्रारब्धं भुज्यमानस्य कथं भवति हे प्रभो॥१॥

श्री-विष्णुरुवाच

प्रारब्धं भुज्यमानो हि गीताभ्यासरतः सदा।

स मुक्तः स सुखी लोके कर्मणा नोपलिप्यते॥२॥

महापापादिपापानि गीताध्यानं करोति चेत्।

क्वचित् स्पर्शं न कुर्वन्ति नलिनीदलमम्बुवत्॥३॥

गीतायाः पुस्तकं यत्र यत्र पाठः प्रवर्तते।

तत्र सर्वाणि तीर्थानि प्रयागादीनि तत्र वै॥४॥

सर्वे देवाश्च ऋषयो योगिनः पन्नगाश्च ये।
गोपाला गोपिका वाऽपि नारदोद्धवपार्षदैः।
सहायो जायते शीघ्रं यत्र गीता प्रवर्तते॥५॥

यत्र गीताविचारश्च पठनं पाठनं श्रुतम्।

तत्राहं निश्चितं पृथ्वि निवसामि सदैव हि॥६॥

गीताश्रयेऽहं तिष्ठामि गीता मे चोत्तमं गृहम्।

गीताज्ञानमुपाश्रित्य त्रीँल्लोकान् पालयाम्यहम्॥७॥

गीता मे परमा विद्या ब्रह्मरूपा न संशयः।

अर्धमात्राक्षरा नित्या स्वानिर्वाच्यपदात्मिका॥८॥

चिदानन्देन कृष्णेन प्रोक्ता स्वमुखतोऽर्जुनम्।

वेदत्रयी परानन्दा तत्त्वार्थज्ञानसंयुता॥९॥

योऽष्टादशजपो नित्यं नरो निश्चलमानसः।

ज्ञानसिद्धिं स लभते ततो याति परं पदम्॥१०॥

पाठेऽसमर्थः सम्पूर्णे ततोऽर्धं पाठमाचरेत्।

तदा गोदानजं पुण्यं लभते नात्र संशयः॥११॥

त्रिभागं पठमानस्तु गङ्गास्नानफलं लभेत्।

षडंशं जपमानस्तु सोमयागफलं लभेत्॥१२॥

एकाध्यायं तु यो नित्यं पठते भक्तिसंयुतः।

रुद्रलोकमवाप्नोति गणो भूत्वा वसेच्चिरम्॥१३॥

अध्यायं श्लोकपादं वा नित्यं यः पठते नरः।

स याति नरतां यावन्मन्वन्तरं वसुन्धरे॥१४॥

गीतायाः श्लोकदशकं सप्त पञ्च चतुष्टयम्।

द्वौ त्रीनेकं तदर्धं वा श्लोकानां यः पठेन्नरः॥१५॥

चन्द्रलोकमवाप्नोति वर्षाणामयुतं ध्रुवम्।

गीतापाठसमायुक्तो मृतो मानुषतां व्रजेत्॥१६॥

गीताभ्यासं पुनः कृत्वा लभते मुक्तिमुत्तमाम्।

गीतेत्युच्चारसंयुक्तो म्रियमाणो गतिं लभेत्॥१७॥

गीतार्थश्रवणासक्तो महापापयुतोऽपि वा।

वैकुण्ठं समवाप्नोति विष्णुना सह मोदते॥१८॥

गीतार्थं ध्यायते नित्यं कृत्वा कर्माणि भूरिशः।

जीवन्मुक्तः स विज्ञेयो देहान्ते परमं पदम्॥१९॥

गीतामाश्रित्य बहवो भूभुजो जनकादयः।

निर्धूतकल्मषा लोके गीतायाताः परं पदम्॥२०॥

गीतायाः पठनं कृत्वा माहात्म्यं नैव यः पठेत्।

वृथा पाठो भवेत्तस्य श्रम एव ह्युदाहृतः॥२१॥

एतन्माहात्म्यसंयुक्तं गीताभ्यासं करोति यः।

स तत् फलमवाप्नोति दुर्लभां गतिमाप्नुयात्॥२२॥

सूत उवाच

चतुर्थः सर्गः

Mon, 01 Jan 0001 00:00:00 +0000

चतुर्थः सर्गः

श्री-महादेव उवाच

मार्गे व्रजन् ददर्शाथ शैलशृङ्गमिव स्थितम्।

वृद्धं जटायुषं रामः किमेतदिति विस्मितः॥१॥

धनुरानय सौमित्रे राक्षसोऽयं पुरः स्थितः।

इत्याह लक्ष्मणं रामो हनिष्याम्यृषिभक्षकम्॥२॥

तच्छ्रुत्वा रामवचनं गृध्रराड् भयपीडितः।

वधार्होऽहं न ते राम पितुस्तेऽहं प्रियः सखा॥३॥

जटायुर्नाम भद्रं ते गृध्रोऽहं प्रियकृत्तव॥४॥

पञ्चवट्यामहं वत्स्ये तवैव प्रियकाम्यया।

मृगयायां कदाचित्तु प्रयाते लक्ष्मणेऽपि च॥५॥

सीता जनककन्या मे रक्षितव्या प्रयत्नतः।

श्रुत्वा तद्गृध्रवचनं रामः सस्नेहमब्रवीत्॥६॥

साधु गृध्र महाराज तथैव कुरु मे प्रियम्।

अत्रैव मे समीपस्थो नातिदूरे वने वसन्॥७॥

इत्यामन्त्रितमालिङ्ग्य ययौ पञ्चवटीं प्रभुः।

लक्ष्मणेन सह भ्रात्रा सीतया रघुनन्दनः॥८॥

गत्वा ते गौतमीतीरं पञ्चवट्यां सुविस्तरम्।

मन्दिरं कारयामास लक्ष्मणेन सुबुद्धिना॥९॥

तत्र ते न्यवसन् सर्वे गङ्गाया उत्तरे तटे।

कदम्बपनसाम्रादिफलवृक्षसमाकुले॥१०॥

विविक्ते जनसम्बाधवर्जिते नीरुजस्थले।

विनोदयन् जनकजां लक्ष्मणेन विपश्चिता॥११॥

अध्युवास सुखं रामो देवलोक इवापरः।

कन्दमूलफलादीनि लक्ष्मणोऽनुदिनं तयोः॥१२॥

आनीय प्रददौ रामसेवातत्परमानसः।

धनुर्बाणधरो नित्यं रात्रौ जागर्ति सर्वतः॥१३॥

स्नानं कुर्वन्त्यनुदिनं त्रयस्ते गौतमीजले।

उभयोर्मध्यगा सीता कुरुते च गमागमौ॥१४॥

आनीय सलिलं नित्यं लक्ष्मणः प्रीतमानसः।

सेवतेऽहरहः प्रीत्या एवमासन् सुखं त्रयः॥१५॥

एकदा लक्ष्मणो राममेकान्ते समुपस्थितम्।

विनयावनतो भूत्वा पप्रच्छ परमेश्वरम्॥१६॥

भगवन् श्रोतुमिच्छामि मोक्षस्यैकान्तिकीं गतिम्।

त्वत्तः कमलपत्राक्ष सङ्क्षेपाद्वक्तुमर्हसि॥१७॥

ज्ञानं विज्ञानसहितं भक्तिवैराग्यबृंहितम्।

आचक्ष्व मे रघुश्रेष्ठ वक्ता नान्योऽस्ति भूतले॥१८॥

श्रीराम उवाच

चतुर्थः सर्गः

Mon, 01 Jan 0001 00:00:00 +0000

चतुर्थः सर्गः

ततः सुमित्रा दृष्ट्वैनं रामं राज्ञीं ससम्भ्रमा।

कौसल्यां बोधयामास रामोऽयं समुपस्थितः॥१॥

श्रुत्वैव रामनामैषा बहिर्दृष्टिप्रवाहिता।

रामं दृष्ट्वा विशालाक्षमालिङ्ग्याङ्के न्यवेशयत्॥२॥

मूर्ध्न्यवघ्राय पस्पर्श गात्रं नीलोत्पलच्छवि।

भुङ्क्ष्व पुत्रेति च प्राह मिष्टमन्नं क्षुधार्दितः॥३॥

रामः प्राह न मे मातर्भोजनावसरः कुतः।

दण्डकागमने शीघ्रं मम कालोऽद्य निश्चितः॥४॥

कैकेयीवरदानेन सत्यसन्धः पिता मम।

भरताय ददौ राज्यं ममाप्यारण्यमुत्तमम्॥५॥

चतुर्दश समास्तत्र ह्युषित्वा मुनिवेषधृक्।

आगमिष्ये पुनः शीघ्रं न चिन्तां कर्तुमर्हसि॥६॥

तच्छ्रुत्वा सहसोद्विग्ना मूर्च्छिता पुनरुत्थिता।

आह रामं सुदुःखार्ता दुःखसागरसम्प्लुता॥७॥

यदि राम वनं सत्यं यासि चेन्नय मामपि।

त्वद्विहीना क्षणार्धं वा जीवितं धारये कथम्॥८॥

यथा गौर्बालकं वत्सं त्यक्त्वा तिष्ठेन्न कुत्रचित्।

तथैव त्वां न शक्नोमि त्यक्तुं प्राणात्प्रियं सुतम्॥९॥

भरताय प्रसन्नश्चेद् राज्यं राजा प्रयच्छतु।

किमर्थं वनवासाय त्वामाज्ञापयति प्रियम्॥१०॥

कैकेय्या वरदो राजा सर्वस्वं वा प्रयच्छतु।

त्वया किमपराद्धं हि कैकेय्या वा नृपस्य वा॥११॥

पिता गुरुर्यथा राम तवाहमधिका ततः।

पित्राऽऽज्ञप्तो वनं गन्तुं वारयेयमहं सुतम्॥१२॥

यदि गच्छसि मद्वाक्यमुल्लङ्घ्य नृपवाक्यतः।

तदा प्राणान् परित्यज्य गच्छामि यमसादनम्॥१३॥

लक्ष्मणोऽपि ततः श्रुत्वा कौसल्यावचनं रुषा।

उवाच राघवं वीक्ष्य दहन्निव जगत्त्रयम्॥१४॥

उन्मत्तं भ्रान्तमनसं कैकेयीवशवर्तिनम्।

बद्ध्वा निहन्मि भरतं तद्बन्धून्मातुलानपि॥१५॥

अद्य पश्यन्तु मे शौर्यं लोकान् प्रदहतः पुरा।

राम त्वमभिषेकाय कुरु यत्नमरिन्दम॥१६॥

धनुष्पाणिरहं तत्र निहन्यां विघ्नकारिणः।

इति ब्रुवन्तं सौमित्रिमालिङ्ग्य रघुनन्दनः॥१७॥

शूरोऽसि रघुशार्दूल ममात्यन्तहिते रतः।

जानामि सर्वं ते सत्यं किन्तु तत्समयो न हि॥१८॥

यदिदं दृश्यते सर्वं राज्यं देहादिकं च यत्।

यदि सत्यं भवेत् तत्र आयासः सफलश्च ते॥१९॥

भोगा मेघवितानस्थविद्युल्लेखेव चञ्चलाः।

आयुरप्यग्निसन्तप्तलोहस्थजलबिन्दुवत्॥२०॥

यथा व्यालगलस्थोऽपि भेको दंशानपेक्षते।

तथा कालाहिना ग्रस्तो लोको भोगानशाश्वतान्॥२१॥

करोति दुःखेन हि कर्मतन्त्रं
शरीरभोगार्थमहर्निशं नरः।
देहस्तु भिन्नः पुरुषात्समीक्ष्यते
को वात्र भोगः पुरुषेण भुज्यते॥२२॥

पितृमातृसुतभ्रातृदारबन्ध्वादिसङ्गमः।

प्रपायामिव जन्तूनां नद्यां काष्ठौघवच्चलः॥२३॥

छायेव लक्ष्मीश्चपला प्रतीता
तारुण्यमम्बूर्मिवदध्रुवं च।
स्वप्नोपमं स्त्रीसुखमायुरल्पं
तथाऽपि जन्तोरभिमान एषः॥२४॥

संसृतिः स्वप्नसदृशी सदा रोगादिसङ्कुला।

गन्धर्वनगरप्रख्या मूढस्तामनुवर्तते॥२५॥

आयुष्यं क्षीयते यस्मादादित्यस्य गतागतैः।

दृष्ट्वाऽन्येषां जरामृत्यू कथञ्चिन्नैव बुध्यते॥२६॥

स एव दिवसः सैव रात्रिरित्येव मूढधीः।

भोगाननुपतत्येव कालवेगं न पश्यति॥२७॥

प्रतिक्षणं क्षरत्येतदायुरामघटाम्बुवत्।

सपत्ना इव रोगौघाः शरीरं प्रहरन्त्यहो॥२८॥

जरा व्याघ्रीव पुरतस्तर्जयन्त्यवतिष्ठते।

मृत्युः सहैव यात्येष समयं सम्प्रतीक्षते॥२९॥

देहेऽहम्भावमापन्नो राजाहं लोकविश्रुतः।

इत्यस्मिन्मनुते जन्तुः कृमिविड्भस्मसंज्ञिते॥३०॥

त्वगस्थिमान्सविण्मूत्ररेतोरक्तादिसंयुतः।

विकारी परिणामी च देह आत्मा कथं वद॥३१॥

यमास्थाय भवान्ल्लोकं दग्धुमिच्छति लक्ष्मण।

देहाभिमानिनः सर्वे दोषाः प्रादुर्भवन्ति हि॥३२॥

देहोऽहमिति या बुद्धिरविद्या सा प्रकीर्तिता।

नाहं देहश्चिदात्मेति बुद्धिर्विद्येति भण्यते॥३३॥

अविद्या संसृतेर्हेतुर्विद्या तस्या निवर्तिका।
तस्माद्यत्नः सदा कार्यो विद्याभ्यासे मुमुक्षुभिः।
कामक्रोधादयस्तत्र शत्रवः शत्रुसूदन॥३४॥

तत्रापि क्रोध एवालं मोक्षविघ्नाय सर्वदा।

येनाविष्टः पुमान् हन्ति पितृभ्रातृसुहृत्सखीन्॥३५॥

क्रोधमूलो मनस्तापः क्रोधः संसारबन्धनम्।

धर्मक्षयकरः क्रोधस्तस्मात्क्रोधं परित्यज॥३६॥

क्रोध एष महान् शत्रुस्तृष्णा वैतरणी नदी।

सन्तोषो नन्दनवनं शान्तिरेव हि कामधुक्॥३७॥

तस्माच्छान्तिं भजस्वाद्य शत्रुरेवं भवेन्न ते।

देहेन्द्रियमनःप्राणबुद्ध्यादिभ्यो विलक्षणः॥३८॥

आत्मा शुद्धः स्वयञ्ज्योतिरविकारी निराकृतिः।

यावद्देहेन्द्रियप्राणैर्भिन्नत्वं नात्मनो विदुः॥३९॥

तावत्संसारदुःखौघैः पीड्यन्ते मृत्युसंयुताः।

तस्मात्त्वं सर्वदा भिन्नमात्मानं हृदि भावय॥४०॥

बुद्ध्यादिभ्यो बहिः सर्वमनुवर्तस्व मा खिदः।

भुञ्जन् प्रारब्धमखिलं सुखं वा दुःखमेव वा॥४१॥

प्रवाहपतितं कार्यं कुर्वन्नपि न लिप्यसे।

बाह्ये सर्वत्र कर्तृत्वमावहन्नपि राघव॥४२॥

अन्तःशुद्धस्वभावस्त्वं लिप्यसे न च कर्मभिः।

एतन्मयोदितं कृत्स्नं हृदि भावय सर्वदा॥४३॥

संसारदुःखैरखिलैर्बाध्यसे न कदाचन।

त्वमप्यम्ब ममाऽऽदिष्टं हृदि भावय नित्यदा॥४४॥

समागमं प्रतीक्षस्व न दुःखैः पीड्यसे चिरम्।

न सदैकत्र संवासः कर्ममार्गानुवर्तिनाम्॥४५॥

यथा प्रवाहपतितप्लवानां सरितां तथा।

चतुर्दशसमा सङ्ख्या क्षणार्धमिव जायते॥४६॥

अनुमन्यस्व मामम्ब दुःखं सन्त्यज्य दूरतः।

एवं चेत्सुखसंवासो भविष्यति वने मम॥४७॥

इत्युक्त्वा दण्डवन्मातुः पादयोरपतच्चिरम्।

उत्थाप्याङ्के समावेश्य आशीर्भिरभ्यनन्दयत्॥४८॥

सर्वे देवाः सगन्धर्वा ब्रह्मविष्णुशिवादयः।

रक्षन्तु त्वां सदा यान्तं तिष्ठन्तं निद्रया युतम्॥४९॥

इति प्रस्थापयामास समालिङ्ग्य पुनः पुनः।

लक्ष्मणोऽपि तदा रामं नत्वा हर्षाश्रुगद्गदः॥५०॥

आह राम ममान्तःस्थः संशयोऽयं त्वया हृतः।

यास्यामि पृष्ठतो राम सेवां कर्तुं तदादिश॥५१॥

अनुगृह्णीष्व मां राम नोचेत्प्राणान्स्त्यजाम्यहम्।

तथेति राघवोऽप्याह लक्ष्मणं याहि मा चिरम्॥५२॥

प्रतस्थे तां समाधातुं गतः सीतापतिर्विभुः।

आगतं पतिमालोक्य सीता सुस्मितभाषिणी॥५३॥

स्वर्णपात्रस्थसलिलैः पादौ प्रक्षाल्य भक्तितः।

पप्रच्छ पतिमालोक्य देव किं सेनया विना॥५४॥

आगतोऽसि गतः कुत्र श्वेतच्छत्रं च ते कुतः।

वादित्राणि न वाद्यन्ते किरीटादिविवर्जितः॥५५॥

सामन्तराजसहितः सम्भ्रमान्नागतोऽसि किम्।

इति स्म सीतया पृष्टो रामः सस्मितमब्रवीत्॥५६॥

राज्ञा मे दण्डकारण्ये राज्यं दत्तं शुभेऽखिलम्।

अतस्तत्पालनार्थाय शीघ्रं यास्यामि भामिनि॥५७॥

अद्यैव यास्यामि वनं त्वं तु श्वश्रूसमीपगा।

शुश्रूषां कुरु मे मातुर्न मिथ्यावादिनो वयम्॥५८॥

इति ब्रुवन्तं श्रीरामं सीता भीताब्रवीद् वचः।

किमर्थं वनराज्यं ते पित्रा दत्तं महात्मना॥५९॥

तामाह रामः कैकेय्यै राजा प्रीतो वरं ददौ।

भरताय ददौ राज्यं वनवासं ममानघे॥६०॥

चतुर्दश समास्तत्र वासो मे किल याचितः।

तया देव्या ददौ राजा सत्यवादी दयापरः॥६१॥

अतः शीघ्रं गमिष्यामि मा विघ्नं कुरु भामिनि।

श्रुत्वा तद्रामवचनं जानकी प्रीतिसंयुता॥६२॥

अहमग्रे गमिष्यामि वनं पश्चात्त्वमेष्यसि।

इत्याह मां विना गन्तुं तव राघव नोचितम्॥६३॥

तामाह राघवः प्रीतः स्वप्रियां प्रियवादिनीम्।

कथं वनं त्वां नेष्येऽहं बहुव्याघ्रमृगाकुलम्॥६४॥

राक्षसा घोररूपाश्च सन्ति मानुषभोजिनः।

सिंहव्याघ्रवराहाश्च सञ्चरन्ति समन्ततः॥६५॥

कट्वम्लफलमूलानि भोजनार्थं सुमध्यमे।

अपूपान्नव्यञ्जनानि विद्यन्ते न कदाचन॥६६॥

काले काले फलं वाऽपि विद्यते कुत्र सुन्दरि।

मार्गो न दृश्यते क्वापि शर्कराकण्टकान्वितः॥६७॥

गुहागह्वरसम्बाधं झिल्लीदंशादिभिर्युतम्।

एवं बहुविधं दोषं वनं दण्डकसंज्ञितम्॥६८॥

पादचारेण गन्तव्यं शीतवातातपादिमत्।

राक्षसादीन् वने दृष्ट्वा जीवितं हास्यसेऽचिरात्॥६९॥

तस्माद् भद्रे गृहे तिष्ठ शीघ्रं द्रक्ष्यसि मां पुनः।

रामस्य वचनं श्रुत्वा सीता दुःखसमन्विता॥७०॥

प्रत्युवाच स्फुरद्वक्त्रा किञ्चित्कोपसमन्विता।

कथं मामिच्छसे त्यक्तुं धर्मपत्नीं पतिव्रताम्॥७१॥

त्वदनन्यामदोषां मां धर्मज्ञोऽसि दयापरः।

त्वत्समीपे स्थितां राम को वा मां धर्षयेद्वने॥७२॥

फलमूलादिकं यद्यत् तव भुक्तावशेषितम्।

तदेवामृततुल्यं मे तेन तुष्टा रमाम्यहम्॥७३॥

त्वया सह चरन्त्या मे कुशाः काशाश्च कण्टकाः।

पुष्पास्तरणतुल्या मे भविष्यन्ति न संशयः॥७४॥

अहं त्वां क्लेशये नैव भवेयं कार्यसाधिनी।

बाल्ये मां वीक्ष्य कश्चिन्मां ज्योतिःशास्त्रविशारदः॥७५॥

प्राह ते विपिने वासः पत्या सह भविष्यति।

सत्यवादी द्विजो भूयाद् गमिष्यामि त्वया सह॥७६॥

अन्यत् किञ्चित् प्रवक्ष्यामि श्रुत्वा मां नय काननम्।

रामायणानि बहुशः श्रुतानि बहुभिर्द्विजैः॥७७॥

सीतां विना वनं रामो गतः किं कुत्रचिद्वद।

अतस्त्वया गमिष्यामि सर्वथा त्वत्सहायिनी॥७८॥

यदि गच्छसि मां त्यक्त्वा प्राणान्स्त्यक्ष्यामि तेऽग्रतः।

इति तं निश्चयं ज्ञात्वा सीताया रघुनन्दनः॥७९॥

अब्रवीद् देवि गच्छ त्वं वनं शीघ्रं मया सह।

अरुन्धत्यै प्रयच्छाशु हारानाभरणानि च॥८०॥

ब्राह्मणेभ्यो धनं सर्वं दत्त्वा गच्छामहे वनम्।

इत्युक्त्वा लक्ष्मणेनाशु द्विजानाहूय भक्तितः॥८१॥

ददौ गवां वृन्दशतं धनानि
वस्त्राणि दिव्यानि विभूषणानि।
कुटुम्बवद्भ्यः श्रुतशीलवद्भ्यो
मुदा द्विजेभ्यो रघुवंशकेतुः॥८२॥

अरुन्धत्यै ददौ सीता मुख्यान्याभरणानि च।

रामो मातुः सेवकेभ्यो ददौ धनमनेकधा॥८३॥

स्वकान्तःपुरवासिभ्यः सेवकेभ्यस्तथैव च।

पौरजानपदेभ्यश्च ब्राह्मणेभ्यः सहस्रशः॥८४॥

लक्ष्मणोऽपि सुमित्रां तु कौसल्यायै समर्पयत्।

धनुष्पाणिः समागत्य रामस्याग्रे व्यवस्थितः॥८५॥

रामः सीता लक्ष्मणश्च जग्मुः सर्वे नृपालयम्॥८६॥

श्रीरामः सह सीतया नृपपथे गच्छन् शनैः सानुजः
पौरान् जानपदान् कुतूहलदृशः सानन्दमुद्वीक्षयन्
श्यामः कामसहस्रसुन्दरवपुः कान्त्या दिशो भासयन्
पादन्यासपवित्रिताऽखिलजगत् प्रापालयं तत्पितुः

चतुर्थः सर्गः

Mon, 01 Jan 0001 00:00:00 +0000

चतुर्थः सर्गः

श्री-महादेव उवाच

कदाचित्कौशिकोऽभ्यागादयोध्यां ज्वलनप्रभः।

द्रष्टुं रामं परात्मानं जातं ज्ञात्वा स्वमायया॥१॥

दृष्ट्वा दशरथो राजा प्रत्युत्थायाचिरेण तु।

वसिष्ठेन समागम्य पूजयित्वा यथाविधि॥२॥

अभिवाद्य मुनिं राजा प्राञ्जलिर्भक्तिनम्रधीः।

कृतार्थोऽस्मि मुनीन्द्राहं त्वदागमनकारणात्॥३॥

त्वद्विधा यद्गृहम् यान्ति तत्रैवायान्ति सम्पदः।

यदर्थमागतोऽसि त्वं ब्रूहि सत्यं करोमि तत्॥४॥

विश्वामित्रोऽपि तं प्रीतः प्रत्युवाच महीपतिम्।

अहं पर्वणि सम्प्राप्ते दृष्ट्वा यष्टुं सुरान् पितॄन्॥५॥

यदारभे तदा दैत्या विघ्नं कुर्वन्ति नित्यशः।

मारीचश्च सुबाहुश्चापरे चानुचरास्तयोः॥६॥

अतस्तयोर्वधार्थाय ज्येष्ठं रामं प्रयच्छ मे।

लक्ष्मणेन सह भ्रात्रा तव श्रेयो भविष्यति॥७॥

वसिष्ठेन सहामन्त्र्य दीयतां यदि रोचते।

पप्रच्छ गुरुमेकान्ते राजा चिन्तापरायणः॥८॥

किं करोमि गुरो रामं त्यक्तुं नोत्सहते मनः।

बहुवर्षसहस्रान्ते कष्टेनोत्पादिताः सुताः॥९॥

चत्वारोऽमरतुल्यास्ते तेषां रामोऽतिवल्लभः।

रामस्त्वितो गच्छति चेन्न जीवामि कथञ्चन॥१०॥

प्रत्याख्यातो यदि मुनिः शापं दास्यत्यसंशयः।

कथं श्रेयो भवेन्मह्यमसत्यं चापि न स्पृशेत्॥११॥

वसिष्ठ उवाच

चतुर्थः सर्गः

Mon, 01 Jan 0001 00:00:00 +0000

चतुर्थः सर्गः

तत्र वार्षिकदिनानि राघवो
लीलया मणिगुहासु सञ्चरन्।
पक्वमूलफलभोगतोषितो
लक्ष्मणेन सहितोऽवसत्सुखम्॥१॥

वातनुन्नजलपूरितमेघा-
नन्तरस्तनितवैद्युतगर्भान्।
वीक्ष्य विस्मयमगाद्गजयूथान्
यद्वदाहितसुकाञ्चनकक्षान्॥२॥

नवघासं समास्वाद्य हृष्टपुष्टमृगद्विजाः।

धावन्तो परितो रामं वीक्ष्य विस्फारितेक्षणाः॥३॥

न चलन्ति सदा ध्याननिष्ठा इव मुनीश्वराः।

रामं मानुषरूपेण गिरिकाननभूमिषु॥४॥

चरन्तं परमात्मानं ज्ञात्वा सिद्धगणा भुवि।

मृगपक्षिगणा भूत्वा राममेवानुसेविरे॥५॥

सौमित्रिरेकदा राममेकान्ते ध्यानतत्परम्।

समाधिविरमे भक्त्या प्रणयाद् विनयान्वितः॥६॥

अब्रवीद् देव ते वाक्यात्पूर्वोक्ताद्विगतो मम।

अनाद्यविद्यासम्भूतः संशयो हृदि संस्थितः॥७॥

इदानीं श्रोतुमिच्छामि क्रियामार्गेण राघव।

भवदाराधनं लोके यथा कुर्वन्ति योगिनः॥८॥

इदमेव सदा प्राहुर्योगिनो मुक्तिसाधनम्।

नारदोऽपि तथा व्यासो ब्रह्मा कमलसम्भवः॥९॥

ब्रह्मक्षत्रादिवर्णानामाश्रमाणां च मोक्षदम्।
स्त्रीशूद्राणां च राजेन्द्र सुलभं मुक्तिसाधनम्।
तव भक्ताय मे भ्रात्रे ब्रूहि लोकोपकारकम्॥१०॥

श्रीराम उवाच

चतुर्थः सर्गः

Mon, 01 Jan 0001 00:00:00 +0000

चतुर्थः सर्गः

श्री-महादेव उवाच

यान्तं कपीन्द्रं धृतपाशबन्धनं
विलोकयन्तं नगरं विभीतवत्।
अताडयन्मुष्टितलैः सुकोपनाः
पौराः समन्तादनुयान्त ईक्षितुम्॥१॥

ब्रह्मास्त्रमेनं क्षणमात्रसङ्गमं
कृत्वा गतं ब्रह्मवरेण सत्वरम्।
ज्ञात्वा हनूमानपि फल्गुरज्जुभिः
धृतो ययौ कार्यविशेषगौरवात्॥२॥

सभान्तरस्थस्य च रावणस्य तं
पुरो निधायाऽऽह बलारिजित्तदा।
बद्धो मया ब्रह्मवरेण वानरः
समागतोऽनेन हता महासुराः॥३॥

यदुक्तमत्रार्य विचार्य मन्त्रिभिः
विधीयतामेष न लौकिको हरिः।
ततो विलोक्याऽऽह स राक्षसेश्वरः
प्रहस्तमग्रे स्थितमञ्जनाद्रिभम्॥४॥

प्रहस्त पृच्छैनमसौ किमागतः
किमत्र कार्यं कुत एव वानरः।
वनं किमर्थं सकलं विनाशितं
हताः किमर्थं मम राक्षसा बलात्॥५॥

ततः प्रहस्तो हनुमन्तमादरात्
पप्रच्छ केन प्रहितोऽसि वानर।
भयं च ते माऽस्तु विमोक्ष्यसे मया
सत्यं वदस्वाखिलराजसन्निधौ॥६॥

ततोऽतिहर्षात्पवनात्मजो रिपुं
निरीक्ष्य लोकत्रयकण्टकासुरम्।
वक्तुं प्रचक्रे रघुनाथसत्कथां
क्रमेण रामं मनसा स्मरन्मुहुः॥७॥

शृणु स्फुटं देवगणाद्यमित्र हे
रामस्य दूतोऽहमशेषहृत्स्थितेः।
यस्याखिलेशस्य हृताऽधुना त्वया
भार्या स्वनाशाय शुनेव सद्धविः॥८॥

स राघवोऽभ्येत्य मतङ्गपर्वतं
सुग्रीवमैत्रीमनलस्य सन्निधौ।
कृत्वैकबाणेन निहत्य वालिनं
सुग्रीवमेवाधिपतिं चकार तम्॥९॥

स वानराणामधिपो महाबली
महाबलैर्वानरयूथकोटिभिः।
रामेण सार्धं सह लक्ष्मणेन भोः
प्रवर्षणेऽमर्षयुतोऽवतिष्ठते॥१०॥

सञ्चोदितास्तेन महाहरीश्वरा
धरासुतां मार्गयितुं दिशो दश।
तत्राहमेकः पवनात्मजः कपिः
सीतां विचिन्वन् शनकैः समागतः॥११॥

दृष्टा मया पद्मपलाशलोचना
सीता कपित्वाद्विपिनं विनाशितम्।
दृष्ट्वा ततोऽहं रभसा समागतान्
मां हन्तुकामान् धृतचापसायकान्॥१२॥

मया हतास्ते परिरक्षितं वपुः
प्रियो हि देहोऽखिलदेहिनां प्रभो।
ब्रह्मास्त्रपाशेन निबध्य मां ततः
समागमन्मेघनिनादनामकः॥१३॥

स्पृष्ट्वैव मां ब्रह्मवरप्रभावतः
त्यक्त्वा गतं सर्वमवैमि रावण।
तथाऽप्यहं बद्ध इवाऽऽगतो हितं
प्रवक्तुकामः करुणारसार्द्रधीः॥१४॥

विचार्य लोकस्य विवेकतो गतिं
न राक्षसीं बुद्धिमुपैहि रावण।
दैवीं गतिं संसृतिमोक्षहैतुकीं
समाश्रयात्यन्तहिताय देहिनः॥१५॥

त्वं ब्रह्मणो ह्युत्तमवंशसम्भवः
पौलस्त्यपुत्रोऽसि कुबेरबान्धवः।
देहात्मबुद्ध्याऽपि च पश्य राक्षसो
नास्यात्मबुद्ध्या किमु राक्षसो नहि॥१६॥

शरीरबुद्धीन्द्रियदुःखसन्ततिः
न ते न च त्वं तव निर्विकारतः।
अज्ञानहेतोश्च तथैव सन्ततेः
असत्त्वमस्याः स्वपतो हि दृश्यवत्॥१७॥

इदं तु सत्यं तव नास्ति विक्रिया
विकारहेतुर्न च तेऽद्वयत्वतः।
यथा नभः सर्वगतं न लिप्यते
तथा भवान् देहगतोऽपि सूक्ष्मकः॥१८॥

देहेन्द्रियप्राणशरीरसङ्गतः
त्वात्मेति बद्ध्वाखिलबन्धभाग्भवेत्।
चिन्मात्रमेवाहमजोऽहमक्षरो
ह्यानन्दभावोऽहमिति प्रमुच्यते॥१९॥

देहोऽप्यनात्मा पृथिवीविकारजो
न प्राण आत्माऽनिल एष एव सः।
मनोऽप्यहङ्कारविकार एव नो
न चापि बुद्धिः प्रकृतेर्विकारजा॥२०॥

आत्मा चिदानन्दमयोऽविकारवान्
देहादिसङ्घाद्व्यतिरिक्त ईश्वरः।
निरञ्जनो मुक्त उपाधितः सदा
ज्ञात्वैवमात्मानमितो विमुच्यते॥२१॥

अतोऽहमात्यन्तिकमोक्षसाधनं
वक्ष्ये शृणुष्वावहितो महामते।
विष्णोर्हि भक्तिः सुविशोधनं धियः
ततो भवेज्ज्ञानमतीव निर्मलम्॥२२॥

विशुद्धतत्त्वानुभवो भवेत्ततः
सम्यग्विदित्वा परमं पदं व्रजेत्।
अतो भजस्वाद्य हरिं रमापतिं
रामं पुराणं प्रकृतेः परं विभुम्॥२३॥

विसृज्य मौर्ख्यं हृदि शत्रुभावनां
भजस्व रामं शरणागतप्रियम्।
सीतां पुरस्कृत्य सपुत्रबान्धवो
रामं नमस्कृत्य विमुच्यसे भयात्॥२४॥

रामं परात्मानमभावयन् जनो
भक्त्या हृदिस्थं सुखरूपमद्वयम्।
कथं परं तीरमवाप्नुयाज्जनो
भवाम्बुधेर्दुःखतरङ्गमालिनः॥२५॥

नो चेत्त्वमज्ञानमयेन वह्निना
ज्वलन्तमात्मानमरक्षितारिवत्।
नयस्यधोऽधः स्वकृतैश्च पातकैः
विमोक्षशङ्का न च ते भविष्यति॥२६॥

श्रुत्वाऽमृतास्वादसमानभाषितं
तद् वायुसूनोर्दशकन्धरोऽसुरः।
अमृष्यमाणोऽतिरुषा कपीश्वरं
जगाद रक्तान्तविलोचनो ज्वलन्॥२७॥

कथं ममाग्रे विलपस्यभीतवत्
प्लवङ्गमानामधमोऽसि दुष्टधीः।
क एष रामः कतमो वनेचरो
निहन्मि सुग्रीवयुतं नराधमम्॥२८॥

त्वां चाद्य हत्वा जनकात्मजां ततो
निहन्मि रामं सहलक्ष्मणं ततः।
सुग्रीवमग्रे बलिनं कपीश्वरं
सवानरं हन्म्यचिरेण वानर॥२९॥

श्रुत्वा दशग्रीववचः स मारुतिः
विवृद्धकोपेन दहन्निवासुरम्।
न मे समा रावणकोटयोऽधम
रामस्य दासोऽहमपारविक्रमः॥३०॥

श्रुत्वाऽतिकोपेन हनूमतो वचो
दशाननो राक्षसमेवमब्रवीत्।
पार्श्वे स्थितं मारय खण्डशः कपिं
पश्यन्तु सर्वेऽसुरमित्रबान्धवाः॥३१॥

निवारयामास ततो विभीषणो
महासुरं सायुधमुद्यतं वधे।
राजन् वधार्हो न भवेत्कथञ्चन
प्रतापयुक्तैः परराजवानरः॥३२॥

हतेऽस्मिन् वानरे दूते वार्ता को वा निवेदयेत्।

रामाय त्वं यमुद्दिश्य वधाय समुपस्थितः॥३३॥

अतो वधसमं किञ्चिदन्यच्चिन्तय वानरे।

सचिह्नो गच्छतु हरिर्यं दृष्ट्वाऽऽयास्यति द्रुतम्॥३४॥

रामः सुग्रीवसहितस्ततो युद्धं भवेत् तव।

विभीषणवचः श्रुत्वा रावणोऽप्येतदब्रवीत्॥३५॥

वानराणां हि लाङ्गूले महामानो भवेत्किल।

अतो वस्त्रादिभिः पुच्छं वेष्टयित्वा प्रयत्नतः॥३६॥

वह्निना योजयित्वैनं भ्रामयित्वा पुरेऽभितः।

विसर्जयत पश्यन्तु सर्वे वानरयूथपाः॥३७॥

तथेति शणपट्टैश्च वस्त्रैरन्यैरनेकशः।

तैलाक्तैर्वेष्टयामासुर्लाङ्गूलं मारुतेर्दृढम्॥३८॥

पुच्छाग्रे किञ्चिदनलं दीपयित्वाऽथ राक्षसाः।

रज्जुभिः सुदृढं बद्ध्वा धृत्वा तं बलिनोऽसुराः॥३९॥

समन्ताद्भ्रामयामासुश्चोरोऽयमिति वादिनः।

तूर्यघोषैर्घोषयन्तस्ताडयन्तो मुहुर्मुहुः॥४०॥

हनूमताऽपि तत्सर्वं सोढं किञ्चिच्चिकीर्षुणा।

गत्वा तु पश्चिमद्वारसमीपं तत्र मारुतिः॥४१॥

सूक्ष्मो बभूव बन्धेभ्यो निःसृतः पुनरप्यसौ।

बभूव पर्वताकारस्तत उत्प्लुत्य गोपुरम्॥४२॥

तत्रैकं स्तम्भमादाय हत्वा तान् रक्षिणः क्षणात्।

विचार्य कार्यशेषं स प्रासादाग्राद्गृहाद्गृहम्॥४३॥

उत्प्लुत्योप्लुत्य सन्दीप्तपुच्छेन महता कपिः।

ददाह लङ्कामखिलां साट्टप्रासादतोरणाम्॥४४॥

हा तात पुत्र नाथेति क्रन्दमानाः समन्ततः।

व्याप्ताः प्रासादशिखरेऽप्यारूढा दैत्ययोषितः॥४५॥

देवता इव दृश्यन्ते पतन्त्यः पावकेऽखिलाः।

विभीषणगृहं त्यक्त्वा सर्वं भस्मीकृतं पुरम्॥४६॥

तत उत्प्लुत्य जलधौ हनुमान्मारुतात्मजः।

लाङ्गूलं मज्जयित्वाऽन्तः स्वस्थचित्तो बभूव सः॥४७॥

वायोः प्रियसखित्वाच्च सीतया प्रार्थितोऽनलः।

न ददाह हरेः पुच्छं बभूवात्यन्तशीतलः॥४८॥

यन्नामसंस्मरणधूतसमस्तपापाः
तापत्रयानलमपीह तरन्ति सद्यः।
तस्यैव किं रघुवरस्य विशिष्टदूतः
सन्तप्यते कथमसौ प्रकृताऽनलेन॥४९॥

॥इति श्रीमदध्यात्मरामायणे उमामहेश्वरसंवादे सुन्दरकाण्डे चतुर्थः सर्गः॥

चतुर्थः सर्गः

Mon, 01 Jan 0001 00:00:00 +0000

चतुर्थः सर्गः

श्री-महादेव उवाच

एकदा ब्रह्मणो लोकादायान्तं नारदं मुनिम्।

पर्यटन् रावणो लोकान् दृष्ट्वा नत्वाऽब्रवीद् वचः॥१॥

भगवन् ब्रूहि मे योद्धुं कुत्र सन्ति महाबलाः।

योद्धुमिच्छामि बलिभिस्त्वं ज्ञाताऽसि जगत्त्रयम्॥२॥

मुनिर्ध्यात्वाऽऽह सुचिरं श्वेतद्वीपनिवासिनः।

महाबला महाकायास्तत्र याहि महामते॥३॥

विष्णुपूजारता ये वै विष्णुना निहताश्च ये।

त एव तत्र सञ्जाता अजेयाश्च सुरासुरैः॥४॥

श्रुत्वा तद्रावणो वेगान्मन्त्रिभिः पुष्पकेण तान्।

योद्धुकामः समागत्य श्वेतद्वीपसमीपतः॥५॥

तत्प्रभाहततेजस्कं पुष्पकं नाचलत्ततः।

त्यक्त्वा विमानं प्रययौ मन्त्रिणश्च दशाननः॥६॥

प्रविशन्नेव तद्द्वीपं धृतो हस्तेन योषिता।

पृष्टश्च त्वं कुतः कोऽसि प्रेषितः केन वा वद॥७॥

इत्युक्तो लीलया स्त्रीभिर्हसन्तीभिः पुनः पुनः।

कृच्छ्राद्धस्ताद्विनिर्मुक्तस्तासां स्त्रीणां दशाननः॥८॥

आश्चर्यमतुलं लब्ध्वा चिन्तयामास दुर्मतिः।

विष्णुना निहतो यामि वैकुण्ठमिति निश्चितः॥९॥

मयि विष्णुर्यथा कुप्येत्तथा कार्यं करोम्यहम्।

इति निश्चित्य वैदेहीं जहार विपिनेऽसुरः॥१०॥

जानन्नेव परात्मानं स जहारावनीसुताम्।

मातृवत्पालयामास त्वत्तः काङ्क्षन् वधं स्वकम्॥११॥

राम त्वं परमेश्वरोऽसि सकलं जानासि विज्ञानदृग्
भूतं भव्यमिदं त्रिकालकलनासाक्षी विकल्पोज्झितः।
भक्तानामनुवर्तनाय सकलां कुर्वन् क्रियासंहतिं
त्वं शृण्वन्मनुजाकृतिर्मुनिवचो भासीश लोकार्चितः॥१२॥

स्तुत्वैवं राघवं तेन पूजितः कुम्भसम्भवः।

स्वाश्रमं मुनिभिः सार्धं प्रययौ हृष्टमानसः॥१३॥

रामस्तु सीतया सार्धं भ्रातृभिः सह मन्त्रिभिः।

संसारीव रमानाथो रममाणोऽवसद्गृहे॥१४॥

अनासक्तोऽपि विषयान् बुभुजे प्रियया सह।

हनुमत्प्रमुखैः सद्भिर्वानरैः परिवेष्टितः॥१५॥

पुष्पकं चागमद्राममेकदा पूर्ववत्प्रभुम्।

प्राह देव कुबेरेण प्रेषितं त्वामहं ततः॥१६॥

जितं त्वं रावणेनादौ पश्चाद्रामेण निर्जितम्।

अतस्त्वं राघवं नित्यं वह यावद्वसेद्भुवि॥१७॥

यदा गच्छेद् रघुश्रेष्ठो वैकुण्ठं याहि मां तदा।

तच्छ्रुत्वा राघवः प्राह पुष्पकं सूर्यसन्निभम्॥१८॥

यदा स्मरामि भद्रं ते तदाऽऽगच्छ ममान्तिकम्।

तिष्ठान्तर्धाय सर्वत्र गच्छेदानीं ममाऽऽज्ञया॥१९॥

इत्युक्त्वा रामचन्द्रोऽपि पौरकार्याणि सर्वशः।

भ्रातृभिर्मन्त्रिभिः सार्धं यथान्यायं चकार सः॥२०॥

राघवे शासति भुवं लोकनाथे रमापतौ।

वसुधा सस्यसम्पन्ना फलवन्तश्च भूरुहाः॥२१॥

जना धर्मपराः सर्वे पतिभक्तिपराः स्त्रियः।

नापश्यत्पुत्रमरणं कश्चिद्राजनि राघवे॥२२॥

समारुह्य विमानाग्र्यं राघवः सीतया सह।

वानरैर्भ्रातृभिः सार्धं सञ्चचारावनिं प्रभुः॥२३॥

अमानुषाणि कार्याणि चकार बहुशो भुवि।

ब्राह्मणस्य सुतं दृष्ट्वा बालं मृतमकालतः॥२४॥

शोचन्तं ब्राह्मणं चापि ज्ञात्वा रामो महामतिः।

तपस्यन्तं वने शूद्रं हत्वा ब्राह्मणबालकम्॥२५॥

जीवयामास शूद्रस्य ददौ स्वर्गमनुत्तमम्।

लोकानामुपदेशार्थं परमात्मा रघूत्तमः॥२६॥

कोटिशः स्थापयामास शिवलिङ्गानि सर्वशः।

सीतां च रमयामास सर्वभोगैरमानुषैः॥२७॥

शशास रामो धर्मेण राज्यं परमधर्मवित्।

कथां संस्थापयामास सर्वलोकमलापहाम्॥२८॥

दशवर्षसहस्राणि मायामानुषविग्रहः।

चकार राज्यं विधिवल्लोकवन्द्यपदाम्बुजः॥२९॥

एकपत्नीव्रतो रामो राजर्षिः सर्वदा शुचिः।

गृहमेधीयमखिलमाचरन् शिक्षयन् जनान्॥३०॥

सीता प्रेम्णाऽनुवृत्त्या च प्रश्रयेण दमेन च।

भर्तुर्मनोहरा साध्वी भावज्ञा सा ह्रिया भिया॥३१॥

एकदा क्रीडविपिने सर्वभोगसमन्विते।

एकान्ते दिव्यभवने सुखासीनं रघूत्तमम्॥३२॥

नीलमाणिक्यसङ्काशं दिव्याभरणभूषितम्।

प्रसन्नवदनं शान्तं विद्युत्पुञ्जनिभाम्बरम्॥३३॥

सीता कमलपत्राक्षी सर्वाभरणभूषिता।

राममाह कराभ्यां सा लालयन्ती पदाम्बुजे॥३४॥

देवदेव जगन्नाथ परमात्मन् सनातन।

चिदानन्दादिमध्यान्तरहिताशेषकारण॥३५॥

देव देवाः समासाद्य मामेकान्तेऽब्रुवन्वचः।

बहुशोऽर्थयमानास्ते वैकुण्ठागमनं प्रति॥३६॥

त्वया समेतश्चिच्छक्त्या रामस्तिष्ठति भूतले।

विसृज्यास्मान् स्वकं धाम वैकुण्ठं च सनातनम्॥३७॥

आस्ते त्वया जगद्धात्रि रामः कमललोचनः।

अग्रतो याहि वैकुण्ठं त्वं तथा चेद् रघूत्तमः॥३८॥

आगमिष्यति वैकुण्ठं सनाथान्नः करिष्यति।

इति विज्ञापिताऽहं तैर्मया विज्ञापितो भवान्॥३९॥

यद्युक्तं तत्कुरुष्वाद्य नाहमाज्ञापये प्रभो।

सीतायास्तद्वचः श्रुत्वा रामो ध्यात्वाऽब्रवीत्क्षणम्॥४०॥

देवि जानामि सकलं तत्रोपायं वदामि ते।

कल्पयित्वा मिषं देवि लोकवादं त्वदाशयम्॥४१॥

त्यजामि त्वां वने लोकवादाद्भीत इवापरः।

भविष्यतः कुमारौ द्वौ वाल्मीकेराश्रमान्तिके॥४२॥

इदानीं दृश्यते गर्भः पुनरागत्य मेऽन्तिकम्।

लोकानां प्रत्ययार्थं त्वं कृत्वा शपथमादरात्॥४३॥

भूमेर्विवरमात्रेण वैकुण्ठं यास्यसि द्रुतम्।

पश्चादहं गमिष्यामि एष एव सुनिश्चयः॥४४॥

इत्युक्त्वा तां विसृज्याथ रामो ज्ञानैकलक्षणः।

मन्त्रिभिर्मन्त्रतत्त्वज्ञैर्बलमुख्यैश्च संवृतः॥४५॥

तत्रोपविष्टं श्रीरामं सुहृदः पर्युपासत।

हास्यप्रौढकथासुज्ञा हासयन्तः स्थिता हरिम्॥४६॥

कथाप्रसङ्गात्पप्रच्छ रामो विजयनामकम्।

पौरा जानपदा मे किं वदन्तीह शुभाशुभम्॥४७॥

सीतां वा मातरं वा मे भ्रातॄन्वा कैकयीमथ।

न भेतव्यं त्वया ब्रूहि शापितोऽसि ममोपरि॥४८॥

इत्युक्तः प्राह विजयो देव सर्वे वदन्ति ते।

कृतं सुदुष्करं सर्वं रामेण विदितात्मना॥४९॥

किन्तु हत्वा दशग्रीवं सीतामाहृत्य राघवः।

अमर्षं पृष्ठतः कृत्वा स्वं वेश्म प्रत्यपादयत्॥५०॥

कीदृशं हृदये तस्य सीतासम्भोगजं सुखम्।

या हृता विजनेऽरण्ये रावणेन दुरात्मना॥५१॥

अस्माकमपि दुष्कर्म योषितां मर्षणं भवेत्।

यादृग्भवति वै राजा तादृश्यो नियतं प्रजाः॥५२॥

श्रुत्वा तद्वचनं रामः स्वजनान् पर्यपृच्छत।

तेऽपि नत्वाऽब्रुवन् राममेवमेतन्न संशयः॥५३॥

ततो विसृज्य सचिवान् विजयं सुहृदस्तथा।

आहूय लक्ष्मणं रामो वचनं चेदमब्रवीत्॥५४॥

लोकापवादस्तु महान् सीतामाश्रित्य मेऽभवत्।

सीतां प्रातः समानीय वाल्मीकेराश्रमान्तिके॥५५॥

त्यक्त्वा शीघ्रं रथेन त्वं पुनरायाहि लक्ष्मण।

वक्ष्यसे यदि वा किञ्चित्तदा मां हतवानसि॥५६॥

इत्युक्तो लक्ष्मणो भीत्या प्रातरुत्थाय जानकीम्।

सुमन्त्रेण रथे कृत्वा जगाम सहसा वनम्॥५७॥

वाल्मीकेराश्रमस्यान्ते त्यक्त्वा सीतामुवाच सः।

लोकापवादभीत्या त्वां त्यक्तवान् राघवो वने॥५८॥

दोषो न कश्चिन्मे मातर्गच्छाऽऽश्रमपदं मुनेः।

इत्युक्त्वा लक्ष्मणः शीघ्रं गतवान् रामसन्निधिम्॥५९॥

सीताऽपि दुःखसन्तप्ता विललापातिमुग्धवत्।

शिष्यैः श्रुत्वा च वाल्मीकिः सीतां ज्ञात्वा स दिव्यदृक्॥६०॥

अर्घ्यादिभिः पूजयित्वा समाश्वास्य च जानकीम्।

ज्ञात्वा भविष्यं सकलमार्पयन् मुनियोषिताम्॥६१॥

तास्तां सम्पूजयन्ति स्म सीतां भक्त्या दिने दिने।
ज्ञात्वा परात्मनो लक्ष्मीं मुनिवाक्येन योषितः।
सेवां चक्रुः सदा तस्या विनयादिभिरादरात्॥६२॥

रामोऽपि सीतारहितः परात्मा
विज्ञानदृक्केवल आदिदेवः।
सन्त्यज्य भोगानखिलान् विरक्तो
मुनिव्रतोऽभून्मुनिसेविताङ्घ्रिः॥६३॥

॥इति श्रीमदध्यात्मरामायणे उमामहेश्वरसंवादे उत्तरकाण्डे चतुर्थः सर्गः॥

चतुर्थः सर्गः

Mon, 01 Jan 0001 00:00:00 +0000

चतुर्थः सर्गः

श्री-महादेव उवाच

सेतुमारभमाणस्तु तत्र रामेश्वरं शिवम्।

संस्थाप्य पूजयित्वाऽऽह रामो लोकहिताय च॥१॥

प्रणमेत्सेतुबन्धं यो दृष्ट्वा रामेश्वरं शिवम्।

ब्रह्महत्यादिपापेभ्यो मुच्यते मदनुग्रहात्॥२॥

सेतुबन्धे नरः स्नात्वा दृष्ट्वा रामेश्वरं हरम्।

सङ्कल्पनियतो भूत्वा गत्वा वाराणसीं नरः॥३॥

आनीय गङ्गासलिलं रामेशमभिषिच्य च।

समुद्रे क्षिप्ततद् भारो ब्रह्म प्राप्नोत्यसंशयम्॥४॥

कृतानि प्रथमेनाह्ना योजनानि चतुर्दश।

द्वितीयेन तथा चाह्ना योजनानि तु विंशतिः॥५॥

तृतीयेन तथा चाह्ना योजनान्येकविंशतिः।

चतुर्थेन तथा चाह्ना द्वाविंशतिरिति श्रुतम्॥६॥

पञ्चमेन त्रयोविंशद्योजनानि समन्ततः।

बबन्ध सागरे सेतुं नलो वानरसत्तमः॥७॥

तेनैव जग्मुः कपयो योजनानां शतं द्रुतम्।

असङ्ख्याताः सुवेलाद्रिं रुरुधुः प्लवगोत्तमाः॥८॥

आरुह्य मारुतिं रामो लक्ष्मणोऽप्यङ्गदं तथा।

दिदृक्षू राघवो लङ्कामारुरोहाचलं महत्॥९॥

दृष्ट्वा लङ्कां सुविस्तीर्णां नानाचित्रध्वजाकुलाम्।

चित्रप्रासादसम्बाधां स्वर्णप्राकारतोरणाम्॥१०॥

परिखाभिः शतघ्नीभिः सङ्क्रमैश्च विराजिताम्।

प्रासादोपरि विस्तीर्णप्रदेशे दशकन्धरः॥११॥

मन्त्रिभिः सहितो वीरैः किरीटदशकोज्ज्वलः।

नीलाद्रिशिखराकारः कालमेघसमप्रभः॥१२॥

रत्नदण्डैः सितच्छत्रैरनेकैः परिशोभितः।

एतस्मिन्नन्तरे बद्धो मुक्तो रामेण वै शुकः॥१३॥

वानरैस्ताडितः सम्यग् दशाननमुपागतः।

प्रहसन् रावणः प्राह पीडितः किं परैः शुक॥१४॥

रावणस्य वचः श्रुत्वा शुको वचनमब्रवीत्।
सागरस्योत्तरे तीरेऽब्रवं ते वचनं यथा।
तत उत्प्लुत्य कपयो गृहीत्वा मां क्षणात्ततः॥१५॥

मुष्टिभिर्नखदन्तैश्च हन्तुं लोप्तुं प्रचक्रमुः।

ततो मां राम रक्षेति क्रोशन्तं रघुपुङ्गवः॥१६॥

विसृज्यतामिति प्राह विसृष्टोऽहं कपीश्वरैः।

ततोऽहमागतो भीत्या दृष्ट्वा तद् वानरं बलम्॥१७॥

राक्षसानां बलौघस्य वानरेन्द्रबलस्य च।

नैतयोर्विद्यते सन्धिर्देवदानवयोरिव॥१८॥

पुरप्राकारमायान्ति क्षिप्रमेकतरं कुरु।

सीतां वाऽस्मै प्रयच्छाऽऽशु युद्धं वा दीयतां प्रभो॥१९॥

मामाह रामस्त्वं ब्रूहि रावणं मद्वचः शुक।

यद्बलं च समाश्रित्य सीतां मे हृतवानसि॥२०॥

तद्दर्शय यथाकामं ससैन्यः सहबान्धवः।

श्वःकाले नगरीं लङ्कां सप्राकारां सतोरणाम्॥२१॥

राक्षसं च बलं पश्य शरैर्विध्वंसितं मया।

घोररोषमहं मोक्ष्ये बलं धारय रावण॥२२॥

इत्युक्त्वोपररामाथ रामः कमललोचनः।

एकस्थानगता यत्र चत्वारः पुरुषर्षभाः॥२३॥

श्रीरामो लक्ष्मणश्चैव सुग्रीवश्च विभीषणः।

एत एव समर्थास्ते लङ्कां नाशयितुं प्रभो॥२४॥

उत्पाट्य भस्मीकरणे सर्वे तिष्ठन्तु वानराः।

तस्य यादृग्बलं दृष्टं रूपं प्रहरणानि च॥२५॥

वधिष्यति पुरं सर्वमेकस्तिष्ठन्तु ते त्रयः।

पश्य वानरसेनां तामसङ्ख्यातां प्रपूरिताम्॥२६॥

गर्जन्ति वानरास्तत्र पश्य पर्वतसन्निभाः।

न शक्यास्ते गणयितुं प्राधान्येन ब्रवीमि ते॥२७॥

एष योऽभिमुखो लङ्कां नदंस्तिष्ठति वानरः।

यूथपानां सहस्राणां शतेन परिवारितः॥२८॥

सुग्रीवसेनाधिपतिर्नीलो नामाग्निनन्दनः।

एष पर्वतशृङ्गाभः पद्मकिञ्जल्कसन्निभः॥२९॥

स्फोटयत्यभिसंरब्धो लाङ्गूलं च पुनः पुनः।

युवराजोऽङ्गदो नाम वालिपुत्रोऽतिवीर्यवान्॥३०॥

येन दृष्टा जनकजा रामस्यातीववल्लभा।

हनूमानेष विख्यातो हतो येन तवाऽऽत्मजः॥३१॥

श्वेतो रजतसङ्काशो महाबुद्धिपराक्रमः।

तूर्णं सुग्रीवमागत्य पुनर्गच्छति वानरः॥३२॥

यस्त्वेष सिंहसङ्काशः पश्यत्यतुलविक्रमः।

रम्भो नाम महासत्त्वो लङ्कां नाशयितुं क्षमः॥३३॥

एष पश्यति वै लङ्कां दिधक्षन्निव वानरः।

शरभो नाम राजेन्द्र कोटियूथपनायकः॥३४॥

पनसश्च महावीर्यो मैन्दश्च द्विविदस्तथा।

नलश्च सेतुकर्ताऽसौ विश्वकर्मसुतो बली॥३५॥

वानराणां वर्णने वा सङ्ख्याने वा क ईश्वरः।

शूराः सर्वे महाकायाः सर्वे युद्धाभिकाङ्क्षिणः॥३६॥

शक्ताः सर्वे चूर्णयितुं लङ्कां रक्षोगणैः सह।

एतेषां बलसङ्ख्यानं प्रत्येकं वच्मि ते शृणु॥३७॥

एषां कोटिसहस्राणि नव पञ्च च सप्त च।

तथा शङ्खसहस्राणि तथाऽर्बुदशतानि च॥३८॥

सुग्रीवसचिवानां ते बलमेतत्प्रकीर्तितम्।

अन्येषां तु बलं नाहं वक्तुं शक्तोऽस्मि रावण॥३९॥

रामो न मानुषः साक्षादादिनारायणः परः।

सीता साक्षाज्जगद्धेतुश्चिच्छक्तिर्जगदात्मिका॥४०॥

ताभ्यामेव समुत्पन्नं जगत्स्थावरजङ्गमम्।

तस्माद्रामश्च सीता च जगतस्तस्थुषश्च तौ॥४१॥

पितरौ पृथिवीपाल तयोर्वैरी कथं भवेत्।

अजानता त्वयाऽऽनीता जगन्मातैव जानकी॥४२॥

क्षणनाशिनि संसारे शरीरे क्षणभङ्गुरे।

पञ्चभूतात्मके राजंश्चतुर्विंशतितत्त्वके॥४३॥

मलमांसास्थिदुर्गन्धभूयिष्ठेऽहङ्कृतालये।

कैवास्था व्यतिरिक्तस्य काये तव जडात्मके॥४४॥

यत्कृते ब्रह्महत्यादिपातकानि कृतानि च।

भोगभोक्ता तु यो देहः स देहोऽत्र पतिष्यति॥४५॥

पुण्यपापे समायातो जीवेन सुखदुःखयोः।

कारणे देहयोगादिनाऽऽत्मनः कुरुतोऽनिशम्॥४६॥

यावद्देहोऽस्मि कर्ताऽस्मीत्यात्माऽहं कुरुतेऽवशः।

अध्यासात्तावदेव स्याज्जन्मनाशादिसम्भवः॥४७॥

तस्मात्त्वं त्यज देहादावभिमानं महामते।

आत्मातिऽनिर्मलः शुद्धो विज्ञानात्माऽचलोऽव्ययः॥४८॥

स्वाज्ञानवशतो बन्धं प्रतिपद्य विमुह्यति।

तस्मात्त्वं शुद्धभावेन ज्ञात्वाऽऽत्मानं सदा स्मर॥४९॥

विरतिं भज सर्वत्र पुत्रदारगृहादिषु।

निरयेष्वपि भोगः स्याच्छ्वशूकरतनावपि॥५०॥

देहं लब्ध्वा विवेकाढ्यं द्विजत्वं च विशेषतः।

तत्रापि भारते वर्षे कर्मभूमौ सुदुर्लभम्॥५१॥

को विद्वानात्मसात्कृत्वा देहं भोगानुगो भवेत्।

अतस्त्वं ब्राह्मणो भूत्वा पौलस्त्यतनयश्च सन्॥५२॥

अज्ञानीव सदा भोगाननुधावसि किं मुधा।

इतः परं वा त्यक्त्वा त्वं सर्वसङ्गं समाश्रय॥५३॥

राममेव परात्मनं भक्तिभावेन सर्वदा।

सीतां समर्प्य रामाय तत्पादानुचरो भव॥५४॥

विमुक्तः सर्वपापेभ्यो विष्णुलोकं प्रयास्यसि।
नो चेद्गमिष्यसेऽधोऽधः पुनरावृत्तिवर्जितः।
अङ्गीकुरुष्व मद्वाक्यं हितमेव वदामि ते॥५५॥

सत्सङ्गतिं कुरु भजस्व हरिं शरण्यं
श्रीराघवं मरकतोपलकान्तिकान्तम्।
सीतासमेतमनिशं धृतचापबाणं
सुग्रीवलक्ष्मणविभीषणसेविताङ्घ्रिम्॥५६॥

॥इति श्रीमदध्यात्मरामायणे उमामहेश्वरसंवादे युद्धकाण्डे चतुर्थः सर्गः॥

चतुर्थोऽध्यायः

Mon, 01 Jan 0001 00:00:00 +0000

चतुर्थोऽध्यायः

ईश्वर उवाच

सनत्कुमार वक्ष्यामि धारणापारणाव्रतम्।

पुण्याहं वाचयेत्पूर्वमारभ्य प्रतिपद्दिनम्॥१॥

सङ्कल्पयेन्मम प्रीत्यै धारणापारणाव्रतम्।

एकस्मिन्धारणं कुर्यात्पारणं च तथापरे॥२॥

उपवासो धारणे स्यात्पारणे भोजनं भवेत्।

समाप्ते मासि चैवात्र कुर्यादुद्यापनं व्रती॥३॥

समाप्ते श्रावणे मासि पुण्याहं कारयेत्पुरा।

आचार्यं वरयेत्पश्चाद् ब्राह्मणांश्चैव मानद॥४॥

पार्वतीशङ्करस्यापि प्रतिमां स्वर्णनिर्मिताम्।

पूर्णकुम्भे तु संस्थाप्य पूजयेन्निशि भक्तितः॥५॥

रात्रौ जागरणं कुर्यात्पुराणश्रवणादिभिः।

प्रातरग्निं समाधाय होमं कुर्याद्यथाविधि॥६॥

त्र्यम्बकेणेति मन्त्रेण जुहुयाच्च तिलौदनम्।

तथैव शिवगायत्र्या जुहुयाच्च घृतौदनम्॥७॥

षडक्षरेण मन्त्रेण पायसं जुहुयात्ततः।

पूर्णाहुतिं ततो हुत्वा होमशेषं समापयेत्॥८॥

ब्राह्मणान्भोजयेत्पश्चादाचार्यं चैव पूजयेत्।

एवं कृत्वा महाभाग ब्रह्महत्यादिपातकैः॥९॥

मुच्यते नात्र सन्देहस्तस्मात्कुर्यान्महाव्रतम्।

शृणु मासोपवासस्य श्रावणे विधिमादरात्॥१०॥

सङ्कल्पयेत्तु प्रतिपद्दिने प्रातर्वतं मुने।

नारी वा पुरुषो वापि संयतात्मा जितेन्द्रियः॥११॥

ततोऽर्चयेदमायां तु शङ्करं लोकशङ्करम्।

सम्पूजयेत् षोडशभिरुपचारैर्वृषध्वजम्॥१२॥

ब्राह्मणान्पूजयेच्चैव वस्त्रालङ्करणादिभिः।

भोजयेच्च यथाशक्त्या प्रणिपत्य विसर्जयेत्॥१३॥

एवं मासोपवासस्तु मम प्रीतिकरो भवेत्।

रुद्रवर्तिविधानं च सम्मितं लक्षसङ्ख्यया॥१४॥

शृणुष्वावहितो भूत्वा सर्वसिद्धिकरं नृणाम्।

कार्पासतन्तुभिः कार्या एकादशभिरादरात्॥१५॥

वर्तयस्ता रुद्रवर्तिसंज्ञाः प्रीतिकरा मम।

श्रावणस्याद्यदिवसे सङ्कल्प्य विधिपूर्वकम्॥१६॥

देवदेवं महादेवं लक्षवर्तिभिरादरात्।

नीराजयामि गौरीशं श्रावणे मासि भक्तितः॥१७॥

पूजयित्वा प्रतिदिनं वर्तीनां तु सहस्रशः।

नीराजयेदन्त्यदिने सहस्राण्येकसप्ततिः॥१८॥

अथवा प्रत्यहं दद्यात्सहस्त्रत्रयमादृतः।

चरमे तु दिने दद्यात्सहस्त्राणि त्रयोदश॥१९॥

एकस्मिन्वा दिने रुद्रवर्तिलक्षं प्रदीपयेत्।

सुघृतेनापि बहुना स्निग्धास्ता मम वल्लभाः॥२०॥

पूजयित्वा तु विश्वेशं शृणुयाच्च कथां ततः॥२१॥

सनत्कुमार उवाच

चतुर्थोऽध्यायः---ज्ञानकर्मसन्न्यासयोगः

Mon, 01 Jan 0001 00:00:00 +0000

चतुर्थोऽध्यायः---ज्ञानकर्मसन्न्यासयोगः

श्रीभगवानुवाच

इमं विवस्वते योगं प्रोक्तवानहमव्ययम्।

विवस्वान् मनवे प्राह मनुरिक्ष्वाकवेऽब्रवीत्॥१॥

एवं परम्पराप्राप्तमिमं राजर्षयो विदुः।

स कालेनेह महता योगो नष्टः परन्तप॥२॥

स एवायं मया तेऽद्य योगः प्रोक्तः पुरातनः।

भक्तोऽसि मे सखा चेति रहस्यं ह्येतदुत्तमम्॥३॥

अर्जुन उवाच

अपरं भवतो जन्म परं जन्म विवस्वतः।

कथमेतद् विजानीयां त्वमादौ प्रोक्तवानिति॥४॥

श्रीभगवानुवाच

बहूनि मे व्यतीतानि जन्मानि तव चार्जुन।

तान्यहं वेद सर्वाणि न त्वं वेत्थ परन्तप॥५॥

अजोऽपि सन्नव्ययात्मा भूतानामीश्वरोऽपि सन्।

प्रकृतिं स्वामधिष्ठाय सम्भवाम्यात्ममायया॥६॥

यदा यदा हि धर्मस्य ग्लानिर्भवति भारत।

अभ्युत्थानमधर्मस्य तदाऽऽत्मानं सृजाम्यहम्॥७॥

परित्राणाय साधूनां विनाशाय च दुष्कृताम्।

धर्मसंस्थापनार्थाय सम्भवामि युगे युगे॥८॥

जन्म कर्म च मे दिव्यमेवं यो वेत्ति तत्त्वतः।

त्यक्त्वा देहं पुनर्जन्म नैति मामेति सोऽर्जुन॥९॥

वीतरागभयक्रोधा मन्मया मामुपाश्रिताः।

बहवो ज्ञानतपसा पूता मद्भावमागताः॥१०॥

ये यथा मां प्रपद्यन्ते तांस्तथैव भजाम्यहम्।

मम वर्त्मानुवर्तन्ते मनुष्याः पार्थ सर्वशः॥११॥

काङ्क्षन्तः कर्मणां सिद्धिं यजन्त इह देवताः।

क्षिप्रं हि मानुषे लोके सिद्धिर्भवति कर्मजा॥१२॥

चातुर्वर्ण्यं मया सृष्टं गुणकर्मविभागशः।

तस्य कर्तारमपि मां विद्‌ध्यकर्तारमव्ययम्॥१३॥

न मां कर्माणि लिम्पन्ति न मे कर्मफले स्पृहा।

इति मां योऽभिजानाति कर्मभिर्न स बध्यते॥१४॥

एवं ज्ञात्वा कृतं कर्म पूर्वैरपि मुमुक्षुभिः।

कुरु कर्मैव तस्मात् त्वं पूर्वैः पूर्वतरं कृतम्॥१५॥

किं कर्म किमकर्मेति कवयोऽप्यत्र मोहिताः।

तत् ते कर्म प्रवक्ष्यामि यज्ज्ञात्वा मोक्ष्यसेऽशुभात्॥१६॥

कर्मणो ह्यपि बोद्धव्यं बोद्धव्यं च विकर्मणः।

अकर्मणश्च बोद्धव्यं गहना कर्मणो गतिः॥१७॥

कर्मण्यकर्म यः पश्येदकर्मणि च कर्म यः।

स बुद्धिमान् मनुष्येषु स युक्तः कृत्स्नकर्मकृत्॥१८॥

यस्य सर्वे समारम्भाः कामसङ्कल्पवर्जिताः।

ज्ञानाग्निदग्धकर्माणं तमाहुः पण्डितं बुधाः॥१९॥

त्यक्त्वा कर्मफलासङ्गं नित्यतृप्तो निराश्रयः।

कर्मण्यभिप्रवृत्तोऽपि नैव किञ्चित् करोति सः॥२०॥

निराशीर्यतचित्तात्मा त्यक्तसर्वपरिग्रहः।

शारीरं केवलं कर्म कुर्वन्नाऽऽप्नोति किल्बिषम्॥२१॥

यदृच्छालाभसन्तुष्टो द्वन्द्वातीतो विमत्सरः।

समः सिद्धावसिद्धौ च कृत्वाऽपि न निबध्यते॥२२॥

गतसङ्गस्य मुक्तस्य ज्ञानावस्थितचेतसः।

यज्ञायाऽऽचरतः कर्म समग्रं प्रविलीयते॥२३॥

ब्रह्मार्पणं ब्रह्म हविर्ब्रह्माग्नौ ब्रह्मणा हुतम्।

ब्रह्मैव तेन गन्तव्यं ब्रह्मकर्मसमाधिना॥२४॥

दैवमेवापरे यज्ञं योगिनः पर्युपासते।

ब्रह्माग्नावपरे यज्ञं यज्ञेनैवोपजुह्वति॥२५॥

श्रोत्रादीनीन्द्रियाण्यन्ये संयमाग्निषु जुह्वति।

शब्दादीन् विषयानन्य इन्द्रियाग्निषु जुह्वति॥२६॥

सर्वाणीन्द्रियकर्माणि प्राणकर्माणि चापरे।

आत्मसंयमयोगाग्नौ जुह्वति ज्ञानदीपिते॥२७॥

द्रव्ययज्ञास्तपोयज्ञा योगयज्ञास्तथाऽपरे।

स्वाध्यायज्ञानयज्ञाश्च यतयः संशितव्रताः॥२८॥

अपाने जुह्वति प्राणं प्राणेऽपानं तथाऽपरे।

प्राणापानगती रुद्‌ध्वा प्राणायामपरायणाः॥२९॥

अपरे नियताहाराः प्राणान् प्राणेषु जुह्वति।

सर्वेऽप्येते यज्ञविदो यज्ञक्षपितकल्मषाः॥३०॥

यज्ञशिष्टामृतभुजो यान्ति ब्रह्म सनातनम्।

नायं लोकोऽस्त्ययज्ञस्य कुतोऽन्यः कुरुसत्तम॥३१॥

एवं बहुविधा यज्ञा वितता ब्रह्मणो मुखे।

कर्मजान् विद्धि तान् सर्वानेवं ज्ञात्वा विमोक्ष्यसे॥३२॥

श्रेयान् द्रव्यमयाद् यज्ञाज्ज्ञानयज्ञः परन्तप।

सर्वं कर्माखिलं पार्थ ज्ञाने परिसमाप्यते॥३३॥

तद् विद्धि प्रणिपातेन परिप्रश्नेन सेवया।

उपदेक्ष्यन्ति ते ज्ञानं ज्ञानिनस्तत्त्वदर्शिनः॥३४॥

यज्ज्ञात्वा न पुनर्मोहमेवं यास्यसि पाण्डव।

येन भूतान्यशेषेण द्रक्ष्यस्यात्मन्यथो मयि॥३५॥

अपि चेदसि पापेभ्यः सर्वेभ्यः पापकृत्तमः।

सर्वं ज्ञानप्लवेनैव वृजिनं सन्तरिष्यसि॥३६॥

यथैधांसि समिद्धोऽग्निर्भस्मसात् कुरुतेऽर्जुन।

ज्ञानाग्निः सर्वकर्माणि भस्मसात् कुरुते तथा॥३७॥

न हि ज्ञानेन सदृशं पवित्रमिह विद्यते।

तत् स्वयं योगसंसिद्धः कालेनाऽऽत्मनि विन्दति॥३८॥

श्रद्धावाँल्लभते ज्ञानं तत्परः संयतेन्द्रियः।

ज्ञानं लब्ध्वा परां शान्तिमचिरेणाधिगच्छति॥३९॥

अज्ञश्चाश्रद्दधानश्च संशयात्मा विनश्यति।

नायं लोकोऽस्ति न परो न सुखं संशयात्मनः॥४०॥

योगसन्न्यस्तकर्माणं ज्ञानसञ्छिन्नसंशयम्।

आत्मवन्तं न कर्माणि निबध्नन्ति धनञ्जय॥४१॥

तस्मादज्ञानसम्भूतं हृत्स्थं ज्ञानासिनाऽऽत्मनः।

छित्त्वैनं संशयं योगमातिष्ठोत्तिष्ठ भारत॥४२॥

॥ॐ तत् सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे श्रीकृष्णार्जुनसंवादे ज्ञानकर्मसन्न्यासयोगो नाम चतुर्थोऽध्यायः॥

चतुर्थोऽध्यायः॥४॥

Mon, 01 Jan 0001 00:00:00 +0000

चतुर्थोऽध्यायः॥४॥

वैशम्पायन उवाच

इत्येवमुक्त्वा पुरुषप्रवीरस्-
तथाऽर्जुनो धर्मभृतां वरिष्ठः।
वाक्यं तथाऽसौ विरराम भूयो
नृपोऽपरं भ्रातरमाबभाषे॥१॥

किङ्कर्मा किंसमाचारो नकुलोऽयं भविष्यति।

सुकुमारश्च शूरश्च दर्शनीयः सुखोचितः॥२॥

अदुःखार्हश्च बालश्च लालितश्चापि नित्यशः।

सोऽयमार्तश्च शान्तश्च किं नु रोचयतात् त्विह॥३॥

किं त्वं नकुल कुर्वाणस्तस्य तात चरिष्यसि।

कर्म तत्त्वं समाचक्ष्व राज्ये तस्य महीपतेः॥४॥

नकुल उवाच

अश्वाध्यक्षो भविष्यामि विराटस्येति मे मतिः।

दामग्रन्थीति नाम्नाऽहं कर्मैतत् सुप्रियं मम॥५॥

दामग्रन्थी परिज्ञातः कुशलो दामकर्मणि।

न मां परिभविष्यन्ति जना जात्विह कर्हिचित्॥६॥

कुशलोऽस्म्यश्वशिक्षायां तथैवाश्वचिकित्सने।

प्रियाश्च सततं मेऽश्वाः कुरुराजा यथा तव॥७॥

न मां परिभविष्यन्ति किशोरा वडवास्तथा।

न दुष्टाश्च भविष्यन्ति पृष्ठे धुरि च मद्गताः॥८॥

द्रक्ष्यन्ति ये च मां केचिद् विराटनगरे जनाः।

तेभ्य एवं प्रवक्ष्यामि विहरिष्याम्यहं यथा॥९॥

पाण्डवेन ह्यहं तात अश्वेष्वधिकृतः पुरा।
इति तस्य पुरे छन्नश्चरिष्यामि महीपते।
इत्येतद् वः प्रतिज्ञातं विहरिष्याम्यहं यथा॥१०॥

वैशम्पायन उवाच

शिवाष्टोत्तरशतनामावलिः

Mon, 01 Jan 0001 00:00:00 +0000

शिवाष्टोत्तरशतनामावलिः

शिवाय नमः
महेश्वराय नमः
शम्भवे नमः
पिनाकिने नमः
शशिशेखराय नमः
वामदेवाय नमः
विरूपाक्षाय नमः
कपर्दिने नमः
नीललोहिताय नमः
शङ्कराय नमः१०
शूलपाणये नमः
खट्वाङ्गिने नमः
विष्णुवल्लभाय नमः
शिपिविष्टाय नमः
अम्बिकानाथाय नमः
श्रीकण्ठाय नमः
भक्तवत्सलाय नमः
भवाय नमः
शर्वाय नमः
त्रिलोकीशाय नमः२०
शितिकण्ठाय नमः
शिवाप्रियाय नमः
उग्राय नमः
कपालिने नमः
कामारये नमः
अन्धकासुरसूदनाय नमः
गङ्गाधराय नमः
ललाटाक्षाय नमः
कालकालाय नमः
कृपानिधये नमः३०
भीमाय नमः
परशुहस्ताय नमः
मृगपाणये नमः
जटाधराय नमः
कैलासवासिने नमः
कवचिने नमः
कठोराय नमः
त्रिपुरान्तकाय नमः
वृषाङ्काय नमः
वृषभारूढाय नमः४०
भस्मोद्धूलितविग्रहाय नमः
सामप्रियाय नमः
स्वरमयाय नमः
त्रयीमूर्तये नमः
अनीश्वराय नमः
सर्वज्ञाय नमः
परमात्मने नमः
सोमसूर्याग्निलोचनाय नमः
हविषे नमः
यज्ञमयाय नमः५०
सोमाय नमः
पञ्चवक्त्राय नमः
सदाशिवाय नमः
विश्वेश्वराय नमः
वीरभद्राय नमः
गणनाथाय नमः
प्रजापतये नमः
हिरण्यरेतसे नमः
दुर्धर्षाय नमः
गिरीशाय नमः६०
गिरिशाय नमः
अनघाय नमः
भुजङ्गभूषणाय नमः
भर्गाय नमः
गिरिधन्वने नमः
गिरिप्रियाय नमः
कृत्तिवाससे नमः
पुरारातये नमः
भगवते नमः
प्रमथाधिपाय नमः७०
मृत्युञ्जयाय नमः
सूक्ष्मतनवे नमः
जगद्व्यापिने नमः
जगद्गुरवे नमः
व्योमकेशाय नमः
महासेनजनकाय नमः
चारुविक्रमाय नमः
रुद्राय नमः
भूतपतये नमः
स्थाणवे नमः८०
अहये बुध्न्याय नमः
दिगम्बराय नमः
अष्टमूर्तये नमः
अनेकात्मने नमः
सात्त्विकाय नमः
शुद्धविग्रहाय नमः
शाश्वताय नमः
खण्डपरशवे नमः
अजाय नमः
पाशविमोचकाय नमः९०
मृडाय नमः
पशुपतये नमः
देवाय नमः
महादेवाय नमः
अव्ययाय नमः
हरये नमः
पूषदन्तभिदे नमः
अव्यग्राय नमः
दक्षाध्वरहराय नमः
हराय नमः१००
भगनेत्रभिदे नमः
अव्यक्ताय नमः
सहस्राक्षाय नमः
सहस्रपदे नमः
अपवर्गप्रदाय नमः
अनन्ताय नमः
तारकाय नमः
परमेश्वराय नमः

षण्मुखसहस्रनामावलिः

Mon, 01 Jan 0001 00:00:00 +0000

षण्मुखसहस्रनामावलिः

ध्यानम्

ध्यायेत्षण्मुखमिन्दुकोटिसदृशं रत्नप्रभाशोभितम्।

बालार्कद्युतिषट्किरीटविलसत्केयूरहारान्वितम्॥१॥

कर्णालम्बितकुण्डलप्रविलसद्गण्डस्थलाशोभितम्।

काञ्चीकङ्कणकिङ्किणीरवयुतं श‍ृङ्गारसारोदयम्॥२॥

ध्यायेदीप्सितसिद्धिदं शिवसुतं श्रीद्वादशाक्षं गुहम्।

खेटं कुक्कुटमङ्कुशं च वरदं पाशं धनुश्चक्रकम्॥३॥

वज्रं शक्तिमसिं च शूलमभयं दोर्भिर्धृतं षण्मुखम्।

देवं चित्रमयूरवाहनगतं चित्राम्बरालङ्कृतम्॥४॥

अचिन्त्यशक्तये नमः
अनघाय नमः
अक्षोभ्याय नमः
अपराजिताय नमः
अनाथवत्सलाय नमः
अमोघाय नमः
अशोकाय नमः
अजराय नमः
अभयाय नमः
अत्युदाराय नमः१०
अघहराय नमः
अग्रगण्याय नमः
अद्रिजासुताय नमः
अनन्तमहिम्ने नमः
अपाराय नमः
अनन्तसौख्यप्रदाय नमः
अव्ययाय नमः
अनन्तमोक्षदाय नमः
अनादये नमः
अप्रमेयाय नमः२०
अक्षराय नमः
अच्युताय नमः
अकल्मषाय नमः
अभिरामाय नमः
अग्रधुर्याय नमः
अमितविक्रमाय नमः
अनाथनाथाय नमः
अमलाय नमः
अप्रमत्ताय नमः
अमरप्रभवे नमः३०
अरिन्दमाय नमः
अखिलाधाराय नमः
अणिमादिगुणाय नमः
अग्रण्ये नमः
अचञ्चलाय नमः
अमरस्तुत्याय नमः
अकलङ्काय नमः
अमिताशनाय नमः
अग्निभुवे नमः
अनवद्याङ्गाय नमः४०
अद्भुताय नमः
अभीष्टदायकाय नमः
अतीन्द्रियाय नमः
अप्रमेयात्मने नमः
अदृश्याय नमः
अव्यक्तलक्षणाय नमः
आपद्विनाशकाय नमः
आर्याय नमः
आढ्याय नमः
आगमसंस्तुताय नमः५०
आर्तसंरक्षणाय नमः
आद्याय नमः
आनन्दाय नमः
आर्यसेविताय नमः
आश्रितेष्टार्थवरदाय नमः
आनन्दिने नमः
आर्तफलप्रदाय नमः
आश्चर्यरूपाय नमः
आनन्दाय नमः
आपन्नार्तिविनाशनाय नमः६०
इभवक्त्रानुजाय नमः
इष्टाय नमः
इभासुरहरात्मजाय नमः
इतिहासश्रुतिस्तुत्याय नमः
इन्द्रभोगफलप्रदाय नमः
इष्टापूर्तफलप्राप्तये नमः
इष्टेष्टवरदायकाय नमः
इहामुत्रेष्टफलदाय नमः
इष्टदाय नमः
इन्द्रवन्दिताय नमः७०
ईडनीयाय नमः
ईशपुत्राय नमः
ईप्सितार्थप्रदायकाय नमः
ईतिभीतिहराय नमः
ईड्याय नमः
ईषणात्रयवर्जिताय नमः
उदारकीर्तये नमः
उद्योगिने नमः
उत्कृष्टोरुपराक्रमाय नमः
उत्कृष्टशक्तये नमः८०
उत्साहाय नमः
उदाराय नमः
उत्सवप्रियाय नमः
उज्जृम्भाय नमः
उद्भवाय नमः
उग्राय नमः
उदग्राय नमः
उग्रलोचनाय नमः
उन्मत्ताय नमः
उग्रशमनाय नमः९०
उद्वेगघ्नोरगेश्वराय नमः
उरुप्रभावाय नमः
उदीर्णाय नमः
उमापुत्राय नमः
उदारधिये नमः
ऊर्ध्वरेतःसुताय नमः
ऊर्ध्वगतिदाय नमः
ऊर्जपालकाय नमः
ऊर्जिताय नमः
ऊर्ध्वगाय नमः१००
ऊर्ध्वाय नमः
ऊर्ध्वलोकैकनायकाय नमः
ऊर्जावते नमः
ऊर्जितोदाराय नमः
ऊर्जितोर्जितशासनाय नमः
ऋषिदेवगणस्तुत्याय नमः
ऋणत्रयविमोचनाय नमः
ऋजुरूपाय नमः
ऋजुकराय नमः
ऋजुमार्गप्रदर्शनाय नमः११०
ऋतम्बराय नमः
ऋजुप्रीताय नमः
ऋषभाय नमः
ऋद्धिदाय नमः
ऋताय नमः
लुलितोद्धारकाय नमः
लूतभवपाशप्रभञ्जनाय नमः
एणाङ्कधरसत्पुत्राय नमः
एकस्मै नमः
एनोविनाशनाय नमः१२०
ऐश्वर्यदाय नमः
ऐन्द्रभोगिने नमः
ऐतिह्याय नमः
ऐन्द्रवन्दिताय नमः
ओजस्विने नमः
ओषधिस्थानाय नमः
ओजोदाय नमः
ओदनप्रदाय नमः
औदार्यशीलाय नमः
औमेयाय नमः१३०
औग्राय नमः
औन्नत्यदायकाय नमः
औदार्याय नमः
औषधकराय नमः
औषधाय नमः
औषधाकराय नमः
अंशुमालिने नमः
अंशुमालीड्याय नमः
अम्बिकातनयाय नमः
अन्नदाय नमः१४०
अन्धकारिसुताय नमः
अन्धत्वहारिणे नमः
अम्बुजलोचनाय नमः
अस्तमायाय नमः
अमराधीशाय नमः
अस्पष्टाय नमः
अस्तोकपुण्यदाय नमः
अस्तामित्राय नमः
अस्तरूपाय नमः
अस्खलत्सुगतिदायकाय नमः१५०
कार्तिकेयाय नमः
कामरूपाय नमः
कुमाराय नमः
क्रौञ्चदारणाय नमः
कामदाय नमः
कारणाय नमः
काम्याय नमः
कमनीयाय नमः
कृपाकराय नमः
काञ्चनाभाय नमः१६०
कान्तियुक्ताय नमः
कामिने नमः
कामप्रदाय नमः
कवये नमः
कीर्तिकृते नमः
कुक्कुटधराय नमः
कूटस्थाय नमः
कुवलेक्षणाय नमः
कुङ्कुमाङ्गाय नमः
क्लमहराय नमः१७०
कुशलाय नमः
कुक्कुटध्वजाय नमः
कृशानुसम्भवाय नमः
क्रूराय नमः
क्रूरघ्नाय नमः
कलितापहृते नमः
कामरूपाय नमः
कल्पतरवे नमः
कान्ताय नमः
कामितदायकाय नमः१८०
कल्याणकृते नमः
क्लेशनाशाय नमः
कृपालवे नमः
करुणाकराय नमः
कलुषघ्नाय नमः
क्रियाशक्तये नमः
कठोराय नमः
कवचिने नमः
कृतिने नमः
कोमलाङ्गाय नमः१९०
कुशप्रीताय नमः
कुत्सितघ्नाय नमः
कलाधराय नमः
ख्याताय नमः
खेटधराय नमः
खड्गिने नमः
खट्वाङ्गिने नमः
खलनिग्रहाय नमः
ख्यातिप्रदाय नमः
खेचरेशाय नमः२००
ख्यातेहाय नमः
खेचरस्तुताय नमः
खरतापहराय नमः
खस्थाय नमः
खेचराय नमः
खेचराश्रयाय नमः
खण्डेन्दुमौलितनयाय नमः
खेलाय नमः
खेचरपालकाय नमः
खस्थलाय नमः२१०
खण्डितार्काय नमः
खेचरीजनपूजिताय नमः
गाङ्गेयाय नमः
गिरिजापुत्राय नमः
गणनाथानुजाय नमः
गुहाय नमः
गोप्त्रे नमः
गीर्वाणसंसेव्याय नमः
गुणातीताय नमः
गुहाश्रयाय नमः२२०
गतिप्रदाय नमः
गुणनिधये नमः
गम्भीराय नमः
गिरिजात्मजाय नमः
गूढरूपाय नमः
गदहराय नमः
गुणाधीशाय नमः
गुणाग्रण्ये नमः
गोधराय नमः
गहनाय नमः२३०
गुप्ताय नमः
गर्वघ्नाय नमः
गुणवर्धनाय नमः
गुह्याय नमः
गुणज्ञाय नमः
गीतिज्ञाय नमः
गतातङ्काय नमः
गुणाश्रयाय नमः
गद्यपद्यप्रियाय नमः
गुण्याय नमः२४०
गोस्तुताय नमः
गगनेचराय नमः
गणनीयचरित्राय नमः
गतक्लेशाय नमः
गुणार्णवाय नमः
घूर्णिताक्षाय नमः
घृणिनिधये नमः
घनगम्भीरघोषणाय नमः
घण्टानादप्रियाय नमः
घोषाय नमः२५०
घोराघौघविनाशनाय नमः
घनानन्दाय नमः
घर्महन्त्रे नमः
घृणावते नमः
घृष्टिपातकाय नमः
घृणिने नमः
घृणाकराय नमः
घोराय नमः
घोरदैत्यप्रहारकाय नमः
घटितैश्वर्यसन्दोहाय नमः२६०
घनार्थाय नमः
घनसङ्क्रमाय नमः
चित्रकृते नमः
चित्रवर्णाय नमः
चञ्चलाय नमः
चपलद्युतये नमः
चिन्मयाय नमः
चित्स्वरूपाय नमः
चिरानन्दाय नमः
चिरन्तनाय नमः२७०
चित्रकेलये नमः
चित्रतराय नमः
चिन्तनीयाय नमः
चमत्कॄतये नमः
चोरघ्नाय नमः
चतुराय नमः
चारवे नमः
चामीकरविभूषणाय नमः
चन्द्रार्ककोटिसदृशाय नमः
चन्द्रमौलितनूभवाय नमः२८०
चादिताङ्गाय नमः
छद्महन्त्रे नमः
छेदिताखिलपातकाय नमः
छेदीकृततमःक्लेशाय नमः
छत्रीकृतमहायशसे नमः
छादिताशेषसन्तापाय नमः
छरितामृतसागराय नमः
छन्नत्रैगुण्यरूपाय नमः
छातेहाय नमः
छिन्नसंशयाय नमः२९०
छन्दोमयाय नमः
छन्दगामिने नमः
छिन्नपाशाय नमः
छविश्छदाय नमः
जगद्धिताय नमः
जगत्पूज्याय नमः
जगज्ज्येष्ठाय नमः
जगन्मयाय नमः
जनकाय नमः
जाह्नवीसूनवे नमः३००
जितामित्राय नमः
जगद्गुरवे नमः
जयिने नमः
जितेन्द्रियाय नमः
जैत्राय नमः
जरामरणवर्जिताय नमः
ज्योतिर्मयाय नमः
जगन्नाथाय नमः
जगज्जीवाय नमः
जनाश्रयाय नमः३१०
जगत्सेव्याय नमः
जगत्कर्त्रे नमः
जगत्साक्षिणे नमः
जगत्प्रियाय नमः
जम्भारिवन्द्याय नमः
जयदाय नमः
जगज्जनमनोहराय नमः
जगदानन्दजनकाय नमः
जनजाड्यापहारकाय नमः
जपाकुसुमसङ्काशाय नमः३२०
जनलोचनशोभनाय नमः
जनेश्वराय नमः
जितक्रोधाय नमः
जनजन्मनिबर्हणाय नमः
जयदाय नमः
जन्तुतापघ्नाय नमः
जितदैत्यमहाव्रजाय नमः
जितमायाय नमः
जितक्रोधाय नमः
जितसङ्गाय नमः३३०
जनप्रियाय नमः
झञ्जानिलमहावेगाय नमः
झरिताशेषपातकाय नमः
झर्झरीकृतदैत्यौघाय नमः
झल्लरीवाद्यसम्प्रियाय नमः
ज्ञानमूर्तये नमः
ज्ञानगम्याय नमः
ज्ञानिने नमः
ज्ञानमहानिधये नमः
टङ्कारनृत्तविभवाय नमः३४०
टङ्कवज्रध्वजाङ्किताय नमः
टङ्किताखिललोकाय नमः
टङ्कितैनस्तमोरवये नमः
डम्बरप्रभवाय नमः
डम्भाय नमः
डम्बाय नमः
डमरुकप्रियाय नमः
डमरोत्कटसन्नादाय नमः
डिम्बरूपस्वरूपकाय नमः
ढक्कानादप्रीतिकराय नमः३५०
ढालितासुरसङ्कुलाय नमः
ढौकितामरसन्दोहाय नमः
ढुण्ढिविघ्नेश्वरानुजाय नमः
तत्त्वज्ञाय नमः
तत्त्वगाय नमः
तीव्राय नमः
तपोरूपाय नमः
तपोमयाय नमः
त्रयीमयाय नमः
त्रिकालज्ञाय नमः३६०
त्रिमूर्तये नमः
त्रिगुणात्मकाय नमः
त्रिदशेशाय नमः
तारकारये नमः
तापघ्नाय नमः
तापसप्रियाय नमः
तुष्टिदाय नमः
तुष्टिकृते नमः
तीक्ष्णाय नमः
तपोरूपाय नमः३७०
त्रिकालविदे नमः
स्तोत्रे नमः
स्तव्याय नमः
स्तवप्रीताय नमः
स्तुतये नमः
स्तोत्राय नमः
स्तुतिप्रियाय नमः
स्थिताय नमः
स्थायिने नमः
स्थापकाय नमः३८०
स्थूलसूक्ष्मप्रदर्शकाय नमः
स्थविष्ठाय नमः
स्थविराय नमः
स्थूलाय नमः
स्थानदाय नमः
स्थैर्यदाय नमः
स्थिराय नमः
दान्ताय नमः
दयापराय नमः
दात्रे नमः३९०
दुरितघ्नाय नमः
दुरासदाय नमः
दर्शनीयाय नमः
दयासाराय नमः
देवदेवाय नमः
दयानिधये नमः
दुराधर्षाय नमः
दुर्विगाह्याय नमः
दक्षाय नमः
दर्पणशोभिताय नमः४००
दुर्धराय नमः
दानशीलाय नमः
द्वादशाक्षाय नमः
द्विषड्भुजाय नमः
द्विषट्कर्णाय नमः
द्विषड्बाहवे नमः
दीनसन्तापनाशनाय नमः
दन्दशूकेश्वराय नमः
देवाय नमः
दिव्याय नमः४१०
दिव्याकृतये नमः
दमाय नमः
दीर्घवृत्ताय नमः
दीर्घबाहवे नमः
दीर्घदृष्टये नमः
दिवस्पतये नमः
दण्डाय नमः
दमयित्रे नमः
दर्पाय नमः
देवसिंहाय नमः४२०
दृढव्रताय नमः
दुर्लभाय नमः
दुर्गमाय नमः
दीप्ताय नमः
दुष्प्रेक्ष्याय नमः
दिव्यमण्डनाय नमः
दुरोदरघ्नाय नमः
दुःखघ्नाय नमः
दुरारिघ्नाय नमः
दिशाम्पतये नमः४३०
दुर्जयाय नमः
देवसेनेशाय नमः
दुर्ज्ञेयाय नमः
दुरतिक्रमाय नमः
दम्भाय नमः
दृप्ताय नमः
देवर्षये नमः
दैवज्ञाय नमः
दैवचिन्तकाय नमः
धुरन्धराय नमः४४०
धर्मपराय नमः
धनदाय नमः
धृतवर्धनाय नमः
धर्मेशाय नमः
धर्मशास्त्रज्ञाय नमः
धन्विने नमः
धर्मपरायणाय नमः
धनाध्यक्षाय नमः
धनपतये नमः
धृतिमते नमः४५०
धूतकिल्बिषाय नमः
धर्महेतवे नमः
धर्मशूराय नमः
धर्मकृते नमः
धर्मविदे नमः
ध्रुवाय नमः
धात्रे नमः
धीमते नमः
धर्मचारिणे नमः
धन्याय नमः४६०
धुर्याय नमः
धृतव्रताय नमः
नित्यसत्त्वाय नमः
नित्यतृप्ताय नमः
निर्लेपाय नमः
निश्चलात्मकाय नमः
निरवद्याय नमः
निराधाराय नमः
निष्कलङ्काय नमः
निरञ्जनाय नमः४७०
निर्ममाय नमः
निरहङ्काराय नमः
निर्मोहाय नमः
निरुपद्रवाय नमः
नित्यानन्दाय नमः
निरातङ्काय नमः
निष्प्रपञ्चाय नमः
निरामयाय नमः
निरवद्याय नमः
निरीहाय नमः४८०
निर्दर्शाय नमः
निर्मलात्मकाय नमः
नित्यानन्दाय नमः
निर्जरेशाय नमः
निःसङ्गाय नमः
निगमस्तुताय नमः
निष्कण्टकाय नमः
निरालम्बाय नमः
निष्प्रत्यूहाय नमः
निरुद्भवाय नमः४९०
नित्याय नमः
नियतकल्याणाय नमः
निर्विकल्पाय नमः
निराश्रयाय नमः
नेत्रे नमः
निधये नमः
नैकरूपाय नमः
निराकाराय नमः
नदीसुताय नमः
पुलिन्दकन्यारमणाय नमः५००
पुरुजिते नमः
परमप्रियाय नमः
प्रत्यक्षमूर्तये नमः
प्रत्यक्षाय नमः
परेशाय नमः
पूर्णपुण्यदाय नमः
पुण्याकराय नमः
पुण्यरूपाय नमः
पुण्याय नमः
पुण्यपरायणाय नमः५१०
पुण्योदयाय नमः
परञ्ज्योतिषे नमः
पुण्यकृते नमः
पुण्यवर्धनाय नमः
परानन्दाय नमः
परतराय नमः
पुण्यकीर्तये नमः
पुरातनाय नमः
प्रसन्नरूपाय नमः
प्राणेशाय नमः५२०
पन्नगाय नमः
पापनाशनाय नमः
प्रणतार्तिहराय नमः
पूर्णाय नमः
पार्वतीनन्दनाय नमः
प्रभवे नमः
पूतात्मने नमः
पुरुषाय नमः
प्राणाय नमः
प्रभवाय नमः५३०
पुरुषोत्तमाय नमः
प्रसन्नाय नमः
परमस्पष्टाय नमः
पराय नमः
परिवृढाय नमः
पराय नमः
परमात्मने नमः
प्रब्रह्मणे नमः
परार्थाय नमः
प्रियदर्शनाय नमः५४०
पवित्राय नमः
पुष्टिदाय नमः
पूर्तये नमः
पिङ्गलाय नमः
पुष्टिवर्धनाय नमः
पापहर्त्रे नमः
पाशधराय नमः
प्रमत्तासुरशिक्षकाय नमः
पावनाय नमः
पावकाय नमः५५०
पूज्याय नमः
पूर्णानन्दाय नमः
परात्पराय नमः
पुष्कलाय नमः
प्रवराय नमः
पूर्वाय नमः
पितृभक्ताय नमः
पुरोगमाय नमः
प्राणदाय नमः
प्राणिजनकाय नमः५६०
प्रदिष्टाय नमः
पावकोद्भवाय नमः
परब्रह्मस्वरूपाय नमः
परमैश्वर्यकारणाय नमः
परर्धिदाय नमः
पुष्टिकराय नमः
प्रकाशात्मने नमः
प्रतापवते नमः
प्रज्ञापराय नमः
प्रकृष्टार्थाय नमः५७०
पृथवे नमः
पृथुपराक्रमाय नमः
फणीश्वराय नमः
फणिवाराय नमः
फणामणिविभूषणाय नमः
फलदाय नमः
फलहस्ताय नमः
फुल्लाम्बुजविलोचनाय नमः
फडुच्चाटितपापौघाय नमः
फणिलोकविभूषणाय नमः५८०
बाहुलेयाय नमः
बृहद्रूपाय नमः
बलिष्ठाय नमः
बलवते नमः
बलिने नमः
ब्रह्मेशविष्णुरूपाय नमः
बुद्धाय नमः
बुद्धिमतां वराय नमः
बालरूपाय नमः
ब्रह्मगर्भाय नमः५९०
ब्रह्मचारिणे नमः
बुधप्रियाय नमः
बहुश्रुताय नमः
बहुमताय नमः
ब्रह्मण्याय नमः
ब्राह्मणप्रियाय नमः
बलप्रमथनाय नमः
ब्रह्मणे नमः
बहुरूपाय नमः
बहुप्रदाय नमः६००
बृहद्भानुतनूद्भूताय नमः
बृहत्सेनाय नमः
बिलेशयाय नमः
बहुबाहवे नमः
बलश्रीमते नमः
बहुदैत्यविनाशकाय नमः
बिलद्वारान्तरालस्थाय नमः
बृहच्छक्तिधनुर्धराय नमः
बालार्कद्युतिमते नमः
बालाय नमः६१०
बृहद्वक्षसे नमः
बृहद्धनुषे नमः
भव्याय नमः
भोगीश्वराय नमः
भाव्याय नमः
भवनाशाय नमः
भवप्रियाय नमः
भक्तिगम्याय नमः
भयहराय नमः
भावज्ञाय नमः६२०
भक्तसुप्रियाय नमः
भुक्तिमुक्तिप्रदाय नमः
भोगिने नमः
भगवते नमः
भाग्यवर्धनाय नमः
भ्राजिष्णवे नमः
भावनाय नमः
भर्त्रे नमः
भीमाय नमः
भीमपराक्रमाय नमः६३०
भूतिदाय नमः
भूतिकृते नमः
भोक्त्रे नमः
भूतात्मने नमः
भुवनेश्वराय नमः
भावकाय नमः
भीकराय नमः
भीष्माय नमः
भावकेष्टाय नमः
भवोद्भवाय नमः६४०
भवतापप्रशमनाय नमः
भोगवते नमः
भूतभावनाय नमः
भोज्यप्रदाय नमः
भ्रान्तिनाशाय नमः
भानुमते नमः
भुवनाश्रयाय नमः
भूरिभोगप्रदाय नमः
भद्राय नमः
भजनीयाय नमः६५०
भिषग्वराय नमः
महासेनाय नमः
महोदराय नमः
महाशक्तये नमः
महाद्युतये नमः
महाबुद्धये नमः
महावीर्याय नमः
महोत्साहाय नमः
महाबलाय नमः
महाभोगिने नमः६६०
महामायिने नमः
मेधाविने नमः
मेखलिने नमः
महते नमः
मुनिस्तुताय नमः
महामान्याय नमः
महानन्दाय नमः
महायशसे नमः
महोर्जिताय नमः
माननिधये नमः६७०
मनोरथफलप्रदाय नमः
महोदयाय नमः
महापुण्याय नमः
महाबलपराक्रमाय नमः
मानदाय नमः
मतिदाय नमः
मालिने नमः
मुक्तामालाविभूषणाय नमः
मनोहराय नमः
महामुख्याय नमः६८०
महर्द्धये नमः
मूर्तिमते नमः
मुनये नमः
महोत्तमाय नमः
महोपाय नमः
मोक्षदाय नमः
मङ्गलप्रदाय नमः
मुदाकराय नमः
मुक्तिदात्रे नमः
महाभोगाय नमः६९०
महोरगाय नमः
यशस्कराय नमः
योगयोनये नमः
योगिष्ठाय नमः
यमिनां वराय नमः
यशस्विने नमः
योगपुरुषाय नमः
योग्याय नमः
योगनिधये नमः
यमिने नमः७००
यतिसेव्याय नमः
योगयुक्ताय नमः
योगविदे नमः
योगसिद्धिदाय नमः
यन्त्राय नमः
यन्त्रिणे नमः
यन्त्रज्ञाय नमः
यन्त्रवते नमः
यन्त्रवाहकाय नमः
यातनारहिताय नमः७१०
योगिने नमः
योगीशाय नमः
योगिनां वराय नमः
रमणीयाय नमः
रम्यरूपाय नमः
रसज्ञाय नमः
रसभावनाय नमः
रञ्जनाय नमः
रञ्जिताय नमः
रागिणे नमः७२०
रुचिराय नमः
रुद्रसम्भवाय नमः
रणप्रियाय नमः
रणोदाराय नमः
रागद्वेषविनाशनाय नमः
रत्नार्चिषे नमः
रुचिराय नमः
रम्याय नमः
रूपलावण्यविग्रहाय नमः
रत्नाङ्गदधराय नमः७३०
रत्नभूषणाय नमः
रमणीयकाय नमः
रुचिकृते नमः
रोचमानाय नमः
रञ्जिताय नमः
रोगनाशनाय नमः
राजीवाक्षाय नमः
राजराजाय नमः
रक्तमाल्यानुलेपनाय नमः
राजद्वेदागमस्तुत्याय नमः७४०
रजःसत्त्वगुणान्विताय नमः
रजनीशकलारम्याय नमः
रत्नकुण्डलमण्डिताय नमः
रत्नसन्मौलिशोभाढ्याय नमः
रणन्मञ्जीरभूषणाय नमः
लोकैकनाथाय नमः
लोकेशाय नमः
ललिताय नमः
लोकनायकाय नमः
लोकरक्षाय नमः७५०
लोकशिक्षाय नमः
लोकलोचनरञ्जिताय नमः
लोकबन्धवे नमः
लोकधात्रे नमः
लोकत्रयमहाहिताय नमः
लोकचूडामणये नमः
लोकवन्द्याय नमः
लावण्यविग्रहाय नमः
लोकाध्यक्षाय नमः
लीलावते नमः७६०
लोकोत्तरगुणान्विताय नमः
वरिष्ठाय नमः
वरदाय नमः
वैद्याय नमः
विशिष्टाय नमः
विक्रमाय नमः
विभवे नमः
विबुधाग्रचराय नमः
वश्याय नमः
विकल्पपरिवर्जिताय नमः७७०
विपाशाय नमः
विगतातङ्काय नमः
विचित्राङ्गाय नमः
विरोचनाय नमः
विद्याधराय नमः
विशुद्धात्मने नमः
वेदाङ्गाय नमः
विबुधप्रियाय नमः
वचस्कराय नमः
व्यापकाय नमः७८०
विज्ञानिने नमः
विनयान्विताय नमः
विद्वत्तमाय नमः
विरोधिघ्नाय नमः
वीराय नमः
विगतरागवते नमः
वीतभावाय नमः
विनीतात्मने नमः
वेदगर्भाय नमः
वसुप्रदाय नमः७९०
विश्वदीप्तये नमः
विशालाक्षाय नमः
विजितात्मने नमः
विभावनाय नमः
वेदवेद्याय नमः
विधेयात्मने नमः
वीतदोषाय नमः
वेदविदे नमः
विश्वकर्मणे नमः
वीतभयाय नमः८००
वागीशाय नमः
वासवार्चिताय नमः
वीरध्वंसाय नमः
विश्वमूर्तये नमः
विश्वरूपाय नमः
वरासनाय नमः
विशाखाय नमः
विमलाय नमः
वाग्मिने नमः
विदुषे नमः८१०
वेदधराय नमः
वटवे नमः
वीरचूडामणये नमः
वीराय नमः
विद्येशाय नमः
विबुधाश्रयाय नमः
विजयिने नमः
विनयिने नमः
वेत्रे नमः
वरीयसे नमः८२०
विरजासे नमः
वसवे नमः
वीरघ्नाय नमः
विज्वराय नमः
वेद्याय नमः
वेगवते नमः
वीर्यवते नमः
वशिने नमः
वरशीलाय नमः
वरगुणाय नमः८३०
विशोकाय नमः
वज्रधारकाय नमः
शरजन्मने नमः
शक्तिधराय नमः
शत्रुघ्नाय नमः
शिखिवाहनाय नमः
श्रीमते नमः
शिष्टाय नमः
शुचये नमः
शुद्धाय नमः८४०
शाश्वताय नमः
श्रुतिसागराय नमः
शरण्याय नमः
शुभदाय नमः
शर्मणे नमः
शिष्टेष्टाय नमः
शुभलक्षणाय नमः
शान्ताय नमः
शूलधराय नमः
श्रेष्ठाय नमः८५०
शुद्धात्मने नमः
शङ्कराय नमः
शिवाय नमः
शितिकण्ठात्मजाय नमः
शूराय नमः
शान्तिदाय नमः
शोकनाशनाय नमः
षाण्मातुराय नमः
षण्मुखाय नमः
षड्गुणैश्वर्यसंयुताय नमः८६०
षट्चक्रस्थाय नमः
षडूर्मिघ्नाय नमः
षडङ्गश्रुतिपारगाय नमः
षड्भावरहिताय नमः
षट्काय नमः
षट्शास्त्रस्मृतिपारगाय नमः
षड्वर्गदात्रे नमः
षड्ग्रीवाय नमः
षडरिघ्ने नमः
षडाश्रयाय नमः८७०
षट्किरीटधराय श्रीमते नमः
षडाधाराय नमः
षट्क्रमाय नमः
षट्कोणमध्यनिलयाय नमः
षण्डत्वपरिहारकाय नमः
सेनान्ये नमः
सुभगाय नमः
स्कन्दाय नमः
सुरानन्दाय नमः
सतां गतये नमः८८०
सुब्रह्मण्याय नमः
सुराध्यक्षाय नमः
सर्वज्ञाय नमः
सर्वदाय नमः
सुखिने नमः
सुलभाय नमः
सिद्धिदाय नमः
सौम्याय नमः
सिद्धेशाय नमः
सिद्धिसाधनाय नमः८९०
सिद्धार्थाय नमः
सिद्धसङ्कल्पाय नमः
सिद्धसाधवे नमः
सुरेश्वराय नमः
सुभुजाय नमः
सर्वदृशे नमः
साक्षिणे नमः
सुप्रसादाय नमः
सनातनाय नमः
सुधापतये नमः९००
स्वयञ्ज्योतिषे नमः
स्वयम्भुवे नमः
सर्वतोमुखाय नमः
समर्थाय नमः
सत्कृतये नमः
सूक्ष्माय नमः
सुघोषाय नमः
सुखदाय नमः
सुहृदे नमः
सुप्रसन्नाय नमः९१०
सुरश्रेष्ठाय नमः
सुशीलाय नमः
सत्यसाधकाय नमः
सम्भाव्याय नमः
सुमनसे नमः
सेव्याय नमः
सकलागमपारगाय नमः
सुव्यक्ताय नमः
सच्चिदानन्दाय नमः
सुवीराय नमः९२०
सुजनाश्रयाय नमः
सर्वलक्षण्सम्पन्नाय नमः
सत्यधर्मपरायणाय नमः
सर्वदेवमयाय नमः
सत्याय नमः
सदा मृष्टान्नदायकाय नमः
सुधापिने नमः
सुमतये नमः
सत्याय नमः
सर्वविघ्नविनाशनाय नमः९३०
सर्वदुःखप्रशमनाय नमः
सुकुमाराय नमः
सुलोचनाय नमः
सुग्रीवाय नमः
सुधृतये नमः
साराय नमः
सुराराध्याय नमः
सुविक्रमाय नमः
सुरारिघ्ने नमः
स्वर्णवर्णाय नमः९४०
सर्पराजाय नमः
सदाशुचये नमः
सप्तार्चिर्भुवे नमः
सुरवराय नमः
सर्वायुधविशारदाय नमः
हस्तिचर्माम्बरसुताय नमः
हस्तिवाहनसेविताय नमः
हस्तचित्रायुधधराय नमः
हृताघाय नमः
हसिताननाय नमः९५०
हेमभूषाय नमः
हरिद्वर्णाय नमः
हृष्टिदाय नमः
हृष्टिवर्धनाय नमः
हेमाद्रिभिदे नमः
हंसरूपाय नमः
हुङ्कारहतकिल्बिषाय नमः
हिमाद्रिजातातनुजाय नमः
हरिकेशाय नमः
हिरण्मयाय नमः९६०
हृद्याय नमः
हृष्टाय नमः
हरिसखाय नमः
हंसाय नमः
हंसगतये नमः
हविषे नमः
हिरण्यवर्णाय नमः
हितकृते नमः
हर्षदाय नमः
हेमभूषणाय नमः९७०
हरप्रियाय नमः
हितकराय नमः
हतपापाय नमः
हरोद्भवाय नमः
क्षेमदाय नमः
क्षेमकृते नमः
क्षेम्याय नमः
क्षेत्रज्ञाय नमः
क्षामवर्जिताय नमः
क्षेत्रपालाय नमः९८०
क्षमाधाराय नमः
क्षेमक्षेत्राय नमः
क्षमाकराय नमः
क्षुद्रघ्नाय नमः
क्षान्तिदाय नमः
क्षेमाय नमः
क्षितिभूषाय नमः
क्षमाश्रयाय नमः
क्षालिताघाय नमः
क्षितिधराय नमः९९०
क्षीणसंरक्षणक्षमाय नमः
क्षणभङ्गुरसन्नद्धघनशोभिकपर्दकाय नमः
क्षितिभृन्नाथतनयामुखपङ्कजभास्कराय नमः
क्षताहिताय नमः
क्षराय नमः
क्षन्त्रे नमः
क्षतदोषाय नमः
क्षमानिधये नमः
क्षपिताखिलसन्तापाय नमः
क्षपानाथसमाननाय नमः१०००

सङ्कष्ट-चतुर्थी-व्रत-कथा

Mon, 01 Jan 0001 00:00:00 +0000

सङ्कष्ट-चतुर्थी-व्रत-कथा

(मूलम्—श्री-व्रतराजः)

ऋषय ऊचुः

दारिद्र्यशोककष्टाद्यैः पीडितानां च वैरिभिः।

राज्यभ्रष्टैर्नृपैः सर्वैः क्रियते किं शुभार्थिभिः॥१॥

धनहीनैर्नरैः स्कन्द सर्वोपद्रवपीडितैः।

विद्यापुत्रगृहभ्रष्टै रोगयुक्तैः शुभार्थिभिः॥२॥

कर्तव्यं किं वदोपायं पुनः क्षेमार्थसिद्धये।

स्कन्द उवाच

शृणुध्वं मुनयः सर्वे व्रतानामुत्तमं व्रतम्॥३॥

सङ्कष्टतरणं नामामुत्रेह सुखदायकम्।

येनोपायेन सङ्कष्टं तरन्ति भुवि देहिनः॥४॥

यद्व्रतं देवकीपुत्रः कृष्णो धर्माय दत्तवान्।

अरण्ये क्लिश्यमानाय पुनः क्षेमार्थसिद्धये॥५॥

यथा कथितवान् पूर्वं गणेशो मातरं प्रति।

तथा कथितवाञ्छ्रीशो द्वापरे पाण्डवान् प्रति॥६॥

ऋषय ऊचुः

कथं कथितवानम्बां पार्वतीं श्रीगणेश्वरः।

यथा पृच्छन्ति मुनयो लोकानुग्रहकाङ्क्षिणः॥७॥

स्कन्द उवाच

पुरा कृतयुगे पुण्ये हिमाचलसुता सती।

तपस्तप्तवती भूरि तेनालब्धः शिवः पतिः॥८॥

तदाऽस्मरत् सा हेरम्बं गणेशं पूर्वजं सुतम्।

तत्क्षणादागतं दृष्ट्वा गणेशं परिपृच्छति॥९॥

पार्वत्युवाच

स्वधास्तोत्रम्

Mon, 28 Sep 2026 00:00:00 +0000

स्वधास्तोत्रम्

श्रीनारायण उवाच

स्वधोच्चारणमात्रेण तीर्थस्नायी भवेन्नरः।

मुच्यते सर्वपापेभ्यो वाजपेयफलं लभेत्॥२७॥

स्वधा स्वधा स्वधेत्येवं यदि वारत्रयं स्मरेत्।

श्राद्धस्य फलमाप्नोति बलेश्च तर्पणस्य च॥२८॥

श्राद्धकाले स्वधास्तोत्रं यः शृणोति समाहितः।

स लभेच्छ्राद्धसम्भूतं फलमेव न संशयः॥२९॥

स्वधा स्वधा स्वधेत्येवं त्रिसन्ध्यं यः पठेन्नरः।

प्रियां विनीतां स लभेत्साध्वीं पुत्रगुणान्विताम्॥३०॥

पितॄणां प्राणतुल्या त्वं द्विजजीवनरूपिणी।

श्राद्धाधिष्ठातृदेवी च श्राद्धादीनां फलप्रदा॥३१॥

नित्या त्वं सत्यरूपासि पुण्यरूपासि सुव्रते।

आविर्भावतिरोभावौ सृष्टौ च प्रलये तव॥३२॥

ॐ स्वस्तिश्च नमः स्वाहा स्वधा त्वं दक्षिणा तथा।

निरूपिताश्चतुर्वेदैः प्रशस्ताः कर्मिणां पुनः॥३३॥

कर्मपूर्त्यर्थमेवैता ईश्वरेण विनिर्मिताः।

इत्येवमुक्त्वा स ब्रह्मा ब्रह्मलोके स्वसंसदि॥३४॥

तस्थौ च सहसा सद्यः स्वधा साविर्बभूव ह।

तदा पितृभ्यः प्रददौ तामेव कमलाननाम्॥३५॥

तां सम्प्राप्य ययुस्ते च पितरश्च प्रहर्षिताः।
स्वधास्तोत्रमिदं पुण्यं यः शृणोति समाहितः।
स स्नातः सर्वतीर्थेषु वाञ्छितं फलमाप्नुयात्॥३६॥

॥इति श्रीमद्देवीभागवते महापुराणेऽष्टादशसाहस्र्यां संहितायां नवमस्कन्धे नारायणनारदसंवादे स्वधोपाख्यानवर्णनं नाम चतुश्चत्वारिंशोऽध्यायः॥

पाण्डुरङ्गाष्टकम्

Fri, 16 Aug 2024 00:00:00 +0000

पाण्डुरङ्गाष्टकम्

महायोगपीठे तटे भीमरथ्या
वरं पुण्डरीकाय दातुं मुनीन्द्रैः।
समागत्य तिष्ठन्तमानन्दकन्दं
परब्रह्मलिङ्गं भजे पाण्डुरङ्गम्॥१॥

तटिद्वाससं नीलमेघावभासं
रमामन्दिरं सुन्दरं चित्प्रकाशम्।
वरं त्विष्टकायां समन्यस्तपादं
परब्रह्मलिङ्गं भजे पाण्डुरङ्गम्॥२॥

प्रमाणं भवाब्धेरिदं मामकानां
नितम्बः कराभ्यां धृतो येन तस्मात्।
विधातुर्वसत्यै धृतो नाभिकोशः
परब्रह्मलिङ्गं भजे पाण्डुरङ्गम्॥३॥

स्फुरत्कौस्तुभालङ्कृतं कण्ठदेशे
श्रिया जुष्टकेयूरकं श्रीनिवासम्।
शिवं शान्तमीड्यं वरं लोकपालं
परब्रह्मलिङ्गं भजे पाण्डुरङ्गम्॥४॥

शरच्चन्द्रबिम्बाननं चारुहासं
लसत्कुण्डलाक्रान्तगण्डस्थलान्तम्।
जपारागबिम्बाधरं कञ्जनेत्रं
परब्रह्मलिङ्गं भजे पाण्डुरङ्गम्॥॥५॥

किरीटोज्वलत्सर्वदिक्प्रान्तभागं
सुरैरर्चितं दिव्यरत्नैरनर्घैः।
त्रिभङ्गाकृतिं बर्हमाल्यावतंसं
परब्रह्मलिङ्गं भजे पाण्डुरङ्गम्॥॥६॥

विभुं वेणुनादं चरन्तं दुरन्तं
स्वयं लीलया गोपवेषं दधानम्।
गवां वृन्दकानन्ददं चारुहासं
परब्रह्मलिङ्गं भजे पाण्डुरङ्गम्॥७॥

अजं रुक्मिणीप्राणसञ्जीवनं तं
परं धाम कैवल्यमेकं तुरीयम्।
प्रसन्नं प्रपन्नार्तिहं देवदेवं
परब्रह्मलिङ्गं भजे पाण्डुरङ्गम्॥८॥

स्तवं पाण्डुरङ्गस्य वै पुण्यदं ये
पठन्त्येकचित्तेन भक्त्या च नित्यम्।
भवाम्भोनिधिं ते वितीर्त्वान्तकाले
हरेरालयं शाश्वतं प्राप्नुवन्ति॥९॥

॥इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ पाण्डुरङ्गाष्टकं सम्पूर्णम्॥

नर्मदाष्टकम्

Sat, 20 Jun 2020 00:00:00 +0000

नर्मदाष्टकम्

सबिन्दु-सिन्धु-सुस्खलत्-तरङ्ग-भङ्ग-रञ्जितं
द्विषत्सु पाप-जात-जातकादि-वारि-संयुतम्।
कृतान्त-दूत-काल-भूत-भीति-हारि-वर्मदे
त्वदीय-पाद-पङ्कजं नमामि देवि नर्मदे॥१॥

त्वदम्बु-लीन-दीन-मीन-दिव्य-सम्प्रदायकं
कलौ मलौघ-भार-हारि-सर्व-तीर्थ-नायकम्।
सुमच्छ-कच्छ-नक्र-चक्र-वाक-चक्र-शर्मदे
त्वदीय-पाद-पङ्कजं नमामि देवि नर्मदे॥२॥

महा-गभीर-नीर-पूर-पाप-धूत-भूतलं
ध्वनत्-समस्त-पातकारि-दारिताप-दाछलम्।
जगल्लये महाभये मृकण्डु-सूनु-हर्म्यदे
त्वदीय-पादपङ्कजं नमामि देवि नर्मदे॥३॥

गतं तदैव मे भयं त्वदम्बु वीक्षितं यदा
मृकण्डु-सूनु-शौनका-सुरारि-सेवितं सदा।
पुनर्-भवाब्धि-जन्मजं भवाब्धि-दुःख-वर्मदे
त्वदीय-पाद-पङ्कजं नमामि देवि नर्मदे॥४॥

अलक्ष्य-लक्ष-किन्नरामरासुरादि-पूजितं
सुलक्ष-नीर-तीर-धीर-पक्षि-लक्ष-कूजितम्।
वसिष्ठ-शिष्ट-पिप्पलादि-कर्दमादि-शर्मदे
त्वदीय-पादपङ्कजं नमामि देवि नर्मदे॥५॥

सनत्कुमार-नाचिकेत-कश्यपात्रि-षत्पदैः
धृतं स्वकीय-मानसेषु नारदादि-षत्पदैः।
रवीन्दु-रन्ति-देव-देवराज-कर्म-शर्मदे
त्वदीय-पाद-पङ्कजं नमामि देवि नर्मदे॥६॥

अलक्ष-लक्ष-लक्ष-पाप-लक्ष-सारसायुधं
ततस्तु जीव-जन्तु-तन्तु-भुक्ति-मुक्ति-दायकम्।
विरिञ्चि-विष्णु-शङ्कर-स्वकीय-धाम-वर्मदे
त्वदीय-पाद-पङ्कजं नमामि देवि नर्मदे॥७॥

अहो धृतं स्वनं श्रुतं महेशि-केश-जातटे
किरात-सूत-बाडबेषु पण्डिते शठे नटे।
दुरन्त-पाप-तापहारि-सर्व-जन्तु-शर्मदे
त्वदीय-पाद-पङ्कजं नमामि देवि नर्मदे॥८॥

इदं तु नर्मदाष्टकं त्रिकालमेव ये सदा
पठन्ति ते निरन्तरं न यान्ति दुर्गतिं कदा।
सुलभ्यदेहदुर्लभं महेशधामगौरवं
पुनर्भवा नरा न वै विलोकयन्ति रौरवम्॥९॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ श्री-नर्मदाष्टकम् सम्पूर्णम्॥

दक्षिणामूर्तिस्तोत्रम् समरपुङ्गवदीक्षितकृतम्

Sat, 29 Jun 2019 00:00:00 +0000

दक्षिणामूर्तिस्तोत्रम् समरपुङ्गवदीक्षितकृतम्

आधिक्यम् अस्माज्जगतोऽधिगन्तुं विश्वाधिकोक्तेर्विषयं प्रपद्ये।

कालग्रहग्राहभयापनुत्त्यै कृतान्तशिक्षाकृतिनं प्रपद्ये॥१॥

शृङ्गारभूजृम्भणवारणाय प्रसूनकोदण्डरिपुं प्रपद्ये।

विनेतुम् आर्तिं विषयाध्वजन्यां वटद्रुमाधोवसतिं प्रपद्ये॥२॥

मोहातिरेकस्मयमोषणाय पादार्दितापस्मरणं प्रपद्ये।

कर्माटवीपाटनकौतुकेन पाणौ विराजत्परशुं प्रपद्ये॥३॥

विशुद्धविज्ञानविकासहेतोः प्रबोधमुद्राभरितं प्रपद्ये।

तापत्रयाटोपसमापनाय प्रालेयधामाभरणं प्रपद्ये॥४॥

वैमल्यसम्पादनवाञ्छयाऽहं मन्दाकिनीमाल्यधरं प्रपद्ये।

प्रसादलाभं परम् ईहमानो मुग्धस्मितोल्लासिमुखं प्रपद्ये॥५॥

व्यथाम् अशेषाम् अपनेतुकामो नाम्ना मृडं नाथम् अहं प्रपद्ये।

अनाद्यविद्याशमनं प्रपद्ये नाम्ना महिम्नाऽपि च शङ्करं त्वाम्१॥६॥

सर्वज्ञतासारभृतं प्रपद्ये निस्सीमसौहित्यनिधिं प्रपद्ये।

अनादिबोधायतनं प्रपद्ये स्वतन्त्रतायाः सदनं प्रपद्ये॥७॥

हरं प्रपद्येऽहम् अलुप्तशक्तिम् अमेयसामर्थ्यम् अहं प्रपद्ये।

शिवं प्रपद्ये जनकं विधातुः ईशं हृषीकेशगुरुं प्रपद्ये॥८॥

एवं प्रपत्तिम् ईशाने तन्वते तत्त्वदर्शिनः।

तत्क्रतुन्यायरसिकाः तत्तादृशफलाप्तये॥९॥

१एतत् श्लोकार्धं श्रीचन्द्रशेखरेन्द्रसरस्वतीश्रीपादैः पूरितम् इति मद्रपुरीवास्तव्यैः प्राध्यापकवीऴिनाथमहाभागैः निवेदितम्।

धन्वन्तर्यष्टोत्तरशतनामस्तोत्रम्

Sun, 04 Nov 2018 00:00:00 +0000

धन्वन्तर्यष्टोत्तरशतनामस्तोत्रम्

ध्यानम्

शङ्खं चक्रं जलौकां दधदमृतघटं चारुदोर्भिश्चतुर्भिः
सूक्ष्मस्वच्छातिहृद्यांशुक-परिविलसन्मौलिमम्भोजनेत्रम्।
कालाम्भोदोज्ज्वलाङ्गं कटितटविलसच्चारूपीताम्बराढ्यं
वन्दे धन्वन्तरिं तं निखिलगदवनप्रौढदावाग्निलीलम्॥

स्तोत्रम्

धन्वन्तरिः सुधापूर्णकलशाढ्यकरो हरिः।

जरामृतित्रस्तदेवप्रार्थनासाधकः प्रभुः॥१॥

निर्विकल्पो निस्समानो मन्दस्मितमुखाम्बुजः।

आञ्जनेयप्रापिताद्रिः पार्श्वस्थविनतासुतः॥२॥

निमग्नमन्दरधरः कूर्मरूपी बृहत्तनुः।

नीलकुञ्चितकेशान्तः परमाद्भुतरूपधृत्॥३॥

कटाक्षवीक्षणाश्वस्तवासुकिः सिंहविक्रमः।

स्मर्तृहृद्रोगहरणो महाविष्ण्वंशसम्भवः॥४॥

प्रेक्षणीयोत्पलश्याम आयुर्वेदाधिदैवतम्।

भेषजग्रहणानेहस्स्मरणीयपदाम्बुजः॥५॥

नवयौवनसम्पन्नः किरीटान्वितमस्तकः।

नक्रकुण्डलसंशोभिश्रवणद्वयशष्कुलिः॥६॥

दीर्घपीवरदोर्दण्डः कम्बुग्रीवोऽम्बुजेक्षणः।

चतुर्भुजः शङ्खधरश्चक्रहस्तो वरप्रदः॥७॥

सुधापात्रोपरिलसदाम्रपत्रलसत्करः।

शतपद्याढ्यहस्तश्च कस्तूरीतिलकाञ्चितः॥८॥

सुकपोलः सुनासश्च सुन्दरभ्रूलताञ्चितः।

स्वङ्गुलीतलशोभाढ्यो गूढजत्रुर्महाहनुः॥९॥

दिव्याङ्गदलसद्बाहुः केयूरपरिशोभितः।

विचित्ररत्नखचितवलयद्वयशोभितः॥१०॥

समोल्लसत्सुजातांसश्चाङ्गुलीयविभूषितः।

सुधागन्धरसास्वादमिलद्भृङ्गमनोहरः॥११॥

लक्ष्मीसमर्पितोत्फुल्लकञ्जमालालसद्गलः।

लक्ष्मीशोभितवक्षस्को वनमालाविराजितः॥१२॥

नवरत्नमणीकॢप्तहारशोभितकन्धरः।

हीरनक्षत्रमालादिशोभारञ्जितदिङ्मुखः॥१३॥

विरजोऽम्बरसंवीतो विशालोराः पृथुश्रवाः।

निम्ननाभिः सूक्ष्ममध्यः स्थूलजङ्घो निरञ्जनः॥१४॥

सुलक्षणपदाङ्गुष्ठः सर्वसामुद्रिकान्वितः।

अलक्तकारक्तपादो मूर्तिमद्वार्धिपूजितः॥१५॥

सुधार्थान्योन्यसंयुध्यद् देवदैतेयसान्त्वनः।

कोटिमन्मथसङ्काशः सर्वावयवसुन्दरः॥१६॥

अमृतास्वादनोद्युक्तदेवसङ्घपरिष्टुतः।

पुष्पवर्षणसंयुक्तगन्धर्वकुलसेवितः॥१७॥

शङ्खतूर्यमृदङ्गादिसुवादित्राप्सरोवृतः।

विष्वक्सेनादियुक्पार्श्वः सनकादिमुनिस्तुतः॥१८॥

साश्चर्यसस्मितचतुर्मुखनेत्रसमीक्षितः।

साशङ्कसम्भ्रमदितिदनुवंश्यसमीडितः॥१९॥

नमनोन्मुखदेवादिमौलीरत्नलसत्पदः।

दिव्यतेजःपुञ्जरूपः सर्वदेवहितोत्सुकः॥२०॥

स्वनिर्गमक्षुब्धदुग्धवाराशिर्दुन्दुभिस्वनः।

गन्धर्वगीतापदानश्रवणोत्कमहामनाः॥२१॥

निष्किञ्चनजनप्रीतो भवसम्प्राप्तरोगहृत्।

अन्तर्हितसुधापात्रो महात्मा मायिकाग्रणीः॥२२॥

क्षणार्धमोहिनीरूपः सर्वस्त्रीशुभलक्षणः।

मदमत्तेभगमनः सर्वलोकविमोहनः॥२३॥

स्रंसन्नीवीग्रन्थिबन्धासक्तदिव्यकराङ्गुलिः।

रत्नदर्वीलसद्धस्तो देवदैत्यविभागकृत्॥२४॥

सङ्ख्यातदेवतान्यासो दैत्यदानववञ्चकः।

देवामृतप्रदाता च परिवेषणहृष्टधीः॥२५॥

उन्मुखोन्मुखदैत्येन्द्रदन्तपङ्कितविभाजकः।

पुष्पवत्सुविनिर्दिष्टराहुरक्षःशिरोहरः॥२६॥

राहुकेतुग्रहस्थानपश्चाद्गतिविधायकः।

अमृतालाभनिर्विण्णयुध्यद् देवारिसूदनः॥२७॥

गरुत्मद्वाहनारूढः सर्वेशस्तोत्रसंयुतः।

स्वस्वाधिकारसन्तुष्टशक्रवह्न्यादिपूजितः॥२८॥

मोहिनीदर्शनायातस्थाणुचित्तविमोहकः।

शचीस्वाहादिदिक्पालपत्नीमण्डलसन्नुतः॥२९॥

वेदान्तवेद्यमहिमा सर्वलोकैकरक्षकः।

राजराजप्रपूज्याङ्घ्रिश्चिन्तितार्थप्रदायकः॥३०॥

धन्वन्तरेर्भगवतो नाम्नामष्टोत्तरं शतम्।

यः पठेत्सततं भक्त्या नीरोगः सुखभाग्भवेत्॥३१॥

॥इति बृहद्ब्रह्मानन्दोपनिषदान्तर्गतं श्री-धन्वन्तर्यष्टोत्तरशतनामस्तोत्रं सम्पूर्णम्॥

चन्द्रमोपदेशः

Fri, 29 Dec 2017 00:00:00 +0000

चन्द्रमोपदेशः

शृणु वत्स वचो मेऽद्य श्रुत्वा कुरु यथेप्सितम्।

देहमूलमिदं दुःखं देहः कर्मसमुद्भवः॥१२॥

कर्म प्रवर्तते देहेऽहम्बुद्ध्या पुरुषस्य हि।

अहङ्कारस्त्वनादिः स्यादविद्यासम्भवो जडः॥१३॥

चिच्छायया सदा युक्तस्तप्तायःपिण्डवत् सदा।

तेन देहस्य तादात्म्याद्देहश्चेतनवान् भवेत्॥१४॥

देहोऽहमिति बुद्धिः स्यादात्मनोऽहङ्कृतेर्बलात्।

तन्मूल एष संसारः सुखदुःखादिसाधकः॥१५॥

आत्मनो निर्विकारस्य मिथ्या तादात्म्यतः सदा।

देहोऽहं कर्मकर्ताऽहमिति सङ्कल्प्य सर्वदा॥१६॥

जीवः करोति कर्माणि तत्फलैर्बद्ध्यतेऽवशः।

ऊर्ध्वाधो भ्रमते नित्यं पापपुण्यात्मकः स्वयम्॥१७॥

कृतं मयाऽधिकं पुण्यं यज्ञदानादि निश्चितम्।

स्वर्गं गत्वा सुखं भोक्ष्य इति सङ्कल्पवान् भवेत्॥१८॥

तथैवाध्यासतस्तत्र चिरं भुक्त्वा सुखं महत्।

क्षीणपुण्यः पतत्यर्वागनिच्छन् कर्मचोदितः॥१९॥

पतित्वा मण्डले चेन्दोस्ततो नीहारसंयुतः।

भूमौ पतित्वा व्रीह्यादौ तत्र स्थित्वा चिरं पुनः॥२०॥

भूत्वा चतुर्विधं भोज्यं पुरुषैर्भुज्यते ततः।

रेतो भूत्वा पुनस्तेन ऋतौ स्त्रीयोनिसिञ्चितः॥२१॥

योनिरक्तेन संयुक्तं जरायुपरिवेष्टितम्।

दिनेनैकेन कललं भूत्वा रूढत्वमाप्नुयात्॥२२॥

तत्पुनः पञ्चरात्रेण बुद्बुदाकारतामियात्।

सप्तरात्रेण तदपि मांसपेशित्वमाप्नुयात्॥२३॥

पक्षमात्रेण सा पेशी रुधिरेण परिप्लुता।

तस्या एवाङ्कुरोत्पत्तिः पञ्चविंशतिरात्रिषु॥२४॥

ग्रीवा शिरश्च स्कन्धश्च पृष्ठवंशस्तथोदरम्।

पञ्चधाङ्गानि चैकैकं जायन्ते मासतः क्रमात्॥२५॥

पाणिपादौ तथा पार्श्वः कटिर्जानु तथैव च।

मासद्वयात् प्रजायन्ते क्रमेणैव न चान्यथा॥२६॥

त्रिभिर्मासैः प्रजायन्ते अङ्गानां सन्धयः क्रमात्।

सर्वाङ्गुल्यः प्रजायन्ते क्रमान्मासचतुष्टये॥२७॥

नासा कर्णौ च नेत्रे च जायन्ते पञ्चमासतः।

दन्तपङ्क्तिर्नखा गुह्यं पञ्चमे जायते तथा॥२८॥

अर्वाक् षण्मासतश्छिद्रं कर्णयोर्भवति स्फुटम्।

पायुर्मेढ्रमुपस्थं च नाभिश्चापि भवेन्नृणाम्॥२९॥

सप्तमे मासि रोमाणि शिरः केशास्तथैव च।

विभक्तावयवत्वं च सर्वं सम्पद्यतेऽष्टमे॥३०॥

जठरे वर्धते गर्भः स्त्रिया एवं विहङ्गम।

पञ्चमे मासि चैतन्यं जीवः प्राप्नोति सर्वशः॥३१॥

नाभिसूत्राल्परन्ध्रेण मातृभुक्तान्नसारतः।

वर्धते गर्भतः पिण्डो न म्रियेत स्वकर्मतः॥३२॥

स्मृत्वा सर्वाणि जन्मानि पूर्वकर्माणि सर्वशः।

जठरानलतप्तोऽयमिदं वचनमब्रवीत्॥३३॥

नानायोनिसहस्रेषु जायमानोऽनुभूतवान्।

पुत्रदारादिसम्बन्धं कोटिशः पशुबान्धवान्॥३४॥

कुटुम्बभरणासक्त्या न्यायान्यायैर्धनार्जनम्।

कृतं नाकरवं विष्णुचिन्तां स्वप्नेऽपि दुर्भगः॥३५॥

इदानीं तत्फलं भुञ्जे गर्भदुःखं महत्तरम्।

अशाश्वते शाश्वतवद्देहे तृष्णासमन्वितः॥३६॥

अकार्याण्येव कृतवान्न कृतं हितमात्मनः।

इत्येवं बहुधा दुःखमनुभूय स्वकर्मतः॥३७॥

कदा निष्क्रमणं मे स्याद्गर्भान्निरयसन्निभात्।

इत ऊर्ध्वं नित्यमहं विष्णुमेवानुपूजये॥३८॥

इत्यादि चिन्तयन् जीवो योनियन्त्रप्रपीडितः।

जायमानोऽतिदुःखेन नरकात्पातकी यथा॥३९॥

पूतिव्रणान्निपतितः कृमिरेष इवापरः।

ततो बाल्यादिदुःखानि सर्व एवं विभुञ्जते॥४०॥

त्वया चैवानुभूतानि सर्वत्र विदितानि च।

न वर्णितानि मे गृध्र यौवनादिषु सर्वतः॥४१॥

एवं देहोऽहमित्यस्मादभ्यासान्निरयादिकम्।

गर्भवासादिदुःखानि भवन्त्यभिनिवेशतः॥४२॥

तस्माद् देहद्वयादन्यमात्मानं प्रकृतेः परम्।

ज्ञात्वा देहादिममतां त्यक्त्वाऽऽत्मज्ञानवान् भवेत्॥४३॥

जाग्रदादिविनिर्मुक्तं सत्यज्ञानादिलक्षणम्।

शुद्धं बुद्धं सदा शान्तमात्मानमवधारयेत्॥४४॥

चिदात्मनि परिज्ञाते नष्टे मोहेऽज्ञसम्भवे।

देहः पततु वाऽरब्धकर्मवेगेन तिष्ठतु॥४५॥

योगिनो न हि दुःखं वा सुखं वाऽज्ञानसम्भवम्।

तस्माद् देहेन सहितो यावत्प्रारब्धसङ्क्षयः॥४६॥

तावत्तिष्ठ सुखेन त्वं धृतकञ्चुकसर्पवत्।
॥इति श्रीमदध्यात्मरामायणे उमामहेश्वरसंवादे किष्किन्धाकाण्डे
अष्टमे सर्गे चन्द्रमोपदेशः सम्पूर्णः॥

दुर्गास्तोत्रम्

Sat, 03 Jun 2017 00:00:00 +0000

दुर्गास्तोत्रम्

श्री-नारायण उवाच

स्तोत्रं च श्रूयतां ब्रह्मन् सर्वविघ्नविनाशकम्।

सुखदं मोक्षदं सारं भवसन्तारकारणम्॥

श्रीकृष्ण उवाच

त्वमेव सर्वजननी मूलप्रकृतिरीश्वरी।

त्वमेवाऽऽद्या सृष्टिविधौ स्वेच्छया त्रिगुणात्मिका॥१॥

कार्यार्थे सगुणा त्वं च वस्तुतो निर्गुणा स्वयम्।

परब्रह्मस्वरूपा त्वं सत्या नित्या सनातनी॥२॥

तेजःस्वरूपा परमा भक्तानुग्रहविग्रहा।

सर्वस्वरूपा सर्वेशा सर्वाधारा परात्परा॥३॥

सर्वबीजस्वरूपा च सर्वपूज्या निराश्रया।

सर्वज्ञा सर्वतोभद्रा सर्वमङ्गलमङ्गला॥४॥

सर्वबुद्धिस्वरूपा च सर्वशक्तिस्वरूपिणी।

सर्वज्ञानप्रदा देवी सर्वज्ञा सर्वभाविनी॥५॥

त्वं स्वाहा देवदाने च पितृदाने स्वधा स्वयम्।

दक्षिणा सर्वदाने च सर्वशक्तिस्वरूपिणी॥६॥

निद्रा त्वं च दया त्वं च तृष्णा त्वं चाऽऽत्मनः प्रिया।

क्षुत्क्षान्तिः शान्तिरीशा च कान्तिस्तुष्टिश्च शाश्वती॥७॥

श्रद्धा पुष्टिश्च तन्द्रा च लज्जा शोभा प्रभा तथा।

सतां सम्पत्स्वरूपा श्रीर्विपत्तिरसतामिह॥८॥

प्रीतिरूपा पुण्यवतां पापिनां कलहाङ्कुरा।

शश्वत्कर्ममयी शक्तिः सर्वदा सर्वजीविनाम्॥९॥

देवेभ्यः स्वपदो दात्री धातुर्धात्री कृपामयी।

हिताय सर्वदेवानां सर्वासुरविनाशिनी॥१०॥

योगनिद्रा योगरूपा योगदात्री च योगिनाम्।

सिद्धिस्वरूपा सिद्धानां सिद्धिदा सिद्धियोगिनी॥११॥

माहेश्वरी च ब्रह्माणी विष्णुमाया च वैष्णवी।

भद्रदा भद्रकाली च सर्वलोकभयङ्करी॥१२॥

ग्रामे ग्रामे ग्रामदेवी गृहदेवी गृहे गृहे।

सतां कीर्तिः प्रतिष्ठा च निन्दा त्वमसतां सदा॥१३॥

महायुद्धे महामारी दुष्टसंहाररूपिणी।

रक्षास्वरूपा शिष्टानां मातेव हितकारिणी॥१४॥

वन्द्या पूज्या स्तुता त्वं च ब्रह्मादीनां च सर्वदा।

ब्राह्मण्यरूपा विप्राणां तपस्या च तपस्विनाम्॥१५॥

विद्या विद्यावतां त्वं च बुद्धिर्बुद्धिमतां सताम्।

मेधा स्मृतिस्वरूपा च प्रतिभा प्रतिभावताम्॥१६॥

राज्ञां प्रतापरूपा च विशां वाणिज्यरूपिणी।

सृष्टौ सृष्टिस्वरूपा त्वं रक्षारूपा च पालने॥१७॥

तथाऽन्ते त्वं महामारी विश्वे विश्वैश्च पूजिते।

कालरात्रिर्महारात्रिर्मोहरात्रिश्च मोहिनी॥१८॥

दुरत्यया मे माया त्वं यया सम्मोहितं जगत्।

यया मुग्धो हि विद्वांश्च मोक्षमार्गं न पश्यति॥१९॥

फलश्रुतिः

इत्यात्मना कृतं स्तोत्रं दुर्गाया दुर्गनाशनम्।

पूजाकाले पठेद्यो हि सिद्धिर्भवति वाञ्छिता॥२०॥

वन्ध्या च काकवन्ध्या च मृतवत्सा च दुर्भगा।

श्रुत्वा स्तोत्रं वर्षमेकं सुपुत्रं लभते ध्रुवम्॥२१॥

कारागारे महाघोरे यो बद्धो दृढबन्धने।

श्रुत्वा स्तोत्रं मासमेकं बन्धनान्मुच्यते ध्रुवम्॥२२॥

यक्ष्मग्रस्तो गलत्कुष्ठी महाशूली महाज्वरी।

श्रुत्वा स्तोत्रं वर्षमेकं सद्यो रोगात् प्रमुच्यते॥२३॥

पुत्रभेदे प्रजाभेदे पत्‍‌नीभेदे च दुर्गतः।

श्रुत्वा स्तोत्रं मासमेकं लभते नात्र संशयः॥२४॥

राजद्वारे श्मशाने च महारण्ये रणस्थले।

हिंस्रजन्तुसमीपे च श्रुत्वा स्तोत्रं प्रमुच्यते॥२५॥

गृहदाहे च दावाग्नौ दस्युसैन्यसमन्विते।

स्तोत्रश्रवणमात्रेण लभते नात्र संशयः॥२६॥

महादरिद्रो मूर्खश्च वर्षं स्तोत्रं पठेत् तु यः।

विद्यावान् धनवांश्चैव स भवेन्नात्र संशयः॥२७॥

॥इति श्रीब्रह्मवैवर्तमहापुराणे प्रकृतिखण्डे षट्षष्टितमेऽध्याये श्री-नारद-नारायण-संवादे दुर्गोपाख्याने श्री-कृष्णविरचितं श्री-दुर्गास्तोत्रं सम्पूर्णम्॥

एकश्लोकि रामायणम्

Thu, 10 Jul 2014 00:00:00 +0000

Ekashloki

एकश्लोकि रामायणम्

आदौ रामतपोवनादिगमनं हत्वा मृगं काञ्चनं
वैदेहीहरणं जटायुमरणं सुग्रीवसम्भाषणम्।
वालीनिर्दलनं समुद्रतरणं लङ्कापुरीदाहनं
पश्चाद्रावणकुम्भकर्णहननमेतद्धि रामायणम्॥

PDF:A5 / print Kindle Kindle Scribe

चन्द्राष्टविंशतिनामस्तोत्रम्

Thu, 10 Jul 2014 00:00:00 +0000

Nama Stotram

चन्द्राष्टविंशतिनामस्तोत्रम्

चन्द्रस्य शृणु नामानि शुभदानि महीपते।

यानि श्रुत्वा नरो दुःखान्मुच्यते नात्र संशयः॥१॥

सुधाकरो विधुः सोमो ग्लौरब्जः कुमुदप्रियः।

लोकप्रियः शुभ्रभानुश्चन्द्रमा रोहिणीपतिः॥२॥

शशी हिमकरो राजा द्विजराजो निशाकरः।

आत्रेय इन्दुः शीतांशुरोषधीशः कलानिधिः॥३॥

जैवातृको रमाभ्राता क्षीरोदार्णवसम्भवः।

नक्षत्रनायकः शम्भुशिरश्चूडामणिर्विभुः॥४॥

तापहर्ता नभोदीपो नामान्येतानि यः पठेत्।

प्रत्यहं भक्तिसंयुक्तस्तस्य पीडा विनश्यति॥५॥

तद्दिने च पठेद्यस्तु लभेत्सर्वं समीहितम्।

ग्रहादीनां च सर्वेषां भवेच्चन्द्रबलं सदा॥६॥

॥इति श्री-चन्द्राष्टविंशतिनामस्तोत्रं सम्पूर्णम्॥

PDF:A5 / print Kindle Kindle Scribe

भज गोविन्दम्

Thu, 10 Jul 2014 00:00:00 +0000

भज गोविन्दम्

भज गोविन्दं भज गोविन्दं
गोविन्दं भज मूढमते।
सम्प्राप्ते सन्निहिते काले
न हि न हि रक्षति डुकृञ् करणे॥१॥

मूढ जहीहि धनागमतृष्णां
कुरु सद्बुद्धिं मनसि वितृष्णाम्।
यल्लभसे निजकर्मोपात्तं
वित्तं तेन विनोदय चित्तम्॥२॥

नारीस्तनभरनाभीदेशं
दृष्ट्वा मा गा मोहावेशम्।
एतन्मांसावसादि विकारं
मनसि विचिन्तय वारं वारम्॥३॥

नलिनीदलगतजलमतितरलं
तद्वज्जीवितमतिशयचपलम्।
विद्धि व्याध्यभिमानग्रस्तं
लोकं शोकहतं च समस्तम्॥४॥

यावद्वित्तोपार्जन-सक्तः
तावन्निज-परिवारो रक्तः।
पश्चाज्जीवति जर्जरदेहे
वार्तां कोऽपि न पृच्छति गेहे॥५॥

यावत् पवनो निवसति देहे
तावत् पृच्छति कुशलं गेहे।
गतवति वायौ देहापाये
भार्या बिभ्यति तस्मिन् काये॥६॥

बालस्तावत्क्रीडासक्तः
तरुणस्तावत्तरुणीसक्तः।
वृद्धस्तावच्चिन्तासक्तः
परे ब्रह्मणि कोऽपि न सक्तः॥७॥

का ते कान्ता कस्ते पुत्रः
संसारोऽयमतीव विचित्रः।
कस्य त्वं कः कुत आयातः
तत्त्वं चिन्तय तदिह भ्रातः॥८॥

सत्सङ्गत्वे निःसङ्गत्वं
निःसङ्गत्वे निर्मोहत्वम्।
निर्मोहत्वे निश्चलितत्त्वं
निश्चलितत्त्वे जीवन-मुक्तिः॥९॥

वयसि गते कः कामविकारः
शुष्के नीरे कः कासारः।
क्षीणे वित्ते कः परिवारः
ज्ञाते तत्त्वे कः संसारः॥१०॥

मा कुरु धनजनयौवनगर्वं
हरति निमेषात् कालः सर्वम्।
मायामयमिदमखिलं हित्वा
ब्रह्मपदं त्वं प्रविश विदित्वा॥११॥

दिनयामिन्यौ सायं प्रातः
शिशिरवसन्तौ पुनरायातः।
कालः क्रीडति गच्छत्यायुः
तदपि न मुञ्चत्याशावायुः॥१२॥

द्वादशमञ्जरिकाभिरशेषः
कथितो वैयाकरणस्यैषः।
उपदेशो भूद्विद्यानिपुणैः
श्रीमच्छङ्करभगवच्छरणैः॥

का ते कान्ता धनगतचिन्ता
वातुल किं तव नास्ति नियन्ता।
त्रिजगति सज्जनसङ्गतिरेका
भवति भवार्णवतरणे नौका॥१३॥

जटिलो मुण्डी लुञ्छितकेशः
काषायाम्बरबहुकृतवेषः।
पश्यन्नपि चन पश्यति मूढः
उदरनिमित्तं बहुकृतवेषः॥१४॥

अङ्गं गलितं पलितं मुण्डं
दशनविहीनं जातं तुण्डम्।
वृद्धो याति गृहीत्वा दण्डं
तदपि न मुञ्चत्याशापिण्डम्॥१५॥

अग्रे वह्निः पृष्ठे भानुः
रात्रौ चुबुकसमर्पितजानुः।
करतलभिक्षस्तरुतलवासः
तदपि न मुञ्चत्याशापाशः॥१६॥

कुरुते गङ्गासागरगमनं
व्रतपरिपालनमथवा दानम्।
ज्ञानविहीनः सर्वमतेन
मुक्तिं न भजति जन्मशतेन॥१७॥

सुरमन्दिर-तरुमूल-निवासः
शय्या भूतलमजिनं वासः।
सर्व-परिग्रह भोगत्यागः
कस्य सुखं न करोति विरागः॥१८॥

योगरतो वा भोगरतो वा
सङ्गरतो वा सङ्गविहीनः।
यस्य ब्रह्मणि रमते चित्तं
नन्दति नन्दति नन्दत्येव॥१९॥

भगवद्गीता किञ्चिदधीता
गङ्गाजललव-कणिका पीता।
सकृदपि येन मुरारि समर्चा
क्रियते तस्य यमेन न चर्चा॥२०॥

पुनरपि जननं पुनरपि मरणं
पुनरपि जननी-जठरे शयनम्।
इह संसारे बहुदुस्तारे
कृपयाऽपारे पाहि मुरारे॥२१॥

रथ्या-चर्पट-विरचित-कन्थः
पुण्यापुण्य-विवर्जित-पन्थः।
योगी योगनियोजित चित्तो
रमते बालोन्मत्तवदेव॥२२॥

कस्त्वं कोऽहं कुत आयातः
का मे जननी को मे तातः।
इति परिभावय सर्वमसारं
विश्वं त्यक्त्वा स्वप्नविचारम्॥२३॥

त्वयि मयि चान्यत्रैको विष्णुः
व्यर्थं कुप्यसि मय्यसहिष्णुः।
सर्वस्मिन्नपि पश्यात्मानं
सर्वत्रोत्सृज भेदाज्ञानम्॥२४॥

शत्रौ मित्रे पुत्रे बन्धौ
मा कुरु यत्नं विग्रहसन्धौ।
भव समचित्तः सर्वत्र त्वं
वाञ्छस्यचिराद्यदि विष्णुत्वम्॥२५॥

कामं क्रोधं लोभं मोहं
त्यक्त्वाऽऽत्मानं भावय कोऽहम्।
आत्मज्ञानविहीना मूढाः
ते पच्यन्ते नरकनिगूढाः॥२६॥

गेयं गीता नामसहस्रं
ध्येयं श्रीपति-रूपमजस्रम्।
नेयं सज्जन-सङ्गे चित्तं
देयं दीनजनाय च वित्तम्॥२७॥

सुखतः क्रियते रामाभोगः
पश्चाद्धन्त शरीरे रोगः।
यद्यपि लोके मरणं शरणं
तदपि न मुञ्चति पापाचरणम्॥२८॥

अर्थमनर्थं भावय नित्यं
नास्ति ततः सुखलेशः सत्यम्।
पुत्रादपि धनभाजां भीतिः
सर्वत्रैषा विहिता रीतिः॥२९॥

प्राणायामं प्रत्याहारं
नित्यानित्य-विवेकविचारम्।
जाप्यसमेत-समाधिविधानं
कुर्ववधानं महदवधानम्॥३०॥

गुरुचरणाम्बुज-निर्भर-भक्तः
संसारादचिराद्भव मुक्तः।
सेन्द्रियमानस-नियमादेवं
द्रक्ष्यसि निजहृदयस्थं देवम्॥३१॥

मूढः कश्चन वैयाकरणो
डुकृञ्करणाध्ययन-धुरिणः।
श्रीमच्छङ्कर-भगवच्छिष्यैः
बोधित आसिच्छोधितकरणः॥३२॥

भज गोविन्दं भज गोविन्दं
गोविन्दं भज मूढमते।
नामस्मरणादन्यमुपायं
न हि पश्यामो भवतरणे॥३३॥

॥इति श्रीमत्परमहंसपरिव्राजकाचार्यस्य श्री-गोविन्द-भगवत्पूज्य-पाद-शिष्यस्य
श्रीमच्छङ्करभगवतः कृतौ भज गोविन्दं सम्पूर्णम्॥